رواية أخطاء لايُمحيها الزمن الفصل التاسع عشر 19 - بقلم أنثى 🪽 ملائكية

انثى 💜 ملائكيه

اخطاء لايُمحيها الزمن

بارت طويل رجاءً تصويت قبل القرأه..

شجاني وبس حزن وهموم .. ياريت
وحسافه الدنيا دوم وياي .. ياريت
عندي  اعزاز  كون  يجون .. ياريت
اريد اشكيلهم عل صار بيه

...
يسر ....تحجي وصايره اعصاب.....علي داروح للدرس ومناك امر بيت خالك ...

علي ... عافتني ومشت نفخت بتعب وتمددت على القنفه الدمعه بعيوني جريت كمية هوا اريد اتنفس ماكدر گلبي تشنج من سمعت الخبر من هسا دافكر بسمها وشنو اشتريلها تاليتها اتفاجئ بخبر مشوها دخيلك ربي كمت ماعرف شفكر او شحجي بداخلي احس ممستوعب الخبر لحد الان ......

...........................

جوري.... اني كاعده بغرفة اهلي مخليه دوبلر بيدي اباوع عليه وابجي اتنگع من دموعي شهكه موتتني احس گلبي تگطع مية وصله لزمت بطني واحجي بكلمات متقاطعه ...حبيبت امها حياتي انتي احبج حتى لو مكامله الاهم انتي قطعه من گلبي .... مابطلت بجي والالم موتني والخنگه احسها مثل الحبل ملتف على ماعرف شفكر بس اريد بنتي تكون سليمة فصلت عن الكل خليت البجي والحزن مسيطر عليه.......  رفعت راسي و ماشوف غير تجي عمتي تهد عليه ارتديت الي ورا احمي بطني جان نظراتها غاضبه مليانه كره وحقد خفت من يمها  صارت تتعارك وضلت تصيح عليه بغضب شنو ذنبي شنو الي بيدي حتى هيج يسوون وياي هاي خلقت الله قابل بيدي ....

يسر ....بعصبيه وتأشر بصبعها بتهديد....  لجج هذا كله صووج منج احنه منريد طفل مشوه تولين للدكتوره تنزلي فاااهمه لو لا ..

جوري ....خليت ايدي ع حلكي كلام عمتي جان خناجير بكلبي كلشي مجاوبتها عفتها ورحت للغرفه ابجي واعيط تهسترت وكعت بلكاع اضرب واملخ بروحي وبحركة گلب رفعت راسي و دعيت عليهم..... ررربي انتقملي منهم اللهي وسيدي ومولاي دعوة مظلوم بجاه هذا شهر رمضان الفضيل عندك ربي..واصرخ هرجت البيت كله اجت ماما تركض عليها وبيبي ...

بيبي ...بحزن ...كومي يعمري لاتسوين هيج بروحج...

جوري ..باوعت عمتي واكفه بكل صلافه وتحجي وترجف امي خطيه تحجي وسايس الوضع وهي تتعارك....

يسر ..... بغضب ....اذا ماتذب طفل اطلكها وازوج فهمي بنتج اذا اصرت تحتفظ تخسر علي ....

دخلت ايات اخت يسر وتحجي بحرگة گلب ... عود هاي انتي تقرين قران وتخافين الله هيج تحجين ام مهند حرام عليج والي يقرر جوري وعلي هذا طفلهم..

يسر .....سكتي ايات انتي ماتدرين بيها شنو لاتدخلين رجاء حفيدي وحراا بي ...

جوري ....واكفه محترك گلبي ودنيا نگلبت بالصياح ضلن يتعاركن بعد بس كتل متكاتلن تالي عافتها وراحت للدرس واني باقيه ع كعدتي ادهك وابجي ...

اجه عمي صالح شافني بهاي الحاله كلش انقهر وضل يسب ويحجي اجه ليمي ..

صالح ....يااا جوري ام ضحكه الحلوة شصاير بيج خليج قويه عمو بعدج صغيرا ...

جوري ...دموعي تجري وكوا احجي ..يا ضحكه عمو اني مثل الشمعه طفيت بعدني صغيرا وكلشي شفت بحياتي ولايوم ارتاحيت احس كبرت مية سنه ...

صالح ..بقهر ... كومي حبيبتي عمو تعاي احجي وياج...

جوري ..بهذا الوقت هواي احتاجيت علي بس هوا مثل حالتي مقهور هسا منو يمه يخفف وجعه مثل طفله اخذ ايدي وكمت رحت للمغسله اذب ماي ع وجهي واشهك تعبت ياربي شنو بعد الي راح اشوفه بحياتي رحت ليمهم لكيت كاعدين عمتي براء وندى وعمو وبن عمي حيدر وبيبي وامي...

مشيت بتعب و كعدت خليت ايدي راسي حته مسلمت ع حيدر مالي خلك هو بس شافني ابجي ...

حيدر ... بقلق .. شبيها جوري صاير شي ومادري...

  ندى ...همست... خطيه بنتها طلعت مشوهه...

جوري....احس طلقه صارت بنص گلبي وصلت  حجايتها بترس اذني عطت بيها وكمت ابجي واهز راسي..... لا لا بنتي مامشوهه والله بنتي مامشوهه لاتگولون هيج كلشي مابيها والله شفتها تمص بصبعها   ....

بيبي .....سلاماً قولاً من رب الرحيم شبيج جوري هسه منو كلج هيج احد فتح حلكه يابنتي اهدي ...

جوري ...فتحت اعيوني وأشر على ندى ... بناتج ديحجين ماريد احد يكول مشوهه لو يجيب طاري بنتي ...

صالح ...بهدوء .... جوري حبيبتي سمعيني احجي..

جوري ...هزيت براسي بمعنى اي..

صالح ....كلي كولي ياالله عمو انتي مو اول وحده صارت وياج قبل فتره صاحبي خابرني وهم جان ضايج ع مرته هم حامل بتوم ومسويه سونر ملون وكايليها اطفالج مشوهين خطيه ومتخبله مرته مخلت شي مسوته حته ايسو اخر شي دخلت بشهرها وجابتهم كلشي مابيهم لاتشوهات ولاشي خلي يولون ذول دكاتره عمو يحجون بكيفهم انشاءلله انتي هم تجيبن وكلشي مابي بحق محمد وال محمد وترى هواي سامع ويكولون بسونر يكلون طفل مشوهه وتالي يجي مثل الورد.

ام جوري ........ ع بخته موسى بن جعفر وهيج ويجي مابي شي ....

صالح .. انشااءلله مو بعيده عندالله....

ندى ....اكلج ام احمد اخذيها باجر للكاظم زوريها وخلي تطلب امراد ...

بيبي......لا ناخذها هسا ونروح..

ام جوري.... باوعت ساعه 9بليل.... لا عمه مضل وكت باجر انشاءلله ناخذها...

بيبي ...  هاهيه لعد.....

..............................

علي....بعد الخنكه وضوجه طلعت يم سجاد واني عقل براسي ماكو مجاي اعرف شديصير كاعد
ويه سجاد اشرب اركيله وهنا ويدك موبايلي هذا خاالي صالح يخابر...جاوبته ها خالي ...

صالح .....علي وين انته جوري مجايه تسكت متجي يمها انته تحاجيها كاعد بلكهاوي وعايف مرتك وجتي امك تصيح وتتعارك وياها يصير هيج كلكم عليها والمسكينه مالها ذنب ضل..

علي ...قبضت ايدي بقوا وحيل صرت اعصاب هوا يحجي ويعد نهيت الاتصال منه بس صارت عيوني بكصتي نزلت لبيت اهلي ادور امي شنو شمسويه وشكايله حتى هيج كلها تحجي عليها ملكيتها بلبيت شفت مروه بغرفتها تقره نترت بيها بصوت عالي وهي جفلت .....امي وووين...

مروة ...  بلدرس شبيك علي صاير شي ...

علي ....عطت بيها ....شنو شمسويه وشكايله جوري كدام اهلها شنو صوج منها هيه هاي هم احجايه تحجيها شلووون يعني وياكم .....طلعت قهري بـ مروه خطيه هيه ضلت صافنه بوجهي تالي عفت وطلعت ياربي شسوي حسيت نفسي حيل مخنوك خابرت ع سجاد وكتله امشي نطلع خارج منطقه طلعنه ورحنه للكورنيش كدامنه الشط رجعنه عمرنه اركيله لل1بليل يلا رجعت للبيت.

... ام مهند جانت راجعه من الدرس اول مدخلت بيتها لكت بناتها كلهن موجودات سامعات بلخبر وكاعده ومسولفتلهن....

مروه ....اكلج يمه اني بيه عليه يجي علي يصيح ويتعارك ويايه ويكفر...

يسر.... بعصبية... شنوو وشوكت اجا وتعارك وياج...

مروة.... اجه مثل خبل ضل يدور عليج واجه نهد بيه وطلع وخلاني ابجي..

يسر ...بهدوء ...ميخالف يمه بس خلي يجي احسابي ويا طابك ويه مرته موو.....

. جوري كاعده وبيبي تقنع بيه ارجع عندهم واني ماريد اروح من وره عمتي لحد مجبرتني اخذتني غصباً عليه ورحت اول مدخلنه اني وبيبي نسمع صوت صياح عمتي وعلي جاي يتعاركون سمعتها...

يسر ...بعياط .. اختك شكو تولي وتتعارك وياه
يمك حواليك معليك بيها فاهم...

جوري ... وهو مدري شيكلها بصياح اجت بيبي وخنزرت بوجهه...

بيبي....بصياح ... علي لك ادبسزز شكبرك شطولك كاعد وتصيح ع امك هاي هيج تتعامل ويه امك وتعلي صوتك عليها وع شي تاااافه...

جوري ... علي خنس وسكت رجعت باوعت ع بنتها...

بيبي ... وانتي شعندج مهدوده عليه ...

يسر .... يمه قهرني شكو ديروح ع اخته المسكينه اشو كاعده وحاطه كتبها وفوكها بجاها اله بنتي مروه ماريد احد يندالها كان ميكون..

جوري ...طبعا عمتي هواي متعلقه بنتها عندها هيه وبس صح عندها بعد بنات بس مو مثل مروه تخاف عليها من كلشي ومتقبل احد يمسها بشي.

...بعدين ضلت بيبي تصيح وياهم وصوتهم واصل سابع جار واني ساكته كاعده ع صفحا وابجي ع حضي بعدين اجت بيبي وكومتني من ايدي ..

بيبي ... امشي بنتي متبقين هنا...

جوري ... واخذتني ورجعت اهلي.

.بعد مرور ساعه اجانه اتصال انو عمتي ام مهند نايمه بلفراش متكدر تتحرك بسبب ضهرها ومتكدر تمشي ع رجليها..

... عرفت هاي حوبتي طلعت بيها ..

ام جوري ...بأسى ..  يمه شلون هيج تدعين عليها...

جوري ...  اللهم لاشماته بس يمه حيل جرحتني بحجايتها الله ينتقملي بكلمن يئذيني..

...لثاني يوم واني نفس الحال ماعندي غير بس بواجي اخذتني امي وبيبي للكاظم انزور حتى ارتاح بس بلعكس اني جنت اعصابي تلفانه ومهدود حيلي..

وصلنه للتفتيش جنت مخليه شاحنه بلجنطه ناسيتها مقبلت تدخل شاحنه كتلها ....خاله مابيها شي هيه شاحنه... مقبلت عندت اله ترحين ترجعيها للامانات واني هنا صكيت سنوني وجيت انهد بيها وتعارك بس امي جرت مني شاحنه وراحت ودتها...

.. المهم دخلنه زرنه واني كوه امشي بطني كلش جبيره وثكل مال طفل يتعب زرت الامام وشكيت كل همومي صرت ابجي من كل گلبي وامسح على بطني نسوان ضلن يباوعن عليه لان ابجي بحرگه گلب وبيبي طبطب على جتافي ...

مر الوقت وصارت ساعه 10بليل طلعنه من الامام عليه السلام دناخذ شاحنه والموبايلات وهنا ونلكه الامانات مغلقه اني منه مقهورا وضجت حيل واحد منهم كال محوليها للامانات رحنه ع ثانيه استلمنه بس موبايلات وشاحنه مالتي ماكو.... يابه وين شاحنه...

...خويه تعاي باجر استلميها ...

جوري ...اني ضجت عود شنو معنها باجر كتله بغضب ..... شوف اكلك اذا ماتطلعلي شاحنه اكلبها عزه عليك فاهم ....امي كرصتني بيدي...

ام جوري.... لج يمه سكتي عيب هيج تحجين...

جوري ... لا مو عيب هاي شاحنتي ...باوعته وخنزرت عليه..... يلا وين شاحنه ...

.... اختي شنو سالفه داكلج مو يمي باجر تعاي اخذيها..

جوري ...غمضت اعيوني وكلت.... استغفرالله شوف مال باجر منكدر نجي يعني ضروري هسه جيبلي شاحنه....  ضليت اصيح ع زلم اجوي الحرس كلهم واكفين وهو واحد منهم ضل صافن عليه بيبي تهدي بيه .... اليوم ماتحرك من مكاني اذا ماتجيني شاحنه...

الحارس..... يمعود كامرات فوك راسك فضها للسالفه هسه مابينه حيل

راح صاحبه ركض جاب كومه شاحنات .... هاي كلها مال اليوم بس ماعرف ياهو شاحنتج ...

جوري ... اني اعرفها رحت يمه كلبت بشاحنات والله لكيتها اخذتها ومشيت وبيبي ضلت تتعذر منهم وماما تعاركت ويايه وني عليت صوتي عليها صرت عصبيه هواي طلعت كل قهري بلزلم خطيه همه رجفو مني رجعنه للبيت لكينه ازهار جايه بوستها وابجي وهيه تواسيني وتبجي وياي بعدين اجوي بيت عمي يوسف وشهباء هم اجت صارلي سنين مشايفتها اول مشافتني اجت ركضت عليه وحضنتني ....

شهباء ....شلونج يروحي مشتاقتلج كد رحمه الله..

جوري ...يعمري انتي واني اكثر مشتاقتلج شخبارج..

شهباء ... الحمدالله جوري شكد متغيره انتي ليش هلكد ذبلانه هاي مو جوري االي اعرفها على طول جنتي تضحكين وتسولفين ليش هيج صايره...

جوري .. حجيت بغصه مليانه قهر ... الف حمدالله  ....وسكتت ماكدر احجي الي بداخلي اتعب وجرحي بعدا ينزف وكلساع يجي واحد يلجمني ... كعدنه نسولف وسولفت ع حالها هم من طرحت...

شهباء ... والله حاسه بيج بس الحمدالله كله من صالحنه ...

عمو يوسف هم كعد يسولف وياي...

يوسف..... بنتي عليش تنقهرين وتبجين الك الك ميصير لغيرك ربج هو اعرف بحالج شمكتوبلج شوفي وضل يكسر عليه..بس اني كل ماواحد
يجي يواسيني اضل ابجي كانو يرشون ملح على جروحي....

..............................

علي .... طول اليوم كضيته بس نوم اكو ناس من تنقهر لو تكسر لو تبجي لو تسمع اغاني أما اني من انقهر ابقى بس نايم نمت ومادري شوكت من تفكير وقلق انسطرت هم لو اشرب منوم مانام بهثگل...

كعدت راسي يوجعني يريد ينفجر لكيت امي نايمه بلفراش وتون من وجعها تخبلت رحت يمها وبستها من راسها.... اعتذر منج يمه عليت صوتي عليج...

باوعتلي ودموع تنزل منها لزمت ايدي ...

يسر .. لايمه عادي خاف اموت ديربالك ع اختك مروه مالها احد يمه..

علي ...عكدت حواجبي وبنبرة حزن ... يمه شدتحجين عمرج طويل ماريد هيج تكولين انشاءلله تكومين ع حيلج باقرب وقت.... كمت من امي لان حسيت اختنكت اكثر من كامت توصيني وراسي راد ينفجر شفت مروه بلمطبخ رحت اعتذرت منها مهما يكون تبقى اختي جبيره..

..................................

جوري..... وره ماراحو بيت عمي كبل رحت للفراش نمت من التعب لثاني يم كعدت لكيت امي بلمطبخ تسوي زلاطه بس وجهه ثكيل عليه وضايجه..تذكرت بارحه اني شلون ثوله عليت صوتي عليها عمت عيني رحت يمها وحجيت بخجل ... ماما انطيني عنج اني اسوي زلاطه ...مجاوبتني شي مستمره تثرم دمعة اعيوني ....  ماماتي اعتذر منج بارحه مو قصدي والله لحظه غضب.... باوعتلي بنظرة غضب ...

ام جوري..... جوري يمه شكبرج بعد صيرين قابل اضل اعلم بيج هاي مو حلوه تصرفات مالبارحه وين اكو وحده تتعارك ويه زلم هاي لاصايره ولادايره وان جنتي عصبيه يمه.... كملت بعصبيه ...راجعي نفسج زين اني امج اعذرج بس غيري ميعذرج....

جوري ... رحت حضنتها وابجي...... ماما سامحيني اني غبيه وثوله ومادري شصار بيه عبالك تخبلت...

ام جوري.... ادري بيج بسبب هاي ضغوطات المرت عليج تصيرين عصبيه وبسسج عاد تبجين مسامحتج يمه يلا هاج سوي زلاطه ...

جوري ...كلام امي مثل النسمه المليانه دفو وحنيه بست راسه باوعتها وابتسمت رحت غسلت وجهي من دموع وكفت اساعد امي بلفطور.....

........................................

علي.....احس نفسي مثل الضايع بدون جوري ماجنت احس صارت عندي مشاعر الها حبيتها من كل گلبي كمت من ادخل الغرفه وهي مموجوده اختنگ اريدها ترجع بس راسها اليابس مايلين ولا تحن الي بعدها متئذيه من سالفة الطفله رغم اني وياها مشتركين بالجرح بنتي صارت مثل الخنجر بوسط اگلوبنه

....نزلت ومروه گالت وره الفطور يجونه خطار يشوفون امي لان مريضه والخطار كل يوم طاب طالع اشوف مروه اختي متلحك مدري تقره مدري تقوم بالواجب للخطار وماعدنا احد غيرها خواتي مزوجات مريم مرت اخويه طالعه بيت وحد كلت اخابر ع جوري تجي هيه تسوي وتودي لشوكت تضل عند اهلها هاي مصارت سالفتها......

................................

جوري..... ماماتي خلصت الزلاطه بعد شعندج...

ام جوري......تعاي سوي شوربه العدس ...

جوري.....رحت اسويها وموبايلي ع شحن سمعته يدك مهتميت كلت خاف هذا هم واحد يريد يسمعني حجايه مليت من كلامهم الي يسم البدن رجعت سمعته يدگ وماهتميت واستمر كل ثانيه يدك ماسكت رحت باوعت لشوف منو الزگه ...

.. لكيت علي مخابرني بل 10مكالمات حجيت بتعب....اووف والله مالي خلكه... نشفت ايدي وجاوبت ع اتصال... الو ..

علي ... الو شلونج...

جوري ..... اخذت نفس وكتله ...حمدالله

علي..بأسى ...حبي راح تضلين عند اهلج مترجعين..

جوري ... مادري بس اني مرتاحه يم اهلي ماكو احد يغثني ....

علي ..جوري رجعي امي مريضه وخطار هواي يجون ومروه تعرفيها دراسه وملتهيه منو اكو يودي ويجيب رجعي اليوم حبيبتي وانسي كلشي صار لخاطري..

جوري ......نزلت دموعي اني گلبي مينطيني انقهرت عليهم ... ماشي حبيبي اليوم تلكاني يمكم..

علي... فدوه لگبج ولح احبج.. بهمس... ومشتاقلج هواي..

جوري... واني هم احبك..

علي... يلا مع سلامه وتعاي بسرعه ..

جوري.... مع سلامه ...نهيت الاتصال اجت امي ...

ام جوري... ها جوري ويامن تحجين..

جوري.... علي خابر يكلي رجعي علمود خطار منو يقدم ويسوي واخته دراسه...

ام جوري... هم صدك يمه روحي هذاك بعد بيتج ولاتنقهرين من شي اخذي الامور بساطه واذا احد سمعج حجايه غلسي سمعي منا وطلعي منا حجي العالم لايقدم ولايأخر فـ هسه فطري وكملي وروحي

جوري... انشاءلله..ورى الفطور لبست عباتي ورحت لعيالي شفت عمتي بلفراش وبيدها سبحه وتسبح ويمها مروه دلك برجليها سلمت ع مروه وكتلها لـ عمتي ....سلامات شلونج عمه شلون صرتي..باوعتلي..

يسر.... هلا بيج عيني جوري همزين اجيتي لان مداكدر اسوي شي ومروه متلحك تعرفين دراستها واليوم يجن صديقاتي..تقصد ع معلمات الي وياها بلمدرسه.... فـ اريد منج بس تقدمين الضيافه..

جوري..... صار بعيوني.

يسر... . تسلمين يمه ينطيج ويرضيج..

جوري... فتحت حلگلي على كلامها طبعا حيل متفاجأه بسلوبها مادري علمود مصلحتها لو شنو بس حيل فرحت من سمعت حجايه حلوه منها حته نسيت سوته ويايه..رحت لغرفتي ذبيت العبايه اخذت ملابس وياي ورحت للحمام اسبح لان الجو كلش حار ولحته ابرد سبحت وطلعت جففت شعري بلشسوار وخليت ميكب خفيف حته وجهي باوعت بالمرايه وتنهدت بألم وجهي اصفر وشكلي تعبان من القهر...

... اخذت شالي الماروني بلون صدرية الحوامل لبستها جهزت نفسي ع اخر حبايه ورحت للمطبخ احضر للضيوف فتحت ثلاجه انواع الفواكه سويت تشكيله وخليتهم شوي وندك الجرس مروه راحت فتحت الباب الهن بعدين اجتي...

مروه... شكد سويتي ع عدد 10 صواني سوي لان هواي اجن...

جوري...انطت الاوامر و راحت مروه بغرفتها وعافتني نوب احتاريت شلون هيج وله هيج دخت وني منا تعبانه عندي وجع بس كوه شايلتها بحيلي اخذت كم صينيه ورحت عزه اباوعهن كومه كاعدات والله استحي دخلت وكلت... سلام عليكم..

.. ردن عليكم السلام..

جوري... خليت االفواكه كدامهن واسمع وحده منهن...
.

اكلج ام ساره هاي مو جنتها ام منهد..

.. اي هاي ثانيه ها خطيه يكولون طفلها مشوهه..

جوري... كلامهن وصل لماسمعي مثل سهام وضلن يحجن وحده منهن ردت..

عيوني ام مهند سويت صينية الامام الحسن جانت ولادته بنصف رمضان واني ناذره فـ راح ادزلها شمع وجكليت وكلاص تشرب بي للشفاء وخلي تطلب امراد ميخيبها انشاالله.. ..

جوري.... بس اني بداخلي اختنكت وضجت باوعت ع عمتي خنزرت بوجهي وعضت شفتها لان شافتني ضجت واني بسرعه يبين ع شكلي فـ حاولت اهدي بروحي حته بسرعه طلعت منهن رحت للمطبخ وخليت ايدي على سنگ نزلت دموعي ياربي صبرني ونطيني القوه ماريد اهتم لحجي الاخرين بس مو بيدي خليت ايدي ع بطني صارت الطفله تتحرك يعمري انتي بعدج بطني ويكولون عليج مشوهه شلون اذا اجيتي بقيت ابجي وادعي من الله البي صالح الي يكتبه فجأه اجه علي وشافني ابجي مسحت دموعي تقدم عليه....

علي....  بعدج تبجين لشوكت تبقين هيج مراح تتغيرين شي بس اتئذين روحج وهاهيه...

جوري... كبل رحت حضنته وهم نزلت دموعي حجيت واني اشهگ... تعبت والله...
لزم خدودي بيده وعيونه مدمعه..

علي... تهون يعمري بس انتي ليش واكفه هنا متكعدين...

جوري... توني قدمت فواكه للنسوان... ابتسملي

علي...  عفيه عليج حبيبتي يلا امشي للغرفه...

جوري... رحت ويا بس حسيت رگبتي بيها وجع كلش قوي راسي كمت ماكدر احركه مثل نتله انتشرت بكل انحاء راسي وقيدتني...

علي...  ها شبيج ديوجعج شي...

جوري.. اي ماعرف رقبتي..

علي... خاف تشنجات...

جوري... مادري حيل توجعني تكدر تدهن الي بزيت زيتون يكولون زين...

علي... ماشي وينه..

جوري... بلمطبخ هسه اجيبه رحت اخذته ورحت للغرفه ابتسمت... اتفضل دكتوري وطبيبي.. ابتسم وجرني لحضنه اووف شكد مشتاقتله رجعت كعدت يمه وهو ورايه يدهنلي بس مفادني زيت زيتون ضليت ليلي منايمته اون من الوجع.....

لثاني يوم رحت للدكتور وكالي عندج فقرات وسوفان خرب حظي اشو بهاي حبالتي مضل شي بيه صاحي فقرات وانحراف بخشمي وزكام وصخونه وحساسيه ووو.. معرفت شنو سالفتي من رجعت من دكتور رحت لهلي من اسولفها ماما ع حالي تتعجب...

ام جوري... اشو اني حبلت وجبت مافديوم شكيت من وجع او شي ملتهيه يله اشتغل يم عيالي حته وقت ميصير عندي اشو هسه حبالت هلوكت عشتو كلها ع راحه واشكال والوان يصير بيهن ممن امراض مدري طفل هيج مدري هيج اي شطلعت هاي اني حته طفل مامخليته بالي ولاافكر ليش هو خانس بطني مثلا او هو هيج ابد حته ارجع بليل للفراش اذب نفسي ع مخدهانااام ماعرف شنو هو تفكير ماعرف شنو القهر ويمه وداعتج حته الاكل كلشي اكل لاهذا اوهس منه وموزين خوب اذكر بيج حته ابوج اكله جنت حامل بجوري اكل بيج بس طماطه  غده عشه ريوك جانت بوكت حصار وعندج لحساب اشو انتي اجيتي مثل الورد مدبدبه وتخبلين شنووو هذا وكتنه مادري..

جوري... الله شكد حلوه ايامكم عايشين ع بساطه ومرتاح بالكم ماما صحيح هسه اكو شغلات توفرت النه وهواي امور نسويها ع راحه بس احنه مانملك العافيه ولانملك راحة البال...

ام جوري...  اي طبعا وانتي لو تلتهين وتشتغلين تنسين شي اسمه طفل بطنج كلشي ميصير عليج تره يمه الخوف والقلق هم يأثر ع حامل.....

جوري... بقهر.... شسوي كليلي عمتي وين تقبل اسوي حاجه غير بس اغسل ماعين وملابسنه وهاهيه ومرات امسح البيت بلخفيه...

ام جوري.... لعد سكتي وكعدي التهي بغير شي غيري افكارج سوي الي نتي تحبي مهم تنسين او تعاي يمي ع طول.

جوري.... .اخذت نفس... انشاءلله يلا اني اترخص...

. ام جوري.... مرخوصه بنتي ديربالج ع نفسج تره محد يفيدج..

جوري..... رجعت للبيت بس اني ماالي خلك لكلشي اسوي تذكرت اني احب الكتابه ومرات ارسم بس ابد مالي خلك كارهه كلشي ومو بعيني شي....

.للعصر اترسل ويه سجى مرت سجاد جان تكلي شنو رئيج نكولهم ونسويلنه طلعه اليوم تره كلش ضوجه كتلها ياريت حته اني طاكه روحي كالت ماشي يجي سجاد واكوله ونتي هم كولي لـ علي وقنعي كتلها انشاءلله...

.. لـ مااجه علي المغرب وجنت داسوي عشه كتله.. علي خلي نطلع ويه سجاد ومرته..

علي... وين..

جوري... كيفكم اي مكان مهم نغير جو ملينه...

علي... الله كريم...

جوري... خليت الصينيه وكعدنه ناكل وجان يخابر سجاد ع علي...

علي... ها حبيبي شلونك..

جوري.. طبعا علي جان فاتح حاكيه وداسمعهم...

سجاد.... تطلعون ويانه...

علي...  وين ترحون..

سجاد... كيفك للكاظم نزور وهم نشتري هدوم للعيد...

علي...خليها غير يوم

سجاد..ليش ولك شعندك مو رجعت من محل

..علي.... مالي خلك وتعبان غير مره...

جوري.... اني هنا طنبرت ونزلت دموعي خرب حظي هذا شبي شفته وشافني تعبان لو بس من يمي يشكه..

نهه الاتصال وكمل اكل باوعلي....

علي... شكو تعوين حته ع هاي شلون وياج انتي..

جوري.... هذا الفالح بي واصلا انته يايوم متعبان لو هاي حجه متقبل طلعني.... وعفته وكمت من صينيه ورحت للغرفه ابجي حيل اختنكت مصدكت اريد اطلع نوب ميقبل.

..... .بعد مرور سبوعين....

جوري... رجعت للدكتوره وكتبتلي دوبلر بلجديد دخلت بشهر ثامن لثاني يوم واحنه محتارين وين نسوي دوبلر نريد مكان مضبوط...

ابو مهند.... ليش متسوي مستشفى راهبات يكولون مضبوط..

جوري ... كيفك عمو..

ابو مهند.... يلا العصر تحضري ونروح..

جوري... عمتي صارت زينه ورجعت تمشي بس ع مسكنات والابر صار عدها انزلاق بضهرها فـ اجت ويانه يعني اخذنه تكسي وطلعنه بس هناك بلصدفه خابرتني مرت خالي وكالتلي سوي بلمنصور عند دكتوره ورود اضبط سونرها اني كله عندها....

...فـ كتلهم وكالو هاهيه نطلع للمنصور فـ من وصلنه لكيناها كلشش مزدحمه ودكتوره بعدها مجايه عمي كال امشو نروح للراهبات ماكو احد عليها وهذا عمي اعرفه ماعنده صبر ويضوج من الانتظار..جانت الراهبات بلكراده صايره نوب الشوراع كلش مزدحمه ومتمشي سيارات بلهين كراده بذاك الوكت وضعها بخطر.....

.. احنه بلسيطره وجان احس بطني حيل وجعتني كمت الوب منها وابجي عمتي تكرص بيه....

يسر.... لج اتحملي لاهيج سوين موزين...

جوري.... حجيت بألم وعيوني مليانه دموع... عمه بعد ماتحمل اضل كاعده بسياره هموت من وجع راح انزل..

يسر... فتحت اعيونها.... لج وين تنزلين سيارات...

جوري.... مسمعت كلامها نزلت من سياره ضليت واكفه اباوع سيارات ورانه وكدامنه سره كلش طويل ياربي صبرني عمي نزل...

ابو مهند.... صعدي جوري راح نوصل مضل شي اتحملي...

جوري.... رجعت للسياره واني ابجي ارحمو بحالي ماكدر اكعد بطني جانت واصله لخشمي ونفس كوه اخذه والوجع محد يحس بي اله صاحبه..

يتبع

انثى 💜ملائكيه