رواية أخطاء لايُمحيها الزمن الفصل العشرون 20 - بقلم أنثى 🪽 ملائكية

انثى 💜 ملائكيه

اخطاء لايُمحيها الزمن

بنات رجاء يعني الي اكتبه بخصوص جوري حلوة والكل يمدح جمالها هذا واقع مو مني واي اضافه ماضيف الابنيه حلوة ودمها محبوب حتى ضاجت من كلامكم تگول اي مبغاله ماكتب اني هواي حجو بجمالي ومدحوني والاهم هي تحب نفسها ومعجبه بنفسها .....

...............

جوري ...السايق انتبه ونزل للحرس حجه وياهم ...

خويه المره بالسياره وعندها ولادها ممكن تفتحون الطريق ...

الحرس..كله وين سيارتك..

السايق ..ذيج ..

الحرس .... تعال فوت..

جوري .... خطيه رجع يركض فتحوله طريق من غير مكان وطلعونه نزلو قبلي عمي وعمتي واني ع كيفي انزل بس صدك اندعيتله للولد من كل كلبي وكتله..... اشكرك اخويه ربي يحفظك ويرزقك ويفتحا بوجهك مثل ماسهلت امرنا. 

السايق..... لاشكرا ع واجب تكومين بسلامه خيتي....

جوري .... شكد ارتاحيتله بين خوش ولد الله يكثر من امثاله..نزلت ولكيتهم واكفيلي عمي صك سنونه ...

ابو مهند.... هاي وين صرتي يله خفي شوي دقيتيني من فهاوتج ...

جوري ...اباوعه هذا شكد مايتحمل عباس المستعجل  نكله المهم رحنه ع دكتوره هنادي لكينه عليها كومة ازدحام والاغلبيه كاعدات حوامل فـ اني وعمتي كعدنه عمي اخذ مني الورقه مكتوب بيها دوبلر ونطاها للسكرتير بس السره مالتي بعد هواي ضلينه 3ساعات احنه بلانتظار تالي عمو يمل راح وخابر ع دكتورمحمد حته يفوتنه بواسطته يعرفه موجود بلراهبات والله دقايق واجه دكتور سلم ع عمي اخذ منه ورقه ودخل ع دكتوره..ماكو ثواني واجت مساعده دكتوره صاحت منو جوري....

يسر.... فضيهاا دكومي روحي عاد...

جوري ... رحت ...اني...

...تعاي ويايه اگلج منين تعرفين دكتور محمد...

جوري ...ماعرفه بس عمي يعرفه...

  هااا اكعدي هسه هنا بس تخلص مراجعات افوتج..

جوري ...ماشي كعدت ويمي جانن 3نسوان اني كاعده وكلش متوتره وخايفه ادعي من الله يطلع هلمره مابي شي وحده من نسوان سالتني...

شكد حامل ...

جوري ... دخلت بل 8..

كاالت تكومين بسلامه حبيبتي بحق فاطمه الزهراء ...

جوري ....من كالتلي هيج غصيت بلبجي وكلت بداخلي دخيلج يافاطمه الزهراء حتى طفله مقررين نسميها زهراء دخلت للدكتوره شرحتلها حالتي وصعدت للسديه خلت سونر ع بطني كالت...

دكتوره ... طبعا يصير عندج وجع الطفل كاعد فوك ومثل ماكلتي طفله عنده توسع بلكياتها..

جوري.. بصوت مخنوگ... ممكن تفهميني اكثر شنو توسع...

دكتوره... يعني حجم كليات كبار مو طبيعات وع ماضن انتي تجيبين قيصريه وطفل ميعيش بس مشاءلله وزنه 3كيلوات وهاي بعدج بل 8 بس سونر يقره ع وزن طفل انتي بشهرج انتي شكد عمرج...
٠
جوري... 18سنه..

دكتوره... ياعيني لاتبجين انتي بعدج طفله والله راح يعوضج...

جوري... ونعم بالله ..هيه جانت تحجي واني بس ابجي لحد مخلصت وكمت ربع ساعه وطلع دوبلر عمي اخذه وراح...؛

... دكتور محمد كله اشرحلي حاله شنو تره كاعد ع نار كعد يترجمله سونر ويكله شنو بيها طفله رجعلنه عمي اعصاب باوعلي وكام يصيح عليه ويغلط ويسب ع دكتورتي.....

ابو مهند.... اي متعرف تكلج بدايه اشهر وتنزلجيا شلون خلته بطنج وهو مشوهه لك هيج منها وهيج من دكتوره....

جوري... صار يتعارك ويايه كدام العالم غزاني عبالك اني بيدي شي حسبالك بيدي شي حسبي الله ونعم وكيل خلاني افحط بلبجي وماحجي شي ويا طلعنه للتكسي. اخذنه تكسي ورجعت لدكتورتي اشوفلها دوبلر... دكتوره عيالي مجاي يسكتون عليه يكلولي ليش مكالتلج دكتوره من بدايه ونزلته للطفل ليش خلته وهو مشوه.... باوعتلي وكالت

دكتوره...   مابين اول ثلاث اشهر وحتلو بين ماراح انزله الج شنو ماكو الله فوكايه حرام انزل طفل وهو بي روح تردين تنزلي روحي ع غيري...

جوري... بهيج حاله لعد شسوي دكتوره....

دكتوره.... . الحل تنتظرين لحد ماالله يسهل عليج وتولدين وهسه عيني تقرير نفس شي وهذا مزيدلج والعلاج تبقين عليه وشهر جاي تجين بس اي شي يصير وياج الم او اي شي كبل ترحين مستشفى ماشي بنتي..

جوري...... انشاءلله..... طلعت من دكتوره واني ايست الطفله مراح تعيش ودموعي تنزل عشره عشره لكيت عمتي وعمي ينتظروني شافوني...

ها شخرطت الج.

.جوري.... نفس الحجي عمي يفر بيده وعمتي دردم بس محد يحس بيه والي اعاني صعب هواي جنت مخططه اشتري ملابس واجهز مشتريات ولادتي اختنكت حيل ودموعي يزيدن رجعنه للسياره وعمي طول طريق يسب ويغلط ع دكتوره حيل جان ضايج وبس ينافخ مدري شبي وكلامه مثل السم گوا اتجرعه واردد ياربي صبرني....

..رجعنه للبيت واني هلكانه من
من التعب والقهر احس اجبال على ضهري ويوم بعد يوم يزيد الثقل رفعت راسي ربي اني مو ايوب والله ماعندي طاقه ...ربي ساعدني واتشلني من حزني گلبي ماعاد يتحمل بعد ...

بخطوات مثقله بالهموم مشيت اخذت ملابس رحت سبحت وكملت وجيت للفراش ونمت ساعه 6ونص راح يصير المغرب اجه علي يكعد بيه...

علي .... كومي سوي عشه جوعان..

جوري ....بودي ماگوم من النوم احس هوا ملجئي وملاذي من الحزن والتفكير من اهرب من الدنيا التجئ للنوم وسيلتي الوحيده كوه كمت من فراش احس نفسي دايخه سويت العشه موبايلي ماسكت كلها تخابرني وتسال واني مخليته صامت خوب امي مخابرتني بلعشر مكاالمات اتصلت عليها وحجيتلها سالفه ...

ام جوري ... راح اروح اني وبيبتج بيت جواهري الساده ونحجيلهم القصه بلكي ينطونه حل وع ايديهم يجي طفل سليم هوا كله بيد الله وان شالله هما يعرفون ...

جوري ...ماشي... ونهيت الاتصال شفت مكالمه من بنت عمتي شيماء دزيتلها رساله هلاو.. شوي وجاوبت..

شيماء ... هلا جوري تعاي احجيلي شبيج صدوك الي سمعته جوري روحي ع دكتوره ابتهاج اني نفس حالتج مو راحتلي طفله وطلعت مشوهه وهم يكولون سبب زواج اقارب بس روحي ع دكتوره ابتهاج تفهمج سالفه متخصرين وعيدي دوبلر اكثر من مره لحد ماتتاكدين...

جوري ...بأسى... انشاءلله حبي..

...طول هاي الفترا تصالات ماوكفت كل يوم احد مخابرني وينصحني اغير دكتورتي او يكلولي  روحي سيده شريفه واطلبي مراد وكلمن يحجيلي شي.. فـ بليل اني نمت وكعدت ساعه 2بليل كمت من ع فراش وجان اشوف صرصور يمشي من يمي وعزه واعيط عيطه وارجف ركضت ع علي اكعد فدوه هو فز عيونه حمر وكام وصيح بغضب..

علي.... شكو شبيج اتخبلتي...

جوري.. واني ارجف كوا احجي من الخوف متت.... تعال اكتل صرصور اخاف منه .... هو كام يسب ويغلط اخذ نعال تكرمون وضربه وني ميته خوف اني مو بيدي جميع حشرات اخاف منهارجع نام وعافني ابجي شكو يعيط عليه ضجت منه حيل...

.... لثاني يوم اجت بيبي وجايبه دجاجه سوده وياها خرعتني....  بيبي شنو هاي....

بيبي..... رحنه بيت ساده وكالو عليج حسد هواي وتابعه....

جوري... ذبيت حسره... عادي تعلمت ع هاي سوالف مو جديده بس شنو موضوع دجاجه..

بيبي.... هاي لازم تبقه عندكم 3ايام وكون من وحدها تتخفي...

جوري... فتحت عيوني وحلكي...

بيبي.... شبيج صفنتي ..

جوري.. بلعت ريكي بخوف واباوع لدجاجه... يومه وشلون تختفي من كيفها وين تروح...

بيبي.... اذا اختفت وراحت تروح منج تابعه وطفل يعيش وها اقري سورة يوسف ع تفاحه واكليها وهذن ادعيه هم خليهن جوه راسج ...

جوري...ادري غير اعرف وين تروح دجاجه حته تختفي فدوه بيبي لاتخبليني بهاي سوالف اخذيها ماريدها....

بيبي.... بنترا....  لج شبيج تره صحيحه مو مرت عمج راحو الها اطفال وجبتلها دجاجه سوده مضلت يومين واختفت وشوفي صلاوات صار عندها جهال....

جوري... اجت عمتي وحجتلها سالفه بيبي مكالت شي خلت دجاجه وراحت بس ني حيل اخاف من حيوانات مو بس من حشرات رحت للمطبخ واشوف دجاجه تلحكني وين ماروح كمزت و كمت اعيط منها واخاف اكلها..... هش ولي خب حظي حتى من دجاج ماسلمت.... اجه علي واستغرب وجودها....

علي.... شنو هاي شسوي هنا بلبيت....

جوري.... اكو غير سوالف بيبتك نوب جابتلي دجاجه وجتي تركض خرب حضي.... علي لزمها وطلعها بلحديقه لثاني يوم وثالث ودجاجه ماختفت تالي اخذوها وذبحوها والله ومحمد وعلي وياها.....

... و يوم منهن اجتي اخته زينب هيه وجهالها فـ كاعدين كلنه نتغده...

زينب...... اكولك علي تره سلمت عليك اريج

جوري... ..اني باوعتها صفح ورجعت باوعت ع عليوهو جان دياكل غص بلكمه وكوه كاتم ضحكه ويباوعلي يعرفني اغار...

علي...  يااريج ومنو هاي..

زينب... يااا شبيك هاي تجي منك تشتري من محل ولك كل متشوفني تسالني عليك...

جوري... متحملت ني صرت اعصاب وشمرت الخاشوكه وكمت منن يمهم ورحت للغرفه اجه ورايه لزمته من بلوزه وخزرته وصكيت سنوني وحجيت بغضب....  منو هاي اريج وليش تسال عليك ودزلك سلام ها..... ضحك ولزم ايدي ونزلها....

علي.....  شبيج تغارين من وحده زعطوطه....

جوري.... اي مبينه زعطوطه وتعرف شلون تحجي هاي مو زعطوطه داهيه وعينها عليك...

علي.... شبيج بابه متعرفين رجلج شنو لو بعدج متعرفي تره ماحب هيج تسوين يلا اني رايح للمحل..

جوري... بس اني بقيت مشتعله بنار ليش عود تسال عليه عرف ولف اويلي لو بس اشوفها اذا ماموتها بيدي ماطلع جوري وكيدي عظيم رحت للمطبخ اغسل ماعين شفت محمد توه كاعد من نوم كلت خلي سأله لان هو هم يروح للمحل....  محمد تعرف منو اريج...

محمد... شبيها اي هاي تجي للمحل يوميه تشتري....

جوري... .كوا لزمت اعصابي وحجيت برود.... هاا شلونها هيه وشكد عمرها....

محمد....  شلونها يااابه.. عض شفته..... غير تخبل شايله جمال ونوب الي يكتلج تزحف ع متزوجين...

جوري... بغضب انفعلت شمرت ماعون بالسنك.... كبر لفها شلون الها نفس ومكتلي هيه صدك زعطوطه بلله...

محمد.... يازعطوطه يطلع عمرها 16سنه بين 15...

جوري... ضربت على خدي....  صخام هاي مراهقه وتدور مزوجين نوب حتى المتزوج ماسلم من هيج نماذج.... اجتي عمتي...

يسر....  وج جوري اليوم عندج براوه عند خياطه...

جوري...  اي صدك عمه نسيت...

يسر....  ديله بدلي وحته يوصلنه بلسياره عمج...

جوري....  ماشي....

... .طبعا خليت قماشات عند خياطه علمود سويلي دشاديش لان بطني هواي كبرت وكصفن عليه ملابس طلعنه للخياطه عمو ابو مهند ضل بلسياره ينتظرنه علما نطلع..دخلنه للخياطه اخذت قياساتي وطلعنه فـ عمو كال نروح للاعظميه ناخذ لفات للعشه فـ هو نزل اخذ سفري لفات صاج وببسي فـ من اجه كتله... عمو خلي نوديله لـ علي لفات للمحل خطيه هسه اكيد جوعان...

ابومهند ... اي عمي هو ني هم كلت ناخذلهيا للمحل...

يسر....يلا علوا حته مناك انزل ع زينب بنتي اشوف ابنها شلون صار مريض....

جورث ... زينب جانت ويه عيالها وبيتهم كلش قريب ع محل علي فـ اني نزلت واخذت لفات لل علي وعمتي نزلت يم بنتها وعمي ضل بسياره ويسولف ويه واحد ماعرف منو ....

.....واني داخله للمحل ومبتسمه مفاجئه هلله هلله وهنا فتحت اعيوني على وسعهم ونصدمه اباوع وحده لابسه جينز برموده وبدي الاحمر مرفوع وطالع نص ضهرها و.. وشعر طويل اسود وبعدني ماشفت شكلها وهيه مدنگه وفاتحه مجمده طلع موطه كون سم بطنها درت وجهي واشوف علي فاصل من رئيسي وفاتح حلكه وعيونه يباوعلها عرفت هاي اريج ....

واني واكفه وهو ولامنتبهه اصلاً الي ماسيطرت على غيرتي ونزلت دموعي ولفات خليتهم ع ميز رفع اعيونه وانتبه لوجودي والموقف الي صار بينه ضل يباوعلي و اتفاجأه بوجودي اجت لـ بنيه وهيه تتموع جنها فزاعه تخزي بس ملابسها فاضحه مثل قطعة الشكر تلم بس ذبان والغثني من تحجي تتموع وكوا تجر الكلمه ...

أريج..... علاوي شكد حسااوووبهم ...

واني صار بيه حسبالك كبريت وشعلو بنار هيج شفتها تخبلت ونوب جيب طاري اسمه ع لسانها زفر رحتلها بكل غضب وجريتها من شعرها سحلتها حيل وشعرها اجه بيدي وتكطع وعطت بيها  .....

......جلبه شنو اهلج معرفو شلون يربوج اجيت اصفكها براجدي اطير وجهه بس علي وكفني ....

علي ...جوري لاهيج سوين ..

اريج .... عزه هاي شبيها خاف مخبله وديها للشماعيه....

جوري ...خزرتها و رجعت عطت.... بيها اكلي نعل والصمي ماكو غيرج مخبله.... اجيت اضربها نوب بس علي لزمني خنزرت بوجهه وكتلها..... اذا بعد شفتج هنا هذن رجيلج تمشين عليهن اكصكصهن وهذا لسانج اكصه اذا جبتي بعد طاري زوجي ع لسانج حيوانه طايحت الحظ... وضليت اعد عليها ...

علي ...امشي روحي منا وكفينه شرج ...

جوري ...تسبعت عود و جتي تهجم عليه بس صديتها ولويت ايدها حيل وعلي رجع فاككنه وتعارك وياها...

علي ....بعصبيه ...مو اكلج اطلعي امشي ولي ...

جوري... ..باوعت لعلي ونزلت دموع تماسيح كون نفكست هلعيون العمص بعدين دارت وجهه وطلعت من محل علي هنا صار اعصاب ...

علي ....جوري هاي هم سوايه تسويها ...

جوري ...ماتحملت وحجيت بقهر....  اي تستاهل حته تتعلم ويصيرلها درس هل ساق..نفعلت و كمت  اضرب ع صدره وابجي .....ليش هيج ليش تباوعلها ليش اني مقصره وياك بشي ....

علي ...زمجر بغضب ..... جوووري كااافي تره هواي تحملتج وهيه سوت لبنيه حته تتهجمين عليها كم مره كايلج هاي تصرفات مااحبها وشنو ماعندج ثقه بيه حته هيج تحجين لج انتي راح تخبليني بسوالفج...

جوري ... باوعت بعيونه وحجيت .... شتريدني  اسسسكت واني اشوف هيج شكولات تدخلك للمحل اني واثقه بيك بس ماثق بهيج نماذج كلشي يطلع منهن وال مفروض انته مترضها وماتنطيها مجال بس ضاهر عاجبتك وساكت وني مااتحمل اشوف بنات يدخلن للمحل وانته موجودةانته الي وبسسسس اتمنى هسسه الكاع تبلع شكو بنيه ع الارض بهاي لحظات.....

...ماعرف صار بيه جن جنوني من شفت لبنيه وهيه تسويله اغرائات بودي اشرب من دمها  هو ضل صافن عليه بعد محجه شي طلعت من عنده ورحت للسياره شافني عمو ..

ابو مهند ...شبيج ليش تبجين..

حوري ... لا عمو ماكو شي بطني تووجعني شوكت نرجع ...

ابو مهند ...هسه راح اوصلج لان عمتج طابتلها كعده....

جوري ... ياريت وصلت للبيت واني كل شوي يجي موقف بالي ورجع اتخيل نظرات علي الها عقل مضل براسي ااخ لو موتتها بيدي مايشفى غليلي اخذت ملابس ورحت للحمام اسبح فتحت دوش واني جواه وابجي حسيت طفله تحركت بطني خليت ايدي عليها احجي وياها واشكيلها وبجي هاي نار الي بگلبي مجاي تطفه بعدها تسعر طلعت من حمام وكفت كدام لمرايه ونشف بشعري ودموع تنزل...

....فتحت الفون ودزيتله الشعر يكول( ضم شوفك الي لغيري النظر ممنوع تصد لعيون غيري شحدهه وشحدك كلك مالتي ومالك جزء يعينك االجسد والروح اليه وكلشي ماعندك وكلشي البيه الك يالتدري اموتن عليك احس قيمه لوجودي من اوكف بسدك تره مسودني شوك ولتحب تغار..)....

... بهل اثناء امي اتصلت وكاالت طلعي الاخوج اخذي منه غراض جانت مشتريه نفنوف للطفله شفته شكد حلو اشم بي وابجي تكلي زورته الامام ع بخته تجي لطفله مابيها شي.

...مر شكم يوم وبهاي الفتره سوينه طلعه ويه سجاد ومرته رحنه زياره للكاظم جانت سجى بشهرها حامل وكوه تمشي .....

سجاد.... تعالوو نروح من هذا طريق مابي ازدحام...

جوري ... من كاال على هذا طريق لزمت كلبي تذكرت كرار ابو حلويات......

قصتي ويه كرار اذكر من جان عمري 15سنه ضليت فتره اروح ويه اهلي للكاظميه بلسبوع مرتين او 3مرات بوكتها جانت عنده شغله ونروح هواي فـ المهم من نرجع ع طريقنه مرات بيبي تاخذ حلويات يوم منهن دخلت للمحل ويه بيبي اول مدخلت صار بوجهي ولد شخصيته تجنن وشايل جمال بويه يموت ضل صافنه عليه وانسى نفسي وحته اني مادري بروحي بقيت اباوعله بعدين حسيت ع نفسي ودنكت ومشيت وره بيبي اشو هذا غمزلي وابتسم مدرت بال غلست رجعت بيبي تاخذ زنود ست فـ هو جان واكف نطاها قسم من حلويات لبيبي ولعلاكه ثانيه نطاها الي بس انتبهت مدري شنو خله داخل العلاكه كتلني فضول طلعنه وجان افتحه لمحت ورقه صغيره فتحتها كاتب رقمه واسمه كرار مواليد 95 خرب بيومه گلبي كام يدك سريع اله فـ صار كرار كل مافوت من هذا درب يطلع يباوعلي ومن ارجع يضل واكفلي بلباب

.....فـ كل مافوت من هذا الدرب اشوفه وبكل مره يحاول ويايه اكثر من 3مرات ذبلي رقم وني مانطي مجال بعدين صار نظرات بيناتنه صرت اقره نظرات عيونه ومن بعيد....

انتبهت على نفسي باوعت علي وسجاد كدامنه يمشون واني وسجى وراهم وصلنه قريب يم محله وجان اشوفه عززه جمدت مكاني شفت نظراته الي تقاجأ بعدها صارت اعتاب واشتياق گلبي يدك سريع خوف توتر ماعرف صار بيه حته سجى جانت تسولف ويايه واني بالي مو يمها بهل لحظات انتبهت ع سجاد شافه والتفتت عليه يباوعلي ورفعلي تك حاجبه عزه جلفت من مكاني كلت بداخلي هسه يكول لـ علي بس حمدالله عدتت ع خير ......

..المهم دخلنه للتفتيش زرنه وخلصنه وطلعنه للسوك جانت سجى موصيه غراض من محل فـ احنه ودانمشي واحد فات من يمي واسمعه يگول ..

اووف حررمات انتي مزوجه اوويلي..

جوري..عقدت حاجبي كلت بداخلي عزه هذا شنو قصده غلست ومشيت شوي وجان تحجي سجى ..

  سجى..؟ سمعت هذا سااق... يذبلج حجي...

جوري ... بتوتر ...ها مادري وشوكت مانتبه اني لهاي امور دمشي هسه.....اني كتلها هيج ماريد اجيب نقطه عليه المهم اخذت احتياجتها ورجعنه صدك شوي تغيرت نفسيتي من طلعت.....

......يوم منهن جنت نايمه للضهر كعدت بل 2 حسيت شي نزل مني وصارت عندي اوجاع قويه واني ماعرف شي خفت حيل رحت كتلها عمتي هيج وهيج سالفه .....

يسر ... عادي بعدج انتي بل ثامن بس خوافه ...

جوري ... بلصدفه جانت هبه موجوده وعمتي مسولفتلها ...

هبه ... يامي خطيه اخذوها للمستشفى احتمال راح تصير عندها ولاده وهذا ماي راس ودينزل منها   

جوري ...لليل وخابرت عمتي ع اهلي اجتي بيبي وهمه جانو يسولفون بيه ومحتارين وين يودوني تالي عمتي قررت نروح للمستشفى الوزريه صاحت عليه ..

يسر.... جوري بدلي ع سريع دناخذج للمستشفى...

جوري ..  بطني حيل وجعتني من الخوف بمجرد بس سمعت طاري مستشفى ولاده اخاف گمت ارجف ماعرف من الخوف لو من الولاده احس سجاجين بطني والالم من كل جها مخاوطتني گوا جهزت نفسي اخذتني عمتي وعلي ورحنه جانت ساعه 9بليل ...

...دخلنه للمستشفى علي حجه ويه الكادر الي موجودين عمتي راحت تسال ع دكتوره ابتسام طلعت ماموجوده شوي واجت القابله ام ياسر شافتنه وعمتي حجتلها سالفه ...

بنتي شكد حامل ..

جوري ...نهاية الثامن ..

امشي وياي ..حبيبتي طاك عندج مي راس ماعدج اوجاع ...

جوري.. لا ماكو ..

انتظريني اخابر دكتوره واسالها ع حالتج..

حوري.... تمام راحت ودقايق ورجعت...

.....لازم تبقين بلمستشفى دكتوره تكول خليها تحت مراقبه وباجر الصبح اجي اشوفها..

يسر....عيني بس مو حاجه نبقه هيه ماعندها ولاده..

كاالتها كيفكم عيوني غير دكتوره كالت اذا تردون طلعون ع مسؤليتكم اله لـ بنيه تستوجب مراقبه موزين عليها...

يسر.... عمتي مشكوره عيوني باجر نجي للدكتوره ونفتهم منها....

جوري ... وطلعنه ع مسؤليتنه اني هنا جنت ساكته ماحجي شي كلشي ماعرف شنو مي راس وليش استوجب مراقبه كل هاي امور ماعرفها رجعنه للبيت وعلي حاير بلفلوس لان ولاده بمستشفى الوزريه تكلف هواي بعد اهليه......

......لثاني يوم الصبح ساعه 8 كعدنه سويت ريوك لـ علي وطلع وعمتي جانت تتحضر حته نروح للمستشفى لان عيادتها داخل مستشفى المهم خلصنه تجهيز وطلعنه جان عمي ابو مهند هم ويانه حجزت ع اسمي جان رقمي 10 دفعت الكشفيه 30الف بدون سونر لحد مااجه سراي دخلنه للدكتوره وعمتي وياي .

..سلام عليكم....

دكتوره ...عليكم السلام...

كعدت عمتي شرحت حالتي من بدايه للنهاية وشوفتلها دوبلرات وتحااليل وكلشي كدامها....

.الدكتوره.... انتي الي اجيتي بارحه وكتلها ام ياسر تضل تحت مراقبه ...

جوري ... عاد اني حجيت .... اي دكتوره اني ...

دكتوره ....  لعد ليش طلعتي من مستشفى...

جوري ... باوعت لعمتي وسكتت ....

يسر.....  تره مو حاجه تضل قابل هيه عندها ولاده.....

.دكتوره ....هزت راسها وكالت ...واذا ماعندها ميصير هيج لازم تحت مراقبه روحي بنتي صعدي للسديه دشوف ..وووف شباقي بي هسسه ضروري تبقين بلمستشفى طفلج ماكو احتمال ما يعيش ع لحظه يموت بطنج.....

جوري ......نزلت دموعي واختنكت .... شنو سبب دكتوره صار بطفلتي ...

دكتورا.....وراثه حبيبتي زوجج كرايبج ...

جوري ... ايي ابن عمتي...

دكتورا .. خلاص من بدايه عرفتج قبل لاتحجين هسه ماما اريد منج دوبلر تعيدي عند دكتور فائق كلش شاطر ودوبلر عنده مضبوط ترحين هسا سوي وتجيني ....

جوري ...كامت تكتب بلورقه واشوف عمتي كلش متوتره ماعرف ضايجه...

يسر.....دكتوره شهل علاقه بلكرايب اني مو لعد تزوجت ابن خالي وبنفس وقت ابن عمتي..

دكتوره.... هوا هذا سبب لان انتو ماخذين ناس من ناس احتمال وراثه من اجدادكم وجرت ومتصير بلكل بسسس تصير عند البعض المفروض تتبعادون بل اخص الي عندهم امراض الوراثيه..هاج حبيبتي جوري ...

جوري ...نطتني الورقه مال دوبلر ورحنه للشارع المغرب جانت مزدحمه شوارع بلكوه نوصل واني هنا انهلكت هلاك من التعب روحه وجيه وتحاليل ودبلرات كلش تعب دخلت للدكتور ساعه ساعه كامله علما خلص سوالي دوبلر واني دموعي تنزل عشره عشره اريد بس ارتاح ضهري موتني وجع حمل مو هين طلعنه من الدكتور شوفتلها دوبلر كاالت طفله عندها حاجز بلمعده وعندها توسع بكلياتها يعني نفس الحجي مال باقي دوبلرات بعدين طلبت تحاليل سويتها ورجعتلها من ساعه 9الصبح الى ساعه 3العصر اني ماكعدت ونوب ازدحام ع دكتوره وانتظار المهم خلصنه كلشي عمتي خابرت ع علي يجبلي ملابس لان راح يخلوني تحت مراقبه عمي ابو مهند راح ع استعلامات علمود الحجز الغرفه وماعرف شنو.......

....صعدنه للمصعد هنا اني ادوخ منه وصلنه طوابق ورحنه للغرفه عمتي صارت عصبيه وتحجي وتلوم بيه لان طفله مريضه فوك حالتي وألمي تزيد وجع گلبي عبالك بيدي شي اووف خابرت ع امي وكالتلها تعاي يم بنتج اني لازم ارجع بعد ماضل واني كاعده وبس ابجي اجتي امي وابويه وعمتي وعمي رجعو للبيت امي كاعده يمي وتمسح بيدها ع بطني ونتدعيلي وتبجي ويايه تكلي شبيدي عليج يمه ولليل وابويه جابلنه عشه بس اني مشتهيت اكل مالي نفس وكل ساعه وجايه القابله تشوف وضعي وتسمع نبض الطفل تراقبه لو تقيسلي ضغطي رجعو طلبو تحاليل طلع عندي فقر دم كلش قوي وبعدين امي كاعده يمي فجأه كامت تشكي من راسها لكت ضغطها صاعد وابويه

احتار بيها وكلها خلي نرجع للبيت وراحو بس هيه مقبلت ترجع وتعوفني بس اني كتلها رجعي امي ورتاحي اكول شوفني بهاي حاله شيصير بعد بيها عمت عيني مشافوني مني غير بس القهر  بعدين واجتي عمتي ام مهند اما علي يجي ويروح جان مشغول يدبرله فلوس لو يروح يستلم تحااليل لو يروح للبيت يجيب غراض ومن هشغلات لل ساعه 11بليل اجت القابله ام ياسر شافت نبض طفل وهلمره شو معافتني ضلت تتأكد وياي بعدين كالت امشي وياي كتلها وين وعمتي هم سالتها وين ماخذتها كالت هناك نعلك الج مغذي رحت وياها بس اني ارجف خايفه كلش احس راح يصير شي اخذتني بغرفه بيها سديه وغراض الولاده اعتقد هنا الي يولدن طبيعي يخلونهن هنا نمت ع سديه وجابت كانونه تخليها بيدي اني كمت ارجف وابجي لاول مره بحياتي يحطولي كانونه كلش توجعت منها قابله تكلي لاتخافين حبيبتي صلي ع محمد من كانونه تخافين مجاوبتها بشي غير بس عيوني تجري

نوب طفل صدك يروح من ايدي اصعب موقف صرت بي بحياتي وخاصتن هاي اول مره بحياتي ادخل عمليه رجعتلي دكتوره

شافت ضغطي سالتها دكتوره واني ارجف ... يعني راح دخلوني عمليه....اشو هاي عاطت بوجهي. ...

دكتورا .... لعد اني جااابني بهل لليل غير دنسويلج عمليه....

جوري ... اني جفلت و سكتت وخفت اكثر من عياطها الي هاي شبيها هو اني بدون هيج وخايفه. 

... دكتوره..وينج ام ياسر..

اجتي تركض ها دكتوره ..

دكتورا ... يلا اخذيها هناك....

... تقصد ع مكان تبديل قبل دخول عمليه وخلي جهز نفسها ....

أجتي ام ياسر عليه جانت حيل حبابه واخلاقها حلوه مو مثل ذيج البومه .... خاله فدوه اطلب منج طلب...

ام ياسر ...اومريني حبيبتي شنو..  ..

جوري ... رايده اشوف اهلي قبل لادخل للعمليه اخاف اموت حته اشوفهم ... جان كل عقلي راح ادخل عمليه واموت ...

ام ياسر ...  لا حبيبتي اسم الله عليج وهسه نروح هناك واجيبهم الج ..

جوري ...كتلها ممنونه قلبي رحنه بغير غرفه جابت الي ملابس العمليات لبسته مثل تراجي وكلاده كلهن لازم انزعهم بهل اثناء واشوف عمتي جتي تمنيت اشوف امي قبل لاموت باوعتها عمتي واني ابجي بودي احضنها محتاجه واحد يعرف الي بيه بس عمتي ضلت واكفه بعيده عني....

ام مهند .... لاتخافين وهسه تكومين وكلشي مابيج...

جورية... عود ضلت تصبر بيه بس اني اريد امي اريد احضنها والگه الامان يمها اريد ارجع طفله ماعندها اي احلام ولايهمها شي بس العب والاكل...

ام ياسر .....يلا جوري تعاي يمه ...

جوري ...رجلي ماكدر احركها گمت ارجف وزاد عندي الخوف دخلت غرفة العمليات لاول مره اشوف هاي الاات مال عمليه گلبي گام يدگ سريع وخايفخ اطلع من الغرفه  ميته والغرفه بارده ثلج مثل گلبي رغم جان الجو حار بس جمدت بمكاني من البرد صعدت ع سديه جانت عاليه دخلو عليه 2من دكاتره واحد اجه دفعلي البنج وثاني مدري شنو جان يسوي ودكتوره ابتسام وام ياسر هم موجودات..دكتور اخذ ايدي ماحسيت عليه شوكت دفعلي البنج وشلون بسرعه غوشت اعيوني ومادري بنفسي.....

بعد مرور ساعه كامله ...

....بديت اصحه وبس اسمع صوت الدكتوره تحجي تكلهم رايه الخضره لفو بيها طفل اهلها كايلين....

.... بمجرد بس سمعتها وكمت اتذكر بنتي واكول اكيد هسه عايشه وراح يجبوها بحضني ابتسمت خفيف نسيت هيه مريضه لحظات فتحت عيوني گوا اجتي ام ياسر ابتسمتلي..

... حمدالله ع سلامتج جوري...

... اختنكت ماكدر احجي او انطق لكمه غير بس دموعي تنزل حجيت بصوت خافت كوه ... بنتـ ي وينهااا ...

ام ياسر ..بأسى ...  حبيبتي الله يعوضج بغيرها.....

جوري.....هنا اني غصيت بلبجي والوب نوب رجليه ماكدر احركهن جسمي كله يون من الوجع صرخت وبجيت حيل واني بلاعيمي جافه ومجرحه اول مره گلبي يحرگني ويلجمني حسيت بوجع كلش قوي خسرت بنتي الي المفروض اخليها بحضني واشتم عطرها وارضعها اصعب لحظات عليه ألم جسمي والم گلبي بس اعرف وجع گلبي اكبر  ..

...طلعوني من غرفة العمليات واشوف اهلي وعلي كلهم يمي امي اجت باست راسي وهي تبجي وعيونها حمر واني ابجي بحرگة گلب واحجي بألم ... ويماااااا مجاي اصدك صار والله هذا حلم مو حقيقيه بنتي اريدهااا اريد اشووفها ... الكل ضج بالبجي ....

يتبع من اصعب البارتات عليه بنات والله كوا كتبته حتى واني ابجي اعذروني لان تأخرت عليكم جان اكو غلط بترتيب البارت .....

اخطاء لايُمحيها الزمن

انثى 💜 ملائكيه

هاي صورة قبرها زهراء الله يرحمها 😢😭

رجاءً تابعوهم وقصصهن حلوات

ssarahh_333

user96766123

soosoo963