رواية أخطاء لايُمحيها الزمن الفصل الرابع 4 - بقلم أنثى 🪽 ملائكية

آنثى 💜 ملائكيه...

اخطاء لايُمحيها الزمن..

عل كيفــــك علي من تشمر الكلمات

اذوبن لايغـــــــــــــرك مظهري وشكلي

من كبريت كلبي مو حديـــــــــــد اشبيك

بس ادكلي احبك اشتعل كلــــي

قاسم .. شو انتي لسانج طولان ها شنو تركصين مو عيب بابا وزني كلامج قبل لاتحجين وي جبير ...

جوري .... اهوو شحجي گالو عيب لعد اخيط حلكي ... خالو وين العيب يعني واذا تكلي شوكت تزوج  ...

قاسم ...لحت بعد وبعدني مامفكر هسه خلي ابني بيت واكون نفسي والله كريم. دك موبايله... هسه اجيج راجعي درس ...طلع برى يخابر. ...

جوري ...مممم اكيد يحجي ويه صاحبته  شوي وجا...

قاسم ... اكلج راح اطلع خابروني وانتي كعدي حلي الاسئله بين مارجع ...

جوري .. ماشي....هوا راح واني طفرت مددت اديه واشتم هوا بعمق الله على راحه العن ابو دراسه عفت الاسئله ورحت يم بنات واني جاي اطلع سمعت خالو يحجي وي امي ...

قاسم ...هاي شنو بنتج هيج تحجي لسانها طولان وشلون عندها اسئله بايخه كاعد اشرح الها وتكلي شوكت تزوج شوفي وين بالها وهي بهذا العمر...

جوري ...لطمت على خدي ... عزااا شورطني سألته شكد معقد ياربي نوب امي وما ادراك ما امي شيخلصني منها طلعت يم بنات بلحديقه...

هااا جوري وينج شو رحتي ...

حجيت من ورا خشمي ...جنت ادرس....

وكعدنه نسولف.كتلهن بنات اروح اشرب مي هسه اجي دامشي دروح للمطبخ وجان اشوف بنت خالي فرح تباوع على مرتضى ابن خالو علاء. طبعا ولد خوالي كلهم حلوين واحد يكول لثاني اني احلى عندهم وراثه عيون ملونه وجمال المهم اشوفه شلون يباوعلها بيناتهم نظرات عميقه اعيونهم تلمع طفرتلها من ورى فزت

فرح...سلام قولاً من رب رحيم شبيج جوري خرعتيني...

جوري...خليت حنجي على جتفها ...امم شدسوين ياحلوة ...

فرح.... ابتعدت وبعيونها توتر ...هيج واكفه هنا قابل شسوي ..

جوري ..رفعت تك حاجب  ..صدكت بيج....باوعت ع مرتضى وكلت بداخلي حقها تباوعله شلون جمال شايل عيونه خضر كبار شعره اسود سرح جسمه حلو مرتب طويل عنده ضخامه. بس مدري ليش خطر بالي علاوي بن عمتي احس گلبي كام يميل لعلي ويكلي بعد مانعحب بغيرا عفت ومشيت شافتني ماما ...

ام جوري ...يله لج امشي نرجع ابوج خابرنه..

جوري .. يلا. رجعنه.صعدت غرفتي بدلت ونزلت ...

ابو جوري ...يالله وينجن حضرن أكل ....

جوري ...يي وبابا صار جوعان يعني دخلنا انذار والكل يتأهب  ركضت وكفت ويه ماما بلمطبخ احضر حتى لاتجيني رزاله ناشفه ..

ام جوري   شحاجيه ولج ويه خالج ليش حشريه وتخلين خشمج بكلشي...

جوري ... ماما واذا سالته غير خالي قابل غريب ..

ام جوري ...ليش انتي متعرفيهم شنو ليش اله تخليهم يحجون عليج ....

جوري .. ماما هسه شنو يعني شكد معقدين....

ام جوري... شنو لج شكلتي....

جوري ..لا هيج عفتها ورحت لغرفتي اسمع اغاني وهيه ضلت تصيح عليه. ولادرت بال.جان يصعدلي اخويه صغير ..

حسين... تعاي بابا يريدج بساع ...

جوري ..دروح هسه اجي. نزلت لكيتهم دياكلون...

  بابا تعاي تعشي ...

...ماريد شبعانه ..

...تعاي شنو متردين...

جوري .. اباوع امي تغنزر عليه  كعدت كوه اكل شوي وكمت. لل 9بليل واسمع صوت خطار يمنه وصوت حجي جوه فضول كتلني نزلت اركض اريد اعرف منو . نزلت شفت ماما بلمطبخ..
.. منو هنا يم بيبي ..

ام جوري ...ردت زعلانه زوج عمتج يسر ..

جوري ..وليش جاي ..

ام جوري...هم خلي خشمج بالموضوع ..

جوري ... ضربت رجلي بالكاع ...شبيح يمااا كلساع مدخله خشمي بنص وذا سألت ...

ام جوري... غير ديشوف بيبيتج ..

بيت علي ....

... كاعدين الكل ويقررون المن يخطبون وام علي تعدد بنات لـ علي. بنت فلانه و فلانه. اخر شي كالتله اخطبلك جوري  بنت خالك شنو رائيك حلوة وحبابه واسم على مسمى جوري بيضه والخدود حمر جنها العافيه....

علي.....بااوعت لأمي بطرف عيني مشكلتي احب شمس من ثالث بطلت حتى اشتغل وألم نفسي واخذها صارت اتصالت بيناتنا من تقدمت الها اهلها رفضو حيل ضجت وقطعت تواصلي وياها جوري طفوليه ماباوع عليها بغير نظرة ولافديوم انتبهت الها ك ناظجه ...ياجوري وللله ناسي شكلها اتذكر صاار فوگ الاشهر مرايح ولا ملتقي بيهم ولو اشوفها صدفه لولا ...

ام علي .. شبيك يمه شلون يعني شكلها نفس شكلي والله ....

علي...باوعت لامي صفح واني روحي بخشمي ..

محمد ...خااب شبيك تتعارك وي ذبان وجهك شحلاتها جوري ..

علي ..نجب محد طلب رائيك ..

ابو علي .. ها ولك شقصدك امك محلوة ..

علي ...حجي شنو سالفة وكفتو على كلمه كل قصدي مشايفها من قريب ..

ابو علي ...دخطب واشبع من شوفتها يله اني رايح بيت خالك اشوفهم......

بيت جوري

ام جوري ...ديشوف بيبتج الي هيه عمته اخت ابو  وعمته ام مرته  ...

جوري .. ها هم صدك الله يثخن لبنهم ..

ام جوري ...ولج شتكولين لو اعرف ..

جوري ...يماا كلشي ماكول ... بس كلبي حاسس اكو شي رجل عمتي ميجي اله واكو شي. دامشي دروح للغرفه واشوف بابا كاعد يمه وبيبي استحي اروح اسلم عليه بس سمعته ورجلي ثگلن ضليت ارمش ممستوعبه  يكل الابويه اريد جوري لـ ابني علي
اني هنا ماعرف شلون كمت اكمز من فرح معقوله قبل علي بيه اني بس بنفس وكت شكد فرحت راح اتزوج واحد صاك فدوه ....وهلا هلا  ...رحت يم ماما واني طايره من الفرح حضنتها وهي متفاجئه ..

ام جوري....ياااا تخبلت البت وعلي ..

جوري ...بستها بخدهااا ...واحلى خبااال يمااا بنتج صارت عروسه ...

ام جوري....خلت ايدها على كصت جوري ...شبيح يمه صخنتي ...

جوري ...لايمااا ما مصخنه عمو اجه يخطبني لـعلي ...

باوعتي و عضت شفتها بمعنى اسكتي عيب واشوفها تبتسم. رحت بصفها... ماما اني قابله ترى كلوله كبع وخذ ...وجان يجي بابا اشوفه يباوعلي ويبتسم  وطلع برى اعتقد راح يگول لعمي جبير. رجع بابا واني بكلبي اكول ليش مجا سالني شننو مالي دور بعرسي خاف رفض. رحت باوعت بعده لو راح عمو شفته طالع ماكو ورحت شفت بيبي تتلم بل فواكه كتلها...

احمم عنج بيبي اني اسوي ..

اخذتهن وكمت احوس اريد اسئلها بس بيبي مثل البارود اخاف احجي وتنفجر بوجهي بس گوا قويت روحي كلت خلي اسالها وشيصير خلي يصير ...

بيبي شعجب جا عمو ابو مهند...

حبوبه .. هيج اجه يشوفنه ...

جوري .. ها بس هيج. ...

حبوبه ... احسج تعرفين ليش جاي ..

جوري ..جان ينخطف لوني ..هاا ..

حبوبه   احنه نطيناج الهم ...

جوري ...حسبالك شمرت بوجهي مي بارد وصحتني باوعتها واني خجلانه اول مرا احس بگلبي يدگ من الفرح ..شنوووو ..

حبوبه ...شووف البنيه خدودها صارت كلوب احمر
صرتي لـ علي قابله انتي مووو ولو شكلج زفوني ماريد العشاا ..

. جوري ..هاا شنوو بيبي ... ياربي غير ابيع ثگل خب حظي ...ااي عادي وشكو بيها بس لو جاي هوا راكع وبيدى الحلقه وطلب مني زواج مو افضل ....

حبوبه ...انتي ضاهر غسلت مخج مسلسلات تركيه ...

جوري ...بيبي شبيج غيرر اشااقه ...

حبوبه ...ابتسمت .. اي حبيبتي عمتج يسر  مثل امج واكثر بعد وهمه كلهم مثل اهلج القريب اوله من الغريب.....

جوري ..ان شاءالله بيبي .. بداخلي هسه شنو اهله اهم شي علاوي ألي فديت زوجي ..

ثاني يوم بليل اجت اخته مروه.

اعرفكم على عائلة علي.. متكونه من 7 نفرات اخواته 3مزوجات  وحده مطلكه الي هيه مروه واخونه 2 واحد مزوج وثاني بعده. اجت مروه سلمت وكعدت يم اهلي وجيت اني سلمت عليها..

مروة .. هااج هذا الموبايل الج  علي دزلجيا وهذا رقمه موجود ويرد يتصل عليج ..

جوري .. باوعتها واني مرتبكه ..ها يعني عادي احجي ويا...

مروة ... اي شبيج...

جوري ... اخذت موبايل باوعته نوعه نوكا دفتري لونه اسود معجبني بداخلي كلت مو حديث بس يله هم حلو ماشي حاله  تشكرت منها وصعدت لغرفتي فتحته وخليته ع شحن وشوي وفتح انتظرته شي نص ساعه يشحن وماشوف غير رقم يتصل خرب كلبي كام يدك وي نغمه  اخاف اشيله واني ابد محاجيه ويه ولد بلموبايل. رديت ع خط ،اسمعه يكول...

علي .. الو ...

جوري...بلعت ريكي جاوبته بهمس .. الو.. وشو هذا نكطع خط نوب دك شلته ...الووو .وماكو صوت اكثر من محاولتين وماكو صوت ماسمعه ثاني يوم ونفس شي اجتي اخته ...

مروة .. شنو سالفتج متحاجي ...

جوري ... والله ماكو صوت اكول الو وميجاوب ..

مروة ..ليش..

جوري .. عوجت حلكي ..ماعرف ..

مروة ..زين راح اخذه يشوفه ..

جوري ..  براحتج... راحت وره ساعات رجعت جايبه غير موبايل.... شو غيرتو...

مروة .. هااج سماعه جانت متشتغل بذاك موبايل وبدلنا ..

جوري .ها.. وشوي وجان يتصل جاوبته. ...

علي ..الووو ..

جوري .. الو .

علي، هلووو شلونج شخبارج ..

جوري ..يحجي وصوته بي بحه تجنن خلاني اتخردل احس صخنت ولج جوري احجي هسا شيگول كوا طلعت الكلمه متوترا حيل بهمس..  الحمدللله وانته....

علي .. ضليت اليل كله متوتر ودايخ اجيبها منه واوديها منه كثرت اتصالات شمس بس اني ابتعدت اريد انساها طريقنه مسدود اخر شي قررت اخذ جوري بلكت احبها وانسى شمس ومافكر بيها راح اتواصل وي جوري والله كريم اتصلت عليها جانت حيل متوترا وتهمس من تحجي .... دومج الحمدالله موبايل ذاك جانت سماعته ما تشتغل شلونه هذا موبايل جبته عجبج....

جوري ..ابتسمت لا أرادي .. اي كلش حلو شكرا. ..

علي .. تدللين شدسوين...

جوري ..باوعت متربعه وكتاب ودفتر بحضني..
كاعده والدفتر بيدي عندي امتحانات عن قريب وكوه اقراا. ...

علي ... ها شنو امتحاناتج ..

جوري .. طلعت بل ٣

علي ... خرب شكد كسوله لعد ..

جوري .ابتسمت بمكر... عليك غير...

علي ..هههههههه ولج اريد اشوفج تدرين صار هواي مشايفج....

جوري ..ها شلون تشوفني..

علي .. من سطح اني واكف يم باب مالتنه صعدي هسه شوفيني ...

جوري .. ثواني اروح البس شال

علي .... دتعاي ميحتاج تلبسين ..

جوري  سالمين ترى بعدنه ماعقدنه....

علي .. هههههه يله ع سريع لاتتأخرين منتظرج ..

جوري ..  ماشي رحت طلعت شال لونه بصلي...
وطلعتله للسطح باوعته واكف فدوه طوله. سويتله بيدي هلاو وحاجيته بل موبايل كتله.. ها شفتني..

علي . اي شفتج..

جوري .. شفت مني والفرع اظلم ...

علي ...ههههه ام السان عادي المهم شفتج ...

جوري .. هههه راح انزل لاتشوفني ماما ...

علي .. اوك..

جوري .. بعدني مادخلت للبيت وعمي صلاح اخو بابا طلعلي من بيتهم جان عدهم درج من يصعد يصير سطحنه كباله فـ هو شافني جفلت ..

صلاح .. ها ولج ويامن تحجين ...

جوري .. طبعا عمي اعرف بي فضولي ويدخل بكلشي. جاوبته ويه خطيبي علاوي ..

صلاح ...  هلا عيني هلا بعدكم معاقدين مهر وهيج سفرتحي ..

جوري   اي يله باي عمو هو ضل يفر بيده ومعاجبه. اني مهتميت اله دخلت وجاني صوت علي ..

علي .. وينج ...

جوري ..  هااا جان  يحاجيني عمو ويكلي بعدكم معاقدين...

علي ..برود ... شسويله عوفج منه....

جوري ...ياربي كلمه توصل لحنجرتي وابلعها كوا ردت احجي عصرت ايدي ماعرف منين اجتني القوا وطلعت بأحرف متقاطعه .. ا...ح...ب ...ک.. هوواا ضل ساكت وشوي وجاوبني بصوت خافت...

علي ... وأني هم....

جوري .. .. ها...

علي ... يلا اترخص بعدين اخابرج..

جوري .. اوكي.  وسدا ووف هذا شبي ميعرف يكلي احبج يله شتردين مو حتى ناسي شكلج جان ضليت اغم بگصتي على تسرعي من خرب حضي . خليت سماعات بذني واسمع اغاني. شوي وجان تجيني رساله من عنده
مكتوب...

(تمنيتك وسط رمشي واشوفك وين ماتمشي وحط روحك وسط روحي واحرسك اني من كلشي)

قريتها وابتسمت كلت اجاوبه وحته عبرتها من عندي ضليت صافنه فكرت اكتبله ...

(كيف..احبك وأسمك مكتوب بقلبي..كيف احبك وصوتك طرا بقلبي.. ويذوب عليك)ورسلتها اله.

جان تجي يمي بنت عمي شيماء

شيماء .. هلا جوري مبروك عيني ع خطوبه....

جوري ...تسلمين حبي شوشه يوم الج وافرح بيج..

شيماء ..عيني طاگه وموبايل اي احجيلي منيلج هذا بلعافيه...

جوري ...هههه هو دزليا وتخابرنه تعاي شنو رئيج بهذا الشعر طلعتله من كلبي واخذت موبايل مني وقرته ....

شيماء ..هلو هلو  عمي صايره شاعره بحب علاوي شيريد بعد....

جوري .. دنجبي ...

شيماء .. بس شبيج مو ع بعضج صح فرحانه بس مو من كلبج احس بعيونج لمعة حزن ...

حوري ..باوعتلها متفاجئه شلون عرفت امبين عليه هلگد اخذت نفس ...اوف شوشه مادري اكو غصه بگلبي و مخنوكه اصوري اكله احبك هو وره وين يله يجاوبني ويكلي اني هم حتى مكلف نفسه يكلي احبج ....

شيماء ...شبيج جوري لاتنسين هو جان يحب بنت عمته وكلها تعرف اكيد يحتاج وقت حتى يتعرف عليج وينسى ذيج المشاعر لاتستعجلين....

جوري ...دمي حيل احترگ ليش حب بنت عمى ... سكتي شوشه لاتكوليها اغار مو بس اغار مدري شصير بيه من اسمع احد يكول يحب بنت عمته احس كلبي يتكسر وصعبه عليه وهوا راح يصير الي...

شيماء . الله يساعدج حبي....

اجتي عمتي اصغر وحده هلا بنات شلونجن باوعتني

.. هاي شنو جوري ولاصدكت انتي نخطبتي لـ علي معقوله ولج....

جوري ..  ليش متفاجئه بالله ..

... مادري بس متوقعت انتي اله..

جوري ..شبيها ليش هيج تحجي غير عمتي عشتو وتفرح الي بداخلي ماعرف شبيها جتي ماما هم كعدت ويانه واسمعها تحجي وي امي شكد حزت بنفسي..

....موهوا الي رادها امه كالتله عليها وهاي اخته مروه تخبلت تكلها ناخذ شمس شنو جوري ويع اوف الله يعينها شلون راح تتحملها وانتي تعرفين ماخذه هم نظره لان طلكيها كرايبكم....

جوري ... احس شتعلت متحملت الي سمعته من عندها رحت غرفتي اركض شمرت نفسي على دوشگ حضنت المخدة وگمت ابجي معقوله خاف يطلع مجبور عليه وهاي ليش اخته متحبني بس شفتها شكد زينه اثاري بالوجه امرايه والبگفه سلايه اووف وني جنت اكول هنيال الي يكعد بيت عمتي هلكد ماشوفهم زينين وحبابين وبل اخص عمتي صدك لو كالو ناس مضاهر مسحت دموعي وجان يتصل عليه جاوبته...

علي ..الو ..

جوري ..كوا اكتم شهگه وامسح دموعي تنزل .. الو..

علي .. عفتج لان صار عدي شغل ...

جوري . عادي مصار شي ..

علي .. شبيج وشبي صوتج ...

جوري ..شعجب هالمرة حس حسبالي حساسه طافي .. ها لا مابيه شي...

علي .. زين منو يمج....

جوري .. وحدي ...

علي .. ها شوكت تنامين..

جوري  ...فد ساعه ماعرف وانته...

علي ..  تعبان اروح انام باجر احاجيج...

جوري .. ماشي خذ راحتك.... سده اووف هذا شبي يحجي ويايه برود ومامهتملي همزين عرف شنو موزين هفف.دزيتله رساله

(منتظر منك سؤال وحاضن الهاتف بيدي ادري ماعندك مجال عمي احبك مو بيدي)

ضليت صافنه وافكر بي حتى دروسي هملتها. نعست ونمت ساعه ٢بليل اسمع موبايل يدك جنت مخليته ع شحن فزيت ع صوته لان عالي حتى اختي كعدت مخترعه باوعته موبايل رقم غريب كلت خاف هو دك من غير رقم وماعنده رصيد. جاوبته..

... الو ها حبيبي اجاني صوت رجال خشن احس جسمي كزبر ..

.. الو فدوه لهل صوت الحلو..

جوري ...عزه جفلت من مكاني وگلبي يرعد صوته  مثل صوت علاوي بس اخشن بس علي ميكلي هيج كلام معقوله هو كبل سديته وكتلها اختي ...

ازهار ... لج خاف مو هو ...

جوري .. مادري ولج ... رجعت للفراش وضليت اتكلب واكول منو وجان اسمع هزاز موبايل كمت ع حيلي باوعت رساله بنفس رقم....

.... عيني شدعوه متردين فدوه ردي شكد حلو صوتج  ...

جوري .....باوعت مكالمات كومه عزه منو هذا حذفت رساله ورجعت للفراش لحد مغفيت ونمت كعدت صبح. لكيت علاوي دازلي رساله (صباح الخير) ابتسمت جاوبته صباح النور حبيبي. كلي اكدر اخابرج كتله اي عادي اتصل ..

علي ..شلونج

. اني حمدالله وانته

حمدللله.

سؤال ..

علي . جواب

.. انته البارحه هم مخابرني بليل ساعه ٢من رقم غريب

علي ..  لا

جوري ..  بهمس عزه لعد منو هذا

علي ...شبيج شنو...

..توترت حيل شنو اگله هسا بعدين كلت لا خلي احجي قابل شيصر ... ها بارحه هيج وهيج....

علي ..بعصبيه .. وشكوووو تردين ع رقم متعرفي

جوري ..بعدت المبايل من اذني عززا شكد عصبي لمعت اعيوني بفرح اكيد يغار خليت موبايل على اذني واخذت نفس نعمت صوتي ..حبيبي غير عبالي انته والله....

علي ... بعصبيه ..ديلله مسحي وبعد لاتجاوبي..

جوري ..استهضمت حيل شنو ديصيح قابل شسويت ....اي والله مسحته....

علي ... يله اني اروح للشغل....

جوري .. كتله الله وياك  غلقت الموبايل وگلبي نار وشرار شكد ضجت من تعامله وياي دومه بارد ومن اخطاء مينصحني يگب بوجهي ..

راح يوم اجه يوم خابرونه راح يجون اهله يجيبون نيشان. بوكتها اجن عماتي ماما جانت مشتريه الي ملابس جدد نفنوف قصير دنفوش جلد نمر وبدي ويا ربع ردن جان موديله وشسورت شعري ولبست كسسوراتي ونزلت لكيت الكل جايه عماته لـ علاوي وبناتهم واخوته ومرت اخو. كلش جنت مستحيه حيل ومرتبكه افرك بيدي والخجل طغى عليه دخلت وسلمت عليهم وكعدت عمتي جتي  .

يسر... كدري المحبس ع كدج..

جوري ..ايي اخذتها قستها .. اي..

.. هاهيه بس حلقه ماكدرتها جان الذهب مو كامل بس حلقه ومحبس وكلاده وتراجي. وامي اشترتلي سوار وبتوت وكلاده باسمي هم وجابو قران وعبايه  ضلو كم ساعه وراحو. ثاني يوم امي...

ام جوري... اگلج شو عبالك حلقه جبيره تعاي كدريها..

جوري .. اجيت لبستها صدك جبيره ..

ام جوري .. كليله حثته يبدلوها الج...

جوري .. ماشي ..خابرته وكتله...

علي ...  يله راح تجي اختي تاخذها ونبدلها او اذا تردون انتو رحو بدلوها يم فلان صايغ وهو مو غريب عم ابويه...

جوري .. وصدك راحت بيبي وامي بدلوها وجت بيبي..

حبوبه ...شفنا علي هناك ..

جوري .. بيبي خابري خلي يجي يمنه اشوفه واكحل عيني بشوفته ..

حبوبه ...لج شو بايعه المستحه لا بسبحه ..

جوري ..ههههه بيبي حبابه غير ختيبي ..

حبوبه .. يا لج شنو مشايفته ...

جوري.....لاااء شايفته بس اشتقايتله حبابه بيبي.. ضليت اتوسل بيها كالت يلا راح اخابره وخابرته وصدك وره نص ساعه واجه  رحت اني بدلت بسرعة البرق لبست بدي مشجر بلون فستقي وبنطرون اسود وشال نزلت اركض بس شفته كاعد يم بيبي ويسولف كلبي فرفح عليه دخلت سلمت عليه وكعدت ليغاد من عنده قدمت ماما فواكه ...

حبوبه .. يله اتفضل ..

علي ..اخذت تفاحه ومنزل عيني رفعت راسي واشوف جوري منصيه راسها وتفرك بيدها متوترا
كشرت تفاحه واكلتهم...

حبوبه .. تكوم انطيها جوري متردك....

جوري ..گلبي يدگ سريع نشف ريگي احس جنت اركض اجه يمي اني جنت مدنكه وميته خجل رفعت راسي واباوع بعيونه وهم ضل صافن بعيوني وبيده تفاحه ..

علي ... اتفضلي .

جوري ..اخذتها من ايدى وتلامست ادينا رجفه سرت بجسمي رفعت عيني وهوا يباوعلي  همست... شكراً... وابتسملي ورجع كعد. خرب اكل بتفاحه هاي حته طعمها يختلف من الحب بويه صرت اموت ع تفاح وابو تفاح اباوعه فدوه غير يجنن لابس قميص رصاصي وبنطرون كايبو يكتل شوي واترخص وطلع. دزيتله رساله...

(مخلوقه هاي الناس بالقدره من طين ورب العرش سواك من مشمس وتين ياعسل🙊)..

شوي وجاوبني ..

(من طيبة اصلك ضاقت كل المعاني ياريت كل الناس مثلك وهاي اصعب الاماني)..

قريتها وابتسمت ابتسامه كذابيه. ومرت الايام الى ان قررو نروح للكاظميه يجهزولي للمهر. ثاني يوم صبح كعدتني ماما ..

ام جوري ...يلا كومي بدلي كالو بل ١٠نطلع ..

جوري ..يوميه گوا اگعد اليوم كمت بنشاط بدلت طلعت جبه لونها بصلي وشال وكشخه وكذا نزلت لكيت ماما مخلصه طلعنه لكينه واكفه سياريتين. اجه علي...

علي .. هلا صباح الخير. ..

..اجه يمشي بهدوء واعيونه لمعتهن تجنن بشمس بلعت ريگي بصعوبه اعليمن اصفن على رمش لو العين لو الهيبه .. صباح النور منو راح يجي....

علي .. اهلي كلهم خواتي واخواني ..

جوري ..باوعتله صفح وهمست بين شفايفي ..لو جايب العشيرة فد مرة ..

علي ..هااا ..

جوري .. رمشت عيوني ..ها ..

علي ..يله امشي اذا مخلصين..

حوري ..  اي ثواني اصيح ماما صحتها ورحنه ركبنه بسيارتهم اني وامي وعمتي واخته وهو وابو ليكدام. جان ابو الي يسوق واخوانه وخواته ومرت اخو بسياره ثانيه وصلنه للكاظم تنفقنه بس نروح للسوك مازرنه لان يادوب نلحك. رحنه بمول جبير كلش خاص بس للعرايس اباوعه شكد حلو بدلات ولفساتين اشكال عيني وماتشوف. لاول مره ادخل هيج مكان حلو وراقي احس راح يصيرلي حول هالكد ماتفتر اعيوني على المحلات دخلنه محل فساتين عمتي واخواته معجبهن كالن محلوات واني وياهن اكلهن اي لان استحي ضلينه نفتر اكثر من محل اختيارهم صعب لحد مشافن محل فساتين الي عجبهن ...

يسر.....شرئيج بهذا فستان...

جوري ..جان لونه ماروني مخصر مفتوح من وره ضهر نصه يبين ودنفوش باوعته لاباأس كتلها ...يي حلو ...

يسر .. دروحي كدري....

جوري ..دخلت كدرت فيت عليه اجه باوعت نفسي بلمرايه وافتريت شكدد حلو عليه فستان اجن شافني كالن هذا حلو هاهيه واخذنه ونوب اخذن فستان لونه ابيض لي من يجي يعقد البسه. ونوب ع مكياج هنه كله ع اختيارهن بس همستله امي
... ماما اريد صبغ اضافر لونه اخضر..
هذا احبه لوني مفضل هو الاخضر..

ام جوري...بنات جوري تريد صبغ اضافر ..

جوري .. أجيت اغم كصتي من الفشله متت خجل شو ذولي مدري شلون يباوعون عاد اخذتليا امي خلصنه كلشي. ..

ابو مهند ...مجعتو نروح مطعم..

جوري...اني معدتي نعصرت متت جوع من الفرا..

الكل كالو يلا...

جوري ..دانمشي واباوع على علي ابد ميجي ويمشي وياي ولا يباوعلي غير يجي يوگف يشوفني شأريد يلزم ايدي ليش هالبرود وتوتر وطاغي عليه نوب  اشو اذا يباوع بخزرا ومبوزم شبي هذا گلبي حترگ بس اني اخذت امور طبيعه ماريد ابين نفسي ضايجه  دخلنه مطعم تغدينه وخلصنه دانرجع بلطريق عود عمي يشاقه...

ابو مهند.. ولج جوري روحي اخذي من ابوج مليون وجيبلياه ع هذا صرف صرفنا ...

جوري ..باوعته وابتسمت. محجيت كلشي حيل استحي منهم. رجعنه جان دنيا حاره كلش.كبل رحت للحمام سبحت وطلعت ورحت ذبيت روحي ونمت من تعب شكد مامشينه فترينا اشو حتى ماخفت من طلعه ههه كعدت لليل فتحت موبايلي.ماكو لارساله ولامكالمه من عنده نزلت شافتي ماما. 

ام جوري.. ها صح نوم باجر عدج امتحان انكليزي لاتنسين...

جوري .. صدك اسمي وين طلع بيا مدرسه....

ام جوري .. مدرسة الانصار...

جوري .. هاي مالت ولد..

ام جوري....  اي ..

جوري .ومنو يوصلني عود ...

ام جوري ... ابوج يوصلج  

جوري ... اروح اخابر هدى اسئلها خابرتها هلا هدو شلونج...

هدى .. هلا جوري حبي بخير ونتي ..

جوري... زوينه اكلج باجر عنده امتحان انكلش تعاي عليه ونطلع سوه ..

هدى .. اي اجيج صبح بل ٩ ..

جوري ..انشاءالله. رحت فتحت كتاب خرب ولاالي واهس بس افكر ب علاوي ليش لسا مخابرني احس علي سكن عقلي وياكل ويشرب وياي كلت خلي ادك عليه ادك وماكو. وره ساعه اتصل الو ...

علي ... الو

جوري ..جريت حسرة . شو وينك ضل بالي...

علي ..  والله التهيت ..

جوري ...ردت اشوف ردت فعله شنو وراح يغار لولا گحيت على كيف ونعمت صوتي حيل .. علوش باجر عدي امتحان بمدرسة لولد ...

علي ..  ها ويامن ترحين ..

حوري ..گلبت عيوني ..ويه صديقتي نتمشه...

علي ..ها الله كريم...

جوري .. يلا اروح ادرس بعدين نتخابر كال ماشي سده وردت اشمر الموبايل من عصبيه اووف ولاتصيرله چارة كعدت اقره. وثاني يوم كعدت بل ٩ بدلت ع سريع ونزلت شفت هدى وامها جايات
بس شكد استحيت من امها اخذنه تكسي ورحنه وصلنه للمدرسه عزه اباوع مدرسه كومه بنات مليانه ملي شكد وكعن بدرس الانكلش صاحونه بل اسماء ودخلنه قاعه امتحنه خرب اباوع الاسئله شكد صعبه هفف التفتت ع هدى ورايه كاعده غمزتلها واشر ع الاسئله بمعنى اريد حل سوتلي بيده لا بمعنى متكدر. كلت خرب بلحظ وماحس غير معلمه تعيط بيه عينج ع ورقتج المهم حليت الي اعرفه وسلمت دفتري خلصو كل طلاب وطلعنه ....

هدى... ولج شلون تردين اردلج ونتي بعيده عني هم تردين ننكشف ونوب شلون معلمه جنها بومه تفتر فوگ روسنه ...

جوري ...سكتي هدو والله ضجت لان متاكده هم راح اطلع بل انكلش عيع شكد مكروه اموت منه ...

هدى.....ههههه هو هم ميحبج...

رجعنه للبيت تلكتني امي ...

ام جوري ...ها شلونها الاسئله حمامه غراب جاوبتي لولا  ..

جوري ...يماا لاحمامه ولا غراب مادري ع الله ...عفتها صعدت بدلت ونزلت تغديت رحت ع موبايل اباوع مامخابر ولارساله  لو اعرف من شنو الله خالقه ربي لو منطي شوي احساس خلصت غده ودزيتله رساله...

( بس الك اكتب احبك وبس الك زاد الحنين وبس الك ضليت عايش وهسه بغيابك حزين)

رسلتها ورحت نمت كعدت لكيته متصل دزيتله مسكول لان ماعندي رصيد خابر ..

علي . الو...

جوري .. الو...

علي .. شلونج..

جوري .. الحمدالله وانت شلونك...

علي .. حمدالله شوكت رجعتي من الامتحان..

جوري ..قبل كم ساعه....

علي .. وشلونها الاسئله جاوبتي عاد..

جوري ..  يعني والله هم خايفه  اكولك انته راح تخليني اكمل دراسه مو.....

علي.. كيفج اذا تردين تكملين عادي بس اذا بطلتي مترجعين بعد من هسه اكلج....

جوري .. ها مادري بس اني ماحب دراسه وتعرف بس افكر بيك وحتى بالي مو يم دراسه اصلا بس اجي افتح كتاب تخطر انته بالي يطير الواهس من القرايه واضل مشغوله بيك ..

علي ..ماعرف صارلي من عرفت تحبني رمشت اعيوني اريد استوعب خليت ايدي على گصتي ياربي تحبني واني لا أحم احم وجليت صوتي ....  عود صدك تحجين جوري ..

جوري ..همست ..اي حبيبي والله اني احبك...

علي ... يعمري انتي....

جوري ...رمشت اعيوني اريد استوعب الي گاله 
مصدكت الي سمعته معقوله بدا يفتح گلبه احس دكات گلبي بحنجرتي واخدودي شتعلن نار ......شنووو عيد...

علي ..شبيج يمعوده ...

جوري...  ها مدري....ياربي جبل ايفرست ميلحكه بالبرودة هواي نقهرت منه واني طبعي حساس بسرعه ازعل كل هاي المشاعر الي اكنها بكلبي اله مثل الي يركض لشخص وذاك ثاني يستمر يبتعد هيج ويه شكد اريد قربه هوا يصدني ويبني حاجز كونكريتي ...

يله علاوي اروح ادرس باجر عندي امتحان علوم...

علي ..  اخذي راحتج..

جوري .. سديت الخط واني ضايجه فول ودمعتي بعيني فتحت دفتري مال العلوم كعدت ادرس جتي ماما..

ام جوري.. راح ابوج يجيب الصبغ ويصبغ البيت علمود المهر...

جوري ..رفعت راسي من الكتاب ..  ها ومنو يصبغلنه...

ام جوري..  ابوج يدز خبر  لـ علي ولـ حسين جوراينه يجون يصبغون يعرفون ..

يتبع

أخطاء لايُمحيها الزمن

شوو منشن لمتابعينكم خلي يقرونها ولاتنسو التصويت حبايبي

اقرو قصتها هواي حلوة faitma-altafili

ممكن متابعه الها nosha_hassan

اعتذر من البنات الي طلبو دعم هواي رسائل تجي ودخت الي رايدا دعم ترجع تراسلني

آنثى 💜 ملائكيه