رواية أخطاء لايُمحيها الزمن الفصل الثالث 3 - بقلم أنثى 🪽 ملائكية

آنثى 💜 ملائكيه

اخطاء لايُمحيها الزمن

تم اعادة نشر البارت

جوري ..احس راح اصيرلي جلطه واگف وحسبالك منتظر الاشارة حتى يهجم اعيونه علينه متشخصه بعد ماوصلنه لـ يمهم وتجي سياره توكف وارهم ودك هوررن طوووووط رجت الشارع رج حته اشوف صديقاتي سدن اذانهن وصارن يخافن وهذا ماشفته غير ركب سياره وفلت سريع.التفتت على سياره واكفه ع صفحه وكلت بكلبي ليش جتي وكفت وراها واباوع سيارات مستمره تمشي كلت اي هاي الله رسلها النه حتى مايخطفونه ضليت شبه مصدومه بلي صار واريد استوعب..

وهاله ....جوري شبيج وجهج اصفر ...

جوري ..هاا مابيه شي امشن سريع ..

هدى.... جوري شفتي هاي سياره الي وكفت قريبه علينه واحد نزل منها شفتي شلون يباوع والله خفت من نضراته بس ليش جتي هاي سياره وراه ليش مامشت حالها حال سيارات وهو اخذ سيارته وفلت وسياره بقت واكفه شنو سالفه مجاي افتهم...

جوري .. حته اني مثلج دكول ...بس اني بكلبي كلت احساسي رادو يخطوفنه بس الله جابها النه هاي سياره فدوتك ربي ومثل الناس هواي يكلولي انتي عدج الحاسه سادسه جنت اكول شلون يعني من هذا موقف عرفت اصلا اعتبرتها هاي معجزه من رب العالمين الي مصار شي بينه ضليت احمد الله بكلبي. لحد موصلنه لبيت ست زينب وكعدنه ندرس بس اني صافنه ولا يم درس من تشرح معلمه اضل سرحانه

وبنفس وكت هم ضل خوف بكلبي وادعي من الله ارجع اهلي سالمه . لل 6العصر ضلينه ساعه ونص وطلعنه واحنه دانمشي وصار المغرب واباوع شارع فارغ والخوف زاد عندي لحد موصلنه للبيت يله كدرت اجر نفس دخلت للبيت تلكتني امي صيح عليه

ام جوري... بعد وكت جان نمتي بعد شكو هلكد اتاخرتي...

جوري .. والله ماما غير بعيده وساعه لحد موصلنه..
انتبهت ع طباخ مخليه ملح على عيون.. ماما شنو هذا ملح هنا ..

ام جوري... غير من وراج ضليت قلقه عليج وخايفه وكلت جوري راحت بعد متجيني متعرفين هسه الوضع موزين خطف وقتل وانفجارات غير من خوفي عليج واليوم شفتج بلحلم داتمشين انتي وصديقاتج بشارع اضلم وتجي سياره توكف يمجن وهنا فزيت من الحلم مشوفين مقبلت ترحين ومنعتج بس شسويلج انتي راسج راس، نااا يعني نااا ،

جوري ...حيل استهضمت واشوف أمي شلون محترك دمها عليه وشلون حست بيه والله راولها بلحلم وتحقق صرت ابجي وارجف ...ماما صدك جتي سياره وكفت قريب يمنه ونزل واحد منها بس جتي سياره ودكت هورن قوي واشو هذا صعد سياره وفلت.ويمكن لان قريت ايات بكلبي مثل متكليلي والله نجانه منها......

ام جوري....الحمد الله ربج دفع هالمصيبه شوفي حتى مره ثانيه سمعين كلامي من اكلج على شي ويلا روحي بدلي وتعاي تعشي. ..

جوري ...صعدت لغرفتي وخانكتني العبره نهديت وصرت ابجي بقوه ليش ياربي كل هذا يصير وياي مو تعرفني اخاف ويمكن كلت مجرد احساس وماكو هل شي بس هسه ثبتت صدك من امي تكلي شفتج بلحلم يعني صحيح جان احساسي ياربي بعد شنو اشوف بحياتي ضليت صافنه وتذكرت كم مره الله نجاني من تكهربت وضل كهربا لزمتني بلخمس دقايق لو اتذكر لمن رحت استلم شهاده واشوف وحده شايله سجينه وتباوعلي تذكرت حتى الحلم يعني مو بس الاحلام صارت تتحقق حته الاحاسيس. طلعت من جرار دفتري ومذكراتي جنت من اضوج اكتب يومياتي باوعته وضليت اتصفح بي واكول لو رايحه وصايرلي شي جان هسه شنو حال اهلي وكل هاي غراضي موجوده وحته دفتري الخاص ضليت اتخايل الموقف وابجي وبعدين حمدت الله الف مره نزلت غسلت وجهي واباوع على اخواني يباوعون كارتون واكول بكلبي الله يخليكم الي رحت غسلت وجهي شافتني ماما ...

ام جوري ...شبيج داتبجين بنتي ...

جوري.. ابتسمت وگتلها لا ماحبيت اكلها واقهرها اكثر سويتلي لفه وكعدت اكل واني كل شوي يجي موقف بالي. كملت وصليت ورحت غرفتي جتي اختي يمي ..

ازهار ..جوري شبيج ليش تبجين ع طول واشوفج مهمومه ..

جوري ..كعدت احجيلها لاختي مرات احجيلها الي بگلبي لان مالكه احد احجي ويه وهي اختى الوحيدة شفتها كامت تبجي وحضنتني وخرتها مني كتلها ....بس عاد ولج هياتني كدامج اجه اخويه..

حسين ...شكو هاي مناحه صاير عزاا ومادري ..

جوري ...ابتسمتله... ماكو شي حبيبي لان مجاوبت بل امتحان دنبجي وضايجين خايفين نرسب السنه...... محبيت ابين الى واكله واخلي يخاف هو هم وشوي كتلهم اني اروح انام نعست رحت نمت ثاني يوم جان دوام ضهري حته مالي واهس اروح بس انجبر وصرت ماطلع اذا ماخذ احد وياي ب روحه بل رجعه.....

مرت الايام ورجعت من المدرسه للبيت للعصر جتي امي تكلي نروح للكاظم اهلي لازم كل اسبوع يرحون يزورون ،...

ام جوري...يالله بنتي حضري روحج و تتعاي ويانه...

جوري ....يمااا مااجي والله اخاف ...

ام جوري... لاتخافين وانتي رايحه فدوه للامام ان شالله يوخر الخوفه منج يله هسه تجين تره ميضل احد بلبيت ...

جوري ...امي وحطت شي براسها لازم امراً وطاعة ... يله ماشي بدلت وطلعنه زرنه وصلينه...

ام جوري... امشينه نروح شوي للسوك نشتري ادوات وشغلات مال مطبخ ..

جوري ...رحنه وهناك جنت واكفه يم ماما وكالتلي الزمي طاوه بين مافتح علاكه فـ اخذته وجان واحد يفوت واسمعه يكول ياريتني بيدج طاوه ويباوعلي ويغمز عزه اني جفلت من مكاني وتوترت وخفت لاسمعت امي بس اضنها مانتبهت اخذتها مني وخلتها واخلت باقي غراض ومشينه اخوي يبجي يريد سياره شاف ملاعيب كالت امشي دنشتريله فـ احنه دخلنه وصاحب المحل رحب بينه ويباوعلي اني مهتميت التهيت ويه اخويه واختارله بل سيارات راد اثنينهن اخذتهن اجه صاحب محل كلي بس هذن تاخذين وغمزلي التفتت ع امي خاف شافته باوعتها خطيه طلع فلوس من جنطه نطت امي لفلوس هو خلاهن بعلاكه ونطانياهن وخله رقم بيدي ضليت صافنه ممستوعبه اول مرا صير وياي بلعت ريگي وباوعتها ورقه رقم بيدي  عزه متت خوف بس حاولت مابين اخذت علاكه والورقه بيها رقم صارت مشدوده ويه علاكه ضاهر هو لفها بيها صرت اعصاب بس ماردت ابين وناس هوسا هسا شيگولون هنا اخويه يكلي نطيني سياره كتله خل نوصل للبيت واني بلطريق سحبت ورقه فتحتها مخليت امي تنتبه عصرتها بيدي وذبيتها وخليت الامور طبيعه وبكلبي ادردم عليهم شكد ميستحون الله لايوفقهم لو امي منتبها جان شصار اتنفست گوا اخذنه تكسي ورجعنه للبيت.وصلنه وجنت حيل تعبانه سبحت وبدلت ونمت وثاني دوامت ومثل كل يوم الى ان اجت الامتحانات اخر سنه نطو عطله اهل سادس فتره محدوده يقرون بيها فـ اني طول هل فتره ضليت ادرس بيها لحته انجح مرات اني كاعده اسمع ابو طيور يصوفر اطلع اباوعه من شباك شوي وسده ومرات اصلا ماطلع لان صرت اخاف هوايه وافكر بكلام امي وعمتي والى ان جا يوم صرت ابد ماطلعله ولهيت نفسي بلدراسه ....

واجه ليوم لي نمتحن وزاري جان اول يوم عنده اسلاميه طلعت للمدرسه وصارو يصيحون اسم اسم ويدخل قاعه وصاحو اسمي صارت كعدتي اول رحله ورايه صديقتي هدى واجه معلم استاذ هشام شرف علينه شلون اشوكولات هذا شلون اتخرج مادري ولاارتاحيتله كل شوي وجاي يوكف يمي لو يباوع على بنات بصورة محلوة رفعت راسي واشوفه واگف فوك راسي ويباوعلي بنظرا قذرة حتى اضليت مرتبكه ماعرف اكتب وهو يباوع عليه قررت اكسر صمت حتى يولي من وجهي ...

جوري ...ها استاذ ...

... شسمج ...

جوري ..... باوعته صفح ...جوري ..

بهمس ...مممم عندج موبايل..

جوري .. تفاجات بسؤال ...لا ..

....ها عبالي عندج جان ساعدتج بل اجوبه..

ويغمزلي.... لا شكرا الك ماريد تره اكلها للمديره ...

... هاي شبيج تره اشاقه ويضحك..

جوري ... مجاوبته بعد شي دنكت اكتب امتحاني وهو كل شوي رايح وجاي عليه كتلني كتل حتى باوعته وخنزرت عليه وميفيد ويا خلص الامتحان رجعنه بلطريق ني وصديقاتي كالللي شبيج ضايجه

... مشفتنه مخلين استاذ طايح حظ عيونه زايغه...

..كالن اي عفيه صدك ميستحي شلون نضرات عليه وصلت للبيت طبيت واني محترك دمي من وره بودي احركه هل سااااق ....صعدت غرفتي شفت باجر عنده امتحان انكلش اهو شكد اكرهه نزلت غسلت وبدلت اكلت وخلصت وكعدت ادرس.وثاني يوم رحت للقاعه امتحنه انكلش جانن معلمات واكفات علينه هلمره همزين ماكو هذا الاكشر. باوعت لل اسئله خرب شكد صعبه توقعت مراح اجاوب لن ابد ماحب الانكلش خلصنه سلمت دفتري وطلعنه اني وهاله وهدى تونه طالعين من مدرسه واشوف هذا الي اتمنيت اشوفه بلحقيقه لولد نفسه الي شفته بلحلم ابو عيون خضر لا هذا مو حلم هذا نفسه طه الي جان يگرص خدي  معقوله ياربي لا مداصدك اني دشوفه هسه اباوع عيونه بعدهن يخبلن ونفس لون شفته شلون صافن عليه وضل مرتبك ميعرف شيسوي  مشينه واني عيوني مراحت من عيونه ضليت صافنه عليه ولا مصدكه مشينه جان تنتبه هاله عليه..

هاله .. لج جوري اكو شي شو صافنه ...

جوري ..  لا حبي ماكو شي وصلت للبيت واني مامصدكه الي شفته معقوله صعدت لغرفتي. صرت ابجي تذكرت حلمي قبل شهر شفته ونفس هو اي هو نفسه لبسه كشخته وكفته كله هو الحمدالله ياربي الي حققتلي وشفته جن ردتت روحي بشوفته شدعوه هيج احب لون عيونه نزلت للحديقه طلعت واسمع اغاني وفرحانه حته دراسه مو هواي درست واستمرت الامتحانات كل يوم الى ان جا اخر يوم من الامتحان

وجان اخر امتحان الي 20011\بشهر 5 رحت للمدرسه وساعتين وطلعت من الامتحان وهم طلعنه ني وصديقاتي كتلها هدى تعاي نروح للمكتبه ،جانت يم مدرستنه ،ورحنه اشتريت دفتر والاقلام دانطلع وجان هم يصير كبالي ابو عيون خضر اباوعه ياربي شطالع لابس بلوز احمر وبنطرون اسود صاير طويل وضعيف وبداخلي اكول لا مستحيل مو هو ضليت ارمش بعيوني ممصدگه وگلبي يدگ سريع ..

...هدى يله جوري فضيها عاد ..

..طلعنه وهو ضلت عيونه مرسومه بعقلي وبكلبي وبعيوني رجعت للبيت واني اكول لا لا مو هو شكد متغير وصاير احلى من قبل صعدت لغرفتي عندي سبوره نكتب بيها جبت قلم وكتبت عليها...

...جنت احلم اشوفك اشوف عيونك الحلوه انته اول حلم يتحققلي....  حطيت سماعاتي بذني واسمع اغنية حبيبي هواي طولت تعال اشوفك مو متت اسمعها وابجي واحجي ويه نفسي ليش مو هو معقوله نسيته لو شنو ليششش موو قبل ايام شفته هو نفسه شنوو الي كلي مو هو لا اكيد هذا ابليس وسوس بعلقي حتى ماعرفه وانسى.غمضت عيوني واجت عيونه وشفتها واتخايلها ، شوي ومااحس غير اختي يمي وتحاجيني واني مسامعتها ولاشفتها لحد مجتي هزتلي جتفي وفتحت
عيوني جريت سماعات ..خير شتردين ..

ازهار ...شبيج تخبلتي أنتي عقل ماعندج ..

جوري ...گلبت عيوني ...  ليش شكو بالله ..

ازهار ...وهي تأشر..هذاشنو الي كاتبته ع سبوره هااا ...

جوري ... ارتبكت من سؤالها ...هااا هيج من ضوجتي كتبت من كلبي متدرين بيه احب اكتب واشخبط ..

ازهار ... صرتي نانسي ان شالله شخبط شخابيط شوفي جوري  اعرف بيج تحبين ودورين هاي سوالف..

جوري ..گمت ولزمت ايدها جريتها .. دنجبي المن احب اني هااا مو مگابلتج وگاعدة شنو هالحجي ..

عفتها ونزلت جان بيبي تصير بوجهي ...

گلبت عيوني اهووو ..

حبوبه ... شنو هاي لمواعين مكومه ع سنك متوكفين تغسليهن لو تتكسر اديج ...

جوري .. عفيه بيبي مو وكتهن مابيه حيل يوميه ماعين شنوو هاي ..

حبوبه .. لعد مو يوميه تاكلين وتنامين هذا هم شغل يوميه يله ولي غسليهن لاهسه اكطع سبحه عليج والله  ..

جوري ...رحت ع مواعين بدون كلام لان اخاف منها بيبي حيل عصبيه وماتتفاهم ع حيله مانسمع كلامها تلزمنه تموتنه كتل كم مره كتلتني اني واختي تكطع سبحه علينه وحته مره بل مشتل شمرت طابوكه ع اختي وفشختها براسها وكعت ع رجليها. ولان اني وياها جنه نتعارك متقبل تكول انتن خوات تتعاركن شكو. بس هيه متجي وتفهمنه لا كبل تجي تضربنه وتئذينه لو مرات مقهوره من احد وتجي طلع قهرها بينه.المهم رحت وغسلتهن ع سريع جتي تفر بيدها معاجبها ..

حبوبه ..  الله يساعد الي ياخذج لج هاي شنو متجلفين ماعين زين من كفه خشمج تشتغلين

جوري ..ماحس الا لزمتني من اذني ...

حبوبه ... فتحي غبره تره هيه مو مال شلون مجان اشتغلي عدل ...

جوري ...اااااااي بيبي والله بس حديني اذني جتي ماما شافتها حسبالي اتنقذني باوعتلها واني مدمعه ..

ام جوري...  عمه عوفيها ميفيد وياها ولايصيرلها جاره احجي اكتل نفس شي شيبتني والله ..

جوري ...اسمع ماما شلون تحجي عليه عبالي دافعلي كله علمود شغل شكد جنت اكره شغل خلصت  لمواعين وصعدت غرفتي اركض واتخايل اگول من اتزوج اخلي زوجي ايجيبلي خدامه شنو اشتغل واخرب ايديه واضافري فديته زوجي المستقبلي وينك تعال انقذني ...

باوعت تاريخ مابقه شي رمضان سبوع تقريباً.ومرت الايام واجه رمضان  العشق هلا هلا  حيل احب روتين رمضان لان اكضيها بس نوم ووف النوم عشق والآن قليل اشتغل كلنه نسهر بليل بس اهلي وره صلاة فجر ينامون بس اني واخواني واختي نبقه لل 7صبح واحنه كاعدين ونكعد بل 4العصر وهاي يوميه نفس روتين.وره مافطر اصعد لغرفتي اباوع تلفاز واخيراً اهلي صعدولي تلفاز خاص الي والاختي تجي يمنه بنت عمي ونباوع مسلسلات تركيه او نطلع قناة شباب مال اغاني جنت اعشق اغاني محمد سالم. فديوم جنت كاعده بسطح وداسمع اغنيه انا اذكرك بل نوم نازله جديده كلش حبيتها جتي شذى وضلت هيه واختي واكفات يم المحجر مال سطح وصعدت ...

... لج نزلي هسه توكعين فـ اني رحت يمها دانزلها ولفت انتباهي باوعت جوا هو علي ابن عمتي كاعد بلدرب هو وبلال.خرب هذا شو يوم عن يوم يحلو اكثر  باوعتها كتلها ....يله ...

شيماء ...هاي عليمن تباوعين..

..معليج وانجبي يله ولي نزلي...ونزلت شذى تكلها اختي زوزو امشي نباوع تلفاز وراحن بكلبي كيفت وكتلهن دروحن ، خلي اباوعهم شديسون مديت راسي من المحجر اشوفه كاعد وهو ويا يسولفون ويكرز حب بكلبي كلت كبر ميصومون.ورجعت افتر بل اسطح واسمع بل اغنيه جان تجي اختي..

أزهار ... جوري يله طبي ماما تكول نامن عاد ساعه عبرت سبعه صبح...

جوري .. روحي ماشي هيه جيت راحت ورجعت باوعته واكول هذا شوكت ينام لعد عابت رجعت لغرفتي شفت نفسي نعست ونمت  كعدت بل ٤ونص ماما كعدتني كومي صلي وحضري وياي فطور وكمت صليت وحضرت وياها وبل بوكه اكل شوي جنت ماصوم ماتحمل اجوع واهلي عبالهم صايمه المهم للصبح ساعه 6ونص اخواني اليوم كلهم نايمين بس اني كاعده  لابسه تراكسود لونه ازرك وشاده شعري ذيل احصان طلعت للكراج مالتنه ضوجه شسوي من صير طباگات عندي أكوم اشتغل يجي الواهس بس مالواحد يضغط عليه مستحيل اختنگ اصلاً .

رحت فتحت صونده وگمت اغسل كراج التهيت وندمجت بالغسل وادندن بغنيه ضليت امسح بالماسحه والمي نكع رجليه لحد موصلت للباب احنه دائما من نغسل كراج لازم بره الباب هم نغسلها فـ فتحت باب مديت راسي خاف احد اكو وجان يصير كبالي علي وبلال جان واكف بس داير وجهه ماشافني رمشت اعيوني متفاجئه ضليت صافنه عليه  وهو يباوعلي فاتح اعيونه و من ورا خشمه لو اعرف ليش يضوج مني جان أني بخير خزرته وسديت باب بوجهه ودردم عليه بكلبي رحت اخذت الماسحه اخرط الكراج وهم وصلت للباب جانت شوي مفتوحه وباوعته منها كاعد ويسولف ويضحك ويه بلال  وجان ينتبه عليه واكفه اشوفه باوعني بنضره عاديه بس على الاقل مو ذيج تحرك دم هلمره بس بداخلي كيفت طبيت للبيت سبحت ونمت ومشت الايام وصرت يوميه ماكدر اذا ماشوفه لـ علي تعجبني شخصيته وماعرف شنو الي يجذبني اله ورغم هو ابد مينطيني مجال ولايهتم.ومره ماعرف شلون فد مره طلعت للكراج وشفت طوبه اخذتها وشمرتها وصارت ورا الباب شارع ووف فتحت باب باوعتهم هم كاعدين اسمع...

علي ... بحدا... بلال كلها خلي طب للبيت تره اكلها بيبتج  ...

جوري ..بلعت ريگي شلون ضايج وطالعه روحه شبي هذا .... بلال عفيه انطيني طوبه هاي مالت حسن ...

علي ....صك اسنونه وحجه بعصبيه ... بالله ليش شمرتيها والله اذا ماكلها بيبتج تكتلج وطيح حظج ..

جوري ...... ها ...صدك اني عفتهم عزااا ونوب انتبهت ع نفسي ماكو حجاب ع راسي ولبسه تراكسود كصيف عزه غير يذبحوني اهلي  اصحي جوري ترا ميحبج شلون بكلبي رهيف بساع حبه ميستاهل المليق طبيت ع سريع للبيت واني ميته خوف وادعي من الله كون ميكلولها بيبي. حته صرت ولا اطلع وبكلبي احجي ع علي ياربي شكد شايف روحه ومكروه ثقيل دم ثاني يوم نفس روتين بس ليش محمد اليوم مااجه متعوده عليه لازم يجي يوميه ساعه لو ساعتين ويروح واليوم ماكو  ضل بالي يمه حمودي اعتبره اخويه ثالث مو بن عمتي  اوف للصبح واني ضايجه متحملت اله طلعت للدرب باوعت علي وبلال مكاعدين هنا همزين مديت راسي وباوع بيتهم من بعيد واشوف علي ديغسل سياره. كلت خلي اروح اساله لان هو اخو ويعرف بي اكيد. رحت للبيت لبست شال خليته ع راسي ورحت مشيت كتله..

هلاو علي...

علي ... هلا بيج ...

جوري ...احس دخان طلع من أذني ولا باوع عليه ولا عبرني ملتهي يغسل بسياره ... شو اليوم محمد ماكو ليش. ...

علي ... والله مريض نايم بلفراش ..

جوري ..صدك....

علي ...باوعت صفح عليه ...لعد جذب ...

جوري ...رفعت اعيوني انتبهت ع شخص يباوع من بابهم استحيت اعرفتها امه الي هيه عمتي يسر درت وجهي ورجعت للبيت صدك كلش نقهرت عليه حمودي ميستاهل كلش حبابه وطيوب جعلته اخويه. ومرت الايام الى ان جا العيد اول يوم العيد اشتريت ملابس جديده يخبلن ولون واحد وردي اجوي عمامي وعماتي كلهم يمنه عايدونه جان هذا العيد احله عيد عندي كاعده اني وشيمو بلحديقه كتلها تعاي نعايدهم رحنه للبيت واشوف عمتي جبيره يسر جايه اول مشفتها....

هلا عمه كل عام وانتي بخير ..بوستني..

يسر... وانتي بالف خير حبيبتي وايامج سعيده ينعاد عليج بصحه وسلامه. ...

ورحت عيدت كل عماتي وعماتي.زينب بنت عمتي...

زينب ... جوري ..تعاي نصعد لغرفتج نعلك اغاني...

جوري .. يله ...وصعدنا نعلك اغاني كلتها يله وصعدنه كلنه اني وشيمو وعذراء اخت شيمو وزينب وشذى واختي.كعدنه بلغرفه نسمع اغاني ونركص صدك حيل فرحانين بعد عيد جان.طلعنه بسطح هم بنات عماتي لازم ياخذن فره بكل البيت دوريه شفت زينب واكف يم لمحجر فاتحه عيونها وتباوع رحت يمها وضربتها على ضهرها ...

... لگفتج عليمن تباوعين ولج... .

زينب ... لج جوري هذا علاوي ابن خاله يسر عزه صاير يخبل شكد حلو .

...باوعتها بطرف عيني مدري ليش غرت من كالت حلو ماريد وحده تنعجب بشخص الي اني انعجب بي ... لا يععع اصلا ثقيل دم شعجبج بي ..

زينب ...انجبي انطيج اعيوني شوفيهن بي.

  اصلا ولا بالي يمها ضليت مركزا عليه حسبالك اخذله صورا واكف يم الولد ويسولف ويضحك اباوع لابس قميص وردي مخطط ابيض ورصاصي وبنطرون رصاصي ياربي شهل اناقه العنده  انتبهت ع زينب فاتحه حلكها عليه ...يمعوده لايطب ذبان بحلكج شببيج مشايفه شباب ..

زينب ...ولج غير حلغوم ...

.. امشي نطب لاحد يشوفنه شيكولون ...ودخلنه للبيت ماما صاحتني تعاي اخذي لفات اتعشن جانو جايبن اكل من بره وتعشينه ولل ١١بليل وراحو خلص العيد اجانه خبر باجر استلام شهايد خرب واني خايفه خاف راسبه ثاني يوم طلعت اخذت شهاده وتكلي مديره طالعه 4دروس بس عندج قرار واحد وراح تمتحنين ب3 دروس اخذت شهاده وطول طريق اني ابجي تعاي لازم ادرس من جديد شيخلصني ماما تعاركت وياي.طلعت انكلش وعلوم وطنيه. كلت لازم اشد حيلي وادرس.حته انجح وفد مره جنت كاعده اقره وطنيه وامي درس اختي لان هم طلعت مكمله.اجه محمد بن عمتي صاحني ...

محمد....جوووووري ..

جوري ...ولك ليش صيح ترى مو طرشه ..

محمد ...هههههه هلووو جوجو ..

جوري ...هلوو بيك شنو هذا دلع ...

محمد ...واحلى دلع امشي نطلع للحديقه ...

جوري ...طلعنا وحسيت يريد يحجي...گول شكو داحس كلام بكلبك ...

محمد ...ههههه تلگفيها وهي طايراا ..

جوري ...دحجي فضول قرا الف ...

محمد ...هههه علي خطب قمر بنت عمتي ..

جوري ...حسبالك تكهربت كمزت من مكاني واحجي بتوتر  ..شنووو صدك تحجي...حتى هوا انتبه عليه ..

محمد ...اسم الله شبيج  اي خطب بس ليش هيج ردت فعلج ..

جوري ...هااا... رجعت كعدت ...ماكو شي تفاجأت ...

محمد ...بس اكلج صراحه لهسا ماردو خبر النه وماتوقع يقبلون ...

جوري ...ليش ...

محمد ..لان ابوها يدور واحد عنده فلوس وطاك وعنده شهاده انتي متعرفين قمر مشاءالله تطلع اعفاء بلمدرسه ودرجاتها عاليه وحلمها تصير دكتوره وابوها رايد منها تكمل.وثاني شغله علي ماعنده شغله بيده عاف دراسه حتى يكون نفسه ويتقدم وتالي ماعتقد يفيد ...

جوري ...لعد اذا تعرفون ابوها مادي ويدور افلوس شكو تخطبوها ...

محمد ... نعرف بهذا شي بس هو علاوي كتل روحه عليها يحبها ...

جوري .. اختنكت ودمعه صارت بطرف عيني بس واحد يكلي بز انفجر ...هيج سالفه يعني يحبها ...

محمد  . اي وشبيج صوتج اختنگ ..

جوري ..خنگتني العبرة ...لا هيج يله اني اروح اقره باي..... وطبيت للبيت بس اختنكت حيل من كلي ماعرف ليش ولا اعرف سبب. رجعت ع دروس اكتب وافكر وندعيت بكلبي كلت ياربي كون ابوها ميقبل بجاه ام البنين. هيج اريده يحترك دمه  مثل مااني اشوفه وهو يضوج مني ويخليني احترك ويفور دمي وماعرف سبب. ثاني يوم واجه محمد...

محمد. ... هلا جوجو ...

جوري ...هلا بيك..

محمد .. شوفي مو كتلج ..

جوري .. شكو.

محمد ..  اهلها مقبلو ابوها رفض ويگل لابويه ابنك ماعنده شهاده ولا مصلحه بيده ماكو نصيب....

جوري .. بداخلي شكد فرحت ابتسمت بمكر ... وعلي شكال من مقبلو....

محمد ...اهوو يمعودا سكتي صار روميو ضايج فد مره وكالب وجها هذا فوك هذا ..

جوري ..ايبااااه شدعوه هلكد يحبها على كولتك روميو وهواا صحيح اكلك هو شحب منها شو احسها ثكيله على معده صحيح هيه حلوه بيضه بس مادري ليش دمها جامد وماتنحب ...

محمد ..ليش احسج تغارين ...

جوري ...اشرت على روحي..أني  لا حمودي ماغار بس هاي حجيت لحقيقه...

محمد ... صدك هيه دمها جامد بس هو يشوفها ملاك بعينه لان يحبها ...

جوري ..ووف منو اليجي ويشوفني ملاك بعينه شو تاخر ... ي طبعا ...

محمد ... جوري يجوز هسه نجي عليج ..

جوري ...احس خدودي اشتعلن نار وصخنت ...
شنووووو...

محمد ... شوووف العياراا ولج خاف منعجبه باخووي ..

جوري ...هااا شننوو لااا

محمد ...هههه على كلن والله لان امي كالتله احنه مانخطبلك وحده غريبه ومانعرف اريدها من عنده وبينه.....

جوري ...ماردت اسوي روحي امل وخاف احلم واكعد على كابوس هوا ميريدني ... ماعتقد اخوك يقبل بيه...بكلبي هوا بوجهي يضوج يباوع ..

محمد. .. ليش ...

جوري ..  هو بس يشوفني يضوج ويعكنش بوجهي ...

محمد ... هههههه يمعوده اصلا ليشوف وجهج يبتسم لا أرادي ...

جوري ..ههههه ي شبيك مادري شبي بعد ماخطبتو منا منا ...

محمد ...اي امي جاي دورله ..

جوري ... الله كريم...

محمد ..يله اترخص اني ..

جوري ..  الله وياك

وراح محمد لبيتهم. واني الف فكره بالي حسبه جيبني وحسبه توديني واكول معقوله علي يتزوجني رجعت لغرفتي وصافنه ولا مصدكه بلي كاله محمد. وهنا ماسمع غير امي تصيحني.....  

ام جوري....جووووري وينج. ..

جوري ..ها ماما...

ام جوري...  بدلي ع سريع خالتج خابرتني نروح بيت جدج. ...

يعني بيت اهل امي.... مامااا ودراسه ..

ام جوري....هجم بيت العيااارة ولج يوميه كوا درسين  عود من ترجعين عاد فضيهااا ...

جوري ...ههههه رحت بدلت لبست مانتو لونه جوزي وشال بلون لبسي وواهم شي عندي ساعتي ماتكمل اناقتي اذا مو ساعه.خلصت كشخه وطلعنه بيت جدو.كلهم جانو ملتمين خالاتي وبناتهم ولدهم وخوالي ونسوانهم جهالهم ووصايره هوسه معركة گلگامش دخلنه وبدينا نسلم ...

احجيلكم شوي عن اهل امي. عندي خوالي همه 10 بذاك الوكت مجانو كل خوالي متزوجين بس 2ضلو وخالاتي 5.كلهن متزوجات وبيبي وجدو طيبين بعدهم.اهل امي كلش متمسكين بلدين صلاتهم صومهم وحته لبس نسوانهم مستور واله عبا واني جنت احجي عليهم اكول معقدين مسويها فد مره وماعدهم تطور . بس بعدين مرور سنين بنات خالي كبرن وصارن كليات هاي الي صارت دكتوره ولخ اختصاصها تحليلات وكلمن اختصاصه شي لمن دخلن كليات تغيرو جذرياً وصار حتى لبسهن فلات .وهاي بعد حكم الامهات اكيد اله خوالي ولايقبلون بيت جدي عندهم اهم شي بحياتهم هيه دراسه وحته ذابين حالهم ومالهم ع دراسه وماشاء الله كلهم وصلو و.والاغلبيه صارو دكاتره ماكو واحد بيهم مادارس ان كان ولدهم وان كان بناتهم عكس اهل ابويه ميحبون دراسه ابد ويتزوجون من وكت صغار وحته بعد مامكون نفسه وتزوج وعندهم زواج ستر. كلش يختلفون عن اهل امي وحتى اهل ابويه ماملتزمين بلدين ميصلون ولايصمون ويكفرون وهواي امور يختلفون عنهم كلشي عندهم عادي ومو الكل هم ، وخوالي من يشوفها الامي يكلولها ليش ماخذه ذبت عيالج وصايره هلكد سبورتيه لان همه ماعندهم هل شي.  ...

سلمنه على بعض امي كعدت يم خالاتي واني واختي رحنه يم بنات الخال والخالات اكيد رحت ،هلا بنات شلونكم  ..

البنات هلا بيج جوري تعاي كعدي يمنه مشتاقيلج..

واني اكثر والله....

مريم ، فاطمه ، زهراء ، اسراء ايه ، بنات خالي وخالتي وكلهن بكدي من مواليد 99. بس فرق الاشهر..

مريم.... جوري بشري شطلعتي بلشهاده.

جوري  ..ب٣ ..

مريم .. يا عزه وراح تمتحنين لو لا....

  ي طبعاووانتو نجحتو لوولا ...

  ايه... اي حبيبتي اني معدلي 98 ..

زين ونتي فطوم كالت 90معدلي وزهراء هم تسعينات كتلهن مبروك بداخلي شكد اضوج يجيبون طاري الدراسه وهنه بس يسولفن كالت المدرسه وحجت مدرسه اترخصت منهن ورحت يم خالاتي نوب استلمني شلون طلعين راسبه ومنطيج قرار  بكلبي كلت يابه اني كمت من يم بنات لان يحجن بس بلدراسه نوب هنه هم هوف كتلها خالتي الاء...

فدوه خاله لاسئليني ع الدراسه تعبانه منها صدك ابنج محمد رضا شطلع كالت مثلج ٣ كتلها شعجب كالت ماعنده وكت يدرس عنده محل. طبعا محمد رضا بكدي. كتلها خطيه الله يوفقه اجه خالي...

قاسم.... لج ها ام 3دروس اكو وحده ترسب بلوطنيه شكد سهله....

جوري ....خالو عندك سهله بس عدي لا....

قاسم ..  تعاي ادرسج واشوفها الج شلون تكون سهله...

جوري ...نفخت اخدودي ... اهو خالو اني جايه اشوفكم.ماريد ادرس.ماما باوعتني وخنزرت بوجهي...

ام جوري...  لج دكومي وين تلگيها بعد وخلي يدرسج انكلش. ...

طبعاً خالي قاسم مخلص جامعه وعنده شهادة ماجستير. ...

امري الله اخذت كتاب من بنات وكعد يشرحلي المادات.... خالو مالي واهس اقره والله اني جايه يمكم اتونس من اروح للبيت ادرس ...

قاسم .. ليش هيج خالو تكولين بلعكس ادرس وانجح ،تره الدراسه الج تفيدج كـ مستقبلاً ويكلك شهادة مثل سلاح.وانتي متعرفين شنو ضام الج الوكت ادرسي زين واتعبي تلكيها كدامج وتفتخرين باجر عكبه وحتى  تنطيج ثقه بلنفس راح تتطلعين ع هواي امور وانتي متعرفيها فـ اني علمودج وهسه خلي بالج من اشرح....

جوري ...خليت ايدي على خدي واستمع الى وكعد يشرحلي كلش حلو شرحه وفهمني وكلت خلي اساله ليش لسا مامزوج هوا مبين اسبورتي ...

اكولك خالو ...اشو باوعلي صفح ياستار ...
...
ليش مامزوج لحد الان لي بعمرك تزوجو وابنه بطوله هسه ..

قاسم ...أهفج بالكتاب هسا لج هسه مو داشرح والغي وكتلج خلي بالج من اشرح وانتي شداتفكريلي

..خالو يعني ميصير اسال...

قاسم ...  وج هسه شعليج بيه ليش لسا مامزوج شلج دخل ..

جوري ...  ليش مو من حقي افرح بخالي يزوج واركص بعرسه ...

اخطاء لايُمحيها الزمن

يتبع ..

آنثى 💜 ملائكيه

ممكن ماتبعه للبنات ...

_Zoza25

faitma-altafili