رواية أخطاء لايُمحيها الزمن الفصل السادس 6 - بقلم أنثى 🪽 ملائكية

آنثى 💜 ملائكيه....

اخطاء لاتغفر...

ينشدوني عليك شلون وضعه وياك
واگلهم مو طبيعي اهواي داراني
وتطردني من ادگ بابك واگل للناس
طار من الفرح لمن تلگاني
اشطبتني من سجلك واني گل للناس
شطبني من سجله للگلب وداني
گالولي يكرهك گلت غلطانين
يكرهني بشقه وبصدق يهواني
گالو شلع گلبك گلت يعني اصار
شكو بيها اذا محبوبي شاقاني

علي ...همس بفحيح ...لاتخافين راح اتقربلج على كيف ماخذ عذريتج ...

جوري... صكت سنوني والخوف مشه بجسمي ورجفه صارت بجسمي گمت ارفس برجلي مثل ذبيحه لاحول ولاقوة صرت قربان جوا وهوا مقيدني اجتني القوا دفرته بطنه جاي اكوم ورجع سحبني نزع قميص شمرا جرني حيل نوب نومني ع بطني ونام فوكاي احس ضهري تكسرداصيح ااخ فتحت اعيوني على وسعهم صم حلكي بيدى دموعي گامت تجري وگلبي يدگ بحنجرتي وهمس يم أذني فحيح  ..

علي ...ششش سكتي لاهلج يسمعون وتنفضحين..

جوري .. متت جوه ايدى مارس بكل بشاعه وخر ايدى كوا نطقت احس حنجرتي بزازين مخرمشتها برجاء گتله...علي عوفني الله يخليك .. شوي ونهض نفسه نوب اني اريد انهض نفسي ماكدر احس بوجع قوي ودموعي تنزل باوعتله بقهر وسجاجين بگلبي تطعن باوعتله بكره وبحقد ....ليش هيج سويت بيه ليش ..

علي .. رفع اصبعه سبابه بتهديد وحجه بحزم ...الشي صار ماريده يطلع او تحجين لاحد افتهمتي لان اذا طلع متلومين الا نفسج فاااهمه ..

حوري ... صرت مكسورا احس نفسي بس جسد بدون روح اباوعله ولا شي هامه بس اني براكين تثور داخلي واريد انفجر هزيت راسي بمعنى اي  وهو اخذ قميصه لبسه وعدل نفسه وعافني وطلع.  ليش هيج ائذاني مو اني احبه امداني وامدا حظي زفت بقيت ابجي بحرگة گلب وهنا وواسمع باب تندك كبل مسحت دموعي ولبست بشت وعدلت نفسي كأنما ماكو شي فتحت باب..

بيبي ..وين علاوي اسلم عليه ..

جوري .. نزلت راسي بلگاع وگوا اكتم شهگاتي .. طلع..

.. يا ملعون مكال اسلم ع بيبي ..

...مو جان مستعجل خطيه ...وعفتها وصعدت اخذت ملابس ورحت اسبح بقيت جوه دوش بس ابجي سويت مي دافي حتى استرخي هموت من الوجع خلصت وطلعت صعدت لغرفتي رحت للمرايه بخطوات ثقيله وبطيئه گوا اجر نفس باوعت لنفسي عيوني مليانه دموع وحمر وجهي لونه اصفر ليموني قبضت ايدي وضربت المرايه مرا مرتين لحد مانكسرت بيدي دم گام يجري بس ماحس بألم وجع گلبي اكبر دخلت اختي وشهگت متافجئه .....

ازهار ...اختي شبيج شنو هالدم ..

جوري ...لزمت ايدي والخوف مبين بعيونها طمنتها بنظراتي ... ماكو شي حبيبتي روحي جيبي قطن ومعقم ...

ازهار ....بكلمات متقاطعه ..شننو ماكو شي شصايرلج جوري ...

جوري ...ازهار راح يخلص دمي عاد فضيها ...راحت تركض جابت العلبه طلعت قطن ومعقم لفت ايدي ...

ازهار ...جوري انتي اختي الوحيدة واحبج هواي والله داحس بوجعج واشوفج دوم مهمومه ماتحجين الي بگلبج ليش ساكته..

جوري ...ابتسمت خفيف ... حبيبتي بعدج صغيرا واصلا يا هموم احجي كلشي ماكو ..سوت حركتها معتادا من ماصدگني رفعت تك حاجب ماشوف الا حضنتني ...

ازهار ...صيري قويه جوري اريد اختي جبيرة قويه ماتخاف اخذي حقج بيدج اني فقيرة هواي اذا يوم صارلي شي المن التجئ غير الج بس اذا ضلين هيج ابد مايوم اجيج ..رفعت راسها وتباوع بحزن ...شوفي حالج مثل شمعه طافيه صارلج مدا يمكن انتي مامنتبها لنفسج ...

جوري ...كلامها حيل قهرني اي صدگ دمرت نفسي وبعت روحي للشيطان ميستاهل ومامهتم بس بشهوته ظالم خلاني قربان جوا رجلي نفضت الافكار وخليت ايدي على شعرها امسد ..اني قويه حياتي وهسا گومي جيبي شسوار اجفف شعري بس انتبهت ع موبايلي تم ارسال اليك رساله صار عندي فضول منو دز فتحتها لكيت رساله من علي كاتبلي

( اهديلك قلب يهواك وعين تراك وروح تفداك)

قريتها وكبل حذفته جنت حيل كارهته مجاوبته بشي خطيه ازهار سوت شعري ولفته وضلت تسولف وتضحك تغير جو عليه واني اجاملها ابتسم نزلت لجوه ماما بلمطبخ شافتني وتغيرت ملامحها...

ام جوري ...شبيج جنج باجيه أعيونج حمر صاير شي بنتي..

جوري ...ابتسمت اطمنها ...لا ماما ماكو شي يجوز من المي ..تقربت يمي ممصدگه كلامي ...

ام جوري .. بنتي احسج مهمومه صاير شي اكو شي تردين تگليلي عليه زين علي سوالج شي ....

جوري ..اخر جمله نزلت راسي وغرغرت دموعي منتظرا الاشارة حتى تبدي السباق وتجري شگلج يمه تصرف مثل الحيوان وماهتم بيه ولابرائتي ولا لدموعي  ...لايمه مابيه شي ...

بنتي صيري سباعيه وصبري وعوفي الباقي على الله هوا يحلها وهسا غسلي مواعين ...

جوري ... جريت نفس حيل مختنگه الانسان الي حبيته مامهتملي وتصرفاته بشعه حتى اليوم ردت افرح بجيته كرهني بهذا اليوم رفعت ايدي وشهگت ..

ام جوري...ولج شنو هالجرح نوب شاش مليان دم ..

جوري ..گمت امتمت شحجي ..

ازهار ...يما ماتدري كسرت الگلاص ودتشيل الكزاز وجرحت ايدها ..

جوري ..اتقربت ضربت جتفها بجتفي وتضحك ..

ازهار....روحي رتاحي اني اغسل لمواعين ....

جوري ... وكفت على صفحه واشوف امي كل شوي تباوعني وتجر حسرة بتعب عبالك حست بيه واني نظراتي تتهرب منها شوي و صعدت لغرفتي اتهرب منهم فتحت موبايل خابرني فتحت الخط وجاني صوته كل مرا كلي لهفه ودگات گلبي تتسابق من فرح هسا حسيت بكره دفين ....

علي ... الو ..

برود وصوت خافت ... الو وياك..

علي ... نطلع باجر شتكولين..

جوري .. وين..

علي ..  مطعم شي..

جوري ..واني ضايجه احجي ويه كوا كلمه تطلع .. مادري الله كريم....

علي .. شبيج بعدج زعلانه اسف حبيبتي انسي الي صار...

جوري .. نزلت دموعي .. تدري بيه اني لسا جاي اتئذه وگلبي يوجعني حتى كرهت زواج وابو زواج مادري بيك هيج راح تستغلني  ...

علي .. لج مادري من شفتج هيج فقدت عليج ترى اني بشر مو نبي وانتي هواي حلوة جبرتيني هيج اسوي...

جوري ...  ومفكرت بيه ليش هيج سويت هاا ...

علي ... لج عيني سكتي كافي لاتبجين كتلج انسي...

جوري .. سكتت بعد محاجيته شي شوي وكلي يله باي ، كتله باي سديته وضليت افكر بروحي وطريق الي ختاريته وين موديني عادتي من افكر اضل افتر بالغرفه مثل دومه تفكيري يرجع نقطة البدايه بس كافي مو جوري تنكسر وتسكت نزلت جوا امشي سريع صارت گبالي امي واعيونها مليانه قلق....وين بيبي ...

ام جوري....بغرفتها شبيج بنتي ...

جوري ...عفتها ورحت فتحت باب جانت تسبح گعدت يمها فتحت عيونها.... بيبي....

حبوبه ...بفزع.... شبيج بنتي ...

جوري ....اريد الغي خطوبه ...گلت هالكلام ودموعي نزلن مثل شلال باوعتلي ومراضيه عليه لزمتني من جتافي وهزتني ..

حبوبه ...علي سوالج شي ..

جوري ..هزيت راسي ...لا بس احسه مايحبني ولا يطيقني ...باوعتلها هدت نظراتها وزفرت براحه ..

حبوبه ...عادي بنتي مامتعود عليج ولج ماتگلين مثل علي ذهب صافي بس سمعي كلامه ..

جوري ...وهاي ليوم سمعت كلامه وطاح حظ حظي ... بيبي الله يخليج الغيها اذا يمج خاطر الي الغيها داموت الف موته ...

عقدت حواحبها وحجت بنبرة غضب ...بنات اخر وكت يلغن خطوبه امشي سميتي بدني اياني واياج تحجين لاحد بعد زواج اذا نگلج تعاي خطار ماتجين تگولين بس هوا وبس كومي لابسبحه ...

جوري ...عاطت بيه كمت واني كارها دنيه ...شوفي بيبي اذا صارلنه شي الله مايرضه وراح نتأذه هواي گلوبنا بعيد وماعتقد فديوم راح تصير بطريق واحد وانتي راح صيرين سبب بدمارنه ...حجيت بحرگت گلب بس هي ضاجت حيل طلعت بساع اركض لغرفتي تمددت بفراشي بتعب وثگل على صدري كوا اجر نفس خليت ايدي على كصتي واعيوني تتأمل الفراغ الي بسگف لحظات تذكرت شلون راح اطلع ويا والله اخاف منه ثاني يوم العصر خابرني وكلي اتحضري بليل نطلع بسياره اجتي عمتي براء يمنه تدري بينه راح نطلع هو ينطيها اخبارنه يسولف وياها جتي..

براء .. هلا جوري اكلج شنو راح تلبسين اذا طلعتي ويه علي...

جوري .. باوعتها بملل.. وليش ..

براء .. شبيج كلت اساعدج باختيار ملابس اني اعرف علاوي شنو يحب تلبسين تعاي اختارلج..

جوري .. احس وصلت حدها هيه هيج كالت لو تخبلت شنو تعرف علاوي ادري خالته بس شكو تتدخل بينه حجيت بعصبيه وبحرگه ... عمه ميحتاج اعرف شلبس ترى مو طفله كدامج ...

براء ..  شبيج وحتى احطلج مكياج حلو ..

جوري ..باوعتها شكلها بعد هففف حمص ينبص بلنص. طلعتلي جبه لونها نيلي وشال ذهبي وحطتلي ميكب خفيف المهم ساعه وجهزت نفسي خابرني وطلعتله لكيته واكف يم بابنه بسياره. رحت صعدتت ويا ونظراتي تتهرب ..

علي .. شلونج هم بعدج متئذايه يغمز..

جوري... فريت ايدي بقهر .. لا احسن اي هسه وين رايحين ..

علي .. للمطعم نتعشه...

جوري .. عفيه علاوي لاتوديني مكان بعيد اخاف..

علي ..  ليش لج تخافين اني وياج ومن شنو تخافين بابا جاهل انتي ..

جوري ..  مادري اني من قبل ماحب اطلع لان اخاف. ..باوعني صفح ..

علي ..تعاي اكلج صدك شنو هذا الي مخليته بوجهج..

جوري .. گلبت عيوني ...مكياج يعني شنوو ..

علي ... بس اني ماحب الوحده تخلي مكياج احلى شي وحده تكون ع طبيعتها وشنو هاي جبه لابستها مبينه مفاتن جسمج كلها اكوم اطيح حضج هسه ع هالبس ...

جوري...اني بداخلي حيل اختنكت وادردم عليه خرب من هسه كلشي ميقبل ردتت اجاوبه بسلا انته هم تطلع مثل بيت جدو معقد  بس سكتت لان ميقبل من يحجي هو اجاوبه او الاسنه اكتفيت بسكوت حتى لاتكبر المشكله ...

علي .. بعد هيج لبس ممنوع ياريت لو تلبسين عبايه...

جوري ..رفعت اعيوني نوب عبا ضليت فاتحه حلگي وهوا بس يحجي صرع راسي لحد ماوصلنه واني اذب حسراة وصلنه للمطعم قاسم ابو الكص بل الاعظميه ، اول مدانزل سياره وجان يصير واحد بوجهي شو هذا كبل ابتسم بس اني دنكت راسي ومشيت اجه علي بصفي لزمت ايده هو جرها مني وغنزر بوجهي  عرفت ميحب هيج هسا اني خايفه وهوا حسباله اتغزل. دخلنه لمطعم نوب صايره هوسه وزلم كومه واباوعه علي كل شوي يغنزرلي مدري شبي لكه مكان كعدنه بي.وصينه ع كباب وكص. لان اني افضل كباب ع كص. اما هو عكسي يحب الكص. المهم كاعدين دنسولف اباوع ع علي واسولف. بس صارت كدامي عائله وبيها شباب واحد منهم ضل يباوعلي بحيث مشال عينه. ...احمم علاوي شتكول نغير مكانه ...

علي ..ليش..

جوري ..  محلو هنا هناك احلى... اشرت ع مكان فارغ ومابي هواي عالم. كال لا هنا خلينه فـ اني التفتت ع جنطتي رفعت راسي واباوع وحده بنيه هم كاعده وصافنه ع علي صدك تنرفزت باوعتها وغنزرت عليها رجعت اباوع بعيونه خاف هو هم يباوعلها شفته صدك صافن عليها  بلزايد اختنكت وهيج اريد بس ابجي كمت اخذت جنطتي كتله ..هسه اجي اغسل...

علي ..  اجي وياج اوكفي ...

جوري .. ميحتاج هياتها. ماتاخر. طلعت داغسل ايدي اباوع نفسي بل مرايه عيوني غرغرت بلدموع وماحس اله واحد ورايه نداريت شفته هذا نفسه الي جان يباوعلي واحنه كاعدين اني دنكت راسي دامشي وجان اسمعه يكلي من فدوه رحت للخجوله سبحان لـ خلقج. صدك اني خفت بسرعه مشيت ورجعت واشوف علي بعده يباوعلها وهيه بس تضحكله عزه اني تخبلت صرت اعصاب. وصلت يمه كعدت وخزرته ..

واكول ليش مقبلت نحول مكانه عرفت هسه سبب عيني. ....

علي .. شبيج شو تخربطين بكلام ..

جوري ..  لاشبيه كلش زينه واني اشوف خطيبي يباوع لغيري ...

علي....  اهووو بددتت رحمة الله....

..وجان يجي ابو مطعم خله الاكل ع الميز سكتنه. المهم اكلنه وجو مشحون كملنه دفع لحساب وطلعنه. للسياره اشو هذا استلمني. ..

علي .. شلون يعني وياج نتي...

جوري...  شبيك يعني بس تصيح لو بس تزكح ..

علي .. اي تعرفين شبيه مال هاي تباوعني وهاي وهاي تره هلسوالف منج متعجبني افتهمتي لو لا....

جوري .. اني بداخلي ليش هيج اني هلكد اغار عليه وهو ولامهتملي ثوله نسيت كلشي سوا بس مو بيدي اموت اذا اشوف وحده غيري تباوعله اريد بس اني اباوعله شگول عليج بيبي لو لاغيتها على الأقل نطلع سالمين من هاي الخطبه احسن ماكرها ويسود كلبي عليه صح خطيبته بس احس طريق وعرا كدامنه وكلها مطبات وماعرف راح نوصل لطريق بسلام لوراح نتأذا نتيجنه اخطائنه وصلنه للبيت وهو عصبي طول طريق ويصيح عليه. كرهت طلعه بلزايد رجعنه للبيت واني بس افكر ليش هو تعامله وياي احسه ميفهمني ولاگلبه وياي اووف. راح يوم اجه يوم وهو ماكو ميتصل ولايخابر واني روحي تفرفح عليه أشتاقتله حيل ونسيت كلشي احبه صرت بس نفس الوقت اضوج الغاء خطوبه ماكدرت بيبي حادة سيف عليه وتكلي اخلي ابوج يذبحج ماعدنه مرة تلغي خطوبه تنهدت و فتحت موبايل ودزيتله رساله

( علبال دومك ياعسل بس البعد قاسي مشغول بيك بكل وقت ولاتعتقد ناسي)...

عاد جاوبني برساله
( يابقلاوة.. يابسبوسه ياعلبة عسل متروسه اهديلك بكل مسج شوق وبكل رنه بوسه) ..قريتها وابتسمت ..

هه يابه شكد ادبسز هيه مال بوسه بهالزلگ... اخذت سماعات ونزلت للحديقه كعدت بل مرجوحه جان الجو الحلو بي نسمة هوى رفعت راسي وشعري يطاير واشتم الهوا بعمق واسمع اغنية لـ علي حليم ، الحب مالي اسمعها وسرحانه وماحس غير موبايل يدك شفته هذا علي يتصل كلبي صار يدك وي رنه لزمت گلبي ...ولك نذل لاتنجلط وخلي الحب يفيدك ساعتها ... صار شكد محاجيه ويا هواي توترت ..

جاوبته الو ....

هلو شلونج ....

.. تمام ماشي الحال وانته شو ماكو...

والله ملتهي مصار عدي وكت اتصل بيج...

.... اها ..وبكلبي كلت ي هواي صدكتك بس من يمي مشغول ع طول مدير الاعمال مايلحگك...

...اي شدسوين بلله ..

... كاعده بل مرجوحه شكد حلو الجو مغيم وبي هوى تدري علاوي اني احب هيج جو مغيم وماكو شمس ..

.. اي هواي حلو..

...جاي اسمع اغنيه الحب مالي اسمعها واتذكرك اسمعها الك  ....

...يلا اسمعج كلي أذان صاغيه....

..ههههه سويت احم احم جريت نفس ونعمت صوتي وصرت اغنيله لاماتغيب لحظه وحده عن بالي راح تضل كل عمررررك الحب ماااالي ❤..

... هالله هاالله عاشو صوت اليسا ...

...اليسا شنو... وبداخلي والله هو مو صوجكك صوج الي تغني الك  ...

...يله حبيبتي اني اروح عندي شغل ..

جوري ..حيل ضجت نعوصت ...  وين هم شغل راح ياخذك مني ..

...شبيج جوري لعد شعندي غير شغل ...

جوري .. .. هااا.. سد الخط صفنت ودموعي نزلت بحرگة كلب احس دموعي تجوي خدي وتتسابق رفعت راسي وماشوف غير محمد اخو علي يجي...

محمد .. هلاو جوري ...

.. هلا بيك حمودي شو وين هالغيبه ..گمت امسح دموعي ..

محمد ..اي والله تعرفين عندي امتحانات ومكضيها دراسه  اي شلونج ويه علي. ...

جوري ...من جاب طاريه اخذت نفس عميق اموت ع اسمه واموت عليه سكتت ماعرف شحجي وشگله سالفتنه سالفه اني الي أبادر وهوا يتراجع لو هوا والحايط سوا لايحل ولايربط مجرد يخابر مرة لو يتأمر ويذب صوج بيه لو يحجي اشكال والوان واضل ساكته هذا حب الحقيقي لو شنو ليش گلبي يدگ اله وعقلي يفكر بي دنگت ودموعي رجعت تنزل ....

محمد ..... خليت ايدي على جتفها ...جوري مسحي دموعج وصيري قويه ...

جوري ..محمد تعبت علي ميحبني موو ..

محمد ...لا يحبج لو ميحبج مايجي يخطبج  يعني هسا انتم متعاركين. ....

جوري ...هزيت راسي بمعني لا ..

محمد .. شنو لا وهالنحيب والبجي عليمن لعد اتذكرت ذاك اليوم علي يصيح ..

علي ...بصياح وعصبيه .... ماريدها واريد افسخ الخطوبه ..

ام علي ... يماااا علكيفك بعدها صغيره ومتعرف تصرف انته علمها ..

علي ...ياصغيره راح تخلبني عنوديه بشكل وتصرفتها متعجبني. ....

محمد ....وضل يحجي عليج تصرفاتج طفوليه ومتاخذين كلام .....

جوري ...حيل نقهرت ليش ربي صافنه ع كلام محمد ولاداصدك الي كاله متوقعت هلكد علي كارهني هو يحجي واني ابجي دموعي تكت حسبالك سجاجين بكلبي نبتت وتزرف بگلبي ضليت ساكته مجاوبته شي شوي وترخص وراح  ضليت كاعده ولامستوعبه وهنا ماسمع غير امي تصيحني رحت للبيت ....ها ماما اشوفها ضايجه وبعيونها كلام رحنه بغرفه كعدنه كالت ..

ام جوري ...اخذت نفس وحجت بقهر ..
يمه اني جاي افكر بيج هواي...

جوري ...ليش ماما. ...

ام جوري .. يمه اندعي من الله كون علي يلكه اله مصلحه بيده مو يشتغل عامل عند هذا وهذا الي يشتغل عند العالم هاي مذله اله ....

جوري ...يعني ع هذا شي ضايجه...

ام جوري ... لا مو بس هيج ياجوري من تعرفين جاي احس نار بگلبي انتي تستاهلين كل خير بس عمتج
كالت تلبسين بدله مال مرت حماج بعرسج ونسوان عمج سمعن وكاللي لاتلبسها بنتج للبدله هاي مرت حماها ميصير عندها خلفه موزين اذا بنتج تلبسها فال موزين واني بهاي هواي دفكر بس اكول ع الله بس مادري يايمه شلون....

جوري ...دنگت راسي وفوك القهر صار قهر حتى مالحگت اجر نفس ...  وليش ميشترولي جديده لو يأجرون ...

ام جوري...اخ اخ شحجي ليش انتي مشايفه وضعهم ع كد حالهم منين يجيبون هلكد الج هو الحاضر والغايب مالتج بـ 5 احس ستعجلنه وشفت فرحتج بعلي وسكتت .....
.

جوري ...اعيوني غورگت بدموع اباوع لمي ضايجه وذب حسرات  ماعرف شرد الها كمت منها صعدت غرفتي اني عفت كلام امي مهتميت الحجي ولادرت بال بس الي ضوجني علي افكر بي ليش هو هلكد كارهني مهتميت لاشغله ولااهله ولااي شي كله لان احبه طردت هاي الامور من بالي بداية خطوبه بس هسا مادري شبيه ضايجه بس من علي وتصرفاته وحسبتلها انو هو ليش مامكون نفسه وشسوي للبدله اهم شي اكون مرتاحة وي شريك حياتي هاي الامور تتعوض وهوا رجال يكدر للعيشه   ...

ومرت الايام اجه محرم وصادفت الاربعينيه هو جان كل سنه يروح مشايه وهناك يبقه ١٥يوم  عنده باسم منطقتنه حسينيه بكربلاء. المهم خابرني كلي ارد اشوفج قبل لاطلع كربلاء اجه ومن الباب حاجاني...

علي .. هلو..

جوري ..هلاوات....

علي ...  هاي الج فلوس..

جوري .. اباوعهن 25 ..

علي ..وخاف تحتاجين شي...

جوري ...رفعت عيني وصارت بعينه العبرة خنگتني ... بس اني ماريد فلوس اريدك تح.. وكطمتها داكله اريدك تحبني بس ماعرف ليش سكتت رجعت اله لفلوس ... مامحتاجه شي سلامتك. .

علي .. ليش ديلله هاج هذا ربع لعد تشترين جبس ...

جوري ..عود بشاقي رفعت تك حاجب... هههه ماحب شبس ..

علي .. يله بكيفج اروح بعد..

جوري .. الله وياك.. وطلع لكربلاء واني وراه بقيت ابجي ياربي ماكدر بدونه راح اشتاقله لحد يوم الخميس اجني عماتي وسالني ع علي طلع كربلا كتلهن اي حجن ماجه شافج قبل لايروح كلت اي جا دينطيني فلوس وماخذتهن.عمتي

اسيل... يا لج ليش ماخذتيهن يحضي باجر عكبه تتوسلين ويا ع فلس شبيج يحضي كطي من هسه...

جوري .. باوعتها وضحكت هاي متدري بيه شنو لكلبي ..

اسيل ..اي ضلي فاهيه ياكل بعقلج حلاوة صدگ راح تكملين دراسه...

جوري ...گلبت اعيوني بملل .. لا مالي واهس ادوام بعد....

اسيل ...فرت ايدها بقهر ... ولج جوري لاتحجيها والله باجر تعضين اصبع ندم وكولي ومكالت عمتج حرمات كملي اهم شي دراسه دشوفيني اني مثلج عفتها وندمانه حيل والله ع هاي تصرفاتج راح تندمين هواي زواج مو كلشي بالدنيا وهاي لحظه والحب راح يتلاشى واي الايام وصير ممله وتكولين ليش ايامي روتينيه وباردة لو دوام وشهادة وضيفتج  فكري زين  ...

جوري ...  الله كريم... رحت لغرفتي واني ولاهتميت لحجي عمتي ولافكرت بي بقيت اسمع اغاني وافكر ب علي وضليت اتراسل ويا واكله مشتاقتلك وكذا. وبيومها ماما كالتلي...

ام جوري... بيت عمتج راح يسون مجلس لااباعبداالله بليل وراح يطبخون وهسه دزو علينه امشي نساعدهم النا أجر وثواب...

جوري ... ماشي كيفت لان راح اروح بيت اهل علي لبست جبه لونها اسود وبيها تطريز بلون الابيض
كلش حلوه ونازكه وشال اسود وخليت ميكب خفيف حتى اصير مرتبه واغطي سواد جوا عيوني جني باندا من سهر وتفكير حتى تعبانه من تفكير شكول عليك علي بهذلت احوالي خلصنه وطلعنه مشينه لان بيتهم قريب خطوتين وصلنه شفت ابو علي واكف اول مشافني...

ابو علي... هلا بنتي جوري شلونج ...

جوري ...جان عمو كلش حباب اشوفه بس البشر خداع من تعيشين ويه شوفين وجها الحقيقي
سلمنه وطبينه للبيتهم واشوف كلها جاي عدهم عماته وخالاته وجهالهم وبناتهم وو هوسه سلمنه ع الكل شافتني مريم مرت اخو علي ...

مريم... تعاي فدوه جوري ويايه وج عيني تكسرنه...

جوري ... جانت تثرم بتيته ناعمه .. اي جايه..رفعت رادني للعكس اخذت سجينه ورحت اساعدها وجانن واكفات خواته لـ علي بلمطبخ وجان تكلي مريم ...

مريم ...اي جوري سمعنه عنج متعرفين كلشي حتى بيضه متعرفين طكيها ههههههه...

تبارك اخت علي..... تبتسم بمكر وتجاوبها ..... ديله عيني شدعوه انتي من اجيتي هم كلشي متعرفين وجوري هسه تتعلم بعدها صغيره وصير اشطر منج ...

جوري ...باوعت لمريم وجها صار احمر گلبت خلقتها وضاجت من حجي تبارك لان طبكت وياي اباوع على امي تعضلي شفتها بمعنى اسكتي لاتحجين شي امي جانت دائما تكلي سكوت افضل من كلام ومتقبل كلشي نحجي او ندخل ضليت ساكته وابتسم مجاوبتهن بس بداخلي اغلي .....

..اجتي هدى اخت مريم اسمعها تحجي وي تبارك..

هدى ...تبارك شبيج حبيبتي ويه اختي اكلتيها حاصل فاصل تره داتحجي صدك جوري كلشي متعرف دشوفي ثرم مالها ويعع ....

جوري....شكد صلفات ومايحترمن حتى خطار شدعوا گلبن دنيا مو اول وحدة ماتعرف تشتغل باوعتها اني ودنگت اكمل جتي عمتي ام علي...

...يسرى .. شكو شبيجن اشتغلن بدون حجي ولغوا زايد جوري ليش جايه تشتغلين كومي منا ....

جوري ...واني هم سمعت كلام عمتي وعفتهن اروح اغسل ايدي كامت مريم وهي تبجي ع صفحه لحكتها  اختها هدى ...

هدى ...ولج كافي تبجين حبيتي سكتي...

مريم ..  شفتي بعد مااجت يمنه شلون يحبنها ويدافعن الها واني يكرهني ويحجن عليه ...

هدى .. خلي يولن مضغوطات منج شفتيها جوري كلشي محجت تعرفين ليش لانها زعطوطه ومتعرف تحجي كسري عينها شبيج انتي..

جوري ... فتحت اعيوني على كلامهن ونصدمت بعمري مشايفه هيج نذاله بعدني بسم الله شلون عقول عليهن ياربي نفخت بتعب عفتهن يلغن ومشيت شافتني ماما وهمستلي ..

ام جوري ...بنتي كلشي لاتحجين وياهن هذن يردن يسون مشاكل ويسون من الحبة كبة ...

جوري ...هزيت راسي .. اي ماما...

  خلصنه شغل وياهم رجعنه للبيت وكلنه نروح نغير ملابسنه وره صلاه نروح للمجلس. رحت سبحت ولبست مانتو لونه اسود وبي جوزي وشال خلصنه ورحنه لبيت عمتي قبل المجلس بنص ساعه كاعدين الكل وسوالف وماشوف غير قمر تجي حبيية علي السابقه تقدملها علي وابوها رفض باوعتلها مدري ليش ضجت وتذكرت علي يحبها وجان يريدها حطيت ايدي على خدي ياربي شنو بيها الحلو كلش عاديه صحيح هيه بيضه رشيقه بس كلش ثكيله ع المعده وتسوي جالي وفوكها شايفه روحها ورافعه خشمها دخلت يمنه واشوفها تباوعني ومتفاجئه اكلتني اكل بنضراتها تباوع صفح معاجبها فريت ايدي ودرت وجهي صارالمجلس واخر شي كملو وتجهو للقبله نقره دعاء الحجه فـ جانت صورة علي مخليها كدامنه خرب باوعته وضليت صافنه عليه شكد مشتاقتله حته دعاء ماقريته صافنه على معانيه بس كلش اغار واني اشوف نسوان يقرن دعاء وكبالهن صورة علي نوب انتبهت ع هاي تسمه قمر  تباوعله ردتت اروح اشرب من دمها واكلها هذا خطيبي رجعنه للبيت واني كلش ضايجه ....

لثاني يوم بعد ماخلصت الاربعينيه خابرني هو وجماعته راجعين لبغداداجه يمي ياربي شكد جنت مشتاقتله اول ماشفته ركضت حضنته وابجي وهو لمني بحضنه ي اسمع دگات گلبه وهوا يضحك عليه

... لج كافي هياني يمج طفلتي ..

جوري ...رفعت اعيوني وصارت بعيونه رمشت ..اي انت يمي ...

علي ...يالله غمضي اعيونج...

جوري .. ..ليش ...

علي ...غمضيهن معليج ..

جوري .. غمضتهن واحس سحب ايدي ولبنسي..

علي .. هسه فتحي ..

جوري .. فتحت عيوني شهگت اباوع ايدي بيها ساعه فضيه ناعمه ونازكه ... الله شكد حلوه حبيبي شكرا... حضنته وبسته من خده نوب فتح علاكات جان جايبلي ملابس اويلي اباوعهن تنوره قصيره دنفوشه ومخصره وياها بديات 2واحد لونه احمر وثاني ازرك بس يخبلن شفتهن واني فرحانه هو عرفني اعشق شي اسمه ملابس وماركات وكسسورات وساعات هذن راحتي نفسيه ...

علي ...يالله يحلوة لبسيهن كدامي اشوفهن عليج  حلوات...

جوري .. اخذت العلاگه .. اوك اطلع بغرفه ثانيه ابدل وجي...ماحسيت اله ايدي نسحبت باوعت متفاجئه

علي .. وهوا يغمزلها... لالج هنا بدلي كدامي ...

جوري ...ضيقت عيوني  ... استحي كدامك واخذ راحتي علي هواي طوختها كالوها مخطوبين بس مو هالدرجه ...شهكت وهوا يعصر ايدي وسحبني عليه نزل راسه وصار بوجهي واعيونه حمر نيه باينه بعيونه خفت حيل منه اخاف يسويلي مثل ذيج المرا ...

علي ..  اني شكتلج مو كتلج ماريد مستحه عادي ترى زوجج اني والي حق بكلشي وهذا جسمج ملكي..

جوري ...حيل تاذيت وهوا يتلمس بخصري وبعدين عصرا بيدا حيل ..علي ..

علي ... يله كدامي يحلوة ...

جوري ...حلني تراجعت ليورا ...خليهن غير مره البسهن الك...

علي ... اللهم صبرج ياروح شلون تعاندني غير من احجي حجايه تسمع ....

جوري... رفعت راسي ودمعه بعيني ..شبيك علي ماكدر موبيدي ... گلب شكله عليه وطلع هوا زعلان هففف دموعي نزلت اني اخاف منه هم مو بس استحي ذاك يوم سواه هواي ائذاني تخايلت نوب يرجع يسوي هيج وياي اخذت ملابس وصعدتهن لكنتوري حته ملابس شمرتهن شكد كيفت بيهن بعدين ضجت. وضليت انتظره ثاني يوم بلكي يخابرني يحاجيني بس ماكو هو. موبايل جان بيدي وصلتلي رساله عبالي من عنده بس لمن فتحتها لكيتها من شيماء بنت عمتي ..

شيماء ...هلو جوري اكدر اخابرج ضايجه ومخنوگه شبيها دنيا ويانه طالبتنه ثار واحنه مندري ...

جوري ...جريت نفس اي والله شبيها دنيا ويانه راسلتها...  اي حبي خابري ...

شيماء.. الووو هلو حبي ...

جوري .. هلا بيج عمري شلونج شو ماكو ولج مختفيه ..

شيمااء ..  اي والله مريضه وروحي بخشمي ومنا تعرفين ابن عمي اجه خطبني وجابولي نيشان ..

جوري ...ااايا حقيرة ولج بربج وليش مكتيلي بوكتها...

شيماء....مصار عدي وكت اخابرج جوري تدرين بيه حيل مخنوكه وانتي اكثر وحده احجيلها...

جوري .. اي حبي احجي احجي...

شيماء... جوري ولج ماحبه لهذا الي يشبه بيذنجانه ...

جوري .. ضحكت من كل گلبي... ههههههه ولج منو بيذنجانه ...

شيماء .. شبيج شفيه حسين من اني وصغيره كلها تكول شيماء لحسين واني اكرهه محلو اسود وهو كاتل روحه عليه يكلهم لو شيماء لو مازوج واني مطايقته ولاحابته ويع. ....

جوري ...ذبيت حسرة .. اوف نفس حظي بس احنه بلعكس اني احبه وهو كلبه يم غيري ...

شيماء .. وهي تبجي ..اي والله وهو يحبني واني كلبي يم حمودي ليش هيج مصيرنه ...

جوري ... لج كافي ميفيد البجي يكلك مكتوب ع الجبين تشوفه العين ...

شيماء..جوري ولج شسوي كليلي انتحر ماريده هيه كوه لزگ بعد اله شيماء خرب حظي زفت عاف بنات امة محمد ماحلت بعينه بس أني...

جوري .. وليش ماصار عدج فرصه ترفضي ...

شيماء. مكدرت جوري ابويه قبل لايموت اخو جبير كايله شيماء لـ حسين محجزوزه من هسه وابويه كله هاهيه كبع واخذ شوكت متريد. ومنا تعرفين عماتي يحجن واخواني بكل الاحوال مكدرت ارفض ....

جوري ... الله يعينج حبيبتي بس لاتئذين نفسج بلبجي وداعتج ...

شيماء..  تعبت والله

جوري .. واسمع صوت يمها واحد ديحجي ..

شيماء .. يله جوري اني اروح اجه اخويه يريدني..

جوري ..  ع راحتج حبي باي...سديت الخط صدك ضجت عليها خطيه نزلت وجان اشوف منتظر ابن عمتي اخوها شيماء ...هلو نظوري شلونك...

... هلا عيني حمدالله انتي شلونج اشو ضعفانه...

جوري ... باوعته صفح.. انته كل متشوفني تكلي ع شي هسه ضعفانه سمنانه طولانه انته ياهو ...

...شبيج عيني شكلنه كبل تزعلين ..

جوري ..لا مازعلت صدك تكدر تجيبلي دفتر ابو القفل من يم مدرستك انطيك فلوس..

..اي عادي يالون تحبين. ..

جوري ...صفنت كتله امممم ..لون احمر.. تذكرت علي يحب لون الاحمر...

منتظر ..  ماشي اروح هسه اجيبلج واجي  

جوري .. لا وين هسه تالي وكت وبعيده مدرستك والوضع موخوش ..

منتظر... لاعادي اروح ع ماطور ماتاخر ...

جوري ...عافني وراح وكلت بداخلي فدوه شلون ولد حباب هنيال حبيته هسه بس يكلها ع شي يركض يجبليها المهم اجتي شذى وكعدنه نسولف وجان تكلي ع منتظر هيه ويا علاقه ..بربج ..

شذى.. والله ذاك اليوم رحت بيتهم وجرني من ايدي ودفعني ع الحايط وباسني وكلي احبج لج جوري غير متت عليه نوب هوا جريئ ميخاف ...

جوري ..صخام بعينج شوشه مخفتي احد يشوفكم....

شذى ..  هههه لا محد شافنه ..

جوري .. درت وجهي وجان اشوف محمد اخو علي واكف وسمع الحجي ضل فاتح عيونه واكف اجه يمنه شوشه ترخصت وراحت ضليت اني ومحمد احس بعيونه كلام كتله ...شبيك..طبعا اني اعرف هو يحبها شذى  بس هيه متحبه احسه صاير اعصاب...

محمد ..جر حسرة وحجه ..  هاهيه وياها متوقعتها هيج جوري وعلساس ورا زواج علي افتح موضوع وي اهلي واخطبها ...

جوري .. كافي حمودي لاتضوج تولي تلكه الاحسن منها ...

محمد ...لج جوري احبها شلون كليلي شصرف ..

جوري .. كتله اعرف انته حابه لانها حلوه ترى اكو الاحلى ... ابتسم ابتسامه كذابيه ..

محمد . اختج شو ماشوفها. ...

جوري .. اي متطلع بس بلبيت ...

محمد .. تدرين اختج تعجبني ثكيله ماتنطي مجال لواحد موو مثل هاي رخيصه  يقصد ع شذى بنت عمي..

جوري .. اصلا ازهار متحب هاي سوالف مال حب وهيج ومتحب تختلط ويه ولد حتلو كان ابن عمها وله بن خالتها. ...

محمد .. مممم يعني مامكبله ....

جوري .لا كتلك متحب هيج سوالف... وجان يجي منتظر جايبلي دفتر .. ها شو اتاخرت يمعود ضل بالنه ...

منتظر .. اي والله ازدحام بعد ..

جوري ...المهم اخذت دفتر اشكرته ، دخلنه للبيت وكعدنه ومنتظر شغل اغاني سمعتهم اجيت اركض عفيه نظوري ارسلي الاغاني كلهن ع الجرح

منتظر ..على كيفج ماطير ياهي تردين

جوري ..كلهن حلوات ..

منتظر .. اذا كلهن هاج هذا رام خلي يمج وسبحبيهم براحتج ..

جوري .. شكرا الك عيوني ...ياربي شكد كيفت اخذته وصعدت لغرفتي وشكلت رام بجهازي وسحبت الاغاني واسمعهم جان يدك موبايلي علي يخابر جاوبته الو...

علي ..  الو هلا شلونج..

جوري ..  هلا حبي حمدالله ..

علي .. شدسوين اشو اخابرج ومغلق..

جوري .. والله جاي اسحب اغاني من رام منتظر...

يتبع

آنثى 💜 ملائكيه

اخطاء لايُمحيها الزمن

تابعوهم

trtoshtmem

alia_alnaser

Warid7

user73526695

celintheqwen