رواية أخطاء لايُمحيها الزمن الفصل السابع 7 - بقلم أنثى 🪽 ملائكية

آنثى 💜 ملائكيه

أخطاء لايُمحيها الزمن

لتكول ألزمن غدار ويخون

زمانك ماغدر وانته أغدرتني

لجلك حاربت كل أهلي والكون

كلت ماريد غيرك يل عفتني ولا

يحتاج أكلك طبعك أتخون

تعرف نفسك أنته أشكد خنتني

حبيتك صدك حب طفل مجنون

وانطيتك حياتي وموتتني

علي .. بعصبيه صك سنونه ... وشيسوي يمج رامه رجعي يله وماريد اغاني...

جوري ...رديت برود ...شبيك حبيبي هو كلي خلي يمج ماريده...

علي .. زمجر بغضب ...اني شلغيت ترجعي يعني ترجعي ماريد اعيد كلام بعد.....

جوري ..حيل ضجت من كلامه وصوته الحاد ... صار دلل ..

علي ... يله اني رايح ..

جوري ... ع راحتك وسد الخط اوف يخابرني بس يحاسبني ويتعارك ويروح. اجتني ماما ...

ام جوري .. امشي بدلي دنروح لشارع ويه خالج ومرته ...

جوري .. وشنسوي احنه دنروح وياهم...

ام جوري... دناخذلج ملابس قبل العرس ومرت خالج كالت تشتريلها فساتين ع عرس اخوها ...

جوري .... ها مابيه حيل اجي روحي ماما انتي اشتريلي على ذوقج ...

ام جوري... جوري يعني شون وياج دكومي عيب من خالج هسه شيكول ليش متجي ...

جوري ...نفخت بقلة حيله .. ماما هسه راح اجي
.. كمت فتحت كنتوري احتاريت شلبس طلعت قميص طويل للركبه وبنطرون وشال وجهزت نفسي وطلعنه لكينه خالو واكفلنه بلسياره هو ومرته وخالتي زهراء تؤم امي سلمنه وسوالف وضحك بس كلساع أتذكر نبرة علي واضوج بسياره طلعنه للمول وصلنا وراحت ضوجه كلت خلي اتونس قابل يوميه طالعه نزلنه اباوع ملابس تخبل وراقيه دخلنه محل يبيع فساتين مرت خالي داتشتري فُ صاحب المحل كل شوي يلتفت عليه ويباوعلي اني مانطيته اهميه ضليت ويه مرت خالي اباوع بل فساتين اشوف خالو كلش ضاج لان انتبه ع ولد شلون يباوعلي خنزر على مرته وجها احتقن ..

.... يله فضيها عااد ...

جوري ... هيه هم تفاجأت و ضاجت بنفس لحظه لان نتر بيها عفنه وطلعنه من المحل رحنه ع غيره ونفس شي والانظار كلها عليه وخالي حيل ضاج واكف مثل صگر الي يباوع يخزرا گبر مشايفين ....

...ام احمد لبسي بنتج بوشيه .. نقاب.. يكون افضل ....

جوري .. اني ضجت من كلها هيج هيه عبا اتخبل منها نوب نقاب اخذنه ملابس ورحنه للسياره وسالني ..

خالو..اي شوكت العرس انشااءالله ..

جوري ... بعد هواي موهسا ..

خالو .. ليش هلكد تأخرتو ...

جوري .. والله موو الغرفه توصا وتتأخر..

خالو .. ها يله الله يسهلكم ..

جوري ...شكرا ..خالو وصلنه للبيت رجعت سبحت وبدلت ونمت ثاني يوم اجن عماتي ونسوان عمومتي وبناتهم يمنه وهم بدت الاسئله شوكت جوري تزوج وشوكت عبالك كاعده ع كلبهم حتى يخلني احجي علي ديسوي الغرفه جان تكلي مرت عمي ..

..يا لج شلون تحجين ع رجل حماتج تره هو الي ديسويلكم الغرفه ...

جوري ..باوعته صفح.. اي ادري بس هاي مصارت غرفه صارلنه 5اشهر مكملت ..

..دسكتي تلحكين ع شلعان الكلب طلعو هسه اتونسو.

جوري .. الله كريم.....

...

...وراحت ايام واجت ايام تقريباً مر شهر وكال نجهز للحنه هم اخذوني يجهزون وهناك راحو محل مال بدلات باوعت معجبني بدله البس بلحنه اريد فستان قصير عاجبني. شافوني ماحجي شي بس اتفرج واباوع بطرف عيني انتهبت مروة ..

مروه ...شبيج جوري شنو معجبتج البدلات ...

جوري ..خليت ايدي على حنجي وهزيت راسي
.. صراحه لا ....وجان امي تسبقني بلحجي

ام جوري... عاجبها فستان قصير ...

جوري .. باوعت مروه لـ امي صفح احسها ضاجت..

مروة .. ليش فستان بدله احلى ...

جوري ... ها ...شفت شكلها مال وحده ضاجت وتريد الى بدله هوا غير حنتي واني اختار ليعجبني حجيت واني مختنكه ... كيفكم انتو...

جتي عمتي يسر ..

يسر .. ها واكفات بعدجن ...

مروة .. تفر بيدها وتباوع بطرف عينها ...تريد فستان عشتو معجبنها ذني بدلات كومه وحدة تصيح للثانيه احلى منح ..

جوري ..وجها احتقن وتحجي حسبالك ذب سم مو كلام عادي تباوعلي صفح تريد تاكلني اجه عمي وسمع...

ابو علي... امشو اذا معاجبكم شي نروح غير مكان...

جوري .. اني كيفت بداخلي وابتسمت بشماته بس مروه كلبت خلقتها بزايد تمشي ودردم دخلنه محل مال فساتين وشفت واحد نوعه ستن ولونه وردي قصير يجنن وبلنص بي كرستال ابيض ومنفوش اشرت عليه دخلت اكدره كلش زين عليه اباوعه ياربي يخبل لاول مره البس هيج فستان وعاجبني جتي مروه الغثيثه شافته فتحت اعيونها بعدين گلبت خلقتها وعوجت حلكها ..

مروة ...عوووع ذبي عيني ملايگ عليج ومحلو ...

جوري ...اباوع للفستان يجنن ليش هيج حجت باوعته بنظرة حزن محجيت شي عمتي شافته كالت لاباس امي شافتني صلت ع نبي..

ام جوري... كلش حلو ...

ابو علي ... هاهيه اذا حلو عليج اخذي ...

جوري .. بعد مروه مكدرت تفتح حلكها سكتت بس شكلها قنبله موقوته وتريد تنفجر اخذنه فستان واحذيه بلون فستان المهم جهاز كامل وطلعنه وثااني يوم خابرني علي....

علي ..اگلج باجر الزفه مال بنت عمتي هداوي ...

جوري .. هلا عيني منو هاي هداوي...

علي ... شبيج اختها مرت اخويه...

جوري .. ها هدى ...

علي ..حضري نفسج تجين ويانه امي كالت خابرها وكلت اكلج.

جوري ..سكتت وتذكرتها هاي نفسها الي شفتها بيت عمتي وجتي دافع لـ اختها ومن بجت وجتي تواسيها .... يعني ها مامزوجه وكل ظني متزوجة...

علي .. صح قبل جانت مزوجه وطلكها رجلها.

جوري ..عزاا ونوب راح تزوج..

علي .. اي عادي اجاها نصيب وتزوجت قابل حرام ..

جوري ..على كيفك شحجيت اني يابه الله يسعدها...

علي .. اللهم امين يله اترخص..

جوري .. مرخوص وسد الخط. حجيت ويه ماما وكتلها كالت اي زوجت ع حب يكلولون كتلها مشاءالله منا طلكت منا ازوجت شبسااع ...

للثاني يوم العصر فتحت كنتوري طلعت تنوره كايبوي وبدي احمر واشبه بل ستره هم كايبوي وشال بلون ملابسي. وخليت ميكب خفيف واخذت جنطتي كايبو ونزلت للمطبخ انتظر لحد ميجي علي واطلع شفت ماما وبيبي كاعدات يشربن جاي كعدت يمهن وجان تندك باب كلت اكيد علي اجه فتحت باب واني متلهفه لجيته وجان يطلع أكرم صديق اخويه..

أكرم .. وين حسين ..

جوري .. هسه اصيحه بهل اثناء اجه علي وشافني واكفه بلباب باوعلي ونطت اعيونه حركت ايدي شبيك ..اي هسه اكرم ثوان اصحيه دخلت للبيت حسين وينك تعال اكرم يريدك عاد طلعله. اتصل عليه بلموبايل جاوبته ....

علي .. اجيت حتى اخذ جوري وصلت لبيتهم واشوفها فاتحه الباب ولد واگف احس دمي صار يغلي نوب حاطه مكياج ومعدله روحها اقتربت واني عيوني بگصتي ماشوف من العصبيه اشرتلي شبيك دخلت جوا وخابرتها ...زمجر بغضب.....تجين لو لاااااأ...

جوري ...وخرت موبايل من أذني .... اوووي لاصيح حياتي اجي بس شبيك ....

علي ... منو هذا واكفه وتحجين ويا هاااا .....

جوري ...على كيفك هذا صديق حسين جعلته مثل اخويه صغير واذا....

علي .. واذا موو شايفه هذا لبسج شنو هااا...

جوري ... هااا زين راح اطلع....

علي ... لبسي عبايه يله طلعي بساع ..

جوري ...اختنگت حيل ... شنووو لعد مااجي ...اشو هذا سد الخط وشوي وجتي امه واخته...

مروة ... ها جوري شو وينج تأخرتي ....

جوري ... االله وياكم مااجي ...

مروة ويسر .. ليش شصار ...

جوري .. ميقبل اطلع اله عبا اذا اني كاعده بس بلسياره منو يشوفني...

يسر ... معليج بي امشي بس تبقين بسياره ...

جوري ..ماشي ..طلعت ركبت بلسياره وجان ابو كاعد ليكدام يمه واني وامه واخته ليوره كاعدات اشوفه يباوعلي بلمرايه وعاكد حاجبه وحيل ضايج دنكت راسي ...

يسر ... اسكت بلا كلام اني جبتها واذا على العبايه ماتنزل بس بلسياره ...

علي ... يامي شوفي شنو ملطخه بوجهه..

جوري .. باوعتني تتفحص شالت علبة كلينس خلتها بحضني واني عيوني غورگت جايبني لعرس لو لعزا ...

يسر ...هاج مسحي بس خلي يسكت رايحين عرس نتونس مجاين للقهر....

جوري ...اخذت كلينس وطلعت المرايه وبديت امسح بس حيل اختنكت من تصرفه وياي ابد مايحجي بتفاهم يريدني مثل روبوت اتحرك بأوامر شغل اغاني بلسياره حزينه علساس عايزين حزن واجه چملها ....

مروة ...عفيه علاوي شنو هالاغاني الحزينه نريد طربكه ...

علي ...باوعتلها من مرايه بنظرة غضب ومجاوبتها بشي ....

جوري ...ضلينه طول طريق ساكتين وضايجين تالي عمي طفه اغاني. وصلنه لبيت عمته وجانت هوسه وعالم كومه عمتي واخته كالن ينزلن بيت عروس باوعتهن بعيوني امل انزل بس شكلي نضربت بوري جاي اريد انزل وياهن نزلن وعافني وعلي طلع من سياره وهوا ينافخ دنگت راسي مختنگه هاي هم طلعه دمعه صارت بطرف عيني ...ندگت جامه رفعت راسي...

ابو علي. نزلي بويه ليش وحدج وهنا زلم كلها تباوعلج نزلي ومعليج....

جوري .. عمو بس تعال ويايه ماكدر وحدي ..

ابو علي ... اي وياج..

نزلت وكوه امشي متوتر وخايفه من علي ليشوفني وصلنه للبيت عروس عمتي واخته اتفاجئن بيه..

... ولج شلون نزلتي بنص زلم

جوري ...عمو نزلني... عاد محجن شي كعدت واجت العروس اباوعهه صدك طالعه حلوه بدله حيل عجبتني. وجان يجي العريس يمها اباوعلهم شكد حلوين وهو شلون فرحان بيها وكل شوي يهمسلها ماعرف شيكلها وهيه تضحك تمنيت لو علي مثله من يجي يمي يضل يضحك ويشاقيني احب الشخص المرح. زفوهم وطلعنه وراهم انتبهت ع واحد واكف يم علي يسولفون وشافني وابتسم. كلت بكلبي يا عزه شبي يبتسم من كيفه وبين مو راحه شفت عمتي راحت سلمت ع لولد لحد بعدين عرفته اخوها للعروس. طلعنه للسياره وعلي شغل اغاني وبده ركص اباوع السيارات بيها شباب وكلها تركص وصلو للسيطره وصارت سيارتنه مقابيل سيارت العرسان فتح جامه علي وسولها هلاو بيده ويحجي وياها للعروس صدك ضجت باوعتها الها هيه تضحكله نوب هيه اصلا مامحجبه طلعت بدون بركع وصلو للفندق واحنه عاد رجعنه ...

ابو علي ... ناخذلكم عشه لفات كص...

جوري .. طبكنه يم مطعم اخذو سفري علي جان جوعان فتح لفته وكعد ياكل ابو بطن...

ابو علي .. جوري افتحي لفتج واكلي ...

جوري ...الخجل عماني وحيل ستحيت .. لا عمو ماريد شبعانه.. ..وصلنه للبيت نزلوني يم اهلي وهمه راحو رحت سبحت وبدلت ورحت للمطبخ جوعانه اكلت وكعدت اسولفلها ماما ع عروس. خلصت وصعدت نمت...

.. ومرت الايام اجه اليوم الجمعه الي هيه يوم الحنه ماالتي گعدت اني متوترا بس فرحانه حيل مغص بمعدتي ياربي احس نفسي بمتحان ورا شوي اجت مروة اخذتني للصالون سوتلي شعري كيرلي وخلت ماشات لونها وردي ونوب ميكب اباوع نفسي بلمرايه شكد تغير شكلي لمعت اعيوني بفرح ومكياجي يجنن كله وردي خلصنه ورجعنه للبيت وهلاهل وكل المعازيم جاين بيت اهلي مليان ناس دخلت للغرفه غيرت ملابس ولبست فستان واخذت موبايل وجنطه صغيره ع كد ايدي خليت بيها جهازي وطلعت اجوي ناس تتباركلي رحت كعدت واشتغل ديجي واجو بنات عمتي وعمي يركصون كدامي ونوب جرني من ايدي اركص وياهم واني كلش مستحيه شوي وكعدت وهنا واجوي اهل علي وكرايبه اجتي بيبته ام ابو لـ علي خلتلي حنه بيدي اني كلش ضجت عبالي علي يجي يحنيني واشوفه بس مااجه سمعت انو زلم يحنو وجايبين منشد. اجت شمس كعدت كدامي وتباوعلي صفح وشايله خشمها اليابس حسيتها غيرانه او هيج شوي وكالن راح يحنون العريس خلي نطلع نباوعهم من باب طلعن كل نسوان لان احنه بنفس فرع باوعت شمس طلعت صدك ضجت بلزايد لان راح تطلع وتشوف علي واني ماشوفه هيج شبت بيه نار فضت الحنه وطلعو المعازيم بقينه اني وبنات ناخذ صور لليل ساعه 12 مضل احد بس اهلي صعدت غرفتي كلت اخابره يجي يشوفني قبل لاابدل دكيت مشاله للخط اتصلت ع علي يدك يدك وماكو بلمره ثانيه جاوبني.. هلاو حبيبي..

علي ..مادري اشبيه دوخه براسي واحس بعيوني ضباب امشي بطريق ماعرف نهايته شنو ورطت نفسي ورطت الابنيه وياي شنو ذنبها تتأذة بسببي گمت اشرط عليها واتحكم بيها بس حتى اثبت لنفسي اني رجلها وهي صارت الي بس گلبي ميستوعب احس صاير بين نارين گلبي وعقلي تفكير موتني اجتي الحنه وروحي طالعه احس رايح للجبهة اقاتل مورايح لحنتي اشوف ناس كلها فرحانه وتهوس واصدقائي گلبو دنيا ليگول عرسهم مو عرسي بس اني ليش مو فرحان لليل رجعت تعبان وعقلي احسه راح يوگف من تفكير خابرت جوري تنهدت وحجيت بهدوء مالي خلگ.... هلا بيج ...

جوري ..حيل خجلت ماعرف صارلي وهوا كوا يطلع كلمه ...امم متجي تشوفني مشتاقتلك..

علي .. لامااجي تعبان وماكدر باجر اشوفج ...

جوري ...بخنگه حجيت.. علي صدك تحجي ترى هيه خطوتين وتوصلني وميعجبك تشوف عروستك شطالعه ....

علي ..بنترا... هاي شبيج يمعوده كتلج باجر ويله باي...

جوري .. وسد الخط صدك ضجت ودمعتي بعيني حرگه بگلبي اخذت نفس گوا عود ليش ميحب يشوفني هوف يله براحته رجعت غرفتي فليت تسريحه وغيرت ملابسي ورحت للفراش واباوع على ساعه واكول اي وهسه باجر مثل هيج وقت اني بحضنه اوف شوكت يجي باجر ضليت افكرر وابتسم لحد مغفيت ونمت. حسيت ع صوت امي كعدت باوعت ساعه بل 9 الصبح... ها ماما صباح الخير...

ام جوري .. صباح الخيرات حبيبتي كعدي احجي وياج ..

جوري ...نهضت نفسي من فراش كعدت فريت راسي بمعنى شنو ...

...اريد منج تقرين سورة الفتح يمه واقري ايات وصلي ع محمد كون الله يفتحه بوجهج ويسعدج بحياتج ..

جوري... باوعتها امي بعيونها حزن ..انشاءلله ماما..
كمت نزلت غسلت وجهي حضرت امي ريوك
تريكنه اني وياها وبيبي والبارحه مروة متفقه ويانه تجيني بل 12ضهر نروح للصالون. خلصت ريوك ورجعت غرفتي اخذت ملابس ورحت سبحت طلعت جففت شعري بل شسوار وجهزت نفسي هنا واسمع موبايلي يتصلون بيه باوعت منو طلعت خالتي زهراء...

.. هلاو خاله..

زهراء ... هلا يروح خالتج شلونج

...حمدالله... خالتي كعدت تشرحلي ع ليلة العرس وتكلي مثل نغزت الابره واني ضليت اضحك ع سولفها واحشش المهم لل12واجت مروه اخذتني ورحنه للصالون ، كعدت وسوتلي مكياج وتسريحه نوب اني كلش تعبت ونعسانه وجوعانه

ام صالون.. ياعيني اتحملي شبيج تعبتي الي يريد الحلو يصبر على مره ،

جوري .. هزيتلها راسي بمعنى اي لحد مخلصت ولبست البدله نسوان كلهن الي بصالون ضلن صافنات عليه ويگولن المروه شكد حلوه العروس وام صالون ضلت تاخذلي صور باوعت نفسي بلمرايه مستحيل هاي مو اني مكياجي بلزفه احلى بهواي وتسريحه ابداع مروة تصلت ع عمي جاسب اخو بابا يجي ياخذنه فـ اجه بسيارته كمت من كراسي كوه امشي من وره بدله شالتها وياي مروة نوب شثگلها خنگتني گوا اتنفس ومنه قلق ركبنه سياره وهذا عمي شقاوجي شغل اغاني يركص ويهز جتف خال العريس وعم العروسه ويجلق بلحجي عاد وصلنه للبيت اهلي ومروه راحت بيتهم...

... دخلت لكيت كل اقاربي موجودين حتى خالاتي وبناتهن اجن يتباركلي وكلهن يكليلي ولاعرفناج شطالعه تخبلين اخذن صور وياي كومه بس اني جوعانه ياا عرس اريد اكل عصافير بطني تزقزق
....ماما جيبولي اكل بعد ماتحمل عاد....

.. اجت مرت عمي جابتلي كص دجاج ولفه كالتلي اني اوكلج بيدي كتلها ميخالف مهم بس اسد جوعي وبدتت توكلني واخذت لفه وميرندا اكلت وشبعت يححح هسا رتاحيت وراح اكمل عرسي لل6العصر واسمع صوت مزيقه ياربي گلبي صار يدك الف دكه احس الكل يسمع صوت گلبي وتوتر قرا الف يعني راح يجون ياخذوني اجوي اهل العريس كلهم دخلو يمي وهلاهل وشوي وجا علي بس اباوعه ولايضحك وگالب خلقته وينافخ كعد يمي كلشي ميحاجيني واني حيل اختنكت اباوع امي بعيونها اكو دموع دنكت راسي وعيوني غرغرت بلدموع اسمع وحده من خواته تكلي هاج جكليته وكليها اله نطتني جكليته رفعت راسي كالتلي تبارك فتحيها. المهم اخذتها وفتحتها ونطتيها علي اباوع بعيونه شو هذا ابد مباوعلي ولارفع راسه يا هذا شبي عبالك ضايج حسيته بي شي كمنه لبسوني البركع اجه بابا ...

ابو جوري ...علي ديربالك على بنتي ..

جوري ...اني سمعت بابا يحجي وصرت ابجي نوب دانطلع وصلنه للباب وعمي الجبير كام يصيح ويكفر شلون تخلوها تتطلع بدون عبااااايه امشن جيبن عباااايه لااكلبها الدنيه عليجنةگام يهوس ويصيح على خواته بعلو صوته خزانه كدام العالم وعمتي ام علي نقهرت من اخوها ...

يسر....على بختك يااا شبيك ابو علاء استهدي بلراحمن تره طلعناها مستوره مامبين شي منها وجها وغطيناا بعد شنو ..

جوري .. اختنگت حيل موقف زفت صرت بي واكفين وعمي يصيح البنات انخبصن وراحن جوا يطلعن عبايه علي يمسح وجها الي صار احمر من العصبيه هوا منا مدري شبي عمي ظل يصيح ويعيط و ميتفاهم اله عبايه تخلنها ع جتفها جابو عبايه اني اضوج من العبايه منه وكمت اشهك وابجي من عمي سكت بعد الصياح وتهرج اعرفه هو عصبي وميتفاهم بس مولهدرجه يخرب عرسي عاد زفونه وجان بيدي قران ع سوره فتح وقهرني زايد علي ضل ساكت كلشي ميحجي وياي حتى بزواجي ماتهنيت....

... لحد موصلنه للمصور دخلنه جانت اكو مصورا اخذتلنه لقطات صور نوب هاي شو جتي تعدل بل قاط علي وهو واكف ويبتسم الها باوعتها وعيوني بگصتي بودي اگطعها شبيه هوا مايضحكلي حتى لو يبتسم مجامله بس للغريبات يفرش حلگه مكدرت اسوي شي بس الغيره صعدت فول عندي لحد مخلصنه صور اني صخنت من الغيرة طلعنه رجعنه للبيت. نزلت من سياره جان الكل موجود هنا تقاليدنه انو العروس قبل لاتدخل بيت عيالها طش طاسه مال مي فـ همه مخلين طاسه وبيها مي اني اجيت من عصبيه حسبالك ذبيت حرگتي بيها ودفرتها برجليه فـ مرت عمه ل علي كالت هاي خوش دفره سوت وضحكو دخلت ...

....كعدت اجت مرت عمي شالت البركع عني واخيرن اتنفست هفف جان الكل كاعدين اجت عمتي ندى....

ندى .. جوري امج كاعده وبس تبجي واخوتج يردوج ويبجون..

حوري .. باوعتها لعمتي ودموعي تنزل اشتاقيتلهم اهلي شلون عفتهم وفكرت بزواج بعدني صغيرا على فراگهم فارقت بيتي وفراشي علمود اتزوج علي وياريت يباوعلي لو مهتم بيه وضحتلي صورا هواي نقهرت على نفسي وحسيت متخذا قرار غلط وكله بسبب طيشي ومراهقتي وعدم تفكير راح اعيش ويه انسان طول عمري ماعرف شضاملي القدر ...

.. اجت مرت عمي تمسح دموعي وعدلت مكياجي تكلي سكتي ميصلح تبجين بعرسج شوي وماشوف غير اختي تجيني حضنتي وتبجي واني ابجي وياها وحته المعازيم يبجون رفعت راسها وعيونها مليانه دموع نكسر گلبي اختي وحدها تضل راح اشتاقلها ..

أزهار .. يله اني اروح حبيبتي ديربالج على نفسج تحتاجين شي ...

جوري ..ابتسمت من بين دموعي وامسح دموعها ...سلامتج بعد روحي بوستها وراحت واني بقيت ابجي. انتبهت ع شمس الي جان يحبها علي. كاعده وتباوعلي صفح واحسها ضايجه فـ هنا واجه يمي علي اخذ ايدي احس كهرباء مشت بجسمي ومعدتي تقلصت ...

مروه ..تغمز ....راح تصعدون هسه للغرفه شدو حيلكم ..

جوري .. باوعها علي صفح وصعدنه الدرج كوه بدله جبيره وثگيله وصلنه للغرفه فتح باب علي دخلت اباوعها ياربي شلون غرفه تخبل وريحتها تجنن
ولونها بنفسجيه واثاثها ضخم بس تجنن كعدت على كرسي اختى مروه ضلت يمنه تاخذلنه صور شوي وطلعت علي طبك باب وقفلها باوعلي گصني بعيونه فركت ايدي بتوتر وبلعت ريگي ...

علي ... رفع حواحبه ..شنو راح تبقين كاعده..

جوري ...رفعت عيوني .. ها مادري .. مرتبكه حيل ماعرف شسوي اجه يمي لزم ايدي جرني للمرايه وگف قريب مني جتفي يطخ بصدرا ...

علي ... بهمس ..تسريحه فليها ..

جوري ... اني بديت انزع بل ماشات نوب كومه اجه ساعدني ويحجي ..

علي ...ياااابه شكد مخليات بشعرج ماشات شنو ديبنن برج ايڤل ...

جوري ...ابتسمت لكلامه ليش قليل كلام كوا تطلع الكلمه منه كملت تسريحه نوب بدله باوعت عليه واگف .. عفيه اطلع اريد ابدل...

علي ... اهووو رجعنه كم مره كايلج عوفي المستحه مرتي صرتي حلالي ....

جوري .. فرحت بداخلي بس رجفه سيطرت عليه وهوا يقترب لزمني من خصري دارني ع ضهري وفتح سحاب وگعت البدله بلگاع نوب لبسه بنطرون ابيض وجوارب واني كلش خجلانه معرف شبيه خايفه ...

علي .. فتحيلي رباط والقميص ...

جوري ...ايدي ترجف سيطرت عليها سويت الكالي عليه اقترب مني غمضت عيوني حيل لزمني من خصري انفاسه ضربت وجهي بلعت ريگي وهوا ياخذ شفايفي بين شفايفه الحارة گلبي صار خفقان خليت ايدي على صدرة هوا هم ضربات گلبه عنيفه خله راسه برگبتي ماحسيت اله على مندر بلكاع نومني وكلشي ماعليه تقربلي حيل اختنگت ودمعه بعيني خوف تملكني وصار بقسوة يريد ياخذني اكمت اصرخ وابجي وادفع بي لان حيل اتئذيت متحملته وهو يحاول وياي واني مانطي مجال گام وهوا ضايج وعيونه حمر حيل خفت ضربني حيل ودفرني برجليه وشبعني كتل .... ليش هيج عوفني عوفني ..

عافني وطلع هو عصبي اجتي اخته دكت باب عليه فتحتها واني ابجي ...

مروة ..شبيج جوري ليش تبجين شنو اخذج لو لا ..

جوري ... واني اشهگ وامسح دموعي .. مادري..
.. راحت ع فراش كلشي ماكو ..

مروة .. وين كفيه نطيتها الكم صار نيشان...

جوري ...مادري ...

مروة انتي شبيج كله متعرفين ..

جوري ...قابل مزوجه قبل كلشي ماعرف سئلي اخوج.

مروة ...يا هاي شبيكم يمعوده خاف انتي مدتخلي براحته اتحملي صيري براسج خير....

جوري ... وعافتني وطلعت گعدت على جربايه بلغرفه شكد حلوة واحسها خنگتني ضليت ادهك وابجي نوب تعبت من بجي تمددت ونمت حسيت عليه يتقرب مني وجانت ساعه 2بليل خرب اني منا كلش نعسانه وتعبانه فتحت عيوني باوعته برجاء ..

علي ... اششش نامي ومعليج ..

جوري ...نيه باينه بعيونه رجفه احتلت جسمي والخوف نزرع بگلبي ..عوفني تره جاي تئذيني والله خايفه ... ابد ماخذ بكلامي لو گال خطيه حيل نقهرت اجه تقرب ويحاول وياي واني الوب من الوجع ماعرف صار بيه عيوني نطت من البجي نوب حط ايده ع حلكي وسدا حتى ماعيط ودموعي نار تنزل على خدي احس نفس كمت ماشم الهوا شوي وعافني نزلت الصبح صبحت على عيالي امه وابو وخوانه واخته مروه هي عمتي بس مادري ليش حسيت نفسي غريبه بينهم ...

.. مروه شكلها عادي بس عندها عواج بحلكها صار عندها بلولده انو عمتي من داجيبها طبيعي صار خلل ماعرف شلون بلضبط بس اسمعهم يكولون من لولده طبيعيه زوجت من كرايب امي يصير ابن خالتها وبس زوجت وره شهرين طلكت صارت مشاكل هيه ويا لان يمد ايده عليها ويغلط ويطلعها للشارع بدون ملابس ومن غيرهااا وطلعو عليه صيت بمانو هو مخبل بس هو جذب شلون لكو حجه عيالي وطلكوها من عنده كبل عمي جاب سيد وطلكها وبقت عند اهلها بس عيالي ضلو حاقدين على بيت طليقها علساس كلهم مخابيل ويحجون على اهل امي بيت جدي بيت فلان هيج من عندهم وهيج من عندهم. بعد صار نقل كلام وحجي ومشاكل لمن راد يتزوج علي وخطب بنت عمته ومقبلو عمتي يسر كالتله بنت خالك ناخذ مروه تخبلت وضلت تصيح وتكول مناخذها هاي طينه عجينه مثل بيت جدها مخابيل وبيت الخروف وتقلد تصيحولهم عمتي يسر كبل عاطت بنتها كالتلها بس اني داخذ بنت اخويه وقريب اوله من الغريب كالتلها مروه بس اني مقابله ولااحبها لان من عندهم وتقربلهم بيت جدها. المهم ضلو يتناكرون لحد ماسكتتها امها.....

..اني نزلت يمهم وكعدت حضرت ريوك عمتي كيمر وكاهي بيت اهلي جانو جايبين كعدنه كلنه نتريك اني استحي اكل كدامهم اكلت شوي وعمي ...

ابو علي .. شو ماكلتي شي بويه ..

جوري ..ابتسمت ..شبعت عمو... خلصو ريوك وكامو اني وكفت الملم بلمواعين ...

يسر ...عوفي عيني بعدج عروس روحي يم رجلج ...

جوري... عادي عمه اساعدج شكو بيها ...

يسر ...لا عود تطلع سبعه ماتج واشتغلي هسه روحي غرفتج صعدي يم علي اهم شي هوا ...

جوري .. ماشي.. ترخصت وصعدت لكيته فاتح تلفاز يباوع مسلسل تركي ومندمج بيها. اجيت يمه كعدت واباوع ويا وهو انتبه عليه ولامعبرني نوب معجبتني مسلسل حسيتها تافه اخذت موبايل نوكا اتصفح بلستديو نوب خلصت مسلسل ...

علي ... كومي طفي تلفاز والاضويه انام ...

جوري .. ها..

علي .. شبيج ماتگومين ...

جوري ... اي هسه ...حجيت بكلبي خرب هو هستوا كعد من نوم ليش يرجع كلساع ينام طفيت تلفاز ولاضويه ورجعت للفراش تمددت حسيت بأدي حاوطن خصري وانفاسه تضرب رگبت سحبني اله صرت قريبه منه حسيت دگات كلبي سرعت جرني وصار فوكاي تقرب مني وو واني كالعاده ادفع بي ومانطي مجال هو بسرعه يضوج ويعوفني ينزل يراح لعمتي اسمعه يغلط ويصيح يكلها متخليني يعني اني شسوي اذا جاي اتوجع ماتحمل منو لي يحس بيه نوب اخذت ملابس ونزلت للحمام اسبح وابجي صعدت للغرفه اخذت موبايل خابرت اهلي جاوبتني امي ..

جوري .. ماما ابوس ايدج تعاي اخذيني ماريد ابقى تعبت جاي يئذيني....

ام جوي ...يااا يمه شبيج صلي على نبي ميخالف بنتي اتحملي وصيري قويه

جوري ...ضلت تحجي وتكسر عليه سديت الخط منها اجه يتعارك ويايه وصاير عصبي يصيح دنگت ابجي مجاوبته شي للعصر وصعدتلي مروه...

مروة ...يالله عيني نزلي خطار اجوي كشخي وخلي ميكب خفيف عود عروس الله يجرم وتهز بيدها...

جوري .. علساس ناقصتج اني عافتني وطلعت باوعت نفسي بلمرايه عيوني مورمه من البجي طلعت مكياجي خليت شي خفيف ورحت فتحت كنتور طلعت ملابس الي زي هندي لونه ابيض بس بي شذر وتطريز ولمع بلون الاخضر مال عروسات لبسته ولفيت شال ونزلت لكيت 4نسوان جايات سلمت عليهم وكعدت بس معرفتهن منو يباوعلي ويكولن لعمتي

.....صلوات حلوه جنتكم ربي يسعدهم عمتي

يسر... تسلمن عيني ربي يخليكم ويوم تفرحون بولدكم ....

جوري ..ضلن يسولفن بيناتهن واني ساكته بس اباوع واوزع ابتسامات لان استحي وكودن ماعرفهن. وحده من عندهن اسمع تكلها عمتي ..

..شكلها جنتج مامخذها مو..

يسر.. ..ها ..وفتحت عيونها ... لا عيوني اخذها من اول يوم بس هيه بعد صغيره وماتبين ..

جوري ...تحجي وتباوعلي صفح اني اباوع لعمتي مصدومه ذني شلون عرفن خب حظي حسيتها كلش ضاجت من هل سؤال المهم كامن تنطني الفضل والهدايه وترخصو وطلعن. اجت عمتي صايرا اعصاب ...

يسر ...سمعتي شكالن هسه شيكولن ع ابني مو رجال لسا مااخذها تره هاي مصارت مالتج تتعايرين فضيها عاد ...

جوري ...استهضمت من كلامها مفروض تنصحني تحجي وياي مو تتهجم اخذت الصينيه بيها عصاير وراحت للمطبخ. باوعت ماعرف شرد عليها ضليت ساكته جتي مروه ..

مروة ...صعديهن هدايات لغرفتج ...

جوري ..بس ذولي مواعين للمطبخ..

مروة .. ولعد لخات شنو ..

جوري .. شرشف..

مروة .. يي صعدي ..

جوري .. ماشي اخذته وصعدت شفت علي كاعد باوعني بطرف عينه ...

علي .. اليوم بليل يجي صديقي وخطيبته تعرفي عليها...

جوري .. ها انشاءلله. صار لليل غيرت ملابسي لبست مانتو وشال وميكب خفيف ونزلت صار علي بوجهي شبه ابتمست ...

علي .. بالطريق اجه يوسف وخطيبته حضري فواكهه وعصاير شنو موجود رتبي ...

جوري ...رحت للمطبخ سويت صينيه ببسي وحبشكلات وخليتهم اندك الباب طلع علي يرحب بيهم اني رحت من باب ثانيه استقبل لابنيه اجتي مبتسمه ..

.. هلاو حبيبتي...

جوري .. ياهلا بيج عمري تعاي تفضلي كعدت اجت عمتي ومروه سلمن عليها اباوع لبنيه حلوه وشكلها صغيره ... شنو اسمج..

... اني ريام وانتي جوري مو..

جوري .. اي حبي تشرفنا ..

ريام ...الي شرف اني اجيت بلعرس ...

جوري ..شو لعد مشفتج ...

ريام ....ههههه اي شلون تشوفيني غير هوسا وكلها موجودا..

جوري ... اي هم صدك...

ريام .. جاي درسين ..

جوري ...دنگت راسي مقهورا بأسى .. لا والله حرامات تركتها...

ريام .. مثلي هم تركت ..

جوري ...انتي ياصف ..

ريام .. ثالث متوسط ....

جوري ...طلعت اكبر مني بسنتين ضلينه نسولف ع حياتنه شوي وكالت اترخص طلعت وياها وجان يصير بوجهي يوسف خرب متت خجل سلم عليه وراحو. وطبعا طول هلفتره خطار طاب طالع يوم من عندهن اجن عماته لـ علي وبناتهن شمس جانت موجوده اشوفها متشيل عينها عن علي بكل جرئه تباوعله حتى هو يضلون يباعون واحد للخ واني كلش ضجت اجت هدى تضحك وتشاقه ويه علي ونوب شقاها قوي وهو هم ندمج وياهن اباوعله ونار شبت بصدري هاي اني الاحبه واريد كلمه منه لابسني ليش هيج اليحب ينذل خرب انه ويايه ميضحك هيج اجتي هدى وكعدت بصف علي لزك وخلت ايديها ع ضهره اني باوعتها ونطت اعيوني شنو هالصلافه حجيت بكلبي عزه شكد متستحي هاي مخليه ايديها عليه وتسولف وتضحك وهو هم مكيفلها صدك متحملت عفتهم وصعدت غرفتي لزمت المخده وعطت وگمت ابجي بقواا وانشغ احجي يعني ليش هو مو وياي يسولف ويضحك ليش ويه غيري ابجي وهيج صرت اعصاب شفت ع ميز تواليت مكياجي كله طشرته بلكع طلعت حركتي بيهن تكسرن نوب صرت اسمع صوتهم يعلى بلضحك شگ أذني زدت بلبجي نفتحت الباب شلت راسي باوعته ودرت وجهي عنه شافني ورأسن عاط..

علي ...بصياح وعصبيه ... شنو هاي الغرفه شمسويه تخبلتي ادري بيج ضجتي من هدى وتصرفها. بس انطيج علم واني وبنات عمتي عدنا ميانه وكلشي عدنا عادي وبطلي هاي سالفه مال تعوفين وتصعدين واكو احد يمنه عيب افتهمتي.....

جوري ...رفعت عيني عليه وجاوبته ...ادري ميانه بس مال تلزمك هاي كلش واكفه شنو متعرف الحرام هاي سموها ميانه زفراا... اني حجيت هيج لو تورطت استلمني سب وغلط وعافني وطلع نوب اسمع عمتي تصيح عليه...

يسر....جووووووري تعاي نزلي وينج عاد..

مروة ...اي خاتله بغرفتها ست الحسن ..

جوري .. اني بسرعه مسحت دموعي ولبست شالي ونزلت لكيتهم ياكلون الكل هادء بس احس معارك داخلي عقلي موتني من تفكير ...

يسر ... تعاي تعشي ..

جوري .. ماريد مجوعانه ...

يسر... لعد غسلي ماعين ..

جوري.... ماشي... رحت للمطبخ لكيت كوم ماعين وكفت اجلف بيهم خلصتهم وهمه خلصو اكل ويجن بعد ماعين بحيث ضهري نكسر كعدو وشوي وطلعو واني بعدني اغسل بلمواعين وباب مطبخ مفتوح واشوف علي واكف وهمه ديطلعون واجت شمس تفوت من يمه وتباوعله وتبتسم وهو يغمزلها اني شفتهم بلزايد نجنيت من شفته يغمزلها مدري صار بيه راحن عماته وهو ضل بلحديقه بس اذني يمه اسمعه يخابر بلموبايل بس ماعرف ويامن لشوي ودخل واباوعه عيونه تجدح نار باوعلي ...

علي .. بصياح عوفي لبيدج وتعاي فوك ...

يتبع...

اريد بارت يوصل 300 تصويت

اخطاء لايُمحيها الزمن

آنثى 💜 ملائكيه

هاي بنوته سوتلي دعم تابعوها 😘😘

user15427885

تابعوهم حبيباتي⁦❤️⁩

tota2005123

Thikriuat2002

user87298860

NORA---H15