رواية أخطاء لايُمحيها الزمن الفصل التاسع والعشرون 29 - بقلم أنثى 🪽 ملائكية

انثى 💜 ملائكيه

أخطاء لايُمحيها الزمن

جوري ...لـ ماخلصو كمنه وطلعنه من المقبره جانت حدود ساعه 11الصبح..

صلاح..... خلي نزور اخر زياره ونطلع للكوفه...

جوري ..... اخذنه تكسي ورجعنه للامام دخلنه زرنه كوه وصلنه للشباك جان ازدحام لحد ماطلعنه ورحنه للكوفه وهناک بلطريق جواريب نزعتهم لان حذائي كلش مئذيني بلمشي فـ هنه خفاف كلش بسرعه نشكو ...علي خلي نشتري جواريب ...

علي ....بطريقنه نشتري لان ميخلون واحد يدخل اذا مو جوراب...

جوري ... نزلنه من سياره فـ احنه ودانمشي ع طريقنه شفت واحد ديبع شغلات جواريب ومن غيرها كتله ...علي خلي ناخذ منا...

علي ... يلا عمي بس فضيها ..

جوري ...عمي ومرته ورانه صارو واني وعلي وكفنه يم محل واخذت زوجين جوارب اشو اجت زينه وكفت يمنه وكامت تلملم بلغراض وتعبي بلعلاكه مالتي جرتها مني عقدت حاجبي... هاي شنو ام جعفر...

زينه ... ها شبيج متقبلين عيني....

جوري ...عادي بس علمود لـ حساب...

زينه ... هسه شبيج بس داخذ للجهال ملابس هذن حلوات...

جوري ...فتحت حلگي بفهاوة... اخذت قطعتين وهم خلتهن بلعلاكه وجابتلي علاكه متروسه وسلمتها الي ... وبعدين ....

زينه ... شنو دفعي فلوس غراضج هسه وبعدين انطيج

جوري ..احس دخان طلع من ذاني نوب بكل جرئه تباوع لعلي وتضحك وكامت تبينله انو هيه ماشيله فلوس...

زينه ..علووش انته ادفع عني..

جوري ...خزرتها.. بس اني مخذت شي بس جوراب وباقي مالاتج ...

زينه ... ييي هسسه شصار يعني عادي بقيهن يمج بعدين اخذهن...

جوري ... وراحت تباوع للسوك وتلملم بعد بلغراض فتحت عيوني عززه هاي شكد تشتري متشبع كاعده ع بنك الله يساعد عمي عليها..علي سحب مني علاكه ...

علي ... هااا خلصتي...

جوري ... يمعود هذن مو مالاتي بس جواريب ...مجاوبني شي ..

علي ...سألت صاحب محل.... شكد ذوله حسابهم...

صاحب محل.. اخذ منه غراض ويحسبله بلسعر كله هذني كلهن 15الف..

جوري .. علي رأستن طلع فلوس ونطاه ني حيل ضجت وتنرفزت ... علي صدك جذذب خلي لفلوس ع حالنه وررانه دكتوره ورانه رجعه وتكسيات وفندق شلون اني مداشتري شي حته لايخلصن لفلوس تجي تدفعلها لخاتون زينه ....

علي .... جوري بله لغوه زايده هاهيه قابل هنه شكد مليون دافعلها وبعدين عيب هيج تحجين تره هيه مو غريبه مرت عمج ماكو فرق...

جوري ....فريت بعيوني وسويت... استغفرالله... بعدين اجتي يمنه ..

زينه .. ها جوري وين غراضي نسيتهم يمج....

جوري ... بداخلي ايبااا يعني مامتعمده تخليهم يمي ندفع فلوسهن جان استحيتي وحده طماعه هاي وحده من اطباعها الخايسه شمرت غراض عليها ومشيت وني ضايجه نوب هيه ولاعبالك ولاسالت منو دفع فلوس ويعع شلون عندها نفسيه والله يالله.....

....المهم دخلنه نزور فـ من كملنه صارت صلاة كتلها...زينه خلي نوكف نصلي...

زينه ... يمعوده ياصلا امشي نطلع تراني راح اطك من الجوع....

جوري ... يا ملحكه تاكلين وصلاه متاخر خمس دقايق....

زينه ... لعد انتي بقي يالمتدينه صلي واني طالعه...

جوري ... مدرات بال عافتني وطلعت باوعتها ياربي شلون تنفرز الواحد بس اريد اعرف عمي شلون جارعهه لخاطر محمد صليت وكملت وطلعت نوب تيهت هاي منين اطلع ياربي اني ابد مجايه للكوفه فـ ماندل كمت اسال الناس وهمه يدلوني عاد طلعت والله لكيت عمي وعلي واكفين بس زينه ماهيه شافوني...

صلاح ... عمي ادري وين صرتن...

جوري ... جنت اصلي وزينه طلعت قبلي ...

صلاح .. لعد وينها ...

جوري ...شدراني خاف هم تيهت مثلي لان اني همين ضيعت وكمت اسال لحد ما وصلتكم....عمي صار عصبي ويسب ع مرته كتله... عمو اهدء هسه ارجع اشوفها....علي جان يباوع يدورها لحد مشافها تمشي من بعيد...

علي ... خالي اجتي ..

جوري .. وصلت زينه يمنه وكالتلي كدامهم...

زينه ... جوري ولج وين رحتي وعفتيني..

جوري ...رفعت تك حاجب... عيني هو اني لعفتج لو انتي مو طلعتي قبلي...

زينه ... لايمعوده مطلعت بقيت انتظرج....

جوري ...سويت اللهم يطولج ياروحي كتلها ...هسه مصار شي امشي عاد ...باوعت لعلي .. علي شوكت نرجع تره مضل صبر عندي...

علي ... ميخالف طولي خلكج هاهيه نسكت لخاطر خالي صلاح...

جوري .... مشينه قبلهم وهمه ورانه اسمعها تكله عمي ولك صلاح ودينه للمطعم جووع هاطرني كلها هسه نشوف وين اكو مطعم صاح عمي...

صلاح .. علي نروح مطعم اكيد هسه جواعه انتو هم...

علي ....صراحه خالي احنه من نطلع منحب ناكل شي واحنه ماندخل ياهو مطعم الجان...

جوري .... عاد اني كتله ...عمو هو منو يعجبه ياكل هنا...

.صلاح... ليش عمو ..

علي..لان شافت المكبره هههه بعد متحب تاكل..

..ابتسم ..صلاح .. لعد تضلون بدون اكل...

علي ....مابقه شي ونرجع لبغداد..

.زينه ...عززه يمه ماتحمل منا بغداد اني ميته جووع...

جوري ....علي جان كوه كاتم ضحكه وحجه وياي ع كيف وكال...

علي...خرب يومها هاي معده لو بلوعه مو من شوي شفناها تاكل لفه..

جوري... هههه... علي كام يصنف ويحشش ع زينه شكد متاكل وتصيح جوعانه..اجه عمو يمشي ويانه وزينه ورانه كوه تمشي..كتله ....عموو اذا فرضاً صار حصااار ومجاعه زينه شتسوي ههههه....

صلاح ... بعد عمج ليش تفاولين علينه غير تاكلني اني وجهالي...

جوري ...متت لزمت بطني وفطست من ضحك .... ههههههه علي كرصني من ايدي وصك سنونه...

علي ... ثوله لاضحكين بصوت عالي عالم تباوع....

جوري ... فركت مكان گرصه.... اووي ايدي شسويلهم طزز بيهم..

علي ....يلا كاافي بله سفاهه ..

جوري ...سكتت بعد محاجيته رجعنه اخذنه سياره وتجهنا لبغداد.. 4ساعات يلا دخلنه لبغداد جانت مزدحمه شوارع..وصلنه لـ يم مطعم الواحه عمي كال ناخذ اكل سفري وهناك بلبيت ناكل لان تعابه عاد نزل علي دقايق واجوي ركبو سياره وطلعنه لحد ماوصلنه للبيت لكينه هبه جايه من سفر علمود عرس مروه سلمت عليها وباوستها هبه جانت شوي حبابه اشوفها مدري لان بعيده عنه قليل تجينه ...

هبة... اي شكو ماكو مصار شي بعد عندج ...

جوري ... لا والله ماكو شي..

هبة.... الله كريم..

جوري ... يلا حبي اني اترخص دصعد انام لان كلش تعبانه...

هبة .. ليش وين جنتو.دد

جوري .. رحنه زياره للنجف زرنه وندعينالكم...

هبة ... هااا الله يتقبل عيني واخذي راحتج ..

جوري ...تسلمين منا ومنكم..ابنها شفته يلعب رحت بوسته وكتله.. شلونك حبيبي ضحك وكال ثين..يعني زين يمه فدوه للحلو لاتركض هواي وتوكع ديربالك ع نفسك ماشي حبيبي هز راسه وضحك ...

..عاد عفته وصعدت ذبيت غراضي واخذتلي ملابس ورحت سبحت وطلعت صعدت لغرفتي..وعلي اجه ورايه صاح عليه ..

علي ..جوري جيبلي هدوم ...

جوري ...خرب شلون نسيت انزله والله مابيه حيل انزل بعد خررب ببليسك علي شنو ماعندك رجلين تصعد تاخذلك انته بقيت ادردم ويه نفسي اخذتهن ونزلت دكيت باب فتحها ناوشتله لهدوم اخذهن وسحبني من ايدي ودخلني ويا وقفل باب اجه قترب مني رفعت اصبعي بوجها وخزرته ... ديربالك علي ترى راسي ديوجعني لان منايمه خلي اطلع....

علي .. ها متسبحين وياي...

جوري ..مايحتاج لان سبحت.... بعد نفسه عني شكله ضاج من كتله هيج فتحت باب وفلتت منه وصعدت للغرفه غيرت ملابسي لبست دشداشه قصيره ولميت شعري ورحت مددت بلفراش الله على راحه اجه وكبل طفه الاضويه وهو ينشف بشعره راح وكف للمرايه يمشط ويعطر نفسه واجه مدد بصفي بس محجه شي ولاباوعلي كلت اووي شسويله غطيت وجهي بلحاف بس غمضت نمت....

.لثاني يوم تذكرت هليوم عندي موعد تلقيح الاصتناعي لازم الصبح نطلع كعدته لعلي وكتله عاد نزلت سويت ريوك وصعدت بدلت وجهزت نفسي وعلي كذلك وطلعنه اجرينه تكسي ورحنه للعبره ماال كاظميه عبرنه الجسر ورجعنه اخذنه تكسي مناك وطلعنه للجامعه ....

... اول مدخلنه جان ماكو احد غير بس الحارس وحته جامعه مامفتوحا كعدنه اكو جانت مثل حديقه بيها زرع وثيل جان ترتبيها حلو ...

علي...... مو كالت دكتوره بل 8ترحون...

جوري.... اي وهسه ثمانيه ونص صارت شمدريني اني..... اجه رجال وبيده صونده كام يسقي بلزرع...

علي... يمته يفتحون...

كله ...هسه فد بتسعه ويجون..

جوري ....ولل 9 يلا عالم كامت تجي ودكاتره بعدهم ماكو..تقريب تسعه ونص يلا اجوي وفتحو وحته طلاب اكو بيها دخلنه..ابو ستعلامات شوفناله الورقه كاتبتلي بيهه دكتوره وكال تلقيح ...

علي ...اي دزتنه دكتوره ..

... سعره 80 ..

جوري ...شال ونطا فلوس..وكاللنه هسه صعدو فوك سويلكم استماره بلاول..عاد صعدنه شفنا واحد كاعد ديكتب..دخلنه سلام عليكم...
.ردنا عليكم السلام
علي سلم المستمسكات والورقه دكتور..
.. انتو اول مره تجون ...
علي .. اي ..فتح النه فايل وكام يكتب ويطبع وماعرف شنو.
.سالنه تاريخ الزواج يمته.
.علي... بسنة 2012..
وضل ياخذ معلمومات عنه ..

... الي يشوفكم يگول اخوان هواي تشابهون...

علي.. بابتسامه.. اي لان كرايب ونفس الدم لهذا يشوفون اكو شبهه ..

....ابتسم وكله الله يحفظكم خلص الاستماره وسلمها النه ونزلنه لجوه....

ورحنه كعدنه بالانتظار جان اكو قسمين قسم انابيب وقسم لقاح فـ احنه كاعدين ع جهه ثانيه واكفين يم الباب زلم ونسوان اعتقد جانو ينتظرون دكتوره واحنه وكاعدين اجو اثنين واحد هو ومرته كعدو مقابيلنه..نوب هذا ضل مكنهر عليه...

علي ..بهمس صك سنونه... عيونج بلكاع فاهمه ..

جوري ..بهدوء... مدباوع والله...
وصدوك اني دنكت بس شافني لان ادري علي راح يرزلني.

..الابنيه... اکلج حبي اجتي دكتوره لو بعدها

جوري ...ماعرف توني اجيت ..

الابنيه... انتي ع ياقسم..

جوري .. لقاح.

الابنيه... اوو هذا فاااشل سوي انابيب احسن...

جوري .... كلت بداخلي يالله خوش فال تفاولتي من هسه صار فاااشل ... ليش فاشل انتي مسويته..

الابنيه..... اي سويته مره ونسبته 10٪ يعني مامضبوط كلش.

جوري.....زين ويه منشطات لو بدون..

الابنيه.. لا بس لقاح ..

جوري ...اني سويت محاولتين اذا مو ع ابر ع لقاح.....

الابنيه... يلا بلكي ينجح..

جوري ... انشااءلله..شوي وطلعت وحده من قسم الانابيب..

علي ...كام من مكانه... بس اروح اسالها وجي

جوري... ماشي..باوعت كلهم زلم واكفين يحجون وياها اعتقد مخليها مساعده ويه دكاتره وهيه توجهم وين يرحون وين يجون..فـ صار مجال لعلي ونطاها الاستماره ...

.. وينها جوري سوت سونر..

علي .. لا..

كالتله ..عيني خلي تروح ع دكتوره اسماء وتسويلها سونر نشوف حجم المبايض لعندها وسريع لاتتاخرون تره دكتوره الي تسويلها لقاح تطلع من وكت بل 2الضهر وانته نريد منك العينه بس مو هسا مرتك تسوي سونر يلا و...كتبتله ورقه ونطته ...

علي... امشي وياي بساع..

جوري... وين... كمت ورحت ويا بنفس جامعه بس هيه جبيره هواي بحيث دخنه منين نطلع ومنين نطب..سالنه ابو الاستعلامات وين عيادة دكتوره اسماء كال طلعون من هاي باب ع ايدكم اليسرى تلكونعيادتها..طلعنه وضلينه نمشي شوي قرينه عيادة دخلنه يووو باوعنه الازدحام واصل لابو موزه..وكاعد سكرتير وبيده فون ومامنتبه علينه واكفين ....علي تره هاي لباجر لصبح اني مادخل ع هذا الازدحام وهيه تكلك ع سريع شلون...

علي ..امشي نرجع نكلها بلكن تسويلنه فضل وتمشينه ..

جوري... نوب رجعنه ع نفس مكان لكينه هم زدحام واني وكفت ع صفحه لان استحي كلهم زلم واكفين علي راح سالها وكالتله عادي احجو ويه سكرتير كله عنده لقاح ومستعجلين يفوتكم رجعنه وكناله سالني... شنو شنو اسمج عيوني.....كتله... جوري ...سجل اسمي وكلي.... انتظري فد نص ساعه ودخلج تدللين ببتسامه.....كتله... شكراً خيو... رحت كعدت وعلي ضل واكف بره لان مقبط مكان بس كرسي باقي..كام يدخل بلمراجعين واحد وره لخ صار مجال يمي تقريب خمس كراسي فرغن...

.. اجوي اثنين شباب كعدو قريب مني بفرق بس كرسي واحد نوب هذا بس يتلفت عليه ويباوعلي بنظرة مقززة مهتميت وجهت عيني ع علي وهو كاعد يسولف ويه واحد مامنتبهه عليه...

...فـ هذا شسوه شافني ناطيته اذن طرشه اجه وكعد بصفي تحول ع كرسي ليمي وحط ايده ع رجليه اني كبل فزيت منه وكمزت من مكاني ومتفأجاه بحركته حته ناس شافوني خنزرت بوجهه وسويتله.... تف ع هيج شكولات زفره...
دگات گلبي زادت ابن نعل درت وجهي ورحت وكفت يم علي شافني متوترا

علي... ها شبيج ليش اجيتي وليش وجهج اصفر...

جوري.... خليني هنا... مابقه شي ودخل للدكتوره ..

علي.. شوكت دخلين.

جوري... بعد نص ساعه رجع يحجي ويه رجال..واني متنرفزه وسوي استغفرالله وين ماولي يباوعون ويتحارشون..لهناك واسمع اسمي جووري سكرتير صاحني رحت كتله نعم كال يلا فوتي دخلت سلمت ع دكتوره ونطيت الها الورقه قرتها وكالت...

دكتورا...صعدي للسديه رحت للسديه شوي واجت خلت سونر ع بطني ..

دمتورا... كالت كلشش زين وهسه جاهزه للحمل تمام..

جوري.. كتبتلي ابره بلرجيته كالت جيبها وتعاي طلعت ونطيت لـ علي راجيته دقايق وواجه اخذت منه الابره ضربتليها دكتوره وكالت بعد هاهيه روحي سوي تلقيح طلعت منها ورحنه ع نفس مكانه ونطيت الورقه للسستر كالت انتظرو..وهم كعدنه بالانتظار فوك ساعه ملينه وعلي بس ينافخ لحد مانادونه ورحنه من علي طلبو العينه وتحليل يبقه ساعه ونص علما يكمل..وهم انتظار صارت تقريب ل 1ونص صاحت جوري دخلوني وكالت هسه تجيج دكتوره نامي ع سديه وجهزي نفسج كتلها

ماشي......نتظرت شوي واجتي وكملت كلشي

.. كالت.. هاهيه هسه ابقي نايمه فد ساعه يلا..

جوري... وطلعت دكتوره واني بقيت نايمه احس ضهري تكسر شكد معاليه السديه..وره ربع ساعه اجت سستر كالت ها شكد كالتلج دكتوره تضلين كتلها ساعه كالت وك راحت وني بديت اتعب اريد اتحرك شوي بس احس بوجع هاي ليش..شلون سالفه هاي اووف جوري اتحملي مو تردين طفل بقيت اهدي بنفسي وتحملت لحد مامرت ساعه بالف ياعلي....

..رجعت سستر وياها وحده كعدن كبالي كاللي حبيبتي انشاءلله ينجح ويصيرين حامل بعون الله..حجت ثانيه سمعي حبيبتي هاي لازم تطبيقها الي راح نكلج عليه كتلها اي شنو..كالت تبقين لمدة 15يوم انتي شنو مرتاحه ماكو شغل وجهد اعتبري نفسج حامل ، وشغله ثانيه تبقين ع دافتسون تاخذي بليوم مرتين ولفوليك اسيد متكطعيهن..تخلص هاي المدة ترحين تسوين تحليل حمل ماشي ...

.... كتلها انشاءلله... كتبتلي العلاج بورقه وكمت من ع سديه ولبست عباتي وداطلع وجان تكلي..

.. هاي وين عيني..

جوري ...بتعب ...شنو ..

سوتلي اشاره بيدها بمعنى وين لفلوس..

جوري... عكدت حاجبي كتلها ...مو دفعنه بره بل ستعلاماات..

كالت.. حبيبتي هاي وحد احنه نطيناج نصائح والعلويه ندعتلج وين الاكراميه...

جوري....فتحت عيوني كتلها ..هاي علويه.... بكلبي حجيت مششايفه بحياتي هيج علويه لابسه بنطرون ولقميص حصر ع جسمها وشال اسم مخليته ع راسها والمكياج مستحيل ماصدك هاي علويه خرب بهيج وكت...

...هزيت راسي وكتلها... تدللين بس خلي الله يجعل السبب وصدك اصير حامل... طلعت لـ علي وكتله ...عندك خمسه انطيهن..

علي...  المن ..

جوري... هذن السستر وغيرها يردن كراميه ..

علي... دمشي يمعوده ميشبعن فلوس ..

جوري... حتلو حبيبي هاهيه بس الله يجعل السبب هم خطيه..عاد سكت وطلع خمسه ورحت انطيها للعلويه ..

كالت عليها ...شنو هاي ..باوعتلي وكالت واني مو صار ساعه انطيج نصايح..

جوري....كتلها عيوني الج ع مراجعه ثانيه وتدللين مستعجل زوجي وهسه لازم نروح.....

كالت... لالا وين ترحين اريد كراميه زينه...

جوري... باوعتها ياربي هذا اذا ارجع اكله غير يحجي عليه..ابتسمت وكتلها داكلج ع جايات ولو عندي جان مقصرت بهل لحظات اجه دكتور هذا شغله قسم انابيب بس باوعلي وحجه وجان ..

..يكول شكو هنا...

... اشو هذني اثنيهن ارتبكن وكامن يمتمتن بلحجي باوعتهن يا هذن صارلهن هههه ..ضحكت اكيد ميقبلون ع بغاشيش ورشوة وهنه بليه ميدرون ياخذن عفتهم وطلعت هذا دكتور الله جابه الي...

علي ....ليش اتاخرتي...

جوري .... يمعود لخ هم تريد لو مجاي دكتور جان لساني مطالعه...

علي... شسويلهن جان عفتي وطلعتي ويطبهن طوب...

جوري.... مادري هم نقهرت عليهن وكااللي هيج وهيج...

علي... شلون لعد صعدين فوك شتكولين ننزل جوه احسن..

جوري... خلي ننوصل للبيت والله كريم  اخذنه تكسي ورجعنه للبيت عمتي عرفت مسويه لقاح مقبلت

يسر....  خاف موزين يمعودين خلي يصير عندكم من الله احسن مما هاي طريقه...

جوري... جانت مراضيه بس اني شسوي دنسوي مستحيل علمود ديصير وهم مانضمن لو يصير لو لا....

....علي نزل النه غراض جوه كال هيه 15يوم والله يكضيها ونرجع لغرفتنه نمنه جوه ..نوب قبل لاتمر ل15يوم شفتها نزلت شهريه يبووو بذاك اليوم شكد بجيت يعني مانجح حته لقاح بعد شنو الي اسوي ياللهي بقيت ابجي حته علي من كتله كلش ضاج ..

علي...هاهيه حمدالله مامكتوب النه...

....وره كم يوم رجعت للدكتوره وكتلها هيج وهيج سالفه كالت ميخالف هلمره مصار ع مره ثانيه تعيدي شهر جاي والابر كذلك..من طلعنه هلمره من دكتوره ماعرف ليش اكو احساس بكلبي غريب  ديكت ع علي كتله.... تعال اخذني ...طلعت من دكتوره وكتبتلي ابر نوبه..دقايق واجه حجيت ويه..

علي.... عوفي منسوي لقاح..

جوري... ليش...

علي... يمعوده مشفتي مصار شي..

جوري...  اي بس بلكن مره ثانيه يصير نكول يالله...

علي....جر حسره ... هسه الله كريم منا شهر جاي

يتبع

انثى 💜 ملائكيه

أخطاء لايُمحيها.

ممكن متابعهتم فضلاً وليس امراً

Tabark_Hussain

ahmed_93iq