رواية أخطاء لايُمحيها الزمن الفصل الثامن والعشرون 28 - بقلم أنثى 🪽 ملائكية

انثى 💜 ملائكيه

ام جوري ...ليش بنتي ماخذتي ..

جوري ..ماعجبني يولي ...

وصلت للبيت ، لكيت خواته لعلي كلهن موجودات وصاير هوسه البيت سلمت عليهن وصعدت لغرفتي ذبيت غراضي وسويت تعزيله خابرت علي وكلي دخلت لبغداد فـ اني ع سريع كملت وجهزت نفسي وشال بس خليته ع راسي شافتني مروه وجكت حلكها...

مروة ... ولج جوري صابغه شعرج هاي وين مسويته....

جوري ..رمشت عيوني و ضحكت ...اوو ليش شبي محلو غير رحت للصالون....

مروة .... بلوه سوده ومنو اختارلج هذا لون ....

جوري ... اني ...

زينب ...جوري شعرج كلش حلو بلعافيه...

جوري ... ابتسمت وكتلها... تسلمي حبي ...وباوع ع مروه صفح..دائماً احسها تغار مني شتشوف اسوي تروح هيه تسوي مثله قبل فتره وصيت من ع فيس شوز حذاء وشافته وراحت هيه هم وصت مثله بلضبط عاد هسه صبغ شعري سمعتها تكلها زينب باجر اروح للصالون..وربي اضحك عليها ومن غير كلامها الي اسمعه ....

... طلعنه كلنه بلباب منتظرين علي يجي ماكو دقايق ونزل اباوعه وهو يمشي ومبتسم فديتو وصل ليمنه اول مشاف عمتي كبل راحلها وباوسها ويتحمدولها بسلامه واخواته همين باوسنه واني صرت اغار عليه حته من اهله وباوع جهال خواته داير مدايره محاوطي ويصيحون خالو علي هو كبل نزل لمستواهم وحضنهم واني واكفه دنتظر شوكت
تفض ...

..رحت تقدمت يمهم وكتله..... ياهلا نورت وسفره سعيده....

علي ...اباوس بالكل وعيني تفتر اريد اشوفها مشتاقلها درت وجهي واشوفها وجن شفت العافيه نوب محلوة بزيادة عضيت شفتي بخدر واجتي تتمايل سلمت ابتسمت الها ... يا هلا بيج يابه شلونج..

جوري .....صرت زينه بشوفتك... جرني من ايدي وعض شفته ويباوعلي وعيونه تلمع ..

علي ..ولج هاي شصايرة ..

جوري ..شنو شصايرة ..

علي ..محلوة وصايرة عسل ولج تعاي ...

جوري...جرني ولزمته اووكف منه خواتك شبيك ..

علي ..اووف منج لعد بليل ماتخلصين مني ..

جوري...غمزلي وخر جهال عنه..ودخلنه البيت هو راح يسبح واني صعدت بغراضه بس شنو هواي فرحانه وعمتي وخواته راحن يحضرن غده..دقايق وصعدلي اول مدخل الغرفه ركضت حضنته ودموعي تجري اووف شكد مشتاقتله بادلني وشبكني حييل ...

علي ... مشششتاقلج يروحي.. وخليت شفايفي على رگبتها وابوسها ...

جوري ... ومن باسني غمضت عويني وتقلصت معدتي ...

علي ..بخدر ... شطالع الحب ناويه تخبليني..

جوري ... عضني من زنودي ونيت .. رجع سبحبني گعد وصرت بحضنه وهمسلي ...

علي ...شبيج بسرعه هيج خدرتي ..

جوري .. ضحكت بدلع ...هاي انته لو اني ...اباوع بعيونه منعسات حته اني خلاني انعس بهل لحظه ويندك الباب...

علي ...هذا منو مفسد الملذات نعل يومه ..

جوري ..هههههه

علي ... منو...

.كرار ابن تبارك......خالو تعال جوه بيبي تكول خلي يجي يتغده...

علي ....كلها هسه ينزل..رجع اباوعلها وهي بحضني صرت ابوس بيها... اووف اله يخربوها علينه..

جوري ....طكيتها بضحكه...هههه دروح اتغده خطيه اهلك هم مشتاقيلك...

علي ....عضيت شفتي.... ولج صارلي 10ايام اريد بس ارجع .....

جوري ..... ضحكت وغمزتله ... ملحك روح هسه ...

علي ...وانتي متجين تاكلين...

جوري .... لا مانزل يمعود نوب استلم كوم مواعين واذا سئلوك عليه كلهم متريد وكاعده تعزل بلغراض وملتهيه....

علي ...ابتسمت ...يلا عاد صدوك كومي....

جوري .... هسه تدلل ...نزل هو واني بقيت بلغرفه اسمع خواته يكلله وين مرتك متجي ويانه شعندهه معلكه فوك..اني طنشت كلامهن متعلمه....لليل جنت متدمه اباوع تلفزيون وعلي دخل عاض شفته ونيه باينه بعيونه حجيت بفهاوة ...الله يستر من هاي نظرة ..

علي ...ههههه شسوي غير احبج ..

جوري ..گعد بصفي وسحبني الحضنه وعشنه لليله من العمر ساعه رومنسيه وساعه غزل ...

بعد ثلاث ايام ...

..علي جا عصبي ويغلط ويسب..

جوري ..نعصر گلبي واي اشوفه طالعه روحه وشياطين تركص فوگ راسه ....خير شبيك ....

علي ....بعصبيه .. هذا الزفت بطلني من الشغل مخلي عامل مكاني جان استحه ع روحه داز خبر ويه اختي زينب يكلها گولي لامج بعد لايجي علي للشغل....

جوري... فتحت حلگي ... ياااا صدوك جذب زين شنو سبب حته هيج يسوي ويبطلك ...

علي ...صک سنونه ... واحد جلب حته نكر ويكول علساس اني ماگتله مسافر يگول لاهلي طلع بدون ميكلي شوفي الحقير لو مااني رحت بنفسي وكتله ابو فاطمه اني مسافر وكلي اي روح الله وياك وحته كدام اخوانه كتله وهسه يجي يكلهم مكايلي لو هاي حجه حته يبطلني .....

جوري ..حاولت اهدي عصبيته كعدت بصفه وخليت ايدي على جتفه ... بس عيب عليه هيج يسوي قابل انته غريب عنه بس خلي يولي بعد انته هم لاتضوج انشاءلله تلكه احسن من شغله....

علي ...ولج حته الاخته ندعيتلها عند الامام رضا جان ع طول يجي للمحل يبجي ع اخته لان بيها ذاك المرض وانقهر ع حالهم وهاي رايه جبتها حته انطيها اله للشفاء تالي هيج مع الاسف ...

جوري . اباوع علي حيل مقهور وهو يحجي ع زوج زينب لان بطله من شغل بدون سبب فوكها مطلعه جذاب علي ابد ماعنده حظ بلشغل صرت افكر بعد شنو يشتغل حته دنعيش لليل كله مانامه وافكر بحالنه دكاتره يرادلنه مصرف شلون ياربي سلمت امري لله ضليت اندعيله مابيدي شي اسوي لو يقبل اشوفلي شغله جان اشتغلت...

..هوا كعدلي فتره بدون شغل ومرات يخابره سجاد ويطلع ويا يطكطك وكل ماينطيني اجمعهن علمود دكتوره وبعد فتره جمعت فلوس ورحت كتله علي عندي مراجعه يم دكتوره علمود تلقيح الاصتناعي بلكن هلمره اكو امل ويصير..كال يلا انشاءلله فـ رحت للدكتوره سوتلي سونر وكالت همين تضربين ابر منشطه اثنين سوه بلزند وماعرف شلون حسبتلي ع ساعات وكالت بفلان يوم ترحين للكاظميه بشارع 60 اسم الجامعه النهرين للتقنيات والصبح ساعه 8 تاخذين وياج المستمسكات ثلاثه لان ياخذون منكم معلمومات كتلها ماشي ونطتني الورقه .....

.....طلعت من دكتوره وني مخنوكه حيل ماعرف شبيه..رحت للصيدليه اخذت الابر ورجعت للبيت نوب احتاريت منو يضربلي الابر لان بليد كتلها عمتي عليهن ..

يسر.... بس المضمد احمد يضرب من هاي الابر عادي روحيله والبسي معاصم بيدج وطلعي بس المكان الابره خلي ياخذج علي....

جوري ....عاد رحت كتله لعلي ...

علي ... لاشلون يشوف ايدج كلها بحساب قريب على اجتاف بلزند ...

جوري ...حباب علي لاسوي كلش وراح البس معاصم ماتبين ايدي ومحد هنا يعرف يضربليها غيره هو....

علي ...يلا لعد ع سريع بدلي وخلي نروح...

...دقايق وجهزت نفسي وطلعنه مشينه لان قريب علينه دخلنه سلام عليكم....

جاوب عليكم سلام تفضلي اختي..

جوري .. كعدت وعلي حجه ويه المضمد اجه خله الابره بيدي اني كبل سحبتهه خفت تئذي ...

... ضحك وكال لاتخافين سهله هاي مثل ابرة السكر جكتها ..

جوري ....وصدك ضربليها محسيت بيها ورجع ع ايدي ثانيه همين ضربلي ابره وحده خلصنه وطلعنه عمي صلاح اتصل ع علي ..

صلاح . تروحون ويانه باجر للنجف نزور البنات مشتاقلهن ..

علي .. مادري خالي منا لباجر اردلك خبر..جوري ترحين للزيارة ..

جوري ... اني كيفت كتله ...اي فدوه خلي نروح مشتاقه ازور الامام...

علي ... يلا انشااءلله....

ثاني يوم رجعنه خبر وكنالهم نروح..بوكتها طلعنه ويه عائلة عمي صلاح هو ومرته وجهاله 3 اخذنه اخوها لمرت عمي..

..طبعا اني ابد مارتاحه لـ مرت عمي وحيل اضوج منها ع طول انتبه ع نظراتها لعلي وهيه معروفه ام مشاكل وام سحوره وكلشي نشوف منهه ماعرف شلون عمي صابر ع سوالفها لحد ماوصلنه للنجف بليل قررنه نبات هناك علي وعمي راحو يحجزون. ب فندق وني وياها وجهال بقينه بصحن للامام دنتظرهم بوكتها النجف جانت كلش مزدحمه ماذكر شنو جانت مناسبه بلضبط

...المهم كاعدين اني وياها وكل شوي تسالني ع علي واساله محلوه وعيب احجي بيهه حجايه وحده

زينه ... اگلج جوري مشايفه بلفيس اكو كروب تبادل الازواج..

جوري .. فتحت عيوني على وسعهم ....شنو قصدج مافهمت ...

زينه ...هههه انتي شكد فطيرة وعلى نيتج بابا يعني هيج وهيج هيه تروح ويه غيره وهو يروح ويه غيرها فهمتي. ...

جوري ..بعصبيه ... عزه وصخاام شلون دخلين انتي بهيج كروبات محلوه تره حرام.

زينه .... يمعوده اتفرجت وطلعت شنو يعني..

جوري .. باوعتها صفح وافر بيدي احجي وياها ونصحها هم ميفيد وكمت مانطيها مجال اضوج من اسالتها لهواي واحجي وياها من كفه خشمي لان متعجبني لو كلساع تكلي جوري كومي اركضي وره جهال لان ديركضون بلصحن خاف يتعورون وكاعده وتتأمر ساعه تعوفني وتروح للسوك وتبقي يمي جهالها وهمه وكحين وابنهه صغير يبجي ورها ابتليت بيهم وماعرف شسوي حته اسكته لان يريد امه ...

... الله اعلم شنو راحت تسوي بلسوك لحد مارجعت وهيه فارغه سالتها.... مو جنتي بلسوك شو ماجبتي شي ...

زينه .. لا والله رحت بس معجبني شي بغداد احله بالشياء ...

جوري ....هاا وباوعلها صفح وهيه طك بعلجها لحد مجوي علي وعمو صلاح ...

صلاح ...كوه لكينه فندق لن مقبطات يلا بساع امشو

جوري ....طلعنه نمشي وهاي شو مسكتت كامت تحجي و علي .

زينه ... اي عيني لليوم للصبح احم احم خوب مو مثلنه منكدر حررام من وره جهال مناخذ راحتنه ...

جوري ...وكامت تجفص بلكلام علي ساكت مجاوبها يستحي وعمي يضحك واني خنزر عليها وكلها عيب شدتحجين ...

زينه ... شبيج انتي ياهو حارگ حمامج اني احجي ويه علووش ...وتغمزله ...

جوري ..يابه نار وشبت بيه لو ماعمي ويانه اله اتفل بوجهه نوب نظراتها خزي وكل شوي تجي تمشي من يمه وتريد تلزك بي وعمي يمشي كدامنه خطيه ملتهي بجهاله وهيه عايفتهم عليه عمي صلاح فقير وع نياته من شفتهه تمشي بصف علي كبل رحت صرت بنصهم ضربت جتفي بجتفها الاشوي ادفرها وعلي وهو هم مشه ع صفحه جتي تحجي اللهم صبرج ياروح مالهسا سحلها بالنجف ...

زينه ...اووي فديت شلون يخبش علاوي ...

جوري ...خزرتها وعطت بوجها ....شنوووووو...

زينه ..برتباك ... ها داكلج ع. ابني علاوي يخبش...

جوري ... عرفتها كاعده تتقصد تسوي سالفه ويايه تجاهلتها وطلعت قبلها لحد ماوصلنه للفندق..اخذو من عنده جنسيات ونطونه مفاتيح وصعدنه جان الفندق كلش قريب ع الامام علي عليه السلام ..

... عاد كلمن راح اله دخلنه اني وعلي ذبيت الغراض ورحت للحمام اسبح جان الجو حار وعلي راح يباوع الغرفه فتح شباك يصير الامام كبالنه..شوي وجا كبل فتح عليه الباب وني كبل ركضت وره باب باوعلي وضحك ودخل وسد باب .... علي اطلع خلي اكمل...

علي ....رفعت حاجبي ... ها طرديني...

جوري .. ها لا مو خاف عمو صلاح يجي لو جهاله...

علي ... لاميجون تقربت يمها وحصرتها ع حايط وهي مرتبكه وخجلانه خليت شفتي على شفتها جاي ابوسها ....

جوري ...وهنا ونسمع صوت تشيع لاإله الا الله فتحت عيوني وبعددت علي عني كتله اسسسمع يماااا صوت تشيع اخاف منه...

علي ... ههههههاااي واج جبانه حته من تشيع تخافين...

جوري ... غرغرت عيوني بدموع وكتله بصوت يرجف.... اي اخاااف شون راح نام هنا...

علي .....حضنتها. . يروحي عادي بس اليوم نضل وباجر نرجع انشاءلله....

جوري ....عاد ع سريع كملت سبح وهو هم وطلعنه نوب لليل كله نسمع جنازه تفوت ويصيحون لاإله الاالله ويبقون لل2بليل وعالم بعدها نوب هو سوك وهوسه لليلي مانمته وخايفه من جنايز محبيت ابقه بلنجف ابد حته اكله ...علي شلون هنا اهل النجف عايشين...

علي ...يابه متعودين ...

جوري ....للفجر يلا شوي كدرت انام وبسرعه افز ع صوت تشيع وجسمي يكزبر واضل كاعده كمت باوعت من شباك ناس طالعه كلها واكو ثنين جنايز فايتين الى رحمة الله....

..لحد مصار الصبح طلعنه بل 8 اجه علينه عمي صلاح كال امشو ناخذ ريوك ونروح بلصحن نتريك وحته مناك نزور ونطلع للمقبره والعصر نروح للكوفه..طلعنه للمحلات اخذنه ريوك ورحنه اتريكنه خلصنه وطلعنه نمشي علمود ناخذ سياره ونروح للمقبره بس مسافه كلش بعيده ضلينه نمشي وجهال يردون مي ..

صلاح .. علي ولو زحمه عليك روح جيبلنه مي وعصاير جهال عطشو ..

جوري ..نطاه فلوس وراح علي ديجيب..واحنه نمشي ع كيف عمي صلاح جان شايل بحضنه ابنه ولزم بيده بنته وابنه وابنه جبير جعفر عمره 3سنوات كلش وكح وبس يتراكض وعمي يخاف علي يضيع يشوف امه مامهتمه للجهال حايره بنفسها شنو تشوف تشتري فـ خطيه حجه وياي..

صلاح ... عمو لزمي جعفر انتي لايروح يضيع ..

جوري ..تدلل عمو رحت صحتله... جعفر تعال حبيبي انطيني ايدك وامشي وياي كام يتنعوص يريد هو يمشي وحده كمت احجي ويا وهو كام يبجي شاف طوبه ونفاخ كام يريد.... اوكف بس نوصل ونشتريلك......كام يعند ويبجي ويعيط وجر ايده من ايدي حيل وراح يركض وره نفاخ صحت.... لك جعفر اوكف....

... ماكوو شرد جعفر كمت امشي وراه بسسرعه اريد الحك بي وهو مستمر يركض لحد ماشفته عثر وكع بلكع ورجليه مدمايه وصلت ليمه واني مثبوره بي وصرت اعصاب كمت احجي ع امه.... لو بيها خير تلزم جهالها الخايسة.... عطت بي وكتله... ثووول لو ماصارلي ساعه احجي وياك ليش انته عنودي.... جريته من ايده وكومته وهو يبجي طبعا اني ابد ماشفت طريقي ماعرف شكد مشيت مسافه وحته ماباوعت للناس بس سمعت صوت واحد يكلي...

... اعصابج يحلوه...

... رفعت راسي وشوف جيش واكفين كومه وبس هذا قريب مني كلش نوب طويل كلش عكدت حاجبي مجاوبته شي جيت ادير وجهي وماشوف غير مرت عمي فوك راسي...

زينه ... لج جوري شمسويه باابني...

جوري ... اخذته من ايدي وتكله يمه شبيك....حجيت بعصبيه ... مره ثاني انتبهي ع جهالج مو عايفتهم واني اركض وراهم....

زينه ....لعد مو احنه مخلي يمج غير ديربالج عليه.....

جوري ...واذا هو ميسمع كلام شسويله بعد..اشو الحارس نط من مكانه ودخل ...

....شبيج گبيتي بوجها يابه تره لبنيه جنت اشوفها من بعيد وهيه كامشه الولد ماعفته بس هو بجه وعافها وجا يركض وطاح ...

جوري ...طبعا هو جان يحجي بلهجه نجفيه مرت عمي فتحت عيونها ...

زينه ..ووولج منو هذا يدافع عنج

جوري ....اني باوعتله وعكدت حاجبي وكتله...
وانته شلك دخل بيه هااا....

..هنا ناس جانت كلها تتفرج علينه حته شيوخ المعكلين صفنو عليه وخنزرت بوجهه وهو ولاعبالك مامهتم حسبالك ميكفلي احجي ويا هيج نوب عضلي شفته ويسوي اااخ ردت الكاع تنشگ وتبلعني مرت عمي تخبلت درت وجهي وكتلها... امششي تره ابتلي بيهم....

زينه ... عزه جوري والله لاكله علي جاي يصجموج شباب ...

جوري ..عطت بيها وكتلها ...هيووو شحدج اذا كتيله حته اعرف شكله عمي ع سوالفج ام كروب تبادل*** اشو هاي تغير لونها وخافت مني وضحكت ..

زينه ...ولج جنت اشاقه وياج تره جذب ...

جوري ...رفعت اصبعي سبابه اهددها...لاجذب ولاهم يحزنون اني حذرتج بس تفكين حلكج متخلصين مني..

....سكتت بعد مجاوبت شي وصلنه يم عمي صلاح وحس بتوتر ..

صلاح ...شكو صاير...

جوري ..تنهدت ... عمو وكع جعفر هو فلت مني ع علمود نفاخ شافهن... محجه شي وياي رجع باوع عل ابنه وتعارك ويا وهو كام يبجي مشفت اله علي اجه شاف جعفر يبجي ...

علي ... شنو شبيك حبيبي شتريد ...

صلاح ... عوفه خلي يولي ...

جوري .. اباوع جعفر صدك نقهرت عليه طفل شمفهمه كتله ...علي يريد نفاخ خطيه..

..علي... باوعت جعفر وابتسمت ... امشي ويايه حبيبي اني اشتري الك ...

جوري ...واخذه وراح وعمي بقه يعد ويحجي ع مرته وهو وياها بقو ينتاكرون..واني حيل طفرت روحي منا حاره وشمس واحنه بعدنه عاد مشينه رجع علي وجعفر بيده نفاخ اشوفه فرحان ومكيف ويطير بلنفاخه بعد طفل.... عمو ليش منركب بلستوته توصلنه للشارع ومناك ناخذ تكسي...

صلاح ..... هيه وينهه ستوته علوا تعبنه من مشي...

علي ...اشرت ترى هذيج وحده ..

جوري ...جانت ورانه وكفنه ننتظرها تجينه ستوته والله عاد شوي وصل يمنه عمو حجه ويا اجه صاحلنه وكال يلا تعالو..صراحه اني اول مره بحياتي اركب ستوته هههه جنت خايفه منهه وفكر بس تصعد مرت عمو تنكلب ستوته ...

...ركبو جهال جوه وعمو كال جوري صعدي نتي يم جهال لان ضعيفه صعدت يمهم وعلي جا بصفي كعد همست ...ولك خاف تنكلب بينه ...

نوب هاي مرت عمو كلش سمينه وزنها فوك 100 وربي خطيه انقهر ع سمنها لان هو شنو السمن مرض لو تشوفون عمي صلاح من يمها عوده ضعيف هنا علي ضحك ...

علي ... خالو فدوه خليها مرتك بعدين خلي نوصل سلامات هههه ..

جوري ...طبعا سايق من شاف مرت عمي تعجب ع سمنها كله لـ علي هااااي المره سمينه راح تصعدوها وياكم...

علي.....لايابه غير تفطس بينه ستوته امشينه بس احنه وهمه يجون ورانه...

جوري .....عمي اجه ركب ويانه من قبطت ستوته عاد نزل وبقه ويه مرته مكدر يعوفها وحدها...

...وصلنه للمقبره اباوع شكد نااااس ميتين الله يرحمهم بني ادم شكد يطووول بهل حياة تاليته يندفن تحت تراب..من اباوع النجف لحظتها تدمع عيني اكول الانسان ميسوه ع لحظه ويروح وصلنه قبر جدو اباوع قبره ذاك اليوم جان ويانه يسولف ويضحك جدو ابو گلب الطيب رجعت اباوع عل قبر بنت عمي وبنت عمتي نوسه وسرى ذاك اليوم جانت تجي ويايه نرجس للمدرسه ونمشي سوه ياربي ولادصدك دموعي كامت تنزل عشره عشره...

.. علي كعد يقرالهم الفاتحه جان قبر بصف قبر البنات وجدو وابو جدو وامه كلهم مخليهم بكاع وحده كعدت اقره الهم سورة ياسين واباوع جهال عمو كلهم يبجون ع اختهم حسبالك يعرفوها اختهم رغم همه صغار كسرو گلبي..

......شوي وصل عمي ومرته اجو ركض يم قبر بنتهم وبقو يبجون ويعاتبوهه..صرت ابجي لبيجهم حته علي نزلت دموعه بل اخص عمي جان حيل مدللها بنته سرى روحه من دنيه هيه..ساعه ساعتين وهمه معافو بنتهم بقه يقرون قرأن ..

يتبع

انثى 💜 ملائكيه

أخطاء لايُمحيها الزمن

طبعاً البارحه صار خلل بالبارت وماطلع اسماء الحساب رجاءً ممكن تابعوهم

هاي بنوته مسويه كتاب استضافه كاتبات تابعوها وسوت مقابله وي ليث ابن اخو لأسد
user96766123

تابعو الكاتبات

Shahrazat_altimimi

malak__mohamdv