رواية أخطاء لايُمحيها الزمن الفصل السابع عشر 17 - بقلم أنثى 🪽 ملائكية

آنثى 💜 ملائكيه

اخطاء لايُمحيها الزمن

اريد اضحك ضحك مرتاح
وانسه العشگ وجروحه
ليش اصفن وضل مخنوك
واحب المعجب بروحه

تصويت قبل القرأة حبايبي

علي ...رحت للدكتورا حتى اسئلها ...خويه تبقه لو اطلعها...

دكتورا ... اذا نخفضت الحرارة عادي تكدرون طلعون واذا مانخفضت انتظر ...

علي..هاهيه دكتوره مشكوره..

بعد مرور ساعتين...

جوري.... الحمدالله بددت حرارتتي تنزل صارت 37 والضغط احسن طلعنه من مستشفى ع مسؤليتنه ورجعنه للبيت....

مرت الايام واني كاضيتها بجي واوجاع ماعرف شنو كلساع شي يوجعني مريت بأتعس ايام عمري حيل مكتئبه ومحبوسه و حسره عليه طلعه وطبه لباب البيت ماطلعها بس ع كد دكتوره من اروح وهاي عمتي كلش عقدتني حتى اكو بعض اكلات محرمه عليه والله شنو موزينه ع طفل وجنت ع طول نايمه ع ضهري ومامرتاحه احس تكسرت من النومه وقلة الحركه .....

يوم منهن علي راجع من الشغل وهوا تعبان شافني ابجي لج ونفخ بضوجه ...

علي .... يعني شلون وياج اطب واطلع الكاج تبجين ترى ماصايرا اربعه وعشرين ساعه بجي....

جوري ...واني اناشغ وخشمي احمر من البجي واعيوني ذبلانه مليانه دموع وأهات ماعرف ابجي على نفسي لو على عيشتي حجيت بغصه .... اي شوكت تحسون بيه مو راح امووت ومحد مهتم اصلا ....

علي ...خله ايدة على جبينه يفركه بتوتر ... وشتريدين هسااا اشو كاعده وساكته ومحد محاجيج ليش هالبجي ....

جوري ...راح اموت من الگعده وصافنه بالحياطين وحتى حسبت البيت بي شكم كاشيه من الملل... باوعتله ولميت شفايفي بزعل ...

علي ...لاتباوعيلي بهاي نظرة تعرفين نقطة ضعفي ...

جوري ...لميت شفايفي اكثر واباوعله بأمل ....خليني اروح لاهلي مشتاقتلهم وهيه خطوتين واوصل..

علي ... ضليت اسوي استغفرالله ...ولج شيخلصنه من امي هسا تكرع راسي اذا درت بيج رايحه....

جوري...رحت يمه وخليت راسي على صدرة احتضني بحنان ... هيه شمدريها كاعده بلدرس اروح وارجع مااتاخر....

علي ...امري لله بدلي وامشي اخذج....

جوري ...اني كمزت فرحانه مصدكت راح اهج تكول عصفور وفتحو عليه الباب وراح يطلع من القفص.بدلت وكشخت خليت ميكب شوي حتى نفسيتي تغيرت اباوع نفسي بلمرايه عيوني مورمه من البجي ومدمعه اووف والله تعبت خلصت كلشي وطلعنه علي اخذ ايدي ويمشي ويايه....

علي ... امشي ع كيف....

جوري ...مجاوبته واصلا واني كوه امشي تاتي تواتي
ههه وصلني لبيت اهلي طلعت النه امي شافتنه ورحبت....

علي.... فدوه عمه ديربالج عليها واحجي وياها بس تبجي.

جوري ....باوعتلي وابتسم...

ام جوري... عيني لاتوصي حريص لا ليش تبجي تدلل هسه احجي وياها..

علي ..يلا اني ارفع الزحمه..

ام جوري .... وين بعد وكت ضل شعندك..

علي لاوالله دروح للكهوه جماعتي كل شوي يخابروني..

ام جوري ....يلا عيني ع راحتك...

جوري ... وطلع علي..واني دخلت شفت بيبي كاعده سلمت عليها وع اخواني شكد كيفت من رحت يمهم انطلقت و بقيت اسولف ويه ماما اشو ماكو ساعه ودگ موبايل امي .. منو ديخابرج...

ام جوري.... هاي عمتج شتريد خلي اجاوبها..

جوري....اسمع عمتي من تحجي لان امي فتحت سبيكر سلمت عليها وتحجي بعصبيه ....

يسر ....هاي بنتج شلون تطلع بدون متكلي الله يعلم وين رايحه صارت تطلع من ورايه شوفي عيني ام احمد لاشوفيها مني زحمه اذا شفتي بنتج كاعده يمج ومالها بعد رجعه اذا طفل صار عليه شي متلوم اله حالها ...

جوري ...سدت الخط بوجهه..اباوع امي مثل مصدومه بكلامها نزلت موبايل من ايدها وباوعتلي ...

ام جوري....سمعتي...

جوري ... نزلت دموعي ..

ام جوري.... هسه انتي وين رايحه ها حتى تگلب الدنيا ...

جوري ... رايحه لعكه ولمكه سوت الطلعه سم عليه ...

ام جوري ....اريد افتهم هسه هو قابل مجلب بخيط هاي شبيها عمتج مسويتها فدمره الله يساعدج عليهم ..

جوري ... دشوفين يمه بنتج شكد اتحملت الائذيه وكل هذا مصدكت اجي لهنا اغير جو لان كلش اتضايقت من كعده الغرفه حته كرهتها..

.........................

علي ....كاعد ويه جماعتي بلكهوه ونشرب اركيله ونلعب دومنه موبايلي ماسكت بس يدك بس مهتميتله مندمج بالعب لحد ماخلصت من العبه طلعت الموبايل من جيب البنطرون شفت مكالمات من امي ...ياستار ياربي... اتصلت عليها اشو كبل استلمتني ...

يسر.... هاي مرتك شلووون وياهااا فهمني...

علي ... هووب هووب يمه اني اخذتها بيدي وديتها االاهلها لاتخافين وصيت امها عليها ترى مرايحه تصعد جبل وتعبر نهر هي شوف اهلها وتغير جو ...

يسر .....علي داتستهزء حضرتك ...

علي ...لايمه كلامج على عيني وراسي وهي مسافه قصيرة ليش مكبرة الموضوغ وخطيه مختنگه ويأثر على طفل وارجع اعيد وصيت امها ماتتحرك ...

يسر .... واذا اوصيت زين ماخفت عليها تعثر بحجاره بلدرب وهيه تمشي ولو مخفت عليها من العين بيت اهلها خوب تعرف منو يطبلهم ومنو يطلعلهم..

على ...يمه عوفج هسه من هاي سوالف هسه راجع اجيبها واجي... ونهيت الاتصال ترخصت من جماعتي وطلعت هاي امي مراح تسكت اليوم تزفها وصلت لبيت اهلها دكيت الجرس فتح الباب اخوها..

......................

جوري.... كاعده يمي امي واسولفلها ع عمتي وابجي وهيه تهدي بيه ...يمه ميخالف اتحملي ومن هلحجي بس سمعت صوت الجرس عرفت هذا علي كتلها امي ...شرف استاذ علي طلعتله للباب امي واني كاعده لاطلعت ولاهتميت ماردت ارجع ويا اريد ارتاح منهم هناك تكول سجن ومخليني يخافون اطير..اسمع امي تصيح...

ام جوري....بنتي جوري وينج تعاي علي يريدج...

جوري ..نفخت اخدودي ... اهووو جايه... وهو جان واكف بلباب وامي راحت للمطبخ تجيب شي اله واني طلعت بس نسيت اخلي شال ع راسي وجانت بيوت داير مداير اهلي وكلها شرفيه..شافني علي هذا شبي يخنزر بوجهي عابت رحت يمه...

علي ... صك سنونه ...وين حجابج....

جوري ... رمشت اعيوني ... اوو نسيت يلا عادي منو يشوفني بهل ليل كلها نايمين...

علي ...بعصبيه ... دنجبي ولي لبسي عباتج وامشي يلا...

جوري ...جتفت اديه وبرود حجيت .... لا بله مااجي ولاارجع وياك...اباوعله حسبالك نفط وذبيت عود كبريت عليه اعيونه صارن حمر وعصر قبضة ايدة خفت منه بس مابينت ...

علي .... لج انتي ليش تعاندين مو داكلج ولي لبسي وتعاي ...

جوري...عقدت حاحبي وباوعتله بنظرة تحدي .. شني هاي هيه كوه خو مو كوه كتلك مااجي شيخلصني من امك هسا تلگاها مستعدة للاستقبال حتى شلون تستقبلني ....

هنا امي جابت دولكه وبيها ماي وكلاص صبت ونطته لـ علي ..

علي ..تسلمين عمه...

ام جوري... تعال ابني استريح ليش واكف بلباب...

علي ... لا دنروح بس الخاتون جوري مجاي تقبل وامي راح تكرع راسي ...

جوري ....باوعت لجوري بطرف عينها ... امشي يمه اخذي عباتج وروحي ويه رجلج وسمعي كلام اني كم مرة كايتلج وممعلمتج....

جوري .... نزلت دموعي كلت بداخلي يعني حتى امي توكف ويه رجلي هسسه اني مو بنتج مدورين راحتي اكلها هناك سجن عليه تمنيتها توكف ويايه ومتخلي علي ياخذني واضل يمهم وهمه يطلعون ويجيبولي بس مع الاسف حتى اهلي مو وياي ضليت مصره ماريد اروح بس اجتي بيبي وتعاركت ويايه ...

بيبي ...بنترا ... امشي ذاك بيتج وذاك كبرج فااهمه لو اله تسوين مشكله يالله ترتحاين.....

جوري ...سلمت امري لرب العالمين رجعت ويه علي واني مقهوار وبس دموعي تجري نص طريق
وگفت وحجيت ...روح انته خليني هنا.... لزم ايدي حيل وعصرها وخزرني رتديت ليورا خطوتين ...

علي ....بعيطه ...لجج جلبه تسكتين لاابتلي بيج هسه ويلا امششي ..

جوري ...عاط بيه مشيت وامر لله بس دخلت البيت عمتي يبووو ماحجيلكم شسوت ضلت تصيح وتتعارك ويايه رحت للفراش حاضنه لمخده واشهك وابجي مليت من هذا الوضع اما علي كلشي ماحجه عافني وطلع لشوي واسمع موبايلي يدك هاي خالتي زهراء تخابر هيه الوحيده من دون خالاتي عندي ميانه وياها وع طول عندي تواصل وياها وهيه بير اسراري احسها امي وصديقتي وكلشي هيه رفعت الخط....

زهراء ...هلا كبد جوري شلونج ...

جوري ..واني مختنگه وصوتي مطبگ من البجي...هلا حياتي خاله ...

زهراء ... ولج شبي صوتج شنو داتبجين..

جوري ...رئساً عرفتني من صوتي موزينه كتلها ..اي خاله....وصرت احجيلها الصار تخبلت ضلت تحجي ع عمتي وع امي وع علي كلهم واكثر شي حجت ع امي...

زهراء ... شنوو من ام هاي لو مني ومنها ماخلي هيج حال بنتي شلون اخليها تطلع من بيتي اكعد ادريها اشوفها شبيها مابيها اطلعها ادللها بنتي حامل افكر بيها واخاف عليها هيه مو اخاف ع طفل ...

جوري ....ضلت تحجي وتعد لحد مكالت بسس اني ساكته واستمع الها وابجي تمنيت هيه امي هيج وداريني وتصير حنينه عليه نهيت الاتصال وهنا ماشوف غير علي فوك راسي عززه ضاهر سمع كلام خالاتي من جانت تحجي واني اشكيلها يبو هذا كبل
لزمني وضربني...

علي ...واكف واسمعها تحجي على اهلي وعليه وتشكي لخالتها فقدت وصرت اعصاب كمت ماشوف بس الغضب تقدمت عليها وهي خافت ونخطف لونها ... لج كاعده وتشكين لخالتج لكوو...وتسمعين الها تحجي ع اهلي وعليه ..

جوري ...سحب من ايدي موبايل حيل وركعه بلحايط لزمني من شعري وهو يضرب بيه ويعيط...

علي ... لج سمعي اكلج اذا شفتج بعد تحجين ويه هاي خالتج قسماًبالله اخلص عليج انهيج نهي ...

جوري ... عافني وطلع كمت ماكدر اتحرك من مكاني جسمي يون من الوجع بقيت اصرخ وابجي واغلط عليه واني گلبي محترگ والم بطني ....اكررهك سافل ماريد حتى طفل منك اي ماااريده اكرررهك .... اجت امه ع صوتي وضلت تعيط عليه..شكو تعوين..وبعدين عرفت سالفه خالتي مخابرتني تخبلت ضلت تغلط ع خالتي وتكلي بلكي بعد نشوف تحجين وياها صارو يهددوني كرهوها ميحبوها لخالتي ولحد الان...

مرت الايام دخلت بشهر 4بطني كامت تكبر صادف وفاة ام البنين امي جانت ناذره بس احبل تسوي قرايه بلبيت يعني عند اهلي بوكتها ماعزمت هواي نسوان فقط بس كرايب المهم اجن عماتي وخالاتي وبناتهم اشو منشوف اله مريم تجي سلمت ع الكل باوعتلي وابتسمت مدري شعجب كالتلي...

مريم... شلونج جوري حبيبتي ..

جوري ...هاي عود بس كدام الجماعه سوت روحها زينه جاوبتها واني ابتسم ...ياهلا بيج عيني ...اشوف نظراتها ع بطني لان كبرانه واحسها غيرانه هواي شافت مروه اجتي ..

مروة ... نزلي الدرج ع كيفج جوري ..

جوري ...بين ع شكلها كلش ضاجت تغار لان يخافون عليه تريد هيه تصير الاحسن مثل منكول و شخص يبين ع شكله كاعدين البنات سوالف واني عفتهم ونزلت اجت الملايه وبدتت تقره وجانت ومريم كاعده وبس تبجي وره ماخلصت ملايه هيه علويه راحت مريم عليها .

مريم...بقهر ....فدوه دوسيني اني مايصير عندي جهال انتي علويه ...

جوري ..راحت ويه علويه بغرفه وداست ع ضهره علمود تحبل وبقت تدعيلها. بعدين قهرتني من كالتلها مريم ميصير عندي اطفال كلبي لجمني ماعرف ليش حته اندعيلتها بداخلي كون تحبل والله يفرحهم رغم الي تسوي ويايه بس انسى وماعرف احقد ع واحد..اذا هو مثلا موزين ويايه اني اصير احسن منه..

رجعت لبيت عيالي وكلش تعبانه لان صارلي ساعاات عند اهلي وهوسه وخبصه لكيت علي كاعد بلغرفه وضارب صفنه مدري بشنو يفكر ودايخ رحت ليمه وسويتله هلوو حتى ينتبه عليه شافني ورفعت تك حاجب ...بشنو تفكر ياحلو...

علي ... حشريه تعاي ...

جوري ... جرني وكعدت بصفه وخله ايده على خصري ....هاا ليش تفكر ..

علي ...ههه فضوليه موبيدج جاي افكر بشغله ...

جوري...خليت راسي على كتفه وتنهدت ...  وشنهي ان شالله ....

علي ...اكول انتي مو عندج ذهب..

جوري ... ضحكت ... ليش هو وينه الذهب مو كله اخذته وبعته للسياره شنو نسيت...

علي ...ضرب كصته .. اوووه صدك يعني ماعندج بعد؟..

جوري ...هزيت راسي بلا... لا شبقى عندي غير بس حلقه تريدها اخذها بس شسوي بيها ...

علي ... اريد اشتري غراض المحل كلها تدرين بيه هسه كلش متضايق مدري ادفع فلوس ايجار المحل مدري فلوس المولده مدري فلوس الغراض محل غذائيه وعندج لحساب كومه يحتاجله مصرف ومنا انتي وراج ولاده لازم ادبر حاالي بس يمكن راح اخذ قرار ابيع سياره....

جوري ... لا علي حرمات تبيعها هم نعمه نروح ونجي بيها ...

علي ...اووف لعد شلون كليلي مضطر ابيعها خلي الله يبعثلي واشتري اغاتها ...

جوري ...بعد مادري بكيفك بس اني بخاطري ابد مارضيت يبيعها حتى محل معاجبني شغله احسه خساره مو ربح بس شسوي مابيدي شي احجي هم اصير مو خوش ادميه اكول شغلته وهو اعرف بيها اني هنا صافنه واحجي ويه روحي...

علي ... دور الج شنو ليش صفنتي...

جوري ...ههههه لا هيج ماكو شي.... اخذني لحضنه وهو يمشي ايديه ع شعري غمضت عيوني بملل وماحس غير ايديه ع بطني مخليها ويهمسلي بحنان ...

علي ... كبران النونو يفدوه اروحلو وهو وامو ...

جوري ...رمشت اعيوني متعحبه جان يحجيها بلهجه تخبل رفعت راسي وباوعته ولابتسامه ع وجهي قربت وجهي وعضيته من خدوده ....واحنه هم نروح فدوه الك احبگ ....وهو حضني بقوه ...

علي ...  واني اموت عليج حياتي....

جوري .... نهض نفسه واجه فوكايه وبكل خفه مذاب ثكله كله ههه يخاف ع طفل ... لاول مره تنام فوكايه وانته خفيف ....

علي ...ابتسم ....  ولج غير مسوي دايت وضعفت...

جوري ...  ايي والله مبين من كرشك ضعفان...

علي .. نشبي لاتقلدين وانتي علساس مابيج كرش...

جوري ... لا مو كرش هذا نونو..ابتعد وراح يم بطني وحضنها وخله راسه ..

علي .... شوكت تجي منتظرتك يبعد روح ابوك...

جوري ... ضل يسولف ويا. واني هنا غرغرت عيوني ماعرف ليش اكو احساس بداخلي ماعرف شنو ... حبيبي شنو تريد يجينه بنوته لو ولد... رفع راسه وكلي...

علي ... اي شي يجي الحمدالله بس لو بنوته اووف تصير دلوعة ابوها ...

جوري ...يحجي ويغمزلي اني عكدت حواجبي ... واني شنو لعد ...

علي ..هههههه لج انتي روحي وعمري وحياتي وكلشي بدنيتي. 

جوري ...  امممم لنشوف كرصني من خدودي ..

علي ... امووت ع الي يغار...

جوري ... ابتسمت وحضنته ونمنه..لثاني يوم علي باع سياره واخذ فلوسها للمحل وعمتي ضلت تغرد وتحجي ع علي تكله شلون تبيعها وفلوسها نصها مني ماخذها تعال رجعلي فلوسها عززه اباوعها صدك تحجي .....

هسه شنو الفرق مو هذا ابنج قابل غريب حته تاخذين منه فلوس والله يالله اباوع علي دايخ نوب امه تريد منه فلوس منين يجبلها ويسكتها حاول يتفاهم وياها ماكو اله تريدهن....

.. بهاي الفتره الشقه مال اخو جانت متروكه قرر علي يصبغها ونصعد بيها وخلال يومين جهزها للشقه كامله صبغ والحمامات بدل بوراي والدوش كلشي رجعه مثل جديد واني كلش فرحت اي واخيراً راح اعزل واخلص وهم استقل وحدي بده علي يصعد بلغراض الغرفه نوب مكفت لان اخشابها ضخمه صدك انقهرت بعدين اجت امه...

يسر ... عيني شلون تكعد بلشقه مالت اخوك مو هاي كوه بنها بفلوس مرته وباع ذهبها واخذت فلوس من اهلها وانتو تجون تكعدون بيها ع حاضر واكيد مريم هسه تريد حصتها واخوك يريد...

علي ....ضليت اكول استغفرالله وصرت عصبي شلت  لغراض وشمرتها...

جوري ...  اني اختنكت وبجيت ابد ماتلوكلي الفرحه عود كلت اخلص خرب حظي نزلنه الغرفه ورجعنه جوه يمهم واخو محمد راد غرفه تركيه وفعلا اشتراها وكعد هو بلشقه حجيت ويه علي.... شنو اليفرق هاااا يعني باجر عكبه اخوك مراح يتزوج ويكعد بمرته بلشقه هم يجي اخوك جبير يريد منه حصته كولي لو بس كادرين علينه.. 

..اشوفه يفر بعيونه ويسوي اللهم يطولج ياروح لزم راسه وكعد شوي وعافني وطلع من خرب حضي لايحل ولايربط ماعرف يواجه امه كعدت واني وافكر شنو بعد اشوف راح تبقه هيج حياتي معاجبتني اووف لليل اجيت انام اشو احس جسمي كلش يحكني تكول بيه جرب ملخني متت لليلي مانمته نهضت من فراش باوعت ساعه 2 بليل ياربي شسوي وين اروح جسمي كلها يهرشني ..

..اخذت ملابس ورحت للحمام فتحت دوش صوبنت جسمي بصابون ركي حته يبرد ضليت ادهك وابجي اريد انام نعسانه بس مجاي اكدر هاجت عليه حساسيه مو طبيعيه خلصت سبح وطلعت للغرفه واني اشهك وابجي لان مليت كل يوم سالفه طالعه بيه رجعت مددت بلفراش ونفس حال الوب اباوع علي نايم بسابع نومه خرب ولايحس بيه دغيته من ايده ....علي اكعود ماعرف شبيه...

علي ..وهوا يفرك اعيونه.... هااا شبيج... بصوت نعسان وكوه يجاوب..

جوري ... اكعد شوفني جسمي صار احمر وبطني هواي حمرت.... فتح عيونه وهو عاكد حواجبه وعاط بيه فززني وگلبي ضل يرعد ...

علي ...اي وشسويلج اني اكعدلج نامي وخلصيني لاضلين تونونين فوك راسي...

جوري ..  مجاي اكدر حساسيه هاجت عليه...

علي .. ومنيلج هاي منين اجتج نوب حساسيه..

جوري .. ماعرف شو بلحمل صارت ضل يدردم ويه روحه ورجع نام اباوعه ياربي هذا ميعرف يحير بيه وين الكه امي داريني وتعرف شبيه مابيه ياربي تعبت وين انطي وجهي بهل ليل للصبح واني منايمه وليلي كضيته بس دموع للضهر حجيتلها عمتي  

يسر ...لج خو ماحكيتي تره تصير عندج تشققات هاي جسمج بده يتففكك ولان بطنج جاي تكبر وهيج شوكت موعد دكتورتج ...

جوري ... بعد سبوع ..

يسر ... ي من ترحين احجيلها ...

جوري ...كتلها انشااءلله بس ضليت بيني وبين نفسي شنو هاي تشققات وره يومين خشمي كام ينزف دم من كيفه يبو وهم كعدت ادهك وابجي مداعرف ليش عافيه ماشوف من شي ليشي بيبي خطيه اخذتني للدكتور وعمتي نوب عبست عليه وزعلت لان عاندت ورحت بس اني شسوي اذا جايه اتئذه يحركني خشمي ودم ميوكف فحصني دكتور..

بنتي عندج انحراف بخشمج يحتاج كوي واذا ماتوقف نزيف نسويلج عمليه بس لان انتي حامل وقت الحاضر انطيج علاج وشوفي دكتورتج اساليها ع كوي اذا مايضر تعاي اسويلجيا...

جوري... كتله انشاءلله دكتور اخذنه علاج من صيدليه ورجعنه سولفتله علي كلش ضاج...

علي ...بعصبيه ... شنو عمليه شنو كوي هذا يمسلت بكيفه عوفي مو وكتها هوو اني كوه مدبر حالي تطلعلي بشغلات صفح كعدي وسكتي ...

جوري ... حيل نقهرت من تعامله وياي.... يعني شلون اضل هيج مو والله تعبت وجاي اتأذه وعافيه ماعندي ... نزلت دموعي ..

مرت الايام اجه موعد دكتوره شرحتلها صار ويايه كل هاي مده ...

دكتوره ... جوري انتي هواي حبالتج نحسه جنتي بدون حباله حساسه اشوفج كلشي ماتتحملين وخوافه ونوبه حبلتي كملت بس انتي كافي تفكرين وتقلقلين موزين عليج...

جوري... ضلت دكتوره تحجي اكلتني حاصل فاصل
اووف حتى دكتوره قلبت عليه...

دكتورا ... دصعدي للسونر داشوف...

جوري ... نمت ع سديه خلت سونر ع بطني وضلت تباوع بس متحجي شي كلت خلي اسالها شنو بيه ...دكتوره شنو جنس الطفل...

دكتورا ... حبيبتي احتمال بنوته مجاي يبين زين بس ع اكثر بنوته ...

جوري.... هنا اني غصيت بلبجي تمنيت بيه ولد واسمي حيدر ناذرته من الامام علي اذا يجيني ولد اسمي حيدر حيل احب هلاسم وبعدين جنت احب الولد يكون عندي هو جبير جان بالي اذا تجيني بنيه وتصير هيه جبيره يكون حالها مثل حالي وتنضلم هذا جان الي فكري وماردتتها للبنيه وهنا دكتوره خلصت سونر كمت من ع سديه دكتوره وهيه جانت تكتب علاج ... دكتوره اكيد بنيه ...باوعتلي عرفتني انقهرت...

دكتورا ... ياعيني كتلج مابين وهسه بعدج 5اشهر..

جوري ... اخذت راجيته وطلعت بخطوات بطيئه امي تخنزر بيه لان بجيت وتدري بيه ماريد بنيه ...

ام جوري ..بنتي حرام تتبطرين هاي رزق من الله حمدي ربج صارلج سنين تبجين تردين طفل تالي هسه تبجين لان طلع بيج بنيه ...

جوري ... واجت بيبي هم استلمتني تكلي البنيه ريحانة الدنيا وضلت تكلي مقالات الي حافظتهن هيه واني اي شي مجاوبتها بقيت استمع بعدين رجعت لعيالي بس كدام علي ابد مابينت اني ضايجه عود بلعكس فرحانه ....

يتبع .

انثى 💜 ملائكيه

أخطاء لايُمحيها الزمن