رواية أخطاء لايُمحيها الزمن الفصل السادس عشر 16 - بقلم أنثى 🪽 ملائكية

آنثى 💜 ملائكيه

عيدكم مبارك تقبل الله منا ومنكم صالح الأعمال ورزقنا وإياكم زيارة بيته المعظم وأدام علينا نعمة الإسلام والإيمان وجمعنا وإياكم ومن تحبون مع النبي محمد صلى الله عليه وسلم في الفردوس الأعلى وكل عام وأنتم بخير...

ام جوري ...ضربت ع اخدها ....لج شنو عزاااا شلون ...

جوري .. توترت حيل وگمت ارجف خايقه ... نزل دم غامق والله يمه خايفه طفل راح يروح مني....

ام جوري ... يبوو هلبنيه راح تخبلني علما تجيب متاكده لج انتبهي ...

بيبي ..بنترا ... وانتي شكو توهسين وتخافين خليها ع الله ماكو شي كعدي وسكتي ......

ام جوري....هزت راسها برفض ... لا باجر لازم اخذج للدكتوره لشوكت تضل هيج ومندري طفل شبي مابي ....

بيبي ...بس سكتي خبصتينه هسه اخابر ع عبدالله سكرتير يحجز الها..

جوري .. بيبي شلون مو خاف عمتي متقبل اسوي سونر وبس تسمع تاكل راسي ..

بيبي....مالج دخل هسه اني احجي وياها ولاتشيلين هم....

جوري ...ماشي.. رحت للفراش تمددت لان كلش تعبانه ونعسانه خليت ايدي على بطني اتلمسها دمعت اعيوني  حجيت بغصه ...ماعرف ولد لو بنيه بس الخاطري صير قوي لا تعوفني اتمسك بيه نخيت كل ألائمه علمودك لاتخذلني ....جريت الغطه و ماما راحت تحضر غده وبيبي تخابر واني بمجرد ماخليت راسي ع المخده غفيت ونمت من التعب وماحس غير ع امي تكعدني ...

ام جوري ...كومي تغدي ليش نايمه بدون غده...

جوري ...فركت اعيوني وتثائبت ... عوفيني نايمه ماشتهي...

ام جوري... لج دكومي موزين لساج بدون...

جوري ..نايمه وتنغز بجتفي ...اووي ماما ماشتهي نعسانه الاطيرون نومه من عندي....نوب بيبي هم ضلت تلح اله اتغده كمت بتعب اسحل روحي غسلت وتغديت جانت مسويه باميه وتمن اني اعشقها للمركة للباميه صينيه مرتبه خضرا وسلطه وتمن حار حتلو جنت شبعانه وماشتهي مجرد ماشتميت اريحه بطني زقزقت رحت اركض اكل .....

..خلصت غده ورجعت للعيالي واجت بيبي تقنع عمتي علمود باجر اروح للدكتوره نوب بيبي فطست بلسالفه وكالتلها نزل منها دم عمتي تخبلت بس راحت بيبي اجت استلمتني بصياح....

يسر ..... لعد اني مو حقي ماخليج طلعين دشوف بعد منو ليخليج طلعين واذا صار شي بلطفل والله ياجوري متلومين اله نفسج كبل اروح ازوجه لـ علي...

جوري ... باوعتها صفح كلشي مجاوبتها بس دموعي تنزل عود تهددني تروح تزوجه والله يالله لليل واجه علي نوب هم كالتله امه راحت للكاظم ورجعت اكثر مريضه وو... وضلت تغرد علي اجاني بارود كلما تحجي براسه ينگلب عليه ...

علي ... ااااني مووو كتلج من تمشين ع كييفج مو علمتج اكثر من مرة مثل ما انتي امه اني ابو وخايف عليه لاتضلين فاهيه فتحي عقلج ....

جوري ... ضل يصيح ويايه لحد مكال بس اني ضليت ابجي الى ان نمت لثاني يوم الصبح ساعه 10 كعدت باوعت علي ماكو ضاهر رايح للشغل شوي ونفتح الباب علي اشوف ايده بيها دم فزيت واني خايفه ... شبيها ايدك ...

علي ... سجاد جايب خروف وذبحنا خطيه ناذر النه ...

جوري ... اؤي فدوه الگلبه شكد حباب ... باوعلي صفح مراضي ..

علي .. ام لأووي شو تعاي يمي ..

جوري ...رحت يمه خله ايده ع خدي ومسح دم مال خروف عيعع كمت اتقئ رئساً وهو يضحك عليه رحت للحمام ركض غسلت شلون لعبت نفسي نعل...

علي ...ههههه حسبي مثل الهنود من يخلون ..

جوري ..صحت بي ...ذاك زعفران مو دم خرب يومك راحت روحي ...اجه ولم شعري غسلت وگفت مقابيله انطاني الخاولي نشفت ...

علي ...شكلج حلو وانتي تتنسين ..

جوري...يا حلو اصلا صفرا وضعفانه ..

علي ..بلعكس حلوة ..

جوري ...رحت للغرفه وهوا يمشي لزمني من خصري وحصرني ورا الباب خله راسه برگبتي ويبوس خفيف نسيت الدنيا كلها واني بحضنه رفع راسه وعيونه ناعسه ذبحتني وصدرا يعلى ويهبط دگات كلبه مضطربه واني نفس حالته واتعس كل مسامه بجسمي خضعت ألى ...

علي ...بداليني يالفاهيه ...

جوري ... بمياعه ...هواي احب كلمة فاهيه ...جر شفتي بين سنونه انيت بوجع وهوا يضغط اكثر ابتعد واني جريت شفته بين سنوني ضل متفاجئ بحركتي بس عجبته .....

ک لبارود ونار عندما نتقابل معاً
لايجرء احد على اطفأنا نحن
ک لنور لا نوقد الى معا كلما
ابتعدت اقتربت اكثر وتمسكت
بك احبك واعلم حبي لن يخيب
لطالما لاتترك يدي لن اتيه ها
انا اقف بين احضانك ونتبادل
الشوق والهفه

بقلمي ..

لليل ساعه 7 خابرت ماما وكتلها يلا تحضري راح نجيج اني وعلي ونروح للدكتوره كالت ماشي..

رحت للمطبخ سويت عشه وكملت ورحت سبحت وصليت وبدلت وعلي كذلك المهم خلصنه كلشي وطلعنه للسياره اخذنه امي ويانه ورحنه بعدنه ع طريق محمد القاسم والزدحام قافله لحد موصلنه سيطره دخوليه الكراده وهم ازدحام كوه تمشي سيارات بعدنه بلزدحام وعلي نزل الجامه سياره وجانت اكو سياره بصفنه...

..علي ..سألت السايق ..خويه متكلي شكو هلزدحام اليوم...

الرجال...  والله ياخوي يكولون اكو سياره مفخخه بلكراده ورايحين مشددين..

جوري .... عزه اني هيج سمعته لو نجنيت كلش خفت احس دمي جمد لزمت جتفه بخوف ....علي  فدوه خلي نرجع ...

علي ...لزمت جتفي وهي خايفه ابتسمت ... شبيج يمعوده يجوز جذب وليش تصدكين ياعيني صيري قويه لاتخافين من شي....

ام جوري... يمه سمي بسم الله وانشاءلله ماكو شي.

جوري ... ضليت ساكته بس الخوف ماكل گلبي اكل اخاف يصير شي وكلساع اتخايل الانفجار واغمض عيني وانفض الافكار من راسي ساعه علما طلعنه من الازدحام ودخلنه كراده خارج ساحه الاندلس هناك دكتورتي.علي وكف سياره ...

علي .. انزلو قبلي اني اروح اطبك سياره بلكراج ...

جوري ... عاد نزلنه وصعدنه الدرج ورحنه ع سكرتير علمود الحجز كعدنه ننتظر لان جان اكو مراجعين هواي يم دكتوره تقريب ساعه ونص ودخلت للدكتوره ...سلام عليكم دكتوره...

دكتوره ..  عليكم السلام حبيبتي. 

جوري .. هذا تحليل الحمل سويته اعتقد طلبتي مني وكلتي حللي. ..

دكتوراه .اي اكو لو لا ..

جوري .. اي الحمدالله.

دكتورا ... اي يالله دكومين صعدي للسديه دنشوف.

جوري ... رحت للسديه بمجرد بس حطت السونر بطني كالت اي حامل وعليج شهرين شوفي دارت عليه شاشه سونر وشوفت الطفل فدوه بسرعه دمعت عيوني...

خلصت واني كمت.

ام جوري...  دكتوره شلون وضع الطفل لان البارحه جانت طالعه ومن رجعت للبيت شافت دم ...

دكتورا ...وضع طفل تمام ... شكد نزل منج هوايه ..

جوري .. لا دكتوره شوي ونكطع ..

دكتورا . ها هذا عادي معنها ثبت الطفل بطنج بس اذا يزيد وهواي موزين وهسه راح اكتبلج مثبتات ومقويات وبعد ارتاحي .

ام جوري... دكتوره هيه هواي تخاف وتوهس غير خبلتني من كالتلي...

ضحكت دكتوره ... حقها اول طفل وبعدها متعرف..

جوري .. باوعتلي وكالتلي..

دكتورا .. بس لاتخافين بنتي معليج شي انشااءلله..

جوري .. شكرا دكتوره.. نطتني راجيته وطلعنه بعدنه مانزلنه الدرج هنا ونسمع صوت انفجار ودمه قويه هزت العياده هز اني هنا ردتت اوكع من طولي نهد حيلي كوا وگفت وسيطرت على رجفتي ودگات گلبي القويه بسبب الهبطه لزمت بطني من الخوف واحاول اهدئ نفسي وامي اشوفها ولونها مخطف من خوف اباوع ناس تتراكض وتعيط اجه بالي علي من كال اطبك سياره واجي متت خوف عليه نسيت نفسي وامي و رحت اركض انزل الدرج حتى نسيت اني حامل بعد ماوصلت.....

علي .....اني رحت طبكت سياره للكراج ودفعت فلوس وصعدت للعياده اباوع جوري من بعيد جانت كاعده ويه امها واني كلت اروح طلعت لحظات وصار اصوت قوي ماحس غير عاصفه رتديت لي ورا وذاني انطمت وگلبي يدگ سريع اباوع الزلم كلها تتراكض عرفت هذا انفجار صاير بس بالي يم جوري اكيد نهبطت وخافت لا ياربي شلون بيهه رجعت للعيادة اركض    ...

جوري ...اني هنا صرت مثل مخبله طلعت اركض ومادري بروحي ونسيت حتى اني حامل وامي تصيح عليه.  

ام جوري.... لج يمه ع كيفج لاتركضين ولج لاتطرحين على كيفج ...

جوري ... تحجي وتمشي ورايه بعدني ماوصلت الدرج واشوف علي واكف مصدكت بسرعه رحت حضنته بكل قوتي وابجي كمت اشتم بعطره ومن حلات روحي وهوا شبكني وخله ايده على راسي  يهدي بيه كمت احجي برجفه ...لاتعوفني اضيع بدونك...

علي ... اجتي تركض اشوفه وجها اصفر وشفايفها ترجف حضنتها كمت احجي بهدوء اطمنها ... اشش لاتخافين اني يمج حياتي مصار شي ...

جوري ...حضنته واحس روحي رجعلتي دگات گلبه سريعه ويتنفس سريع وخرت عنه وباوعت بعيونه قلق وخوف التفتت امي وين راحت شفتها ورايه وتبجي جانو اكو زلم واكفين خطيه ينتظرون نسوانهن اجت وحده حامل بين بشهرها لان جبيره بطنها ركضت ع رجلها بس شافته اباوع الناس كلها مرعوبه وخايفه موقف مينسي ، بعدين اجت وحده عجوز جبيره بلعمر جايه ويه جنتها وابنها وياهم شافتنه واكفين وكم وحده واكفه ويه رجلها...

.. يمه الحامل تره موزين تشتم ريحة الكبريت مال الانفجار لاتنزلن هسه وترحن انتظرو فد ساعه يلا يمه اودعناكم ..

جوري ..وراحت خطيه نباوعها عود صدك تحجي ماقتنعنه ... بعد مرور ساعه ساعتين تقريب يلا نزلنه من العياده انتظرنه الوضع يهدء شوي جان الانفجار قريب ع عياده نزلنه جانت حدود ساعه 10-11بليل ركبنه سياره ورجعنه كوه الازدحامات كثرت بعدنه داخل الكراده دنطلع سيطره وجان طگ العبوه الثانيه بلسعدون وهم نهبطنه ومتنه خوف ضلينه نتشاهد يعني ماعرف شلون طلعنه منها بسلامات....

... لل 1بليل يلا وصلنه للبيت واحنه مهدود حيلنه مصدكنه شوكت نرجع دخلنه البيت ونلكه عمتي كاعده اول مشافتنه گامت ....

يسر....علي اشو اتاخرتو ضل بالي يمكم غير متنه خوف عليكم واجه اخوك كال صاير انفجار بلكراده....

علي .....اي يمه صحيح عالكه بلكراده غير ربج سترنه وطلعنه سلامات منها يعني واحد من يطلع لازم يتشاهد ...

يسر.. يمه الف حمدالله ربي رجعتو سلامين...

جوري ... اني رحت للغرفتي...

علي ..جوري حضري الحمام اريد اسبح ...

جوري ...اخذت المنشفه وملابسه الداخليه خليتهم بلحمام اجه وشافني واكفه اعلك بـملابسه هو كبل دخل وقفل الباب باوعته صفح  وتخوصرت ....سالمين سويلي مجال اطلع ..رفعلي تك حاجبه...

علي ... لابله خاف متقبلين ...

جوري ... نفخت اخدودي ...اهوو شو خلي افوت اريد اطلع تبعانه ...ماحسيت الا جرني من ايدي نضربت بصدره ...

علي ... بصوت هامس وبي خدر ... تعبان ومحتاجج...

جوري ... تقدم اكثر وخله راسه برگبتي ونزع القراصه خليت ايدي على صدرا ودفعته.... واني هم تعبانه وراسي يوجعني واريد انام...

علي ...ابتسم بمكر ... اي نسبح ونروح نام ماعدنا شي ...

جوري ... اي اسبح وروح نام وهيج راح ترتاح ...باوعلي صفح

علي .. تمام بس اني اريدج ..وعض شفته ...

جوري ...هاا ..

علي ..اذا ضلين صافنه بوجهي لعد تطلعي ماريدج....

جوري ...رفعت تك حاجب طلعت الساني عيبت وكتله ..بعد احسن ..خليت ايدي على يدة الباب بسته بشفته باوعت غمض عيونه واستسلم الي فتحت باب وطلعت اركض ...

علي ...اني اعلمج تشردين موو ..

جوري    ضحكت علساس بيه حيله اني مالي خلكه. هو سبح وطلع وكف ع مرايه يمشط شعره اني كمت
طلعت من كنتوري ملابس والمنشفه وشردت للحمام اسمعه صاحني ..

علي ..هاي وين ...

جوري .. مجاوبته لان اكيد مراح يخليني وهيج اني ردتت اعانده وشوي احرگ دمه سبحت وكملت لفيت البرنص عليه وطلعت لكيته مدد بلفراش وبيده الفون كمت افتر وهو كل شوي يباوعلي يرفع اعيونه يباوعلي اني بدلت لبست دشداشه قصيره تصير ربع ردن مخصرا عليه لونها وردي لبست الحجل برجلي باوعت واشوفه صافن ...

علي ...دخلت للغرفه شعرها مبلل حلته وبعدين لبست ثوب قصير مفصل عليها تفصال ومبينه مفاتنها ضليت اباوعلها حتى لازم الفون ومادري وين دخلت طلعت و لفت انتباهي صوت باوعت الحجل برجلها وهي بيضه ثلج گوا بلعت ريگي بنت الذينه حرگت دمي نوب صوته خربط دگات گلبي وصارت اعيوني تتمايل وي خصرها  ....

جوري ..اشوفه رفع عينه وصفن تجاهلته ورحت جففت شعري بلشسوار ولفيته وتعطرت ورحت مددت يمه ...

علي ... ليش عود مسبحتي وياي ...

جوري ..نصيت اعيوني بخجل ولزمت خصلة من شعري ابرمها بأصبعي ....لان متكعد راحه واني منا تعبانه وهسه اريد انام لاتحجي بعد حباب ...

علي ...لزمتها من خصرها قربتها عليه... ماكو متنامين اليوم سهرايه ...

جوري ..رقص احواحبه كتمت ضحكتي ...ناويه عليه اليوم ...

علي ..مرتي وبكيفي ...

جوري ...فتحت اعيوني ...شنو بكيفك ...

علي ..ابتسمت... ي بكيفي عندج مانع...

جوري ..ط اي عندي وشنو بعد لي عندك....

علي ... تعاي هنا ..ويئشر ع صدره ...وراح اكلج شنو....

جوري ... تقربت يمه خليت راسي ع صدره بس غمضت نمت من التعب وهو هم مخلي راسه عليه ونايم للصبح ساعه 8كعدنه اني كوه فتحت عيوني بعدني نعسانه بس علي هم خطيه مرات يطلع بدون ريوك كمت من فراش لميت شعري بلقراصه جان مكفوش هو جان يبدل كتله.   صباحو...

علي ...  صباحو حبيبتي...

جوري ... اني هنا بس كمت من فراش حسيت بدوخه لزمت راسي تقرب يمي وخله ايده وره ضهري ...

علي ...ها شبيج هم دايخه...

جوري ... لزمت ايده واني مغمضه عيوني خليت راسي ع صدره حجيت ... اي كلش دايخه احس الغرفه تفتر بيه...

علي .. دكعدي هسه وشوي وكومي احتمال هاي يهبط ضغطج...

جوري .. كعدت لحد مشوي استعدلت ورحت للحمام غسلت وجهي ورحت للطباخ خدرت الجاي وطلعت من ثلاجه كيمر ومربى وزيتون وحضرت كلاصات حميت صمون بلمكيرويف اجه هو كعد ياكل ...

علي ... متجين تتريكين ...

جوري ... اكل انته بلعافيه ماشتهي ...

علي ...  ليش دتعاي اكلي يلا وبدون حجي...

جوري ..چج فدوه لاتجربني كتلك ماتقبل لاكل...

علي ... هسه مو لخاطري لخاطر لـ بيبي ....

جوري ..كوه كعدت اكلت شوي .. علي احنه نسينه بارحه ناخذ علاج من صيدليه دكتوره كتبتلي....

علي ..ها ي صدك غير تذكريني عندج راجيته ...

جوري ... اي موجوده بلجنطه ...

علي ...دروحي جيبيها...

جوري ... رحت فتحت جنطه طلعت راجيته شفت فوني هم ناسيته بارحه ولكيته قافل خليته ع شحن وخذت راجيته ورحت نطيتها اله وطلع الله وياه. واني وراه لممت لمواعين غسلتهن ورحت غرفتي فتحت الشبابيك احنه بلعاده عدنا من صبح للضهر تبقه شبابيك مفتوحه حته يتغير الجو والفراش كله نطلعه بلشمس علمود يتعقم. بس اني مكدرت ع كل الفراش اخذت بطانيات والمخداديد وخليتهم بره ع شمس ورجعت للغرفه رتبتها. عمتي طلعت للدرس وعمو هم طالع للدوام موظف هو. اما مروه للضهر تقريب ساعه 11 تطلع للكليه جان دوامها مسائي. بس جنت كل ماتطلع عمتي للدرس اني استغل الوقت وبدون ماتدري اكعد انضف بلبيت لان اضوج
لان اضوج اضل كاعده ومكابله اربع حياطين. فـ ع اقل اشتغل والتهي. للضهر ساعه 12 اجه علي وجان جايب علاج كتبته الي دكتوره.

علي .... اكلج هاي كاتبتلج علاج كامل مال 3اشهر تستمرين عليه وماجبته كله ...

جوري ...  ليش..

علي ... يمعوده بس مال شهر واحد 150الف وتردين اجيبه كله....

جوري .. بأسى... لعد شلون الدويه ضروريه ...

علي ...هسه خلصي مال شهر والله كريم...

جورث ...  بهاي الفتره جان حمايه مهند دينقل بلغراض يوديهم بيتهم الجديد جاي يتحولون.بس بذاك اليوم مريم نزلت تنضف بلبيت هو اني نضفته بس هيه حياله كامت طلع الشغل من جوه الكع اتفاجأت بيها لان بلعاده متنزل وتشتغل اكثر الاحيان مروه تنضف او اني المهم اني رحت للمطبخ اسوي غده خلصت وكعدنه نتغده اني وعلي بعدين رحت لغرفتي واشوف مريم واكفه يم كومدي ومدري شدسوي صحت.. مريم شدسوين هنا.... باوعتلي وارتبكت ..

مريم ...ها غير جايه اساعدج وكلت انضف الج الاثاث الغرفه...تحجي وهي مرتبكه ...

جوري ..بعد تصديق رفعت تك حاجب .. تسلمين عيني ترى نضيفه.ميحتاج...

مريم ... ها يلا بس اي شي تحتاجين اني موجوده...

جوري ... شكرا عيني متقصرين ....وراحت. بس ضليت اتسال نفسي شعجب نزلت وليش تكلي هيج ماعوايدها مريم الي اعرفهارب المشاكل كلت يلا احنه شرايدين منها الله يهديها. اجت عمتي من الدرس ...

يسر ...جوري اريدج تشاركين ويه طالبات

جوري ... بشنو اشارك...

جوري .. بسوره مريم حفظ وهاي بيها شهاده بس اذا ضبطتيها للسوره ...

جوري ... اني كيفت كتلها... يي علوا وين الكيها لان ضوجه ع اقل التهي...

يسر... ماشي راح ادخلج بلكروب الطالبات...

جوري .. لحظه يعني دراسه راح تكون ع موبايل...

يسر... اي لعد شعبالج راح اخليج ديحين وطلعين...

جوري ...ها دكول ليش لعد اجيتي وكتيلي اصلا اتفاجأت...

يسر ...  وهسسه شنو تشاركين لو لا...

جوري ... اي يله هاهيه موافقه دخلتني بلكروب البنات كلهم رحبو بيه والمسؤلات بعد فتره صارن عندي صديقات واقرب وحده الي صارت سرى ع طول اني وياها سوالف وضحك وحته نقره سوه نطونه الحفظ سوره مريم ع نص نحفظها خلوها النه بلتدريج نحفظ يعني مو كلها سوه. وهاي يوميه تخابر المسؤله ع وحده وحده وتسمع النه واذا عنده اخطاء تصلح النه. واني هاي طول فترة حملي كاضيتها اقره قران واكثر من سوره يس صافات البقره يوسف كلهم اقراهم وماعدا يوميه حديث الكساء زياره عاشورا ولخ... خليت ايماني بالله ورايده يتم حملي ع خير.....

وهاي مره من الايام خلصت شريط من الحبوب المقويات الي تكتبهن الي دكتوره. فـ جنت ضامه قسم منه بلكومدي من اخلص اطلع غيره اجيت فتحت الكومدي واشوف علاجي كله مطشر لطمت على خدي .....يا عزااا شنو سالفه ...كعدت ارتبهم ونوبه مخبوطات ..... معقوله علي هيج مخليهن بس اني مخليتهم ع حطت ايدي... جيت افتح الباكيت مال الدويه ومالگيتهم يالله ماكو عزه هاي وين راحن....

.. بهل لحظه تذكرت مريم من شفتها بغرفتي عرفت هيه ماكو غيرها ام المصايب الحقيرة نوب رجعت على الادويه يابه اني نار وشبت بيه صرت اعصاب طلعت من غرفه لكيت عمتي توها راجعه من دومها حجيتلها موضوع بحرگة اعصاب وهي مدارت بال.....

يسر....عفيه سكتي اني منا تعبانه وبعدين هاي مو جديده عليها تعلمنه ع سوالفها ليش مستغربه ....

جوري .... هسه يعني راح هم تسكتين موو بس اني مراح اسكت الها كافي عاد وصلت حدها ....

يسر..... يمعوده لاتسويلنه سالفه وانتي مامتاكده روحي دوري زين وبعدين حكمي ...

جوري ...يعني دورت ونبشت الغرفه نبش ومالكيتهن يعني وين يرحن ...

يسر ...واللهي صوجج كم مره محذرتج وگتلج غرفتج تنقفل....

جوري ... واكفه واحجي وگلبي يوجعني ومقهوا دخلت لغرفتي بدون ستأذان ونوب ماخذة دواي وفواگها عمتي دافعلها وما راضيه على ردة فعلي بقيت صافنه وفاتحه حلگي .... عمه وليش اقفلها ماكو داعي اشو لاذهب عندي حتى فلوس ماكو ع حالي شكو اقفل الغرفه قابل كاعدة بهيمه غير بيت نوب بالبيت ماسلمنه من الحراميه نگوم نقفل.....اباوعلها حيل ضاجت وخزرتني دتحجي
واجه علي ....

علي ....بعصبيه .... شبيج صوتج واصل للشارع. .

جوري ... والله على سوالف مرت اخوك اكو غيرها...

علي ... اهوو رجعنه...

نزل مهند وصاح ..... خير شكو هالصياح وسمعتكم تسولفون بـ مرتي شبيها ...

جوري ...باوعت لـ علي وحجيت ... جاي تشوف حته اذانهم مفككه علينه عوذه اي والله.... مدري شنو جانت تكله عمتي وهو اسمعه صار يصيح فوك....

مهند ..هاي فوگ ماتجي تشكرها وهيه داتساعدها تجي تبليها يصير هيج واحنه طالعين منا وعود خلي تكيف...

جوري ... هنا علي جان ساكت كوه لان اذا راح يحجي تكب العيطه وني ضليت بغرفتي بس ابجي واسمعه شلون يحجي عليه شكد اكرهه وهو ومرته بعدين اخذو غراضهم وراحو بيتهم بعد مشفناهم واني كلت بكلبي من روحه بلا رده كون ...

لليل اجت تبارك يمنه هيه وجهالها طلعت من غرفتي سلمت عليها. جانت عمتي تسوي عشه ..

تبارك... وهي تضحك فرحانه ...يمه اني حامل...

جوري...فرحنالها  وتباركنالها. بعدين سالتها..تبارك منين تاخذين علاج...

تبارك .. من صديقتي عندها صيدله...

جوري ... ها زين شلون اسعارها...

تبارك ... الصراحه ابد متكلفج حتى بلدين تقبل خطيه...

جوري ...  بلكي تحجين وياها وتكليلها ع هذا الحبوب دافتسون عندها منه محتاجته وسئلي العلاج كله شكد سعره ...

تبارك ...ماشي راح ادزلها رساله ...

جوري ....اخذت صوره للراجيته ورسلتها شوي وجاوبتها...

صيدلانيه ...حبيبتي هذا كل علاج يكلف 100....

تبارك ...حبيبتي مشكوره .جوري انتي بيش تاخذي من غير صيدليه...

جوري  150 ليش ...

تبارك ... هنا الفرق 50الف تاخذي منها 100 ...

جوري ...يلا عود ناخذ منها ...لحد مجا علي وكتله راح كوه دبر فلوس وجابلي العلاج. هنا عمتي جانت مسويه عشه هبيط يحبو بلعشه فـ كعدنه كلنه ناكل سوه اني اكلت كم خاشوكه اشو ورها لعبت روحي كبل كمت من السفره ورحت للحمام لعبت نفسي حيل حيل اجه علي يدك بلباب ...

علي ...شبيج خو ماكوشي..

جوري ... جاوبته ...لا مابيه شي... ضليت اذب مي ع وجهي وحسيت بحراره صعدت عندي طلعت للحمام ورحت مددت للفراش احوالي كلها ادهورت صخنت وكل شوي اذب من راسي وبطني كلش وجعتني كضيتها بلفراش اون وابجي لثاني يوم كبل اخذوني للدكتوره وعمتي اكيد مقبلت اروح للدكتوره...

يسر.. شنو هالعيارة عادي اكثر حوامل هيج وانتي مصارلج من سبوعين من رحتي للدكتوره موزين تاخذين كلساع سونر  ...

جوري ....بس علي واهلي معافوني بهذا وضعي وهمه يشوفوني ابجي من الوجع اخذتني امي واجه ويانه علي حجزت وكعدت ساعه علما اجه دوري ودخلت للدكتوره شافتني...

دكتورا ... هلا بـ جوري خيرج يمعوده ليش هيج وجهج اصفر. ..

جوري ..بتعب شرحت الها حالتي. ...

دكتورا ... دكومي ع سريع للسديه لـ نشوف بيبي لان موزين الحامل هواي تتمرض...  هسه انتي بشهر ثالث وطفل تمام بس اريد اشوف ضغط...

جوري ... دكتوره عندي وجع بطني ليش...

دكتورا ...عادي ماما هاي تقلصات شو هسه انطيني ايدج اشوفلج ضغط.اووف هاي شنو كلش هواي
هابط ضغط عندج نوب اخذت مقياس الحراره شافت حرارة40 لا يالله وين جنتي وهسه عيني ضروري دخلين مستشفى راح اكتبلج ورقه وترحين...

ام جوري...فدوه دكتوره خو ماكوشي خوفتينه...

دكتورا ... امي وضع الطفل تمام بسس هيه كلش موزينه صحتها وهيج اذا ضل يأثر ع طفل راح تدخل مستشفى هاي الورقه تنطوها للممرضه تعلك الها مغذي وتضربها ابر وحبوب وتضل تابعها لحد مااجي اني باجر الصبح اشوفها. ..

ام جوري.... يعني تبقى بلمستشفى...

الدكتوره.... طبعا تبقى لحد متستقر حالتها اريد ضغطها يستعدل صخونتها كلش عاليه وسبق وكتلج الصخونه خطره ع طفل. فـ من الضروري تنام مستشفى ...

جوري ...اني كاعده واسمع دكتوره تحجي ومن كالت خطوره ع طفل لزمت گلبي ودموعي تنزل كلش خفت تلمست بطني بخوف ورعب خايفه افقدة صار خمس اسنين انتظر وصار بالصلوات بعدين اخسرا ...

.. اخذنه الورقه ونزلنه لكينه علي واكف ..

ام جوري... ابني گوم ناخذها هسه للمستشفى

علي ...عكد حواجبه... ليش شكو للمستشفى...

ام جوري....ابني وضعها ميسمح لازم مستشفى خطر عليها وعلى جنين ...

جوري ...عاد رحنه للمستشفى نطينه ورقه للممرضه..

ممرضه ...  انتي حامل..

جوري ..  اي ...

ممرضه..شكد حامل..

جوري ....3اشهر ..

ممرضه ..زين سويتي سونر شفتي وضع الطفل...

جوري ...  اي ...

ممرضه ...  بس جيبولي هذا علاج من برى
صيدليه ...

جوري ...اخذ راجيته علي وراح جاب المغذي والادويه اني نمت ع سديه اخذت ايدي وخلت السيروم وشكلت المغذي وماعرف ابر هواي ضربت بلمغذي وراحت....

علي ...كاعد بره المستشفى والملل يقرا ألف وامي كل شوي وتتصل جاوبتها بتعب ..ها يمه ..

يسر....  ها وينكم اتاخرتو هواي...

علي ... احنه بلمستشفى....

يسر ....  يا صخام وشعدكم هناك علي..

هلي ... غير دكتوره دزتها حالتها موزينه وراح تبقه ثاني يوم...

يسر .... شننو شنوو يمه ماكو ممنوع تبات بلمستشفى ماكو داعي طلعها هسه ع مسؤليتك شمدريك مستشفى شبيها مابيها وهاي مرتك كلشي ماعليها بس هيه هواي تدللع ...

علي..شني هااي اكلتيني بگشوري كافي خلي افهمج وبعدين دكتوره هيه اعرف بحالها ويلا ثيملا ...هي ضاجت وسدت الخط اني منا ضايج الفلوس كوه ادبرها نوب تطلع شغلات منا ومنا صفح الله يساعد الفقير الي ماعنده دخلت للمستشفى كلت امر اشوفها لكيت معلكين الها مغذي وهي ذبلانه وجها اصفر وشفتها يابسه مسحت كصتي متوتر اجتي ممرضه ودخلت يمها..

جوري ...بعدني نايمه ع سديه بس احس نفسي كلش تعبت اريد اطلع منا اختنكت. دخلت الممرضه شافت وضعي وحرارتي مثل ماهيه ماتنزل دوخه حاوطتني وكلساع اغمض ...

يتبع

انثى 💜 ملائكيه

تابعوها الكاتبه وقصصها هواي حلوة ...عدت للانتقام ..جديدة

ZeenaAli334

تابعو البنوته واشتركو بكتابها منوعات زهرة اللوتس

user53624460

تابعو حساب نسمة ابداع هواي حلو وراح يفيدكم

nesma_ebda