رواية اخذوني فصليه الفصل الثالث 3 - بقلم Lamar Ali

اجه يوم الفصل واهل المقتول عمامه مجمعين بيت ابو حسام جانو يتفقون على الفصل شنو
بس ابو حسام ظل ساكت ولا حجه ولا كلمه
ابو جاسم: خوية احجي ليش ساكت كول شكد نفصلهم
ابو حسام : والله ياخويه لو يملكوني الدنيا ومابيها ماتعوضني على ابني
جاسم : عمي كول شتريد اذا الدم بالدم احنه حاضرين وسلاحي بأيدي واني اخذ ثار ابن عمي
محمد: لا اني اخذ ثار اخوية
حسام : لامحمد اني الجبير واني اخذ بثار اخوية
ابو حسام : بصياح كافي انت ويا مانريد دم ولا قتل اني قررت شنو الفصل
ابو جاسم واخوته : كول ابو حسام والتأمر بي
ابو حسام: اريد البنيه الي نكتل من وراها ابني فصل
طبعا الكل انصدم بالاول من الفصل بس بعدين وافقو على قرار ابو حسام
ابو جاسم : هذا هو خوية وماينفك فصلها وننطيها لمحمد يأخذ شرفهم ويرجع ثار اخو وعروستك عمي محمد مني تماضر لك هديه وجبره
ابو حسام : تسلم خويه بابا محمد كوم بوس راس عمك واشكره
كام محمد باس راس وايد عمه وشكره
ابو جاسم: مادام احنه مجمعين خل نقره الفاتحه
قرو الجميع سورة الفاتحه تأكيدا لخطبه محمد وتماضر بنت عمه
محمد: ( اهووو شلون ورطه ورطوني عود ردت اخذ البنيه الاحبهاا. اااخ براء صار كم يوم ماشايفج )

بيت ابو براء
ابو براء: يله اخوتي نتوجه لبيت المقتول ماوصيكم
ابو ريسان: خوية لاتوصي حريص

في الفصل
بدء الشجار وكلام الفصول لحد ما حجه ابو حسام
ابو حسام: احنه فصلنه البنيه النكتل من وراها ابني
ابو براء: وقف من الصدمه شنوووووو انت شجاي تحجي
ابو حسام: هذا اخر حجي عدنه يله كومو وخلال 3 ايام تخابرونه نجي ناخذها والا راح تصير بحور من دم ماتنسد الى يوم يبعثون يله كومو

وكام ابو حسام واخوته والي وياهم
ظل ابو براء يدك على راسه ياااناس بتي طفله ماكملت 15 سنه اذبها هيج ذبه
ابو ريسان : امشي للبيت هناك نتفاهم

في بيت ابو براء
ابو ريسان : هااا خويه شكلت
ابو براء: ابو ريسان شنو شكلت طبعا لا ماقبل هاي بنتي ماذبها هيج
ابو ريسان: فكر زين ترى زلم وعوائل راح تتيتم وتتبهذل

ام براء : يمه بنتي شلون فكوها بفلوس راح ابيع ذهبي ورث ابوية البستان راح ابيعه ونبيع البيت والمحل واكعد اجدي بالشارع ولا ياخذون بنتي
براء : يمه شنو يريدون يكتلوني ياخذوني
ام براء : اووووف يمه ماخليهم ياخذوج

وصل الخبر لاخوها علي
علي : الوووو بابا اني راجع
ابو براء: ابني وين راجع استر عليه يكتلوك
علي : يااابه خل يكتلوني ولا يسون شي براء محد ياخذها واني جاي وخل شيصير يصير
براء سمعت انو علي اخوها جاي خافت عليه
براء : بابا ابوس ايدك واديني الهم ماريد علي يصير بي شي
ابو براء: لج بابا شكد ماقسيت عليج بس انتي بنتي شلون اسخه بيج
براء: بابا لعد تسخه ب علي فدوووة اني قابله شيسون بيه خل يسون يموتوني يذبحوني بس علي لا مايصير شي بي
ام براء: اسكتي بنتي لاتحجين هشكل
براء: هذا اخر شي عدكم التفتت لعمها عمو انت مقتنع بحجيهم
ابو ريسان: لا والي جاي تسوي انتي عين العقل
براء: لعد كوم انت اخذني الهم
ابو ريسان: يله عمو امشي لبسي عباتج وخل اخذج
ابو براء: ابو ريسان لا خويه لاتكسر بنتي
ابو ريسان: هاي مو كسرة بنتك جاي تنقذ اخوها ولد عمها من الموت وتيتم اطفال وترمل نسوان تثكل امهات هذا الصح سامحني خوية بس لازم هيج يصير
ابو براء: اوكف راح اجي وياك لمي هدومج بنتي وسامحيني اني مو خوش اب ماعرفت احميج
براء : لا بابا انت ماقصرت
ام براء ؛ يمه بنتي شمعت بيتي شلون تروح مني
براء : ماما لاتخافين عليه احسن ممايكتلون علي عمري مراح انسه تعبج ادعيلي ماما
طلعنه بالشارع وكف بابا حتى ياخذني لبيت السيد الوسيط
سمعت صوت ورايه يصحيلي ابتفتت واشوفها هند صديقتي
هند: براء لاترحين وتعوفيني براء هئ هئ
براء حسنت صديقتها
براء: هنوده ماوصيج على امي عود تعالي ساعديها بالبيت وبالتعزيل
هند: لج وين رايحه انتي تخبلتي راح اروح لابوالمكتبه محمد اكله يجي يخطفج
براء: انجبي ولج لاحد يسمعج ويصدك
هند: صديقتي لاتسني
براء:مانساج ماوصيج على امي ازوجي علي عفيه حتى تبقين يم امي
هند: ههههههه انجبي راح اشتاقلج
براء: راح اشتاق لخبالج
ابو ريسان: يله بنتي ترى راح نتأخر
وصلنه لبيت السيد خلوني يم زوجه السيد العلوية
العلوية : يمه سوده عليه بعدها طفله اوووف سيدنا شلون سخو بيها اهلها
السيد: مسكينه انطوها حقنن للدم الله يساعد اهلها
العلوية : الله يساعد امها
السيد: اهل المقتول وصلو خل استقبلهم

عقد السيد لبراء ومحمد واخذوها وياهم للبيت
براء دموعها مانشفت من طلعت من البيت جانت مغطيه وجهه بالشال حتى لا ابوها يشوف دموعها
محمد: هاي شو مغطيه وجهه اممممم اكيد دا تبجي اليوم اخلص على حياتج محضرلج كيبل الا اجلدج جلد ورى ماخذ شرفج

ابو حسام: يله فوتي
ام حسام : تنظر لبراء بصدمه اولا عبالك عمرها 12 سنه لان ناعمه كلش ولا جمالها ياخذ العقل وانقهرت عليها بنفس الوقت

علا: بابا هاي منو البنيه ....حبيبتي ليش تبجين
حسام : هاي اخذناها فصليه بالفصل مال المرحوم
علا : شنووووو انتو تخبلتو شنو هالتخلف
حسام : لاتباوعيلنه بنص عين هذا كان قرار ابويه
علا : بابا معقوله انت هيج تفكر بابا ماصدك صدمتني شنو ذنبها حررام عليكم خطيه هالمسكينه بركبتكم
ابو حسام: علا كااافي روحي حضريها لاخوج
علا: مافتهمت شنو لاخوج مستحيل اشترك وياكم بهاي الجريمه
زوجه حسام: عمو اني راح اجهزها اله
ابو حسام : روحي عمو جهزيها وحضرولها ملابس سود تلبسهن
زوجه حسام: باجر ان شالله الصبح اروح للسوك واشتريلها

بعد تحضيري صعدتني زوجه حسام لغرفه الشخص الي راح يكون زوجي وفهمتني شراح يصير وشنو لازم اسوي
زوجه حسام: مثل مافهمتج ديربالج تعاندين ترى محضرلج كيبل مخلي بالكنتور
براء: عفيه اني خايفه
زوجه حسام: لاتخافين عادي كل وحده تمر بهيج يوم صيري يباعيه ولاتعانديه وشيكلج نفذي
براء: هزت راسها بالموافقه
بقيت بغرفه الرجال اليكولون عليه زوجي ساعه وهو مامبين

ابو حسام : ام حسام محمد صعد للبنيه
ام حسام : لا كاعد بالحديقه جاي يدخن
ابو حسام : محمد يدخن معقولة روحي صيحي خل احجي ويا
ام حسام : صار هسه راح اصيحه

محمد:( براء صار كم يوم ماكو ضل بالي عليها باجر اسئل صديقتها عليها احسن شي) وشلون ويه هاي تماضر لازكه روحه لزكه مامصدكه نفسها
بعد ان ذهبت لمحمد
ام حسام: يمه محمد شبيك ليش هيج ادخن
محمد : مابيه شي هاي صعدت بغرفتي لو بعدها
ام حسام: اااي يمه صعدت من شوكت مرت اخوك ولاء صعدتها وجهزتها لك .... يمه ترى ابوك يريد يحجي وياك قبل ماتصعدلها
محمد : صار يمه هسه اروحله
دخل محمد للبيت وراح على ابو
ابو حسام : تعال ابني اكعد اريد لفهم شي هاي البنيه مراح تكون زوجه لك راح تكون بس هالليله اريد تبيض وجهي كدام عمامك وان شالله بعد الاربعين نزوجك تماضر

علا: ياربي هذوله مو عائله مجرمين اوووف الله يساعدها عود اني الاطالب بحقوق المراءة تنتهك حقوقها كدام عيني ومن اهلي

راح محمد للغرفه وفتح الباب من شاف براء نصدم
محمد: برااااء!!
براء: محمد شجابك هنا رووح عفيه هاي اكيد هند كالتلك تخطفني اني ادري بيها هي كالتلي بس ماعبالي راح تصير صدك
محمد:
براء: شبيك رووح منا وهي تدفع بي لخارج الغرفه راح يجي الرجال الي زوجوني اله
محمد: براء اااشش كافي اني الرجال لزوجوج اله
براء: شنوووووو ودموع تملئ عيونها
محمد حضنها ماصدك القدر جمعني بيج صرتي اليه مامصدك
براء: وهي تبتعد عنه جمعني بيك القدر بس مو عروس بيتك جابني لك فصليه
محمد: ااااااشش ماريد تحجين شي ماتهمني الطريقه المهم انتي بين احضني ورجع حضنها...... بعدين انتبه انها لابسه حجابها ودشداشه طويله
هاي شلابسه ليش لابسه حجابج
براء: لعد قابل انزعه
محمد: لج غير انتي مرتي .... وبده ينزع حجابها عنها
براء: لا لا فدوة ابويه يموتني اذا اذبه
محمد : وهو يهمس باذنها اني الي راح اموتج
براء تذكرت الكيبل لكالت عليه ولاء(مرت حسام)
نزعت الحجاب وهي مستحيه
محمد: هاي شنو شعرج
براء : بخوف شبي شعري
محمد: عبالي شعرج اشقر طلع اسود عبالك ليل ...... بعدها حملها
براء: اااااه شجاي تسوي راح اوكع
محمد: هو اني اريد اوكعج
براء: لا لا نزلني فدوة
محمد: هسه انزلج بس راح اسئلج سؤال
براء : شنو اسئل
محمد : احد فهمج شراء يصير اليوم
براء: وهي تلف وجهه الى الجهة الاخرى بخجل .... اي
محمد : بأبتسامه لخجلها اااي شكلولج
براء: بعصبيه ممزوجه بالخجل .... ماذكر
محمد: هاااا لعد تعالي اني اذكرج
براء نسيت انها فصليه وكانت تفكر انها عروس لحبيبها محمد
بده محمد بتقبيلها بشراهه وكانما كان يفترسها وووو ...... امشو خل نطلع من الغرفه عيب

في الصباح الساعه 8 صباحا
اندك الباب عليهم براء رادت تكوم
براء: خل اكوم افتح الباب ...وهي دا تكوم... عززززه هاي اني. شلون نايمه هيج بدون هدوم خل اكعد محمد .... محمد اكعد الباب دا يندك
محمد: عوفيهم يدكون نامي هو احنه نمنه ب6 الصبح
لكن الي بالباب لم يتوقف عن الدق
براء: محمد كوووم يله
محمد: راح اجرم بي هذا الكاعد يدك بالباب راح افتح
منووو
ام حسام: اني يمه افتح الباب
محمد : براء راح افتح الباب غطي نفسج اخاف امي تدخل
براء : ااااي غطيت نفسي
محمد: هو يفتح الباب صباح الخير يمه خير خو ماكو شي
ام حسام : وهي تدفع الباب وتدخل هاي شنو بعدج نايمه مصدكه روحج عروس يله كومي ليش كاعده متاخرة
محمد : يمه لان نمنه ب6 الصبح صار ساعتين من نمنه
ام حسام: اووووي سوده عليه انت ارجع نام بس هاي خل تكعد وراها شغل
محمد: اليوم سماح لخاطري وهو يهمس بأذن امه يمه اني ماخليتها تنام
براء: لا هسه انزل خاله مانعسانه اني بعد
ام حسام: يله شو كومي كدامي
براء احمرت وجنتاها من الخجل لانها عاريه بدون ثياب
ام حسام: افتهمت راح انزل اسبحي وبدلي هدومج وانزلي
براء : وهي تهز راسئها بالموافقه
رادت تكوم بس شافت محمد واكف يباوع عليها
براء: محمد اريد اكوم دور وجهك
محمد: هههههههههه شبيج تستحين مو اني زوجج
براء: عفيه محمد اريد اكوم
محمد : ولج مصار ساعتين من عفتج ههههههه ابقي بالفراش لاتكومين خل انشط ذاكرتج اخاف نسيتي اني زوجج
براء: عوفني امك هسه تجي ترزلني
محمد : ماتتحملين الرزاله لخاطري
وبدء يقبلها بدون ان يسمح لها بالتنفس ووووووو................
ام حسام: هاي شو منزلت روحي علا صيحيها ترى اصعد اشمرها من فوك
علا: ماعليه اني شوفي احد غيري
ولاء: خاله اني راح اصعد اصيحها وانزلها بأيدي
صعدت ولاء رادت ادك الباب سمعت صوت بالغرفه تصنتت عليه سمعت تأوهات براء وابتسمت عرفت شجاي يصير عافتهم ونزلت
ام حسام: هاااا وينها
ولاء: والله خاله الظاهر راح نضطر نجرها جر من جوة ايد ابنج
علا: هذا المتخلف بس لا دا يضربها والله اكلب الدنيا عليه خل اصعد
ام حسام: علا ارجعي كعدي بمكانج خليها تنزل وحدها ..... وهي تتكلم بصوت شبه مسموع هو بس هاليوم يريد يطلع الفرق هذا الملعون ههههه
بعد ساعه نزلت براء بعد ماسبحت وغيرت ملابسها
براء؛ اسفه خاله لان اتأخرت
ام حسام : يله بس بعد ماتنعاد اليوم لخاطر محمد سامحتج
علا: هاي ليش لابسه حجاب بالبيت اووي هو منو موجود ذبي يمعوده وجرت الشال منها .......ااااااااه هاي شنو شمسوي بيج
التفتت ام حسام وولاء على صرخه علا
علا: لا ياااحيون هاي هيج ضاربج والله لالعب بي خلقه
حسام: شكو شبيج تعيطين
علا: اخوك الحيوان شلون ضارب البنيه مزوركاها
حسام وهو يباوع على براء الي صارت طماطيه من الخجل
حسام: وهو يبتسم هههههه هذا صدك حيوان وهو يغمز لولاء صدك لو كالو مشايف
طلع من المطبخ حسام
ولاء: شبيج انتي مخبله خجلتي البنيه لاتخافين وليد بيوم العرس هم راح يسوي هشكل بيج
طبعا وليد خطيب علا
علا: افتهمت انو هاي مو اثار ضرب اثار غير اشياء ..... فصار وجهه احمر لان حجت كدام حسام وامها.. بعدين صفنت اخاف وليد هم يسوي هشكل بيها
خابرت وليد
وليد: الو صباح الحب
علا: لا صباح ولا فيروز اسمع اذا تسوي بيه بيوم العرس نفس السواه محمد ببراء لو مو عروس اعوفك بالصبحيه واجي لاهلي
وليد: شبيج انتي مخبله
علا : اي مخبله واعذر من انذر
فات حسام من يمها
حسام: هههههههههه خبال اي والله انطيني التلفون خل احجي ويا
وليد: هلا حسام شلونك
حسام: هلا بالنسيب يااابه تعال اليوم معزوم على غده مسوين ثواب للمرحوم
وليد : اي ان شالله بس كول لاختك مو اجي وتتعارك ويايه
حسام : هههههههه اني عليه اوصيها يله مع السلامه

في المطبخ
براء : خاله خل اني اسوي الدولمه
ام حسام : تعرفين تسويها
براء: اي ماما بالعطله تعلمني جانت طبخ بس بالدوام ماتخليني اطبخ
دخل ابو حسام للمطبخ
ابو حسام: ولاء وين علا صيحيها وتعالو للهول
ولاء: صار عمي هسه اصيحها.... علل تعالي عمو يريدنه
علا: شكو شبيج تعيطين يله خل نشوف شيريد
ابو حسام: تعالو بنات اريدكم ترحون للسوك تشترون لهاب البنيه ملابس سود ماريد اشوفهابالالوان
ولاء : صار عمي
علا: هاي البنيه اسمها براء واني ماروح للسوك
ابو حسام: علا صايرة تعاندين وماتحترمين
علا: لا بابا ليش هيج تكول بس انت علمتني اكول للغلط لا
ابو حسام: مو وكت نقاش هسه بيت عمج راح يجون ترحين يعني ترحين
علا: اااي افتهمت صار راح اروح يله انطيني فلوس
ام حسام: هاج هاي 50 الف جيبيلها من الرخيصات
علا: لا والله ماروح لعد شنو 50 الف علا بنت ابو حسام اكبر تاجر مواد غذائيه بالعراق تدخل للسوك ب 50الف لاعيني وثاني شي بالله شي عجبني اريد اخذ اليه
ابو حسام : طلع من جيبه ورق ( فئه 100 دولار) كولي شكد تردين
جرت علا الورق من ايد ابوها وحسبت 500 دولار وخلتهن بجنطتها وطلعت
علا: ولاء انتي جاهزة
ولاء : يله امشي اني جاهزة
علا : امشي راح نروح لمول المنصور
ولاء: هيج نتأخر وشعدنه هناك نروح للسوك بي ملابس حلوة ورخيصهترى مو وكتج تشترين
علا: من كلج راح اشتري اليه اني اعلمهم اهلي اصلا راح اشتري كله ملابس لبراء
ولاء: شنوووو ولج الايذبحونه