رواية اخذوني فصليه الفصل الثاني 2 - بقلم Lamar Ali

مثل كل يوم نروح اني وهند للمدرسه بس اليوم هند امها تخربطت واجه ابوها طلعها من المدرسه رجعت للبيت وحدي
براء: ( باوعت ع المكتبه هذا محمد صار يومين ماكو اخاف بي شي يمه كلبي شو كام يدك سريع لالا قابل احبه هههه اني بعدني صغيرة ع الحب)
ابو براء: علاوي روح جيب غراض عد عمك ابو تحسين نتدل بيته
علي: بابا الي بصف مدرسه براء
ابو براء : اااي هو يله استعجل اوليدي
طارق: اووووويلي هاي مو بنيه ملاك يمشي بالكاع خل الحكها واخذ رقمها

يااااحلوة شبيج اوكفي خل نتفاهم
براء ؛يمه هذا شيريد لا احد يشوفه خل امشي سريع
قطع طارق الطريق على براء
طارق: باعي ماخليج تمشين اذا ماتنطيني رقمج
براء : وهي تبكي فدوووة رووح الله يخليك والله ماعندي تلفون
طارق : وهو يمسكها من ايدها لعد تعالي اشتريلج واحد
براء : يمه يمه عوووفني وهي اجر بروحها
علي : هاي مو براء هذا شجاي يسوي اليوم ابتلي بي
لك انت اوكف عوف اختي وبدووو يتضاربون
براء: علي كااافي امشي انروح للبيت
على دفع طارق ووكع طارق ع الرصيف وبده ينزف دم
علي: لج هذا شنو قابل مات خل احركه
براء : علي امشي ننهزم العالم اجت كامت تلتم
علي : انطيني ايدج وخل نركض
وصلنه للبيت واحنه فحطانين وبراء ترجف وتبجي وعلي يرجف ووجهه اصفر
ام براء : يمه شبيكم وجههكم صفر شصاير احجو  لا علي ولا براء يحجون
الوو
ابو براء تعال للبيت بسرعه ....... مادري شبيهم براء وعلي بس لا صايرة مصيبه
ابو براء: خير شكو شبيهم... علي تعال بابا احجي شصاير
علي : بابا والله مو قصدي اسوي هشكل بس هو جان يجر ببراء وبراء تبجي وخايفه تحارش باختي وضربته بس مو قصدي
ابو براء: شنو مو قصدك هاي هي ابني لازم هيج تحمي اختك
علي : بابا مو اني دفعت الولد ويمكن مات
ابو براء : بصرااخ شلوووووون مااات الله ياخذج براء ويخلصني منج يااعار
براء: بابا اني شعليه والله جنت مدنكه وامشي
ام براء : ابو براء يبوووو الحك الحك هدووو علينه
براء : يمه هئ هئ تعالي يمي
ام براء : لا لا تطلعون لا انت ولا علي..... قفلت ماما الباب

في باب بيت ابو براء
طلعووو للقاتل طلعووو راح نحرك البيت عليكم يله
ابو فلاح وابو مازن وابو قيصر جوارين بيت ابو براء شافو الهوسه ركضو عليهم
يمعودين صلو على محمد مو هيج شصاير عدكم انتو اهل عشاير
ابنهم قتل ابنه ولازم ناخذ بثاره
ابو فلاح: انا لله وانا اليه راجعون البقيه بحياتكم وموهيج تؤخذ الامور
ابو مازن : صلو على محمد وتوجهو لبيتكم راح نجي ناخذ عطوه منكم
ابو قيصر: والي تأمرون بي احنه حاضرين.

بعد ان ذهبو  دخلو لبيت ابو براء جيرانهم واصدقاءه ابو فلاح وابو مازن وابو قيصر
ابو براء: تفضلو تفضلو رحمه الله والديكم دفعتو عنه بلاء الله اليدري شجان سوو
ابو قيصر : ابو براء انت اخونه مو بس جار وعشرت عمر احجينه شنو الصار
ابو براء: وهو مدنك راسه كله من ورى هاي براء هاطولها وسوتنه مصيبه شكبرها
ابوفلاح: لا لا ابو براء مامرخوص تحجي عليها هاي بتنه وتربيتنه واخلاقها محد يكدر يفتح حلكها عنها
ابو براء : الي صار البنيه راجعه من المدرسه ومتعرضلها ولد بالطريق وضال يجر بيها وهي تصرخ ماكو احد بالشارع وشافها علي اخوها تضارب ويه الولد وداتفعه بالكاع والولد على اثر الوكعه فارق الحياة
ابو مازن : لاحول ولاقوة الا بالله مانعرف شنكول من حقه علي السواه يدافع عن اخته
احنه راح نحول يمهم وناخذ عطوة ونروح للفاتحه والله كريم
ابو براء : ماعرف شلون اشكركم على هذا موقفكم وكفتكم ويايه
ابو مازن: لا بالعكس احنه اهل منطقه وحده والجار اهم من الدار
طلعو جيران ابو براء
ابو براء: وهو لازم كيبل وينها وينهاااااا اليوم اموتها واخلص منها
ام براء: وهي تبجي هئ هئ عوووف بنتي لبنيه تخربطت
ابو براء: يارريت لو تموت واخلص منها ارتاحيتي هسه كتلج بطليها يااامرة شوف عنادح وين وصلنه

في بيت المقتول بيت ابو حسام ااااي طارق الي انقتل يصير اخو محمد ابو المكتبه الصغير
ام حسام : يمه وليدي راح مني يمه احااااه ياكلبي دفنوني وراه
محمد: منوو الي كتل اخويه لازم اكتله واشرب من دمه
حسام : امشي محمد ابن عمج جاسم يندل بيتهم خل نروح اني وياك وولد عمي ناخذ ثار اخونه
عمهم ابو جاسم: ولدي اكعدو خل ندفن وندز كوامه الهم
حسام ؛ لا عمي ماكو لا كوامه ولا عطوة الدم بالدم يله امشو شباب
ابو حسام: خويه روح وراهم لا تصير بحر من دموم
ابو جاسم : رايح وراهم راح ارجعهم
   ابو حسام : الحمد لله من رجعتهم
ابو جاسم: راح يدزون ناس تاخذ عطوة واحنه ندفن وتخلص الفاتحه ونفصلهم

في بيت ابو براء
ابو براء: راح اخابر اخويه ابو ريسان الي بالعمارة
الووو ابو ريسان
ابو ريسان: هلا خوية شلونك العايلة شلونهت
ابو براء: بالظيم ياخوية مصيبه طاحت على راس اخوك
ابو ريسان : لا اله الا الله خير خوية كول واني اخوك
ابو براء: علي ابني كتل واحد
ابو ريسان: اناغلام ابوي شلووون كتله وليش
ابو براء حجاله القصه
ابو ريسان: عفيه بالسبع حزام ظهر اخته ربيت ونعمه التربيه
ابو براء: شسوي انطيني حل
ابو ريسان: خويه اني راح اطلع كون يمك ب3 الفجر وعليوي يحضر روحه السيارة الجيبني تاخذه للعمارة آمن اله لحد مانحل السالفه
ابو براء: اااي خوية هلا بيك.... بعد انتهاء المكالمه
علي علاوي
علي: وهو مدنك راسه هاا بابا
ابو براء: ليش مدنك راسك انت رجال والرجال مايدنك والسويته مو غلط دافعت عن اختك والي صار قضاء وقدر مو متقصد تكتله انت زين بابا
علي : ان شالله بابا
ابو براء: ابني حضر روحك راح يجون ولد عمك ياخذوك للعمارة
علي : صار بابا راح اجهز غراضي
ام براء : ها يمه شكالك ابوك
علي : راح يجون ولد عمي ياخذوني للعمارة
ام براء : ااي يمه روح احسلك هناك ديربالك على روحك
علي : يمه براء شلونها اشو مالها صوت
ام براء : يمه شلونها قابل بس تبجي عيونها ورمت من البجي وخوفها عليك
علي: راح اروحلها اشوفها
ام براء : روح لاختك انتو واحد محتاج الثاني هسه

في غرفه براء
علي: براء كافي تبجين
براء: علي هئ هئ امووت روحي اذا يصير عليك شي كله من ورايه لو مبطله من المدرسه ولا هذا الصار
علي: كافي البجي مايغير من الصار اني راح اروح للعمارة لحد ماتنحل المشكله
براء: ديربالك على روحك وان شالله تنحل
وصل عمهم ابو ريسان ويا ولده 3 ريسان الجبير بقه ويا ابو والبقيه اخذو علي وراحو للعماره
بقه عمهم حتى يحضر الفصل