رواية أخترتك بنفسي الفصل العشرون 20 - بقلم Chra

# أخترتك_ بنفسي 20 والأخير

اذا اشوفك اموتك بوس
واكسر ضلوعك بحضني
اجرحك بالغزل واشفي غليلي بيك
حتى اتوب بعده وماتفارقني حبيبي
احرمك من حياتي
انا ناوي اليوم
مثل ماانت منك ناوي تحرمني
واجاوز عليك
اجاوز عليك باصعب الكلمات
اقلك روحي عمري قلبي
ومنو اليمنعني
لازم تنتهي قصة عذابي وياك
ياقتلك بحبي ياانت تقتلني
حبيبي.

مازن : أبويه طلب مني بعد ماعذرا جابت ولد ارجع اعيش وياهم ميكدر على فراق ابني ابويه وعمي كل واحد كاعد وبحضنه حفيده.

رمزي : حالتي المادية صايرة أحسن كله بفضل دعوات والدي وأمي وصبر ليلى حبيبة الطفولة  سوينا عملية لابويه تحسنت حالته ورجع مثل قبل عايش بسعادة .

ميادة : راح نسافر لأمريكا قدمنا اني وجلال على دراسات عليا وأجلنا موضوع الجهال عمتي ام جلال راحت تعيش مع خالي أدهم.

نسرين : رجعني أدهم بعد سنة شفت الويل بيت أهلي البيت اللي أشتريته بفلوس أدهم والاثاث اللي جنت أشتريه ويا أثاث بيتي وأدهم جان يدفع وميحجي  والفلوس اللي جنت أخذها من خزانة أدهم بدون ميدري أنطيها لأمي تشتري ذهب لو تسافر أشتريت سيارة وزوجت اخويه الصغير اللي هسة يروح ويجي يحجي عليه ويرزلني كدام زوجته وهي تضحك عليه صرت خدامه الها ولجهالها واني ولايوم اهتميت بجهالي معتمدة على الخدامة رجعني أدهم بعد مارحت توسلت بيه وبخواته بس بشروطه اللي جانت نهايتي وياه.

أدهم : خطبت داليا للمرة السابعة أمها متقبل علمود نسرين رحتلها البيت كعدت وحجيت ويها فهمتها علاقتي منتهية بنسرين من سنة رجعتها علمود جهالي وبس أني راح اصير ملك لداليا .أتذكر نسرين جتي تتوسل بيه مكسورة مو هاي اللي لسانها أطول منها شصاير بيها لابسة مستور وعينها بالكاع توسلت وليان جانت تبجي وتبوس برجليه حتى أرجعها أضطريت ارجعها كتلها أنتي بحالج واني بحالي اني أحب داليا وراح أتزوجها وانتي بنفسج تروحين تخطبيها من أهلها وتعتذرين منها ومن خواتي جهالج انتي تهتمين بيهم الخدم يطبخون وينظفون حتى بالغلط متوصلين لغرفتي افتهمتي واي شي تردينه أم جلال مسؤولة البيت البيت بيتها انتي مجرد ام الجهال وبس لاتدخلين بشي ولا تحجين كلمه ماريد أسمعها منج تحرمين عليه ليوم الدين افتهمتي ومن ذاك اليوم هي بصوب واني بصوب ياريت من زمان مسوي هيجي وياها جهالي نفسيتهم تحسنت نطلع نتونس نسافر وأختي ويانا بكل شي . بحفلة دالي الصغيرة أختي سوتلي مفاجأة صاحتني اريدك بموضوع الحفلة جانت بالحديقة اني رحت للداخل شفت حبيبة كلبي واكفه بكل جمالها واناقتها مااعرف اباوع احضن ابوس اخطفها كتلها شسوي بيج هسة شلون اطلع قهري بيج .

داليا : أدهم لاتقترب مني اتوسل بيك مراح اتحمل اروح وابعد عنك مرة ثانية خلينا واحد يشبع من شوفة الثاني بس من بعيد قربك يموتني

ادهم : أحبج ويا كل نبضه احبج ويا كل همسة احبج للموت أكوللها وهي بحضني بقينا نحجي ساعة أكثر شي جان على موضوع نسرين وبعدها كتلها داليا راح ارجع أخطبج من جديد اذا اهلج رفضوني وانتي نايمة اني خاطفج ولايهمني شي بعد .

داليا : أدهم انت دتعلقني بأمال جديدة أخاف أحلم وميتحقق أصحى على واقع مر نسرين متهمني أني نسيتها وشايلتها من بالي انت الأهم حتى لو رجعتها اني ماكون سبب بغضب رب العالمين منك صح أحبك وصعب عليه تشاركني بيك بس مااحملك ذنوب راح أوكف هالمرة بوجهه اهلي أعرف انت سعادتي من الدنيا لو انت لو أدفن شبابي .رجعنا للبيت طول الطريق ابويه ودادا يحجون واني كاعدة ابجي بسكوت حتى ميحسوون بيه وفعلا بعد اسبوع رجع ادهم طلبني كالو نرد عليك صاحني ابويه

ابو مازن : بنتي ابو ليان طلبج مني وهاي اكثر من مرة شتكولين

داليا : نظرات امي تقهرني بس هذا الحل الوحيد كتله بابا اني موافقة

أم داليا: اني واخوج راح نتبرى منج افتهمتي وماكو زواج كعدي على كلبي عانس احسن من تتزوجين نص رجال مراح يكون الج ابد لوحده عندج شريكه .

ابو مازن : خلوها تقرر صح احنا عاداتنا نتزوج اكثر من مرة بس مو كل رجال يكدر يعادل بيناتهم بنتي فكري بهدوء لاتنفعلين

داليا : اتمنى متوكفون بطريقي سعادتي ويا أدهم بابا اني موافقة وهذا أخر كلام طفر خالد على راسي راد يضربني لزمه مازن وابويه

ام داليا : أرتاحيتي هسة خليتي أبوج يضرب أخوج الله  ينتقم من أدهم مشفنا راحة من يوم اللي عرفناه وانتي بعد لاتكوليلي ماما روحي خلي خوات ادهم يصيرون امج.

أدهم : طلعت روحي يالله أنطوني الموافقة مجنت اعرف شسوي واخيرا راح أخذ حبيبتي قررت مااطول بفترة الخطوبة أسبوع ونسافر نتزوج خابرتها تعالي كرصيني ولج ممصدك يعني باجر راح تصيرين حرم أدهم .

داليا : ابويه رجع موافقتي على أدهم كلهم فرحانين ماعدا امي وخالد ميحجون ويايه بس دادا واكفة بصفي رتبت حالي بالبيت مقبلت امي اروح للصالون ولا أشوف ادهم وافقت بس المهم نتزوج ونخلص جمعتهم خواتي وبنات عمي ليلى وميادة كتلهم اريد اسوي سهرة نسوان ساعة 11 رحت حجيت ويا ادهم رجعت مباقي بس ميادة وينهم😤

ليلى : استقريت بحياتي نسيت جرحي ودست عليه أحس أتخذت قرار صحيح متخليت عن رمزي لأن مستحيل جنت اكدر  ابدي حياة جديدة مع شخص ثاني لازم نسامح وننطي فرصة للي نحبه ابني مالي عليه الدنيا من انام بالليل بحضن رمزي ويغمرني بحنانه أنسى همومي وتعبي .

داليا : رحت بست ايد امي كتلها سامحيني مو بيدي صبرت وحاولت مكدرت أمحيه أحبه مو بيدي راح أروح لغير بيت باجر ومااريد أدخله بدون رضاج

أم داليا : الله يحفظج وينور دربج مردت تشوفين  اللي شفته بداية حياتي أنذليت اهواية لحد ماصار عندي خالد بس يمكن هاي قسمتج خليج دوم عاقلة وديربالج من رجلج أني أم متعرفين شعوري لحد ماتشيلين طفلج بحضنج .

أدهم : كاعدين بالكوفي شوب ميخلوني أخابر داليا كتلهم اريد انام

جلال : عيب خالو من هسة تنام لو داليا تعرف يمكن تتراجع راح تكولك ماريد عجوز تعود على السهر خالو باجر عرسك.

احمد : شنو رايكم نروح للجم وراها نسبح .

داليا : جمعت البنات وقفلت عليهم الباب لايفلتون مثل ليلة خطوبتي كتلهم كل وحدة بيكم تكوم تركصلي وتغني مقطع مقصرت بزواج وحدة منكم اتونست اهواية وياهم كومة اكل جانو جايبين وياهم مخلونا نسوي شي بيتنا خليت ليلى وميادة يباتون يمي وقفلت تليفوناتهم كمت اني اركصلهم واغني واحشش اكول لميادة باجر راح العب بخالج لعب واصيح أدهم ناويالك على نية واضحك الخبيثة جانت تصورني واني ماادري.
خالد : داليا سامحيني اني جنت مسحور اهواية اذيتج وضربتج  وأهوايه أذيت امي وحتى مازن الله يخليج سامحيني أني طلكت مرتي والله أستجاب لدعاوي امي طلعت متخلف عقيمه شفتها تطلع من بيت واحد ساحر هي وامها  موتتها من الضرب وأخذتها لبيت اهلها واني جيت اباركلج راح اسافر اروح أشوف مستقبلي .

داليا: الحمدالله خالد اخيرا فتح عينه وشاف حقيقة زوجته سامحته ودعتهم ورحت للفندق حتى أتحضر للعرس بعدني مااعرف شي عن أدهم المجرمات ليلى ونور ماخذين تليفوني كلبي يدك سريع من الرهبة راح يدخل أدهم حتى نصور بعدها نروح للزفه الثواني صارت ساعات .

ليلى : شكلج يخوف ههههه وين لسانج اسوي هيجي وهيجي شوفوها بنات شلون متوترة هاي بعدج مشايفته لعد بالليل شتسوين اكولج ساعة 7 الصبح اني على راسج أجي أتريك يمكم واخذ الاخبار .just me

ميادة : والله اللي يشوفج البارحة ميعرفج اليوم صدك وين لسانج لاتخافين خالي ميسوي شي برىء . على فكرة بارحة صورتج ودزيته أله يمكن هسة هو يخاف منج هههههه.

ادهم : متوتر اهواية مو مصدك راح ينتهي مأساتي وينفتح ابواب سعادتي اليوم راح اختم حياتي ويا روحي مشتاقلها طول الليل جنت اباوع على الفيديو وأعيده مع العلم منبهه عليها لاتركص ولا تغني كدام احد اني ألج حجزت غرفة بنفس الفندق اللي نسوي بيها حفلتنا طلبت منهم يرتبونه خابروني انزل يم المصور داليا تنتظرني اهناك وصلت فتحولي الباب عيني على الكمر الواكف كدامي هنيالي بيج بست راسها محجيت شي نظراتي تعبر.

داليا: شفت ادهم راح الخوف والتوتر كلت لروحي داليا هذا ادهم اللي أخترتي بنفسج هذا حقيقة مو جذب حلمج تحقق من باسني حسيت أنولدت من جديد طعمه يختلف كدام الناس وحلالي بدون خوف كملنا تصوير جان بالبداية خجلان بعدين تعود على الوضع . رحنا للقاعة كلشي حلو وفخم اشوف الفرحة بعيون أحبابي  جانت شعوري متنوصف مخليت بنفسي شي ركصت وغنيت بالأخير ودعتهم بديت أبجي

ليلى : حبيبتي وفري البجي لبعدين هسة ضحكي .
داليا  : دا أبجي من الفرحة تخلصت منكم راح أروح ويا أدهم ههههههه😆

أدهم: صعدنا لغرفتنا شفتها وكفت عبالي خايفه شبيج حبيبتي ليش متمشين
داليا : حبي شلون أمشي وأنت موجود شيلني كام يضحك كتله شيل بعدين اضحك شفت السويت يخبل بالونات بأسمي وأسمه شموع ورود بعدني بحضنه صدك محظوظه من أخترتك بنفسي حبيبي وعمري .

ادهم : كسرتي ظهري هسة نزلي بعدين تعرفين محظوظه لو لا شغلت اغنية رومانسية ركصنا سلو عليها مبقينا كلمه غزل مسمعناها لبعض كتلها دالي انتي وعدتيني تبدلين كدامي من نتزوج 😉 هسة نفذي وعدج اليه

داليا : عمري صح وعدتك ومناسية ومو خجلانة منك ولا خايفة لأن أنت حلالي وحبيبي أنت اثبتت حبك اليه بهواية مواقف أنت انطيتني كل اللي اريده واني ملكك هسة  😍😘😍😘😘😍😘just me

أدهم : دلو كومي حبي مشبعتي نوم خرب بعرضج شلون ليلة رومانسية سويتيلي نايمة للصبح كومي قبل ماارجع بكلامي متجاوبين مو زين راح اكوم اغسل واطلع .
داليا : وين رايح تعال ارجع منو كالك كوم مو متفقين نكوم سوية بدينا نشتكي صارلي ساعة نايمه يامجرم مصار 24 ساعة سوية طلعت وجهك الحقيقي كتلك مافي نوم بعد اليوم ألا بحظنك حبيبي .

ادهم : رجعنا من شهر العسل داليا سوتها شهرين متريد ترجع يوميه أخابر جهالي واحجي وياهم مرات أخاف أحسد نفسي من السعادة اللي اني بيها وصلنا شلت هم داليا شلون راح تتصرف بالبيت بوجود نسرين كلما اريد افتح وياها الموضوع اخاف تفهمني غلط على حظنا جانت بأستقبالنا حجيت وياها برسمية بقيت يم الجهال داليا راحت لغرفتنا .

داليا : قضيت احلى أيام ويا ادهم كل يوم أحلى من قبلها أغار عليه بشكل جنوني اريده اليه وحدي كلما يخابر جهاله اخاف يحجي ويا نسرين او يحن الها مرات أكعد بحضنه من يحجي وياهم راقبته أهوايه حتى بالغلط ميجيب أسمها كدامي اول مارجعنا جانت بأستقبالنا سلمت عليها برود كعدت شوية ويا الجهال وام جلال رحت لغرفتنا بقيت اراقب ادهم شفته ولا يمه وجودها ارتاحيت اول مادخل للغرفة بسته وحضنته اكوله انت اليه وحدي مااقبل أحد يشاركني بيك .
ادهم : جنت اتمنى اروح ورا داليا للغرفة بسرعة ام جلال جانت تحجي واني بالي يم دالي اخر شي كالت روح ارتاح مثل واحد ممصدك ركض على الغرفة بقينا واحد بحضن اللاخ لحد الليل كمنا طلعنا برا واخذنا الجهال ويانه يتونسون طول الطريق أيدها بايدي وأني أسوق اشوف الفرحة بعيون جهالي مرتاحين اهواية نزلنا حمودي شاف وحدة شايله طفل  أشر على داليا يمتى تجيبيلي اخ جاوبته عيب ابني وأغمز لداليا.

داليا : صار على زواجنا 6 اشهر حللت طلعت حامل خايفة من رد أدهم يكول ماريد شي يشغلج عني اريدج اليه روتيني أكوم من النوم أتريك ويا أدهم وأودعه يروح للشغل ارجع انام لو اكعد اقرا كتاب احجي ويا اهلي ويا ليلى يرجع نغسل سوية ماكو غسل لوحدنا كله سوية نتغدا ونام مرات نطلع بالليل مرات نتعشى بالمزرعة كل اسبوعين اروح يم أهلي يومين وارجع كوة يخليني ابقى يمهم الطبخ والتنظيف على الخدم هو كال من اول يوم اني اريد منج بس تهتمين بيه ماريد منج شي لا تنظيف بيت لا طبخ ماعدا ملابسي وغرفتي اني انظفها ام جلال مسؤولة البيت اما نسرين كاعده بزاويه طول اليوم متحجي شي لو تطلع ويا جهالها كلامي وياها قليل حضرت غرفتي اشتريت بدلة طفل رجع كالعادة غسلنا جان يجفف شعره حضنته أشرلته على البدلة مفتهم خليت ايده على بطني كتله متريد اخوان لحمودي .just me

ادهم : من دخلت داليا لحياتي كلشي بيه اتغير نفسيتي وحياتي وشغلي حتى جهالي صار بيتنا مثل الجنه اتمنى اخلص الشغل حتى ارجعلهم من وكت رجعت فاجأتني طلعت حامل شلتها واني ادور بيها الغرفة ممصدك أبوسها من كل مكان وأردد واكوللها الله وفقني وأختاريتج بنفسي.