رواية أخترتك بنفسي الفصل التاسع عشر 19 - بقلم Chra

# أخترتك _ بنفسي 19

لا توعديني .. عذب الصبر ذاتي
والبعد حالي مع عنا الوجد سله

اشكي الجفا لك .. ما شفيتي شكاتي
الوعد الأول للقا .. فات حله

يرضيك يصبح شملنا للشتاتي
يرضيك نرضي كل نفسٍ مغله

يرضيك لا فرحوا بهمي عداتي
واقفوا يقولون .. الغضي عاف خله

ردي علي الصوت .. يكفي السكاتي
قولي لغيرك ماهفا القلب إلا له

أدهم : وكفت سيارتي بالشارع مكدرت أسوق بعد  اللي سمعته من نسرين  حسيت نفسي ضيك كمت ماشوف شي .....

نسرين : رجعت للبيت وهاي الغبية تبجي وخايفة تكولي حرام عليج شمسويتلنا ليش خدعتيني وأخذتيني تفضحيها انتي وحدة جذابة ضربتها وطلعتها من البيت كتلها روحي يازمالة صايرة عميلة لعماتج روحي خلي ينفعوج العجايز.

ميادة : شفت ليان داخله علينا تبجي ولازمه خدها حجتلنا امها شمسوية بداليا كتلهم والله هاي متوب من سوالفها العتب على خالي يتزوج عليها ويكسر خشمها نسيت ليان واكفه ظلت تصيح ابويه راح يتزوج ويعوفني .

ليلى : طالعة ويا رمزي نتمشى شوية منتظرة أجيب حتى نسافر صارلنا فترة مبتعدين عن بعض متفقة من قبل ويا داليا اذا جبت أذبه على راسها واتونس ويا رمزي ونسجل هدف ثاني جان تكول أي ليش لا على الاساس رمزي مكينة هو هذا كوة سويتوها ايا ادبسز أشايفه عليه ذكرتها ضحكت كلت لرمزي السالفة كال والله لو ترجع افضحها شمعرفها أسجل كول لو لا رجعنا شفت داليا كاعده ويا عمتي سلمت عليها حسيتها مو على بعضها استأذنت منهم رحنا لغرفتي شبيج دلو لاتكولين ماكو ليش تبجين صاير شي.

ميادة : ماعندي وجهه أخابر داليا ولا اروح يمها نور راحت ويا أحمد ننتظر ماكو خبر منهم خالي هم ماكو  واكفين بالحديقه شفنا جلال يركض يركب سيارته جان بملابس البيت ملحكنا أمه وكعت وتخربطت كالت أخويه بي شي متاكدة صرت مثل الفلم أكوم خالتي لو أخابر جلال عرفنا خالي بالمستشفى امي راحت تكتل نسرين اشكد حاولت امنعها مكدرت خليت ليان بحضني انتظر ابويه يجي نروح للمستشفى.just me

نور : عرفت اللي سوتها نسرين بأختي بدلت ورحت يمها اخاف تسوي شي بروحها خابرتها تليفونها مقفول حارس العمارة كال راحت وبيدها  جنطة جبيرة يالله وين رايحة اخاف اخابر اهلي تطلع مو هناك اسوي مصيبة ثانية بيها جنت ابجي واحجي على نسرين أحمد يحاول يهديني خايف عليه كتله لو تاخذلي بيت وحدي لو ارجع لأهلي ماتحمل بعد هالحية كافي سب وقذف وأهانات أشايفه روحها جان يحجي بالتلفون كالي راح أرجعج للبيت خالي بالمستشفى لازم أروح ياربي المن اخابر بعد ساعات فكرت اخابر عذرا سألتها كالتلي موجودة يم ليلى .

داليا : وصلت لبيتنا سلمت عادي جان مبين عليه باجيه حضنت أمي كتلها يمه وديني لغرفتي اريد انام تعبانه خافت كتلها صديقتي توفت ماتحمل فراقها موجوعة أهواية ضمتني بقيت بحضنها أبجي على حبي اللي راح يضيع لو على سمعتي اللي راحت نمت لحد العصر رحت يم ليلى كعدت يم عمي أنقهرت أكثر المرض ماكل بجسمه اشكد جان رجال قوي هسة لا حول ولا قوة رجعت ليلى اول كاشافني رمزي ضحك كال منين طلعتيلي انتي اني متحلف بيج قبل شوية جيتي والله جابج ماعرف أشجان يحجي رحنا لغرفة ليلى هي تحجي واني بغير عالم كتلها أني وأدهم خلاص كلشي أنتهى اليوم نسرين كطعت كلشي حلو بيناتنا حجيتلها أشسوت بيا وين انطي وجهي لا اكدر ارجع لا أكدر اداوم متأكدة راح تفضحني بالمدرسة شكول لأهلي سبب غيابي دايخه ماعرف راسي من رجلي شوفي قبلها شجابلي خاتم الماس أشكد أحاول أنزعه ميطلع هو هم مثل كلبي مجلبين بأدهم ميريدون أنزعه واعوفه ظلينا فترة نحجي ونسولف جتي عذرا سلمت عليها انطتني تلفونها كالت نور تريدج أشرتلها ماريد أحجي فتحت السماعه نور تسأل على حالي كتلها بعدني عايشه واتنفس انتظر موتي سمعت صوت ام جلال تبجي وتكولي  أدهم بالعناية المركزة ولج أدهم راح يعوفج ويموت اروحلج فدوة رجعي بلكي يحس بيج ويكوم اسمع صياح وصوت بجي اباوع على وجهه ليلى وعذرا أريد أصيح أملخ نفسي بس مااكدر مربوطه وأرجف أحس بلمسات وصوت أمي وابويه فتحت عيني اني بيتنا بحضن امي اخواني ملتمين عليه اباوع ليلى تأشرلي أسكت سالتهم شصار بيه جنت يم ليلى كالولي وكعتي ومازن رجعج للبيت أنخفاض بالضغط أتذكرت أدهم فتحت عيني جتي ليلى أخذتني من امي

ليلى : مااصدك اكو وحدة مثل نسرين تتبلى وتحجي على شرف البنات بكيفها منطيها وجهه كرهت أدهم اهواية كله منه هي مرة متكدر عليها تريد تجيب وحدة لاخ تطيح حضها كلت رمزي يجيبلنا عشا من برا دخلت عذرا وبيدها تليفون عرفنا أدهم بالمستشفى داليا جانت واكفه سمعت كالت بردانه دقايق وكعت كدامنا لا اني اكدر اشيلها ولا عذرا خابرنا مازن جانت تكول لاتروح لاخليت ايدي على حلكها جبنالها مضمد ضربها ابرة اخذها لبيتهم فتحت عينها خفت لاتحجي شي اشرتلها تسكت عرفت راح تسوي شي بدت تبجي رحت اخذتها من حضن امها همست بأذنها مابيه شي سكتي لاتفضحين نفسج كافي اللي صار  .

أدهم : طلعت من المستشفى بعد ايام بالي كله يم داليا اسمعهم يحجون لا اجاوب ولا اعرف شكو ماكو سالت على مفتاح سيارتي أخذته من جلال يباوعولي ينتظرون مني شي كتلهم رايح للمزرعة ارتاح ماريد اسمع او اعرف شي خلوني بحالي

ام جلال : عيني رجعت من الموت وين رايح وحدك اجي وياك لو تعال لبيتي مراح اخليك وحدك واللي بالك راح تصير غصبا على الكل بس انت ارتاح ابوس ايدك لاتعاند لايسمع ولايجاوب بشي هذا مو ادهم حسبي الله عليج نسرين الله ياخذج.just me

نسرين : جنت كاعدة مخليه خلطة على وجهي واشرب عصير فرحانه فاتحه اغاني كسرت خشم داليا لو بنت ابوها بعد تبقى أهنا بربوك شفت ام احمد داخله كتلها اشجابج ولج طلعي من بيتي محسيت الا ضربات ودفرات ومسبه اول مرة اعرف هاي اشكد قويه ردت اضربها اخويه اجه كسروني تكسير اخذني رجعني لبيت اهلي كال لأمي هاي جلبه اذا طلعت من اهنا اذبحها بيدي وراها عرفت ادهم بالمستشفى خفت لايطلقني وبعدين يموت امي تروح وتجي تحجي عليه وتضربني مخلوني اروح للمستشفى لأول مرة أحس بالاهانة .

داليا : بقيت اسبوع سألوني على موبايلي كتلهم ضيعته  بالسوك مازن جابلي واحد جديد امي كالتلي أتحضري جاينه ضيوف شفتهم خطابه جايين عليه بينت متضايقه كوة أجاوبهم استأذنت رحت لغرفتي شفت مكالمات من أدهم اول ماشلته
انا حنيت انا انذليت
ارجعلي اتوسل حيبيبي بيك
انا مشتاك يكفي فراك
كلشي بيه يسالني حبيبي عليك
عيوني تشتهي تشوفك
واذوب بلمسة جفوفك
حبيبي من البعد صدك
انا مليت
تعاحضني دفيني
وعوض عمري وسنيني
اموت من الحزن بعدك
اذا ماجيت
كافي ادهم الله يخليك لاتزيدني هم على همي كوة لازمه روحي خليني ارتاح ولو بعدك موت بس اريد اراجع نفسي تعبت حبك كسرني أذا تحبني صدك أهتم بصحتك وبنفسك .

أدهم : دالي بعدج موتي شلون كدرتي تبعدين عني مخفتي عليه اني رجعت من الموت علمودج اريد اشوفج اني يمكم أتوسل بيج لو ماجيتي صدكيني بحياتج مراح تشوفيني أنتظرج عمري.
Just me
ليلى : استأذنت من رمزي أروح ويا داليا نطلع نغير جو متواعده ويا أدهم وصلنا هي راحت وياه واني رحت اشتري ملابس للبيبي أنقهر عليهم عبالي بس اني مريت بتجربة قاسية بالحياة كل واحد لازم يمر بتجربة ياخاسر يارابح.

داليا : صعدت ويا أدهم مبين عليه علامات التعب رحنا لمكان نزلت من السيارة حضنته واني ابجي أثنيناتنا منتهين من العذاب والتعب كعدنا واحد يباوع على الثاني بدون كلام كتله ليش جيت وانت تعبان اذا متخاف على نفسك خاف عليه اموت بعدك باوع على ايدي باس الخاتم .

أدهم :يعز عليّا ما أشوفك
أشلون أعيش بلياك
أنت أعز محبوب عندي
وأنسى روحي و ما أنساك
شوفتج ردت روحي اليه دالي لاتفكرين لحظة تعوفيني راح اروح على ابوج بالليل لازم نتزوج واللي تردينه يصير لاتحمليني ذنب نسرين أني طلكتها متعنيلي شي هسة ومااريد افتح جروحج واذا على الاعتذار لو اتأسفلج منالباجر مراح اوفيج حقج احبج شفت الخاتم بعدها بايدها عرفت متمسكة بيه بعدها بس خايفة نفترق بست ايدها اكثر من مرة..

ليلى : رجعنا وداليا صايرة وحدة ثانية تضحك وتحجي بفرحة ممصدكه واخيرا راح ترتاح كتلها خلي نروح للدكتورة نشوف البيبي رحنا طلع ولد ظلت داليا تحجي على رمزي واني اضحك عليها رجعنا للبيت اشرت لرمزي يصعد للغرفة ويايه شبكته وخليت ايده على بطني كتله حبيبي شراح تسمي أبنك

رمزي : سويت مشروع خاص بيه تعبت بالبداية بس هسة مرتاح ابويه صاير أحسن حجزتله دكتور راح أخذه لتركيا شفت ليلى تأشرلي اصعد أستحيت من اهلي هسة وكتج متشبعين موتيني كتلها بعدين لحت الا أكوم سمعتني احلى خبر احساسي متنوصف كمزت من الفرحة عفتها ونزلت بشرت أهلي رحت على بيت عمي سويت هوسة كتلهم راح يجيني ولد باوعت لداليا على عنادج 😁 فشلني مازن كال بس واحد أحنا أثنين قررنا نطلع سفرة نغير جو .just me

ادهم : رحت لبيت داليا رحبو بيه دخلت بالموضوع حسيت ابوها ضايج شوية.

ابو مازن: أتاخرت أبو حمودي أحنا منطي كلمه لشخص ثاني قبلك نعتذر منك بداعتي تبقى تتعشا يمنا باجر .

داليا : اروح واجي منتظرة ادهم يطلع من بيتنا كلبي يدك سريع شفت مرة خالد تباوعلي بنظرات سالتها شكو خير

مرت خالد : هذا اللي بأيدج  مبين ألماس منين جبتي فلوسه أي يمكن من صديقج لا والله صدك خوش رجال مصادقه واني اكول هاي ليش مو راضية تتزوج أه ذكرتيني شوفي هاي الصور من موبايلي يجوز يحن كلبج وتنطينياه هدية انتي كريمه واني أستاهل.

ادهم : طلعت من بيتهم مادري وين اروح شكول لداليا خلصت من نسرين طلعلي اهلج ياربي شمسوي بحياتي مو راضي يتصافى ويايه دزيتلها رسالة اهلج مو راضين حاولي وياهم راح ارجع انتظر منج خبر

داليا : ردت اموتها على لسانها الادبسز تريد تستفزني شوفتني محادثات أدهم مصورتها من جهازي وتهددني هسة تريد انطيها الخاتم شسوي وياها كتلها هذا كرستال مو الماس واذا ردت أشتري بنفسي مو محتاجه احد يشتريلي مو عيب عليج تفتشين بغراض غيرج هاي تربيتج سمعي ولج ترى افضحج كدام اليسوى والمايسوى لا عبالج متزوجج خالد لسواد عيونج جان غلطان وياج أتستر عليج وهسة مسويته طلي اكيد ساحرته انتو مشهورين بهالسوالف مجاوبت لمت نفسها وعافتني دخل ابويه باوعلي بنظرات عتب مكدرت أسئل على شي .

ادهم : رجعت لبيتي شفت جهالي اشكد مقصر وياهم كاعدين مهمومين شافوني تعلقو بيه يبجون ليان تريد امها تتوسل بيه ارجعها وحمودي يريد يسافر مثل أصدقائه يعاتبني مااحبه كلت لأختي تحضر غراضها وغراضهم نسافر يغيرون جو.

داليا : كمت على ضربات أمي تحجي وتسبني وتلطم ولج شمصخمه ويا من فضحتينا ولج هاي تربيتي تنزلين راسنا كبرتي راسج وكلتي اداوم كوة وافقت تاليتها رايحة لغير شي والله أموتج من الكتل كوليلي من هذا الدايح لا تبررين وتكذبين شفت جنابه شنو كاتبلج الله يعلم شمسوي وياج أبوج يسألج تكولين موافقة والا أخلي خالد يذبحج ياحيوانه كومي أنطيني تليفونج وطلعة من هالبيت ماكو لحد ماتولين وتتزوجين .ياربي أشبيه اني من مصيبة لمصيبة هاي مرة خالد فاضحتني يم امي والله لو تذبحوني كلت لأمي مراح اتزوجه .

ادهم : سافرت ماكو اي اخبار عن داليا رجعت بدت الدوامات ليان صارت صف ثالث داليا مفصولة من المدرسة بسبب الغياب وصلت ليان باوعت اهنا شفتج اهنا جنتي توكفين تنتظرين السايق اهنا شفت ضحكتج ونظرات الشوق بعيونج وين صرتي شلون عايشة بعدي رجعت للبيت نور جابت بنية سميتها دالي اليوم مسويلها حفلة الاربعينية انتظر داليا تجي على احر من الجمر .

ليلى : داليا عايشة ومو عايشة امها مقيدتها بالطلعة والتليفون ممنوع اني اروح يمها ولازم هي تكعد ويانه سويت حفلة طهور لأبني بفندق لان كرايبنا اهواية بيتنا متكفي انطيتها تليفوني تخابر ادهم مقبلت كالت لاتزيدين ناري ماريد اسمع صوته واحترك اكثر خليني عايشه على الذكريات .

داليا : مرت سنة مثل البرق بس على كلبي مثل الموت البطيء اهواية جرحوني جنت يوميه انهان وانضرب من امي وخالد لحد ماابويه رفض العريس اليوم نور مسوية حفلة لبنتها امي تحججت بالمرض حتى منروح علمود لا اشوف أدهم تكول يا أحنا يا ادهم اختاري عرفت ادهم طلبني 5 مرات امي ترفض تكول الضره مرة مو ناقصج شي تتزوجين رجال متزوج واكبر منج ابويه طلب مني احضر نفسي علمود نور متبقى وحيدة بيناتهم رحنا ويا دادا دخلت البيت اللي بيه ذكرياتي ويا ادهم لقاءنا يم الحديقه اهنا دافع عني اهنا حضني أمشي وبكلبي أجر حسرات ياترى ادهم شلون عايش مثلي لو أتعس شفت ليان جتي حضنتني تبوس بيه الله يخليج سامحيني أبوس أيدج بستها كتلها مسامحتج من زمان انتي اختي الصغيرة ماازعل منج بقت طول الحفلة تروح وتجي تبوسني اجه حمودي بسته كتله تتذكرني كال اي انتي داليا الكح امي هيجي تكول عليج كتله روح كول لأمك داليا تكولج ماكو غيرج الكح زين حبيبي😛

ادهم : جنت اراقبها من الشباك هي متشوفني بس اني اشوفها سمعت صوت نسرين هلكد تحبها أدهم كتلها هي حياتي وموتي