رواية أخترتك بنفسي الفصل الأول 1 - بقلم Chra

الساعة 5 فجر ياربي ألمن اخابر وأخبث عليه اممممم ماكو غير ليولتي.

ليلى الو منو .

غيرت صوتي وياكم برنامج المسامح كريم اختي انتي متزاعله ويا صديقتج وحبيبتج الغاليه ست البنات وتاج راس خطيبج رمزي .

ليلى: الله ياخذج وكعتي كلبي متجوزين من سوالفج متكولين ناس نايمة ست داليا تعرفين هسة ساعة اشكد شنو ماعدكم بيت هههههه

داليا: الله الله من الليل دك سوالف بايخة ويا رمزي عادي عسل على كلبج بس اخابرج تنفجرين بوجهي وبعدين يمتى لحكتي تنامين وخطكم كله مشغول هسة فضيتي شبساع نمتي كومي فزي تعالي ساعديني عدنا عزومة وها عندي الج مفاجأة.

ليلى : يمه أكلتيني صدك ام لسان وانتي شكو احجي ويا حبيبي ناس مضغوطة مني وانتو عزوماتكم متخلص واني شعليه حبي دالي روحي نامي وأنتظري جحا يجي يشيلج من بيتكم بحماره باي .

داليا: ها هيجي متستحين متكولين عم زوجي مسوي عزومه اكوم اروح اساعدهم واسوي جم طبخه علمود رمزي راح يجي للعزومه صدك مو وجهه نعمة انتي ردت افاجئج بس متستاهلين امشي انخمدي.سديت بوجهها وضحكت اعرفها خلال 5 دقايق تجي طيارة أسمي داليا عمري 25 سنة وهاي ليلى صديقتي من ايام الحفاضات عايشين بمنطقه على أطراف المدينة منطقة سياحية شمال العراق ابويه متزوج أثنين عندي مازن وخالد اخواني مازن أخويه من زوجه ابوي الجبيرة هو الوحيد عدها خالد اخويه من امي ورهف ونور خواتي رهف اكبر مني متزوجة ابن عمتي ونور أصغر مني تموت وتتزوج قبلي بس ماخليها هههه بيت عمي بصفناوبيت ليلى صديقتي مقابيلنا من نفس العشيرة همه عشيرتنا مشهورين بتعدد الزوجات عمي عنده 3 بس ابويه خطيه عنده 2 عائلة عمي رمزي ابن الوحيد لعمي امه تركمانية يشبه الاتراك أحلى شاب بعشيرتنا بس مو يمي ماحبه شايف نفسه مغرور عنده 5 خوات .

ليلى : سديت التليفون بدلت على السريع رحت لبيت داليا كلبي من الفرحة بعودة رمزي يفرفح صارلي أسبوع مشايفته احنا اهل المنطقه عاداتنا منسد الباب الرئيسي دايما مفتوح دخلت فتحتلي الباب ام مازن مستغربة اشبيج بنتي ليلى اهلج بيهم شي نقذتني داليا.

داليا. سمعت ليلى ويادادا احنا نكول لام مازن دادا اني خابرتها خلي تساعدنا جاوبتني ولج عيب من الصبح جايبه البنية لونها مخطوف ولايهمج دادا هاي من فرحتها برمزي جريت ليلى بستها احنا هيجي يوميه نتحاضن ونتباوس كتلها بوساتج صايرة سخيفة تعودتي على بوسات رمزي 😛
ليلى : اخ منج اشوف بيج يوم تنسين راسج من رجلج من الحب يمه الحب اخ داليا اموت على رمزي وبوسات رمزي بس لو تجربين تنسين حليب امج 👿
داليا: ولي خايبه اني حبيبي اريده غير شخصية طول عرض جماله يكتل كتل اريده يشبه ابويه برومانسيته ماريد زعاطيط اريد رجال ناضج وعنده هيبة مو بالعشرينات مثل بعض
الناس كاضيها حضن وبوسات 😄

نور : اي انتظري ست داليا جحا راح يجيج بالليل يخطبج من ابوج ولج دروحي تزحلكي خلي اختج تشوف دربها خللتي كافي تخرج وتخرجتي بعد شتردين اخ لو بس يطلبني محسن رأسا اوافق واني مغمضة ونخلف صبيان وبنات حسيت طكه على راسي جان خالد كال شنو صبيان وبنات كتله احجيلهم على مسلسل .

داليا: نور داخله جو أجه خالد اخويه طكها هي لفت السالفة وغيرتها بس مو عليه كتله خالد هذا مسلسل جديد اسمه أحلام لاتتحقق هههههه .كملنا الشغل والطبخ هذا حالنا بالاسبوع اكثر من مرة يصير عدنه عزومة لو بيتنا لو بيت عمي والنسوان يتوزعون ماكو هاي فلان وهاي ام فلان نفس الشي الكل يشتغل بالليل كعدنا احنا البنات كل وحده تحجي سالفة وكلها على الزواج والرجال وفلان جابت وفلانة أطلكت ماكو غيره بين فترة وفترة ليلى تختفي تخابر وترجع سألوني على تعيني جاوبتهم والله منتظرة على أحر من الجمر بس وين ماكو صارلي اشكد متخرجة اني خريجة تربية E وانتظر التعيين .

ليلى : أني عمري نفس داليا خريجة أداب عربي من واني صغيرة ويا داليا بكل شي بس أختصاصاتنا يختلف عندي اخ واحد اصغر مني من كبرت وفتحت عيني كلبي يدك لرمزي أحبه أعشقه هو كل حياتي من صار عمري 15 سنة أعترفلي بحبه جانت عدنا علاقة بس محد يدري بيها حتى داليا بأمر من رمزي صارلي سنة مخطوبة داليا أول ماعرفت اني مخبيه علاقتي برمزي زاعلتني شهر وصلت للموت يالله رضت عني دايما تحجي على رمزي متحبه مع العلم هو أبن عمها الوحيد رمزي عندي خط أحمر بس اخاف من داليا ولسانها ماكدر اجاوبها من تضحك وتصنف عليه اتمنى هي هم تعيش مثلي قصة حب دايما أدعيلها ولو مبقه احد من شباب العائلة والاقارب ميطلبوها بس هي ميعجبها أحد تريد شخص بكد جدي هههه .

رمزي : خريج هندسة نفط متوظف بأحدى الشركات الاجنبية بس بعيدة على مدينتي بغير محافظة اهواية حاولت أنقل لفرع مدينتنا مديرنا ميقبل لان مخليني يمه بالشركة الرئيسية عمري 29 سنة الوحيد لأبويه من 3 نسوان عندي 5 خوات حب حياتي ليلى بنت جيرانا ولو ممقصر بعلاقاتي بس تبقى ليلى الكل بالكل يمكن جمالي السبب وين ماروح الكه وحدة تتحارش بيه صارلي سنة خاطب ليلى ماريد اتزوجها لحد مانقل شغلي اعرف اذا اخذها ويايه اهلها ميقبلون لان شرطهم بالبداية بنتهم تبقى يمهم بس ممقصرين بوسات واحضان ولمسات ماشبع منها ليلى جمالها بدوي تجذبني بكل شي اني عكسها جمالي تركي اخاف اتزوجها وماتحمل فراقها لأن كل اسبوعين انزل يم أهلي يومين وأرجع لدوامي.

داليا : اليوم صارت عركة بيتنا من ورا خالد يريدني اتزوج صديقه أستاذ جامعي متعيين جديد يكول خوش ولد يصلي ويصوم شكوله هذا ميفتهم لعد اني وين من الموضوع مقبلت رفضت رأسا بقى يصيح ويغلط عليه رحت لغرفتنا اني ونور وسديت الباب وبجيت بقيت اسبوعين ضايجه لان حسيت اهلي موافقين لحد ما أجه مازن بشرني بقبولي بمدرسة يبعد عن مدينتنا 4 ساعات واهنا كبت المعركة التاريخيه من خالد وأمي شلون اداوم بمكان بعيد وليش ماتزوج حالي حال بنات عمي واختي وكعدي ببيت رجلج معززة مكرمه من فرحة تعيني مجنت اسمع شيكولون امي تضربني وخالد يحجي عليه وعلى مازن ويكول مدلعيها اهوايه اني ولا يمهم بالاخير رحت حجيت وياابويه بمساعدة مازن حبيب كلبي بالبداية موافق اشلون اروح واجي 8 ساعات طريق روحه ورجعة مازن أقترح يأجرلي بمكان سكن طالبات قسم الداخلي أامن اليه وكل عطلة ارجع يمهم شوية بجي على شوية توسل وبوسات أيد وراس امي وابوية ودادا المناصرة الأكبر اليه عكس امي ميعجبها شي وافقو واخيرا راح أداوم حلم كل بنية تعبت ودرست وكملت كلية او معهد وبتعينها تحصل ثمرة مجهودها .

ليلى : اليوم رمزي راح يرجع من الصبح اني ابيتهم سوينا الاكلات اللي يحبها امهاته 3 وخواته متزوجات ماعدا رغد صغيرة باقية هاي مراسلة اخبار بيتهم لبيت عمها وبالعكس مرات اغار منها تحضن وتبوس رمزي كدامي لو تكوله شيلني على ظهرك وطلعلي لسانها😛 فأضوج يغمزلي يكولي صارلي سنين اشيلج مو بعينج تغارين من اختي 😘رتبت غرفته بايدي نظفت الحمام خليت شموع طلعت هدومه وعطرته حسيت بايد على عيوني اخ من ريحتك كالي انداري بهمس جاوبته ماريد خلي اشبع من ريحتك بعدين امتع نظري بيك بقينا سوية نسينا اهله جوا قفل الباب اندار عليه يحظن ويبوس بصابيعي مرة راسي خدودي ويهمس باعذب كلمات غزل كمت من حضنه حبي روح غسل خلي ننزل كافي عيب كام يضحك .
رمزي : هسة عرفتي العيب لعد صارلج ساعة شتسوين لاتروحين لحد مااغسل ننزل سوية ماعليه والله اذا طلعت من الحمام ماشوفج راح ازعل منج حبي .
ليلى : صدك متستحي ولاتشبع اموت عليك يامنحرف دخل للحمام شفت تليفونات من دالي ومسجات اخر شي جانت كاتبة والله رمزي لو مولدة جان هسة عاطل ادبسز نزلي ترى عمي عرف انتو بالغرفة سويه رديت عليها ميقبل حبيبي وانتي استري علينا يابعد خيتج.

داليا: بيت عمي وبيتنا هوسة من ورا الجهال مسويين عزومة تعيني ورجعه لرمزي اشكد اكول ليلى لاتصيرين سهلة المنال راح يعوفج من يشبع بس ولاتسمع اذا سالفة بيها رمزي أذن من طين واذن من عجين بس اني وراها نزلت جريتها رحنا لغرفتي وجهه صاير احمر شفايفها مورم اني احجي واكول ولج لاتخلين احد يشوفج هاي شمسوي بيج هي رايحه بغير عالم وتتنهد.

ليلى: خليني داليا أخ من الحب ولج ماشبع منه شسوي كل مرة اكول اثكل وأدلل عليه بس اشوفه عيوناته والله اروح هباءا منثورا مو بيدي ياربي تحبين واحد بارد وحجر مثلج لان متعرفين شنو نعمة الحب والعشق .

داليا : والله حالتج طالعه من مصارعه يا عشك ياحب خلي الطبق مستور ليلى أبقي يمي باجر راح أسافر أرتب مكان أقامتي ليلى حيوانه تسمعيني رجعي للواقع راح اعوفج مراح نتشاوف يوميه مراح أحضنج وابوسج مراح اكومج من النوم ماسوي مقالب بيج بس أبقى اشتم واسب برمزي بالتليفون حتى متنسيني شفت دموعها تصب صب وترجف واني وياها كلبنا العزيمة للعزا بقينا نبجي وهي تتوسل ماعوفها مثل رمزي. سافرت ويا مازن قدمت اوراقي بقينا اسبوع بالفندق لحد ماخلصنا الاجراءات طبعا كله واسطات واني جنت ضد هذا شي بس انجبرت رحت على المدرسة اللي اداوم بيها مكانه حلو وراقي حتى الطالبات مبين عليهم العز والمدرسات بس شلون يباوعولي بنظرات كأنما جايه من غير كوكب اعرف بنفسي حلوة واخبل بس مو لهلدرجه كلت لاخويه وهو يكول .
مازن: 30 سنة اعزب عدنا مكتب عقارات ويا ابويه وعمي عايشين بنعمه مو بالي اتزوج حاليا اختي الوسطانية داليا اهواية حلوة احلى وحدة بالعائلة كلش عاقلة وحبابه احسها اكبر مني مرات تحب تساعد وتنصح ولو هي اصغر مني بس دايما استشيرها بهواية امور مرات لسانها تفلت اعبرها الها ماريد اضغط على خواتي لان اعرف اخلاقهم وتربيتهم سويت اهواية واسطات حتى تتعين صديقاتها قبلها تعينوا بقت هي جانت تكول ماريد اتعين بالواسطه اريد بمجهودي وتعبي بعدها عايشة بعالم المثالية بدون متعرف سويتلها اهلي عارضو وكفت بصفها احنا مدايمين الها راتبها سلاحها أجرتلها شقة بعمارة طالبات قسم داخلي سالت أهوايه مدحو بيها من حيث السمعة والاخلاق أتفقت ويا سايق يوديها ويجيبها بقيت اسبوع وياها لحد ماأثثت الشقة ورتبتها الخاتون رحنا للمدرسة جانت مغترة بنفسها صدك هي حلوة ومرتبة كتلها اصلا انتي كدامهم جنتي كلش عادية معرفت فتحت على نفسي ابواب جهنم كالت اليوم مراح نرجع راح تاخذني للمول شسويت بنفسك مازن .

ليلى: من بعد سفر داليا ضاكت الدنيا عليه شلون اتحمل فراقها ردت انقل وياها أروح أهلي ورمزي مقبلو هو رمزي اصلا مزعوج منها يكول تدخل بحياتج وانتي ماعندج شخصية كدامها أكثر واحد جان فرحان ببعد دالي هو .

داليا: رجعت لأهلي جهزت غراض وملابس لو جان عرسي مجنت اشتري هلكد اللي يشوفني يكول باجر عرسها كصيت شعري حفيت حواجبي ووجهي لأول مرة مبقيت بنفسي شي أخذت فلوس من ابويه ومن مازن ومن عمي فلستهم وخليت خواتي وبنات عمي يحضرولي طبخات حتى اخليها بالمجمدة أكل عالحاضر كلش متشوقه اداوم وأبدء حياة جديدة اللي كاسر ظهري ليلى مراح تتحمل بعدي اعرفها واني هم بس قويت نفسي كتلها اكو تليفون وفيديو اشوفج نفسي 24 ساعة مراح تحسين بفراغ مجانت مقتنعة رحنا ويا أهلي طلعنا سفرات وتونست اهوايه ليلى مجتي ويايه جانت قافله على نفسها اقترحت اخذها اسبوع يمي انجبرت احجي وأتنازل لرمزي حتى يقبل تجي يمي بأعتبار مسؤول منها كوة قبل وبشروط أني سايسته قبلت بكلبي اكول والله بس اوصل اضرب بشروطك عرض الحايط ابو الوكاحة.الكاتبة justme