رواية أخترتك بنفسي الفصل الثاني 2 - بقلم Chra

#أخترتك _ بنفسي 2

الفراق حزن كلهيب الشّمس يبخّر الذّكريات من القلب ليسمو بها إلى عليائها، فتجيبه العيون بنثر مائها؛ لتطفئ لهيب الذّكريات

ليلى : سافرت ويا دالي أول ما وصلنا نمنا مثل الميتين تعبنا أهواية صارت الدنيا مغرب كمت شفت كومة مكالمات من رمزي خابرته رزلني رزالة معتبرة متحملت بجيت اول مرة يعصب  ويغلط عليه حجيت وياه شويه هدء عباله متقصده ماجاوبه حلفت جان على الصامت طلب مني اكون وحدي وافتح كامرا مرات يطلب أشياء اخجل اسويها أذا ماقبل يزعل مني يكول متحبيني .

دالي : اليوم أول مرة أداوم بقيت اسبوع ويا ليلى مخلينه مطعم او سوك مرحناله رغم اعتراضها وخوفها من المطي رمزي جنت اخذها غصب لبست كوستم أسود وقميص وردي فتحت شعري اول ماطبيت أستلموني أشكد عمرج متزوجة مخلفه عندج حبيب انواع الاسئلة سطرو راسي سطر والمعاون جان رجال بكد أبويه بس شلون عيون عليه ليزر تحس نفسك كدامه مصلخ جان يكول مبين من جمالج من ياعشيرة ومنطقه انتي مو مثلنا المدينة خانكنه صايرين مزنجرين واني مادري شلون اجاوب مصدومه اول مرة اشوف شايب يغازل غير أبويه لما يغازل زوجاته جانت عدنا 3 مطلقات و4 عوانس والبقية المتزوجات على صفح ميختلطون اول يوم كعدت ويا وحدة اصغر مني جانت اسمها شهد عرفت مخطوبه لابن عمها وهي راح اتصير الزوجه الرابعه ردت بس ارجع للشقه انام . صارت على وجودي بالمدرسه شهرين رجعت خلالها 4 مرات لبيت أهلي صارت عندي صديقه ميادة وشهد ميادة نفس عمري من عائلة غنية بنية محترمة وحبابه مزوحه اهوايه دايما تكولي اخوج خالد يموت شلون جمال ورجوله اكول بكلبي لاتنغرين والله عقله مثل المطي ميعجبه العجب ياريت كل الشباب مثل مازن عزمتنا لبيتهم اني وشهد اخذت أذن من ابويه رحت بيتهم كلش جان جبير امها بكد امي سيدة راقية وبسيطة متحسين عايشة بالعز ونعمة عدها اخ واحد بكد مازن اسمه أحمد واخت صغيرة ابوها تاجر جبير بيتهم بصف بيت خالها ماكو حايط بيناتهم كلش عجبني التصميم بينهم حديقه ونافورات جتي مرية شايفة نفسها وياها طفل صغير دبدوب يخبل استحيت أكرص خده عرفتنا عليها طلعت عمتها وزوجة خالها كوة جانت تحجي وتجاوب اتغدينا اني جنت استحي أكل لان أكل ببطئ كمت بسرعة بقينا يمهم 3 ساعات رجعت لعزلتي أشكد فرحت بتعيني اشكد أحس بغربة واني بعيده على أهلي.

رمزي : صارلي فترة مضغوط من الشغل وقلت روحاتي لأهلي رغم أشتياقي الهم وليلتي أخ منج ومن البعد مديرنا جان عنده بنية حلوة مولودة بالخارج متعرف تقاليدنا وعاداتنا كلشي عدها عادي جانت كوة تتحارش بيه رغم معرفتها بحبي لخطيبتي كل اللي بالشركة يعرفون بيا خاطب بس هي ولا يمها جانت تغريني بكل الوسائل مخلت شي مسوته حتى جانت تتدخل بشغلي وتضغط عليه اجازاتي صارت بالشهر يومين اهواية اعترضت جان الرد الاستقالة واني شغلي فلوسه حلوة اهواية راتب مهندس حكومي مال سنة اني استلمه بشهر مرات أحس نفسي أناني مرات اكول لا خلي أكون نفسي مادام ليلى موجودة ويايه ومتحمله ظروفي بس الشيطان شاطر واني بشر مو ملاك مرات أتجاوز بعلاقاتي ماكدر الزم نفسي أرجع اعاتب روحي ليلى متستحق الخيانة مرات ابرر البعد هي السبب.

داليا: صار يومين رجعت ليلى مو عاجبتني ضحكها  سوالفها قليل أرزل رمزي تكتفي بأبتسامه كلبي يوجعني عليها اهواية سئلتها كالت دوام رمزي متغير جياته قلت خايفه يفترقون بجيت كتلها لاتكولين هيجي انتي تحملتي وصبرتي اهوايه مستحيل راح نزوجكم بأقرب وقت بس خلي رمزي يرتب أموره والباقي عليه طلعنا افترينا بالمول اشتريت ملابس اليه والها من راتبي اشتريت هدية لعائلتي كلها خلصت الراتب اخذت فلوس من ابويه جان يكولي هاي شطلعت هدية على حسابنا ارد أكول انت كريم واحنا نستاهل ابو مازن نكعد بعد منخلص العشا يجوون بيت عمي لو كرايبنا نبقى لحد أخر الليل سوالف وحجي وضحك نتونس أخاف ارجع لوحدتي اتذكر الشقه ارجع من الدوام انام أكوم مرات أحضر اكل مرات انزل اتسوق بالمول وأتعشى ارجع ارتب جدولي وانام ملل مو طبيعي مرات ميادة وشهد يزوروني شهد سوالفها من عهد بيبيتي كلشي عيب وحرام عدها كل ما افكر بنية شابه وحلوة شلون ترضى تتزوج قصاب وعنده 3 زوجات ودرزن جهال تجاوب القسمة والنصيب بس ميادة كالت جابريها عليه لأن هي يتيمه أستغفرالله من ظلم البشر رحنا اني وميادة للمول هي ماعدها سيارة عدهم سايق سألتها شعجب ماعندج سيارة خاصة.

ميادة : حبي دالي صحيح اني بنت ناس طاكين بس كلشي بحدود للبنية ماكو طلعة وطبة بكيفنا سيارة خط أحمر تتزوجين يالله تكدرين وهاي انتي وحظج  ويا زوج المستقبلي اما الملابس نفس شي اكو رقابه من قبل خالي وأحمد .

داليا: اكول ميادة صدك شلون عايشين بيتكم مفتوح على الثاني احنا وبيت عمي نفس شي بس نختلف أكو حايط بينا شلون تاخذون راحتكم صدك بيتكم يفتح النفس ويخبل زوجيني لابوج خلي نتقرب اكثر هههههه.

ميادة : ههههه الله ياخذج ضحكتيني بوسط السوك مدااكدر الزم نفسي ميخالف أخذ أذن من ست الوالدة وميكون خاطرج الاطيب بس ها من هسة العريس عنده كرش وأصلع شتكولين .اما بالنسبة لبيتنا خالي ميقبل نخلي حايط بينا حتى نجي ونروح براحتنا وميخرب منظر الحديقه هو كل صبح يكعد بيه.

دالي: ميخالف اهم شي نتزوج ونفتك من العنوسة اللي تعرفه أحسن من الغريب أخذه لبنان هم شهر عسل وياها شفط دهون وزراعه شعر وأرجعه لأمج اصغر من أخوج وتدللون راح أصير وياكم مرت اب شريرة وقاسية .

ميادة: والله على لسانج الطويل مثل ماليلى تكول لاتنتظرين جحا على حماره ترى أحمد موجود والله كلبه طيب وحلو بس انتي راسج يابس تدورين على العجايز تكولين عدهم هيبة ولج أكسباير صايرين لا هيبة ولا شي .

دالي : ميخالف أنتظر بعدني صغيرة مشفت شي من الدنيا خليني أشبع من راتبي بعدين ادور على جحا بنفسي وماخليكم تركبون ويايه على الحمار. ممكن سؤال محيرني عمتج اهوايه شايله خشمها ومغرورة طبعا يوم العزومة حرجتني اهواية لاتجاوبنا ولا تضحك ويانا أكلت وراحت حتى مترخصت عكسكم طبعها.

ميادة : حبي لا احراج ولا شي هي طبعها هيجي الناس مقامات ميعجبها أحد دايما خلاف بابا على هالنقطة بس ميفيد وياها ابو طبيع ميجوز من طبعه .

داليا : خابرت مازن حجيت وياه كتله يدزلي السايق حتى ارجع لبيتنا لان خطية هو يروح ويجي 4 ساعات طريق صعب يتعب كالي باجر .اوف بكلبي اكول شيجيب باجر واصبر شلون كملت ترتيب غراضي باجر اخر يوم امتحانات نصف السنة وراها عطلة 15 يوم جبت قلم ورقه خططت شلون اقضي العطلة اسافر أتسوك اشتري الغراض الناقصة عندي اجيبها للشقه من اهناك واخلي يطبخولي اكل شهر حتى ارتاح خابرت ليلى بقينا نحجي للصبح كالت رمزي مشغول بكلبي كلت احسن.

كافي نسرين الف مرة كايلج حجي شخصي بيناتنا مو كدام الجهال الناس تكوم الصبح تستبشر بالخير وانتي صياح وعياط ممليتي شلون عايشة انتي ضوجتيني بحياتي روحو حبايبي لبيت خالو ابو أحمد واني راح أحجي ويا ماما لاتبجين بابا لي لي حبيبتي