رواية أخترتك بنفسي الفصل الحادي عشر 11 - بقلم Chra

# أخترتك_ بنفسي 11

أنا نادم على نفسي على يومي وعلى أمسي
على عمري ألتركته بأيدك تعذبه....

وأخيراً اكتشفت إني باسم الحب أنا لعبة
وكل العشرة والإخلاص وكل التضحية كذبة....

داليا : أخابر ليلى ماكو رحت لبيتهم امها كالتلي مسافرة ويا اختي رايحه للعمرة  استغربت ليلى تسافر من غير متكولي يومين اروح واجي هي مو بالبيت عبالك تهرب مني  اكيد اكو شي يمتى قررت تسافر بقيت طول اليوم هالافكار بالي وكلبي مقبوض احس ليلى مو بخير حسيت ابويه وخالد متوترين ومخبوصين يروحون لبيت عمي ويرجعون بسكوت أسال خالد يكولي ماكو شي مازن ماخذ عذراء وامي وأمها لغير مدينه يشترون جهاز نور لاهيه بالتليفون . خابرت ميادة كالتلي راجعين يعني أدهم راح .just me

رمزي : خابرت خالد فهمته الموضوع رتبلي طريقة ارجع بيها للعراق واطلع من المطار بدون مااحد يشوفني وصلت دخلت لبيت عمي وراسا صعدت لغرفة خالد ابويه اول ماشافني ضربني وغلط عليه جاب مسدس راد يكتلني عمي دخل بيناتنا وطلب من خالد يطلع خواته ويروحون برا .

أدهم : كاعد بكوفي شوب ويا جلال واحمد أسمع بيهم شلون يتغزلون بزوجاتهم وفرحانين وياهم مرتاحين واني أتخيل داليا وهي بحضني مادري ليش نسرين متمر بخيالي اني السبب لو هي حتى باحلامي مموجودة شلون أرتبط بشخص ثاني واني عندي عائلة عمري مفكرت لا بالحب ولا بالخيانة ولو هي تستاهل اخونها باليوم 100 مرة من غير تفكير سئلتهم شلون الرجال يحب وحدة ثانية باوعولي 😲

ليلى : فتحت الظرف وياريتني أنعميت ولا شايفة اللي شفته السايق جان ينتظرني محسيت بيه بيتنا يبعد نص ساعه مشي عن الدوام جنت امشي ومااحس بنفسي دموعي تنزل جان يصيحني السايق اكثر من مرة  أشرتله ماكدر اجاوبه يروح امشي  اوكع واكوم احس اطرافي خدرانه نفسي ضيك شريط طفولتي ومراهقتي
تمر كدامي مثل الفلم اول رسالة استلمتها اول حضن اول هدية اول بوسة امشي وابجي ماحس بشي اسمع صوت سيارة اريد كلشي ينتهي وكعت ماحس بالألم ناس تحجي وناس تسال واني مغمضة عبالي انتهيت وراح ارتاح.

داليا : اخويه خالد غصب اخذنا للمطعم شكله متوتر ومو طبيعي كلما نسأله يتنرفز ويغلط علينا يعني مشايفة ولا سامعة هيجي شي عبالك جايي غصب ويانه نور كومي خلي نروح نتسوك لو اظل كاعدة ويا اخوج راح انجلط كملنا ورجعنا ظليت اخابر ليلى اخر شي جاوبت مبين نايمة رزلتها طلعة حركتي بيها شلون تعوفيني جانت ردوودها بايخة مو مقنعة وباردة مو ليلى نفسها ضوجتني برودها سديت التليفون صارت ساعة 2 بالليل ردت انزل اشرب مي سمعت صوت من غرفة خالد حسيت اكو شخص ثاني هذا صوت رمزي وكفت يم الباب.

ميادة : رحنا للمزرعة كلنا خالي جان كاعد وحده مهموم بس يدخن حمودي كال بابا متعارك ويا ماما امي راح تسافر جان يحجي سوالف امه علينا وغلطها وفشارها لو بيدي اروح اموتها هاي شلون عمة رحت كعدت وياه حجينا بمواضيع اهواية بس هو مو يمي أسال بموضوع يجاوب غير موضوع جلال اشرلي استأذنت ورحت.

نسرين : حضرت الغراض اتسوق كومت ملابس الي ولبنتي كلها مال الكبار شورتات مايوهات اليه والها استغليت ادهم رايح للمزرعة خليت الجنط بالمخزن ماريد يشوف شي رحنا للصالون ركبت شعر اليه وسويت تاتو حواجب وشفه وشم على ايدي باسمي اشتريت مكياج عبالك راح اعرس كل مااخذ شي ادعي على ادهم اللي دمر حياتي وخلاني انسانة ميته كل همه نفسه وخواته واني مجرد اله تفريغ شهوات وانتاج اطفال بعد ماكو راح يشوف وجهي الثاني عل شنو مضيعه شبابي ويا هالمتخلف الا اكسر راسه واخليه مايسوى فلس يم خواته .👿

ليلى : ضربتني السيارة كمت ماحس بالوجع كوة وكفوني حتى اروح للمستشفى خلوني بالسيارة اللي ضربني رجال جبير هو وزوجته اخذوني للمستشفى كلش جان خايف عليه لان اني بغير عالم يسالوني والمرة تتحسس وتكشف جسمي تريد تشوف اصاباتي دخت ماحس بشي بس لازمه جنطي بكل قوة صحيت على صوت اهلي باوعت على وجهه ابويه وامي بجيت ياما استغفلتهم جنت اروح لبيت رمزي لو اكتب رسايل ياما انتظرته من يرجع من الكلية نص الليل اطلع من بيتنا بالتخفي نروح نكعد بمكان نتحاضن يالله استاهل اللي صار بيه الله انتقم مني على اللي  سويته باهلي .

داليا : متحملت اللي سمعته دخلت عليهم جان خالد يكوم يريد يطلعني برا وكفت كدام رمزي كتله واني ابجي اللي سمعته صحيح انت هيجي مسوي بليلى ولك خاين حقير لزمته اضربه جان منزل راسه ميكدر يواجهني متحملت نزلت ركض جبت سكين ورجعت هجمت عليه  أصيح الا اقتلك بيدي راح اذبحك ياخسيس احس دفرات على جسمي  وشعري بيد خالد يوخرني من على رمزي وخر مني حقير تريد تستر على هالعار وخر لا اذبحك ويا من كثر الحركة جرحت نفسي بالسكين بدون ماأحس جانت ايدي تنزف اهلي كلهم صعدو للغرفة سامعين صوت صياحي كوة نزلوني اروح للمستشفى جنت انزف بس ماحس بس احجي واكوله ياحقير عديم الرجولة ياممتربي جنت اشتم واسب باهله وهمه واكفين كدامي اخر شي تفلت بوجهه .

ادهم : اخذت عشا جاهز كلت خلي اخذ ويايه حلويات ورود اشتريت هدية لنسرين وصلت حضنتها جانت توخرني شفت وجهها متغير شعرها طولان 😩 محبيت افشلها كتلها بالعافية حبيبتي كلش اضوج من وحدة متصنعة وهسة هاي ممقصرة لا عبه لعب بنفسها شفت ايدها متحملت شنو هذا مراهقة وشم باسمج تردين العالم يعرفون انتي نسرين عيب انتي اكبر من هالسوالف شفتها شمرت الغراض وداست على الورد وصعدت مجاوبتني مستحقرتني خليت الجهال يتعشون رحت لبيت اختي شفتهم مخبوصين سالت شكو .

ام احمد : والله احمد يريد يسافر بارحة اخت نور جارحه نفسها بالسكين ميادة معاندة تروح وياه واني كتلهم ماحب سفر بالليل باجر الصبح نروح كلنا نتحمدالله بالسلامه بس شوفهم محد يسمع من الثاني.

ادهم : جيت ارتاح يم اختي من ورا سوالف نسرين وافعالها زيدت نفسي بهم ثاني داليا ليش من يذكروج كدامي كلشي بيه يريدج احاول اتجنبج تطلعيلي بكلشي من وين جيتيني وخربتي افكاري هسة شلون أتاكد هي بخير شفت موبايل ميادة كدامي استغفرالله من نفسي عقلي يكولي ادهم عيب مسويتها وانت صغير هسة تسويها وانت صرت اب بس ايدي خانتني اخذت الرقم وخزنته بأسم 🌞.

ميادة : جنت ابجي على دالي ممصدكه شلون صار بيها هيجي متأكدة هي منتحرة بس أهلها يكولون حادثة وحالة ليلى غريبة منين طلعت فجأة تسافر للعمره هي مو محجبة اصلا اكو شي غامض لا داليا تحجي ولا ليلى نور حايرة بيهم خطية بس تبجي تكول متت لا افقد اختي خابرت احمد يروح يمها انتظر باجر نسافر جنت اتراسل ويا نور خالي  جان كاعد يمي  سئلني شلون صارت صديقتج هسة حسيت بقلق واهتمام من نبرات صوته جاوبته مو زينة فاقده دم اهوايه

ادهم : هاي مو انخطبت للخارج يمكن نفسيتها تعبانة لو مشتاقه لخطببها اريد اعرف داليا مرتبطة لو لا وهاي ميادة تطلع الحجي بالقطارة متريحني .☺

ميادة : جان اسئلة خالي ورفض جلال اسافر ويا اخويه طيرلي عقلي كتله لا مخطوبة ولا شي اصلا مو مرتبطة باي علاقه جانت معجبه بشخص ميستاهلهاخليت تليفوني وصعدت لغرفتي من العصبيه ماعرف شنو جاوبته