رواية أخترتك بنفسي الفصل الثاني عشر 12 - بقلم Chra

# أخترتك_ بنفسي 12

عدت من بعد الرحيل،
مثقل الكاهل منهك الفكر.
ضائع الأماني خالي الذكريات.

ساقتني إليكي قدماي.
باحثا فيكي عن وجودي.

حبيبتي....
اغفري جنوني وطيشي.
تذكري أياما قضيناها معا.
ضحكات لم نضحك مثلها.
عمرا قد عشناه معا.

وصمت في صمت.
نظرت إليه...
غريب لا اعرفك فقد اختلط عليك الشكل.

داليا : احس بصداع فضيع طلعنا من بعد سين وجيم  من المستشفى عبالهم اريد انتحر كوة خلصنا من الشرطه دخلت غرفتي وسديت الباب ماريد اشوف او اسمع احد بيهم احس كلهم مجرمين اخ ليلى وينج وينج روحي شيصبرج اذا عرفتي تعايي شوفيني شصاير بيه من عرفت الله يساعد كلبج حبيبتي ماعرف شدعي على الجلب الخسيس ياربي صبرني ياربي قويني كدام ليلى شلون ماكوللها عمي وابويه طلبو مني استر على الموضوع لأول مرة يتوسلون بيه ماحجي شي ليلى لازم متعرف دخلي نور

نور : حبيبتي كومي غسلي وبدلي اهل احمد منتظريج جايين على مودج تحبين اساعدج بشي .

ادهم : طول الليل جنت افكر بحجي ميادة مو مرتبطه  حسيت بسعادة  مكدرت امنع نفسي دزيت رساله الها 🌹الصبح قبل مايطلعون خابرت احمد جان نايم كتله راح اجي وياكم اغير جو لان نسرين وليان راح يسافرون ماريد ابقى وحدي وهم اريد اشوف داليا بدلت حضرت جنطه صغيرة اخذت حمودي لبيت ام جلال سلمت على ليان ودعتها مردت اشوف وجه نسرين رحت لبيت اختي حسيت بيهم متفاجئين جنت اعد الدقايق لحد ماوصلنا بس مرحت وياهم لبيتهم رحت للفندق ودعتهم .

ليلى : عرفت من امي رمزي راجع وداليا جانت بالمستشفى مكدرت اخابرها اعرف بس احجي وياها راح تعرف بيه شي واني ماريد احد يعرف بالسالفه غيري خابرني رمزي بعد وكت كلت بكلبي سويت نفسي عاديه بس كوة تطلع مني الكلمات فوك سواد وجهه معصب شلون مأستاذن منه اروح للعمرة مسوي نفسه حريص عليه اني الك ياخاين العشرة احس هسة انولدت من جديد قررت التزم بصلاتي واتحجب جنت اطلع بعد مانصلي ونكمل الفروض ويا الكروب للأسواق واشتري ملابس ساترة صح ماحجي ويا داليا بس كلبي نار عليها .

داليا : ودعت بيت ميادة ورحت على بيت ليلى حجيت ويا امها عرفت قبل ماتسافر  ضاربها سيارة وجانت تعبانه علمود هاي مخلينها تسافر ياريت تكون هاي السالفه ولا غيرها سمعتها تحجي ويا امها بالتليفون امها كالتها داليا هيجي صاير بيها  جاوبت من ارجع اروح يمها ماعندي مجال اخابر سلميني عليها تاكدت هاي مو خاليه بس ننتظر شعدنا وصلت لبيتنا شفت البلوة ردت اصعد ابويه وعمي جانو كاعدين عمي كال داليا تعالي بنتي .

رمزي : نظرات ودموع امي كرهتني بنفسي جنت ماطلع من غرفة خالد اليوم ابويه وعمي اقترحوا يسكتون داليا وينتهي الموضوع مايريدون احد يعرف وخصوصا اهل ليلى لحد ما نتزوج .
دالیا : صعدت لغرفتي فوك المصايب اللي مسويها يريدون اسكت  على الموضوع عباله اذا تزوجها بسرعة ينتهي خلص شفت مسج من رقم  غريب مكتوب حمدالله على سلامتج ركزت على الرقم ماعرفه ردت اخابر خابرتني ليلى .

ليلى : عرفت من أمي اهل رمزي رايحين يمهم طالبين نتزوج خلال هالشهر ماخذين موافقة ابويه محجيت شي بينت  نفسي فرحانه حجيت ويا رمزي طلب اختار فستان زفاف حتى يشتري ميريد ايجار جنت اباوع على الصور حسيت بحاجتي لداليا خابرتها رزلتني رزالة معتبرة حجيت وياها هدت شوية بقينا نحجي بمواضيع كثيرة نسيتها تسالني اخر شي كالت جايتلها مسج كتلها تخابر بلكي تطلع وحدة صديقتها نسينا نفسنا بدت طلباتها جيبلي هاي وهاي ولج كافي داليا يمكن راح يطردوني من الطيارة لو عروسة اكول ميخالف حتى جحا عافج وراح .

ادهم : اول مرة احس بسعادة جنت اسبح متونس  جتني الصبح مسج من داليا تسأل تريد تعرف صاحب الرقم مجاوبتها وراها خابرني احمد كالي معزومين بيت أبو مازن كلشي يقربني منج داليا بقيت اسبح واكرر اسمها .

نور : داليا كومي ساعديني والله انكسر ظهري من الشغل راح اتخبل هسة كفرت كلت لابوج اعزم احمد مصدك عزم عشيرتنا وياهم يعني الواحد ميكدر ياخذ راحته بالله شنو استفاديت حتى خيال احمد مااشوف لأن الرياجيل يروحون بيت عمي كومي فدوة سويي الحلويات اخوج حالف ميجيب جاهز اي شي تريدين انفذه الج .

داليا : قهرني صاحب المسج مجاوبني لفيت ايدي دخلت نور خطية تقهر بس استغليتها كتلها بشرط تبقين وراها تخدميني اسبوع ومتجاوبين احمد ولا تشوفينه اليوم تليفونج يبقى يمي حتى متغشين. Just me

نور :  ماريد راح اروح بنفسي اشتري كلشي ولا احمد .

داليا : بستها حبيبتي روحي غسلي وبدلي اني وعذراء راح نكمل الا اخليج اليوم تشوفين احمد حتى لو نص الليل كملنا جتي ميادة وامها وكومة نسوان كرايبنا شفت مسج من نفس الرقم هم جمال وهم نفس بالأكل محظوظ بيج حبيبج اني اهنا وكف شعر راسي هذا منو لايكون واحد من كرايبنا يريد يختبرني شلون اتأكد اخابر ميجاوبني .عيب كاعد يم ابوج  لاتخابريني. راح اتخبل منو هذا بالليل سالت خالد جنت مبدلة نطلع ويانور نروح للمول حتى تشوف أحمد سألت خالد اليوم منو جان يمكم من كرايبنا جاوبني امشي ولي ادبسز شكو تسالين على الرياجيل .

أدهم : طلعنا للمول رحنا نفتر اني وميادة واختي احمد راح للكوفي شوب أستأذنت منهم رحت للمكتبة عرفت داليا موجودة اهناك شفتها واكفه تكلب بالكتب ومندمجه وكفت وراها بهمس الأسود يليق بك كمزت من الخوف.

داليا: رحت للمكتبه اخذ كتب أسلي بيها وحدتي حسيت خطواط اقدام يمي منتبهت قرب مني همس بأذني متت من الخوف انداريت شفت ادهم اتذكرته من باسني كلش خجلت بس لوبيدي اني اعيده هالمرة .just me

ادهم : من بعد السؤال عن الحال والاحوال عزمتها على كهوة مقبلت ترددت كتلها عيب تردين عزومتي واني اهنا ضيفكم حرجتها كعدنا بمكان هادي اول مرة اكون ويا مرة مو حلالي مجنت اعرف شريد منها او شكول الها شلون ابدي الحوار وينك جلال تضبط خالك باوعتلها يمكن جنت متوتر بالبداية بس نظراتها خلاني ابدي وأسطر الحجي مادري منين جتني هالجرئة كتلها حاب نكون اصدقاء بقينا ساعتين نحجي اخر شي لزمت اصابعها مكدرت أمنع نفسي صحيت من الحلم الجميل على الكابوس تليفوني يرن سحبت ايدي شفت رقم نسرين قفلته بس هي استئذنت وراحت .

ليلى : رجعت شفت رمزي ينتظرني بالمطار ويا اهلي كوة جنت اجر خطواتي لو بيدي ارجع وماالتفت ورايا بس اهلي شنو ذنبهم من شفت اهلي وهو واكف على طرف دمعت عيني هذا اللي خلاني انسى نفسي وتربيتي هذا اللي خلاني اغشكم يااهلي وجازاني بالمثل قويت نفسي حظني ويبوس بيه بوساته جانت مثل السوط على جسمي شفت داليا بيتنا زاد عندي البجي ياما حذرتني منه  ياما جانت تكول رمزي مو راحة جنت ادافع عليه اكوللها يحبني ياريت تلكين واحد مثل رمزي اتحاضنا مابين شوق وعتاب .

داليا : جنت احجي ويا أدهم بين يوم ويوم ماعرف شعوره اليه بس اني كلش احبه واعشقه صرت انتظر مكالماته بكل شوق حجينا جان عادي بين الشغل والحياة اليومية جنت أريد اسال عن علاقته بزوجته بس أستحي اخاف يضوج لو يكولي انتي شعليج اعرف اللي اسويه غلط وما اله معنى بس مو بيدي ليلى اهواية تحذرني احسها كبرت خلال هالاسابيع واتغيرت باجر عرسها اليوم حنتها بالي يم تليفوني بعد لحظات راح يخابرني ادهم😍