رواية أخترتك بنفسي الفصل السابع عشر 17 - بقلم Chra

# اخترتك _ بنفسي 17

صعب السؤال ... ليه نفترق
صعب السؤال ... وين نلتقي
انتى الجنوب .. وانا الشمال ..
ومابيننا .. بحر ..ورمال
لكن نحب .. والله نحب .. وفوق الخيال
... صعب السؤال
ياللي اجمل من كلامي عنك واقرب من سكوتي
آه ياطول المسافه بين احساسي وصوتي
ماهو غريب ... انى اسألك
وانتى انا .. كيف اوصلك
لامستحيل .. هذا الرحيل
من يقطع الصمت الطويل
ويـــدلــنــي .

أدهم : رجعنا من المزرعة صعدت لغرفتي أرتاح منايم طول الليل كاعد ويا داليا يم المسبح مرتين   شمرتها بالمي مقبلت تسبح ويايه جانت كاعدة تباوعلي وأني أسبح  محسينا بالوقت طلع الصبح جتي ميادة فتحت الباب نمت من التعب حسيت بلمسات على ظهري نمت بملابسي عبالي بعدني ويا داليا مفتحت عيني عجبني الحركات جنت اكول بعد حبيبتي محتاجج سمعت همسات نسرين كمت فزيت شجابج أهنا جريت الفراش أستر نفسي عبالك تغتصبني .

نور : بقينا اني وميادة طول الليل لازمين حراسة علمود العشاك يكونون بأمان طول الطريق نمنا اني وهي احمد كوة كومني من السيارة شفت داليا ماكو عرفت موصلها للشقه ولا حسيت من التعب.

ام جلال : ام احمد تحسين أدهم متغير صاير فترة عيونه تلمع اكص ايدي اذا طلع مو عاشك كلما اساله يكولي بعدين احجيلج اخاف يتورط ويا وحدة تطلع اتعس من الحرباية نسرين .

أم احمد : والله صارلي فترة اراقبه بالليل لو طالع لو كاعد يخابر قبل جان يجي يوميا يتعشى ويكعد ويانه هسة قليل اشوفه شفتي شلون ميهتم هسة لنسرين شلون فشلها بالمزرعه هاي  مصغرة عقلها لا والأتعس تحجي يم الناس تكول أهلي غصبوني اتزوج أدهم لو كذبتها المشهورة هي بنت رجال تاجر وأدهم جان فقير من فلوس ابوها صار مليونير اهلها يعطفون على أدهم لأن يتيم .والله اتمنى يتزوج اليوم قبل باجر صارلها 5 سنوات عازلة نفسها بغرفة وهو بغير غرفة صدك ماتستحي  تفتخر  عايشة على نظام أوروبي وهي متندل غير نظام امها.

داليا : خابرني خالد يكولي يمتى ترجعين جايلج خطابة واحنا موافقين متجادلت وياه اعرفه راح يعاند كلت بعد أسبوع ردت بس اخلص منه حجيت شوية ويا امي عرفت السالفة صدك وهي تأييد خالد لأن العريس من أقاربها منين طلعلي هذا هسة وكته شسوي ياربي ماكدر اكول لأدهم هسة عباله متقصدة علمود يطلبني بسرعة وأحنا متفقين بالعطلة شفت ادهم مرسلي صورته وهو نايم يكول تعبتيني يمتى تنورين مكانج بكلبي اكول منو متعب الثاني .

نسرين : حجيت لأمي سوالف ادهم وتغيره جاوبتني ولج عزا بعينج وبعين اللي خلفوج الله يطيح حضج الرجال مبين يعرف عليج وحدة صارلنا سنين نخطط ومستفيدين منه ياثولة طيرتي الرجال بتصرفاتج كومي فزي سويله أغراءات حسني علاقتج بخواته . الله لاينطيني شسويت بنفسي مستحيل ادهم يخوني اني متأكدة صاير عنده برود لان كبر بالعمر رحت لغرفته بدلت وتمكيجت جان مندمج وفرحان من لمساتي ويريد بعد حجيت وياه كام فتح عيونه عبالك شايف جني يلم ويستر نفسه يصيح عليه طلعي برا متأكدة سمعت كلمة حبيبتي كتله اسمع لاتحاول تلعب منا مناك ترى أعرف تخوني احب أكلك هاي الساقطة أكيد تحبك علمود فلوسك يعني لاتغتر بنفسك أهواية راح يجي يوم وتندم ترجعلي تتوسل بيه لاتنسى عفته وأني أغلي من القهر كم مرة يهيني وميريدني .

ليلى: تعبني الوحام اهواية رمزي يداريني من جهه واهلي من جهه سمعت من رمزي داليا جاييها خطابة تقريبا موافقين عليه😩😩😩لا مستحيل داليا مراح تكدر تتحمل وتعوف أدهم خابرت ميادة بلكي الأفندي يحس ويخطبها بدل الرومانسيات اللي مسويها حجيتلها هي هم انقهرت وعدتني تحجي وياه بأقرب وقت هاي شكو هالصياح كوة جنت انزل من فوك شفت عمتي تلطم أبو بيتي راح ولج ليلى لحكيني خابرت رمزي يرجع طلعت من بيتهم حافية لكيت خالد بالبيت من الهبطة كبل ما أحجيلهم وكعت .

ميادة : شفت خالي كاعد ويا امي وخالتي يحجيلهم متعرف على بنية وعنده نية يتقدملها بس منتظر ليان تخلص أمتحاناتها مكدرت اسكت كتله خالي ترى جايلها خطابة وأهلها شبه موافقين ماعرف بلحظه شلون كام وطلع من البيت بقيت وحدي بوجهه أمي وخالتي مرة يسئلوني عليها مرة يحجون عليه ليش مخبية السالفة خفت اهواية عليه خابرت داليا كتلها ترى صار هيجي ديربالج صاير نار.

رمزي : بالكوة لكيت شغل بعد ماجانت الشركات يطلبون ويتوسلون بيه أقبل وأشتغل يمهم صرت مشبوه من السالفة اللي صارت أحلى شي الله عوضني بليلى وهي حامل منتظر يشرفنا ولي العهد أحسب الايام يمتى يجي  خابرتني ليلى تكولي الحك ابوك مات ماأعرف شلون وصلت للبيت شفت الجوارين ماخذيه للمستشفى هو وليلى معرفت منو بيهم التعبان .

داليا : عرفت ليلى بالمستشفى طلعت من المدرسة رأسا سافرت نسيت متواعدة وياأدهم وصلت منتهية من التعب رحت عليها بستها أثنيناتنا نبجي حملها مهدد بالخطر نسيت موبايلي وغراضي بالصالة بالليل رحت بدلت ملابسي تذكرت ناسية موبايلي طول اليوم بالجنطة رحت للصالة كعدت وياهم حسيت لمة بيتنا مو مثل قبل مازن قليل يدخل لبيتنا بس دادا تجي وبالليل ترجع لبيتها وخالد يتأمر على أمي يريد عشى ومرته كاعدة متحملت كتله ليش هي متكوم تسويلك عشى طكتها نواح وبجي حرام عليكم انتو متحبوني تفرقون بيني وبين عذرا والله  راح  أرجع لبيت اهلي لزمني خالد كدامها ضرب ومسبة يكوللها حبيبتي هاي عانس تغار منج 😢  وأمي تهددني اكص لسانج اذا حجيتي لأبوج شي بقيت أسبوع يمهم أستحيت ارجع مبين على وجهي كدمات وأدهم ميحجي ويايه ولا يجاوبني وبالليل يقفل تليفونه  مستغربة شلون مسئل عليه كل هالمدة خابرت ميادة كالتلي مسافر 💔just me

أدهم : حجزت طاولة بمطعم ردت أشوف لخواتي  البنية الي أختارها كلبي يوميه يسألون يمتى نتعرف عليها هي منو وبنت من كتلهم راح أعزمها وأخذكم تشوفوها بالمطعم اتفقت ويا داليا اشوفها هناك خليتها مفاجأة متعرف خواتي راح يشوفوها حتى تتأكد أريد أتزوجها هددت ميادة ونور ميحجون شي كدامها حضرنا نفسنا خواتي عبالك رايحين لعرسي مو للتعارف خابرتها متجاوب دزيتلها اكثر من رسالة هم ماكو خفت عليها خابرت مديرة المدرسة سألت عليها كالت ماخذة اجازة رحت للعمارة اللي ساكنه بيها الحارس كالي طلعت الصبح ومراجعة رحت انتظرناها بالمطعم اكثر من ساعتين متجاوب كتبتلها حبي وينج راح أموت من الخوف عليج طمنيني 😨 أضطريت أرجع خواتي للبيت أعتذرت منهم هي مشغولة حسيتهم ضايجين دزيتلها أكثر من مرة اخر شي شفت كاتبة دروح ولي ياجلب ياحب أني ضحكت عليك أني وين وانت وين اني احب فلان وراح نتزوج 😛مو معقولة هاي داليا مستحيل جانت تلعب بيه رحت على نور كتلها أختج وين جاوبتني رايحه لأهلي  مرديت عليها طلعت اني الج داليا تستغفليني وتضحكين عليه راح أبجيج دم طول الليل بقت تخابر قفلته بعد شنو تخابريني راح انفجر من التفكير معقولة داليا تحب غيري واللي صار بالمسبح وكلامها اني أول  شخص بحياتها كله جذب حجزت الصبح حتى مرحت للشغل أخذت فلوس وجوازي من البيت بدون مااخذ ولا شي ورحت للمطار سافرت لا ودعت جهالي ولا كلتلهم مسافر .يوميا خواتي وجهالي يخابروني ميادة اكثر من مرة طلبت مني أخابر داليا كتلها خلي تشتاق من أرجع أحجي  وياها أكوللها هاي الخاينة خدعتني ولعبت بيا هسة شتريد بقيت أسبوعين ورجعت نويت ارجع لحياتي وجهالي وأسامح نسرين بس مراح اخلي داليا ترتاح .

ليلى : بقيت ايام مقيدة بالفراش أبجي اخاف طفلي يروح مني كلش خايفة أنام وحدي الزك برمزي طول الليل والصبح بأمي وداليا بقت يمي أسبوع وجهها بيه أثار ضرب تكذب تكول وكعت تجاملني وهي حزينة أعرفها متريد تقهرني خايفة عليه.just me

نور : خابرت داليا من توصل تجي يمنا مقبلت حلفتها أم أحمد مسوية عزومة بيناتنا بمناسبة حملي كلش مقهورين عليهم هي وأدهم متغيرين سمعته يحجي لميادة ميريد يشوفها ولا يحجي وياها ماعرف شنو صاير بس مبين السالفة جبيرة وهاي نسرين فرحانة أدهم مشتريلها سيارة جديدة أخر موديل مرتين أخذتنا وياها للسوك جانت تصرف فلوس اهواية مخبلة السايق مالتها كل دقيقة رايحة مشوار .

داليا : وصلت لبيت ميادة مهمومة اهواية من ادهم وتصرفاته هذا حبه وعده اليه جنت اجاملهم وأضحك بداخلي بركان فوك القهر مشتاقتله موت باركت لأختي مهتميت لتفاهات نسرين وحركاتها بس لفت نظري ركبتها وهي كل دقيقة تلمسها هاي شنو سألت ميادة أدهم موجود بالبيت كالت اي نسرين تكول نايم طلبت منها أريد أشوفه حسيتها مترددة الله يصبرني واطلع منا .just me

نسرين : أدهم جان مسافر جنت اخابره يوميا وأصورله الجهال اروح اكعد ويا خواته اعزمهم بيتنا أروح أتعشى وياهم أخويه يكول يارب تبقين هيجي للأبد كلت لبنتي ترجع مثل قبل طبيعيه وتسمع كلامهم أخذتلها تليفون ولابتوب بدون علم ادهم لأن ميقبل يكول بعدها صغيرة  رحت لبيت اخويه مسويين عزومة لنور حامل أخذت حلويات ورود وهدية لنور وأحمد شفت البومه داليا كاعدة كلت خلي ارد اعتباري كدامها ادهم فشلني بالمزرعة كعدت حجينا بمواضيع كتلها ميادة ماعندج لبس نوم أحمر نسيت اشتري اليوم وأدهم منبه عليه البسها اله تدرين ماكدر على زعله .

ام جلال : ليش من يمتى أدهم ينام وياج بالغرفة مو ماشية على النظام مالتج واني حسب معرفتي أدهم يحب ألاسود مو الاحمر 😕 بارحة اصلا جان نايم يمنه يجوز متوهمة عيني نسرين .

ميادة : تصرفات خالي مو طبيعية ميحب يذكر أسم داليا شنو اللي غير حاله قبل أسبوعين يتمنى يلمح طيفها وهسة ولا كأنه وهاي يوميه تسالني عليه كتلها بعدين أشوفلج طريقة تشوفينه سألتها شصاير  تكول مااعرف سافرت وهو تغير  عليه لايجاوبني ولا يحجي ويايه مبينة متأثرة حسيت عمتي متغيرة تجي وتروح يمنه تعزمنا جهالها 24 رايحين جايين قبل بس حمودي يجي هسة ليان كامت تجي وتحجي بأدب الله يستر منها جتي كعدت ويانه بدت سوالفها أشتريت هاي وسويت هيجي  عبالها داليا من عائة فقيرة مشايفه شي تريد تقهرها أخر شي طلبت مني ملابس نوم لو اني بدال داليا أنجلط بمكاني وتشوفنا ركبتها على الاساس خالي ميت عليها أتصور هاي ساحره خالي.

ادهم : رجعت من الشغل بدلت نزلت الخدامة كالتلي  اروح لبيت أم جلال مسوية اكل رحت كعدت جتي رحبت بيه سمعت أصوات وهوسة نسوان والجهال أكلت وحدي شفت حمودي بيده طيارة ورقيه كالي بابا هاي دالي سوتها اليه راح اطير بيها من أكبر اخ منج لاحكتني بكل مكان وين انهزم منج كعدت ويايه اختي .

ام جلال : أدهم مو جنت ناوي تتزوج اشوف نسرين خاتون رجعت لسوالفها صدك رجعت تنام يمها وبكل وكاحة تشوفنا ركبتها وتطلب من ميادة لبس أحمر شصاير بيك يمه احجيلي ليش متغير منو عندي غيرك وجلال  رفعت ضغطي الملعونة مصدكت ترتاح وتعيش حياتك شنو هالحزن اللي بيك قبل اسابيع جنت غير شي وهسة رجعت لنفس موال نسرين والله لو تسوي سوالف قبل وتسكتلها اني اتبرا منك فهمتني .

داليا : طلعت بالحديقة أمي جانت تخابرني وتكول فكري بالعريس ميتفوت متمكن وعايش وحده جنت بس اريد أخلص من الموضوع كتلها الله كريم مو وكتها شفت ادهم يطلع من الباب الخلفي للمطبخ خلصت تليفوني  باوعت ماكو أحد رحت وراه صحته أندار باوعلي بنظرات أسف وحيرة كتله ممكن نحجي راد يرفض كتله وداعة حمودي .

ادهم : حجي اختي لخبطني حاولت أبدي ويا نسرين من جديد مكدرت اسوي شي غير بوسة ولمسة حسيت عيون داليا بكل مكان بالغرفة نسرين حاولت ويايه أعتذرت منها بحجة تعبان ردت انام حضنتني حسيته مثل سلاسل وقيود كمت طلعت للحديقة بقيت طول الليل ألعن نفسي وحبي لداليا راح اتخبل من وراها .كملت اكلي جاوبت أم جلال ضحكت على سوالف نسرين وأكاذيبها كتلها وداعتج مصار شي تريد تقهركم متشوفيني كل ليلة منهزم منها ههههه استأذنت منها طلعت من الباب الخلفي حتى مااشوف داليا لو شفتها راح اضربها بس تجري الرياح بما لاتشتهي السفن سمعتها تصيح بأسمي يامحلا أسمي على شفايفها مردت أحجي وياها حلفتني بحمودي وديتها للمخزن سديت الباب لزمتها من شعرها بستها قوي كتلها شتحسين ها تعرفين شنو شعوري واني محترك بنارج وانتي تلعبين بيه ضربتها وكعت مصدومه سمعيني راح اندمج على اللي سويتي بيه لاتنكرين وتمثلين دور المحبة هاي مو رسالتج  شوفتها تليفوني مو تردين تتزوجين حبيبج شتريدين مني مع الأسف ضيعت نفسي ويا وحدة مثلج .

داليا : متحملت اللي سواها بيه أدهم شفت الرسالة من رقمي تخبلت منو لاعب بموبايلي حلفت مو اني اكو شخص لعب بيناتنا بقينا ساعة نحجي مابين صياح وعتاب اخر شي كتله ابويه لحد الان مضاربني انت ضربتني واهنتني وتكول عليه خاينة هسة أثبتلك خابرت ليلى كتلها ليلى لما جيتج جان تليفوني ويايه لو لا كالت أصلا جنت ابجي وانت تواسيني وتبجين ويايه ساعة 2 بالليل رجعتي لبيتكم سديت منها سمعت ابو ليان لو لا ماعرف منو لاعب بيه بيتنا جان متروس من الناس جايين يتحمدون لعمي بالسلامة موبايلي مابيه رمز 😢 ردت اطلع جرني لحضنه.

ادهم : راح اتخبل من اللي صار  كلش ندمت تسرعت بحكمي عليها جريتها بستها من راسها كتلها سامحيني شفت الموت بعيوني هالفترة احبج والله العظيم احبج وداعت جهالي مسويت اللي بالج ويا نسرين كتلج يا انتي يا لا 😍😘😍😘😍😘😘😍😘.

انا بلياك اذا أرمش الك تنزل ألف دمعة
واذا اتنفس بدونك أحس ويّا النفس وجعة
هذا أنا حالي صار من انت مو يمي
حسيت ضيم الكون مخبوط وي دمي
يا أغلى ما عندي مليت انا لوحدي

نسرين : ضجت منهم اهواية دايما يفشلوني كدام هالحقيرة واختها ويمدحون بيها هي هيجي واختها هيجي يعني انتي مو مثلهم همه أحسن منج استغليت انشغالهم نزعت سواري كلت لحمودي يخليها بجنطة داليا 👿 لازم اكسر عينها كدامهم واثبتلهم منو مناسبين حرامية سويت روحي أدور عليها سألتني ام احمد كتلها سواري ألالماس واكع مني ماعرف وين دورنا هاي جتي رادت تاخذ جنطتها وكع السوار .

داليا : واخيرا تصافينا رجعت استأذنت منهم على السريع جريت جنطي شفت سوار يمه واكع حسيتهم مصدومين ويباوعولي سألتهم مال منو واكعه اهنا جاوبتني نسرين.

نسرين : هاي مالتي صار ساعة ندور عليها ماكو شيسوي يمج .حمودي الغبي ممخليها بالجنطة مخليها يمه

ام احمد : نسرين عيب عليج هاي ضيفتنا شنو هالحجي أخذي جهالج وروحي لبيتج

داليا : لحظه ام احمد شنو تقصدين ام ليان اني ماخذه سوارج لو شنو عيب عليج اني اكبر من هذا الشي ومشكورة على العزومة مقصرتو وهاي اخر مرة أخطي باب بيتكم اما أنتي يامريضة الله يشفيج ردت اطلع مقبلو صحت كافي ماتحمل اهانات رادت تحجي هجمت عليها متحملت صرنا نتضارب اني وياها مكدرو علينا سمعت صوت أدهم دخل بيناتنا ضربها كدامي واعتذر مني هي طلعت راحت هديت شوية شفت نفسي بحضن أدهم والبقية يباوعون علينا😦😲 عدلت نفسي ردت اطلع حلف يوصلني كلهم أعتذرو على تصرف نسرين مرتين ام جلال باست راسي هي واختها خجلوني .

ادهم : جنت أراجع اوراق الشغل جتي ميادة وهي تبجي كالت الحك نسرين وداليا يتكافخون نسرين تتهم داليا ماخذه سوارها  ركضت عليهم   كوة فرقتهم ضربت نسرين كتلها روحي لبيتج هي راحت شفت داليا بحضني واني متمسك بيها من فرقتهم جريتها لحضني بدون ماأحس خجلت من نظرات خواتي يمكن افتهمو هي المقصودة رادت تطلع مخليتها وصلتها بنفسي للشقة طول الطريق اعتذر من تصرف نسرين ضحكت كتلها ولو هي تستاهل بوسة على راسها من وراها  شفت اشياء  حارمتني منها مع العلم اني مشوفج نفسي حتى بعدين من نتزوج لاتكوليلي أنصدمت بيك ردت أنسيها اللي صار بقت تعض ايدي وتضرب بيدها على رجليه واني مستمتع بيها .just me