رواية أخترتك بنفسي الفصل السادس عشر 16 - بقلم Chra

# اخترتك_ بنفسي 16

هيا لنغرس في الدروب زهورنا
هيا لنوقد في الظلام شموعنا

يا واحة الأيام في الزمن الشقي..
إني أحن إلى هواك كطائر

يهفو إلى العش البعيد
و غدا سيأتي بعدنا الأمل الجديد

أنا حائر بين الضلالْ
لا تتركيني في خريف العمر تقتلني.. الظلال.

داليا : أحضرنفسي لعرس خالد اخويه تزوج وحدة أقارب امي أحسها مو راحة تدور مشاكل من اول يوم خطبها سوت مشكله ويا نور وعذراء لان لابسين نفس لون فستانها كالت متقصدين يحرجوني كدام الناس والموضوع جانت صدفه ومن ذاك الوكت متحجي وياهم خالد صاير لعابه بيدها هو من ألاول مجان زين ويانه هسة لازكلي يمتى تتزوجين عيني عينك يكول كبرتي وعجزتي اخاف من صدك يجبروني اتزوج خصوصا امي مترفض لخالد طلب .اتفقنا اني وادهم يطلبني بالعطلة يخاف على مشاعر بنته لاتتأثر بالموضوع بداخلي ضجت بس كلت ميخالف هو اب يريد مصلحة بنته ليلى حامل  انشالله تطلع بنوته وتشبهني وأسميها على اسمي حتى رمزي ينجلط .

ليلى : ولج دلولتي كافي راح أسويها على روحي البارحة طول الليل منايمة من ورا سوالفج انتي ورمزي ترى كبرتوا اكوله كبرت راح تصير أب يكولي داليا شمعرفها اللي بطنج بنية والله اذا تطلع تشبهها أشمره عليها مو كافي وحدة حارمتني منج. اكولج أبو البوس متى ناوي يتقدم لو عاجبه الوضع هيجي اني لو منج أضغط عليه حتى يتلحلح مو كاضيها رومانسيات ترى كبر وراحت عليها يادوب يلحك يسوي طفل او اثنين اخ راسي مردودة عيني تضربين أختج حبيبتج علمود أدهم ميخالف زعلت والليلة ناوية أبات يمج أحرمكم من الرومانسيات شوية نرد من جمايلج علينه نسيتي شجنتي تسويين بيه بالليل حتى ماخذ راحتي واحجي ويا رمزي ياما خربتي علينا الجو جاج الموت يا عاشقه البوس.

نور : حياتي الجديدة حلوة مااحس بالغربة بينهم امي تكولي حملي بسرعة ربطي الرجال لا يكوم يتزوج عليج وهو يكول مو هسة خلي نتونس لاحكين على الجهال العمر كدامنا حياتهم هادئة مو مثلنا احنا اهلنا اهواية بيتنا ميفرغ من الضيوف والعزومات اهنا يختلف ماكو احد أحلى شي من يجتمعون بالحديقه بالليل وهاي مرات أحمد يكول قبل جنا كل ليلة نتعشى بالحديقة لو نكعد نسولف خصوصا ابو ليان بس هسة يكعد قليل كله مشغول لو طالع برا مو بالبيت مرات نروح للمزرعة داليا هم جانت تجي علمود أدهم هي متحجي كدامي بس اني اعرف يمكن تخجل مني شفتهم مرة بالمزرعة جان ادهم لازم ايدها اليوم هم دنروح خابرتها تحضر نفسها لأن احتمال نبقى اهناك بالليل .

ادهم : حبي لازم أشوفج بالليل وحدنا ترى بعدي مناسي لبسج بعرس خالد وانتي حلفتي تعوضيني وهسة اجه الوقت ماحب الديون أحبج أحبج مسويتلج مفاجأة من نروح راح تعرفين انتظر الليلة بفارغ الصبر .أحس نسرين متغيرة تريدني تسويلي أغراءات بحركاتها ولبسها اني اصلا مو يمها تفوتلي للحمام لو تجي لغرفتي بالليل صرت اقفل الباب حتى متجي لان مانام ابقى احجي ويا داليا مرات قبلي تفوت للغرفة اني اغير لبسي واخذ المفاتيح واطلع اروح للمزرعة جانت تكول متغير عليه مو مثل قبل وتبجي اني شمسويتلك اجاوبها ياما وياما حاولت أفتح معك باب الحوار
وإنتي اللي كنتي تغلقيه
ياما وياما إتنازلت
وإتحملت ضيم ومرار
بسبب كل ما تفعليه.

مازن : جنت بالشغل خابرتني امي رجعت شفت بيتنا هوسة وعذراء بالفراش صارلها مدة تشتكي من التعب والشغل لان مرت خالد متساعدها جنت دايما اكوللها تحملي لخاطري هي تسكت ومتحجي بعد سالت امي شبيها اهواية خفت عليها حامل ابني سألت منو حامل صرت 😧 جاوبتني أمك حامل اشبيك ياحظي مرتك حامل اني استغربت لحد الأن مو مستوعب عذراء الخبلة حامل شايلة طفلي رغم تعبها جانت شايلة البيت وهاي الخاتونه كاعده رجل على رجل بدون مااسوي مشاكل ويا اخويه عزلت بيتي اخذت امي تعيش ويايه عدنا مشتمل ابويه بالبداية مقبل شوية شوية رضخ للأمر .

ميادة : جلال مدللني اهوايه شرط عليه اعوف الدوام يريدني اله بس صاير اناني اهواية حاولت حسيت راح اخسره جان مصمم على الموضوع بس احلى شي هسة رجعنا  نعيش بالبيت تصير خلف بيتنا وبيت خالي امي وخالتي تربو اهناك يعني بيت العيلة خالي طلب من بعد تجديده نسكن قريب عليهم ام جلال قبل جانت عايشة بيه ويا جلال بس عزلت بعد تصرفات وحركات نسرين وياها لان خالي جان يهتم اهوايه بيها وبجلال هي جانت تغار ومتقبل تكوم تسوي مشاكل فخالتي راحت سكنت بمنطقه ثانية حتى لا تخسر أخوها . صرنا اني وجلال شغلنا الشاغل خالي وداليا يمتى يتزوجون عرفت من خالي منتظر عطلة ليان .

نسرين : رحت صبغت شعري اسود شفت خدامه بيت اخويه مشغوله سئلتها شكو كالت رايحين يباتون كلهم بالمزرعه فكرت بيني وبين نفسي ليش مااروح وياهم اني بحياتي مرة رحت محبيتها بس احس مخبين عليه شي ومن زمان مخليتهم مرتاحين مني خلي اعرف شيصير من ورايه خابرت ادهم مجاوبني كالعادة رحت شفتهم ينتظرون ادهم كلت للخويه وين على الخير مو مرجية منج ام احمد لاتكوليلي ولا شي جاوبتني هاي الدخيلة وهي تضحك ابو ليان عازمنا 😨اني الكم رحت حضرت نفسي شفت ادهم يغني لابس ملابس حلوة مبين جايي من يم الحلاق حسيت بغيرة ادهم  من يمتى صاير هيجي محلو كتله ابو ليان عيني جايين وياك لاتعوفنا اريد اشوف المزرعة من زمان مرايحين نغير جو سوية وشلون تعزم الناس ومتكول لام جهالك حبيبتك😋

داليا : انتظر نور تمر عليه حتى اروح وياهم للمزرعة اول مرة ابات بالمزرعة خبلت ليلى بالتليفون كل دقيقة اشوفها شي من الملابس اريد تختارلي وهاي تضحك.

ليلى: ام الاحضان ترى هي عزومة مو ليلة دخلة لاتنسين نفسج

داليا: لاتخافين ليلة الدخلة مراح البس شي 😉

ليلى:  عزا بعينج محروك ابو ابوج الله يساعد ادهم من هسة راح احجزله بعد شهر  الزواج علاج طبيعي وراحه نفسيه باحد مستشفيات.

داليا :  طالعة عليج ليولتي اشو حركتي رمزي وعشيرته محجيت شي ادبسز خلى العلاج الطبيعي لزوجج وهسة باي جانا الهوى نزلت ركض ركبت سلمت عليهم وصلنا شفته واكف ينزل الغراض لو بيدي أركض وأضمه نزلنا سلمت عليه حسيته ضايج دخلنا من بعد السلام كعدت ويا ميادة شفت نسرين داخلة وبيدها حمودي اني انتهيت هاي مفاجأتك ادهم افندي ردت اكون طبيعية كوة جنت اجاوب جنت مشتهية اكلات ام احمد سدت نفسي  جانت كاعدة يمه ولا زكته لزك .ردت ارجع اخذت نور على صفحه كتلها حبي اني راح اخابر السايق وارجع ماريد ابقى اهواية توسلت بيه كتلها من اروح كوليلهم عدها شغل دبريلج سالفة

نور : ميحتاج لف ودوران اعرف متحملتي نسرين مو ليش تخبين عليه صح اني اصغر منج بس اني اختج لا ليلى ولا ميادة متكوليلي شنو نهاية هالحب ترى هو غير متزوج اكبر منج همينه فكري بنفسج شوية ومراح اخليج تروحين ابقي نرجع سوية تحملي.

ادهم : رحت للحلاق أخذت ملابس جديدة وعطورات خابرت احمد كتله اروح وياكم لان اني وحدي ردت افاجاء داليا معرفت نسرين راح تفاجئني كتلها مراح يعجبج الجو لا تجين جانت مصرة أضطريت اخذها ويايه عرفت داليا راح تفهم اني جايبها متقصد جنت ارتب نفسي دخلت تتلمس جسمي وتبوس ركبتي وخرتها ذبت القنبلة بوجهي تجي للمزرعه هسة وكتج تجين صارلي سنين أتوسل بيها متقبل على حظي طول الطريق جانت تصور نفسها لو ويايه لو ويا الجهال اعرف راح ترسله للدايحات نظراتها مو راحة حسيت داليا ضايجة مكدرت احجي وياها لوحدنا وتليفونها مقفول تعاندني اعرفها رحنا للحديقة نشوي جانت تحضر سلطات كلما تجي عيني بعينها اغمزلها لو احرك شفايفي أحبج شغلتلها اغنية.

واقول اللى شرب من عينك الاحساس ما يقسى
احبك يا بعد هالقلب احبك
احبك ... احبك ... احبك
ابا اتأسف وانا ما اخطيت لانى بالفعل حبيت
انا سمعتنى الايام ياليتك تسمعي يــــاليت

صعب اصبر على الحرمان
صعب انسى ولو لحظه
لانى عاشق وانسان

كفايه قسوة العالم تعالي
انا محتاجلك دايــم قبالـي.

داليا : يحاول ينسيني اللي مسويه سمعت الاغنية فرحت اعرف يقصدني بيها بس يافرحة ماتمت.

نسرين: شفتهم كاعدين فرحانين وادهم يشوي ومشغل اغاني أستغليت الوضع سويت بث مباشر كلت هذا ابو جهالي مسويلي عزيمة بالمزرعة بمناسبة عيد زواجنا وعازمين كل الاحبه ويانه وهسة هو مسوي باربكيو لأن احبه سمعو حبايبي هاي اغنيتنا المفضلة حسيتهم ضاجو وهو كل دقيقة يكولي سدي كافي واني مستمتعة بالاخير كتلهم عليكم بالعافية اروح ارتاح👿 انداريت على أدهم انتظرك ابو ليان.

ادهم : متحملت نظرات داليا عيونها غركانه بالدموع مو حاسة بنفسها يمكن من الصدمة فشلت نسرين كتلها اني مااتذكر تاريخ زواجنا ومن يمتى نحتفل بيه كبرتي على هالسوالف ام حمودي روحي كعدي ويا جهالج احسن راحت عليج هسة زمن غيرج.just me

داليا : برد كلبي حبيبي والأهم كعد يمي من أتعشينا كل دقيقة لو يطخ رجلي لو يكرصني ميكعد راحة جنت كاتمة صوتي بالكوة لاأنفضح وياه بقينا احنا البنات سهرانين نحجي بمواضيع مختلفه كومتني ميادة تشوفني المسبح طلعنا للحديقة الخلفية جانت مغلقة فتحت الباب شفت أدهم يسبح أكول بنفسي شوفي داليا هذا كله الج ملكج سمعت صوت سدو عليه الباب ويضحكون نشوفج على خير 😆