رواية أخترتك بنفسي الفصل التاسع 9 - بقلم Chra

#أخترتك_ بنفسي 9

امهلني اشرح حالتي بالمختصر

قلبي تبع شوقه عصاني جاوز حدود الخطر

حاولت امنع لهفته بالمستحيل

حاولت يسلم ارضه غيرك بديل

يوم حلفني بحبك اني اقبل جيتك اسال جيت اسال

ميادة : رحت للدوام داليا مموجودة يومين اخابرها تليفونها مغلق كلش ضايجة خابرت نور كالت متريد تحجي ويا احد خليها ترتاح ياربي صدك موضوع خالي هيجي مسوي بيها لو غير شي متريد تكولي قرررت اروحلها للشقه طلعت شفت خالي جاي على ليان فكرت افرح داليا بطريقتي صعدت سويت نفسي زعلانه .

أدهم : ضايج من تصرفات نسرين وطلباتها قبل جنت انطيها وجهه احاولةاقنعها اتوسل بيها هسة بديت ماهتم احس نفسي بفراغ وحيد حمودي اهواية يحب مزرعتنا لو بيده يعيش هناك طلبت منها تجي ويانا نروح نتغدا ونتعشى اهناك نغير جو كالعادة مقبلت حتى ليان صايرة متحب تجي خابرني السايق أخذ مني اذن ميكدر يرجع ميادة وليان رحت عليهم فكرت ارجع ليان واخذ حمودي ويا ام جلال نروح للمزرعة شفت ميادة ضايجه سألتها شبيها حبيب خالو.

داليا: باجر راح أرجع لأهلي اريد انهزم اطلع عندي خطين تليفون وحدة للعامة وحدة لأهلي قفلت العامة نور جانت تكولي ميادة تخابر تسال عليه كلش انقهر من تصرفاتي بس أريد ابتعد عن اي شي يخص ادهم سمعت صوت الباب فتحت شفت ميادة😰

ميادة : خالو صديقتي مريضة وهي ماعدها احد ردت اروح اطمن عليها على حظي اليوم السايق مجاز واحمد وأبويه مشغولين بتحضيرات الخطوبة وجلال مسافر وياهم وأمي ماكو تعرفها داليا اخت نور خطيبة احمد 👿

ليلى : كلما احجي ويا داليا اضوج منها صايرة مكروهه متعترف تحب أدهم ومقهورة تكول من الوحدة تخجل من نفسها أعرف شلون تفكر . جنت ويا نور يوميه نطلع نشتري غراض خطوبتها كلما اذكر شلون عذراء ورطت مازن اموت من الضحك حجيت لداليا مو يمها الموضوع ناسية نفسها انتظر رجعتها باجر على احر من الجمر .

أدهم : عيني ميادة خلي أرجع ليان للبيت اوصلج بنفسي بس بشرط تجين ويايه للمزرعة اخذت حمودي وأختي كتلها اذا مريضة اخذيلها ورد مرينا من يم محل ورود جبت على ذوقي ورد احمر.

ميادة : والله خالي وقع في الفخ عيني ولابالي اجيب ورد هو اقترح بس نزل يجيب وحمودي كتله عدهم جوكليت وحبشكلات نزل ركض ورا ابوه كلت لخالتي الموضوع وهي مصدكت كيفت اكثر وحدة مقهورة على خالي هي تتمنى يتزوج ويرتاح من نسرين وأفعالها. كالت قنعيها وجيبيها وياج للمزرعة.

داليا : جنت متحضرة حتى اطلع للمول اشتري ملابس واتغدا شفت ميادة بالباب وبيدها ورد حضنتني وتعاتبني ليش ماجاوبها كتلها تتفضل شفت خالتها وراها رحبت بيهم كالو عازميج نروح على المزرعة موافقت اهوايه حرجتني تحججت باهلي هي اخذت رقم امي وخابرتها مسألت ويا منو تروحون .

رمزي : سافرت اسبوع لتركيا جان عندي شغل خابرني صديقي بالشغل كلي لاترجع صاير مصيبة لارا كاتليها عشيرتها وطلعت حامل ديربالك تجي يدورون على صاحبها اني وكع التليفون مني جنت اتسوك  واخذ صور فساتين الاعراس اشوفها ليلى شمرت الاغراض ماعرف شلون وصلت للفندق جنت مصدوم شنو كاتليها وحامل اكيد يدورون عليه اهلي شيصير بيهم ليلى خلص راح انفضح شسوي ياربي لابيه ابقى اهنا ولا ارجع الله يستر .

ادهم : جنت انتظر ميادة واختي استغربت منها نزلت بعد ميادة بفترة كالت خلي اطمن عليها خطية وحيدة اهنا مهتميت جنت احجي ويا حمودي وأللاعبه يحب الحلويات بشكل فظيع كال بابا هاي كح جتي وياهم لزمته من اذنه كتله اكص لسانك اذا كلت هاي الكلمة مرة ثانية كال امي تكول عليها مو اني  رفعت راسي هاي ليش جاييه وياهم ضجت أهواية.

مازن : أبويه بالليل دخل عليه الغرفه كلي خطبتلك عذرا بنت عمك اعترضت هي اصغر مني وعقلها اصغر منها مستحيل عصب مني أكسر كلمته كدام عمي خلاني على الامر الواقع بدلت واخذت غيارات سافرت يم داليا اريد ارتاح ماصدك امي هم تضغط عليه شلون اتزوج هالخبلة .

داليا: شفت سيارة بيضة عبالي السايق أم جلال ركبت بالصدر عرفت هذ أكيد أدهم لأن البقية مسافرين يم اهلي شلون ورطة انورطت قبل مااركب كلت لميادة والله اردها الج 😟

أدهم : من جتي هاي ويانا خفت لا ابني يحجي شي ويفضحنا كلت لاختي تخليه بحظنها اعترضت لان ثقيل كتلها افهمج بعدين بسكوت وصلنا بس طول الطريق اكول شلون اهلها منطيها حرية تروح وتجي على كيفها ولاتستحي ولا تخجل دك سوالف ويا ميادة واختي واني شوية وانفجر بوجهها .

داليا : كلش حقرت نفسي من اسلوب ادهم سلمت عليه جاوبني ببرود اكثر شي قهرني جنت اكرص والعب بخد حمودي كال لاخته تاخذه يمها اشايفني متكبر حسيته ضايج جنت احجي ويا ميادة يسألوني شي أجاوبهم وهذا دبدوب ياكل جكليت يشمر الغلاف على وجهنا ام جلال نبهته اكثر من مرة ولا فاد لو يتفل ويطلع لسانه لو بيدي اموته من الكتل صدك ممتربي وصلنا عجبني المكان رحبو بيا هو ولا كأنه شايفني كال لأخته اروح انام انتو تغدو اني ممشتهي هسة بقينا وحدنا رغم جنت متونسة وياهم بس أدهم وتصرفاته كلش غثتني صار وكت العصر تمشينا بالحديقة جان كاعد وحده كلبي جان يدك 💕 كلت لميادة نرجع داخل البيت رادت تاخذني يمه مقبلت رجعت يم ام جلال .

ميادة : خطتنا ويا خالتي فشلت قررت بعد ماقرب دالي منه وأقفل الموضوع لان حسيته ضايج من وجودها حتى مقبل ياكل خجلت ويا داليا يمكن هي حست بس مبينت شي حجيت ويا خالتي نعوفه احسن ميريد حياة ثانية هاي عمتي شمسوية بيه كاره النسوان بهالشكل لو بس يشوف من صدك داليا وجمالها واناقتها وحجيها الحلو واحد مينمل منها اني اعشقها حتى امي وخالتي حبوها اشك خالي عند خلل بالنظر لو بغير شي اتقربت كتله خالي اذا ضايج من عدنا خلينا نرجع سويت نفسي معصبة.

أدهم : ميادة أني جبتكم ويايه حتى اخذ راحتي وأحجيلكم همومي وافضفض انتي جبتيلي هالبلوة صارلج أقل من سنة تعرفيها شلون تتعمقين بالعلاقة وياها مدخلتها بحياتج الله يعلم هي شنو ولو مبين لان تروح وتجي بكيفها لاحسيب ولا رقيب بعدج صغيرة متعرفين شنو هالنوعيات تتصرف كانه كاعده ويا اهلها بالليل ارجعكم هسة روحي سويلي جاي سدت نفسي هاي.

ميادة : خالي مجانت تجي مقبلت خالتي جبرتها حتى خابرت امها واخذت أذن من عدها ترى هي بنت ناس ومتربية مو اللي بالك لعد اذا مو خوش بنية اخويه شلون يخطب أختها اسمحلي خالي انت غلطان اهواية صاير متفرق بين الزين والشين. عفته وبعيني دمعة هاي شوية وتموت عليه هو يتصورها مو خوش بنية دخلت كلتلهم اسوي جاي خالتي جتي كتلها هيجي يحجي عليها كالت اني اتصرف ماعليج منه .

داليا : شوية وأموت أني اكول انسى ادهم كلما اشوفه أتعلق بي اكثر يمكن راح افضح نفسي اخته بس تمدح بيه سألتني  بنات عائلتكم  يتزوجون رجال متزوج مجاوبتها  لأن ميادة رجعت شكلها متغير تتصنع الضحكه بقيت وحدي خابرني مازن كالي اني وصلت يمج انتي بالشقة مثل طوق النجاة وصلني ياربي الف الحمدالله والشكر سألت ميادة على عنوان المزرعة يبعد ساعة عن المدينة كلت مازن يجيني واخلص من الافندي .

ادهم : جنت يم البوابه شفت سيارة واكفه وداليا دتطلع تريد تروح اني تخبلت هاي جاية حتى تطلع موعد كتلها عيب يابنت الناس هالحركات هي وكفت حتى لو هذا صديقج تتواعدين ويا بغير مكان مو جايبته يمنا احنا ناس محترمين ومعروفين ماريد وحدة مثلج تجيبلي حجي دخلي جوا وخلي هذا الادبسز يروح منا جيتي ويانا ترجعين ويانا وحساب ميادة عندي تصادق الرخيصات امثالج باوعت دموعها تنزل كتلها مسحي دموع تماسيح

داليا : وصل مازن اترخصت منهم ردت اطلع وكفني ادهم سمعني حجي مكدرت اجاوبه من الصدمة نزلت دموعي طلعت تليفوني كتله مازن انزل من السيارة وتعال دقايق وصل كتله اعرفكم ببعض مازن هذا  ابو ليان خال أحمد وهذا مازن اخويه من رخصتك أبو ليان خليته ورحت صعدت بعد شوية أجه اخويه كوة لازمة نفسي لا انفضح وهو خطية جاييني يشتكي من ابويه وخطوبته واني 💔💔💔💔💔💔💔💔 هذا حالي .

نسرين : اخذت بنتي وديتها للصالون سويتلها تسريحة ومكياج لبستها مثل الصبايا فستان صارت تبين اكبر من عمرها انعجبو بيها اهواية جنت افتخر بيها اني الك أحمد افندي مرضيت ببنتي على عنادكم راح ازوجها لابن وزير جنت اعرفها على النسوان واتباهى بمجوهراتي سمعت راح يطلعون كروب لتركيا كتلهم راح اجي وياكم انشوف ادهم يا اني يا انت.