رواية أخترتك بنفسي الفصل الثامن 8 - بقلم Chra

# اخترتك_ بنفسي 8

انا عم بلّش حبّك، انا لما بشوفك بتلبّك

مع انك بتضلّك ساكت، قلبي عم يسمعك

انا عم حبّك هلق، انا بعيونك عم بتعلّق

بالإيام اللي جايي حدّي عم بقشعك.

ميادة: كلش متوترة اليوم حفلة خطوبتي جنت احب جلال من واني صغيرة بس لما طلب ايدي للزواج رفضت خفت الناس تحجي عليه لان اصغر مني بسنتين بس خالي قنعني عنده اسلوب اقناع عجيب كلشي صار بسرعة داليا وكفتلي وكفة اخت هي وليلى خلصت كلشي بيومين خسرت رهاني ويا ليلى شفت نظرات داليا لخالي مو بس اعجاب بداية حب نكوللها تنكر تكول عيب عليكم متستحون جنت اقشمركم اكوللكم معجبه بس.

ليلى : سديت المكالمة من رمزي شوفته نفسي تخبل شلابسة يكولي طالعة تخبلين . اهواية اعتذر مني على تصرفه وعدني باقرب وقت نسوي زواجنا ونستقر هاي داليا عبالك اليوم خطوبتها طالعة احلى من العروسة نفسها اجي واروح اكوللها ها ابو ليان الله يساعدج تركض وتضربني خلي ارد شوية من افعالج ويايه جنتي تصنفين عليه جاك الموت مبين الحب بعيونها بس تنكر ولج اعرفج اكثر من نفسج .

داليا : والله زمان صرت مضحكة عيب ولجن صرتو على ذمة رجال صدك انتو مو أمان عفتوني وحدي بالعزوبية متستحون على شنو مستعجلين ترى هو رجال مو اختراع بس اول ليلة بعدين ميعرفكم ترجعولي ندمانين واني راح اصير نذلة اسد باب كلبي عليكم . اهلي هم معزومين امي واختي نور قبلها ام احمد طلبت أيد نور من امي وينتظرون الموافقة هاي نور طلعت مو سهلة .

ميادة : داليا لحكيني ناسية مسكة الورد يم ام الصالون الله عليج جيبيها اليه ماعندي غيرج خلي اشوف منو موجود طبعا هاي خطة مني ماكو أحد غير خالي كلهم بالقاعة كتلها احمد ينتظرج بالسيارة فدوة راح ابجي تعاي ليلى ساعديني👿

أدهم : لبست قاط أسود رتبت نفسي جنت راجع من يم الحلاق سعادتي متنوصف فرحتي بجلال وميادة نستني الايام اللي فاتت نزلت خابرتني ميادة ناسية شي كالت وصل صديقتي تجيبها اليه استغربت أكيد شي مهم لان السايق بالباب مكسرت بخاطرها ركبت سيارتي اليوم أستلمتها جديدة وأول مرة اركب بيها جتي وحدة سلمت وكعدت عبالها اني احمد.

داليا : اوف منج شغلج ميخلص ضروري اروح وياه ميخالف أحمد راح يصير خطيب اختي والا لو تموتين ماروح ويا أحد شفت سيارة سودة ميبين منها شي غير السواد واللمعة ترددت أركب بالصدر لو بالخلف بس عيب مو سايق مالتي ياربي صعدت سلمت هلو أحمد باوعت 😰😰😰 جاوبني بهدوء قطرة دم مبقى بجسمي كلها تحولت الى مي وتنزل بشكل تعرقات هاي ميادة مسوية بيه مقلب لو ممتقصده ردت اكون طبيعيه بس شلون ياربي كلشي مو تمام وين الشيطان لعد مو يكولون وثالثهما الشيطان.

ميادة : بقينا نباوع اني وليلى من ركبت دالي للسيارة نضحك نتخيلها شتسوي هسة سالتني ليلى ليش هيجي تحاولين تقربين داليا من خالج جاوبتها خالي ماكو منه احسن رجال وداليا بنت ناس وحبابه خالي مو مرتاح بحياته متأكدة راح يجي يوم ويتزوج واني اتمنى دالي تكون من نصيبه.

ادهم : حسيت البنية مو طبيعية تعرق وخايفة متوترة ردت اكسر الخوف كتلها ماكو شي أعتبريني أخوج الجبير لو ابوج عادي ماكو شي ميحتاج كل هالتوتر .

داليا : فوك همي من وجودي يمه اتخيل نفسي احنا مخطوبين وعايشين حبيات مسوية جو لنفسي ومتوترة من ريحه عطره وملابسه كلشي بيه اني اعشقه عبالك صنع خصيصا لداليا والأفندي مثل مايكولون سكته دهرا نطق كفرا اني وين واصله هو يكول اخوج لو ابوج . وصلنا اخذت المسكة وطلعت رحنا للقاعة لان ميادة سبقتنا شويه شويه حجينا كله على أهلي وعلى خطوبة احمد لأختي .

أدهم : وصلنا للقاعة كلت لأحمد أحسنت الأختيار سئلت على اسم عائلتهم واحد صديقي مدح بيهم اهواية كتله ايام واشوفك بمكان جلال وافرح بيك لوتي يكولي يوم الك خالو الحفلة كلش جانت راقية نسرين طلبت نركص مثل العرسان اهواية استمتعت بالحفلة ردت اروح ادخن صارت البنيه بوجهي بس على وجهها اثار بجي مكدرت اسألها مشيت من يمهم بس بيا فضول ليش جانت تبجي.😕

داليا : الحفلة جانت كلش حلوة اتونست بالبداية جنت أتابع أدهم شلون يتحرك شلون يحجي شلون يضحك ويركص بس لما شفته يركص ويا زوجته اني انتهيت كأن واحد صفعني على وجهي وطلعني من الحلم الوردي باوعت ليلى لزمتني كوة رحت للحمام كعدت ابجي وايدي على  حلكي اخاف اطلع صوت  ياربي اشلون احب واحد متزوج مو الي ولا يمكن يصير ولج داليا اصحي تردين تخربين بيت الناس هذا اصلا مباوع بوجهج لحد الان يمكن يحب زوجته انتي ولا شي ولاشي رجعت للشقة ودعت اهلي وليلى راحت و بقيت اصارع نفسي طول الليل .

ميادة : رجعت للبيت بدلت فستاني صارت ساعة 2 بالليل سديت تليفوني جنت احجي ويا جلال شفت كومه مكالمات من ليلى ورسائل كالتلي باجر اطمني على داليا وضعها مو زين احنا رجعنا هي وحدها خابرت داليا مقفل باوعت من غرفتي شفت خالي كاعد بالحديقه يدخن نزلت رحت يمه الله يساعدك خالو ليش منايم لحد هسة .

نسرين : شفت النسوان بالحفلة شيسوون ويا رياجيلهم متصورت ميادة تقبل بجلال اهواية حاولت وياها ماريد الأختين يتقربون اني من جهة اخرب عليهم من جهة ثانية علاقتهم تزيد اكثر شلون افرقهم عن زوجي مبقيت شي مسويته ميفيد دايما أفشل شفت نظرات النسوان على أدهم اسمعهم يتهامسون يكولون عبالك هو العريس انقهرت رحت طلبت منه نركص حتى أغيضهم جنت لازكه بيه لزك حتى يعرفون هذا ملكي رجعنا للبيت دخلت لغرفته نزعت هدومي كتله ادهم اريدك اليوم اريد اثبت لنفسي ميكدر بدوني دايما يحتاجني وهو الممنون.

أدهم : رجعت تعبان نزعت هدومي شفت نسرين داخلة لغرفتي كتلها خير شكو تعبان عوفيني بحالي مكدرت اتجاوب وياها غسلت و بدلت نزلت كعدت بالحديقة تركتها ورايه تحجي وتغلط هي تريدني واني مالبي رغبتها مجاوبتها كعدت ادخن جتي صورة البنية أبالي وهي تبجي صار عندي فضول شمسويلها مخليها تبجي لو متحرشين بيها لو مسوية مكسورة جتي ميادة .

ميادة :خالو ليش منايم  لحد هسة اني صار عندي أرق ماكدر انام انت ليش .

ادهم : ماعرف حسيت نفسي أريد اغير جو عجبج الحفلة مجان ناقصها شي ردت استفسر بصورة غير مباشرة وحدة من صديقاتج شفتها جانت تبجي خير خو ماكو شي خاف مضايقيها بالحفلة .

ميادة : خالي يلعب عليه واني تربيته ميريد يعترف هو مركز على داليا جاوبته هاي داليا خاطبيها للخارج راح تسافر جانت تبجي تكول راح افقد لمتنا الحلوة صدك خالي شنو رايك بيها.

أدهم : ماعرف ليش ضجت مقتنعت بجوابها كتلها مابيها شي عادي ماعرفها حتى انطي رأيي بيها.

ميادة : اكو سؤال محيرني عندك نية تتزوج مرة ثانية لو لا الله يخليك جاوبني بصراحة .

أدهم : شنو هالسؤال الغريب اكيد لا مستحيل ماخسر عائلتي ابد علمود اي وحدة جهالي عندي بالدنيا يالله كومي نامي تصبحين على خير.

ليلى: خابرت طول الليل داليا متجاوبني كلش خايفة عليها خابرت ساعة 6 الصبح ميادة الله يخليج روحي شوفي داليا تليفونها مغلق بارحة جانت منهارة.

داليا : لميت غراضي كلها باقي ايام ويخلص الامتحانات وارجع احاول اقدم نقل ماكدر بعد ابقى أهنا راح ادمر نفسي افكر برجال متزوج خابرت مازن يشوفلي صديقه علمود أجراءات نقل كلي هو جاي بعد يومين عنده شغل ويشوف الموضوع سالني بيج شي صاير شي جاوبته واني ابجي تعبت من الوحدة.

مازن : صوت اختي وهي تبجي مو راحة اخاف صاير شي ومتكولي ردت اطلع دخلت بنت عمي عذراء مثل الطلقه جريتها كبري بابا عيب شنو تكمزين وتركضين منو لاحكج .

عذراء : عمري 18 سنة احب مازن اهواية دايما اخدمه اي طبخه امي تسويها راسا اخذ ماعون اله يحب طبخ امي اهوايه لو اسويله حلو كلهم معتبريني صغيرة ومراهقة وهذا يفيدني ماخذة راحتي وياه بس نور تعرف وهي دايما تساعدني اليوم عمي جان كاعد ويا ابويه يحجون على خطوبة نور جنت كاعده وياهم اني وأمي هوايتي اسمع الاخبار وانقلها كلشي يصير اني ادري بيها عبالهم طفلة يحجون كلشي على الاساس مافتهم جان يكول اتمنى مازن يتزوج جان يستشير ابويه منو ياخذون من بنات أقاربنا أني متحملت كمت وجنت محظرة رجلي احجي وانهزم كلت عمي ليش تدور بين اقاربنا والعروسة موجودة.

ابو مازن : ههههه متجوزين من سوالفج منو عدنا تناسب مازن واني مادري ملعونة محضرة عروسة لمازن .

عذراء : عمي من غير لف ودوران اني العروسة لو اني مو بعينك وركضت لبيت عمي طيارة لزمني مازن راد يعرف شنو صاير اباوع عليه والله لو تعرف تموتني هسة جريت ايدي ماكو اريد نور .