رواية العنب_العنب_العنب الفصل العاشر بقلم ورود الخالدي

#العنب_العنب_العنب

البارت10والاخير

ورود الخالدي

خالد..كعدت الصبح لكيتها ماكو يمي..اووف كعدت كبلي وطلعت من الغرفة..كمت اخذت هدومي نزلت سبحت..وكفت اباب المطبخ لكيتها هي ورقية يسون ريوك..اسمع رقية تكلها:

خيه شبيج اليوم..شو وجهج اصفر؟؟

هاااا..لا مبية شي..يمكن مستبردة..وما الي خلك؟؟

ههههه تكلها مستبردة.صعدت فوك منتظرها تصعد تأخرت..ورة نص ساعة صعدت بيدها الريوك اخذت الصينية منها..وجريتها..كعدتها على فخذي..يربي هم ترجف هاي شبيها..

نريمان صدك جذب..شبيج ترجفين كلما اجيسج هسه انتي مرتي..لاتخافين مني لخاطر الله..

هااا اي..بعد ما اخاف؟؟

خطية..انه السبب بحالتها ربيت الخوف بكلبها..كتلها:

منين خايفة..يعني امس..صرتي مرتي..بعد شكو..
اي..اي

دخيل الله شني اي..اي..سولفيلى شبي..كلبج يركض..

ها..مبيه شي..مبيه شي..يالله تريك راح يبرد الجاي؟؟

هههه ما اريد ريوك..اريد اتريك بيج!!

هاااا....
وج شهااا...شني ماترديني....كتلتي روحج حتى اتزوجج هسه بعد ماترديني..

لا...لا..العفو..شلون ما اريدك..بس..بس خالد انت..حيل توجع..

ههههههه حيل اوجع..يعني هذا الكتل..الاكلتي مني كله ماوجعج بس..من اريدج ..تتوجعين؟؟؟

اي...خالد..والله ..مجنت اعرف هيج..يعني؟؟

هههههه اخ كلبي..ماجنتي تعرفين..بس ملتهيه تحبين وتألفين قصص وسوالف....حسبالج الزواج لعب؟؟

جريتها..ردت الكف شفتها كالت:

خالد فدوة...بس انطيني وقت خلي اطيب..واني وين اروح..يمك؟؟

اطيبين...صدك مسودنه..هيه هاي بيها طيبة..ولج افهمي..شبيج فطيرة انتي غير مثقفة وبالكليه صدك كلشي ماتعرفين..ماتدرين انتي ما اطيبين اذا ما تتواصل دوم؟؟

شلون يعني ما فهمت..

دتعاي وانه افهمج!!!♡♡♡♡♡

ومرت الايام حلوة..احلى ايام عمري..تكول نولدت من جديد جانت تخاف مني..بس يوم ورة عودتها عليه ..كامت متخاف...تريدني واريدها..متهني..احس روحي اسعد رجال بالدنيا..وحتى ابوي يكلي..انت متغيير دومك..تضحك ومرتاح...اكله..بوية انه اسعد زلمة بالدنيا كلها..يكلي بويه دومك انشالله.. ومرت 15يوم طبيت للغرفة ..بالليل لكيتها تبجي::

ها..شبيج تبجين ياستار

خالد اني..اني مو..حامل؟؟

هههه مو حامل..وشلون عرفتي؟؟؟

هاي شبيك خالد مو حامل يعني موحامل!!

اهوووو افتهمت..يعني راح انحرم 7ايام..هاي السالفة العوجة

هسه انت بيش تفكر..واني بيش افكر؟؟

ههههه وعليمن تبجين..يحلوة هذا الشهر..ماكو..شهر الجاي اكو؟؟

الله كريم..

دتعاي بحضني..تعاي..

خالد مو كتلك..اني؟؟

بوووويه فهمت..هسه ذيج الشغلة ماكو ع الاقل...نحضن نبوس..تعالي بت.الاوادم..نعسان...تعاي نيميني

اجت نامت بحضني..اووف شكد تحبني..هالبت..تبجي تريد تحبل بسرعة..حته ما اعوفها..ماتدري انه ما يهمني حبلت لو ماحبلت بس شوفتها عندي تسوة الدنيا..واهلها..اصلا ما..اريدها تحبل بساع..اريد..اعيش احلى ايام..وياها..ما اريدها تحبل وتلتهي..بالبزرة عني..ولوما امي تلح..جان اجلت الحمل..سنتين تلاثة..بس خطية انه خوفتها..كتلها اخذ عليج اذا ما حبلتي..مايخالف..اريد اعلمها درس ماتجذب بعد..ومرت الايام..وكل شهر يمر..الكاها تبجي..لان موحامل..خلصن ال6اشهر..لكيتها كاعدة..وهم دموعها يجرن..اخ ماتهون علية

خالد..خلصن ال6شهور..وماحبلت..خالد صدوك..راح تتزوج عليه..خالد..خلي اروح للدكتورة بلكي اخذ علاج واحبل..فدوة خالد

كعدت..يمها لزمت اديها؟؟

هههه سكتي ولج كل شهر هاي المناحة

مو انت كتلي اخذ عليج اذا..ما حبلتي ب6اشهر..

انه اخذ عليج..شبيه مسودن لو جاسح نعمتي..هسه لو يجيبولي حورية من الجنة ربج خالقها من ذهب..وياقوت..وحك..هو..رب العرش..ما ابدلها بشعرة من شعرج؟؟

صدوك..صدوك خالد..متبدلني..حتى اذا ماخلفت؟؟

لو اضل طول العمر بلابزر..ما اخذ عليج؟؟

ابتسمت مدت ايدها على خدي؟؟

صدوك..صدوك خالد يعني انته تحبني؟؟

احبج شني..كولي عاشكج..كولي مسودن بيج..ولج مو بس احبج.انتي هذا النفس..اليصعد وينزل بصدري؟؟

دمعت عيونها..الحلوات؟؟

هااااا..هم بجيتي...يعني اكلج احبج هم تبجين..

ممصدكة..والله ممصدكة اخاف دا احلم؟؟

هههه انه المامصدك..هيج وردة حلوة مثلج تحبني وتسوي اشكال..والوان حتى اتزوجها..

اشو مجنت تكولي انته تحبني..شوكت حبيتني من صرت مرتك يعني؟؟

لا..شني من صرتي مرتي..تذكرين من اول يوم اجيت لبغداد ورحت اشتريلج عبايه..تذكرين من عثرتي..ووكعتي بحضني..اخ...من يومها سودني عشكج؟؟

هاي شنو يعني حبيتني من اول يوم؟؟

اي من اول يوم؟؟

بس انت جنت معذبني وترزل بيه مخليت حجاية مكلتها عليه؟؟

ههههه مو اكلج سودني عشكج..حبيتج..وما مصدك بروحي احب..هيج جان يعجبني..اضوجج وابجيج..جنت..مامفتهم شيصير بيه..اخ خو..من..شفتج تهزين..والعنب..العنب..عقلي طار من راسي..اله اكلج..كمت ..اسولف ويه روحي من وراج!!

اي صح تسولف ويه روحك الى درجة اجيت تكلي مستهترة واخاف تعلمين خواتي؟؟

تردين الصدك..صدك هيج فكرت..ولج وين متعلمة هذا الركص..والحركات..وجسمج نار..اخذ كلبي وروحي..كلت هيج جسم وجمال وحركات..تسطر..اكيد عدها سوالف من جوة ليجوة!!

يااا استغفر الله شنو كل وحدة تعرف تركص..موزينه؟؟

ولج وين اني شايف هيج..جمال وجسم وركص..انه ابن ريف طبعا هيج افكر..

هاا..ولهذا هجمت عليه؟؟

لا..لا يصير كلبج اسود بذيج الليلة جنت جاي اسوي الكهرباء والله..بس انتي عوبه.كتلج ستري روحج كمتي تعاندين وتبجين..عود كعدت يمج اريد اهون عليج..اخ ولج انسطرت..انه خالد الكاض روحي كوة من الغلط سطرتيني...دموعج

وهذا الشعر..والركبه والزنود..اخ..ولابسه برمودة بتل الكلب..شني شلكيتني..كلبي حديد..ضعفت نسيت العيب والاصول..والحرام جيتت عليج..مثل المسودن..تردين الصدك..بيومها ردت اكسرج..بس انتي خوش حجيتي حجايات..هم فاتتني هسه لو كاسرج بيومها ومتزوجج ثاني يوم مو احسلي من هذا العذاب والفلم مالتج؟؟

ياااا..استغفر الله..استغفر خالد شنو تكسرني بالحرام...اتق ربك..كول همزين الله ستر..

نريمان تدرين من رحتي تمتحنين شصار بيه..اخ ماتدرين حقج..اروح للمشتمل..اشم بهدومج..كتلني الشوك..

ههههه واني هم كمت اخابرك واسكت..حتى اسمع صوتك..بس طلعت مو شوية تغني وصوتك يخبل؟؟
هههههه.صدك..
اي والله صدوك جنت مرتاحة على صوتك..

نريمان سمعتج تكلين لامج خالد كلبي وروحي وحبيبي..عيديهن..بروح ابوج..

باستني بخدي وكالت:

انت روحي..وكلبي وحبيبي..وحلمي..وكولشي بحياتي خالد..

اخ...شلون حجايات خرب اهلي..

بس خالد اخذني للدكتورة خلي تشوف ليش ماحبلت..مو عن شي بس والله اريد اخلف طفل مثلك يشبهك؟؟

هههههه صدك مسودنه ولج صارلنة6شهور..حته الدكتور هسه تضحك علينا..اذا رحنالها..هسه انتي ليش مستعجلة..خلينا متونسين نلعب ..شندق..مندق..ومرتاحين؟؟؟

احبك خالد

وانه اكثر يبعد اهلي وروحي وعمري وطوايفي..

ومرن شهرين جنت كاعد يم ابوي..نسولف..واجت امي

كلللللللوش..

ابوي..كلها:

شبيج تهلهلين تسودنتي..

هسه من اكلكم هم تسودنون...غير مرت خالد حبلة..

كمت..من مكاني..

صدك يمه شلون عرفتي؟؟

ماعليك..كتلك..حبلة..

ابوي يضحك..وكلي:

مبارك..بويه..

حبيت ايده ورحت اركض لكيتها كاعدة ع الجرباية..

هااا حبييتي..

خالد..خالدالحجيةشافتني نفسي تلعب واتقيأ..تكولي حامل..وتهلهل..بلكي صدوك..

كومي..كومي خلي اخذج ونتأكد ليش تضلين بقلق..

بدلت..واخذتها رحنا

طلع التحليل كالت المحلله:

مبروك..حامل..

كامت نريمان تبجي..

ولج اسكتي فضحتيا شبيهن عيونج يهلن

اخذتها صعدنا السيارة

خالد صرت حامل..اني حامل خالد حبيبي..الحمد لله الله حقق حلمي..

ومرت الايام وصار عدنا ولدسميته علي..وكتلها بعد ما اريد هسه 3سنين اربعة يا الله افكر نخلف بعد لان اريدها..تضل..مشغوله بيه حتي ابني علاوي امي محتارة بيه هيه بس اريدها الي..كل ليلة وردة مفتحة على فراشي..

انتهت♡♡♡♡♡

احبتي// تخبركم روايتي بأمور ضرورية كثيرة ومنها اهمية الحشمة والتحفظ.لان اغلب الناس يحكمون على ظواهر الامور دون تجربة..وعلى امر آخر..هو اهمية الصدق في كل امور الحياة لان الكذب ليس حلآ..لاي مشكلة..كما ان الكذب يهدم الثقة والمودة..فعلينا ان نستعين بالصدق لانه طريق السعادة والهناء دائما

احبتي اتمنى/ان تكون روايتي قد راقت لكم واعجبتكم وامتعتكم واستفدتم من سطورها..اكتبوا..لي..احبكم//ورود الخالدي♡♡♡♡♡