رواية العنب_العنب_العنب الفصل التاسع 9 - بقلم ورود الخالدي

#العنب_العنب_العنب

البارت9

ورود الخالدي

ناريمان::

كلي نامي بحضني بس هالليلة وحضني حيل ونام..اووف اجمل احساس حسيته صح هو نايم بس حضنه..احلى مكان بالدنيا لاوالله حضنه جنة بالنسبة الي بقيت نايمة بحضنه غفيت ..صار الصبح..هو كعد قبلي..بس شافني بحضنه زمخ بيه:

لج شتسوين بحضني..شجابج يمي..

فزيت خفت كمت ارجف كتله:

انت...انت جريتني وحضنتني وكتلي نامي بحضني جنت شارب؟؟

واذا انه سكران ومصخم ملطم..ليش ماكمتي بفراشج من شفتيني نمت ليش بقيتي بحضني..

هاااا...ليش..ليش اعوف حضنك خالد اني احبك..وحضنك جنة بالنسبة الي..

ولج انتي ما تبطلين هاي السوالف مال..الحب..والجذب المصفط..

خنكتني العبرة كمت..من يمه

اوكفي ..شبي حلكج..ليش مورم..

انت..انت ضربتني خالد؟؟

هااا..بس ضربتج ..ماصار شي بينا..احجي لا..اشبعج..كتل

لا ماصار شي والله بس ضربتني وحضنتني للصبح؟؟

متأكدة..لا اجذبين..كولي..الصدك

والله ماصار شي..ماصارشي!!

عفته وطلعت ودمعتي بعيني..

خالد:::

هي طلعت من الغرفة بقيت وحدي ع الجرباية شفتها كبل ماتطلع دمعتها بعينها..شفتها مورمه.ومن جوه حمرة..انه ضربتها..يربي لشوكت..ابقى شبعان قهر..وهي شبعانه دك..رغم كلشي كلبي ماينطيني هوايه اتحملت كتل..وهي ساكته وانه هوايه تحملت قهر وحسرة ولوعة كل ما اشوفها..واشتهيها تطلع روحي الف مرة..خلي اطلكها..واخلص..هي ترتاح وانه هم ارتاح..كافي احرك بروحي وابسط بيها..خطية..هي شني ذنبها..اذا انه..تفكيري هيج..يوم مزوركها..ويوم هاينها ويوم مورم حلكها..كافي جزعت ع الاقل من اطلكها بعد ما الي حق اضربها واذيها..جنت افكر وهيه دخلت بيدها صينيه ريوك كتلها:

حضري روحج..العصر يجي السيد واطلكج..

وشفت اديها يرجفن والصينيه هم ترعش باديها..

اليوم..تريد اطلكني....بس بعد6ايام ويخلصن ال3
اشهر..

ماكوفرق هسه لو بعد6ايام خلي اطلكج اريد اخلص؟؟

اقتربت مني..

خالد..خالد..لا تطلكني هسه خليني يمك بعد6 ايام..

ولج انتي شني من بشر..ولج ما..شبعتي من الدك..والبسط شوفي روحج بالمراية شوفي حلكج شلون وارم ..يعني على ساعة تموتين باديه من الدك؟؟

ميخالف خالد اضربني بس لا اطلكني هسه..

انجبي..وسكتي هسه رايح للمرور عندي مداور مال سيارة من اجي اجيب السيد ونطلك..لمي هدومج..حتى ترجعين للمشتمل؟؟

شفت عيونها يهلن دموع..شبيها..مجلبه ماترضة تتطلك ماشبعت من الضيم والبسط...كمت..اخذت الخاولي..ردت انزل اسبح واطلع قبل ما اطلع..وكفت كدامي؟؟

خالد يعني..هذه اخر مرة انت رجلي..يعني راح تطلع ومن تجي تطلكني وبعد ما.الي حق اطب غرفتك؟؟

اي..شني..عجيبة

ردت اطلع:

اوكف..خالد بس دقيقة

شتريدين راح تعطليني؟؟

ادنت يمي..

خالد بس طلب واحد عليك..النبي محمد
كولي شتردين..

خالد..احضني..

احضنج؟؟

اي..احضني..مو بعدني مرتك..اخر طلب..بس احضني ولو دقيقة وحدة..اروحلك فدوة

خرب حظي..خرب اهلي..خرة بالدنيا كلها..عيونها يصبن دموع وتتوسل بيه..شلون بيه هسه شسوي..خطيه تكلي اخر طلب..شلون قهر هذا شلون قهر يربي شسويت عندك..

كلت:

تعاي..تعاي نريمان..
اقتربت..حضنتها..حضنتني بكل قوتها..دموعها على صدري..متت من..القهر..متت والله..ربي اخذ عمري..اخذ عمري ولا هذا..الضيم والقهر..

ردت اوخرها مجلبهةبيه بكل قوتها:

نريمان شبيج صدك جذب..كافي..لاتبجين خليني اروح..هسه البجي شيفيد بعد..لخاطر الله..ولج كطعتي كلبي كافي..والله احسن الج والي الطلاك..كافي نتعذب..اثنينا..

رخت اديها..وخرت عني..طلعت من..الغرفة نزلت سبحت صعدت ..لكيتها..تطلع بهدومها من الكنتور..وتخليهن بجنطة..دموعها ما وكفن لحظة وحدة..بدلت بسرعة وطلعت..
جاي انزل من

شفت امها صاعدة..الها..مشيت وصلت للسيارة..اهووو تذكرت..نسيت السنويه بجيب السترة بالغرفة..رجعت للبيت..

ناريمان::

جنت اصفط بهدومي وامي طبت:

هاي شبيها مرت عمج اكلت كلبي..ليش محبلت نريمان وليش محبلت كولها صاركم 3شهور..

انتبهت عليه ابجي..واصفط بهدومي

يااااا ماما شبيج تبجين؟؟

يوم..راح..راح اطلك اليوم؟؟

تطلكين..ليش ماما؟؟اخاف ع مود الجهال صدوك مخابيل ذولي

لا يوم..ياجهال..اصلا..خالد ممتقربلي..اني بعدني بنيه خالد ما مد ايده عليه لهسه

يااا..شنو ممتقرب عليج وبعدج بنية..والعرس والدم..

يوم كتلج ممتقرب عليه بعدني بنيه:

لج فهميني شنو رجلج مريض لو مورجال..خاف..ميكدر

لا يوم خالد مبي شي..كل الصوج مني..

وبديت اسولفلها على كولشي صار..شلون جذبت على خالد وشلون صار العرس..كولشي سولفتلها؟؟

هي ضلت تضرب على صدرها::

يااا..عزة..عزززة..شلون هيج سويتي بروحج..ولج شلون لو كاتلج ابن عمج..لو ميته بيده..وانتي بريئة ومافكرتي بالموت..وعلى شنو كل هذا..عزه بعينج..

يوم..حبيته..والله حبيته..ما فكرت بكولشي كلت هاي الجذبة احسن فكرة حتى خالد يصير الي ومتاخذه مني سهام..
والموت..مافكرتي بيه هذا ياحب نريمان ياحب يخليج تسلمين روحج للموت..

يوم ميهمني..ميهمني حتى لو كاتلني خالد..الموت اهون..من شوفته ويه غيري..

عزززة..عزززةولج كاتلة نفسج على هذا المعيدي..هسه شحصلتي..راح يطلكج..

يوم لتحجين على خالد لتكولين معيدي..خالد حبيبي..وروحي ولو يكولي شمري..نفسج بالنار هم اشمرها وما اتردد

زمالة ادب سزز غبيه شنو تذبين نفسج بالنار..ع مود هذا المعيدي ابن المعيدي..

يوم لتحجين على خالد لخاطر الله كتلج احبه خالد رجال وزين الشباب..

دخلي يطير خلي يطلكج يطبه مرض..هو الخسران..انتي الف شاب يتمناج..من الصبح..يجيج شاب من

بغداد..شنو هذا..ومدمرة شبابج على مودة لتبجين..خلي يطلكج..خفة وراحة؟؟

يووم..سكتي..سكتي اذا خالد طلكني ما اتزوج اي رجال غيرة يوم احبه تعرفين شنو احبه..يوم..لدرجة جنت امتحن..ما اعرف شاكتب بالورقة..يوم فكري كوله يمه..جنت اخابرة من بغداد بفترة امتحاناتي اتصل بيه واسكت بس اريد اسمع صوته..ومن اسمع صوته ارتاح..يوم عبالج ..ابقه عايشه اذا طلكني..والله يمكن اموت..يمكن اموت يوم..
اسم الله عليج..يوم..هاي شلون ورطة..انعل ابو الحب لا ابو ساعة السودة الجابتنه لهنا..

خالد::
صعدت فوك اريد اخذ السنوية..من غرفتي سمعتها تبجي وتحجي وي..امها..سمعت حجيهن كله من البداية للنهاية..ما مصدك روحي..يربي..جاي اتحلم لولا..صدك نريمان سوت كل هذا لان تحبني..نزلت لسيارتي اريد استوعب الصار..اريد استوعب حجيها..هيج تحبني..اكو وحدة هيج تحب..تذب روحها بالموت على مودي هاي شكد فطيرة وغبيه....يعني ذبت تهمه على روحها حتى اتزوجها..مافكرت خاف اكتلها..تكول الموت اهون ولاخالد يصير لغيري..صدك تحجي هاي..صدك اكو هيج حب بهالزمن ..شحبت مني يربي..شبعتها قهر..زين وذاك الدك والكتل الاكلته مني..شلون تحملت وهي مظلومة..بعدها بنية احلى كلمة سمعتها..منها..تكول خالد حبيبي..ماتقبل امها تحجي عليه ادافع عني وانه مراويها نجوم الضهر..من..كون انكسرت ايدي..كبل ما اضربها..خطية..هيج الحب يسوي..باوعت لروحي بمراية السيارة..ولك خالد صدك انت هيج مخبلها..صدك هالكد تحبك...جا.الله شكد يحبك..واطاك هيج مرة..الف...الحمد لله والشكر ربي..جنت فرحان عوزي شويه وابجي من..الفرح حبيبتي بعدها..بنيه..ومحد..جازي عليها..اخ..كون الزمها بديه هسه كون..اطلع ضيم كلبي التملخ من حبها..كون اطلع كل حسراتي مال..3اشهر..بيها..بس لام..اعلمها درس لازم..اعلمها ماتجذب عليه..بعد

اني اعلمج نريمان هيج تسوين بيه..خبالاتج وين وصلتنا..كلبة بت..الكلب..الليلة اكلج..الليلة اخذج..وتصيرين..مرتي...صدك...اكطعج..اطلع القهر كلة بيج والله..ولج احبج..واتحسر صارلي..شهور نايمين بنفس الغرفة..واتحركن..الليل كله..هين..هين ينريمان اني الج..واعلمج الحب على اصوله..مو تحبيني..جا..تحمليني..شوفي..المعيدي على كوله..امج شلون يحب..وشلون يعشك..
نزلت من السيارة صعد ت فوك لكيتها لامه هدومها:

هاا..خالد بسرعة اجيت..شنو جبت السيد..خلص..راح..اطلكني؟؟

لا..ماجبت..السيد..انتي كسرتي خاطري؟؟
كسرت خاطرك..يعني شنو؟؟

يعني ماراح..اطلكج هسه..

صدوك..صدوك خالد؟؟

اي صدك..بس..عندي شروط؟؟

شروط ؟؟..من غير متشرط خالد..اني كولشي تريدة موافقة بيه بس لتطلكني؟؟

تعالي اكعدي وسمعيني..

كعدت يمي ع الجرباية:

نريمان تدرين..امي تريد تشوف بزري؟؟

اي..اعرف؟؟

مادام تعرفين..اول شرط هو تخلفيلي؟؟

اخلف؟؟
اي تخلفين شني ماسامعة بالخلفة؟؟

اي..بس شلون..اخلف وانت متريدني..

نريمان تغشمين روحج..نخلف يعني..نسوي مثل ميسوون المزوجين..يعني هذه..الجرباية نستعملها..اثنينا..الليلة..وصلت..الفكرة لو اشرح بعد؟؟

اي..فهمت..بس..بس؟؟
بس شني اذا ماعاجبج..الشرط هسه اطلكج..

لا..لا عاجبني..
شوفي منا ل6اشهور اذا ما حبلتي افكر لو اطلكج لو اخذ مرة عليج؟؟

ها..يعني اكو احتمال..ابقى وياك حتى اذا ماخلفت؟؟

اي اكو احتمال؟؟بس هم متوقفةعلى هواي شغلات؟؟

شنو هي الشغلات؟؟

اول شغلة ترضيني!!
يعني شلون مافهمت

ههههه ماتفتهمين شلون..المرة  ترضي الرجال..

لا والله مااعرف؟؟

هههه..من اجي بالليل افهمج..

هسه راح..اروح تذكري..الليلة نستعمل الجرباية؟؟.فهمتي..لولا؟؟

اي فهمت..فهمت..

طلعت..من الغرفة كلبي يرفرف من..الفرح.صعدت سيارتي..شغلت..اغاني

مارجعت للبيت الابالليل..من اهلي كلهم نامو..اخ الليلة ليلتي..فتحت..الباب..لكيتها كاعدة منتظرتني اخ..لابسه ملابس نوم ماروني تملخ..فاتحة الشعر..شافتني..دنكت نزعت السترة والدشداشه..بقيت بس بالفانيلة والسروال..ادنيت..يمها لزمت..ايدها..سحبتها:

ها..بدينا من هسه..انه..شكلت مو كتلج ترضيني..يعني شكلج تسوين؟؟

اي..اي..بس..بس

هههه.لا تبسبسين.

كول..كول خالد وانه..انفذ؟؟

كومي..ركصيلي؟؟

اركصلك؟؟

اي..ركصيلي هم كولي ما اعرف..
اي اعرف بس..استحي منك؟؟

اهووو..نريمان كتلج الاريدة يصير؟؟

اي بس شلون اركص بلا..اغنيه

اي طلعيلي اغنية..العنب..العنب..العنب..تذكريها..مو؟؟

مسحتها من الرام؟؟

هاا اشتغل الجذب..جيبي موبايلج..خلي نشوف ماسحتها لو لا؟؟

هااا...تريد الصدك ما مسحتها بس.استحي اركص كدامك..

ههههه شغليها..يالله كومي شغليها..

اي هسه؟؟

شغلتها..كام يغني..كتلها تعالي..نزعتها الروب بقت بس بالداخلي..كتلها يلله ركصي؟؟

خطية مستحية..مغمضة عيونها وتركص وكل شويه تنصدم بالكنتور..اباوع عليها وميت من الضحك..خلصت..الاغنية وخلص ابو العنب؟؟

جريتها من ايدها كعدتها بحضني

هاااخالد

شهااااابعد ركص وركصنا..بعد شكوتعاليلي؟؟

ناريمان:::

مخليني بحضنه ويباوع علية ميته من المستحةبقه يوخر بشعري يخلي وره اذني..وبعدين يبوس بيه بس هالمرة..موحيل يبوس ومخلي شفايفي بحلكة وكل شويه يباوعلي؟؟

اوووف شكد طيبة شفتج ولج..وبده يتحسي بجسمي كلبي اجه يوكف..كلي:

شببج جمدتي..رخي..رخي شويه نريمان

اي..خالد شويه اصبر بس خلي اخذ نفس؟؟
اصبر..شصبر ولج صارلي 3اشهر صابر..
صار فوكاية ادفع بيه وهو يضحك..ماادي شصار بيه مدري خايفة مدري فرحانه بس هو مستعجل وملهوف..حتى من..اخذني اصرخ ولايهمة بس يضحك..بعدين..غبت عن الدنيا مدري شصاربيه..

صرخت وبعد ما ادري شصار..اخير.شي حسيت..بيه يحرك خدي؟؟

نريمان..نريمان شبيج..كعدي ..كعدي وين رحتي..

فتحت عيوني..يضحك بوجهي؟؟
خلصت..خلصت..الشدة شبيج شكد جبانه..بسرعة ماعت..روحج..بعدين شبكني..شويه ووخر عني..وكعد يدخن اني من المستحة غطيت وجهي بالبطانية..

شني راح تضلين..جوة البطانية

خالد دور وجهك خلي..البس..هدومي؟؟

ههههه ادير وجهي..ولج هسه جنه نلعب شندق..مندق♡♡

خالد انطيني بس..الروب خلي استر بي نفسي فدوة..

هههه هاج البسي

لبست الروب كامت..باوعت ع..الجرجف لكيته ملطخ.دم..اخ..خطية شسويت بيها..يمكن اذيتها كلش..شافتني اباوع ع الجرجف..دموعها جرن

مو..مو..كتلك مابيه شي..مو كتلك محد..لامسني خالد؟؟

تعاي..تعاي يمي..لاتبجين..اجت يمي شبكتها ومسحت دموعها

ولج غير انتي سودنتيني بالجذب مالتج..غير ذبحتني ذبح بذاك..الحجي...

بجت..بالزايد

هسه صدكتني..

اي شلون مااصدكج..ونه توني كسرتج ؟؟

اسفه خالد اسفه على كولشي

اششش..اسكتي..مااعرف شلون سويتي هيج ولج لو ميته بيدي ذيج..الليلة..خنكتج حسيت روحج طلعت بيدي؟

خليها تطلع روحي بيدك  بس لحد تاخذك مني.

مسودنه..وعلي مسودنه

شفتها ترجف..

شبيج ترجفين بعدج خايفة..شغلتنا ..وخلصت شبيج ترجفين..مثل..السعفة

هااا ما ادري بردانه...حيل بردانه

بردانه خاف صخنتي..
مديت..ايدي على ركبتها..
ما مصخنه..جا شبيح..ولج خاف اذيتج...احجي..

ما ادري والله..ما اعرف..

دتعاي بحضني..ادفيج..نامت بحضني..جانت ترجف..خطيةبس اخذتلها..نص ساعة ونامت

احلى ليلة بحياتي..حبيبتي..اخذتها..وصارت الي..وانه كسرتها..اوووف خطية شكد ظلمتها..نايمة بحضني..وابوس..بشعرها..

احبج..يالمسودنه..احبج يبعد عمري انتي

ادري نايمة..بس حسيت لازم تطلع كلمة احبج من كلبي..

انتظروا بارت10♡♡♡♡♡