رواية العنب_العنب_العنب الفصل السابع 7 - بقلم ورود الخالدي

#العنب_العنب_العنب

البارت7

ورود الخالدي

خالد::

عفتها برة ودخلت..خطية رادت تسلم عليه مدت ايدها انه مديت ايدي فكرت الدنيا ليل وبس انه وياها بساحة الحوش خفت ايدها تصير بيدي ودمي يوج..وادري بروحي..ماعندي صبر..كلت خاف اسوي شي غلط ..وانه بالكوة اريدها تنسي عملتي ذيج..خفت  عليها من نفسي الدنيه..

وخرت ايدي بساع كتلها ما اكدر اخلي ايدج بيدي ودخلت للبيت..ثاني يوم الصبح..سمعت امي تكول:
لاتودن ريوك لعواطف لان هنه طلعن من الفجر..

اووووف راحت من الفجر..طلعت بسيارتي رحت كضيت جم شغلة ورديت للبيت..يربي شبيها روحي مقبوضة واحس اعصابي كابه نار..بس واحد يبزني انفجر بوجهه ابوي شافني معصب..لان من اجو الفلح..يسولفون ويه ابوي انه وجهي ثكيل وضايج ونتر نتر..من طلعو كالي:

بويه خالد شبيك روحك بخشمك..على كيفك وي الفلح ذوله وادم فقرة..

هاا..بويه اعذرني شويه ما الي خلك..

صار الليل صعدت لغرفتي بعدها روحي طايرة مني احس كلبي مو عندي..وكل شويه اذكرها..اخ اريدها تروح من بالي ماتروح ضحكتها ويه البنات..عيونها من تباوعلي..وامس بالليل من مدت ايدها...الله يغسل حظي..بتايت..شبيه ما لزمت ايدها..بلكت شويه تطفة نار كلبي.. يوم واحد راحت..كلبت راسي كلب تكول جني وركبني بس ارد اشوفها بس ارد احس بيها موجودة قريبة...صح الفترة الاخيرة انه مستحي وما ارفع عيني بعينها بس ع  الاقل اشوفها خطف...لو اشوف ضوة المشتمل مشعول واحس بيها يمنا..ثاني يوم نفس الشي ثالث يوم هم ..اخ كلبي طك عليها شوكت تخلص امتحاناتها وترد للبيت..رابع ليلة زادت حالتي ردت انام ماكدرت..اريد شي منها..اريد احس بيها يمي اخذت مفتاح المشتمل العندي ونزلت فتحت المشتمل ودخلت طبيت للغرفة..شفت كتبها ع الميز الزغير..وشفت جربايتها تذكرت ذيج الليله...اي يخالد هنا..هنا
بنفس هذا المكان جانت بين اديك..تشمشم وتبوس وتعضعض بيها..هنا..على هاي الجرباية..اخ ..ماينسن عيونها..المدمعات وريحتها..وصدرها الناعم الذبحني ذبح وشعرها..الجنه خيوط ذهب..لكيت هدومها ع الجرباية شلتنهن شميتهن اوووف ريحتها هاي ريحتها التسطر سطر..صارت بخشمي..اخ بويه ياناس..ياعالم...احبها..خايبين..والله احبها..ليش اضحك على روحي..حبها سودني..خلاني بلاعقل امشي..طاب لغرفتها وشمشم بهدومها..اذا هذا موعشك..جا..شني..عرفت روحي عشكتها..عشكت الدنيا على مودها..هاي هيه..مادام متأكد من روحي احبها واريدها..شبيه شمتاني بت عمي واذا اكل لبوي يزفها الى من الصبح..فكرت انه احبها وعاشكها  وهي..هي شلون..يجوز ماتحبني يجوز ماتريدني صح اكدر اجبرها واخذها..بس لا..بنيه مثلها حلوة ومثقفة..لازم اخليها تحبني مثل ما احبها..لازم كلبها يصير الي..كلشي بالغصب مو حلو..اخ..هسه انه ليش جنت دوم ارزلها واهينها..ليش جنت معاديها..لا وفوكاها خوفتها..وردت اعتدي عليها..هسه هي شماخذة فكرة عني..تذكرت كالتلي انت مو رجال..اخ حجايتها تحفر بكلبي حفر....بس هين..هين خلها تجي..الا اخليها تحبني وتعشكني..مثل ما انه ميت عليها..موت..

ناريمان:::

رحت لبغداد امتحنت كم امتحان احس نفسي ممجاوبه زين اي..شلون اجاوب واني فكري كوله يم خالد..افكر ..بيه ليل ونهار..هسه هو وين..زين هاذي..سهام هم اجتي هم وكف يحجي وياها ويباوع بعيونها اووف الغيرة اكلت..كلبي..واشتاقيتله حيل اشتاقيتله..اريد بس اسمع صوته..فكرت اخذ رقمة من ماما واخابرة وفعلا خليتها..تنام واخذت الرقم من موبايلة..اي همزين هو ميعرف رقمي..
اتصلت عليه..دك..شال التليفون.

الوووو..الووو

مجاوبت بس اريد اسمع صوته

ثاني يوم هم اتصلت..يكول الوو..واني ما اجاوب

ورةيومين هم واتصلت

كال الوو..الوو..

ادري..انت ولد..بت؟؟ليش ماتحجي..شني عاجبتك الالووو..مالتي..عمي لاتخاف..احجي وشتريد يجرالك...صارلك جم   يوم تخابر..وتسكت..هسه ليش خسران رصيد ومتعب روحك..

سكتت هم ماجاوبت بس مرتاحة لان اسمع صوته..
بوووويه الووو..ليش ماتجاوب..ادري نخلصها سكته شلون رايك؟؟

سديت التليفون..فديته وفديت صوته..الحلو

وقبل اخر يوم الامتحانات هم اتصلت عليه:

جاوب..

هاااا شلونك الساكت..افندي..ضل ساكت بعد اخوك..خلي السكته..تفيدك..ههههه انه شخسران..افتح خط واخلص رصيدك..الظاهر..انت متونس على صوتي..شنهي..تريد اغنيلك..خوش راح اغنيلك بلكت..الله يهديك وتحجي::
بس..تعالو..بس تعالو..لو اجيتو بروحنه نخليكم..كلوبنه ماتنسه همكم..هلبت..انسيها..هلبت بختنا يجيبكم هلبت..ونشم روايح طيبكم..هلبت..

ها..شني عجبتك الاغنيه..لو صوتي..موحلو من اغني..بووويه..بس احجي..محتاج شي..فلوس..اي شي..انه حاضر خاف محتاج وتستحي..بويه لاتستحي..شتريد بس كول وانه اطيك

اووف سديت التليفون..صدقة لله شلون يغني اغنيه كريم منصور بس تعالو..طلع مو شويه يعرف يغني وصوته حلو..
ورة يومين رجعنا للناصرية اول مدخلت للباب الرئيسي شفت الدم مال الذبايح عرفت عدهم خطار لو شيخ لو شخصية معروفة..فدخلنا للمشتمل بسرعة امي جايبة وياها لفات شاورمة..اكلت ونامت لان تعبانة من الطريق..بس اني..كلبي يلوب بودي اشوف خالد..حبيبي..اااوف شكد مشتاقتله يربي.. بوكت الغدة باوعت من الشباك..شفت ديدخل للبيت كلبي كام يغرد من الفرح..طلعت من المشتمل افتريت من ورة البيت اخاف احد من الخطار يشوفني وصلت لباب المطبخ الوره...وقبل لا افتح الباب باوعت من الجام..لكيت..سهام..ورقية وبتول يصبن اكل..وسمعت..خالد يكول:

كواجن الله ..تعبتن اليوم انتن وسهام..خطارنا هواي..

وسمعت رقية تكوله

تعبك

راحة بعد اختك شفايتلي لو اتعبلك بيوم عرسك؟؟

فسهام رأسا حجت:

والله اخوج مامبين عليه يعرس؟؟

سمعته يضحك:

ههههههه..ليش ما اعرس وحد عن الزلم..لاتخافن راح اعرس عن قريب وافرحجن!!

اخ...كلبي حسيته ضربني سجينه بكلبي من حجة وهو يضحك ويه سهام..اكيد يقصد سهام اكيد يريد يتزوجها هو ابن شيخ وهي حلوة وتحبه وام بيت وهو يريد وحدة تشيل خطاره
ما تحملت اسمع بعد رحت ركض للمشتمل طكيت من البجي..يربي معقوله خالد يروح مني..معقوله يكول اتزوج عن قريب..يعني راح ياخذ سهام..وتشبع شوف منه ومن عيونة ومن صوته ومن ضحكتة..ومن..سوالفه الحلوة..اخ كلبي موت احسلك ياكلبي موتي بحسرتح ياناريمان خالد مو الج خالد لغيرج راح يصير..الضهريه كولها ابجي وافكر..امي شافتني ابجي استغربت كتلهاسني يوجعني صار العصر..والخطار راحو..وخالد هم سيارته ماكو..يعني طلع اختنكت..روحي شايطة..افكر اموت ولا خالد تاخذة وحدة غيري..طلعت كعدت يم البنات شفت سهام وجهها يشع من الفرح..حقها تفرح..رادت تروح لبست عبايتها..سمعتها تحجي ويه البنات:

خايبات..ماترحن باجر..وياي. لحنه اخلاص..

ردت عليها..رقية:

يااا ..استغفر الله..شعدنا رايحيين بعد علينا بس اخلاص نروح لحنتها!!
.فهي مشت وكالت:

جا انه راح اروح بكيفجن لاتروحن..

وطلعت..

سمعت رقيه تحجي:
.امداني..تريدنا نروح لاخلاص..لاهاي هيه!!

سألتها:

ليش رقيه..شبيها هاي الاسمها اخلاص؟؟

خيه استغفر..الله استغفر الله هاي اخلاص..امها تشتغل فراشه بالمستشفي..مال الولاية..وتروح ويه امها..وهناك تعرفت على مضمد..استغفر.الله لعب..عليها..وخذ وجهها..وشرد من الناصرية كلها..وانفضحت..بعدين ابن عمها المكرود كال انه اخذها واستر عليها..اسم الله..اسم الله خيه..وباجر حنتها..هههه هاي سهام مسودنه حسبالها نروحلهم..

هاا..يعني

عدكم البنيه اذا غلطت لو صار بيها شي ابن عمها يسترها؟؟

خيه مو دايما..البت عدنا تنكتل..اسم الله بس ابن العم اذا راد يسترها يذبوها بركبته..هسه احنا ليش نحجي بيها استغفر الله لعبت روحي..منها..ومن طاريها..

كمت من يمهن ضليت افكر..بحجيها ورأسا فكرت بخالد وذكرت حجية من كال انه سترج وغطاج بت عمي..وما اخليج وراي..رأسا خطرت ابالي فكرة..ادري بيها فكرة خطرة كلش..بس ماكو عندي حل ثاني اريد خالد الي..الي وحدي..اروحله اجذب عليه واكله واحد اغتصبني واريدك تستر عليه..ومن يزوجني بليلة العرس اكله احبك..وسويت هذا الفلم حتى تصير الي..

انتظرته يجي..تأخر..صارت12بالليل شفته دخل..وفقل الباب الرئيسي وراد يدخل جوة للبيت طلعت من المشتمل..دخلت لبيت عمي كولهم نايمين وهو بغرفته صعدت على كيفي..وصلت الباب غرفته دكيت الباب..
خالد::

توني طبيت الغرفتي سمعت الباب يندك كمت فتحت الباب تفاجأت..بيها..ارتبكت مادري فرحت ما
دري شصار بيه:

نريمان؟؟هلا..هلا بت عمي شلونج..اعذريني ما جيت سلمت عليج انتي وامج التهيت بالخطار..

بس ماجاوبت.مدري شبيها وجهها بنطي الوان وخايفة:

نريمان شبيج..شو مو على بعضج صاير شي؟؟

باوعتلي رأسا دمعت عيونها يربي شبيها قلقت كلبي طار من القلف..

اي..اي خالد صاير شي..صاير شي جبير..وماعندي غيرك..اريدك تساعدني؟؟

ابشري بت عمي..شتردين يجرالج بس تعالي كعدي..اخذي نفس واحجيلي ؟؟

دخلت كعدت كبالي ع الجرباية...مترددة اديها يرجفن..يربي شبيها كلبي طار..طلع من صدري من القلق:

خالد..خالد ما ادري شلون ابدي الي راح اكوله مو سهل..بس ماعندي غيرك بهالدنيا والله

ولج احجي طيرتي كلبي..

خالد ..ال..الكليه مالتي بعيدة عن مدرسه امي..ويوميه اخذ تكسي واروح لامي اخر يوم الامتحانات..طلعت صعدت تكسي اشو ابو التكسي طلع

من غير فرع..كتله وين رايح هذا مو طريقى جان يجر عليه مسدس..ويكولي..اسكتي بلا صوت لا افرغ مسدسي براسج..وطار بالسيارة اخذني مكان ما اندله..وهناك..

احجي ولج..

هناك..اعتده..عليه..اغتصبني بالقوة خالد ماكدرت عليه..هو قوي شكد حاولت بس ماكدرت..صخم..وجهي..صخم وجهي خالد

يا..بوووويه هاي شتحجي..لو مفرغة مخزن طلق بكلبي ولاحاجيه:

ولج منتبهه على روحج شتحجين..

اي خالد ..هو..هذا الصار..

وبلا وعي..طفرت عليها..خنكتها..ركبتها بيدي اخنك بيها وهي ترفس..واكلها:

ولج شني هذا الصار..شني هذا الصار؟؟
ضليت اخنك بيها هي ترفس تريد الهوه..بعدين انكلبن عيونها بيض..وكعن اديها..وخرت ايدي..ماتحركت....هاي ماتت..ماتت كتلتها..كتلتها بيدي..عيوني صبن دمع وحدهن..مامصدك كتلتها..خليت..اذني على كلبها..بعده يدك..بعدها ماماتت..بس نفسها ضعيف كلش..طكيتها راشدي حتى تصحه ما كعدت جبتها بالثاني ما كعدت دنكت خليت حلكي..بحلكها نفخت بي..مرتين تلاثة لكفت النفس كامت تتنفس..رجعت اطك على خدها فتحت عيونها..اووف ماينطيني كلبي تموت بين اديه..

شفتها صحت كتلها:

كومي..كومي..امشي وياي البغداد هسه دليني بيه..دليني بيه..اريد اكتله وبعدين اكتلج واغسل عاري

جريتها من ايدها:
كومي وياي..

هي كام تبوس بيدي

خالد..فدوة لتموتني..فدوة خالد

ولج اموتج واموته كومي دليني عليه؟؟

ما اعرفة والله خالد ما اعرفة ومشايفته قبل يم الكليه الف سايق تكسي هناك؟؟

شني متعرفيه اغتصبج ومتعرفيه..كولي وين اخذاج..شني رقم سيارته؟؟

ما اعرف رقم سيارته جنت خايفة ومشفته..والمكان الاخذني بيه هم ما اعرفة

شني ولج..متعرفين..شلون ابرد كلبي..شلون اغسل عارج..ولج شلون ما اكتله ولج اطم روحي..يغتصب عرضي وما اعرفة اموت اشرفلي..

ماعرفه ..والله ما اعرفه

جا اكتلج انتي

وامج المتيهتج..بالتكسيات اثنينجن تستاهلن الموت..

امي متعرف..مكتلها..خالد لتفضحني..محد يدري بس انت كتلك..خالد اذا تريد تكتلني..اكتلني هسه وادفني بالكاع الدنيا ليل..واذا سألوك كلهم ما ادري عنها شي..بس لاتفضحني اني وامي..

تحجي وتبوس بديه..

شني ما كلتي لمج؟؟

اي مكلت لامي..بس انت كتلك انت مو كتلي اني سترج وغطاج..ماعندي بس الله وانت..استر عليه خالد لاتفضحني..مروتك..
مو يكولون الحرمة بشارب الخير..وانه بشاربك خالد..

يعني شتريديني اسوي..اسكت..اذا ماعرفو اليوم باجر يعرفون..

خالد تزوجني..استر عليه....خليني خدامة جوه رجليك..بس استر عليه..

ضليت اباوع بوجهها كلبي احسه ينزف دم..شسوي..تكول اغتصبني..تكول انه بشاربك..وما عندي بس الله وانته

نريمان..روحي..روحي هسه من وجهي..لا اكتلج واكتل روحي..روحي عني..طلعي..من غرفتي..

انتظروا بارت8