رواية العنب_العنب_العنب الفصل الثامن 8 - بقلم ورود الخالدي

#العنب_العنب_العنب

البارت8

ورود الخالدي
خالد:::

طردتها من غرفتي..احس راسي راح يطك فكري انشل..شسوي..يربي شسوي..اخذها للبستان واكتلها وادفنها صدك..بس لو اريد اكتلها..ليش..ما كتلتها..توها جانت بيدي..ليش من خنكتها وشفت روح تفرفر..طاحت دمعتي وركضت خليت اذني على كلبها..وانفخ بحلكها اريد اردلها النفس..ياالله ما اكدر ما اكدر اكتلها..مو شغلة حب وعشك بس..ايدي ماتاخذ عليها..ما اتصور روحي كاتلها بيدي..جا شسوي..شسوي اروح اكل لبوي اخلي يطكها جيلة ويكتلها..بس ابوي شيخ ..ومعروف ولو كتلها ماتنظم السالفة راح ننشهر..وننفضح..ونصير مكصة للوادم..جا شسوي..تكول..اغتصبني..يعني مو من رضاتها..يعني كاسرها بالكوة..فكرت..اني مو ذيج الليلة ردت اكسرها لو ما تتنخى بغيرتي..ومروتي وعرضي..هم ردت اكسرها..بس الله ستر وعفتها..تكول ماكدرتله ..اخذني بالكوة وماكدرتله يعني ما الها ذنب..يعني اذا كتلتها هاي عدالة الله..يعني هم هي ضحية جلب من جلاب بغداد اخذ وجهها وذبها..وفوكاها تنكتل بلا ذنب..واذا مذنبه شني ذنبها..ادور على ذنب شو ماجاي اعرفة...خطية تكلي ماعندي غيرك..تبوس بيدي تكلي لاتكتلني..استر عليه ولاتفضحني..تكلي اتزوجني وخليني خدامة جوة رجليك..شسوي يا الله شسوي صح ما الها ذنب بس الشرف عزيز..والناس ماترحم وماتعرف..اغتصبها..ذاك الجلب اذا انفضحت..تدمر..دمار.واذا كتلتها ما تستاهل..ما الهاذنب..ضليت كاعد للصبح افكر فكرة تاخذني وفكرة تردني..من صار الصبح قررت اخر قرار
رحت لبوي كتلة:

بوية اريد اعرس!

اي بويه هاي الساعة المباركة..كلي بوية حاط عينك على بت كلي باهلها اليوم امشي عليهم..واذا ماحاط عينك اخلي امك ادورلك على بت حلال.

بويه لاحاط عيني ولا ادورلي امي..انه اريد بت عمي حسين

بت عمك حسين!!!بس بويه هاي تدرس بالكلية
خاف ماتوالمك؟

بوية ياكلية يابطيخ اخذها وابطلها؟؟

بويه ليش ماتشوف غيرها...خاف ماتتوالمون..

بويه شني مانتوالم بت عمي واريدها دمي ولحمي خو ما انطيها للغربة؟؟
بكيفك بوية اليوم احاجي عواطف..تاخذ رايها..ما طولها هنا؟؟

بويه شني رايها..الخميس اخذها

هاي الاصول لازم ناخذ راي البت..واذا رضت الخميس ازفها..والله..لسويلك عرس لاصار..ولاتصور..

بويه لاعرس ولادوخة بيناتنا تسوي عرس زغير وفيمالله

ولك تحجي صدك جذب ولك انته وحيدي..شلون عرس زغير والله لخلي الناس تسولف بعرسك سنه ورة سنه..

بكيفك بويه...

طلعت من يم ابوي احس حلكي متروس دم..روحي لايجة..فكرت كلت هذا احسن حل..اخذها شهرين 3واطلكها..بس مجرد استر عليها وماتنفضح..بس ما امد ايدي ولا انام وياها ما اجيسها لان كلبي انطفة من يمها وروحي جزت..بعد ما اكدر..اخليها مرتي صدك..جانت حلم صدك عشكتها عشك مخابيل..بس كلشي راح كلشي  انتهه وبعد مايرجع..

ناريمان::

الليل كله افكر شراح يصير بيه هسه اني شلون هيج حجيت..فكرة السودة..خطة السودة عليه..الصبح عمي دز عليه وعلى امي ماصدكت من حجة بموضوع الزواج..الحمد لله خطتي نجحت وخطبني عمي لخالد امي عارضت كتلة عمي موافقه.اني..قرروا عرسنا الخميس..الحجية فرحانه والبنات طايرات خطية فرحانات اخوهن الوحيد راح يعرس..بس اني اكثر وحدة فرحانه بالدنيا..الاربعاء اخذتني امي للصالون لبست بدله كولش حلوة..ومكياج وتسريحة..والمغرب اجه الشيخ عقدلنا..اني من ذيج الليلة..مشفته كلت هسه يجي يلبسني الحلقة والذهب لان الحجية اشترت ذهب وبسرعة جابو اخشاب لغرفة خالد الفوك..وجهزن كولشي لان كالن خالد يريد العرس الخميس ولهذا صارت حنتي الاربعاءبس من خلص العقد بقيت كاعدة والبنات يصفكن ويركصن..كلت هسه يجي..هسه يجي..ماكو ما اجه سمعت الحجية
تكول:

انه راح البسها الذهب خالد يستحي يجي..

وفعلا لبستني الذهب والحلقة..

كلت ميخالف هسه هو ضايج لان ميعرف الحقيقة..خلي اصبر..باجر ورة الزفة احجيلة كولشي واخلي كلبه يرتاح..اكوله جذبت عليك لان احبك واريدك الي وما اريد سهام تاخذك مني..
ثاني يوم عمي عازم الدنيا كلها والذبايح كومه..والدنيا مكلوبه اني بالصالون..ع اساس تطلع الزفه من الصالون للولاية يفترون بينه ونرجع للبيت..اني منتظرة شوكت تجي الزفه شوكت يجي خالد وياخذني..لبست بدله تخبل..والتسريحة حيل حلوة ام الصالون كالت لتبصبغين ولتميشين شعرج اشكر..ويخبل..بس سوتلي تسريحة ومكياج يجنن..كلبي يدوك..يدوك..يدوك..سمعت كالو جتي الزفة..وكفوني اباب الصالون لبسوني عباية..فوك البركع..واخيرا اجه خالد فديته لابس قاط اسود يخبل عليه اول مرة اشوفه بالقاط..لزم ايدي وصعدني باالسيارة كعد بصفي..

خالد::
راحت زفتي السودة للصالون طلعتها ماشفت منها شي لابسه عبايه لزمت ايدها غصبا عليه وصعدتهااول ما حركت السيارة هديت ايدها..روحي جازة منها..افتروا بينا وهلاهل ودبج وجيلات..ادك فوك روسنا..وبعدين اخذونا للبيت..زفونا..وصعدونا للغرفة..اول مادخلنا كعد ع الجرباية وجهها مغطه..بتور مال عرايس ابيض..عفتها..ما اريد اشوف خلقتها..نزعت حذائي..والسترةوكعدت ع الصفحة الثانيه مال الجربايه افكر شيخلص هاي الليلة..بقيت كاعد ادخن..تقريب..نص ساعة هي كاعدة ماتحركت..
امي..فارشه دوشك  بالكاع..ع اساس اخذها عليه..ماتدري..اني..اتمنى تختفي عن وجهي..

ضجت من الكعدة كتلها:

كومي يالله بدلي نزعي البدلة ولبسي اي شي ونامي..

سمعت صوتها:

ابدل وانام؟؟

اي بدلي ونامي خلصت الزفة..والتردينه صار حك العليه سويته..

كامت من مكانها رفعت البركع..وشفتها..دخيلك ربي شهالجمال هاي شني بشر لو لعابه..

شطالعة يارب العالمين..احتركت روحي من شفتها..دمي فار..هسه لو مابيها شي..لو مامكسورة لو بعدها بت بيت هسه مو اني اسعد رجال..مو هذا الجمال يصير كله الي..موهسه ليلتي..ما عندي خلك يتحمل من كد ما احبها..وعاشكها..اتعارك ويه روحي..لان روحي تريدها وعقلي جاز منها..فكرت..لا ولك خالد لاتضعف..لاتدنه عليها هي صارت الغيرك مو انت التاكل لكمة جانت بحلك غيرك..سمعتها:

خالد اريد احجي وياك..

ناريمان::

هو عايفني بس يدخن..وكلي نزعي البدله بدلي غيرها ونامي..

رحت يمة اريد احجي وياه..كتله:

اريد احجي وياك بعدني ممكملة حجايتي..ضربني راشدي..كولش قوي حسيت اذني انسدت راد يضربني راشدي لاخ..كتله

خالد لتضربني خليني بس احاجيك؟؟

كال:

شتحاجيني بعد..شتحاجيني على صخام وجهج..

خالد..والله محد مصخم وجهي اني مبيه شي؟؟

مابيج شي شلون؟؟

خالد..جذبت عليك..اني جذبت وكتلك واحد اغتصبني..والله محد لامسني ابد..

ولج شني هالخرابيط؟؟

مو خرابيط..خالد اني..اني احبك..احبك هوايه وشفتك تريد تتزوج..سهام.. فجذبت عليك حته تصير الي ومتاخذك مني..

شو هو رأسا نزع الحزام وكام بضرب بيه بكل قوته بس ما اكدر اصرخ خاف يسمعونه:

ولج..هاي جذبه جديدة هذا فلم جديد تريدين تقشمريني حتى انام وياج..اي تردين اتورط واصدك وانام وياج..بلكي تحبلين وتضلين بركبتي طول العمر..ويجوز انتي هسه حبلة..من ذاك الجلب..وتلزكين نغلج..بيه..ولج شكالوج..كديش..لو اثول.

لا خالد لاتضلمني..والله محد ماد ايدة عليه والله جذب كل  الحجيته جذب والله بعدني بنيه اخذني للدكتورة وتأكد مني

لا اخذج ولا تاخذيني..كلها 3.اشهر واطلكج..واخلص من مسؤوليتج..هههه..تريدني اصدك بيها بعد يجوز تتفقين ويه..الدكتورة شمدريني بسوالفج الوصخة

خالد والله..والله بعدني بنية..والله محد كاسرني.

اكلي خره..ولج..اكلي خرة كومي عن وجهي.
بقيت اتوسل بيه هو ميصدك شبعني كتل بالحزام..بعدين تعب..وعافني..فتح المجر طلع سجينه من هاي ام الياي..كعد ع الدوشك..الي بالكاع..رفع قميصه جرح ايدة..وكع الدم على الجرجف مال الدوشك..كام صاح بيه..

بدلي نزعي البدلة لبسي اي شى

..دار وجهه ع الحايط كال:
بسرعة بدلي..

نزعت البدله وشمرت البركع..دموعي يصبن..وضهري يحركني من ضربات الحزام..لبست دشداشه محضرتها امي..الي..لونها ابيض..كال:

خلصتي لو بعد كتله خلصت:

التفت عليه..هو لازم الجرح ماال ايده كال :

ديري وجهج خليني ابدل..

درت وجهي ع الكنتور..بعدين سمعتها يكول:

سمعي لج..اذا راح اطلع اذا دخلت امي وامج كليلهن اخذتج..وهذا الدم ع الجرجف..افتهمتي..كليلهن خلصنا..

اني سكتت..
مو احجي وياج..

التفتت لكيته لابس دشداشه بيضة

زمخ بيه:

تعالي كعدي عالدوشك..راح اطلع سوي مثل ما كتلج..

اي..اي..
طلع من الغرفة..اسمع صوت الهلاهل..والصلوات..دخلت الحجية وامي..يبوسن بيه:

يمة مبارك..مبارك صلوات..صلوات كلللللوش

امي كالت:
.كومي ماما خلي اسبحج..
اي يوم اخذتني سبحتني..وانه دموعي يجرن..

ماما شببج تبجين..شغله خلصت..وهسه صرتي مرة والحمد لله

بجيت اكثر

ماما قلقتيني خاف تتوجعين..خاف مأذيج

لايوم مبيه شي ..بس جنت خايفة؟؟

مشطلتلي امي شعري ولبسني سيت نوم ابيض وكالت:
صيري سبعة ماما هو هذا العرس بس اول يوم مستحة..وتتوجعين شويه؟؟

اي يوم..
اجن البنات يصفكن ويطشن جوكليت..دخت من الصوت ما اكدر حتى ابجي اخاف الناس تحس عليه..نص الليل اجه خالد

هاولج شسويتي..

سويت مثل مكتلي؟؟

يالله كومي..نامي هناك ع الدوشك بالكاع اني انام ع جربايتي منا..وجاي.نومتج بالكاع على ما يخلصن 3شهور ونطلك واخلص منج..
اي..اي..
جنت خايفه منه اخاف يضربني
كمت نمت بالكاع..

خالد::

خلص العرس الاسود وخلصت السبعة والدوخة..هي تنام بالكاع وانه ع الجربايه ماتحجي ساكته..طبعا مكسورة عينها شلون تحجي..ورة عشر ايام هم فتحت الموضوع تكلي بعدني بنيه بس انه ما اصدك بيها..مادام جذبت بالاول يعني حجيها كله جذب هههه تكلي جذبت لان احبك شلون فلم شوكت حبتني خلصتها رزايل واهاين وياها شوكت حبتني غبيه حسبالها اصدك جذبها وانام وياها وتورطني..وين اكو وحدة تحب واحد تذب نفسها للموت وتكول اغتصبوني تعال تزوجني..وين اكو..هيج حب بهالزلك..كلما تفتح الموضوع ابسطها..ازوركها اكطع الحزام عليها كامت تشوفني ترجف مني..بس اجي للبيت تشرد وبالليل تلف راسها وتنام كبلي..تخاف خاف تحجي واشبعها بسط؟؟؟

مرت الايام..انه احاول اطلع من البيت طول النهار حتى ما اشوفها لان كل ما اشوفها انقهر..مو بيدي احبها ..وضاعت من ايدي..وكل ما احس روحي تهوم عليها واريد اكضها بيدي اتذكر..هي مو بنيه اتعصب وابسطها اكومها بكتلة واكعدها بكتله....الشهر الاخير كمت استخطيها اكول هو شهر واحد واطلكها ليش ادك عليها وهي ساكته يعني اطلع حركة حبي وعشكي بالدك هذا غير حب..غير عشك..كمت اكعد بالليل احس كل يوم يمر من الشهر يبعدها عني..هي تنام بالكاع اكعد بالليل اباوعلها شعرها الحلو ع المخدة..ركبتها الحلوة البيضة تنبض..عيونها مغمضات..شفايفها العاشكهن عشك..اتمنى امصهن..واعضهن صدرها الدوخني..شلون بيه..يربي روحي تريدها..رغم كلشي بس ما اكدر اجيسها..مثل واحد صايم وكاتلة الجوع ومخلين كباله كومة اكل لايكدر يمد ايدة ياكل ولايكدر يصبر..ويوم عن يوم الشهر يمر بقه بس اسبوع واحد واطلك..جنت معزوم بعرس صديقي اباوع ع العريس شكد فرحان واتحسر على روحي جابو شرب..انه ما اشرب ابد بس شافوني ضايج جبروني كالواشرب شويه تونس

شربت اول كلاص..بس ماوكفت ضليت..اشرب ثكلت كلش..

ناريمان::

نمت قبل ميجي خالد اخاف منه اخاف يضربني كعدت ساعة وحده بالليل اشو ماهو بفراشه قلقت نزلت جوه طلعت..للحوش انتظرة..يربي وين صار..ضليت كاعدة شفته ركن السيارة نزل منها مشيته مو تمام..رحت يمه اخ ريحة قوية:

خالد وين جنت شنو شارب؟؟

اي شارب شتردين تحققين وياي؟؟

لا مااريد شي بس تعال للغرفة خاف..احد يكعد ويشوفك لو عمي يعرف ويزعل

ردت..اسنده كلي

وخري لج..لاتكضيني انه..اصعد وحدي..

دخلنه بسكوت كوه يصعد الدرج..
لزمته اسنده

وخري ولج..

خالد صوتك ..صوتك..بس خلي نوصل للغرفة اكتلني كطعني بس ليسمعك احد

سندته صعدته كعدته ع الجربايه نزعته شحاطته

تمدد

اخ بويه راسي راح ينفجر

شفته يريد يفتح دكمة الدشداشه مكدرايده ممستقره مديت ايدي اساعده لزم ايدي كعدني بحضنه..لزم خدي:

ليش..ليش ولج هيج سويتي بيه؟؟

اني..والله ممسويه شي؟؟

ما مسويه شي..ولج كلبي ممرود..مرد من وراج..
اسم الله..على كلبك خالد؟؟شكدحلفتلك كتلك محد لمسني ومبيه شي انت متصدك..

جان يضربني على حلكي حيل..هو ايده بيها محابس صارت على سنوني..فانفتحت شفتي من الداخل وكامت تنزف..شاف دمي يجري من حلكي..
خفت خاف يضربني بعد ردت..اكوم لزمني حيل:

اوكفي خلي اشوف حلكج..

فتح حلكي باصابعه..ضل يباوع بعيوني..وخلة شعري وره..اذني..ولزم ركبتي حلكي يجري دم..بس هو مااهتم..للدم رأسا دناني خلي شفايفي بين شفايفه وضل يجرجر بشفتي باسنانه..خفت..بس مدري ليش..ضليت كاعدة بحضنه وهو يسوي هيج شفتي كامت توجعني كتله ؟؟

اخ خالد عوفني فدوة شفتي مجروحة..

ولج وكلبي هم مجروح كلبي املخ ..تملخ

ردت اكوم..من يمه لان سكران حيل عنيف احس عظامي حتتكسر..تمددوشبكني كتله:

خلي اروح بفراشي:
كال ضلي بحضني بس..الليلة

انتظروابارت9♡♡♡♡♡