الإقامة الجبرية الجزء الثاني الفصل العاشر 10 - بقلم الامبراطورة نور الشمس أماني فهمي

الإقامة الجبرية الجزء الثاني

الحلقة التاسعة
🌟🌟🌟🌟🌟🌟

في المستشفي
🌟🌟🌟🌟🌟

دخل مايكل و هو يغلي من الغضب من تلك الصغيرة و خلفة دخلت ميريت و هي بين أحضان جوزف

بيتر : اقعدو

جلس الجميع و هم في حالة صمت

بيترو : مش عارف بصراحة اعتذر منك للمرة الكام
ميريت : حضرتك مش من حقك تعتذر المفروض هو اللي يعتذر علشان هو اللي غلطان
مايكل بغضب : و انا مش هعتذر منك
ميريت بعصبية : و انا مش عوزاك تعتذر علشان اصلا مش هسامحك
بيتر : كفاية
ميريت : بعد اذنكم عندي شغل
و بعصبية : و انت هتيجي معايا و لا هتفضل مع البتاع ده
مايكل بغضب : ايه بتاع ده
ميريت بغضب : ابعد عن وشي علشان انا لو مسكتك هضربك

خرجت ميريت من الجناح تحت ذهول الجميع

جوزف بضحك : يخربيتك مايكل عصبت البسكوتة
سلفا : انت تعرفها منين و ليه بتقول اختك
جوزف : لأنها اختي الصغيرة ميريت
سلفا بذهول : بنت عطر
جوزف بفخر : اه بنت امي
بيتر : بس كيوت اوي و صغيرة
جوزف : فعلا لسه مكملتش ٢٠ سنة
مايكل بسخرية : ده بلطجية مش كيوت خالص
جوزف : لا بجد ميريت طول عمرها هادية و كيوت بس اول مرة اشوفها بالمنظر ده الظاهر انك بجد جبت آخرها
و بحزن : او من كتر الحزن طلعت اسوء ما فيها
و بجدية : مايكل بجد ابعد عن اختي لاني مش هرحم حد يفكر يقرب منها
مايكل : صدقني جوزف انا مش عارف عملت كده ليه بس انا كنت خايف علي جاك
جوزف : اخباره ايه دلوقتي
مايكل بسخرية : اسأل اختك
جوزف : انا هروح ليها اطمن عليها و هشوفك بعدين

غادر جوزف الجناح و سأل علي مكان ميريت و توجه إليها و بعد محايله وافقت علي مسامحته

🌟🌟🌟🌟🌟🌟🌟🌟🌟

بعد مرور اسبوع
🌟🌟🌟🌟🌟🌟

خرج جاك من المستشفي و ذهب الي المنزل

جوزف بحنان : طفلتي الجميلة
ميريت بابتسامة : نعم حبيبي
جوزف بحنان : العيلة كلها نفسها تشوفك و متجمعين في العزبة يوم الجمعة و صقر و فارس و ماما و سلمي و جوزها كمان معزومين
صقر : اشطا
فارس : اخيرا إفراج و راحة من المذاكرة
عائشة بحنان : روحو انتم انا مش لازم
جوزف : حضرتك لو مرحتيش محدش هيروح
فارس بدموع وهمية : لا ماما علشان خاطري انا هطق من المذاكرة و تعبت و العيال ديه كمان تعبو من الشغل و الدراسة
عائشة بضحك : هههههههه بس هتدفع كام
فارس بسرعة : اللي حضرتك عوزاه
عائشة بضحك : ههههههههههه قوم روق المطبخ و جهز اكل لينا
فارس بسرعة : حمامة

ضحك الكل علي فارس و جنانة

مر الوقت سريعا و تجهز الجميع و ركبو العربيات و مشيو خلف بعضهم البعض و توجهو الي المزرعة و وصلو في قصر فخم و عريق و نزلو

🌟🌟🌟🌟🌟🌟🌟🌟🌟

في القصر
🌟🌟🌟🌟

نزل الشباب و ركنو العربيات و دخلو ما عدا ميريت التى وقفت تستند علي العربية تتحدث في الهاتف مع والدها الحبيب

ميريت بابتسامة : اسفة حبيبي و الله العظيم غصب عني
الحاج مهدي بحنان : و لا يهمك يا قلبي انا عارف انك مشغولة و مضغوطة الفترة ديه
ميريت : بس متقلقش انا هاجي مصر بعد شهر علشان هحضر فرح ساندي مينفعش اسبها
الحاج مهدي بحنان : تنوري يا قلبي
ميريت : ليا طلب عندك ممكن
الحاج مهدي بحنان : انتى تامري
ميريت : انا عوزاك تخلي ابية محمد يجهز بسبور لوفاء و انا لما هاجي نحجز تذكرة ليها
الحاج مهدي بجدية : ليه يا بنتي
ميريت بحزن : وفاء صعبانة عليا و محمد كمان و متنساش ان وفاء مش بس بنت اخويا لا ديه اختي الكبيرة و ملحقتش تتجوز و تفرح
الحاج مهدي : ما انتى ذيها اتجوزتي و طلقتي
ميريت : شوف انا فين و هي فين انا فعلا اطلقت بس كملت دراستي و كملت الكلية و بعدها سافرت ألمانيا و عايشة حياتي لكن هي من يوم طلقها و هي حتبسة نفسها في البيت و خصوصا اوضتها انا اكتر واحدة حاسة بيها و كسره قلبها علشان خاطري بابي مترفضتش
الحاج مهدي بحنان : خاطرك غالي عليا بس محمد
ميريت : ملكش دعوة ابية محمد انا هتكلم معاه و هفهمة بس انت ساعدني ممكن
الحاج مهدي بحنان : ربنا يخليكي لينا يا ضي عيوني
ميريت بمشاكسة : لا نبض قلبك
الحاج مهدي بغضب مصطنع : امشي يا بت نبض قلبي عطر و بس
ميريت بدلع : و انا مهودي
الحاج مهدي بحنان : انتي ضئ عيوني و روح قلبي و عمري كله
ميريت بابتسامة : ربنا يخليك ليا يا حبيبي و منحرمش منك ابدا
الحاج مهدي بضحك : هههههههههه يالا يا بكاشة روحي انبسطي
ميريت بضحك : هههههههه ماشي حبيبي سلام موقت و هرجع اكلم تاني

أغلقت ميريت مع والدها الحبيب و دخلت الي القصر

🌟🌟🌟🌟🌟🌟🌟🌟

في الداخل
🌟🌟🌟🌟

دخل الجميع و عرفهم جوزف علي اهله

رجل كبير : فين ميريت
جوزف : بتعمل مكالمة تليفون و هتيجي
سيدة بفرحة : انا مبسوطة اوي اخيرا هشوف بنت عطر
رجل بابتسامة : لا تقلقي عزيزتي فهي جميلة بحق كأنها عطر
جوزف بضحك : احذر عمي فإذا غضبت سوف يظهر العرق الصعيدي
شاب ببرود : علي نفسها
جوزف بضحك : انت بالذات سوف تنال منك لا تقلق

دخلت الخادمة و خلفها ميريت التي ترتدي بنطلون جلد باللون الازرق مع قميص نسائي باللون الابيض و جاكت باللون الازرق و حذاء بكعب عالي باللون الاسود و نظارة شمسية باللون الازرق

جوزف بابتسامة و فخر : اعرفكم علي الدكتورة ميريت الشيخ

نظر الجميع لها بذهول و اقسمو بأن من تقف أمامهم عطر و ليست ميريت

الرجل الكبير : هذا صحيح فأنتي نسخة من عطر رحمها الله
ميريت بابتسامة : شكرا لك
جوزف بحنان : تعالي اعرفك ده بيكون جدنا مارك و الحلوة ديه جدتنا صوفيا اما ده بيكون عمنا جورج و القمر ديه زوجته ماتلدا و ده بيكون عمنا بيتر و طبعا العسل ديه زوجته سلفا و ده جاك و لوسيندا و مايكل و الين و بيتر
شاب من خلفها : و انا سيد جوزف نستنا
جوزف بضحك : هههههههههه علشان انت ملكش لزمة
الشاب بغيظ : بس هي صحبتي صح ميمو
ميريت بذهول : ماك اذاي
ماك بضحك : ههههههههه لما شفت جوزف عرفت انك اخته و كنت هقولك بس هو قالي بلاش
تانا : منورة ميمو
ميريت بابتسامة : تانا كده ناقص مين مظهرش
صوت : انا
ميريت بابتسامة : بابا حبيبي
ادم بحنان : حمد لله على السلامة يا حبيبتي
صوفيا بحنان : تعالي سلمي عليا
ميريت بابتسامة : حاضر تيتة
صوفيا بحنان : تعرفي انك شبة عطر اوي
مارك : فعلا
سيدة : بس عطر سابت ادم و راحت اتجوزت واحد ريفي مش نفس المستوي
ميريت بغضب : احفظي لسانك انتي تتحدثين عن والدي الغالي فأنا لا أقبل اي اهانة و سوف ارد حقة فذلك الشخص ليس بالهين نعم يعيش في الصعيد و لكن علي مستوي علمي و مادي كبار فهو جعل من أبنائه و احفاده قوة لا يستهان بها و انظري لي فأنا أقرب دليل لكي جئت من نفس بلد ابي الي هنا للدراسة و لم يرفض و أمتلك سيارة اغلي من سيارتك الشخصية و اعيش في منزل فخم يليق بأسم مهدي الشيخ حتي هذا القصر هل تعرفي باني لم انبهر بيه هل تعلمي لماذا لان الشخص الذي تتحدثين عنه يملك قصر اكبر منه فلا تتحدثي عنه مرة أخري
شخص بحده : مايا

ارتعبت تلك المرأة من ذلك الصوت و نظرت خلف ميريت

الشخص بحده : ماذا قولت لكي
مايا برعب : انا مقولتش حاجة
الشخص بحده : علي غرفتك

صعدت بسرعة الي الأعلي و وقف الشخص امام ميريت

الشخص بابتسامة و هو يرفع ايده : اهلا و سهلا انا انطوان
جوزف بسرعة و هو يسلم عليه : ده بقي عمنا أنطوان و اللي طلعت بتكون زوجته مايا
أنطوان : مش هتسلمي
يوسف الوكيل : ميريت مش بتسلم علي رجالة
ميريت بابتسامة : جو وحشتني اوي
يوسف بحنان : و انتى يا روحي وحشتيني اوي
صقر بابتسامة : جو
يوسف بابتسامة : حمد لله على السلامة صقر
فارس بضحك : ههههههههه ابو جوهات كلها
يوسف بضحك : ههههههههههه مجنون عيلة الشيخ
ميريت بضحك : ههههههههههه محدش ليه دعوة ب جو حبيبي
جوزف : و انا يا هانم
ميريت بابتسامة : انت روحي
صقر : و انا
ميريت بابتسامة : نصي التاني
فارس بغيظ : و انا
ميريت بابتسامة : مجنوني
أنطوان : بعتذر منك
ميريت : مفيش داعي للكلام ده عادي
مارك : يالا شباب اطلعو استريحو شوية
جوزف : يالا يا شباب
ميريت : انا و ماما اوضة واحدة
جوزف : اكيد متقلقيش

صعد الجميع الي الاعلي و بدلو ملابسهم و نزلت ميريت الي الاسفل و خرجت تتمشي في الأرض الزراعية و كانت رائعة الجمال

صوت : تعرفي انك حلوة اوي
ميريت بخضة : انت
جاك : مالك خفتي ليه
ميريت بجدية : و مين قالك اني خفت بس اتخضيت
جاك : اسف
ميريت : عاوز ايه
جاك : حبيت اشكرك على وقفتك معايا و مخفتيش من مايكل
ميريت بابتسامة : انا مش بخاف من حد
مايكل : لازم تخاف يا طفلة
ميريت بسخرية : كويس انك عارف اني طفلة و تحدتك و وقفت قدامك و مهتمتش باي حاجة تعملها
مايكل : عارفة لسانك ده هقطعة
ميريت بسخرية : مش هتفرق عندي

مشيت ميريت الي البحيرة و جلست بجوار جوزف و وضعت رأسها علي كتفه

جوزف بحنان : مالك طفلتي
ميريت : بصراحة مخنوقة عوزة حاجة جديدة
جوزف : بقالنا كتير متكلمناش مع بعض
ميريت : مفيش جديد بس قولي انت مش ناوي تتجوز نفسي افرح بيك
جوزف بضحك : ههههههههههه حاضر يا ماما هدور علي واحدة اتجوزها
ميريت بابتسامة : يا بني يا حبيبي انت بتاخدني علي قد عقلي
جوزف بضحك : ههههههههههه لا طبعا يا ماما مش بكذب عليكي
ميريت : طيب قولي مواصفاتها ايه
جوزف : معرفش عاوز واحدة تخطفني من اول لحظة قلبي يدوق جامد تحسي انك مشتاقة ليه لما يقف قدامك تحسي انك ملكتي الدنيا تكوني واقفة قدامه و تحسي بهبته و قوته يضمك ليه و يخفيكي عن عيون الكل
ميريت بحالمية : تكون نايم مطمن و عارف انك الصبح هتصحي علي وشه لما يضمك تحس بالامان
جوزف بحنان : مواصفات شريك حياتك ايه
ميريت بابتسامة حزينة : تفتكر واحدة ذي ممكن تفكر انها تتجوز و تحب
جوزف بحنان : و ليه متحبيش و تتجوزي و تخلفي كمان انتي لسه صغيرة و صغيرة اوي انكتب عليكي حاجات بس انتي اقوي منها بدليل انك هنا دلوقتي و حققتي اللي انت عوزاه مقولتيش خلاص انا انكسرت و سبتي مستقبلك و عملتي فيها مظلومة و ضعيفة و بكيتي على الاطلال بالعكس وقفتي و صمدتي و كملتي مستقبلك كنتي عاوزة توصلي لاعلي حاجة كنتي عوزة تكوني دكتورة كبيرة و ليكي اسم و سمعة انتي عوزة اسمك يبقي كبير و كبير اوي كمان انتي عوزة اسم الدكتورة ميريت الشيخ يوصل للسما نفسك تكوني الدكتورة عطر الوكيل صح اقعدي مع نفسك و فكري نفسك يكون شكل فارس أحلامك ايه و اوعي تفتكري انك كنتي متجوزة عتبري نفسك و ليه تعتبري انتي بس اتكتب كتابك و نفصلتي عنه و خلاص مش آخر الكون انك تطلقي بالعكس لازم تعرفي ان الطلاق مش آخر الكون فكري يا حبيبتي انا بقولك الكلام اللي محدش ممكن يقولها ليكي انا عارف و واثق ان بابا مهدي هو الوحيد اللي هيقولك نفس الكلام فكري حبيبتي فكري كويس في مستقبلك و حياتك مش لازم حياتك تبقي عملية بس لا انتي حياتك لسه مكمله
ميريت : جوزف انت لو حبيت واحدة مطلقة هتوافق تكمل معاها
جوزف بحنان : و هحارب الدنيا كلها لغاية موصل ليها و تبقي ملكي و اول يوم لينا مع بعض هضمها لحضني اوي هحسسها اني اول و آخر راجل في حياتها هخليها تنسي للابد حياتها اللي قبلي هخلي حياتها القديمة مجرد ذكري مش هتفتكرها اصلا انا مش ههتم بشوية دم ينزلو منها دليل بكريتها و عفتها و شرفها لا قدام واثق فيها يبقي كفاية انا عاوز افرح و خلف و نبسط بيها فكري يا قلبي و تخيلي شكل فارس احلامك انا عندي ٢٨ سنة مش صغير حتي غيث انتي عارفة انه مغلطش غيث كان شهريار مع كل واحدة شوية بيتنقل من واحدة للتانية لغاية مرسي علي واحدة خدها في الأول من غير جواز بس بعد كده عشقها و حملت منه و جوزها علشان بيحبها و هيربي ابنه و يعيش حياتة مراته مفكرتش انه متجوز قبلها و لا عارف ستات كتير نسيت كل ده و مسكت في حب حياتها و انتي كمان اوعي تخلي حياتك تجري من ايدك و تهرب منك متفكريش بس في حياتك المهنية لا لازم تفكري في نفسك انتي لسه طفلة و طفلة بجد اللي في سنك لسه في الجامعة انتي اللي جريتي بمستقبلك بسرعة فكري و اوعي حياتك تجري بيها و ترجعي تندمي بعد ما الوقت جري بيكي و تعيشي لوحدك

وقف جوزف و وضع قبلة علي راسة

جوزف بحنان : فكري يا ميريت فكري كويس في حياتك انتي لسه صغيرة فكري يا حبيبتي في فارس أحلامك تعرفي ممكن يكون جمبك بس انتي متعرفهوش فكري كويس و عرفي اني فى ظهرك

غادر جوزف و ترك ميريت تعيد كلامه في رأسها

ميريت : هو انا فعلا ممكن حد يحبني و ينسي اني مطلقة

نامت ميريت علي الارض و نظرت للسما تفكر في كل شي يحدث معها

🌟🌟🌟🌟🌟🌟🌟🌟🌟🌟🌟

يتبع

الي لقاء جديد في الحلقة القادمة

توقعاتكم بالقادم