الإقامة الجبرية الجزء الثاني
الحلقة العاشرة
🌟🌟🌟🌟🌟🌟
في المزرعة
🌟🌟🌟🌟🌟
كانت ميريت تنام على الارض و ترسم أشكال وهمية في السماء و هي تتخيل شكل فارس احلامها
ميريت بابتسامة : اممممممم عوزاه يكون طويل و عريض و حنين عليا و عوزة عيونه ملونة اه رصاصي او رمادي و شعره اسود و تقيل و يكون عسل و حلوية
مايكل : انتي اتجننتي خلاص
ميريت : ملكش دعوة
مايكل : اسف لو زعلتك بس صدقيني انا كنت خايف علي اخويا ذي بالظبط خوف جوزف عليكي
ميريت : تمام مش زعلانة
مايكل : هو ليه جوزف قالي اني طلعت اسوء ما فيكي و خليتك تغضبي
ميريت بابتسامة : لاني عمري معليت صوتي علي حد و كمان انا كيوت و هادية و عسولة
مايكل بسخرية : مين ديه اللي كيوت و عسولة و هادية انتي هبلة و مجنونة و معاكي شهادة معاملة أطفال
ميريت بعصبية : مين ديه ياض اللي هبلة و مجنونة تصدق انك غبي
مايكل بغضب : بت متعليش صوتك قدامي
ميريت بغضب : ربنا يحرق دمك يا شيخ غور من وشي
مايكل بغضب : يا مجنونة
ميريت بعصبية : انت اللي مجنون و هبل
مايكل بغيظ : بس يا دكتورة البهايم
ميريت بسخرية : اكيد اخوك بهيم علشان كده عالجتوه
مايكل : يا مجنونة
ميريت بغضب : غور بقي من وشي
مايكل : هلغي ليكي المنحة و هرجعك مصر
ميريت بعصبية : فوق ياض انا ميريت مهدي الشيخ يعني مش مهم عندي المنحة انا ادرس بفلوسي غير كده لو بعت عربيتي افضل ادرس كذا سنة شوف انا راكبة عربية شكلها ايه و تمنها كام
مايكل : عادي بس مجنونة
صرخت ميريت و توجهت إلي القصر و خلفها مايكل يبتسم
🌟🌟🌟🌟🌟🌟🌟🌟🌟
في القصر
🌟🌟🌟🌟
دخلت ميريت الي الداخل وجدت عائشة تجلس فتوجهت إليها و جلست بجوارها فضمتها عائشة لحضنها
عائشة بحنان : مالك يا روحي
ميريت بابتسامة : مفيش ماما
عائشة بحنان : وحشك صح
ميريت بابتسامة : هو مين ده
عائشة بضحك : ههههههههههه مهدي يا قطة
ميريت بابتسامة : مسافرة اخر الشهر ليه هحضر فرح ساندي و حمزة و هرجع
عائشة : ليه هتجيبي وفاء
ميريت : عوزاها تخرج من عزلتها و حزنها كمان هي و لا اول و لا اخر واحدة تتجوز و تطلق يعني عادي مش هنسجنها و نقتلها
و بحزن : عندك انا اتجوز و تطلقت و انا لسه متمتش ٢٠ سنة و انتى عارفة اني هادية مش بتاعة مشاكل و لو قالي كلمة حلوة كنت رضيت و عشت
عائشة بجدية : مش هنضحك علي بعض يا بنت مهدي انتى من اول لحظة و عوزة تنفصلي عنه
ميريت بجدية : اه كنت مقررة مش انا اللي اقبل يكون جوزى و ابو عيالي نسونجي و ليه فى كل مكان عشيقة انا ميريت مهدي الشيخ بنت مهدي الشيخ و عطر الوكيل انا تربيتك من صغري و انا بنتك صحيح انا بنت عطر بس انا بنتك انتي مش الام اللي تخلف لا الام اللي تربي ليه قبلتي انك تسافري معايا و تيجي هنا
عائشة بحنان : علشان انتي بنتي اللي مخلفتهاش لو كنت خلفت مكنتش هحبهم ذيك انا بحبك و بعشقك يا ميريت
ميريت بابتسامة : و انا بحبك اوي ماما
جوزف بابتسامة : تعالي نلعب شوية
ميريت بفرحة : ماشي بس صقر و فارس يلعبو معانا
جوزف بضحك : ههههههههههه حاضر يالا يا طفلتي
صقر : هنلعب ايه
جوزف بغمزة : نيشال يا رجالة الصعيد
فارس بضحك : لا يا برنس احنا اه من الصعيد بس ادينا بتشيل القلم و الورقة هو ده سلاحنا
جوزف بابتسامة : و نعمه التربية يالا
ميريت : لا انا عوزة اركب فرسة
جوزف بحنان : اعملي اللي انتي عوزاه يا روحي
خرجت ميريت تجري إلي الخارج و هي فرحانه و توجهت إلي الاسطبل الذي سبق وراته و اخذت فرسة باللون الابيض و طلبت من احدي الرجال تجهيز الفرسة و اخذتها و خرجت بها في الأراضي الخضراء
بعد وقت طويل كانت ميريت تجلس على الفرسة و هي تستمتع بمنظر الشمس و جمالها
صوت : كده هتتعبي و هيجيلك ضربة شمس
ميريت بخضة : ريااااان
ريان بابتسامة : مالك اتخضيتي ليه
ميريت بتنهيدة : اسفة دكتور بس اتخضيت مكنتش اعرف ان في حد هنا
ريان بابتسامة : اطمني محدش يقدر يخوفك و لا يخضك طول ما انا موجود
ميريت بكسوف : شكرا
ريان بابتسامة : بس بسم الله ما شاء الله اسمك سمع في عالم الطب
ميريت بفرحة : بجد انا معرفش و الله
ريان بابتسامة : لا الموضوع انشر و اسمك بقي علي القايمة
ميريت بفرحة : اذاي طيب
ريان بابتسامة : مجموعة الأطباء اللي جم المستشفي يوم حادثة جاك جاكسون
ميريت : اشمعنا يعني هو مريض و خلاص
ريان بذهول : انتي بتهزري صح
ميريت : لا و الله بتكلم بجد جاك مريض و خلاص
ريان : ميريت انتي قاعدة في بيتهم و متعرفيش هما مين
ميريت : لا ماك و ماري يومها قالولي ان مايكل رجل أعمال كبير و بس
ريان بابتسامة : بيتر جاكسون بيكون وزير الداخلية الألماني و ديه كانت محاولة اغتيال ليه بس جاك اللي شال الليلة
ميريت بصدمة : وزير الداخلية بتهزر صح
ريان بابتسامة : لا حتي اكتبي اسمه و هتعرفي هو مين
ميريت : لا و علي ايه انا مليش دعوة انا بيه
ريان بابتسامة : عارفة انطوان بيترو اللي موجود دلوقتي معاكم
ميريت : اه عمو أنطوان مالو وزير هو كمان
ريان بضحك : للأسف الشديد وزير الدفاع الألماني
ميريت بصدمة : لا انت بتهزر
ريان بابتسامة : مش بهزر انا بتكلم بجد
ميريت بضحك : ههههههههههه اوعي تقولي بقي ان مايكل وزير
ريان بضحك : ههههههههههه هو فعلا وزير الاقتصاد و رجل أعمال معروف
ميريت بضحك : ههههههههههه عسل يعني انا لسه مهزقة وزير الاقتصاد و مستحقرة مرات وزير الدفاع
ريان بضحك : ههههههههههه انتي مشكلة و الله
ميريت بابتسامة : شكرا
ريان : احم احم هو انا بصراحة عاوز أسألك سؤال عارف انه مش من حقي بس يعني ممكن
ميريت بجدية : اكيد اتفضل
ريان بجدية : هو اذاي والدتك مسلمة و باقي عيلتها مسحيين
ميريت بابتسامة : علشان تيتة الله يرحمها و يغفر ليها عشقت جدو رامي الوكيل و هو كان مسلم و هي مسحية بس لما عشقتة و حاولت تتقرب منه بما انه عادي فى بلاد الاجانب لقته بيصدها و علي صوته عليها و عرفها انه مسلم و يستحيل يعمل حاجة برا اطار دينة و فضل يشرح ليها عن الإسلام و القرآن الكريم و هي حبت تعتنق الإسلام اللي بيحافظ علي المرأة و بيحترمها فاعلنت اسلامها و مفيش حد اعترض من أهلها و تجوزت جدو و خلفت مامي الله يرحمها و خالو يوسف و هما كمان مسلمين لان المرأ علي دين خليلة بس و لغاية دلوقتي طلع ان باقي عيلة مامي الله يرحمها لسه متواصلين مع جوزف و خالو يوسف
ريان بابتسامة : قوليلي بقي اخبار الرسالة بتاعتك ايه
ميريت : لسه شغالة فيها يعني ممكن اخلص رسالة الماجستير الخاصة بالقلب بعد شهرين أو ثلاثة
ريان : ربنا يقويكي هتنزلي مصر علشان فرح حمزة و ساندي
ميريت : طبعا و بصراحة بابي وحشني فهسافر و الفرح كده كده فى الصعيد
ريان : الشباب هيسافرو معاكي
ميريت : لا انا اللي هسافر لوحدي
ريان : تمام يالا علشان ارجعك و طمن عليكي انك وصلتي بالسلامة
ميريت بابتسامة : شكرا دكتور ريان
ريان بابتسامة : يالا
و بهمس : يا قلب ريانك
مشيت ميريت بجوار فرس ريان و هي تنظر له كل فترة و تتخيل شكل فارس احلامها و الغريبة لأول مرة في حياتها تنظر لرجل غير ابيها و أخواتها
ريان بابتسامة : وصلنا الظاهر الدنيا كانت مقلوبة عليكي
جوزف بحنان : طفلتي انتي كويسة
ميريت بابتسامة : اه حبيبي كويسة
جوزف : مين ده
ميريت بابتسامة : دكتور ريان السوهاجي دكتور قلب و اوعية دموية يبقي صاحب مستشفيات الريان و كمان صاحب ابية اسمر جوز سلمي
جوزف بجدية : اهلا و سهلا
ريان بجدية : اهلا بيك سلام دكتورة ميريت
ميريت بابتسامة : سلام دكتور ريان
انطلق ريان بالفرسة للعودة الي منزلة و هو سعيد و فرحان للتحدث مع عصفورتة الصغيرة الجميلة
جوزف : خير
ميريت بابتسامة : خير
جوزف بحنان : يالا طفلتي الجميلة علي جوا
ميريت بابتسامة : ماشي
دخلو الي القصر و نقضي باقي اليوم علي خير علي موعد الرجوع إلى منازلهم
🌟🌟🌟🌟🌟🌟🌟
في مصر
🌟🌟🌟🌟
في فيلا الحديدي
🌟🌟🌟🌟🌟🌟
في جناح غيث
🌟🌟🌟🌟🌟
كان غيث ينام في امان و لم يشعر بتلك الفتاة التي تنام بجوارة و هي تتألم من شدة الضغط على بطنها
دانا بدموع : اااااه مش قادر خلاص غيث غيث اصحي
غيث بنوم : في ايه دانا نامي حبيبتي
دانا بدموع : انا بولد اصحي
غيث بنوم : خليها الصبح و انا صاحي نامي دلوقتي
دانا بدموع و صراخ : اصحي غيث انت السبب
غيث بخضة : في ايه يا دانا
دانا بدموع و صراخ : بولد غيث بولد مش قادرة
الباب خبط بشدة و اسرع غيث الي الباب و فتح و كانت امه و ابوه
ايمان بخوف : في ايه غيث دانا بتصرخ ليه
دانا بدموع : الحقيني طنط انا بولد مش قادرة
محمود بجدية : شيل مراتك بسرعة
حمل غيث دانا بسرعة و نزل بسرعة الي الاسفل و اسرع الجميع خلفة و توجهو إلي المستشفي
مر الوقت سريعا و كان غيث يحمل بين أحضانة ابنة الصغير
غيث بابتسامة : نورت الدنيا حبيب بابا
محمود بابتسامة : مبروك يا غيث يتربي في عزك
ايمان بفرحة : مبروك حبيبي يتربي في عزك انت و أمه
عبير بابتسامة : هتسمية ايه غيث
غيث بابتسامة : مش انا اللي هسمية اكيد جدو
محمود بابتسامة : اسميك ايه يا حبيب جدو امممممم ايه رايك في مالك
عبير بابتسامة : حلو مالك مبروك يا ابو مالك هروح ارضع الصغنن
عاصم بسخرية : البس يا برنس بقي كل شوية بامبرز و علاج و لبن و حرام عليك انا تعبانة طول النهار و انت مستريح
عبير بغضب : ماشي يا روح امك انا سيبالك ابنك اتعامل معاه بقي و وريني بقي عضلاتك
عاصم بخضة : عبير حبيبتي انا مش بتكلم عليكي
عبير بحده : امسك ابنك و تعامل معاه حتي البنت اللي مرمية في البيت اشربها انا هروح عند عمتو استريح و غير جو
عاصم و هو يحمل الطفل : طيب اسف و الله تعالي بس
عبير ببرود : البسي يا روحي هروح اطمن علي دانا و البيبي و روح علي عمتو حبيبتي
محمود بضحك : ههههههههههه اشرب يا عصومي
ايمان بضحك : ههههههههههه معلش يا صومي كلنا لها
امجد بضحك : ههههههههههه كلنا لها يا عاصو
مشي الكل للاطمان علي دانا و مالك الصغير
نظر عاصم لعمار الذي يحمله بين أحضانة و بتسم
عاصم بابتسامة : منور يا عمار باشا شكلها ايام عسل
ضحك عمار ضحكتة الطفولية و اخذ يلعب بقدمة و ياكل في اصابع يده و توجه الي جناح دانا
🌟🌟🌟🌟🌟🌟🌟🌟🌟🌟
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!