الإقامة الجبرية الجزء الثاني
الحلقة الحادية عشر
🌟🌟🌟🌟🌟🌟🌟
في مصر
🌟🌟🌟🌟
في قصر الحديدي
🌟🌟🌟🌟🌟🌟🌟
كان الجميع يجلسون يتناولون الطعام الافطار وسط فرحتهم و سعادتهم لمجي اول حفيد لمحمود
ايمان بفرحة : انا عوزة اعمل سبوع كبير و اعزم فيه كل الناس
محمود بابتسامة : اعملي اللي انتي عوزاه و شوفي الطلبات و خلي الحرس يجيبو كل حاجة
ايمان : حرس قال حرس قال انا بنفسي هنزل اشتري التحف و الشنط و حاجات السبوع و هنجهز كل حاجة بأيدي
عبير : يا سلام يا ست ايمان كل دع علشان خاطر مالك ما انا ولدت مرتين مفيش ادني احساس بالمسؤولية
ايمان بضحك : ههههههههههه يا شيخة اتنيلي ده هيشيل اسم الحديدي
عاصم بضحك : ههههههههههه و علي اساس ان عمار او سلمي شايلين اسم عبد المنعم مش الحديدي
ايمان بضحك : ههههههههههه اقصد هيشيل اسم محمود الحديدي لكن عمار و سلمي شايلين اسم شريف الحديدي فهمت
غيث بابتسامة : صباح الخير
ايمان : يسعد صباحك يا حبيبي اخبار دانا ايه
غيث : الحمد لله نايمة و دادة سعاد رضعت مالك
محمود : و هي دانا مش هترضعة
ايمان : مفيش واحدة مش عوزة تجرب احساس الامومة بس لسه فى الاول و هحاول مرة و اتنين و عشرة
قمر : صح ديه عيطت كتير علشان ملوكي رفض يرضع منها
عبير : علي فكرة في ستات كتير اوي مش بيعرفو برضعو عيالهم
ايمان : صح انا رضعت غيث و عبير و سارة و قمر رفضو يرضعو
محمود : هي سارة كويسة
ايمان : ااه طبعا كويسة
محمود : هترجع امتي
عبير : الاسبوع الجاي
محمود : كويس خليها تولد في مصر بدل الغربة و لوحدها
ايمان : الحمد لله ربنا كرم غيث بالعيال و بيحب مراتة و عبير في عصمه راجل بيحبها و بيخاف عليها
عاصم بجدية : اسمها بعشقها لو سمحتي
ايمان بابتسامة :و عبير في عصمه راجل بيعشقها و بيخاف عليها و قمر بردو في عصمة راجل بيعشقها و مجننها و سارة في عصمة راجل بيحبها
محمود : الحمد لله عقبال منطمن علي قمر و امجد و ربنا يكرمهم بالعيال
امجد بضحك : ههههههههههه حاضر يا عمي هركز و هجيب جون متقلقش انا قولت نلعب شوية بس ادام عاوز بيبي اوعدك اركز من النهاردة و كفاية لعب نحترف بقا في رويل مادريد
غيث بضحك : ههههههههههه انا بقي من اول ليلة احترفت في مانشستر سيتي
عاصم بضحك : ههههههههههه انت طول عمرك حريف دولي
محمود بضحك : ههههههههههه بس يا سافل منك ليه
غيث بضحك : ههههههههههه هو في احلي من السفالة
ايمان بضحك : ههههههههههه اخرس يا سافل
محمود بضحك : ههههههههههه بس اسكتو بقي الحاج غيث بيتصل
سكت الكل حتي يتحدث محمود مع جدهم الحاج غيث و اخذ غيث الهاتف و باركله جده و امر الكل بالحضور الي الصعيد لاقامة العقيقة و السبوع فوافق الجميع علي ذلك و حددو السفر بعد اسبوع
محمود : بإذن الله دانا تستريح و نسافر الصعيد نعمل هناك العقيقة و السبوع و بعدها فرح ساندي هو كده كده اخر الأسبوع الجاي
ايمان : الحمد لله عقبال مراد و نور و بكده شباب العيلة كلها اتجوزو
محمود بدعاء : الحمد لله الحمد لله ربنا يهدي سرهم و يكرمهم
عاصم : انا رايح الشركة سلام
عبير : عاصم متنساش عمار و انت ماشي هتلقية جمب شنطتك
عاصم بصدمة : جمب شنطتي متهزريش انا مش واخد حد
عبير : خلاص يا روحي انا هرمية برا البيت لغاية مترجع بالسلامة
عاصم بغيظ : شايف بنتك يا عمي
ايمان بضحك : ههههههههههه مش انت اللي اتكلمت اشرب بقي
عاصم : مش هينفع اخد عمار معايا
عبير : ابنك قبل منك
عاصم بغيظ : ظالمة و مستبدة
توجه عاصم الي مكان شنطتة و بالفعل و عمار يلعب و ياكل ايده و عندما رأي عاصم فضل يضحك بشدة فحمله عاصم و حمل شنطة و خرج
رئيس الحرس بضحكة مكتومة : هو حضرتك هتاخد عمار معاك
عاصم بغيظ : كاتم الضحكة ليه اضحك اضحك مش تسكت
انفجر رئيس الحرس و باقي الحرس عليه و ركب عاصم العربية و بين أحضانة عمار الذي يلعب فى الجرفتة الخاصة بيه
مرت الايام سريعا و ها هو مر اسبوع علي ولادة ابن غيث و سافر الجميع الي الصعيد لحضور عقيقة و سبوع مالك الحديدي
🌟🌟🌟🌟🌟🌟🌟🌟🌟🌟
في الصعيد
🌟🌟🌟🌟
وصلت السيارات الي قصر الحديدي و كان في استقبالهم الجميع فنزل غيث و قام بحمل دانا و صعد بها الي الأعلي لأنها كانت تنام بعمق و دخلت ايمان و هي تحمل مالك الصغير و عاصم يحمل عمار و امجد يحمل سلمي التي تنام بين احضانة
اخذ الحاج غيث مالك الصغير و عمار و سلمي و فضل يلعب معاهم و هو يبتسم بسعادة
بعد مرور يومين أقيم الاحتفال بسبوع ابن غيث الحديدي بحضور عائلة الحديدي كلها و عائلة الأسيوطي و سارة و مهدي الشيخ و كبار البلد
دخل الحاج مهدي الشيخ بقوتة المعروفة عنه و بارك لغيث علي ابنة و اخرج مجموعة من المال علي سبيل النقطة و جلس بجوار صديقة الحاج غيث
الحاج غيث بحزن : كان نفسي يكون ابن غيث و ميريت
الحاج مهدي بابتسامة : مش مكتوب ليهم يا واد عمي
الحاج غيث بحزن : الحمد لله قدر الله و ما شاء فعل
و بابتسامة : هي ميريت مش هتيجي تحضر فرح ساندي انا عارف انهم أصحاب
الحاج مهدي بابتسامة : لا هتيجي بالسلامة بس اخر الأسبوع الجاي بإذن الله علشان شغلها هناك
الحاج غيث بابتسامة : علي خير توصل بالسلامة ان شاء الله
استمر الاحتفال و بعد فترة غادر الجميع الي منازلهم
🌟🌟🌟🌟🌟🌟🌟🌟🌟🌟🌟
في قصر الشيخ
🌟🌟🌟🌟🌟🌟
كان الجميع يجلسون في صمت تام الي ان قطع مهدي ذلك الصمت
مهدي الصغير : هو انتم ناويين تسكتو علي وفاء كتير
عديلة : عوزنا نعمل ايه يا ولدي
مهدي الصغير بجدية : نتصرف و نجيب محروس هنا و نعرفة غلطة و نلم الموضوع
محمد بصدمة : انت عاوز اختك ترجع بيت الراجل اللي ضربها و اذاها و دمر حياتها
مهدي الصغير : يعني هي و لا اول و لا اخر واحدة تنضرب مفهاش حاجة
محمد بغضب : شكلك اتجننت خالص
مهدي الصغير بجدية : مش كفاية فضايح و طلاق كفاية اللي عايشة براحتها من غير حاكم و لا رابط
الحاج مهدي بغضب : اخرس قطع لسانك مين ديه اللي عايشة براحتها ديه يا وسخ عمتك و اختك الصغيرة
مهدي الصغير بجدية : حضرتك متعرفش احنا شفنا ايه في بلاد برا
محمود بغضب : اخرس الظاهر ان ابوك معرفش يربيك لما تتكلم علي عمتك بالغلط
مهدي الصغير بغضب : عمتي ده أصغر من وفاء نفسها ديه قد صقر اخويا
الحاج مهدي بجدية : مش عاوز اسمع كلام في الموضوع ده تاني
عديلة : مهدي بيتكلم صح لازم محروس يجي و يصالح وفاء و ترجع بيتها البنت مش صغيرة و خلاص محدش هيقدر يبص ليها بعد الطلاق و هتفضل كده
الحاج مهدي بغضب : مسمعش صوت حد فيكم انتهي الكلام كل واحد على اوضته داهية تحرق دمكم ذي محرقتم دمي
خرج الحاج مهدي يجلس في خلوتة الجميلة
🌟🌟🌟🌟🌟🌟🌟🌟🌟🌟🌟
في ألمانيا
🌟🌟🌟🌟
تجهزت ميريت للسفر الي مصر و منها الي الصعيد حتى تستطيع ان تجلس كام يوم مع والدها و تحضر فرح ساندي
في تمام الساعة ٥ فجرا كانت ميريت تقف أمام المرايا ترتدي الطرحة حتي تسافر الي مصر و كانت ترتدي بنطلون باللون الاسود مع قميص باللون الابيض و جاكت طويل باللون الاسود مع بوط طويل لأول الركبة باللون الازرق مع شنطة بنفس لون البوط و طرحة باللون الابيض و الازرق و نزلت الي الاسفل
صقر بحنان : خلاص يا روحي جاهزة
ميريت بابتسامة : اه جاهزة يالا
فارس بابتسامة : توصلي بالسلامة يا روحي اول متوصلي مصر كلمينا و طمنينا عليكي
ميريت بابتسامة : حاضر فروستي
عائشة : انا مش عارفة ايه لزمته السفر مهي ساندي كلها شهر و هتيجي هنا يبقي مش لازم تسافري
ميريت بابتسامة : معلش لازم ساندي صحبتي و لازم ابقي معاها كمان انا وحشني بابي و عوزة اطمن عليه و كمان هجيب وفاء معايا
صقر بحنان : يالا حبيبتي علشان معاك الطيارة
ميريت بابتسامة : اشوف وشكم بخير و مش هنسي كل الطلبات اللي عوزنها
عائشة بحنان : توصلي بالسلامة يا روحي
ميريت : محدش يكلم بابي انا عوزها مفاجأة
عائشة بحنان : متخفيش يا روحي توصلي بالسلامة
خرجت ميريت و معها صقر و فارس و توجهو الي المطار حتي تسافر ميريت الي مصر
🌟🌟🌟🌟🌟🌟🌟🌟🌟🌟
في مصر
🌟🌟🌟🌟
وصلت الطائرة القادمة من ألمانيا و انهت ميريت كافة الأوراق المطلوبة و اخذت ختم دخول مصر و سألت عن الطائرة المتجهة الي الصعيد و توجهت إلي هناك
🌟🌟🌟🌟🌟🌟🌟🌟🌟🌟
في الصعيد
🌟🌟🌟🌟
وصلت طائرة مصر للطيران القادمة من القاهرة الي الصعيد و نزل جميع الركاب و انهت ميريت الإجراءات القانونية و طلبت سيارة خاصة حتي تنقلها الي القصر
في قصر الشيخ
🌟🌟🌟🌟🌟🌟
وصلت ميريت الي القصر و تم فتح الابواب و دخلت السيارة و اسرع احدي الغفر بفتح الباب
الغفير بفرحة : حمد لله على السلامة يا دكتورة نورتي البلد
ميريت بابتسامة : الله يسلمك يا عمو من فضلك بس دخل الشنطة
الغفير : امرك يا ست البنات
حاسبت ميريت السيارة و دخلت الي الداخل كان الجميع يجلسون يتناولون الطعام الغداء
ميريت بابتسامة : لا سلام علي الطعام صح يا عيلة الشيخ
محمود بفرحة : ميريت
محمد بفرحة : ميريت
الحاج مهدي بشتياق : ضئ عيوني يا غالية
رمت ميريت الشنطة و البلطو و اسرعت الي حضن والدها الحبيب و فضلت تقبلة بحب و عشق
محمد بفرحة : كفاية بقي تعالي في حضني
ميريت بابتسامة : اذيك ابيه محمد
محمد و هو يضمها لحضنة : نورتي يا روحي
محمود بحنان : حمد لله على السلامة يا حبيبتي نورتي بيتك
ميريت بابتسامة : الله يسلمك ابية
كامل بابتسامة : ميمو منورة الصعيد
ميريت بابتسامة : اذيك ابية
كامل بابتسامة : انتي ايه الحلاوة ديه و الجمال ده
ميريت بمشاكسة : ده أقل حاجة عندي اوعي تنسي اني بنت مهدي الشيخ
الحاج مهدي بحنان : نورتي قلبي يا حبيبتي الله أكبر عليكي ذي القمر
ميريت بابتسامة : لا انتم هتضحكو عليا انا جعانة اوي
محمود بحنان : روحي يا قلبي اغسلي ايدك و تعالي كلي لغاية متشبعي
ميريت بابتسامة : فريرة
توجهت ميريت الي الحمام و غسلت اديها و خرجت و جلس بجوار والدها علي الكرسي المحرم علي الجميع
الحاج مهدي بحنان : كلي يا قلبي و شبعي انتي خسيتي اوي كده ليه
ميريت بزعل : اصل شوشو مش بتاكلني
محمود بضحك : ههههههههه ماشي لما اتصل عليها و خليها تاكلكم كويس
ميريت بسرعة : لا و نبي حودة بلاش ديه ممكن تخرج من التلفون تقتلني
محمد بحنان : لا يا قلبي كلي و متخفيش
ميريت : فين وفاء
عايدة بحزن : فوق مش بتخرج من الاوضة خالص
ميريت : ابية مهدي فين
محمد : معزوم عند أهل مراتة
ميريت بابتسامة : تمام
جلسو يتناولون الطعام وسط فرحة بعودة ميريت لهم
انتهي الجميع من تناول الطعام و جلسو بجوار بعضهم
ميريت بابتسامة : وحشتيني اوي اوي بابي
الحاج مهدي بحنان : و انتي يا ضي عيوني وحشتيني اوي
عبد الله بابتسامة : السلامة عليكم
الكل : و عليكم السلام
عبد الله بابتسامة : حمد لله على السلامة يا ميريت
ميريت بابتسامة : الله يسلمك يا ابية اذي حضرتك
عبد الله بابتسامة : الحمد لله اخبارك ايه و الشباب عاملين ايه و عمتي عائشة
ميريت بابتسامة : كلهم كويسين متقلقش
دخل مهدي و هو يمسك يد سارة الحديدي و جلسو
مهدي بسخرية : حمد لله على السلامة يا ميريت
ميريت بجدية : الله يسلمك يا ابية
سارة بتكبر : اذيك ميريت
ميريت بابتسامة : الحمد لله يا ابلة سارة
سارة : ابلة
ميريت : طبعا ابلة مش اكبر مني لازم احترمك
سارة بسخرية : اه صح
و بخبث : مش تباركي ليا
ميريت : مبروك علي البيبي يتربي في عز عيلة الشيخ
سارة : حتي غيث ربنا كرم مراتة بيبي ذي القمر
ميريت بجدية : ربنا يجعله سند ليهم
و بابتسامة : بابي هطلع ابدل هدومي و هنزل
الحاج مهدي بحنان : اطلعي حبيبتي
وقفت ميريت و ظهر منظر البوط و الملابس
مهدي الصغير بغضب : ايه اللي انتي لابسه ده
ميريت : انت بتكلمني انا
مهدي الصغير بغضب : اه بكلمك انتي
ميريت : مالو لابسي لابسه قميص و بنطلون و الجاكت اهو يبقي مالو لابسي
مهدي الصغير بغضب : ده منظر لبس فعلا اللي ذيك ممنوع تخرج برا البيت
سارة بخبث : معلش مهدي الظاهر ناسية انها مطلقة
مهدي الصغير بغضب : عندك حق المطلقة مكانها البيت
ميريت بغضب : سااااااااااارة اللي ملكيش فيه اوعي يا بنت الحديدي تدخلي فيه و انت مهدي اوعي تنسي نفسك انا عمتك مش اختك و طول ما ابويا عايش هو اللي يحكمني و بعدين اخواتي و انت عينك ديه تفضل في الأرض اوعي ترفعها فيا و انتي يا سارة البيت ده ليه احترامه و انا غصب عنك تحترميني انا عمت جوزك مفهوم
حالة من الذهول و الصمت اصيب بها الجميع هل التي تقف بكل قوة و غضب هي نفسها تلك الصغيرة التي كانت تبكي و حزينة منذو بضعة أشهر قليلة
ميريت بغضب و صوت عالي : سااااارة قولت مفهوم
سارة بخوف : مفهوم ميريت مفهوم
ميريت بغضب : على اوضتك
سارة بخوف : نعم
ميريت بغضب : قولت علي اوضتك يالاااااااا
قامت سارة برعب و صعدت الي غرفتها
نظرت ميريت للجميع و صعدت الي جناحها و مازال الجميع في حالة صمت تام و ذهول
🌟🌟🌟🌟🌟🌟🌟🌟🌟🌟🌟
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!