الإقامة الجبرية
الحلقة العشرون
في الجامعة البريطانية
في مكتب عميد الكلية
خبط صقر فسمح العميد بدخولهم
دخل الشباب الأربعة و وقفو امام العميد
صقر : صباح الخير دكتور
العميد بابتسامة : صباح النور يا دكاترا خشو المكتب ده علشان تقابلو الدكتور ريان السوهاجي
توجه الشباب الي المكتب و جدو ثلاثة شباب يجلسون
ميريت بهمس : ايه عالم التنانين اللي دخلينه ده
سلمي بضحك : لا دول مش تنانين دول ديناصورات
فارس بضحك : تصدقي و انا كنت فاكر نفسي عضلات الهدوم بتعيط بسبب العضلات
صقر بغضب و همس : اتلمو يا جذم الشباب بتبص علينا
سلمي : و الله العظيم ملينا ذنب هما اللي كتير و خصوصا الواد ابو عيون زرقة ده
ريان بابتسامة : في حاجة يا دكاترا
صقر : لا ابد يا دكتور اهلا و سهلا انا الدكتور صقر الشيخ دكتور مخ و اعصاب و جراحة
ريان : اهلا و سهلا دكتور اتفضل
فارس بابتسامة : طبعا انا معروف
ريان بابتسامة : طبعا معروف يا دكتور طيب الدكاترا مش هتعرفو نفسكم
سلمي : دكتورة سلمي الشيخ دكتورة صيدلنية بالإضافة اني دارسة علم الأعشاب الطبية و التركيبات
اسمر بابتسامة : اهلا و سهلا دكتورة
سلمي برفع حاجب : اهلا و سهلا
ريان بابتسامة جميلة : و حضرتك اكيد دكتورة ميريت
ميريت بابتسامة : انا الدكتورة ميريت الشيخ دكتورة باطنة و قلب و اوعية دموية و أورام
ريان بابتسامة : اتفضلو اقعدو
جلس الشباب و كان نصيب ميريت امام ريان بعد ان طلب ذلك و جلست سلمي امام اسمر
ريان بابتسامة : تمام احنا اتعرفنا بس شكلكم صغير
صقر : فعلا انا و دكتورة ميريت عندنا ١٩ سنة و دكتور فارس عنده ١٨ سنة و دكتورة سلمي ٢٢ سنة
اسمر بابتسامة : حلو و انا ٣٠ يبقي متكافئين
ريان بابتسامة : طبعا الدكتورة ميريت هتنزل من بكرا معايا قسم القلب و انت دكتور صقر هتنزل تحت ايد رئيس قسم المخ و الأعصاب و دكتورة سلمي هتنزل تدرب تحت ايد دكتور اسمر
سلمي بخضة : هو ده دكتور بردو ده ديناصور
اسمر بغيظ : اه دكتور مش عجبك دانا حتي ذي القمر و وسيم
ريان بابتسامة : و انت يا دكتور فارس هتنزل مع رئيس قسم التجميل متقلقش
فارس بابتسامة : ماشي لوني كنت عاوز ابقي رئيس القسم بس مش مهم
حمزة بضحك : و الله الواد ده عسل
فارس بضحك : انت اللي عسل انت بقي دكتور ايه
حمزة بارف : دكتور لا انا بتاع البزنس و بس
فارس بضحك : و الله احسن طب ايه
ميريت : فارس
فارس : انا مقولتش حاجه
ريان بابتسامة : تمام من بكرا هتنزلو المستشفي مع باقي الطلبة
ميريت : بس الدراسة
ريان : متقلقيش خالص هنرتب حسب مواعيد المحاضرات
صقر بجدية : تمام يا دكتور ريان شكرا بعد اذنك
خرج الشباب من المكتب و هم سعداء جدا بتلك الخطوة و اكملو باقي اليوم و غادر ريان و الشباب
شاور اسمر لاحدي الحرس
الحارس : اوامرك يا باشا
اسمر بجدية : عاوز اعرف كل المعلومات عن سلمي الشيخ
الحارس : أوامرك يا فندم
ركب اسمر العربية بعد ان نظر لسلمى التي ركبت سيارتها بكل غرور
غادرت السيارات خلف بعضهم البعض و توجهو إلي القصر
في قصر الشباب
دخل الشباب الثلاثة و هم يضحكون بشدة
اسمر بابتسامة : هتكوني ملكي يا غزالتي
حمزة بغمزة : هي الصنارة غمزت و لا ايه
اسمر ببرود : ملكش دعوة انا اسمر مش ريان
ريان برفع حاجب : نعم يا روح امك منك ليه يعني انا الهفية بينكم
اسمر بابتسامة : هنبقي نسايب
و بغيظ : بس عاوز اعرف اللي اسمه صقر و فارس دول مين
ريان بغيظ : عندك حق بس شكلهم واخدين على بعض اوي
حمزة : بسيطة اجمع عنهم معلومات و من خلال المعلومات هنعرف كل حاجة
اسمر : امال بيقولو مش بيفهم ليه
حمزة بغيظ : علشان حمير بعيد عنك
ريان : اسمر اعرفلي كل حاجة عن الشباب
اسمر : اصلا امرت الرجالة بكده
ريان بابتسامة : حبيبي يابو نسب
حمزة بضحك : بس اختي سلمي مش طيقاك خالص
ريان بضحك : بصراحة اه
اسمر بغل : سلمي ديه هربيها بس الصبر تبقي تحت ايدي و الله العظيم مهرحمها هعملها الادب
ريان بجدية : اسمر انت هتاذيها معقول هترفع ايدك علي واحدة ست و خصوصا مراتك و حبيبتك
اسمر : ايه الهبل ده لا طبعا انا كنت بتمني اليوم ده من زمان و يوم ما ربنا يرزقني بالانسانة اللي خطفت قلبي هرفع ايدي عليها كانت التقطعت
حمزة : انت لسه قايل هعملها الادب
اسمر بابتسامة : لا طبعا مش كل عقاب يبقي الضرب في عقاب كل واحدة بتعشقة من جوزها
حمزة بضحك : و الله الواد ده سافل
ريان بضحك : عندك حق ده ديناصور
حمزة بضحك : و انت تنين
ريان بضحك : لما نشوف الدور عليك
حمزة : لا متقلقش اول واحدة هتخطف قلبي مش هرحمها
ريان : بكرا الصبح هتروح انت الشركة و انت مصنع الأدوية و انا المستشفي
اسمر : ينفع اروح اجبها من بتها
ريان : ولااااااا اتعدل
الخادمة : مستر ريان
ريان : نعم
الخادمة : في حارس برا عاوز واحد اسمه زرار بقوله مفيش حد بيشتمني
حمزة : ليه مفيش زرار
الخادمة بغيظ : ده ريان و ده اسمر و انت حمزة فين بقي زرار
اسمر : اسمه زارا مش زرار
الخادمة : مفيش فرق اعمل ايه
أسمر : دخليه يالا
الخادمة : براحة يعني ربنا مديلك شوية طول و عرض هتتنفخ علينا
ريان بضحك : و الله العظيم انتي تحفة دخلي الحارس
الخادمة : ماشي
دخل الحارس و هو يغلي من تلك الخادمة
الحارس باحترام : تفضل سيد زارا الملف
اسمر : تمام
غادر الحارس و فتح اسمر الملف
الاسم : سلمي سليم محمد سليمان الشيخ
السن : ٢٢ سنة
الحالة الاجتماعية : انسة
التعليم : خريجة كلية صيدلة
الاخوات : واحد فقط
العائلة : يتيمة الام و تعيش مع والدها و شقيقها
ريان : يعني بنت عم ميريت
حمزة : و الشباب
اسمر : اسمع بقي
الاسم : صقر محمد مهدي محمد سليمان الشيخ
السن : ١٩ سنة
التعليم : فى اخر كلية طب
الأخوات : عنده اتنين مهدي و ده دكتور عايش في انجلترا و وفاء و ديه عايشة في الصعيد
صله القرابة : بيكون ابن اخو ميريت
حمزة بصدمة : ابن اخواها اذاي
ريان : اممممممم مش ام ميريت الزوجة التانية يبقي اكيد عندها اخوات كبار اللي بعده
اسمر : و الشاب الاخير
الاسم : فارس عبد الله منصور محمد سليمان الشيخ
السن : ١٨ سنة
التعليم : في سنة اول كلية الطب
صلة القرابة : ابن اخت ميريت
ريان بضحك : ايه العيلة ديه كلهم داخلين فى بعض
حمزة : بس كده الحمد لله صقر و فارس و لاد أخواتها
اسمر : بقي الطفلة ديه عمه و خاله حرام
الخادمة : الغدا جاهز يالا علشان لو برد مش هسخن تاني
ريان بضحك : و الله العظيم حاسس انها بتربينا
حمزة بضحك : يالا قبل مترجع تقتلنا
اسمر بضحك : تعرفو و الله المفروض الست ديه تيجي معانا ألمانيا
ريان : فعلا الواحد عايش فى خنقة هناك
الخادمة : مش قولت الاكل جاهز
اسمر بتمثيل الغضب : انتي اذاي تكلمينا كده
الخادمة برفع حاجب : و انا المفروض اخاف و كش و قولك اسفة يا بيه بلا وكسة طول و عرض و مخك فاضي صح مخك قد جسمك بلا وكسة توكسك
في لحظة واحدة كان ريان و حمزة يضحكون بشدة علي منظر اسمر المصدوم من كلام تلك السيدة الأربعينية
اسمر بذهول : انا بتهزق صح
ريان بضحكة رنانة : انت اتمسح بيك الارض
حمزة بضحك هستيري : شكلك وحش اوي الصبح ديناصور و دلوقتي مخك قد جسمك
الخادمة : الظاهر انكم اهبل من بعض انا ماشية و الاكل هيتاكل من غير اعتراض
تركتهم الخادمة و فضلو يضحكو بشدة و توجهو إلي السفرة لتناول الطعام
عند ميريت
انهت ميريت الجامعة و عادت الي القصر و دخلت
ميريت بابتسامة : السلامة عليكم
سعاد بابتسامة : و عليكم السلام حمد لله على السلامة يا بنتي
ميريت بابتسامة : الله يسلمك يا طنط
ايمان بابتسامة : ميريت حمد لله على السلامة يا بنتي
ميريت بأدب : الله يسلمك يا انطي
ايمان : يالا اطلعي خدي دش و بدلي هدومك و نزلي علشان اخت عمك محمود زمانها جاية
ميريت : حاضر يا انطي
صعدت ميريت الي الأعلي و دخلت غرفتها و أغلقت على نفسها الباب
ميريت : اخت عمك محمود ربنا يستر متكنش ذي قمر
اخذت دش منعش و تؤضات و خرجت تصلي فروضها و بعد ذلك توجهت إلي الدولاب و اختارت توب باللون الاسود و جيب باللون الأحمر مع حذاء باللون الأحمر و طرحة مزيج بين اللونين الاسود و الأحمر
استمعت لدق الباب و توجهت و فتحت و كانت سعاد تطلب منها النزول
في الاسفل
كان محمود يجلس و بجواره تجلس ايمان و أمامه تجلس شقيقته و زوجها و أبنائها
محمود بابتسامة : عارفة و الله هتحبيها اوي
ايمان : صح صغيرة و حلوة
عبير : و طيوبة جدا تشبة البسكوتة
قمر بسخرية : طيوبة و الله ديه سوسة و مش حلوة خالص
ابن عمتها : قدام قولتي كده يبقي ملكة جمال
قمر : رخم
ابن عمتها : نننيييييييي
عمتها بضحك : اطفال
قمر : شفت لسه منزلتش لغاية دلوقتي يبقي ايه
ايمان : يبقي لسه واصلة من الكلية من ساعة و عقبال متاخد دش و تستريح هتنزل كمان انا بعت سعاد ليها و اكيد هتنزل
بنت عمتها : إنما ايه العربية الجامدة اللي برا ديه انتي بدلتي عربيتك قمر
ايمان : لا ديه عربية ميمو
ميريت بابتسامة : السلامة عليكم
الكل : و عليكم السلام و رحمة الله و بركاته
محمود بابتسامة : تعالي حبيبتي اعرفك ديه اختي اسمها فلك دكتورة
ميريت بابتسامة : اهلا و سهلا طنط
فلك بانبهار : بسم الله ما شاء الله فعلا بنات عيلة الشيخ حلوين بس انتي قمر ١٤
ميريت بكسوف : شكرا طنط
محمود بضحك : كفاية فلك بطلي تكسفيها و ده بقي
فلك : اسكت انت انا هعرفها ده مال
ميريت بابتسامة : الدكتور مالك الأسيوطي الجراح المعروف
مالك بابتسامة : اهلا بيكي بس اذاي عرفاني
ميريت بابتسامة : اكيد لازم اعرف حضرتك دكتور شاطر و ليك سمعتك
فلك بضحك : طلعت معروف اهو
مالك بغيظ : طبعا معروف
فلك بضحك : ده بقى ابني مراد دكتور بردو
ميريت باحترام : اهلا و سهلا
مراد بابتسامة : اهلا بيكي
فلك : و ده بقي
الشاب : انا نور الأسيوطي دكتور فى القانون و محامي معروف اعملي اي مشكلة و مكالمة واحدة هتكوني في البيت
ميريت بابتسامة : اهلا و سهلا بس شكرا مش بحب المشاكل حتي لو فى يوم وقعت في مشكلة ابن عمي موجود و هيخلص المشكلة شكرا لذوقك
البنت : انا بقي
ميريت بابتسامة : ساندي الأسيوطي البلوجر و اليوتيوب المعروفة
ساندي بفرحة : طلعت عرفاني هاااااااا
نور : بس يا هبلة
ساندي بغيظ : نييييييي
محمود بضحك : مش هتكبرو ابدا
مالك : يعني انتي عرفتي اسمائنا و مش هتقولي اسمك
ميريت بابتسامة : بعتذر فاكرة ان عمو محمود قالكم اسمي على العموم اسمي ميريت ميريت مهدي الشيخ
فلك : واااااااو اسمك تحفة و بصراحة لايق عليكي
ميريت بابتسامة : شكرا طنط
نور : لسه طنط ايمي بتقول انك راجعة من الكلية بتدرسي ايه
ساندي : اكيد اعلام علشان كده عرفاني
ميريت بابتسامة : للأسف الشديد لا انا بدرس طب في السنة الأخيرة
مراد : السنة الأخيرة اذاي
محمود بفخر : اصل ميريت ضامه سنين مع بعض
مالك : تخصص ايه بقي
ميريت : انا دارسة كذا تخصص باطنة و قلب و اوعية دموية و أورام
مراد بانبهار : واااااااو ممتاز
ساندي : قوليلي بقي ميريت انتى عرفاني منين
ميريت : لا ديه ماما هى اللي متبعاكي و بتحبك جدا
مالك : بس ليه اخترتي التخصصات ديه
ميريت : عادي لما درست عجبتني التخصصات ديه و كملت فيها
سعاد : السفرة جاهزة يا مدام
ايمان : اتفضلو
جلس الجميع علي السفرة لتناول الطعام و بعد فترة كانو يجلسون في الصالون
ميريت بابتسامة : اتشرفت بمعرفتكم بس تسمحولي استأذن علشان اذاكر
فلك بابتسامة : روحي حبيبتي انا عارفة انا الطب صعب ربنا يقويكي
ميريت بابتسامة : شكرا يا طنط عمو محمود كنت عوزة حضرتك دقيقة ممكن
محمود : حاضر يا بنتي بعد اذنكم
توجه محمود و خلفة ميريت الي غرفة المكتب
محمود : خير يا بنتي
ميريت : حضرتك عارف اني في كلية طب و ديه كليه عملية و لازم تدريب
محمود : عارف فلك بردو كانت بتنزل تدرب
ميريت : في الحقيقة انا من بكرا المفروض هنزل مستشفي الريان علشان ادرب فيها و مش انا و بس لا ديه الدفعة السنة الاخيرة كلها فأنا بستاذن حضرتك من بكرا هنزل ادرب فى المستشفي ممكن
محمود : قدام تعليمك و مستقبلك اعملي اللي انتي عوزاه ربنا يوفقك يا بنتي بس هتقدري تجمعي بين الدراسة و الشغل
ميريت بفرحة : ايوة طبعا هقدر متقلقش
محمود بابتسامة : مبروك يا بنتي
ميريت بفرحة : شكرا يا عمو بعد اذنك
صعدت ميريت الي الأعلي و هي سعيدة و فرحانة
يتيع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!