الإقامة الجبرية
الحلقة التاسعة عشر
في مطار القاهرة الدولي
وصلت الطائرة الخاصة القادمة من ألمانيا و التى على متناها ريان السوهاجي و حمزة الألفي و اسمر العجابي
انهي الجميع الإجراءات القانونية و خرجو برا المطار و كانت السيارات في انتظارهم و انطلقو الي القصر الذي يمتلكه ريان فى مصر
ريان : ايه الاخبار
حمزة : اطمن بكرا الصبح ليك محاضرة فى كلية طب الجامعة البريطانية اطمن
ريان : و هي هتحضر
زارا بارف : اكيد أصلها شاطرة اوي بعيد عننا
حمزة بضحك : صح بلا ارف
ريان : يالا يا جزم قدامي
حمزة : انا طالع انام
اسمر : و انا كمان
ريان : حمزة
حمزة : اممممممم
ريان : انت كويس
حمزة بابتسامة : الحمد لله متقلقش
ريان : ليه سايب البيت بقالك كام يوم
حمزة : مفيش عادي
اسمر : حمزة في ايه
حمزة بابتسامة حزن : انا و الينا اطلقنا
ريان بصدمة : ايه
اسمر بصدمة : ايه
حمزة : مالكم مصدومين كده ليه انتم عارفين اني مش بحبها و متجوزها علشان خاطر عمي الله يرحمه بس انها تعرض شرفي و سمعتي فى الارض ده عمري مسمح بيه
ريان : تقصد انها
حمزة : اه يا ريان الهانم خانتني مع حبيبها و بكل بجاحة بتقولي عوزة اطلق علشان انا بارد معاها و حبيبها احسن مني فطلقتها عادي
اسمر : و البنت
حمزة : انت عارف انها بنتها من علاقتها السابقة مش مني انا ملمستش الينا غير مرة واحدة و كان غصب عني
اسمر : يبقي انهي كل حاجة
ريان : متزعلش يا حمزة لسه نصيبك مجاش
حمزة : انا عارف و بقول الحمد لله و انا عارف ان العلاقة مش صح استحملت سنتين بس كده كفاية
اسمر بضحك : يعني انضمت لنادي العزاب
حمزة بضحك : انا اصلا مضموم من زمان مخرجتش منه اصلا
ريان : يالا يا مجنون منك ليه على النوم
اسمر بدلع : انام معاكي رينو
حمزة بدلع : و انا كمان رينو
ريان و هو يخلع حذائة : حالا يا ولاد الكلب منك ليه
جري الثلاثة الي الأعلي و هم يضحكو بشدة و توجهو إلي غرفهم
ابدل ريان ملابسه و تؤضا و خرج يصلي فروضة و نام على السرير
ريان : يا رب اجعلها من نصيبي و قسمتي يا رب يا رب
نام ريان و هو يدعي ربنا ان يجعل ميريت من نصيبة
في صباح اليوم التالي
صحي ريان و تؤضا و صلي فروضه و قرأ ورده اليومي و بعد ذلك اخذ دش منعش و ارتدي بدله باللون الازرق لون عيون جنيتة الصغيرة نعم فهو اطلق عليها لقب الجنية و نزل الي الاسفل
ريان : صباح الخير
اسمر بتصفير : يا صباح الحلويات
حمزة بتصفير : يا صباح الازرق بس عارف لو منديل و جرافته حمرا يبقي كده تمام و عنب
ريان بخنقة : خفة ياض
اسمر بضحك : عيب كده يا حمزة تزعل القناص
ريان بخنقة : علي فكرة انتم رخمين يالا على الكلية
حمزة بسخرية : كل كلية و انت طيب يا راجل يا طيب
اسمر : معلش يا حمزة يا حبيبي اصل الباشا مش شايف الوقت
ريان : ليه هي الساعة كام
حمزة بغناء : من ٦ الي ٦ و نص و انا واقف مستنيك و عنيا عليك بتبص يا حبيبي و مستنيك
اسمر بغناء : من قد ايه و انا مستناك و عيني على الباب و الشباك علشان اقولك و ترجاك يا حلو يا حلو صبح
ريان بغضب : اخرس يا حيوان منك ليه
حمزة : مالك بس يا قناص كنت بعقلك مش كده بقي الصغيرة ديه تقلب حياتك كده
ريان : اخرس بقي كمان انتم ليه مش لبسين
اسمر : لان الوقت لسه بدري الساعة ٦ و نص الصبح يعني مش هنروح نمسح الكلية و نرش ماية
ريان بذهول : ٦ و نص الصبح مش معقول
حمزة بابتسامة : انت بس علشان نفسك تشوفها و تملي عينك منها محستش بالوقت قول يا رب
اسمر بابتسامة : متقلقش هتشوفها و هتملي عينك و قلبك منها
ريان بابتسامة : ربنا يخليكم ليا
حمزة : هنقول نلبس بسرعة
اسمر : خلي حد يجهز الفطار و على فكرة معادك لسه الساعة ١٠
صعد الشباب الي الأعلي و امر ريان الخدم الذين اتو للتو بتجهيز الفطار
في منزل عائشة
صحيت عائشة في معادها و جهزت الفطار للجميع و دخلت تصحيهم
عائشة : فارس فارس حبيبي اصحي
فارس بنوم : حاضر ماما هصحي
عائشة بحنان : يالا يا بني اصحي و خد دش عقبال مصحي اخواتك
فارس : حاضر يا يويو
قام فارس و توجه إلى الحمام حتي ينعم بدش منعش
توجهت إلى غرفة صقر و صحته و تركته يدخل الحمام و بعد ذلك توجهت إلي غرفة ميريت و دخلت
عائشة بحنان : ميمو حبيبتي يالا اصحي
ميريت بابتسامة : صباح الخير ماما
عائشة بحب : يسعد صباحك يا قلبي يالا قومي و جهزي
ميريت : عارفة ماما انا حلمت حلم غريب اوي
عائشة : خير اللهم اجعله خير احكي يا قلبي
ميريت : حلمت بمامي و هي بتضحك و بتقولي عوض ربنا قريب اوي منك
عائشة : خير يا بنتي اردي بقسمتك و نصيبك
ميريت بحزن : و الله راضية يا ماما و مش بقول غير الحمد لله
عائشة بحنان : يالا حبيبتي علشان تجهزي للجامعة
خرجت عائشة و تركت لميريت الحرية
نظرت ميريت في إثر عائشة و تنهدت بحزن و توجهت إلي الحمام و اخذت دش منعش و تؤضات و خرجت تصلي فروضها و بعد ذلك توجهت إلي الدولاب و اختارت بنطلون باللون الازرق الغامق مع قميص باللون الابيض مع جاكت باللون الازرق و نظارة باللون الازرق و طرحة باللونين الابيض و الازرق و جذمة بكعب باللون الاسود و حملت الشنطة و الكتب و خرجت
فارس بتصفير : موزة عيلة الشيخ
صقر بتصفير : قمر ١٤ يا بنت الشيخ
ميريت بابتسامة : و انتم قمر و اوسم رجالة فى الدنيا
عائشة : انا مش عا فة انتي بدلتي استايل لبسك ليه
ميريت : علشان اتخنقت اللبس القديم كده أجمل
عائشة : بس ابوكي لو شاف منظرك هيعمل مشكلة كبيرة
ميريت :متقلقيش يا ماما بابي شاف لبسي و قالي اعملي اللي انتي عوزاه
عائشة د: بس لبسك ده ملفت و مش حلو خالص
ميريت : علي فكرة انا عندي ١٩ سنة مش كبيرة و حضرتك كنتي بتجيبي ليا لبس على مزاجك بس انا عمري محبيت اللبس ده و كنت بقول حاضر بس خلاص انا هلبس اللي انا عوزاه قدام حلو و محترم
عائشة : براحتك بس لازم جوزك يعرف
ميريت بسخرية : جوز مين يا ماما انا جوزي سافر و سابني براحتي قدام مش بعمل مشاكل
عائشة : بس من حقه
ميريت : مفيش حاجة اسمها حقه هو ملهوش اي حقوق عندي انا ماشية
صقر : حبيبتي افطري
ميريت : مليش نفس
فارس : يالا صقر
حمل الشباب الكتب و غادرو الي الكلية
في الجامعة البريطانية
وصلت سيارات ريان مع الحرس و نزل مع وصول سيارات الشباب الثلاثة فاثارت إعجاب ريان و أصدقائه
حمزة : شايفين العربيات ديه
اسمر : ديه اغلي عربيات فى السوق
ريان : اكيد ولاد رجال اعما
قطع كلامه عندما نزلت تلك الفاتنة من سيارتها و قامت باغلاقهاو خلفها الشباب
ريان بابتسامة : جنيتي الجميلة
حمزة : اوباااااااا هي ديه اختي ميريت صح
اسمر : اه هي
حمزة بضحك : هو ابوها شغال ايه بالظبط علشان يجيب عربية ذي ديه
اسمر بضحك : اكيد نصا
قطع كلامه عندما وقعت عيونه على تلك الفاتنة الجميلة التى تنزل من سيارتها باللون الأحمر و كانت ترتدي فستان باللون الأحمر الناري المماثل للون سيارتها و توجهت إلي مكان ميريت و الشباب
الفتاة بابتسامة : صباحو شباب
صقر بابتسامة : صباحو سوسو
فارس بضحك : صباحو عمتو
الفتاة بغضب : انا مش عمتك يا بغل
ميريت بضحك : ههههههههههه بغل
فارس : شكرا يا خالتي
ميريت بغيظ : انا مش خالتك
فارس بضحك : لا خالتي و ديه عمتي
ميريت : و الله ما سيباك يا بغل
فارس بضحك : عمتي الحقيني
الفتاة بغيظ : عم الدبب يا بغل و الله العظيم لوريك
جري فارس و جريت وراه ميريت و الفتاة و هن يضحكون بشدة
صقر : اطفال
حمل صقر الكتب و أغلق السيارات و ذهب خلفهم
ابتسم ريان و اسمر على جنان البنات
حمزة : مالك يا اسمر انت كمان
اسمر بابتسامة : شكلي هتجوز قريب
ريان بابتسامة : شكلنا هنبقي نسايب
اسمر بضحك : حبيبي يا ريرو
حمزة : يا رب ابعتلي موزة احبها اشمعنا انا
ريان بابتسامة : امشي ياض
حمزة : يعني الطول و العرض ده كله و ياض ماشي
توجه الشباب الثلاثة الي مكتب رئيس الجامعة و اتفق معاه علي كل شي
بعد فترة توجه الشباب الثلاثة و عميد الكلية الي القاعة الكبيرة للندوة المعقودة
في احدي القاعات الكبري
كان الشباب الأربعة يجلسون في الصف الثاني و كانو يجلسون كالآتي صقر ميريت الفتاة فارس
دخل الجميع الي القاعة و صعدو على المدرج و جلسو
رفعت ميريت عيونها و جدت تلك العيون الرمادية تنظر لها فاخفضت عيونها بسرعة و كسي اللون الأحمر خدودها فبتسم ريان
عميد الكلية : صباح الخير يا دكاترا النهاردة من حسن حظنا موجود معانا هنا الجراح العالمي ريان السوهاجي
صقر بهمس : مين ريان السوهاجي ده
ميريت : ده دكتور قلب و اوعية دموية و شغله تحفة عارف نفسي اكون ذيه
صقر : اممممم طيب اسمعي بقي
كان نظار ريان مشتعله من قرب صقر من ميريت
عميد الكلية : الكلمة دلوقتي للجراح ريان السوهاجي
ريان : صباح الخير طبعا انا الجراح ريان السوهاجي طبعا يا دكاترا قدامكم مشوار طويل و كبير بس اهم حاجة اوعو و التعالي و الفخر و التكبر انتم فعلا دكاترا و هيبقي ليكم اسمكم و مركزكم بس اهم حاجة تعرفو ان ٥٠ % من الشفا من العلاج و لا التشخيص لا انت ايوة انت لما المريض بيروح لدكتور و يبتسم في وشه بتهون على المريض كل حاجة مهما كان المرض علشان كده انا بقولكم اوعو و الكبر و التعالي كمان انا ذي معرفت سيادة العميد هبلغكم انا هفضل هنا شهر و برحب بدفعة السنة الأخيرة من كل قسم ينزلو تدريب فى مستشفي الريان و اتمني ليكم التوفيق
فارس : لحظة دكتور ريان
ريان بابتسامة : تحت امرك دكتور بس اتعرف عليك
فارس بابتسامة : اسمي فارس ال
ريان بابتسامة : قبل اسمك لازم تحط كلمة دكتور ده املك الوحيد و لازم تفضل تسعي وراه
فارس بابتسامة : انا الدكتور فارس الشيخ تخصص جراحة التجميل
ريان : خير
فارس : اصل حضرتك هتاخد الدفعة السنة الاخيرة و بصراحة انا كنت عاوز انزل ادرب فى المستشفي
ريان : و حضرتك يا دكتور فارس فى سنة كام
فارس : انا في سنة اول و تانية
ريان باستغراب : يعني ايه اولي و تانية
عميد الكلية بابتسامة : الدكتور فارس من الشباب المتفوق جامع سنتين مع بعض و مش غريبة على عيلتة كمان فى الدكتورة ميريت الشيخ و هي واخده كذا تخصص باطنة و قلب و اوعية دموية و أورام و كمان الدكتور صقر الشيخ و بردو كذا تخصص مخ و أعصاب و جراحة و كمان الدكتورة سلمي الشيخ و هي دكتورة صيدلة و بردو كذا تخصص لأنها درست كذا قسم
ريان بابتسامة : ما شاء الله عيلة كلها اطباء
عميد الكلية : طبعا و انا فخور ان مجموعة كبيرة من اجود و أعظم الأطباء كانو في عهدي
ريان : تمام دكتور فارس ممكن انت و الدكاترا تشرفوني في مكتب العميد شوية بعد اذنك طبعا
العميد بابتسامة : طبعا اتفضلو
غادر الجميع و توجه ريان و حمزة و اسمر الي مكتب العميد
ميريت بغيظ : لازم تنسحب من لسانك
فارس : و انتي مالك يا رخمة
صقر : بس بقي و يالا على مكتب العميد
ميريت بدموع وهمية : اول مرة ادخل مكتب العميد من تحت راسك يا زفت الطين
توجه الاربع شباب الي مكتب العميد
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!