الإقامة الجبرية
الحلقة الحادية عشر
في منزل ميريت
نزل الشباب الثلاثة و توجهو إلي الجامعة لإحضار بعض الكتب التي ستساعدهم فى السنة القادمة
فارس : ميمو
ميريت : نعم فروستي
فارس : انتي تخصصك ايه
ميريت :انا قلب و اوعية دموية و أورام و باطنة
فارس : و انت صقر
صقر : انا مخ و أعصاب
فارس : انا قررت ادرس جراحة تجميل
ميريت : هايل القسم ده كويس و كبير هتختار ايه
فارس : شامل انا عاوز ابقي دكتور تجميل و تخسيس و كل حاجة عن القسم ده
ميريت : عارفين نفسي افتح مركز كبير في كل التخصصات و اسمنا تكبر في العالم كله
فارس : هو انتم هتكملو هنا مش برا
ميريت بضحك : و انت فاكر ان جدك الشيخ مهدي هيسمح لينا
صقر : ده حلم حياتنا
ميريت : اه يا صقر لو وافق هيبقي حظنا جامد
صقر : يا رب يا ميمو
صقر : يالا شباب وصلنا
نزل الشباب الي الجامعة و توجهو الي المكتبة
فارس : بما ان فاضل لسه ٣ شهور علي الدراسة انا عاوز كل الكتب عن جراحة التجميل
صقر : اتفضل يا برنس المكتبة كلها تحت امرك
ميريت : صقر و انا كمان عوزة كتب عن الاورام
صقر : اي أوامر تانية سمو الملكة
ميريت بتفكير : اممممممم لما أعوذ هقولك
صقر بغيظ : ماشي يا هانم مرجوعك ليا
ضحكت ميريت و جلست على الكرسي تلعب في الهاتف و فتحت علي صفحة المشاهير
فارس : واو ميمو المكتبة هنا فيها كتب هايلة
صقر : اتفضلي يا سمو الملكة
فارس : مالك حبيبتي
ميريت باشمزاز : اقريت اخبار عن واحد فظيعة
صقر : اخبار ايه
ميريت : واحد اسمة غيث الحديدي رجل أعمال ليه كمية صور مع بنات و بيقولو ليه عاشقات كتير
صقر : محدش يقدر يعرف الصح و لا الغلط
ميريت : فين الاخلاق و الدين
فارس : محدش يعرف ميمو الصدق من الكذب و متنسيش ان اي حد ممكن يتشهر بيه
ميريت بابتسامة سخرية : يتشهر بيه يا بني ده ليه صور يستحيل حد يتقبلها في أوضاع مخلة ربنا يكون في عون البنت اللي هيتجوزها
نظر صقر و فارس لبعضهم البعض بقلق
مر الوقت سريعا
كان الصعيد ينتظر رجوع الدكتور مهدي الشيخ لاتمام الصلح بعد اسبوع
كان غيث يتنقل من فتاة لاخري بلا خجل و لا كسوف و يعمل بجد و تفوق
وصلت سارة الحديدي الي القاهرة و تم استقبالها احسن استقبال
استطاع غيث الحديدي الاتفاق على السفر الي استراليا بعد اسبوعين لافتتاح الفرع الجديد لشركه
نجح فارس بدرجات عالية و قدم اوراقة فى كلية الطب بجامعة البريطانية مع صقر و ميريت
رتب الحاج غيث الحديدي للاحتفال بزواج احفادة من أبناء الشيخ و الأخص قدوم ابنه عطر و مهدي الي عائلتة
كانت ايمان تجهز كل شي لابنتها حتي تذهب الي قصر الشيخ و هي مرفوعة الراس
طلب فارس من مدير الجامعة دمج سنتين مع بعضهم و وافق لانه يعلم جيدا تفوق أبناء عائلتة صقر و ميريت
نجحت ميريت بتقدير امتياز و كذلك صقر بنفس التقدير ليكونو فخر الجامعة و فخر الحاج مهدي الشيخ و امهم عائشة
عاد الدكتور مهدي الشيخ من الخارج فى زيارة قصيرة و سريعة
في الصعيد
كان الجميع يجلسون لاتمام الصلح و معرفة الأبناء
الحاج غيث بابتسامة : انا هقدم بت ولدي محمود الدكتورة سارة للزواج من الدكتور مهدي قولتم ايه
الحاج مهدي بابتسامة : و حنا يشرفنا النسب يا واد عمي و انا بقدم بت ولد محمد وفاء للزواج من حفيدك غيث
الحاج غيث بابتسامة خبث : بس الأصول بتقول ذي مختم بتي ناخد بنتكم
الحاج مهدي : وفاء حفيدتي ذي سارة مهي حفيدتك
الحاج غيث : بس انت عندك بت المفروض هي اللي تتجوز
الحاج مهدي بغضب : انت بتقول ايه بتي مين اللي تتجوز ولدكم لا طبعا انا بتي لسه صغيرة
مدير الأمن : انت عندك بنت يا حاج مهدي
الحاج غيث بخبث : ايوة بته عايشة فى مصر بنت الخوجاية
الحاج مهدي بغضب : غيث لم لسانك انت بتتكلم على حريمي و اللي في ذمة الله و لو كان الصلح هيقف على الجواز انا مستعد اموت
شيخ الجامع : يا حاج مهدي وحد الله كمان بتك ديه عندها كام سنة
محمد الشيخ : عندها ١٩ سنة
شيخ الجامع : يعني تصلح للزواج و نتمم الصلح
محمد الشيخ : وفيها ايه يا بوي هي هتتجوز مش هيحصلها حاجة
الحاج غيث : قولت ايه يا واد عمي موافق و لا ايه
الحاج مهدي بحزن : هو ده اللي كنت عوزة من زمان تكسر ظهري و تحزن قلبي
الدكتور مهدي : انا موافق و مفيش حد عنده اعتراض صح يا جدي
الحاج مهدي بحزن : بس الأصول بتقول السن واجب بين الطرفين غيث عنده ٣٠ سنة هياخد طفلة ياخد واحدة تقدر تناسب سنة و وفاء عندها ٢٥ سنة اكتر واحدة مناسبة
غيث بجدية و هو يجلس : و انا يا حاج مهدي بقبل الجواز من بنتك الصغيرة و ذي ما بيقولو الصغير بكرا يكبر
الحاج غيث بابتسامة : ذي مقال حفيدي و كبير احفادي الصغير بكرا يكبر
الحاج مهدي بحزن : لله الأمر من قبل و من بعد لله الأمر من قبل و من بعد
محمود الشيخ : مبروك يا رجالة علي الصلح
الحاج غيث بابتسامة : نقول مبروك و نقرأ الفاتحة
الحاج مهدي بحزن : ربنا يسامحك يا غيث عمري مهسامحك و لا دنيا و لا اخره
مدير الأمن : نقرأ الفاتحة يا جماعة و الفرح نحدده في أقرب وقت
الدكتور مهدي : يا ريت الفرح يكون الخميس الجاي علشان انا عندي سفر و دراسة برا و لازم اخد مراتي و سافر
الحاج غيث : علي خير الفرح يوم الخميس الجاي
قرأ الجميع الفاتحة على الاتفاق و الصلح و علي ان يكون الزفاف يوم الخميس القادم اي بعد ٥ ايام و غادر الجميع لمنازلهم
في قصر الشيخ
دخل الرجالة و حكو للنساء عما حدث و فرحو بشدة لأنهم يعلمون ان غيث الحديدي سئ السمعة و سوف تعاني معه
الحاج مهدي بحزن : خلاص فرحانين لما فرطم فى اختكم الصغيرة
محمود : في ايه يا بوي اخره كل بت بيت جوزها
عديلة بفرحة : يالا خلي بت عطر تفرح بجوازتها
محمد : انسي يا بوي انت بس اللي بتحبها كتير علشان كده خايف عليها بس غيث مش هيكلها يعني
وفاء بفرحة : افرح يا جدي خلاص هم و نزاح
الحاج مهدي بحزن و كسرة : منكم لله منكم لله فرحانين فى اذيه الصغيرة كل واحد فرح و شمت فيها ربنا هيخلص حقها منه رحمتك يا رب
الحاج مهدي بحزن : محدش يقولها انا اللي هسافر بنفسي و هقولها
صعد مهدي الي جناح عطر و نام علي السرير و اخذ يبكي بشدة على ضياع صغيرتة
في الاسفل
عديلة بفرحة : بت يا وفاء
وفاء بفرحة : نعم يا ستي
عديلة : اتصلي على بت عطر و بلغيها بخبر جوازها
محمد : بس ابوي قال محدش يكلمها
عديلة : اخرس يا واد اتصلي يا بت
اسرعت احدي الخدم بالاتصال على فارس و تبليغة بما حدث
في القاهرة
اتصلت احدي خادمات القصر على فارس و اخبرته بما حدث فاغلق معها و اسرع الي غرفة صقر و اخبره فاسرع صقر الي غرفة ميريت و لكن استمع لصوت شي يسقط فقتحم الغرفة وجد ميريت على الارض مغشي عليها
صقر بخوف : ميريت ميريت اصحي
فارس بدموع : عرفت يا صقر
عائشة : في ايه يا ولاد يا لهوي بتي
صقر و هو يحملها : فارس انزل بسرعة للدكتور اللي تحت
وضع صقر ميريت علي السرير و اسرع بتغطية شعرها
جلست عائشة بجوارها تبكي على صغيرتها
دخل الدكتور برعب من منظر فارس المرعوب و الذي يمسك دموعه بشدة
الدكتور : صقر في ايه يا بني
صقر بحزن : ميريت مغمي عليها
كشف الدكتور على ميريت و اعطي لها ابرة حتي يهدئ اعصابها
صقر بحزن : فيها ايه
الدكتور : هو حصل ايه
صقر : مفيش
الدكتور : على العموم ميريت عندها صدمة عصبية انا ادتها ابرة مهدئة و هتصحي الصبح
خرج الدكتور و جلس صقر بجوارها و مسك اديها و نزلت دموعه بغزارة و اسرع فارس و جلس تحت رجليها و اخذ يبكي بشدة
عائشة بجدية : على برا عاوزة اعرف حصل ايه
صقر بدموع : معلش ماما مش دلوقتي
عائشة بجدية : يالا
خرج الشباب و تركو ميريت تنام
عائشة : في ايه
فارس بدموع : ميريت هتتجوز غيث الحديدي
عائشة بلطم : يا لهوي يا لهوي مين ديه اللي هتتجوز بنتي اذاي و اذاي مهدي يوافق
فارس : انا كنت عارف الموضوع بس متوقعتش تكون ميريت قولت وفاء ملك اي زفته تانية مش مهم بس ميريت لا
صقر : هنعمل ايه الكل قرأ الفاتحة
عائشة بدموع : و اكيد حد من الحربيق اللي هناك قالو ليها صح
صقر : للأسف وفاء كانت آخر واحدة مكلمها
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!