الإقامة الجبرية
الحلقة الخامسة و العشرون
في نهاية الأسبوع
سافر الجميع الي الصعيد لحضور حفل زفاف وفاء الشيخ على احدي أقاربها و اسمه محروس
في قصر الشيخ
دخلت عائشة و صقر و فارس
الحاج مهدي : حمد لله على السلامة يا شباب
صقر بابتسامة : الله يسلمك يا جدي اخبار صحتك ايه
الحاج مهدي : الحمد لله كيفك يا عائشة
عائشة : زينة يا خوي انت كيف صحتك
الحاج مهدي : انا زين يا ختي فين ميريت
سالم : كيفك يا خوي
الحاج مهدي : زين ادخل حد يقولي فين ميريت
يوسف : حبيبي يا عمي وحشتني و الله
الحاج مهدي بغضب : فين ميريت يا ولاد الكلب
فارس بضحك : في مكانكم
نظر الحاج مهدي لهم بغضب و غادر القصر
صقر بضحك : جدو بيحبنا اوي
سالم بضحك : قدام الموضوع يخص ميريت يبقي انسي
سلمي بضحك : هو البيت ده مفهوش اكل انا جعانة
فارس بضحك : تصدقي صح تعالي ندور
يوسف : مجانين ربنا يرحمنا
عائشة : انا هطلع استريح
يوسف : انا هروح هتيجي معايا
سالم : اه يالا
غادر يوسف و والده القصر و توجهو الي منزلهم و صعد صقر الي الأعلي حتي يستريح
عند ميريت
كانت ميريت تنام على الارض في مكان خلوة والدها و غمضت عيونها لحظات و وجدت يد حانية تضمها لحضنة فتنهدت ميريت براحة و حضنت والدها بشدة
الحاج مهدي بحنان : مالك يا روحي قلبي
ميريت : عوزة افضل في حضنك و بس مش عوزة حاجة تانية
الحاج مهدي بحنان : افضلي يا قلبي افضلي
رفعت ميريت نفسها و نامت علي صدر والدها و لم تهتم باي احد فقط تريد أن تشعر بالامان و الدفء
مر الوقت سريعا و لم يشعر اي منهم بالوقت فقد نام الحاج مهدي و هو يضم صغيرته بين أحضانة فلا يرغب باي شي اخر
في القصر
عديلة بغل : واد يا صقر
صقر : نعم يا تيتة
عديلة : روح لجدك و خليه يجي الوقت اتأخر
صقر : حاضر
خرج صقر و اسرع فارس خلفة و توجهو الي خلوة جدهم
في الخلوة
وصل صقر و فارس و دخلو وجدو جدهم ينام و يحضن ميريت بين أحضانة فبتسمو و توجهو لهم
صقر بحنان : جدو جدو اصحي
الحاج مهدي : في ايه
صقر بحنان : يالا الوقت اتأخر و لازم تروحو القصر
الحاج مهدي بحنان : ميريت حبيبتي اصحي يا قلبي
ميريت بنوم : شوية كمان بابي
صقر بحنان : لا حبيبتي اصحي و كملي نوم فى القصر يالا علشان خاطر جدو تعبان
ميريت بفوقان : حاضر يالا
توجه الأربعة الي القصر و كانت ميريت تنام على قدم والدها
مر الوقت سريعا و جاء الصباح
في القصر
نزلت ميريت من جناحها و توجهت إلي الخارج و جلست بجوار والدها الذي ضمها لحضنة و قبل رأسها بكل حنان
الحاج مهدي بحنان : يا صباح العسل على احلي و أجمل بنوتة فى الدنيا
ميريت بابتسامة : يسعد صباحك يا قلبي
الحاج مهدي بحنان : انا جعان تفطري معايا
ميريت بابتسامة : و ماله نفطر
شاور الحاج مهدي لاحدي الغفر و امره بالذهاب إلى الداخل و طلب تجهيز الفطار لهم
الحاج مهدي بحنان : تعرفي اول مرة نبض قلبي جت هنا بعد الجواز كنا قاعدين نفس القاعدة يومها كان بطرس الصايغ و شتريت ليها حاجات كتير و كلها تقيلة و كبيرة و هي سكتت و كل مرة بجيب ليها حاجات كانت بتلبسهم شوية و بعد كده بتشلهم و في يوم سألتها قالتلي
فلاش باك
مهدي : عطري
عطر بابتسامة : نعم حبيبي
مهدي : انا عاوز أسألك سؤال عوزة تجاوبي عليه جاوبي مش عاوزة براحتك انا مش بحاسبك
عطر : فى ايه يا مهدي
مهدي : ارجعي فى حضني تاني و انا هقول
عطر بدلع و هي تقبل جانب شفايفه : ماشي حبيبي
مهدي بعشق : شكلك مش عقله يا نبض القلب
عطر بضحك : لا خلاص هعقل شوية بس و بعد كده هتجنن براحتي
مهدي بعشق : ماشي يا نبض قلبي هو فين دهبك عوزة تجاوبي جاوبي مش عاوزة براحتك
عطر بابتسامة : دهبي في الدولاب مش بحب البسه
مهدي : ليه يا قلبي هو مش عجبك
عطر : بصراحة كبير اوي و تقيل و انا مش بقدر اشيلة انا بحب الحاجات الرقيقة و الخفيفة
مهدي بعشق : خلاص بكرا الصبح ننزل المركز نجيب كل اللي نفسك فيه
عطر : لا مهدي انا مش عوزة حاجة انا عندي كتير
مهدي بجدية : بكرا الصبح تجهزي علشان نروح و ده اخر الكلام
عطر بتذمر طفولي : ماسي
مهدي بضحك : تعالي يا طفلة
عطر بتذمر : انا مخصماك
ضحك مهدي علي زوجته و نبض قلبه و ضمها لحضنة بشدة
باك
الحاج مهدي بابتسامة : علشان كده انا من اليوم ده و بجيب ليها حاجات من اللي بتحبها
ميريت بتذمر : اشمعنا انا ياسي مهدي عوزة حاجات علي مزاجي
الحاج مهدي بحنان : حاضر يا قلبي اشيع لملاك يجيب كل حاجة عنده
ميريت بابتسامة : انا عوزاك انت
الحاج مهدي بحنان : و انا مش طالب من الدنيا غيرك انتي و بس
ميريت بابتسامة : ربنا يخليك ليا يا حبيبي
الحاج مهدي : اخبارك ايه يا بنتي
ميريت : الحمد لله
الحاج مهدي : جوزك هيحضر الفرح
ميريت بسخرية : جوزي هههههه تصدق ضحكتني لا هو مسافر
الحاج مهدي : في ايه يا بنتي هو لسه كل ده مسافر بقاله شهرين و زيادة
ميريت : بابي انسي انا جاية اعيش يومين من غير مشاكل
الحاج مهدي : مشاكل ايه هو حد منهم بيزعلك و لا بيضيقك
ميريت : لا مفيش حاجة
الحاج مهدي : هتروحي تطمني على جدك غيث
ميريت : لا انا جاية اقعد معاك يومين و بس مش عاوز اسافر
الحاج مهدي : لا خلاص افضلي براحتك
سلمي : ايه يا سي عمو هتفضل مع البت ديه كده كتير و سايبنا
ميريت : ملكيش دعوة يا رخمة
سالم : السلامة عليكم
الكل : و عليكم السلام و رحمة الله و بركاته
الحاج مهدي : ايه يا خوي اتوحشت عيالك و سايب اخوك
سالم بضحك : ايه ده لحظة افكر واحد استقبلني اذاي امبارح و هو عاوز يجري علشان حبيبة القلب
الحاج مهدي بضحك : يعنى اسيب بت قلبي بعيد عن حضني خلاص يا خوي انا موجود اهو
يوسف بمشاكسة : و القردة كمان في حضنة يعني خلاص
ميريت بغيظ : الله يسمحك يا عم
سالم : بس بقي اسمعني يا خوي من كام يوم جالي تليفون من واحد طالب ايد سلمي
سلمي : نعم طالب ايدي ليه انا لسه صغيرة
سالم : انكتمي المهم انا خليتة يجي هنا و هو هيجي بعد العشا يتقدم و لازم ياخوي تكون موجود
الحاج مهدي : ماشي يا خوي علي البركة ربنا يكتر من افراحنا
الغفير : اسف يا كبير
الحاج مهدي : خير يا ولدي
الغفير : عربية الحاج غيث الحديدي قربت من القصر
الحاج مهدي : خليه يتفضل
الغفير : امرك يا كبير
ندر الكل لبعضهم البعض و نقلو نظرهم الي ميريت التي اصبحت تجلس علي جمر من النار
جاء الحاج غيث و القي السلام علي الجميع
الحاج غيث : مبروك يا واد عمي عقبال الباقي
الحاج مهدي : الله يبارك فيك يا خوي
الحاج غيث : كيفك يا ميريت
ميريت بأدب : الحمد لله يا جدو اذي حضرتك
الحاج غيث : انا زين يا بتي
ميريت : بعد اذنك هطلع استريح شوية يالا سلمي
الحاج غيث : ميريت عاوز اتكلم معاكي شويه
ميريت : تحت امرك خير
نظر الحاج غيث للجميع
الحاج مهدي : خدي جدك و فرجيه علي الجنينة
ميريت : حاضر بابي اتفضل جدو
الحاج غيث بابتسامة : تعالي يا بتي اسنديني الله يرضي عليكي خلاص الصحة
الحاج مهدي بضحك : ده انا لسه كنت بدور ليكي على عروسة
الحاج غيث بضحك : لا خلاص بعد ام محمود الله يرحمها يالا يا بتي
سندت ميريت الجد غيث و تمشو مع بعض و جلسو فى الجنينة الخلفية
الحاج غيث بحزن : انا عرفت
ميريت : عرفت ايه
الحاج غيث بحزن : ان الحيوان ده اتجوز و مراتة حامل كمان
ميريت : و ايه الجديد هو قبل ميعمل كده كان مع كل يوم واحدة
الحاج غيث بحزن : حقك عليا يا بنتي انا السبب
ميريت بدموع غزيرة : صح انت السبب علشان كده انا مش هسامح اي حد كان السبب فى جرحي و عذابي انا و ابويا
الحاج غيث بحزن شديد : انا اسف يا بنتي سامحيني
ميريت بدموع : السماح من ربنا مش العبد انا بس عوزة حاجة واحدة و بس و بعدها هسامحك
الحاج غيث : قولي يا بتي
ميريت بدموع : اكيد حفيدك هيرجع مصر بس يومها انا عوزة اطلق و تضمن ليا حماية اخواتي و العيلة و يومها هكون مسمحاك
الحاج غيث : حاضر يا بنتي
ميريت بدموع : لو بتكدب عليا صدقني هفضل ادعي عليكم كلكم من الصغير للكبير
الحاج غيث بحزن : لو فضل عايش هطلقك منه بس لو مت يبقي نتقابل يوم القيامة
ميريت بدموع : تمام
وقف الحاج غيث بهدوء و وضع قبلة علي راسة و غادر القصر
تنهدت ميريت و صعدت الي غرفتها
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!