الإقامة الجبرية
الحلقة السادسة و العشرون
في فيلا سالم الشيخ
تجمع الشباب و جلسو مع سلمي
صقر : بس ايه يا بت اول مرة يجيلك عريس
فارس بضحك : كبرتي يا زقردة
صقر بضحك : بس يا ترا مين العريس اكيد من هنا
سلمي بحزن : شباب عوزة اقولكم علي حاجة
صقر : قولي يا عرورة
سلمي : انتم اخواتي و اصحابي صح
ميريت بحنان : في ايه سلمي
سلمي بحزن : انا معجبة بواحد
صقر : مين ده
سلمي بحزن : الدكتور اسمر العجابي
فارس : التنين
سلمي بحزن : اخرس يا زفت
ميريت : طيب و العمل دلوقتي
صقر : سلمي انتي متأكده من احساسك
سلمي بدموع : بحب اتكلم معاه و شوفه بس خلاص بابا هيوافق علي العريس
ميريت بعصبية : لا اوعي توافقي اوعي تكسري قلبك اوعي سلمي فاهمة اوعي
سلمي بدموع : يعني اعمل ايه
ميريت بهدوء : تفكري صح و تشوفي قلبك هيقولك ايه
سلمي : ماشي
استمع الشباب لصوت دخول سيارات فعلمو بقدوم العريس نزل الشباب الي الاسفل لاستقبال العريس
سلمي : بت تعالي ننزل
ميريت : لا طبعا عيب و بابي ممكن يزعق
سلمي : هما قاعدين في الصالون و قفلين الباب و حنا هنبقي بعيد
ميريت : امممممممم يالا
سلمي بهمس : تعالي نسمع
ميريت بصدمة : حرام كده بنتصنت
سلمي بهمس : لا طبعا الموضوع بتاعي و حنا بنعرف المفيد
ميريت بابتسامة : يعني حلال
سلمي : حلال حلال حلال
وقفت سلمي و ميريت يستمعون لما يحدث في الداخل
الحاج مهدي : اهلا و سهلا نورتونا
العريس بابتسامة : ده نورك يا حاج
يوسف بابتسامة : مين فيكم العريس
العريس : ان
صقر بابتسامة : الدكتور اسمر العجابي دكتور صيدلي و حضرتك الدكتور ريان السوهاجي دكتور قلب و اوعية دموية و حضرته الاستاذ حمزة الالفي رجل أعمال
الحاج مهدي : انت تعرفهم يا صقر
فارس : طبعا يا جدو احنا بندرب في مستشفي دكتور ريان
الحاج مهدي بابتسامة : يا ميت اهلا و سهلا
اسمر : اهلا بيك يا حاج يشرفني ان اطلب ايد بنت حضرتك الدكتورة سلمي
سالم : مش الاول اعرف فين اهلك و جاي بطولك ليه
اسمر بجدية : انا والدي و والدتي اتوفو من زمان كان عندي ١٠ سنين و تربيت في بيت ريان و حمزة احنا الثلاثة أصحاب و اخوات من زمان أهلنا الله يرحمهم كانو اصحاب و امي الله يرحمها تبقي خاله ريان و حمزة
يوسف : اممممم يعني ٣ اخوات بنات خدو ٣ أصحاب
ريان : صح
الحاج مهدي : عندك كام سنة يا دكتور
اسمر بابتسامة : حضرتك أنا عندي ٣٠ سنة
حمزة : اسمر يملك اكبر مصنع لصناعة الأدوية فى العالم بالإضافة إلى شريك فى مجموعة كبيرة من الشركات
اسمر : انا داخل البيت من بابة و حضرتك تقدر تسأل عليا و اعتقد ان سيادة الرائد في جهة أمنية تسمحله بجمع المعلومات عننا و غير كده دكتورة سلمي اتعملت معايا و كمان انا مشرف علي الرسالة الخاصة بيها
ريان : غير كده حضرتك تقدر تسأل دكتورة ميريت و دكتور فارس و دكتور صقر علي أخلاقي لاني مش هسمح لواحد صاحبي و اخويا يكون بعيد عن ربنا و يمشي غلط
حمزة : حضرتك احنا داخلين البيت و طالبين الدكتورة علي سنة الله و رسوله
سالم : ماشي بس لازم نسأل عليك الاول و اخد رأي بنتي علشان انا مش هقدر اجبرها علي حاجة من صغرها و معلمها تبقي صاحبة رأي
اسمر بابتسامة : خير بإذن الله
الحاج مهدي : يوسف اطلع هات اختك هنعمل بشرع ربنا لازم يقعدو مع بعض
يوسف : امرك يا عمي
خرج يوسف و فؤجي بوجود البنات يستمعون فتوجه لهم و سحبهم من اديهم
يوسف بغيظ : بتعملو ايه يا بقر
ميريت بابتسامة : بنتصنت طبعا
يوسف بضحك : صريحة من غير اي مجهود
سلمي بفرحة : المهم شكلي حلو و لبسي حلو
يوسف بغيظ : اه حلو بس لينا كلام مع بعض لما الضيوف تمشي
سلمي : ماشي بس يالا ندخل
يوسف بغيظ : استني يا قردة علشان محدش يعرف انك كنتي على الباب
ميريت بفرحة : ادخل معاكم
يوسف بابتسامة : اه تعالي معانا يالا
توجه يوسف الي مكان الرجالة و خبط و دخل و دخلت خلفه البنات
جلست سلمي بجوار والدها و جلست ميريت بجوار والدها الذي ابتسم بحب لها
سالم بحنان : سلمي يا بنتي اكيد عارفة الدكتور اسمر صح
سلمي : ايوة يا بابي عرفاه لاني شغالة فى المصنع بتاعة و حضرته مشرف الرسالة بتاعتي
سالم : طيب كويس هو طالب ايدك للجواز قولتي ايه
سلمي بجدية : حضرتك ربتني يكون ليا رأي علشان كده انا بعد اذنك و اذن عمي مهدي كنت عوزة اتكلم معاه ممكن
سالم بابتسامة : حقك يا بنتي مقدرش اعارض شرع ربنا يوس ميريت مع اختك
ميريت : حاضر عمو اتفضل دكتور اسمر
خرج اسمر و خلفة البنات و جلسو فى الجنينة و احضرت الخادمة العصير ليهم و تركتهم غادرت
ميريت بابتسامة : انا قاعده هنا لما تخلصو كلام هاجي بس بسرعة علشان ميحصلش مشكلة
أسمر بابتسامة : شكرا دكتورة
ميريت بابتسامة : ميريت و بس انت بإذن الله هتكون جوز اختي
و بغيظ : الكبيرة
سلمي بغيظ : انا لسه صغيرة مش كبيرة
ميريت و هي تخرج لسانها : لا كبيرة
اسمر بضحك : معلش نستحملها
ميريت بابتسامة : هشوف الورد و مش هطول
اسمر : شكرا اختي
ميريت بابتسامة : ماشي اخي
قامت ميريت و بعدت عنهم شوية تترك لهم الحرية
جلست ميريت امام مجموعة من الورد
كانت ميريت تنظر علي اسمر و سلمي و لم تشعر بدموعها التي تسقط على خدها
كان ريان يقف امام احدي الشبابيك يشاهد ما يحدث و لفت انتباه منظر ميريت
ريان لنفسه : في ايه حصل من يوم انهيارك و انتي فيكي حاجه اسبوع كامل و انتي مدمرة يا ترا في ايه
مر الوقت سريعا و غادر اسمر و الشباب بعد ان دعاهم الحاج مهدي لحضور الفرح المقام
امر الحاج مهدي بفتح بيت الضيوف لاقامة الشباب بيه
عاد الحاج مهدي و الشباب الي القصر و صعدت ميريت الي الأعلي و رفضت تناول الطعام و لكن اجبرها والدها على تبديل ملابسها و النزول للاسفل لتناول الطعام
في غرفة ميريت
نزعت ميريت الطرحة و جلست على السرير و لم تشعر بدموعها التي تسقط على خدها
دخل الحاج مهدي و جلس أمامها و لكن كان فى دنيا اخري
الحاج مهدي بحنان : مالك يا روح قلبي
ميريت بابتسامة و هي تمسح دموعها : مفيش بس كنت مخنوقة شوية
الحاج مهدي بحنان : مخنوقة من ايه يا قلبي
ميريت بابتسامة : انسي حبيبي ابدل هدومي و ننزل ناكل يالا
توجهت ميريت الي الحمام و بدلت ملابسها و غسلت وشها و لفت الطرحة و خرجت و هي ترسم ابتسامة جميلة علي وجهها و مسكت ايد والدها و نزلو الي الاسفل
علي السفرة
جلس الحاج مهدي على الكرسي و جلست ميريت بجواره و جلس الباقي علي الكراسي
عديلة بشماتة : امال فين جوزك يا بت عطر
ميريت ببرود : مسافر
شيماء بسخرية : ايه يا بت ابويا مش هتحملي قريب و لا اذاي مهو مسافر
عايدة بضحك : هتجيبة بالنت
وفاء بشماتة : شفتي يا ميريت الشبكة دهب عيار ٢٤ مش بلاستيك
ميريت ببرود : هي نفس شبكة مرتاتة التانين هو انتي رقم كام وفاء
محمد بحده : ميريت اتعدلي
ميريت : انا معملتش حاجة غلط مش ديه الحقيقة بردو
محمود بسخرية : و تتعدل ليه مهو خلاص مفيش احترام خالص
الحاج مهدي بجدية : مسمعش صوت تاني الاكل ليه احترامة
ساد الصمت في المكان و كانت ميريت تلعب بالطعام فقط
الحاج مهدي بحنان : مالك يا حبيبتي
ميريت بابتسامة : كويسة متقلقش
الحاج مهدي بحنان : يالا كملي اكلك
ميريت بابتسامة : حاضر
اكمل الجميع تناول الطعام في صمت تام
فارس : ميمو
ميريت بابتسامة : نعم فروستي
فارس بمشاكسة : لو الطبق ده مش محتجاه هاتية
ميريت بضحك : اتفضل
الحاج مهدي : مالك ياض ما الاكل قدامك كتير سيب حبيبتي تاكل
صقر بمشاكسة : لا يا جدو ميمو اديها نوتيلا و هي تدوس فيها
ميريت بسخرية : نييييييي رخم
صقر بضحك : ماشي بس مترجعيش تزعلي
عائشة بضحك : هتفضلو مجانين طول عمرك
صقر بمشاكسة : ميمو شكل البرطمان ده حلو
ميريت بصدمة : نويتلا
و بابتسامة : هات صقر
صقر : توتوتوتو
ميريت : صقر انا جعانة
صقر : و لا يفرق
ميريت بحزن : بابي خليه يجيب البرطمان
الحاج مهدي بحنان : حاضر يا قلبي
و بجدية : هات يا زفت البرطمان ده
صقر بغيظ : لا مفيش
الحاج مهدي : قومي اضربية
وقفت ميريت و لكن اسرع صقر بالجري و خلفة ميريت وسط ضحك الحاج مهدي و عائشة
محمود بغضب : ايه قلة الحيا ديه مفيش احترام خالص
ميريت ببرود : احنا معملناش حاجة غلط انا و اخويا بنلعب كمان الوحيد اللي من حقه يتكلم هو بابي و انت شايف انه بيضحك يبقي خلاص
محمود بغضب : شكلك عوزة تدربي من اول و جديد
ميريت بجدية : انا متربية كويس نفس تربيتك لاني بنت مهدي الشيخ و هو مربيني كويس كمان انا بهزر و بلعب مع اخويا
عديلة بغضب : ده ابن اخوكي مش اخوكي
ميريت بحزن : لا اخويا
صقر بحنان : اخوكي و صاحبك و حبيبك و رفيقك
فارس بحنان : و انا كمان اخوكي و صاحبك و حبييك و رفيقك
ميريت : ربنا يخليكم ليا
عبد الله بضحك : انا عن نفسي من بكرا الصبح هتنازل عن فارس ليكي ميريت
ميريت بابتسامة : شكرا ابيه عبدالله
الحاج مهدي بحنان : ممكن بقي يا قلبي تيجي تاكلي
ميريت : ماشي
جلست ميريت تأكل بعد ان اعطي لها صقر النوتيلا
مر الوقت سريعا و صعد الجميع الي غرفهم حتي ينامو و أكن توجهت ميريت الي الاسطبل و اخرجت فرسة والدها و جلست بجواره على الارض و هي تحمل بين ايديها برسيم تطعمه
احدي الغفر : يا ست الدكتورة
ميريت : نعم يا عمو
الغفير : قومي يا ست الدكتورة الجو ساقع
ميريت بابتسامة : شكرا عمو شوية كمان و هطلع
الغفير : تحبي اعملك شاي أو قهوة مع الرجالة
ميريت : ممكن قهوة لو مفهاش تعب
الغفير بحنان : تعبك راحة يا ست البنات
احضر الغفير القهوة لها و تركها و غادر و امر جميع الغفر بعدم الذهاب مكان جلوسها
استمعت ميريت لاذان الفجر فتنهدت و قامت و أعادت الفرسة مكانها و توجهت إلي القصر و صعدت الي جناحها و جدت والدها يخرج من الجناح للتوجه الي الجامع
الحاج مهدي بحنان : للدرجة ديه تعبانة
ميريت بابتسامة : الفجر إذن يالا بسرعة علشان متتاخرش
الحاج مهدي بحنان : تصبحي على خير يا قلبي
خرج الحاج مهدي للذهاب الي الجامع لاداء صلاة الفجر و فرح عندما وجد الشباب الثلاثة
يتبع
إلي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!