الإقامة الجبرية
الحلقة السابعة عشر
في قصر الحديدي
وصلت ميريت و نزلت و حاسبت السيارة و دخلت
سعاد : اهلا و سهلا يا بنتي
ميريت بابتسامة : اهلا يا طنط
سعاد : كلهم قاعدين جوا ادخلي
ميريت : ماشي شكرا
دخلت ميريت الي الصالون و جدت الجميع يجلسون
ميريت : السلامة عليكم و رحمة الله و بركاته
الجميع : و عليكم السلام و رحمة الله و بركاته
محمود بابتسامة : اذيك يا بنتي
ميريت : الحمد لله
ايمان : انتي بردو جاية ب اوبر
ميريت : اه يا انطي
قمر بسخرية : امال فين العربية لسه موصلتش من الصعيد أصلها جاية متشالة
ميريت : لا قمر هي كلها شوية و هتوصل
عبير : عملتي ايه النهاردة في الكلية شرحتي كام واحد
ميريت بابتسامة : لا لسه النهاردة بس خت محاضرات نظري و لسه العملي من الأسبوع الجاي
عاصم بابتسامة : ربنا يقويكي بس هو سؤال محيرني
ميريت : اتفضل
عاصم : انتي عندك بس ١٩ سنة اذاي بقيتي فى نهائي طب
ميريت : لان ببساطة انا كنت فى مدرسة إنترناشيونال و كمان دامجة سنين مع بعض
محمود بابتسامة : شطورة يا حبيبتي
سعاد : الغدا جاهز
ايمان : يالا
توجه الجميع إلى السفرة و قامت ميريت بغسل اديها و عادت الي السفرة
جلس الجميع علي السفرة يتناولون الطعام و لكن جاءت سعاد
سعاد : أستاذة ميريت فى ناس عوزينك برا
ميريت : انا مين
محمود : تعالي متخفيش انا هاجي معاكي
خرج الجميع الي الخارج و وجدو شابين يقفون و خلفهم سيارة
محمود : خير في ايه
الشاب : عوزين استاذة ميريت
عاصم : ليه
الشاب : علشان تستلم العربية بتاعتها
ميريت بابتسامة : انا ميريت
الشاب بابتسامة : اتفضلي يا أستاذة الغربية
بعد الشباب و ظهرت العربية
قمر بشهقة : بوغاتي ديفو - Bugatti Divo
ايمان : ايه ديه
عاصم : ديه من اغلي العربيات فى مصر و العالم
ميريت بابتسامة : شكرا
الشاب : اتفضلي امضي هنا و تقدري تمشي بيها في اي وقت
ميريت : شكرا
غادر الشباب و عاد الجميع الي الداخل
محمود : هو انتى اشتريتي العربية ديه
ميريت : بابي امبارح قالي اشتري العربية اللي عوزاها هديه نجاحي
ايمان : و صقر و فارس اشترو كمان
ميريت : اه مرسيدس مايباخ اكسيليرو و رولز رويس بووت تايل
عاصم : بتهزري صح العربيات ديه من اغلي العربيات فى مصر
ميريت : بابي قال نجيب أجمل العربيات و اغلاها علشان يفرحنا
قمر بغل : مش حلوة اوي يعني العربية
ميريت بابتسامة : انا حبيت النوع ده و خلاص
ايمان بابتسامة : مبروك عليكي يا حبيبتي
عبير بضحك : طبعا انا ليا ركوبة صح
ميريت بابتسامة : طبعا بس نركب اللوح علشان منتمسكش
محمود : انا هخلي واحدة يخلص الإجراءات متقلقيش
ميريت بابتسامة : شكرا عمو بس صقر زمانة خلص كل الإجراءات و اكيد بكرا هيظبط كل حاجة
محمود بابتسامة : مبروك يا بنتي
مر الوقت سريعا و صعدت ميريت الي الأعلي حتي تذاكر محاضرتها
اتصلت ميريت علي والدها
ميريت بابتسامة : حبيبي مهودي
الحاج مهدي بحنان : حبيبتي
ميريت بابتسامة : بابي احنا جبنا العربيات
الحاج مهدي بابتسامة : مبروك يا حبايبي عرفت جالي رسالة من البنك
ميريت بضحك : اكيد عرفت التمن صح
الحاج مهدي بضحك : فداكي يا عمري فلوس الدنيا كلها تحت رجلك
ميريت بابتسامة : حبيبي يا بابي
فضلت ميريت تتحدث معه و بعد ذلك اغلقت و جلست تذاكر
مر الوقت سريعا دون أن تشعر بالوقت و كانت مشغولة بالدراسة
رفضت ميريت ان تنزل لتناول العشاء و طلبت فقط كوب قهوة و احضرته لها سعاد
نامت ميريت كما هي وسط الكتب دون أن تشعر
في الصباح
صحيت ميريت بسرعة و اخذت دش منعش و تؤضات و خرجت تصلي فروضها و بعد ذلك توجهت إلي الدولاب و اختارت فستان باللون التوبي و بيه بعض النقوش و حملت الشنطة و الكنب و نزلت تجري
ميريت : صباح الخير
الكل : صباح النور
ايمان : مالك يا بنتي
ميريت : معلش يا انطي راحة الكلية متأخرة
محمود : براحة يا بنتي
ميريت : معلش يا عمو اصلي صحيت متأخرة فلازم اجري بسرعة
ايمان : براحة و انتي سايقة
ميريت : حاضر يالا باي
خرجت ميريت بسرعة و فتحت العربية و رمت الكتب و ساقت
كانت قمر تشاهد ميريت و بتسمت بسخرية و توعد
قمر : اجهزي يا حلوة اللي جاي
رفعت قمر الهاتف و اتصلت على احدي الاشخاص و امرته بالتنفيذ
قمر بسخرية : اشربي بقا يا موزة
مر الوقت و كانت ميريت تسير بالسيارة و لكن وجدت لجنة تقف
ميريت : يووووووه بقي انا متأخرة و مش ناقصة عطله
وصلت ميريت الي الظابط
الظابط بسخرية : انزلي يا قمر انزلي
نزلت ميريت و وقفت امام الظابط
ميريت : تحت امرك
الظابط : انتي مش شايفة ان العربية من غير لوح
ميريت : سوري يا فندم بس انا لسه شارية العربية امبارح بس و كنت هخلص كل حاجة دلوقتي
الظابط : لم يا بني اللجنة و انتى يا حلوة اتفضلي معانا
ميريت : ممكن اجي بالعربية
الظابط : اكيد اتفضلي
ركبت ميريت السيارة و ركب معها الظابط و توجهو إلي القسم
في القسم
الظابط : اوقفي هنا لغاية مفضي ليكي
ميريت بجدية : لحظة واحدة انت بتكلمني كده ليه انت عارف انا مين
الظابط : هتكوني مين
ميريت : انا اخت المقدم يوسف الشيخ فى المخابرات
الظابط برعب : حضرتك بتقولي ايه
ميريت : هتعرف دلوقتي
اتصلت ميريت علي يوسف
يوسف : معقولة ميريت هانم بنفسها
ميريت بجدية : يوسف فى فى قسم الشيخ زايد
يوسف بخضة : ليه
ميريت : معرفش من فضلك تعالي
يوسف : مسافة الطريق و هكون عندك
ميريت : تمام
الظابط : يا فندم انا بعمل علشان مصلحتك اصل ممكن العربية تتسرق
ميريت : متقلقش
مامور القسم : فين الدكتورة ميريت الشيخ
ميريت : انا الدكتورة ميريت الشيخ
مامور القسم : اتفضلي يا دكتورة هنخلص كل حاجة
ميريت : لا شكرا انا في انتظار اخويا
يوسف بغضب : في ايه بيحصل هنا
ميريت بابتسامة : يوسف
يوسف : انتي كويسة
ميريت : ايوة كويسة بس انا لازم امشي بسرعة علشان المحاضرات
يوسف : روحي انتي جامعتك و انا هتصرف
الظابط : بس الدكتورة كانت ماشية بالعربية من غير نمر
يوسف : ملكش دعوة انا هتصرف روحي انتي الجامعة
خرجت ميريت و ركبت العربية و توجهت إلى الجامعة
توجهت ميريت الي الجامعة و كان المحاضرة الأولى انتهت و توجهت إلي السكشن
مر الوقت سريعا و انهت ميريت كل المحاضرات و جلست فى الكافتيريا و وجدت صقر و فارس يجلسون في انتظارها
ميريت بتعب : خلاص هلكانة
صقر : تعالي يا حبيبتي اقعدي
فارس : هجبلك اكل و عصير
ميريت : حبيبي يا فروسة
توجه فارس لإحضار الطعام لهم
صقر : عاملة ايه
ميريت : الحمد لله
صقر : حد فيهم كلمك
ميريت : لا ابدا انا ليا اوضتي و عايشة في حالي
فارس : حد بيعاملك وحش
ميريت : مفيش غير قمر متكبرة شوية بس مش مهم انا منفضة خالص
فارس : كلي حبيبتي
ميريت : فعلا انا جعانة اوي
صقر : كلي يا قلبي بالف هنا و شفا على قلبك
تناولت ميريت الطعام بشراهة عالية
صقر بضحك : هما مجوعينك و لا ايه
ميريت : لا انا نمت امبارح علي غدايا و نزلت بسرعة مفطرتش
فارس : اجبلك تاني
ميريت : لا كده الحمد لله
صقر : هتعلقي لوح العربية امتي
ميريت : زمان يوسف خلص كل حاجة
صقر : يوسف ليه
ميريت : هحكيلك
حكت ميريت كل حاجة حصلت ليهم
فارس : يوسف بصراحة جدع
صقر : تمام بكرا الصبح هتكون العربية متعلق عليها اللوح
ميريت : طيب انا هخلع بقي عوزين حاجة
فارس : مش كنتي هتنزلي تجيبي هدوم
صقر : خليها يوم الخميس تكون المحاضرات خفيفة
ميريت : طيب انا هخلع بقي
صقر : مع السلامة
غادرت ميريت و توجهت إلي القصر
هكذا مرت الايام سريعا
★ كانت ميريت تذاكر و تحضر المحاضرات
★ كان غيث الحديدي في الصباح يعمل و في المساء مع نسائه
★ ارسل حمزة احدي الأشخاص للتقصي على ميريت الشيخ
★ قام يوسف بتجهيز لوحات للسيارات الثلاثة
★ بدلت ميريت ملابسها و لبست على الطريقة المعاصرة
★ كان ريان يجلس على نار في انتظار المعلومات القادمة عن حبيبتة
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!