رواية الإقامة الجبرية الفصل التاسع والعشرون 29 - بقلم الامبراطورة نور الشمس أماني فهمي

الإقامة الجبرية

الحلقة التاسعة و العشرون

في الصعيد

في قصر الحديدي

وصلت عائلة محمود الحديدي الي الصعيد لحضور الفرح

الحاج غيث : حمد لله على السلامة يا ولدي
محمود : الله يسلمك يا بوي
الحاج غيث : ينفع اللي ولدك عمله ده يكسر البت هي ديه الأمانة
محمود بحزن : و الله يا بوي مش ذنبي انا اتفجات بكلامه انه اتجوز و مراته حامل
ايمان : يا عمي غيث معملش حاجه غلط من حقه يتجوز و يخلف
الحاج غيث بغضب : و الغلبانة اليتيمة هتعمل ايه هتعيش باقي حياتها اذاي
ايمان : و انا اعمل ايه لازم افرح بابني و حفيدة
الحاج غيث بحزن : و اليتيمة اللي هتقف خصيمة لينا يوم القيامة اتقي الله يا ايمان انتى عندك بنتين
عبير بحزن : و الله العظيم يا جدو بقول كده بس محدش بيسمع الكلام
قمر : و فيها ايه يعني هي و لا اول واحدة و لا آخر واحدة جوزها هيجوز عليها و بلاش تنسو ان امها الزوجة التانية يعني مش هتفرق
صوت : لا هتفرق

نظر الكل الي مصدر الصوت و ما كانت اللي ميريت التي تقف أمامهم

ميريت بجدية : عطر الوكيل فعلا كانت الزوجة التانية لمهدي الشيخ بس بسبب جدتي لان من اول لحظة مهدي الشيخ وقع نظره عليها عشقها مش حبها بس للاسف الشديد بسبب جدتي هربت لفرنسا فعلا مهدي الشيخ اتجوز و خلف و جالو احفاد بس عشقة لعطر الوكيل مقلش بالعكس زاد و كبر مع الايام و مع اول لحظة وقعت عيونه عليها طلب منها الجواز عاملها ملكة متوجة على قلبة و حياتة عارفة قمر طول سنين جوازهم عارفة كان مسميها ايه كان بيقولها نبض قلبي عمرك يا قمر مهتلاقي راجل يعشقك نفس عشق مهدي الشيخ لعطرة ديه عشقه الاول و الاخير
محمود : ميريت هي متقصدش
ميريت ببرود : لا عادي مش كل الزوجة التانية تبقي وحشة
عبير بابتسامة : ميمو حبيبتي انا كنت لسه جايه ليكي
ميريت بابتسامة باردة : و لا يهمك انا لما عرفت انكم هنا جيت اسلم عليكم و علي العموم حمد لله على السلامة و اكيد كلكم معزومين علي فرح وفاء الشيخ و سلمي الشيخ
الحاج غيث بحنان : الف مبروك يا بنتي و اكيد هنكون موجودين
ميريت : تمام يا جدو بعد اذنكم لازم امشي

خرجت ميريت من القصر و هي تسب و تلعن في تلك العائلة

قمر بغضب : شايفين الحيوانة ديه بتتكلم معايا اذاي
محمود بغضب : انتي اللي غلطانة انتي اللي كل شوية تكسريها و تزليها و هي اصلا ملهاش ذنب
الحاج غيث بحزن : علي فكرة ميريت مقلتش حاجة غلط فعلا مهدي الشيخ كان بيعشق عطر من اول لحظة شفها فيها بس ام مهدي هي السبب اللي خلتها تسيب البلد و مش بس كده مهدي سافر اسبوع و رجع لقي فرحه منصوب عطر الوكيل كانت حلم لشباب كتير
ايمان : انا خايفة علي ابني و حفيدي هي ممكن تاذيهم
عبير بسخرية : هي بتعرف تاذي نملة يا شيخة
محمود : اجهزو علشان نحضر الفرح
عاصم : هو البيت ده مفهوش اكل
الحاج غيث بابتسامة : لا يا ولدي في اكل و كتير كمان
ايمان : انا هجهز الاكل
عبير : كتري الاكل يا إيمي جعانة
ايمان : طفسة

ضحك الجميع و توجهت ايمان الي المطبخ لتجهيز الطعام

في الليل

في قصر الشيخ

كان القصر مزين بالكامل و جاهز للزفاف و كتب كتاب بنات الشيخ

نزلت وفاء و هي ترتدي فستان زفاف باللون الابيض و جلست بجوار امها

لحظات و نزلت سلمي بفستان باللون الازرق و كان فستان رائع الجمال و جلست بجوار وفاء

استمرت الاغاني و لحظات و تهامس النساء من جمال تلك الحورية التي تتالق بفتسان باللون الأحمر الناري

احدي النساء : عقبال ما نشيل عوضك يا بتي
ميريت بابتسامة : شكرا يا طنط
عديلة بسخرية : عوضها اذاي و جوزها رميها و عايش حياته
ايمان بغضب : مالك يا ام محمد ابني مش رامي مراته ابني مسافر في شغل و كلها كام شهر و هيرجع بالسلامة
ساندي بسخرية : كل واحدة عندها كلمة تلمها
صقر بحده : مش عاوز اسمع صوت حد تاني
فارس بحده : يا ريت الصوت كتب كتاب وفاء هيتكتب

وقف النساء يستمعون لكتب الكتاب و نظرت وفاء لميريت بسخرية

وفاء بسخرية : شوفي بقي كلام جدي لعريسي
ميريت بابتسامة : و انتي فاكرة ان مهدي الشيخ هيقول حاجة غير الطبيعي بتحلمي انتي مش ميريت

و بالفعل صدق كلام ميريت و ردد الحاج مهدي كلام الماذون فقط و لم يضيف شي و اعلن الماذون اتمام الزيجة فبتسمت ميريت بانتصار

قام الحاج مهدي و جلس سالم الشيخ و جلس أمامه اسمر و لحظات و تم اعلان كتب الكتاب

ميريت بابتسامة : مبروك يا سولي
سلمي بفرحة : الله يبارك فيكي
صقر بابتسامة : مبروك يا سولي
سلمي بفرحة : الله يبارك فيك يا صقورتي
فارس بضحك : اخيرا خلصنا منك
سلمي بغيظ : اخرس ياض
يوسف بجدية : العرسان هتدخل يالا

رفعت جميع النساء العبايات على ملابسهم الكاشفة

محروس بجدية : مبروك يا بت عمي
وفاء : الله يبارك فيك
اسمر بابتسامة : مبروك يا صغيرتي
سلمي بابتسامة : الله يبارك فيكي
محروس : شبكتك يا عروسة
وفاء بدلع : شكرا يا محروس
اسمر بحنان : ممكن صغيرتي البسك الشبكة
سلمي بكسوف : اكيد

فتح اسمر العلبة فشهقت النساء من جمال تلك الشبكة و التي كانت عبارة عن طقم من الماس الخالص باللون الأحمر

اسمر بابتسامة : مبروك يا قلبي
سلمي بكسوف : الله يبارك فيك اسمر
محروس : مبروك يا خيتي جوازة العمر كله
سلمي : شكرا ابية محروس
محروس بحنان : هديتك يا سلمي مبروك يا خيتي
سلمي : شكرا ابية
اسمر بجدية : مبروك مدام وفاء اتفضلي
وفاء بتكبر : شكرا
اسمر بابتسامة و هو يرفع علبة باللون الازرق : اتفضلي هدية مني ليكي
ميريت بذهول : ليا انا
اسمر بابتسامة : طبعا
ميريت بابتسامة : شكرا ابيه

اخذت ميريت الهدية و بعد لحظات خرج الرجالة و صعدت ميريت و سلمي و عائشة و ساندي إلي جناح والدها حتي يشاهدون الفرح

كان اسمر يجلس بكل وقار و ثقة و بجوارة ريان و حمزة

اما محروس كان يلعب بالعصا مع الرجالة

مر الوقت سريعا و اخذ محروس وفاء للذهاب إلى منزلة

و غادرت جميع النساء الي منازلهم و توجهت سلمي مع والدها و شقيقها الي الفيلا الخاصة بهم

في جناح الحاج مهدي

ابدل الحاج مهدي ملابسه و ذهب يجلس بجوار علي الكنبة صغيرته يضمها لحضنة

الحاج مهدي بحنان : ايه ده يا قلبي
ميريت بابتسامة : ابية اسمر جبها ليا
الحاج مهدي بحنان : فيها ايه
ميريت : معرفش لسه هفتحها
الحاج مهدي : طيب يالا بسرعة
ميريت بضحكة : حاضر حبيبي

فتحت ميريت العلبة و شهقت بشدة من جمال تلك السلسلة التي كانت مصنوعة من الماس و علي شكل الملاك

الحاج مهدي : جميلة اوي السلسلة ديه
ميريت بابتسامة : فعلا انا شفتها في المحل بس لقتها غالية مردتش اشتريها
الحاج مهدي بعتاب : و من امتي انا برفض اي طلب ليكي ليكي فداكي
ميريت بزعل : اسفة بابي بس انا مقصدش حضرتك لسه جايب ليا عربية بمبلغ وقدرة و كمان جبت هدوم و لاب و فون
الحاج مهدي بعتاب : ديه فلوسك و هاتي اللي انتى عوزاه انا زعلان منك

قام الحاج مهدي من جانبها و توجه الي السرير

وقفت ميريت تشاهد والدها الذي زعل منها فنزلت دموعها بشدة و علي صوت شهقاتها فستمع الحاج مهدي لصوت بكاء صغيرته فتنهد و جلس علي السرير و فتح ايده لها فاسرعت ميريت له و حضنته بشدة و بكت

ميريت بدموع : اسفة بابي
الحاج مهدي بحنان : حقك عليا يا قلبي مكنتش اقصد ازعلك
ميريت بدموع : انا اللي اسفة حبيبي و هرجع السلسلة لاسمر و هروح اشتريها من المحل
الحاج مهدي بحنان : لا يا بتي مينفعش ترجعي الهدية هو اعتبرك اخته الصغيرة و جابلك هدية
ميريت : يعني انت مش زعلان مني
الحاج مهدي بحنان : لا مش زعلان يا قلبي
ميريت بابتسامة : انا بحبك اوي اوي بابي
الحاج مهدي بحنان : بكرا الصبح هنروح نجيب اللي انتي نفسك فيه
ميريت بابتسامة : انا مش محتاجة حاجة
و بتلثم : بابي هو هو هو انا انا
الحاج مهدي بحنان : اتكلمي يا قلبي متخفيش
ميريت بخوف : هو انا لو طلبت منك اسافر اكمل تعليمي برا هتوافق
الحاج مهدي بخوف : يعني انتي عوزة تسبيني لوحدي
ميريت بدموع : مقدرش اسيبك حبيبي بس انا
الحاج مهدي بحنان : عارف يا قلبي انك تعبتي و دمرتي اكتر بسبب الجوازة الشوم ديه