الإقامة الجبرية
الحلقة الثامنة و العشرون
في الصعيد
تجهز اسمر و اخذ البنات و الشباب و توجهو إلى احدي محلات الصاغة لشراء الشبكة
كان حمزة يسير في الأرض عندما وقع عيونه على تلك الفاتنة الجميلة التى تقف تصور نفسها و تتحدث امام التليفون و اخذت تفعل اشياء مضحكة
حمزة بضحك : مجنونة و الله العظيم
البنت بخضة : يخربيتك
حمزة بضحك : ايه اللي انتي بتعمليه ده يا مجنونة
البنت بغيظ : ملكش دعوة يا عملاق
حمزة بضحك : عملاق و لا انتي اللي شبة عود المكرونة
البنت بغيظ : انا حلوة و مش طالبة رايك
حمزة بسخرية : حلوة اوي و شغل الهبل ده يا طفلة
البنت بغيظ : انا مش طفلة و خرس بقي بوظت اللايف
حمزة بضحك : لايف الله يرحم لما كنتي بتقولي تايف مش لايف
نظرت البنت له بغيظ و نحنت على الارض و مسكت شوية تراب و رماتهم عليه و لكن للأسف الشديد وقعت على الارض هي فضحك حمزة بشدة و تركها و غادر
حمزة بضحك : سلام يا مجنونة يا طفلة
قامت البنت و نفضت هدومها بعصبية و لكن شهقت بشدة عندما تذكرت اللايف
انهت البنت اللايف بسرعة و عادت الي منزلها
اكمل حمزة طريقة و هو يضحك بشدة علي تلك الصغيرة
عند الشباب
وصلت السيارات الي أحدي محلات الصاغة في الاقصر لشراء الشبكة لسلمي
سلمي بفرحة : تعالي اختاري معايا
ميريت بابتسامة : لا حبيبتي خلي اسمر يساعد
سلمي : بس
ميريت بابتسامة : سوسو لازم تتعودي على اسمر ده خلاص كلها النهاردة و بكرا بإذن الله هيكون جوزك يالا
اسمر بابتسامة : يالا سلمي اختاري اللي انتي عوزاه
ميريت بابتسامة : معلش يا دكتور ساعدها علشان هي متعبة
سلمي : انا متعبة انا حتي كيوت
ميريت بسخرية : و نعمة الكيوت الله يكون في عونك يا دكتور اسمر
اسمر بحنان : ميريت انتى اختي الصغيرة و بصراحة انا كان نفسي في اخت بنت علشان كده انتي اختي و مفيش اخت بتقولي لاخوها دكتور بتقوله باسمه
ميريت بابتسامة : حاضر ابيه
اسمر بغيظ : انا صغير مش كبير قوليلي اسمر و بس
ميريت بابتسامة : بس انا اللي صغيرة أصغر من حضرتك بكتير انا لسه مكملتش ٢٠ سنة
اسمر بحنان : خلاص ذي متحبي
ميريت : يالا بقي روحو اختارو الشبكة علشان نلحق نكمل باقي الحاجات
توجه اسمر مع سلمي حتي يختارون الشبكة
وقفت ميريت تشاهد المصوغات حتي وقع نظرها علي دبل الزواج فنظرت بحسرة علي اديها التي كانت في يوم تتمني ان تحصل عليها مثل وفاء و سلمي و باقي البنات و لكن ذلك الحقير حرمها من أبسط امنيتها و لكن وقع نظرها علي سلسلة رائعة تحمل رسمة الملاك
كان ريان يشاهد ميريت و هي تقف أمام الدبل و هي حزينة مهما كان فهي امرأة تريد ان تشعر ببعض الاهتمام مثل غيرها
صقر بحنان : ايه رايك تختاري اي حاجة
ميريت بابتسامة : مش عوزة
اسمر بغيظ : ميريت
ميريت : نعم
اسمر بغيظ : هو انا ينفع اقتل المجنونة ديه
ميريت بضحك : طبعا ينفع
يوسف بضحك : اقتل يا عم و لا يهمك بس ليه
اسمر بغيظ : بختار حاجة بتقولي لا كفاية
صقر بضحك : من امتي التواضع ده انتي اكتر واحدة بتحبي الهدايا
سلمي بغيظ : فعلا بحب الهدايا بس يبقي حرام لما يجيب هدية طقم الماس صح
يوسف : بصراحة عندها حق
اسمر : و انتي زعلانة ليه انتي اخترتي الشبكة و ديه هدية مني ليكي
سلمي : عارف لو جبت ليا بوكس شكولاتة و حلويات مش هقولك لا بس طقم بمليون جنية يبقي حرام و انا مش طماعة و لا مفترية
يوسف : كلام سلمي صح
اسمر : تمام تمام
ريان : يالا حاسب و يالا
توجه اسمر الي الصايغ و دفع حق الشبكة و ايضا حق الطقم الذي عجبه
اسمر : اتفضلي يا قمر
يوسف : لا يا برنس انتي اللي هتجيب الشبكة معاك يالا
ريان : تمام اسبقوني و لحظة واحدة و هاجي
اسمر : في ايه
ريان : مفيش
ركب الجميع السيارات و بعد دقايق عاد ريان و جلس بجوار اسمر و البنات في الخلف
بعد يوم طويل عاد الجميع الي فيلا سالم الشيخ
عاد الجميع الي الفيلا و هم مهدودين من كتر البحث عن الفستان و متعلقاتة
اسمر بتعب : بصي يا حبيبتي انا مديكي كرت احمر تعملي كل اللي انتي عوزاه اخر مرة هنزل معاكي اشتري حاجة
سلمي بغيظ : و ليه بقى لن شاء الله خسيت شوية لسه ذي ما انت ديناصور
اسمر بغيظ : انا ديناصور يا خله سنان
سلمي ببرود : خله سنان احسن مكون ديناصور بقي ده شكل واحد
اسمر بغيظ : مالي ذي القمر و وسيم و تحب و كل البنات بتموت عليا
سلمي ببرود : علشان هبل
يوسف : بااااااس كفاية انا تعبت يالا اسمر روح ارتاح علشان بكرا يوم طويل
اسمر : ماشي
ميريت بضحك : خشي يا مجنونة
ريان : بصراحة انتي اعقل كتير منها
سلمي بغيظ : عارف مش هرد عليك
غادر اسمر و ريان و دخل الشباب الي الفيلا
مر الوقت سريعا و كان صقر و فارس و ميريت و سلمي يجلسون مع بعضهم يلعبون
صقر بغمزة : بس سوسو فرحانه صح
سلمي بفرحة : انا فرحانة اوي اوي
فارس بضحك : علي ايه ده ديناصور
ميريت : فارس عيب ده هيبقي جوز اختنا
سلمي بضحك : لا عادي
ميريت : شباب عوزة اقولكم علي حاجة
الكل : خير
ميريت : هو احنا هنكمل سنة التدريب فين
صقر : اكيد في اي مستشفى و ممكن مستشفى الريان
سلمي بحزن : انا زعلانة لان الجواز علي الصيف و هسافر ألمانيا و هعيش هناك
ميريت بابتسامة : متزعليش يا قلبي هنكون معاكي
سلمي بحزن : اذاي يعني انا نفسي كل اسبوع اهرب من البيت واجي افضل قاعدة معاكم ذي كل مرة
فارس : سوسو حبيبتي بلاش تزعلي هنبقي نكلم بعض علي طول مش هنسيبك
صقر : كمان انتى ممكن تطلبي من اسمر يجيبك هنا كل فترة
ميريت بدون مقدمات : هو انا لو سافرت هتسافرو معايا
صقر بدون تردد : انا معاكي في اي مكان
فارس : ظلك و ظهرك
سلمي : بس اذاي
ميريت : انا بتكلم عادي يعني انا هرجع القصر عوزة انام في حضن بابي
صقر : يالا نروح
سلمي برجاء : بالله عليكي بلاش خليكي معايا
ميريت : كلمي اسمر و تعرفو علي بعض بلاش تضيعي اي لحظه حلوة بينكم و سمعي نصحتي بلاش تكوني زعلانه و متعرفهوش و حتي لو غلطي بلاش ينر عليكم الليل و انتم زعلانين فاهمة
سلمي : حاضر
ميريت : يالا شباب سلام بكرا الصبح هتكوني عندنا
غادرت ميريت و الشباب و عادو إلي القصر الكبير
مر الليل سريعا
جاء الصباح و نطلقت أصوات الطبل و الزغاريط و الرقص فى أنحاء القصر من الداخل و الخارج
فتحت ميريت عيونها بحسرة و ألم فهي تعلم جيدا اذا نزلت للاسفل سوف تسمع كلام مجرح و مغزي
ميريت بحزن : انا هفضل هنا احسن
الحاج مهدي بحنان : صباح الورد و الياسمين على احلى بنوتة فى الدنيا
ميريت بابتسامة : صباح النور حبيبي
الحاج مهدي بحنان : يالا قومي خدي دش و جهزي محضرلك فطور جميل فى الخلوة
ميريت بفرحة : بجد بابي و هنفضل كتير هناك
الحاج مهدي بحنان : هنيجي علي العصر علشان تلحقي تجهزي نفسك انتي بردو عمت العروسة
ميريت بتصحيح : بنت عمه العروسة و بس
الحاج مهدي : بس وفاء بنت اخوكي و انتي عمتها
ميريت بابتسامة حزينة : انا بتهان منها و متنساش انها أكبر مني و لازم احترمها
الحاج مهدي بجدية : و انا بقولك ماحترميش حد فيهم مهدي و وفاء و كامل و اسماء و ملك
ميريت بدموع : بس مينفعش انا أصغر منهم و لازم احترمهم انت و ماما عائشة
الحاج مهدي بحزن : حقك عليا يا بنتي
ميريت بابتسامة و هي تمسح دموعها : تعالي نخرج انا هسافر بكرا و عوزة افضل طول اليوم معاك
الحاج مهدي بحنان : حاضر يا قلبي يالا اجهزي
جهزت ميريت و اخذها والدها و نزلو الي الاسفل و امر احدي الخدم بتجهيز الطعام و إرساله مع احدي الغفر
وفاء : جدي
الحاج مهدي : عوزة ايه
وفاء بخبث : ممكن تفضل معايا النهاردة انا خلاص هسيب البيت
الحاج مهدي : ابوكي و امك عندك
وفاء بدموع و هي تحضنة : بس انا كنت عوزاك انت جدي شكرا تقدر تتفضل
نظرت ميريت الي وفاء بحزن فهي تعلم جيدا انها تكذب
رفعت وفاء نظرها الي ميريت بابتسامة سخرية
ميريت بابتسامة و هي تبعد والدها عن وفاء : بابي اكيد لازم تقعد معاها بس للاسف الوقت مش مناسب اصل بنات التجميل علي وصول و لازم وفاء تاخد دش منعش و حلو علشان خلاص فرحهابعد ساعات قليلة علشان كده انا و انتي هنخرج و بعد كتب الكتاب هتدخل تقعد معاها شوية صح صح يالا حبيبي
سحبت ميريت والدها خلفها و نظرت لوفاء بانتصار و غادرت القصر للتوجه الي الخلوة
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!