الإقامة الجبرية
الحلقة الثانية و الثلاثون
في مصر
في شركة حمزة
كان حمزة يجتمع مع مجموعة من رؤساء الأقسام
حمزة : كده وافق علي الحملة الإعلانية صح
شخص ١ : احسن حاجه الميديا سريعة جدا في الانتشار
حمزة : يعني مين ممكن يساعدنا
شخص ٢ : ممكن ندور علي اي يوتيوب مشهور
حمزة : تمام عاوز شخص يكون كويس ملهوش في المشاكل
شخص ١ : حضرتك عاوز بنت و لا شاب
حمزة : شوفو اي واحد يكون ليه تأثير على الناس
شخص ٢ : يبقي مفيش غير ساندي الأسيوطي
حمزة : مين ساندي ديه
شخص ١ : ديه ليها قناة علي اليوتيوب و الفيس و الانستا و تويتر و التيك توك و كواي و غير انها خريجة اعلام و ليها فى الدعاية
حمزة : تمام اتصلو عليها و حددو المعاد
شخص ١ : تمام يا فندم
حمزة : عاوز السرعة
شخص ٢ : متقلقش يا فندم
حمزة : تمام اتفضلو
خرج الموظفين و تنهد حمزة و اكمل باقي العمل
عند الشباب
بعد ان انهو تناول الطعام توجهو إلي منزل عائشة لقضاء باقي اليوم و الغد و بعد غد معها
تسريع الاحدات
في شركة حمزة
وصلت ساندي إلي الشركة و توجهت إلى الداخل
ساندي بابتسامة : صباح الخير
الموظفة : صباح النور
ساندي : انا عندي مقابلة مع استاذ حمزة
الموظفة : طبعا أستاذة ساندي حمزة بيه في انتظارك
ساندي بابتسامة : شكرا يا قمر
الموظفة بابتسامة : ممكن أتصور معاكي
ساندي بحماس : يالا بينا
الموظفة بفرحة : انتي عسولة اوي
اتصورت ساندي مع عدد كبير من الموظفين فهي معروفة جدا و بعد ذاك صعدت الي مكتب حمزة
في مكتب حمزة
دخلت السكرتيرة تخبرة بوجود ساندي الأسيوطي في الخارج فسمح لها بالدخول
دخلت ساندي و علي وجهها ابتسامة عملية
ساندي : صباح الخير
حمزة : صباح النور اتفضلي
ساندي : شكرا مدير مكتب حدد معايا المعاد ممكن اعرف ليه
حمزة : براحة براحة محدش بيجري وراكي الاول تحبي تشربي ايه
ساندي : ممكن قهوة مظبوطة
حمزة للسكرتيرة : ٢ قهوة مظبوطة و خلي أستاذ محمد و أستاذ منصور يجو
السكرتيرة : تحت أمرك يا فندم
ساندي : خير
حمزة : لحظة واحدة بس و هنتناقش
ساندي : اكيد حضرتك عارف الموضوع فلو سمحت عرفني في ايه
حمزة : اكيد عوزين حملة دعاية تكون كبيرة و علي اعلي مستوي
ساندي : امممممممم و اكيد عقارات
حمزة : فعلا عقارات بس ديه قرية سياحة لسه جديدة و عوزين دعاية جامدة
ساندي : احب اشوف منظر القرية علشان اعرف امشي صح
محمد : صباح الخير حمزة بيه صباح العسل انسة ساندي
ساندي بابتسامة : صباح النور
منصور : صباح الخير
ساندي : صباح النور
حمزة بغل : الأستاذة حابة تطلع على شكل القرية
محمد : اكيد طبعا لحظة واحدة
احضر محمد الاب توب و فتحة على منظر القرية
ساندي : تمام انا عوزة جولة فيها و هيبقي لايف يعني الايف ده هيشوفة ملايين الناس
حمزة : تمام حددي الوقت و الشباب هناك هيكونو في انتظارك
ساندي : عاوز شكل الدعاية اذاي
حمزة : يعني ايه مش انتى هتعملي لايف من القرية يبقي خلاص
ساندي بعملية : استاذ حمزة الايف هيفضل على قناتي اه بس مين ممكن يتفرج عليه تاني
محمد بعملية : يا فندم لازم الدعاية تنتشر في كل مكان يعني تظهر و حضرتك ماشي في الفيس و الانستا و تويتر
حمزة : و انتي هتقدري تعملي كده
ساندي بجدية : قدام انت جبتني هنا يبقي اكيد عارف انا اقدر اعمل ايه كويس
حمزة : تمام
منصور : عوزين نعرف التكلفة
ساندي : انا عاوزة مليون
حمزة : نعم يا ختي مليون اذاي انا اروح لأحسن شركة دعاية و تعملي الدعاية المطلوبة
ساندي ببرود : براحتك
محمد : يا فندم شركة الدعاية مش هتعمل اللي الآنسة ساندي هتعمله هي هتنزل البحر و حمامات السباحة
عند تلك النقطة و أصبح حمزة يغلي من الغضب هل تسمح لنفسها بتعري جسدها فذلك الجسد ملك له فقط
حمزة بغضب : مفيش دعاية معاها شوفو اي شركة دعاية
وقفت ساندي و حملت الشنطة الخاصة بها و غادرت الشركة
محمد : ليه كده يا فندم حضرتك عارف التكلفة هتبقي كام
حمزة بعصبية : مش مهم الفلوس و جهزلي الميزانية بسرعة يالا برااااااااا
خرج محمد و منصور يجرو من خفهم من حمزة
فضل حمزة يلف حلو نفسه و قام بتكسير المكتب و جلس يلتقط انفاسه و بعد ذلك بحث عن هاتفة إلي ان وجده اتصل علي رئيس الحرس و امره بالصعود للاعلي
رئيس الحرس : اوامرك سيد حمزة
حمزة بغضب : البنت اللي لسه خارجة من هنا اسمها ساندي الأسيوطي عاوز كل المعلومات عنها مفهوم
رئيس الحرس : مفهوم
حمزة : معاك ساعتين بس و ملف كامل ليها
رئيس الحرس : امرك
حمزة : جهز العربيات و خلي حد ينظف الفوضة ديه
رئيس الحرس : اوامرك
حمل حمزة جاكت البدلة و غادر الشركة و هو يقسم علي تربيتها من اول و جديد
و بالفعل بعد مرور ساعتين احضر رئيس الحرس كل المعلومات عن حيات ساندي الأسيوطي و كان يشاهد حمزة جميع الفيديوهات الخاصة بها و ما اسعده انها تظهر محترمة و محافظة على جسدها
حمزة بتنهيدة : الحمد لله كنت هقتلها لو لقيت لبس وحش اقوم اكل بقي الواحد جعاااان
توجه حمزة الي المطبخ
حمزة : هو ليه حضرتك مجتيش سالتيني عاوز تاكل ليه
الخادمة : لما تجوع تعالي قولي
حمزة بغيظ : طب انا جعان
الخادمة : الاكل عندك روح اغرف لنفسك
حمزة بغيظ : اشمعنا اسمر و ريان كنتي بتعمليلهم اكل
الخادمة : بعد متاكل حط الأطباق في الغسالة و بلاش تبهدل المكان مفهوم و انا هروح اتفرج علي المسلسل التركي
حمزة بغيظ : و الله حرام كده انا عاوز اتجوز علشان مراتي تساعدني اروح اكل احسن
و بابتسامة شيطانية : طيب و الله لبهدل المطبخ
و بالفعل بهدل حمزة المطبخ و أصبح ساحة من المواعين و وقف يفتخر بما عمله و حمل الأطباق و جلس ياكل
مر الوقت و دخلت الخادمة الي المطبخ و صدمت بشدة من منظرة و حملت عصاية المقشة و خرجت تتوجه الي حمزة الذي رآها تحمل العصاية طلع يجري و هي تجري خلف
حمزة بنهجان : خلاص و الله انا اسف
الخادمة : تدخل حالا تنظف الزريبة ديه
حمزة : حاضر بس سيبي العصاية
الخادمة : يالا على جوه
اسرع حمزة الي المطبخ و وقف يعيد كل شي مكانة و أعاد ترتيب المطبخ علي احسن وجه
مرت الايام بسرعة و علمت ميريت مني موعد وصول غيث و بلغت الجميع و بالفعل حضر الحاج مهدي و عبدالله و محمد و محمود الي مصر و جوزف و عائلتة الي مصر و ريان و اسمر ايضا و الحاج غيث
في قصر الحديدي
وصل غيث و هو يحضن دانا التي ارتدت ملابس فخمة و جميلة حتي لا تنظر تلك الفتاة لها
غيث بابتسامة : وحشتيني يا ست الكل
ايمان : حبيبي يا غيث حمد لله على السلامة
محمود بابتسامة : نورت بيتك يا ابني
قمر بفرحة : غيثو حبيبي نورت مصر يا غالي
غيث بابتسامة : وحشتوني كلكم خلوني اعرفكم على دانا مراتي و ام ابني
ايمان : منورة يا بنتي
دانا بابتسامة : شكرا يا طنط
قمر بضحك : مرات اخويا القمر
عاصم : حمد لله على السلامة يا غيث
غيث : الله يسلمك
عبير : غيث حبيبي وحشتني
غيث بحنان : اخبارك ايه و البيبي عامل معاكي ايه
عبير : تاعبني اوي ابن الكلب ده
عاصم بضحك : تسلمي يا روحي
سعاد : محمود بيه الحاج غيث وصل برا
الكل بصدمة : مين
محمود بسرعة : غيث طلع دانا علي فوق مش لازم حد يشوفها دلوقتي
غيث : ليه أن شاء الله
ايمان : بلاش مشاكل
قمر : تعالي معايا
الحاج غيث بقوة : خليها قاعدة عاوز اشوف مرات حفيدي
نظر الكل وجدو الحاج غيث يقف و بجوارة شريف والد امجد و عاصم
محمود : نورت البيت يا حاج اتفضل اقعد
الحاج غيث : البيت منور بيك يا ولدي
جلس الجميع امام الحاج غيث
الحاج غيث : هو انت يا غيث مسالتش على مراتك
غيث ببرود : اكيد سألت على مراتي حتي اسألها صح دانا
دانا : صح غيث
الحاج غيث بسخرية : مقصدش مراتك التانية اقصد الاولي
ايمان بخوف : طبعا سأل بس هي في الجامعة و لسه موصلتش
الحاج غيث : عارف كلها ربع ساعة و هتكون هنا
و بالفعل مر الوقت و دخلت ميريت و هي ترتدي بدله نسائية بنطلون باللون الأحمر و بدي باللون الابيض و جاكت باللون الأحمر و جذمة بكعب عالي باللون الابيض
ميريت بابتسامة : السلامة عليكم
الكل : و عليكم السلام
الحاج غيث بحنان : كيفك يا بنتي
ميريت بابتسامة : الحمد لله يا جدو معلش جدو هستاذن منك
غيث بجدية : استني عندك
ميريت : خير
غيث : اكيد عرفتي اني اتجوزت و مراتي حامل كمان فلو عرفت انك عملتي حاجه غلط معاها صدقيني هعمل حاجه هتندمي عليها
الحاج مهدي بقوة : هتعمل فيها ايه يا بن محمود
الكل بصدمة : الحاج مهدي الشيخ
ميريت بابتسامة : بابي
توجهت ميريت بسرعة الي والدها و ارتمت بين أحضانة و قبلت خده
الحاج غيث بجدية : اتفضل اقعد يا واد عمي خلينا نحل الموضوع
غيث : موضوع ايه انا عاوز افهم في ايه
عبد الله بجدية : في انك اتجوزت علي ميريت الشيخ
غيث ببرود : عادي و فيها ايه مش اول ست و لا آخر ست جوزها يتجوز عليها
الحاج مهدي بجدية : بس ميريت الشيخ مش تتقارن باي ست
قمر : بتهيقلي امها بردو زوجة تانية يعني البنت بتاخد نصيب امها
الحاج مهدي بغضب : اخرسي يا بت الظاهر محدش عرف يربيكي لما تقفي قدام الكبار و تردي عليهم
الحاج غيث : غيث طلق ميريت
غيث : مش هطلق عوزة تسيب البيت تسيبة و هتفضل متعلقة كده ذي البيت الواقف
ميريت : حضرتك اتجوزت و مراتك حامل عاوز ايه تاني
غيث ببرود : انتي وجودك علي زمتي ضمان لحماية اختي
محمد بغضب : و حنا معندناش طلاق الست تخرج من بيت جوزها على قبرها
سامث : هل تلك الفاتنة هي زوجه غيث
دانا بغيرة : انا احلي منها
الحاج مهدي بغضب و هو يرفع سلاحة : طلق بنتي
سامث و هو يرفع سلاحة : اهدي ايها الشيخ فأنا لن ارحم احد يهدد زوج شقيقتي
ميريت بصراخ : بابي اهدي
جوزف بقوة : انت مين علشان ترفع سلاحك على والدي مهدي الشيخ
رفع جوزف سلاحة و بالتالي رفع حرسه السلاح فهاف الجميع
سامث بوقاحة : بفعلتك ذلك سوف تحفر قبرك
جوزف ببرود : اسأل من انا فأنا جوزف المالكي اذا كنت انت زعيم مافيا فانا ينحني امثالك لي
الحاج غيث : نزل سلاحك منك ليه
الحاج مهدي : جوزف نزل سلاح
جوزف : امرك بابا
عبد الله بهدوء : اسمعني يا غيث اختك في امان والدنا بيحبها و هيحافظ عليها و انت مش عاوز بنتنا يبقي تطلق و خلاص
محمد بغضب : من امتى بيحصل طلاق
الحاج مهدي بجدية : ميريت ليها كل حاجة و خرس و مسمعش صوتك
محمود الحديدي : غيث انا واثق في كلام الحاج مهدي طلق بنتة
غيث ببرود : ماشي
الحاج غيث : محمود هات المأذون
محمود الحديدي : امرك يا والدي
صقر بحنان : فين شنطك
ميريت بحزن : فوق
محمود بغضب : ربنا يخدك و يريحنا منك
الحاج مهدي بغضب : محمود اخرس
و بحنان : تعالي يا قلبي
اسرعت ميريت الي حضن والدها و ارتمت بيه و سمحت لدموعها ان تنزل
نزل صقر و فارس و اتنين من الحرس يحملون شنط ميريت و وضعوها في السيارة
يوسف : الماذون وصل
دخل الماذون و تكلم كثيرا فى عدم خراب البيت و لكن و جد ان الجميع يرغبون فى الطلاق
الماذون بتنهيدة : لله الأمر من قبل و من بعد ارمي عليها اليمين يا بني
غيث ببرود : انتي طالق
الماذون : بالثلاثة
غيث : انتي طالق بالثلاثة
الماذون : امضي يا بني و انتي يا بنتي امضي و بعد اسبوع ورقة الطلاق هتكون جاهزة
يوسف : الطلاق نهائي مش عوزينه يردها
الماذون : هي دخلت فى عده ٣ شهور في اي وقت يعرف يردها
ميريت : بس انا اااااا
الحاج مهدي بجدية : محصل أركان الجواز يعني بتي لسه بكر و ملهاش عده
الماذون : يبقي كده علشان يردها لازم يكتب من اول و جديد و لو حاول يردها يبقي الجوازة باطلة و كمان البنت ملهاش اي حقوق عنده
ميريت : انا مش عوزة حاجة منه
الحاج غيث بحزن : حقك عليا يا بنتي انا السبب
ميريت : الحمد لله علي كل شي تسمحلي اطمن علي حضرتك
الحاج غيث بحنان : انتي حفيدتي الغالية
عبير بدموع : مش هشوفك تاني
ميريت بابتسامة حزينة : لا اكيد هنشوف بعض كمان انا معربنة علي البيبي
ايمان بدموع : اسفة يا بنتي
ميريت بدموع : الحمد لله بعد اذنكم
خرجت عائلة الشيخ من القصر
محمود بغضب : عملتي اللي فى راسك يا بت عطر
ميريت بدموع : انا معملتش حاجه غلط هو اصلا مكنش عوزني
محمود بغضب : علشان نحس و بومة هترجعي معانا الصعيد و نشوف اي واحد يتجوزك و يلمك
ميريت بدموع غزيرة : مش هسافر معاكم و مش هتج
قطع كلامها صفعة شديدة نزلت على وجهها و من شدته الصفعة سقطت علي الارض
الحاج مهدي بخضة : بتي قومي يا حبيبتي
ميريت بدموع غزيرة : انا مش بحبك ربنا يخدني
محمود بغضب : في ٦٠ دهية عقبال مدفنك جمب امك
اسرعت ميريت الي السيارة و اخذتها و ساقت بسرعة تحت صدمة الجميع
يتبع
الي لقاء جديد في الحلقة القادمة
توقعاتكم بالقادم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!