رواية الإنكسار الفصل العاشر 10 - بقلم شمس شمس

البارت العاشر
#الإنكسار
#بقلمي_شمس

سمرا ذاب القلب في هواها وتاه 😍

ادري بيها تريد تخبلني سمرا .. اووووف منج يمه منين جبتيلي هذي الطرگاعه ..
حلوه وقويه .. #شمس

وصلنا البيت اهلي ولگيت بيت عمي هم هناك .. جايين حتى يباركون .. من دخلت شفت رافد جاي وياهم . 
ضجت هو ابن عمي واحبه بس ابو بنات وعينه زايغه ..

واني صارت عندي حاله اغار من الهوى حتى ع بنتي . 
وطبعا اني اغار حتى ع ميوسه منه مو بس ع سمرا ..

سمرا دخلت البيت اهله سلمت عليهم وبوست ايد عمي .. ناس طيبين وحبابين وسلمت ع بيت عمهم جايين يباركون . صارت عيني بعين ولد حلو واشگر اوووف ياربي هاي العائله كولها صاكه ..
لاحظته عينه مشالهه عن ميوسه وميوسه خجلانه وتضحك ..
عرفت اكو شي بينهم .. اني باوعتله لا اراديا وابتسمت التفتت لگيت امير يباوعلي ويخوزر عليه ..
حسيته ضاج .. اووووف هاي شلون سالفه .  اخذت ميوسه ودخلت للغرفه لگيت نور نايمه بوستها وگولت  الميوسه حظري غراضها حتى ناخذها ويانا ..

ميس .. يمعوده بعدكم عرسان خليها هنا كم يوم ..
سمرا .. لج ياعرسان خلي ساكته احس .
ميس .. ههههه اكيد امير كرهج بالزواج ..
سمرا .. ههههههه والتفتت لگيت امير وراي ..
سكتت .. گالهه ميس اطلعي شويه .. طلعت وقفل الباب ..
اتقرب مني .. گوتله ها خير واهز براسي . 
اتقرب كولشي وحصرني ع الكنتور وخله راسه ع راسي لان هو اطول مني .. حسيت نفسي يتسارع وگلبي يدوگ حيل .. #شمس
گلي اولا بطلي تتبسمين للرايح وللراجع .. لازم عجبج رافد حلو مو ..
سمرا .. دفعته اوووه شنو هذا الحجي .. لزمني من ايدي وعصرها ..
گلي بأذني بعد ممنوع تطلعين الى ان يطلع رافد ..
سمرا .. ترى انت معقد .. الولد لاشايفته ولا اعرفه وانت تغار منه ..
امير .. ههههه اغار شنو لج اصلا مااعرفج وين صايره ..
بس مسمايه زوجتي ومااريد الناس تحجي عليه ..

گعدت نور تبجي .. نقذتني رحت شلتها واسكت بيها واباوعله معصبه وهو طلع .
اوك امير متعرفني وين صايره .. شوف شراح اسوي بيك اجت ميس دخلت .. وصايره حمره من الخجل..
عرفت شبيها .. گولتلها ميوسه انتي تحبين رافد ..
ميس .. هااا 😲ليش مبين عليه ..
سمرا .. هههه لج اصلا وجهه فاضحج ..
ميس .. صدوگ والله .. لج هم ياليت حب .. هو بس يباوعلي ومااعرفه يحبني لو لا .. حتى اطمأن ..
سمرا .. يعني ولا مره صارحج ..
ميس .. لا احتمال يخاف من امير لان صاير معقد وشكاك حتى ميدري بيه احبه او لا .. لا من يجي اخاف اطلع ..
سمرا .. هههههه امير مسويلكم رعب .. #شمس
عوفيها عليه اذا لگيت فرصه اني المح اله ..
ميس يمعوده اتركينا .. اذا امير شافج شيخلصنا .

سوينا العشا وي ميس ومرت احمد .. وحظرناه .. وبيت عمهم بقوا ع العشا وامير مات من الحرگه .. 😂 حيل يستاهل عباله كل اصابعه سوه ..
لازم ارجع ثقته بنفسه قبل كولشي .  لان الثقه معدومه عنده ..
سألني عمهم .. انتي شمخلصه بابا ..
گوتله عمو حاليا قدمت ع كليه التربيه وطلعلي قسم علوم بايلوجي .. اني ردت انگليزي بس مصارت .

رافد .. جيد لعد ليش متداومين ..
سمرا .. داومت كم. يوم بس…. واتباوعت الامير لگيته 😡😡😡😡😡😡😡
ضحك عمو ابو احمد .. #شمس
اكيد امير رافض ..
امير .. والله يابه هسا سمعت حالي حالكم ويباوعلي 😡😡
بس افضل هذي السنه تأجلها .. عمود نونه ..
سمرا .. صدوگ ضجت تفشلت گدام اهله وبيت عمه . يريد يضيع طموحي ..
سمرا .. نونه متأثر ع دراستي بالعكس هي ونستي ..
امير .. 😡😡 ممكن. تغلقين الموضوع بعدين نسولف بي ..
سمرا .. اوك ☹️

خلصنا عشا وعيون امير مفاركتني .. طلعت للحديقه اشتم هوا وتذكرت ابويه شلون يحب الحديقه وكان يعتني بيها .. دمعت عيني ..
اجه رافد يمي گلي منو سبب دموعج امير ..
لا ذكرت الحديقه من بابا يعتني بيها .. افتقده هوايه ..
رافد .. الله يرحمه .. #شمس
بس شنو الي خلاج تتزوجين امير وانتي بعدج صغيره وعندج طموح .. ليش ارتبطتي بأنسان معقد وعنده بنيه .. مشايفه شمسوي بيه لان اجي هنا .. عوزه بس يطردني مع انه اني احبها الميس واريد اتزوجها بس اني اخر سنه كليه حقوق اخلصها واتقدملها ..
سمرا .. كوله بسبب عمامي حاربوني ويردون يزوجني جبر الابنهم حتى ياخذون فلوسي وورثي .. لان طالبت بي .. ولسا مانطونياه ..
تزوجت من امير واني مااعرف هيج صار وياه لان ردت رجال يحميني ويرجعلي حقي بس للاسف .. ونزلن دموعي ..
نطاني كلينكس .. وگلي امسحي دموعج بس بيها ورقه داخلها انطيها الميس لان اخاف انطيها بيدها وحسيت عليج قريبه منها ..
واتمنى يكون هذا الشي بينا ..#شمس

واذا ع امير انتي بيدج تگدرين ترجعيه للاحسن واي مساعده ترديها اني حاظر . اعتبريني اخوج ..
اتباوعتله وابتسمت .. گوتله تسلم .. التفتت لگيت امير ورايه .. 😡😡😡
رافد استأذن وراح .. وامير اجه گلي شنو هذي الي بإيدج .. گوتله شنو كلينكس متشوف .. شافني ابجي ونطانياهه ..
وليش تتبجين وتشكين الرافد .. اكيد عليه .
سمرا .. ليش ابجي عليك انت متهمني .. الرجال الوحيد الي ابجي عليه واحبه وافتقده هو بابا . 
وعفته ودخلت ..
هو بقى يمشي ورايه .  ويعيط،بصوت واطي .  سمرا سمرا جيبي الكلنكس .  نطينياه ..
#بقلمي_شمس
يتبع….