رواية الإنكسار الفصل التاسع 9 - بقلم شمس شمس

البارت التاسع
#الإنكسار
#بقلمي_شمس

امير .. لاتستفزيني سمرا .. مدام انتي مرتي وعاقد عليج الي الحق كولشي اسوي ولتخليني هسا اخذج بس اني مالي نفس بالنسوان ..

سمرا .. الحمد لله دايمه .. اگوم انام لو ممصحيني
  احسن ..

امير . وين مااكلتي شي ..
سمرا .. شبعت حنام ..
امير .. لعد نامي بالغرفه الكبيره لتخافين مااكلج ..
سمرا .. لا يسلمو مرتاحه بهذي الغرفه ..
اووووف ياربي ميته جوع شأكول عليك امير .. گومتني من الاكل .. #شمس

لشويه خليته يدخل الغرفه بحجه ارتب المطبخ .. لگيته مرتب كولشي والاكل الباقي مخليه بالثلاجه ..
طلعت البيتزا مخليلي بس قطعتين 😡 وطلعت المقبلات بيها سلطه باذنجانيه اممممم اكلت وخلصت فرشت اسناني ودخلت نمت ..

امير اني گاعد بالغرفه حسيت عليها طلعت من الغرفه .. طلعت ع اطراف اصابيعي .. وشفتها فتحت الثلاجه خطيه اكيد جوعانه .. #شمس

رجعت للغرفه .. ونمت كل ساعه واگوم اتباوعلها نايمه وارجع انام .. ماادري ليش خايف وصارت عندي عقده ..

گعدت الصبح .. غسلت وفتحت الثلاجه اتباوع ماكو شي .. بس المشاوي مال البارحه مماكل شي منها ..
واكو صمون  .
شغلت الاوڤن .. وحميتهن وحميت الصمون ..
فتحت الكاونتر لگيت بي جاي وشكر وزيت
صلوات همزين جايب جاي وسكر .. سويت جاي وطلعت گلاصات ..
گعد امير .. مبدل ملابس عسكريه .  استغربت المفروض ياخذ اجازه ..
بس مااهتميت ..
اتباوع للاكل گال .. اوووه نسيت اجيب اجبان او بيض ..
سمرا .. عادي هذي هم نعمة الله ..
امير .. عجبتني .. هذيج كانت شنو اجيب ميعجبها .. اووووه شبيك امير اصحى كلهن جنس حوا ليغرك بس الخطط مختلفه ..
سمرا .. متاكل شي صبيت الك جاي ..
امير .. لا مااتريگ من الصبح واتأخرت ع الدوام ..
سمرا .. براحتك .. بس اليوم تتأخر
امير .. رفعت حاجبي مستغرب .. وليش هذا السؤال اموت من هذا السؤال لان الي قبلها كانت تسألني نفسه ..
سمرا .. لا بس البيت فارغ مبي مسواگ ومحتاره شنو اطبخ . وبعدين مو عساس نروح نجيب نور ..
امير .. لا مااتأخر للضهر اني هنايه وحجيب غدا ومسواك وياي ..
والعصر نروح الاهلي لان عازمينا ..  يله اني طالع .

اشو هذا هم طلع وقفل الباب .. شگد شايف نفسه .. شگد اكره الرجل الي يقلل من احترام المره . 
اووووف ياربي شورطت روحي .. هسا اني عايفه كليتي وگاعده هنايه بين اربع حيطان شأسوي هسا ..
كملت ريوگ وغسلت المواعين .. ورتبته واتصلت ع ماما .. #شمس
وماردت اضوجها واگولها انضربت باول ليله زواج الي ..
طمنتها عليه ..
خلصت اتباوع ع الصاله صغير وداحسين الاثاث بي .
طلعت الغراض الزايده للاستقبال ورتبته ..
ورتبت الصاله خليت بس التخم والتلفزيون .. ومسحت الارضيات ..
وبعدين دخلت للغرفه .. رتبتها وطلعت ملابسه الوسخه ..
غسلت ملابس بس احتاريت شلون انشرهن وهو قافل الباب ..
هن ناشفات بالمجفف .. طلعتهن وكويتهن نشفن وعلگتهن بالكنتور. ..
اخذت ملابسي كولها لان هم مخليها بالغرفه وي امير .. اني خليتهم بذيج الغرفه الثانيه ..
اتصلت ميوسه وبقينا نسولف وسألتها ع نور ..
وگالت يله اروح ماما تصيح الي دا نجهز للعرسان حيجونه العصر ..😉 #شمس

صراحه ملل اذا هيج الروتين كل يوم ..
شويه وسمعت الباب انفتح .. اتباوعت ع كيف شفت امير دخل ومحمل اكياس .. رحت عليه ..
گوتله الله يساعدك .. واخذت منه الاكياس .. رتبتهن من غير مااحجي اي شي وكل مايريد يفتح موضوع .. مااهتم .. رتبت المسواگ واني ساكته ..جايب السوگ كوله 😂

قررت بعد مااحجي وياه الى ان يعرف شوكت يعاملني صح ..
جايب سمك مشوي وطرشي ..
وخبز حار .. خليتهم ع الطاوله بين ماسبح وبدل وطلع ..
گلي اگعدي اكلي ..
جبت صحن واخذت قطعه صغيره سمك .. وخبز شويه وخيارتين من الطرشي ..
خليتهم بصينيه صغيره ودخلت الغرفتي وهو بس يباوعالي .. #شمس

تالي گال .. واني شنو گاعد هنا ..
سمرا .. شوكت متتعامل وياي صح .. اگعد گبالك واكل
ها .. غراضي نقلتها للغرفه الثانيه .. فياليت تجيب سرير الي والنور لان حتنام وياي بالغرفه ..

امير .. مااعرف شنو احجي وياهه اني مدا اتقبل حياتي وبعدني مصدوم .
وهي مبين عليها قويه وحتعبني .. شلون ياربي اووه يابه خلي تولي وهسا اني ليش مهتم زايد ..

كملت غدا ودخلت للغرفه ارتاح .. وغفيت شويه .
ماحسيت الا الباب تندگ .. صوت سمرا .  امير الساعه اربعه مو عساس نروح الاهلك ..

طفرت .. هسا جاي .. نسيت متواعد وي اهلي .. فتحت الكنتور شفت ملابسي مال بارحه مغسولات ومكويات ومعطرات .  ابتسمت .. طلعت قميص وبنطرون حظرتهن وطلعت غسلت ورجعت وماشفت سمرا اكيد دا تحظر روحها .. #شمس

طلعت صحت سمرا وينج خبصتيني وتالي لسا ممخلصه فتحت الباب تعجبت مو ذيج سمرا الي اعرفها ..

سمرا .. الظهر مانمت نضفت المطبخ .. ودخلت سبحت ونشفت شعري وخليت ميك اب خفيف وكحله اول مره اخلي حددن عيوني وطلعن يخبلن ..
وخليت ماسكرا .. اممممم رموشي صارت عبالك اصطناعي ..

ولبست كيلوت ماروني طوخ وقميص ابيض وفوگاه ستره ماروني حلوه ولفيت شال ابيض وبي نقشه ماروني فديتني اخبل ..
من گام يعيط امير . فتحت الباب هو صار 😨 هيج ههههه ..
كل الرجال هيج يسوون نفسهم .. زورو وتالي من يشوفون وحده لابسه وحلوه يصيرون روميو 😂

شلت خشمي عليه وطلعت گدامه .. هو بقى صافن التفتت عليه .. گوتله ديله متمشي لو غيرت رأيك ..
#بقلمي_شمس
#يتبع… .