رواية الإنكسار الفصل الأول 1 - بقلم شمس شمس

البارت الاول
#الإنكسار
#بقلمي_شمس

كم من المرات اسئل نفسي
اين عمري وكيف صار ومضى
دون ان يخبرنى بما جرى...
استرجع ذكرياتى وابقى صامته..
كيف كانت حياتي المهمشه ..
اسفة على ذكرياتى وعمرا ضاع
انا امرأة دون قناع اهوى الحب
واكره الخداع فيا عمرى كفانى انين الذكريات اريد ان استعيد نفسي وحياتي لأعيش كما يعيش السعداء ..

مرحبا اسمي سمرا .. يگلولي سمره هيج مو بالاف اني حنطاويه بس عيوني رصاصي حلوه وشعري اسود .. والدتي ترتكت والدي واني صغيره او بالاحرى تركتنا احنا الاثنين حتى مااذكر ملامحها وشكلها .. لان بابا مخلى صوره الها حتى اشوفها .. ولحد الان الصراحه مااعرف ليش تركته او شنو السبب ..
لان بابا ميجيب سيرتها هوايه .. بابا تزوج عمودي .. اسم زوجته سعاد ربتني ونطتني الحنان .. لكن رغم كولشي كنت اتمنى ماما موجوده .. وترعاني هي وكنت دايما اسأل والدي عليها بس هو .. ميجاوب ويعيط عليه ويگولي لتسألين عليها .. امج سعاد ..

صحيح اني كنت دايما اگول ماما سعاد .. لان الحق يقال ممقصره عليه بشي ..
ماما سعاد متزوجه قبل ومطلقه وميصير عندها اولاد .. لهذا بابا تزوجها حتى تربيني وتعوض الامومه بيه وبابا اكتفى بيه ودللني .. بس اني كان اكو شي مكسور داخلي .. #شمس
رغم كل الدلال والحنان .
لو بابا مريح گلبي ويگولي ليش ماما تركتنا كان ارتاحيت ..
بس هذا الشي الي مخليني ممرتاحه وكل مااكبر تكثر تساؤلاتي ..
وتحاول ماما سعاد تنسيني ولان اشوفهه تضوج من اسأل .. بطلت اسأل لان هي خطيه تعبت وربتني وتالي اني اجرحها بسؤالي ..

كانو عمامي وعماتي .. ماهلگد يحبوني .. ويگلولي بنت جنان اكيد تطلعين نفس امج .. بس عندي بنت عمي زينه هي بعمري وياي بالمدرسه اسمها هدى ..
هذا الشي يضوجني ومااحب اروح الهم .. من هذا الشي ..
يعني تقريبا كنت منطويه ع نفسي ..
بس كنت طموحه واحب الحياة .. وكانت شخصيتي قويه .. والي يظلمني مااسكتله .. #شمس

بأمتحانات السادس اعدادي .. بابا تمرض صارت عنده جلطه والتهينا وياه حتى مادرست زين .. وامتحاناتي گضيتها بين المستشفى والبيت ..
يعني مرت عليه اسوء ايام ..
وخلصت الامتحانات واني مااعرف شلون خلصتهن .. لان كان حلم بابا انه اكمل .. فرجعت للبيت .. حتى اغير ملابسي واروح .. للمستشفى اشوف بابا وهم ترجع ماما سعاد خطيه تعبت .. #شمس

من رجعت للبيت . شفت هوسه وعمامي واگفين بالباب وعياط جوه البيت ..
عرفت بابا صار عليه شي .. بس مصدگت ودخلت ابجي واعيط .. اتباوع كولهه لابسه اسود وتبجي ..
رحت الماما سعاد وحظنتها وابجي ..
گولي مبي شي .. لتگولين بابا راح .. بابا حبيبي هو الي بقالي بهذي الدنيا ..
شويه واجو عمامي جايبين بابا من المستشفى حتى نودعه .. #شمس
اني من شفت التابوت .. فقدت ركضت وحضنته .. اووووف بابا ليش هيج . هان عليك تتركني وتروح شلون نطاك گلبك تتركني وحدي بهذي الدنيا ..
بابا منو الي بعدك .. منو سندي بعدك باااااااااااباااااااااا
واعيط وابجي ونسيت الناس كولهه وبس ابجي واحجي وي بابا ويردون يشلوني من التابوت ميگدرون ..

لا عفيه عوفوني خلوني اشبع منه .. بعد مااشوفه خلوني اشتم ريحته .. وانام بحظنه 😭

اخذني وياك بويه اريدك مااريد الغير ♡ وكون ابسدك#اكعد واكعد ابسدي♡ #لتخليني وحدي♡ منين اعرف#ناس لا اكدر اعاشر لا#خلك عندي♡ اگعد يبويه الفرگه تكتل حيل اگعد وحدي لاتخليني 😭

جرني عمي حيل واخذوا ابويه مني .. وبقيت اعيط وراه وابجي والناس تبجي ع حالي مدري ع بابا ..

گلتلهم اروح وياكم .. وجابت هدى بنت عمي عبايه اسلاميه فوگ ملابسي ولبستني .. #شمس

وراحنا وياهم .. بقيت الطريق كوله ابجي .. وماما سعاد بصفي حاظنتني وتبجي ..
وصلنا غسلوه ودفنوه وشلون بابا صار جوه التراب .. اترجيتهم انام ع گبره واشم ريحة ترابه الاخر مره ..

فسحولي مجال وخلوني اني وبابا نتعاتب .. #شمس

عمت عين التراب الصرت جواه يااااابه 😭
وتركت وياي احلى ايامي وسنيني
منو بعدك الي ومنو اذا مرضت يگلي شلون صرتي ياعيني .
منو يشيل همي وانا همي كبير من صغر سني ..
اني من اشوفك انسى نفسي وانسى امي الي عافتني .
لان انت ابوي وانت امي وانتي كولشي الي يابعد عمري

هم بالقوه شالوني من ترابه .. معقوله ابويه صار جوه التراب وبعد مااشوفه .. #شمس
الطريق كوله افكر بحياتي بعده شلون راح تكون .. واني حتى عمامي وعماتي ميحبوني ..
وشلون راح اعيش .. صحيح بابا موضف وعنده راتب .. بس وجوده غير .. يكفي كان موجود بينا واحس بالامان بوجوده .. واني حتى اخ ماعندي يحميني من غدر الدنيا

عشت ايام الفاتحه ع المغذي .. لااكل ولااشرب .. وبس دموعي تنزل وحاضنه ملابس بابا وابجي .. #شمس

والنسوان تباوعلي بشفقه وتگول خطيه لو امها ماتاركتها هسا حتبقى عند زوجه الابو وهذا الكلام كان يضوج ماما سعاد .. وفعلا لان هي مقصرت وياي بشي بس لو وقت غير هذا كان اني عرفت شلون اسكتهم .. ضوجني حيل كل ساعه تدخل وحده تباوعلي وتبوسني وتمشي ..

عائله بابا ناس معروفين .. لهذا عندهم معارف هوايه فالبيت ابد مفرغ من النسوان .. ناس طابه وناس طالعه .. بس اني محاسه بالناس الموجوده لان صوره بابا مقابيلي فنسيت الناس كولهه . #شمس

خلصت الفاتحه .. والناس هدأت بس اكو نسوان تجي تعزي وتروح .. وبيوم اجت مره مبين عليها الوقار والهيبه .. هي كبيره بالعمر ووياهه بنيه صغيره .. حلوه عمرها تقريبا سنتين .. #شمس
بقيت عيني ع الطفله ملاك تخبل .. اسمها نور وعرفت البنيه يتيمه .. هم مثلي هذا الشي جذبني وطلعني من وحدتي . اخذتها ودخلت للغرفه ..
لعبتها وطلعتلها حلويات بكنتوري لان كنت دايما يشتريلي بابا واضمه بالكنتور من اشتهي اكل ..
البنيه فرحت واكلت وياي وكان اول مره اكل واضحك بعد وفاة بابا .. حسيتها تشبهني ونفس معاناتي ..

طلعنا للاستقبال .. فگلتلي المريه .. يايمه الله ينطيج شعجب اكلت هي شالعه گلبي من يوم الي ماتت امها لسا .. متاكل وتبجي ..
قهرتني حيل من گالت هيج .. ويمكن نور هم حستني اشبهها لهذا اكلت مني ..
#بقلمي_شمس
يتبع ..

❤️❤️❤️❤️❤️❤️❤️
ٱرائكم احبتي ❤  اذا عجبتكم اكمل