رواية الإنكسار الفصل الثاني 2 - بقلم شمس شمس

البارت الثاني
#الإنكسار
#بقلمي_شمس

طبعا بهذي الفتره عشت ايام صعبه .. ورغم انه ماما سعاد مفارقتني ولا لحظه وتواسي بيه .. الا انه اكو فراغ كبير بحياتي ..
استلمت النتيجه وطلعت معدل 74 وضجت حيل ..
كانت امنيتي اطلع معدل اعلى حتى افرح بابا بقبره ..
معدلي ماقبل بس تربيه فقدمت كليه تربيه واتمنيت يطلعلي انگليزي لان احبه .. #شمس

مر ثلاث اشهر ع وفاة بابا والبيت موحش حيل .. ومبي طعم .. وماما سعاد لازمه عده .. ماتطلع .. اتكأبت ..

طبعا بابا عنده ورث وي عمامي طلعلهم من جدوا وقبل ميتوفى بابا كانوا يمشون بالاجراآت ..
بابا الصغير بين عمامي وكم مره صارت مشاجرات بالكلام بينهم عمود حصته وهم كل يوم مأجليه .. وحتى اني شاكه سبب الجلطه عمامي ..
لان كم ردت اگولهم ع ورث بابا .. ماما سعاد متقبل تگولي عوفيهم السانهم طويل... وليأذوج ويسمعوج كلام .. #شمس
بي اني أصريت وفعلا .. اتصلت ع عمو علي اكبر عمامي وگلتله ع ورث بابا ببستان جدو والاراضي ..
وهو گام يعيط ويگولي تعب ابويه يروح الج بنت العاهره وتاخذيلج واحد غريب . ويشاركنا ..
اني صدوگ متحملت وغلقت التلفون بوجهه . وحبست دمعتي بعيني .. مااتحملت من گال عليه بنت العاهره حتى اذا ماما تركتني فيمكن اكو سبب. . بس مالازم دمعه تنزل مني واضعف لازم اصير قويه لان ماعندي اخ ولا ابو يدافعلي ..
ورحت الماما سعاد وگولتلها ع الي گالي بي .. وهي گامت تخربط بالحجي مفهمت عليها .. ساعه تركيهم هم وربهم واني اخاف عليج ..
ليسمعوج كلام او يجرحوج . بس اني قررت مااسكت عن حقي ..
وفعلا ثاني يوم .. دزيت رساله العمو علي وگتله حرفع قضيه بالمحكمه اذا ماتنطوني حصة بابا .. اني مو طمعا لكن .. هذا حقي وحق بابا الي يمكن بسببه مات ..

للعصر اجه عمو علي وابنه وزوجته .. وگلولي ننطيج حق والدج بشرط تتزوجين عباس ابنه قليل شايفته الابنه حتى مااعرف اسمه حتى هسا يله عرفته .. #شمس

اني استغربت 😮 معقوله هيج يفكر حتى ميروح الورث للغريب يزوجني ابنه .. وبابا مصارله ثلاث اشهر متوفي . طبعا ماما سعاد مطلعت .. لان لازمه عدة ..
اني ضجت حيل منهم وطردتهم من البيت وگولتلهم حقي غصب عليكم اخذه واني بالغه ومو قاصره واگدر اتصرف بملكي ..
عمو بقى يعيط عليه .. وعباس راد يضربني يگولي انتي ممتربايه .. ولو منو امج .. الي تركت ابوج وتركتج عمود واحد وانهزمت وياه ..
اني هنا بقيت 😲😲😲 هيج ..
دموعي نزلن واني ادفع بيهم واطرد .. واگوله كذاب وين تروح من ربك ..
لك انتو حرام اگول عليكم اهلي وعمامي ..
قفلت الباب ورجعت .. الماما سعاد ..

هذا الكلام صحيح ..
سعاد .. ياكلام بنتي ..
سمرا .. سمعتي كولش زين
سعاد .. ماما لتهتمين الكلامهم .. انتي تعرفيهم كولش زين ميحبون النا الخير ..
سمرا .. ماما گولي الصدوگ .. مو اني سميتج ماما وحبيتج ووثقت بيج ليش متگوليلي الحقيقه ..
احجي وابجي .. #شمس

سعاد .. اني مستحيل اضلمها الامج .. بس ابوج ولا مره سمعته يجيب اسمها حتى محجالي ليش انفصلوا او ليش تركته صدگيني حبيبتي ..
سمرا .. لعد منو يعرررف راح اموت من الشك .. معقوله امي تركتني وفضلت حبها وغريزتها .. عليه .. اكو ام هيج تسوي ..

سعاد .. گمت اعيط عليها .. لج سمرا كافي .. اني امج شوكت تحسين بيه .. اني الي ربيتج وتعبت عليج اني الي سهرت عليج مو هي .. وانتي كنتي دايما تفكرين بيها مو بيه واتحمل لان احبج واعتبرتج بنتي واني محسيت بالامومه الا لمن خليتج بحضني ..

حتى ابوج مالمسني ولا اتقربلي غير كم مره .. واتحملت وماحجيت لان اهداني احلى شي هو انتي 😭

سمرا .. من سمعت كلامها صدوگ تأثرت .. وحضنتها وابجي وياهه .. خلص ماما سامحيني . انتي امي الوحيده وماعندي غيرج .. اعتبري هذا الموضوع انغلق واني مااريد اعرف شي عنها .. الي تركتني واني صغيره مهما كان السبب متستحق تكون امي .. #شمس

بجيت بحضن ماما سعاد وغفيت .. وهي بقت تمسح براسي وشعري .. ونستني كل المي ..

ثاني يوم اندگت الباب واجن ثلاث نسوان وطفله وياهن صغيره ..
رحبت بيهن ودخلن ..
وصحت ماما .. اجت .. اني جبتلهم مي وسويت الجاي وخليت يمه بسكويت اني مسويته .. شاطره بالمعجنات اني 😉
خليت الصينيه ودا اقدملهن .. والمره الكبيره گالت احنه جايين ع سمرا ولو ادري بيها مو وكتها ومصاب ابوها جديده ..
بس احنه هم مضطرين وعدنا اسبابنا ..
بهذي اللحظه خليت الصينه .. وگولتلها خاله بعد اذن ماما اني ماافكر بالزواج لان عندي طموح اكمل دراستي واوصل واحقق حلم بابا .. #شمس

المره .. بنيتي اسمعيني وذيج الساعه . يحقلج ترفضين او لا ..
سعاد .. اوكفي ماما خلي الحجيه تكمل كلامها ..
سمرا .. سكتت ونصيت راسي
المره .. بنيتي اني اختاريتج لان انتي يتيمه والوحيده الي تحسين بهذي اليتيمه وشفتج شلون اتعامليها من اجينا بعد الفاتحه .. ونور هم حبتج ..

اني استغربت .. 😮 وشنو علاقتها نور بالزواج ..
المره .. يمه نور امها ماتت .. اوووووف الله يسامحها
ويتمت بنتها .. وامير ابني مايقبل يتزوج .. بس عمود هاي الطفله بالگوه قبل واقتنع .. واني اختاريتج لاترديني ..
اتباوعت للطفله اتباوعلي وتضحك .. اووووف حتى بهاي ماعندي حظ .. حتى قسمتي لو عباس الي طمعان بيه لو واحد ارمل وعنده طفله ..
#بقلمي_شمس
يتبع... .