رواية الإنكسار الفصل الثامن 8 - بقلم شمس شمس

البارت الثامن
#الإنكسار
#بقلمي_شمس

عباس گام يعيط ويحاول يخرب الزواج بأي شكل اني محجيت ولا كلمه ومصدومه ..
وامير وعباس صارت مشاحنات بينهم بالكلام ..
عباس گله .. ماادري شلون ضحكت عليك وخلتك تتزوجها لك هاي تطلع نفس امها ناكره للجميل وتالي تنهزم وي واحد وتركك .. #شمس
اني اصفر وجهي ودموعي ينزلن . اتمنيت اموت بذيج اللحظه ..
التفت عليه امير .. گلي ليش هذي مو امج .. گتله بلي هذي امي الي ربتني وتعبت عليه ..
وذيج مو امي ولااعرفها .. وعباس يحاول يشوه صورتها . هي اتطلگت وتركتنا مو خانت بابا ولا سوت شي من الي گاله .. #شمس
لتصدگ بي ترى يحاول يخرب الزواج بأي شكل من غير ميهمه سمعته بنت عمه .
امير .. اني مو زعطوط وتعلميني شلون احجي ..

اتباوع امير العباس .. گله يله خويه منا روحوا  سمرا من اليوم مرتي وانتوا مالكم حق تتعرضولها ..
ولو زلم صدوگ كان تسترون بنت عمكم مو تشهرون بيها ..
ولزمني من ايدي وصعدني بالسياره .. وصعد .. اتباوعتله يومه فديتك . شنو من شخصيه يخبل سكتهم كولهم ..

الطريق كوله ساكت وصلنا للبيت البيت صغير بس حلو مرتب اني سمعت من ميوسه بيته ذاك كبير يمكن باعه واشتره غيره اكيد منو يقبل يعيش ببيت صارت بي كل هذي الحوادث .. دخلنا اني وياه ..
اخذ نفس عميق وگلي .. وهو يأشر بأصبعه .. اسمعي يبنت الناس ..
اني كاره جنس النسوان كوله .. ولو مابنتي فلا افكر اتزوج ..
لهذا مااريد طلعه وطبه بكيفج فيس وهاي الشغلات مااريد . #شمس
ارقام اشكال الوان ماكو بس رقم امج اقصد
مرت ابوج 😡
ورقمي ورقم امي وبس .. فاهمه عمود خاف تحتاجين شي .
لان اكيد سمعتي الي صار بذيج الفاجره ..

صدوگ مااتحملت كلامه .. يووووووه كافي الخاطر الله يعني اذا ذيج غلطت كل البنات لازم يغلطن مو كل اصابعك سوه ..

امير .. ههههههه صدوگ انتي امج ليش تركتكم ..

😡😡 عرفت دا يلمح الشي .. گوتله مااتفقوا هي وبابا وتطلگوا يعني مخانته .. مثل متلمح ..

امير .. ههههههه وليش فهمتي كلامي بهذي الصوره .
سمرا .. لك كافي انت شنو من رجال تقبل احد يعاير بنتك بأمها ..

هنا ماحسيت الا الگاع تفتر بيه من الراشدي .. وگعت بالگاع .. نصه راسه عليه وگلي اخر مره اسمع تجيبين هاي السالفه ع السانج .. #شمس

دفعته وگوتله حرام عليك كافي اني تزوجتك. حتى اخلص من عمامي وضيمهم ردت رجال يحميني منهم ويحمي حقوقي .. تالي طلعت ماتفرق عنهم ..

هو ابتعد ونظرلي نضرات حاده .. وطلع من البيت ..
بس قفل الباب بالمفتاح ..

گعدت ابجي واندب حظي .. بعدين گمت اخذت ملابسي وسبحت وبدلن دشداشه ربه ردن ..

هي اكو غرفتين بالبيت .. وحده مجهزيها النا والثانيه يمكن مسويها غرفه النور لان صغيره بس بعده ممخلي بي اثاث بس بيها رسومات اطفال  .. جبت فراش وفرشته بغرفه نور نمت والغرفه مبيها بس مروحه ..

امير .. طبعا ضجت من سمعت ابن عمها هيج يحجي عليها حسيت نفسي ماخذ وحده نفس ذيج……

ومن. عايرتني بزوجتي الثانيه وجابت اسم نور فقدت ضربتها بلا وعي .. #شمس
كسرت گلبي من گالت ردتك سند اليه .. وحسيت بيها يتيمه وتستنجد ..
هاي شوكت صرت قاسي هيج امير .. كلامها صحيح لو نور بمكانها .. ويسوي زوجها هيج بيها .. اكيد مراح اتحمل ..

اخذت عشا ورحت للبيت .. فتحته الباب البيت هدوء دخلت الغرفتنا .. شفتها فارغه تخبلت هاي وين راحت ..
فتحت الغرفه الثانيه .. لگيتها فارشه بالگاع ونايمه وبس مروحه هو الجو حلو بنهايه العاشر ..
وهي لابسه دشداشه ربع ردن .. ورجليها طالعه زبد يخبلن تقربت اريد اصحيها تتعشا .. اتباوع الوجهه الصافي وشعرها اسود نارل ع وجهها رفعت شعرها بأيدي شفت اثار اصابعي من ضربتها ..
معقوله هيج مأذيها ضجت من نفسي ..
ردت اگوم فتحت عينها وطفرت من مكانها .. شتريد ..

اتباوع لعيونها عبالك خرز ماوي صارن ماادري ليش كل ساعه يگلبن لون ..
ضحكت گلتلها .. هالمره شنو لونهن عدساتج . اشو كل ساعه مغيره لون . ردت الطف الجو #شمس

سمرا .. هههههه متضحك ..
امير .. امممم هاي عشا جبت .. اكيد جوعانه ..
سمرا .. روح وبعدين اجي بس اغير ملابسي ..
امير .. ليش تغيريهن هيج احلى .😉
سمرا .. لا بردت .. وبعدين انت مو جايبني هنا عمود نور .. بعد مالك حق تگولي شنو البس ..
امير .. براحتج اني حغير ملابسي .. اذا خلصتي ترتيب العشا گوليلي ..

طلعت من الغرفه اخذت تراك وبدلت بالحمام وطلعت ..
فتحت الاكياس لگيته جايب مشاوي وبيتزا ومقبلات وكولا ..
امممم بيتزا ميته جوع حتى غدا ممتغدايه .. جهزته ع الطاوله ودگيت باب الغرفه وگوتله الاكل جاهز .. من ورى الباب .. #شمس

طلع لابس بس بيجامه وبالفانيلا ملابس شي فوگهه .. اووووف شنو من جسم عبالك يسوي اغراء ..

مااهتميت .. وسويت نفسي مااتباوع ..
بس بعدين متحملت .. گوتله متعرف تلبس تيشرت او اي شي ..
امير .. هههههه لازم عجبتج
سمرا .. بلا هالخرابيط بس اني اخجل ممتعوده ع هيج ولاتنسى زواجنا ع ورق ..
امير .. ومنو گلج ع ورق ..
سمرا .. انت مو گلت جبتج عمود نور .. خلص باجر نروح من الصبح نجيب نور واغراضها ونجي اني اضوج وحدي .  #بقلمي_شمس
يتبع…