رواية الانسه ظابط الفصل الرابع عشر 14 - بقلم sososamir (الزهرة السوداء)

الـــــــفــصــل الــــ15

ريم : ( يالهوي يا ريم لو طارق وصل القاعة اعمل أيه دلوقتي لا أنا لازم أحصله )

وأثناء خروجها من المكتب عند الباب اصطدمت بـ"زياد" أيه يا عم ده مش تحاسب
زياد : أنا بردوا اللي أحاسب أنا اللي طالع أجري من المكتب
بتجري كده رايح فين
ريم : مش وقته هشرحلك بعدين
زياد : بعدين أيه خلصت الورق
ريم : ورق أيه أنت
زياد : أنا جاي أخلص الورق معاك .. بسرعة بقا يا كريم خليني ننجز

لم تكمل ريم التعليق علي كلامه لأنه جذبها من يديها وأجلسها علي المكتب وجلس أمامها يفتح الأوراق

زياد : أنا مش فاهم مالك عامل كده ليه يا أبني أرحمني وخلينا نخلص
ريم : في أيه الورق ده
زياد : في تحريات عن واحد أسمه أحمد توفيق ده كان عايش في العزبه وسابها وهو عيل صغير وسافر مع أهله ليبيا والمفروض أنك هتبقي أحمد ده وتروح تعيش مكانه لحد ما نقبض علي اللي "كمال عز العرب " تمام

ريم : طيب وأنا مش هتغيروا في شكلي حاجه
زياد : لا مش شرط خصوصا لأنك جديد هنا ..بس لو عاوز قشطه
ريم : فـــــــــــــــــار

ريم عارفه من طارق أن زياد بيخاف من الفيران فقررت تصرخ علي هذا الاساس
وقف زياد علي الكرسي وده طبيعي لأنها فبويا : هو فين ده
ريم : هروح أشتري مصيدة بسرعة وأجيلك
طارق : مصيدة أيه دي
ريم : أنت جيت أمته أنت مش قولت
طارق : ملقتيهاش هناك واللي شغاله هناك قالت لي أحتمال تتأخر وتليفونها مقفول

ريم حطيت أيدها علي جيبها لان موبيلها بيرن علي الأهتزاز فعرفت أنها ريهام : مش مهم يا طارق هات باقي الفلوس وايدهالها أنا
طارق : أزاي مفكرتيش فيها دي ... الواد ده واقف كده ليه

زياد : في فار في المكتب يا طارق
طارق : يا زياد يا حبيبي أنت لازم تتعالج من الفبويا دي
ريم : خلاص أنزل خلينا نكمل شغل

طارق : أحمد ده بقا ملحقش يبقي ليه في أي حاجه ساب العزبه وهو عنده 10 سنين أبوه مات وامه اتجوزت راجل ليبيي هناك يعني لو رجع حاليا مش هيكون في شك ناحيته

ريم : يسلام وبالنسبه للشكل يعني
زياد : أنت بتفهم من من مناخيرك صح
ما بيقولك ساب العزبه وعنده 10 سنين يعني لما يرجع دلوقتي أكيد شكله هيتحول مش هيتغير بس

ريم : يبقي خلاص هاخد مكانه ... بس أنا خايف
طارق : متخفش يا كريم أحنا مش هنسيبك
ريم ( لا والنبي أنت هتسبل ولا هينفع الشغل ده خالص ) طبعا بكره عطله
طارق : أيه بكره عيد تحرير سينا بس أحنا مالنا
ريم : عاوز أروح لابويا بقا
طارق : خلاص روح بكره وأحنا هنشيل الشغل بدالك وبعدين أنت لازم عبال ما نخلص كل حاجه تفضل بعيد عن النظر متجيش القسم خالص
ريم : اريح
طارق : أيه
ريم : لا ولا حاجه أنا هروح بقا

صباح اليوم التالي في القاعة بينما كانت ريم تجلس بجوار ريهام ويحيي

ريم : بس بقا والمطلوب أفضل بعيدة عن الأنظار
ريهام : أحسن عشان يبقي عندك هدوء للاستعداد للمهمة دي
يحيي : علي فكره ريهام معاها حق
ريهام : بجد يا يحيي
يحيي : ريم مش دهـ الظابط طارق اللي معاكي في الشغل
ريهام : أه صحيح دهـ سئل عليكي أمبارح
ريم : عارفة -_- وكمان بعد الشغل أمبارح توه ومدنيش الفلوس عشان يجي هنا تااني
ريهام : أزاي يعني
ريم : يخربيت الغباء يا بت بقولك مداش الفلوس ليا وانا كريم وهيديهالي وانا ريم ........ ده جي علي هنا يلا قوموا دوقتي

طارق : مساء الخير
ريم : مساء النور ... أهلا يا طارق بيه
طارق : لا من غير بيه
ريم : ( أهلا لهو أنت ليك في الحسوكة دي ) طيب تمام
خير أن شاء الله
طارق : أنا كنت جاي أدفع باقي تمن الفرح
ريم : أه تمام ... تشرب حاجة
طارق : ياريت قهوة

أثناء حديثهم هرول أسامة إليها مسرعا : ريم أنا لازم أمشي حالا
ريم : مالك يا أسامة في أيه
أسامة : مفيش مراتي بتولد ولازم أروح أنقلها علي المستشفي
ريم : طاب أستني أنا هاجي معاك أوصلك
أسامة : لا هي مش في البيت دي عند أمي في البيت كنت موديها هناك الصبح قبل ما أجي الشغل وهعدي أخدها بليل
طارق : طيب وفين المشكلة
أسامة : عربية ريم كبيرة وأنا بيت أمي في منطقه شعبيه مش هتعرف تدخل بيها
طارق : بس أنا معايا عربية الشغل هوصلكوا
ريم : طيب تمام .. يلا بينا يحيي هات ريهام وحصولنا بسرعة

في سيارة طارق كانت ريم وأسامة فيها وخلفهم سيارة بها يحيي وريهام

ريم : يا أسامة حاول توصف الطريق وأحنا هنوصلك
أسامة : المشكلة مش في كده أحنا هنلحق نوصل ونأخدها نروح بيها علي المستشفي
طارق : هو المكان اللي أمك ساكنه فيه ده بعيد أوي
أسامة : عزبة أبو الخير

أوقف السيارة بسرعة فأصطدمت ريم في مقدمة السيارة : أنت قولت فين
ريم : أها أنا دماغي أتعورت
وأصطدمت سيارة يحيي وريهام بهم فخرج طارق بسرعة
طارق : عريبتي
ريم : اللهي عربيه تشيلك تطريك من علي الأسفلت ياض أنت فتحت دماغي وشايل هم العربية
طارق : يا ستي دماغك الجرح سطحي مش هتاخدي غرز وبعدين دي عهده
أسامة : يا حضرة الظابط والنبي بسرعة أنا حياة مراتي وأبني في خطر
طارق : أنت محسيسني أن مراتك مخطوفة ليه دي يا دوب بتولد
ريم : ياعم ألله يحرقك بجاز بطئ الأشتعال أنجز
طارق : متأكد أن البيت في عزبه أو الخير
أسامة : أيوة
طارق : هو أنتوا مينفعش تسبقوني بتاكسي
ريم بغضب : نعم
طارق : خلاص هوديكوا
الو ...... أيوه يا زياد هات لي قوة وحصلني علي عزبه أبو الخير
بسرعة في معايا راهئن
أسامة : رهائن ؟؟؟؟!!!

وصل طارق العزبة وأول ما دخل نزلت ريم من العربية و وطارق باين عليه القلق المطلق نزل أسامة وطلع يجري بسرعة هو وريم وريهام عشان يجبوا مراته من فوق وسابوا تحت البيت يحيي وطارق وفي الوقت ده هجم زياد ومعاه القوة وكانت ريم وريهام معاها مرات اسامه وهي تعبانه جدا قدام الباب وفجاءة ضرب النار اشتغل من كل الجهات من قوات زياد ومن ناس من فوق السطوح والكل أنبطح في الأرض ريم واللي معاها راحوا تحت البيت ويحيي وأسامة استخبوا تحت العربية

ريم : أييييييييييه في أيه كل ده عشان مرات أسامة هتولد
ريهام : هي هتولد عيل مطلوب في الدخلية ولا أيه
ريم : وده وقت البت هتولد كده ... يا طاااارق ألحقني يا طارق
طارق أتحرك ناحيه ريم : أطلعي أنتي فوق وخليكي مكانك ومش هيحصل لكوا حاجة هما عاوزنا أحنا أنتوا ملكوش دعوه
ريهام : طاب ما تسلموا نفسكوا
ريم : بس يابت هو البلويس بيسلموا نفسهم للحرامية دلوقتي
طارق : خدي الوليه الحامل دي وطلعيها البيت فوق يلا
ريم : طاب طاب ساعدني نقومها طيب
طارق : أعمل أيه طيب
ريم : شيلها
طارق : شالك قطر أشيل كل دي أزاي يعني
ريهام : ياعم أخلص الست هتموت لو فضلنا هنا
طارق : أشيلها
ريم _ ريهام : شيل

طارق حاول يشيل الست لكن طبعا بمعاناه وتعب وطلع بيها السلم ودخل بيها الشقه أول ما دخل قعد علي الكرسي بينهج

طارق : كبايه ميه والنبي يا حجة
ريم : ميه أيه وضرب النار اللي بره ده أخلص أنزل شوف في أيه
طارق : يا شيخه أتقي الله أنا لسه طالع بالخزان أريح شويه
ريم : يالهووي أخلص بقا
ريهام : هنعمل أيه مع مرات أسامة
_ يا حبيبتي هنولدها
ريم : مين هيولد مين يا طنط
_ متخفيش بس أنا هتصرف روحي سخني ميه
ريهام : نعم
ريم : غوري سخني ميه .. بسرعة
_ حاولي بقا تثبيتها في السرير أقعدي جمبها وأمسكيها
ريم : حاضر

طلعت ريم فوق السرير وحاولت تمسكها بس هي كانت بتتألم أوي لدرجه أنها زقت ريم وقعت علي الأرض من فوق السرير
ريم : أها يا طنط دي بتضربني
__ يا حبيبتي معلش مش حاسه بنفسها ساعديني
طلعت ريم تاني وحاولت تمسكها لكن المرة دي ريم هي اللي اتمسكت من شعرها : أهاااا شعري شعــــــــــــــري وطبعا عماله تصرخ في ودن ريم وعشان ريم هطرش من الصوت حاولت تحط أيدها علي بوقها عشان تسكتها عضتها : يا بت العضــــــــــــاضــــــة
الله يحرقك يا أسامة أنت وأبنك

في الوقت ده نزل طارق وأتوجهه ناحية زياد : كنت فين
طارق : أنا قولت لك هات قوة بس مقولتيش أبدا بالهجوم يا غبي
زياد : يعني أنت بتقولي هات قوة وتعالي علي العزبة مفروض مثلا أفهم أنك عازم العساكر علي الغدا هنا
طارق : والعمل يا حلو هنتصفي هنا احنا والعساكر
زياد : متخفش أنا طلبت مدد من الدخلية
طارق : الله يحرقك روحنا في ستين داهيه
زياد : ليه بس
طارق : عشان من الاول مش معانا أمر بالهجوم
زياد : أومال أيه اللي جابك هنا
طارق : عندي حالة ولادة مستعجلة أحنا في أيه ولا في أيه دلوقتي
زياد : هي مسأله وقت بس والقوة زمانها جاية

ريم : يا طنط أنتي بتعملي أيه كل دهـ أنا اضربت بما فيه الكفاية
_يا حبيبتي خلاص لمست راسه أهو
ريم : اهاااااااااااااااااااااا
ريهام : طاب هي بتولد أنتي بتصرخي ليه
ريم : بصرخ عشان عماله أتعض واضرب وسامعه صوت ضرب نار وكل ده بلاش اصخر
ما انتي ماسكه لي الفوطه ومش حاسه بيا
ريهام : ايوة عشان لما يتولد أمسكه بيها ميستهواش
ريم : يالهوووووووووي بس بقا يا وليه اتهدي ليك حق يا اسامة
_ أهو بدأ يطلع
ريم : أطلع بقا الله يخربيت أمك أنا بخلص في أيدها

أول ما ريهام شافت البيبي أغمي عليها حبت ريم تقوم عشان تشوفها بس مش عارفه من اللي ماسكها دي
ريم : يا وليه هتمويتني خليني أشوف البت أوعـــــــي
ريهام فوقي يا ريهام

ريهام : أها راسي
ريم : فوق يا بت خليني أنزل أشوف اللي بيحصل تحت
هنزل أقول لأسامه حتي مراته ولدت

هجمت قوات المدد إليهم وأنفض أشتبكات النيران وهدأت الأصوات فقررت ريم النزول للأسفل

أثناء نزول ريم علي سلم العمارة سمعت صوت "يحيي "
الحــــــــــــقي يا ريم أسامة أضرب بالنار
نزلت ريم جري بالفعل لقيت أسامة مرمي علي الأرض ومضروب علي الارض جريت عليه

ريم : أسامة فوق يا أسامة ده أنت أبنك لسه مولود فوق يا أسامة
أسامة : هو بخير
ريم : هو بخير ومراتك بخير فوق بقا
طارق : متخفش والله فيه أسعاف هنا هتبقي كويس
أسامة : سنه الحياة واحد يفارق الحياة والتاني يتوجد فيها
فقد الوعي
ريم : أســـــــــــــــــــــــــــــامــــــــــــــــة