الاصداف الفصل التاسع وستون 69 - بقلم بمبش

رواية الاصداف

بقلمي الكاتبة..bmbsh_beme

أضمڪ عن ؏ـيونﭑلناس
- مثل ﭑلغيمۿ من تضم ڪمࢪۿا

وصلنه للغرفه فتح الباب وهو شايلني طبينه للغرفه شغل اضوية الغرفه وحجه...

ضرغام... شكد ثكيله اخ ضهري

هيلين... اني ثكيله

ضرغام.... اي والله

كال هيج وتقرب مني باوع لعيوني وكال...

ضرغام... اشتاكيتلك كبد عمري

ابتسمت على سوالفه رديتله

هيلين.... كبد عمري اني هم اشتاقيتلك بس كبد عمرك لازم يبدل ويسبح

ضرغام..... كبد عمرج مشتاكلج انعل ابو السبح لا تخليني اكتله

ضحكت وكتله.....

هيلين.... اطب اسبح ومن اطلع نتفاهم

هو شغل المكيف وطلع ملابسه واني طلعتلي ملابس وطبيت سبحت

طلعت جان كاعد يقلب بالتلفزيون

كعدت يمه وتغطيت وياه الغرفه بارده

كال...

ضرغام... ليش شعرج مبلل مو هيج تتمرضين

هيلين... عادي ما عليه شي لا ما اتمرض

نصه التلفزيون وغطه راسي صرت جوه البطانيه واتغطه هو وياي حاضني ويحجي.....

ضرغام.... تخيلي تجيبين بنيه تشبهج وعيونها نفس عيونج وتقرب باس عيوني

الصبح كعدت طلعت نضفت اسناني ضرغام نايم ورجعت اخذت الفحص جربته وانتضر النتيجه غسلت ايديه وواكفه اباوع ايدي على كلبي اذا طلع ماكو حمل راح يخيب امل ضرغام البارحه جان كلش فرحان كلبي دكاته تسارعت احس كلبي يدك براسي باوعت طلع خطوط اثنين

فرحه على صدمه على ما اعرف شنو ركضت باتجاه الغرفه وصرخت

هيلين... ضرغامممم

ما حسيت الا اجه يركض ويصحيح هاااا شكوووو

وتقري مني ويتفقدني عباله صارلي شي حجيت...

هيلين... اني حامل

ما منتبه كال....

ضرغام.... يبووو عبالي بيج شي خوفتيني

التفت ورجع باوعلي بصدمه وابتسامه...

ضرغام.... حاملللل

هزيت راسي بمعنى اي

لزم وجهي بكفوف ايديه ويبوس بعيوني وبخدودي وبكل وجهي ويه كل بوسه يكول احبج

اممح احبج امممح احبج امممح احبج

حضنته ولزمت شعره حضني ويبوس ويشم بشعري حسيت بفرحه ما تنوصف فرحه كلش حلوه انو اكو كائن صغير ابطنج

خابر اهله كاللهم وكال عمي باجر يجيبهم

النهار كله خابصني شمشتهيه وشتردين تاكلين وشتردين اجيبلج

اني من يكلي شتردين احيبلج اكله خدودك وهو ينطيني خده ابوسه ويضحك

متوقعت هيج يكون فرحان ابدا حنت متوقعه بس من اكله اني حامل

الليل كله لطيف وياي ويحضني عالكيف يخاف عالبيبي

حاضني كال...

ضرغام... اذا ولد انتي تسمينه واذا بنيه اسميها ريماس

ابتسمت وبداخلي انقهرت على ضرغام شكد يحب اخته وفاكدها

رديتله...

هيلين.... ريماس البنيه واذا ولد نسمي راهب اثنينهن نفس الحرف

ابتسملي باس راسي

ثاني يوم اجت عمتي وضحى خطيه هم باركولي وخابرت اهلي وبراء كتلهم وهم باركولي والبنات سارة وايه من خابرت براء كالتلهم وباركولي ومرت عمي هم

مر اسبوع وضرغام كلش حريص عليه بكلشي حتى عمتي وضحى بالكوه يخلوني اشتغل حواسم ما تجي وحدها ابد يا تجي ويه امها يا ما تجي وحتى عمتي وضحى وجهن ثكيل منها ......

الصبح كعدت ضرغام يروح على شغله حضرتله ملابسه وكملتهن هو طب يسبح واني نزلت سويتله ريوك

تريك ووكف يغسل رحت وراه انطيته المنشفه

نشف ايدينه وحلكه جرني على حضنه

اني طككت عيوني وكتله

هيلين.... يايي ضرغام لا احد يجي عيب

هو خله المنشفه على روسنه وكال...

ضرغام..... هسا محد يشوفنه

ابتسمتله وادفع بي لا احد يجي باسني مدري شكم بوسه واني اضحك تجرأ بلمساته شهكت ودفعته

هيلين.... شدتسوييي

ضرغام.... هههههه مرتي شنو يعني

هيلين... يعني عيب عمتى اذا اجت

جرني بقوه عليه ويبوس بيه واني اكله عوفني لا احد يجي ما حسينه الا سجى كالت...

سجى.... بابا

ابتعدت من حضنه كبل ورديتلها....

هيلين... ها سجاوي

باوعت علينه وصفنت كال ضرغام...

ضرغام.... خطيه هيلين تعبانه وجنت اعزملها واقرالها أيات

سجى... اي خطيه هيلين انشاءالله تطيبين

اني من الفشله اخذت المنشفه من اكتاف ضرغام ورحت للمطبخ

راح ضرغام للشغل واني بالمطبخ واكفه

اجت سجى عليه تريد الملح دتاكل خيار كالتلي

سجى... ماما اريد ملح

لفتني مناداتها اليه بكلمة امي

التفتت عليه عيوني مغوركه هي يتيمه وانحرمت الأم والأب نزلت لمستواها لزمت اكتافها بستها وحجيت...

هيلين... عيون ماما تدللين

سجى.... بابا ضرغام كال كوليلها ماما لأن هي مرتي واني ابوج وهي امج تقبلين تصيرين امي

وخرت شعرها عن عيونها وكتلها...

هيلين.... ليش ما اقبل هنيالي عندي هيج بنوته حضنتني الطفله وكالت..

سجى... من هسا انتي امي

هيلين... تمام اتفقنه

انطيتها الملح ورجعت للاستقبال عمتي ابيت ابو حواسم وضحى وضرغام بالاستقبال ضرغام وسجى مسوين خيار وملح وكاعدين ياكلون وضحى كاعده تباوع بتلفونها وضايجه

رحت، كعدت يمها وحجيت...

هيلين.... شو ضايجه ضحاوي

ضحى.... دا اراسل بنت عيالي أسال عالجهال لأن باجر تسيارتهم عليه بس يكولون عدهم مدرسه ما ندزهم للجمعه

تحجي وضايجه

هيلين.... كليلهم الخميس من يكملون دوام اخذولهم اجازه للاحد وجيبوهم

ضحى... اي والله خوش فكره

كاعده يمها كتبت لبنت عيالها شويه وبنت عيالها كالتلها تمام يجيبوهم الخميس من يحلون من المدرسه ويبقون يمج للاحد بليل يجون ياخذونهم

بليل كاعدين نتعلل ضرغام كاعد يمك وايده على كتفي ويقلب بتلفونه ونباوع سويه اندك الباب طلعت سجى طبت حواسم وامها

سلمو علينه وكعدو ضحى جابتلهم ميه ردت اوخر من حضن ضرغام طكك عيونه عليه ايده على كتفي ويقلب بالتلقون واني اباوع وياه

حجت ام حواسم ويه عمتي

حواسم كالت....

حواسم.... ضرغام اخبار دوامك

ردلها بدون ميباوع عليها.... زين

حواسم....هيلين انتي حملج اشونه

كلت اكللها. حملي ضعيف احسن ما اكللها زينه وتضل عينها عليه والعين ما عليها حارس اني كلشي ما بيه حملي كلش زين بس اخاف من عينها

هيلين.... كلش تعبانه وحملي مأذيني لأن حملي ضعيف

التفت عليه ضرغام عاقد حواجبه....

ضرغام... ليش ما كتيلي

هيلين... ما ردت اخوفك

ضرغام.... كومي شو كومي خل اوديج

هيلين... يا دكتوره مفتحه هسا ضرغام خليها باجر

ضرغام..... خوش

حواسم.... حملج ضعيف يعني ما تعرفين بيا لحضه يصير عندج اسقاط لو الطفل يتأذه

هيلين.... ايي الله كريم

حسيت ضرغام كلش ضاج همستله.......

هيلين... كلشي ما بيه حملي كلش زين بس اني كلت هيج حتى لا تضل عينها عليه

ضرغام... وهاي سالفة خوفتيني عليج

ابتسمتله وكتله لا تخاف

رجع خله ايده على كتفي وكال باعي...

جان فيديو عن العسكريين والمنتسبين

كال...

ضرغام... اني هم جنت هيج مثلهم بعدين ترفعت

هيلين.... شوف هذا ثالث واحد شكد هيبه وحلو

دار الفيديو رديت. رجعته وحجيت...

هيلين... دجيبه خل اشوف

ضرغام.... راح اكسر راسج

هيلين... دصبر خل اشوف

باوعلي رغعت راسي عليه خزرني اني سكتت

طب عالمتابعات قلب باللي متابعهم طلع حساب بنيه طب للحساب

باوعت بنيه تجنن طب للفيديوهات مالتها حركاتها طفوليه حجيت...

هيلين... ليش متابعها

ضرغام... تعجبني

جريت التلفون من ايده بعصبيه لغيت المتابعه وحضرتها وهو يضحك

رجعت للفيديوهات العامه ايقلب حجه ضرغام..

ضرغام.... عادي الغي الحضر وارجع اتابعها

هيلين..... دخلي اسوفك متابعها يا ضرغام وشوف شسوي

ضحك وكال...

ضرغام... شتسوين

هيلين... ازاعلك كبل

ضرغام.... ازعلي

ضجت منه بعدت ايده عن كتفي وانطيته التلفون

كرصني من ايدي بدون ما ينتبهون

التفتت عليه خزرته كال...

ضرغام....ههههههه خفت خفت

هيلين... يعني ما تخاف مني

ضرغام.... هو. انتي جنج بطه

خزرته انوب رجع ضحك كال...

ضرغام.... اول مره اشوف يطه تخزر

ضجت ما رديتله كال...

ضرغام.... ضاجت البطه ضاجت

التفتت عليه دمي فار تعصبت كالي...

ضرغام... شبيجججج عبصيه

هيلين... ترا هي مره غلطت ليش تقلد عليه

ضرغام.... هههه انتي كل مره ما تكولين عصبي تكولين عبصي

ابتسمتله بضوجه كال...

ضرغام... البطه مالتي لا تضوجين راح اخليها بقائمة الحضر

هيلين بقهر... شنو اني ما بعينك وتتابع بنات

ضرغام..... والله سجى يضل تلفوني عدها وهي تتابع

هذا حجينه كله بالهمس

ابتسمتله

بقو يتعللون ام حواسم وحواسم يا عيني يا حويسمممم ما سالت عينها من ضرغام وضرغام ما معبرها اجه صديق ضرغام وضرغتم طلع عالباب من راح ضرغام حواسم كامت تحوص تريد ترجع للبيت طبعا جانت مكابلة ضرغام وضرغام راح

راحن حواسم وامها عمتي راحت نامت وسجى راحت للهول تتابع فلم كرتون هي وضرغام الصغير

كعدنه كالت ضحى....

ضحى..... قبل يومين اجه اسياد علينه.

عقدت حواجبي... عليششش

ضحى... غير ضرغام جايبه

هيلين... الحقير شنو. وجها

ضحى.... يبووو هيلين خل تكملج شسوه

هيلين بأنتباه.... كملي اسمعج

ضحى..... وره ما تزوجت مرتين خابرني اسياد كال اذا ما اتطلقتي بليله ضلمة زوجج ينكتل ما اهتميت لكلامه لأن ميسويها

هيلين...اللي سوه كل هالشي يسوي الاكبر

ضحى... جنه كاعدين اني والمرحوم والجهال

ملتهين نسولف سمنه باب المدخل مال البيت يندك

المرحوم كال... منو طب للبيت هيج. وفتح باب الحوش وطب للباب الداخلي

وكف لحيله ومشه بخطواته واني وراه مشيت وصل باب المطبخ مجنت اعرف اذا انفتح الباب راح اخسر حياتي وحياتي راح تنهدم

فتح الباب بس شاف اللي وره الباب رجع يدفع بالباب يريد يسده وصاح

اخذييي الجهالللل وروحي للغرفه واقفلييي الباببب

جاي يصيح اني من خوفي ركضت اجرجر بالجهال وابجي بخوف خايفه حيل

بعد ما طببتهم للغرفه سمعت صوت خطوات المرحوم اجه يركض للهول صاح... طبوووو للغرفههه وقفلووووو الباببببب

باوعت اجه رجال ضخم بأيده سكين وملثم

المرحوم هجم عليه حتى يقاومه بس هو كلش ضخم دفع المرحوم وحجه..

....هاي هديه من اسياد الكم

تقرب من المرحوم واني هجمت عليه اريد ابعده بس ما اكدر سمعت صوت المرحوم وهو يصيح وهذا فوك المرحوم يضرب بي بالسكين

ابجي وادفعه وايديه ترجف والجهال تصرخ جرثم اللثام شفت وجها مشكوك ومخيط

هيلين... اباوعلها دنكن راسها وبجت كال...

ضحى.... ابتعد المجرم الحقير اللي دمر حياتنه عن المرحوم بس للاسف المرحوم جان ما شفايفه لونهن ابيض ويرجف والدم صار بكل مكان

من ضرب المرحوم وشاف دمه اللي امتلئ بي الهول مشه بخطوات سريعه

جريته لحضني واني ابجي كال المرحوم وهو بحضني...

المرحوم بصوت مخنوك وكوه تطلع الكلمات....... لا تبجيننن صارت رجفته اقوه كال....
اشهد أن لا اله الا الله واشهد ان محمدا رسول الله
اشهد أن لا اله الا الله واشهد ان محمدا رسول الله
اشهد أن لا اله الا الله واشهد ان محمدا رسول الله

باوعلي انقلبت عيونه شخط صوته روحه طلعت وهو بحضني شعور مخيف والرجفه بيه ودموعي تنزل على شفايفه اللي لونهن ابيض اول شخص استنجدت بي ضرغام بس مجنت متوقعه انو مات وما ابالي روحه طلعت

بجت بصوت عالي حضنتها واطبطب على ضهرها وابجي وياها صعبه كلش

ما حسينه الا طب ضرغام عيونه نار تطلع منهم

تقرب يمشي واني وضحى تصنمنه كال...

ضرغام.... حقج اخذه من حلوكهم واحد واحد

والتفت حتى يطلع لحكنه اني وضحى ونجر بي وضحى تتوسل ينسى الموضوع كلشي راح بوقته

التفت وصاح.... صارلي شكد اني شاك بي وراه سالفة اني اعلمه والله لشوفه نحزم الضهر والا اعاقبه على كلشي سواه

ضحى.... عفيه عوفه عفيه بعدين يسويلك مشاكل

هيلين... ض ضرغام لا تروح بعدين توكع هذا مجرم

صاح بصوت. رج البيت....ليششش ما حجيتيييييييي ليش بقيتيييي ساكته كل هذا الوكت

بقينه نرجف ونبجي طلع ضرغتم وشخط سيارته واحنه نبجي طلعت عمتي خايفه

هديتها اني وبالكوه حجيتلها كامت تلطم ابني راح وابني راح

نخابره ما يجاوب عمتي راحت على ابو حواسم. كالتله

بقينه لل1بليل روحنه لايبه كاعدات بالاستقبال وضحى تبجي واني كلبي ممرود حتى بطني مغصتني طب ابو حواسم للاستقبال

ركضنه عليه. جان ما طايق احد كلش مقهور وضايج

كعد عالقنفات وكال جيبولي ميه

ركضت جبتله ميه وعيوني مغوركه جايتني البجيه من جهة خوفي على ضرغام ومن جهة مغصة بطني موتتني

اخذ كلاص الميه شرب الميه

ٕٕٕكمل الميه مسح شواربه ولحيته سند نفسه على ايدينه والتفت على عمتي كال...

ابو حواسم... لا تخافون محلوله

عمتي... يا يمه وين رحت ابني

ابو حواسم.... ضحى

ضحى ببجي... ها عمو

ابو حواسم.... انتي حضرتي كلشي موو

ضحى بخوف.... ايي

ابو حواسم...اللي قتل المرحوم عرفناه بس ما لزمناه

باوعنه بعدم فهم اشون عرفوه فهمو نضراتنه كال ضرغام...

ابو حواسم... ابو وجه المشكوك واحد صاحبهم ضرغام يعرفه من يوم قتل المرحوم اختفى

ابو حواسم... قدمنه بلاغ واسياد مسجون لان رفعنه عليه دعوه بس اسياد يكول اني حضرت مقتل المرحوم وضرغام قتله لأن جان بيناتهم عداوه قديمه

عمتي شهكت وصاحت... ابني وينه

ابو حواسم.... ضرغام ويه اسياد مسجون لأن لحد هسا ما لزمو الرجال اللي قتل المرحوم والموضوع بي خطوره احتمال اثنينهم ينحكمون

اني من سمعت هيج الدنيا صارت ضلمه بعيوني وبطني مغصتني مغصه قويه حسيت راح اوكع سندتني ضحى وما اعرف شصار وراها

فتحت على برودة على وجهي شفت عمتي وضحى ملتمين عليه حجيت بتعب...

هيلين... بطنيييي

عمتي.... ابو حواسم خل ناخذها للمستشفى

هيلين... ما اروح بمكان

عمتي... يمه خاف يصير عندج اسقاط شي خل نستلحكج

هيلين.... خل اموت عوفوني وبجيت

عمتي كامت تبجي

هيلين...اريد اروح على ضرغام

احجي وابجي ويسكتون بيه

جان يوم كلش سيء ابو حواسم راح للبيت نمنا كلنه بالهول متمدده ما اكدر انام وضرغام مسجون من افكر بي بالسجن وتعب السجن تنزل دموعي بطني شوية هدأت ضرغام بسبب عصبيته ولأن يريد ياخذ حق ضحى والمرحوم دايع نفسه بالسجن

بقيت للصبح ما نمت مر اسبوع وضرغام مسجون واني حالتي حاله شكد اجه ابويه راد ياخذني للبيت شوية ارتاح واغير جو بس ما قبلت اسبوع الجاي محاكمه واذا ما لكو اللي قتل المرحوم راح ينحكمون اثنينهم

عمتي كل كم يوم تتخربط وضحى بس تبجي

مرت الاسبوعين باجر المحاكمه العصر اجه ابو حواسم

اول ما طب ركضنه عليه عمتي كالت...

عمتي.... لكيتوه

هز راسه يعني لا

عمتي لطمت وصاحت راح ابني

ابو حواسم.... بلغنه كل اللي بالديوانيه وابو هيلين بلغ بيت صديقه لأن شيوخ وناس معروفه بس لحد هسا ماكو اللي قتل المرحوم من يوم القتله فص ملح وذاب واذا لزموه احتمال يعترف احتمال ما يعترف واذا ما اعترف ف ضرغام واسياد يكضون حياتهم بالسجن

ضحى... اسياد خل يكضي حياته بالسجن بس اخويه شنو ذنبه

كلهم يبجون كال ابو حواسم بليل اهل الديوانيه راح يبلغونه اذا لكوه او لا

بقينه روحنه لايبه لليل كلنه كاعدين خابر ابو حواسم...

ابو حواسم.... الوووو

ها اكو اخبار عنه

اي عفيه

ليش

الله كريم

الله وياك

سد الخط زفر نفس قوي واستغفر

وكف لحيله وحجه...

ابو حواسم... باجر منو يجي للمحكمه

عمتي.... لكو

ابو حواسم.... لا

حسيت كأنو شخص ضربني كف على وجهي راح ضرغام راح سندي اذا انحكم بالسجن ضرغام اني الا اموت

شهكت عمتي وكامت تلطم وركضنه نهدي بيها وننطيها علاج هي تبجي

واني ابجي وضحى تبجي كلنه نبجي مسحت دموعي وتوجهت لرب العالمين ربي ما يردني

توضيت ووكفت عالسجاده بقيت اصلي لل1 تعبت قريت قرأن لحد ما تعبت عيوني ورجعت صليت بقيت للفجر جاي اصلي وأذن فجر

ركعت ودعيت..

.... يا ربي لا تحرمني منه يا الله ضرغام ما ماذي نملة صايم مصلي ما ماذي احد يا الله فرج عنو اللهم بعزتك وجلالتك اضهر الحق يا الله

عيوني غوركت خلصت الدعاء تعدلت سلمت ودموعي نزلن بقيت باوعت لاضافيري وابجي لحد ما كمل اذان الفجر كمت صليت الفجر ودموعي ما وكفت

خلصت صلاة وطلعت بالحديقه كاعده استغفر واقره أيات خايفه ضرغام ينسجن بعدنه شهر ونص من متزوجين طفله ابطني معقولة ينحكم وارزق طفلي بدون وجوده. معقولة اكمل حياتي بدونه

صارله اسبوعين مسجون هسا شصار بي شنو ذنبه ينسجن

عمتي طلعت توها كاعده انطتني تلفوني كالت ديدك

اخذته باوعت براء..

استغربت مسحت دموعي جاوبت...

هيلين.... الوو

براء... اشونج

هيلين بغصه... والله ما زينه

براء... حلمت بيكم

هيلين... شحلمتي

براء.... حلمت ضرغام بداخل بحر بس مجان ديغرك جان يسبح

هيلين بتركيز.... اي

براء...عمتج جانت على طارف البحر ويمها سجى وضرغام وبنيه شايلتها بأيدها

لهنا وينتهي البارت تصويتكم كرزاتي احبكم نفر نفر

حسابي الأنستا... wraa444