رواية ♡الأسيرة 1♡ للكاتبة/ندى محسن♕Noody♕ الفصل الاول 1 - بقلم الكاتبة ندى محسن

♡الأسيرة♡

بقلم/ندى محسن ♕Noody♕

نهله بنت عندها 20 سنه من عيله فقيره عندها اخ واخت اصغر منها حياتهم بسيطه هي طولها مناسب بيضه وجذابه شعرها بني طويل عينيها بني بتقلب عسلي عندها غمازتين بيحلوها اكتر لما بتضحك بتحب اوي الطبخ وفي كليه تجاره مثقفه وبتحب القراءه حلمها انها تعوض عيلتها عن حجات كتيره وضغوطات كتيره ف حياتهم بس زي محنا عارفين الحياه مليانه بالأختبارات.........
:بقولك هنخلي المكان الحي كله هيتنسف يلا من غير نقاش
سراج الدين ابو نهله:ازاي ونروح فين ومين امر بكدا
:امر فرعون ولازم يتنفذ هيتبني بدل القرف دا فندق ارسلان الجديد
سراج بعصبيه وانفعال:اتقوا ربنا بقى حتى البيت عايزين تاخدوه عشان التافهه بتاعكو دا يبني فندق ولا زفت
الحراس ضربوه
:اتعلم بعد كدا ازاي تحترم نفسك لما تيجي تتكلم عن سفيان بيه يا حقير انت اتجننت انك تطاول على اسيادك
(سفيان ارسلان)
سفيان شاب عنده 25 سنه وسيم وجذاب عينه زرقه شعره بني فاتح بيحب شغله عايش ف قصر ارسلان وحيد معندوش غير ابن عمه اللي طمعان فيه وف كل املاكه وعمته اللي مسافره برا على طول..
اكبر رجل اعمال مجال شغله واسع جدا تقريبآ بيشتغل في كل حاجة ليه مكانه كبيره في المجتمع غامض بطريقه مخيفه محدش يتوقع ردت فعله الناس سموه فرعون بس محدش شافه دايمآ يسمعو عنه بس محدش يقدر يتحداه
عوده
نهلة صوتت وبتلقائيه وبدافع حبها خدت خشبه وضربت الحارس اللي بيضرب ابوها على دماغه والكل اتصدم وهي صوتت بدموع:ابعدو عنه وقولوا للحيوان اللي مشغلكو ان اي حد هيقرب منه اي حد هيقرب من عيلتي انا هنهيه فاهمين ومن بكرا انا هطلع على التليفزيون وهخلي الكل يعرف حقيقة القذر اللي مشغلكوا
الحراس بصوا لبعض وقبل ميقربو منها الناس اتلمت وساعدت ابوها واختفت من قدامهم بسبب الزحمه
روحو بس طبعا الحكايه منتهتش بالسرعه دي
سراج:مش هنبقى هنا لا لا مستحيل انتي ازاي اتكلمتي معاهم كدا وتشتمي سفيان وتضربي حارس من حراسه يا نهلة ينها اسود
نهلة:بابا انا اسفه بس مقدرتش اشوفك بتتأذى
فارس:معاها حق لو كنت موجود مكنش حد هيقدر يقرب منك

(فارس)
اخو نهله شاب متهور شويتين عنده 18 سنه فاشل دراسيآ واخد لون عين نهلة البني وشعره اسود وسيم
عوده

سراج:يلا حالآ اتأخرنا على القطر هنروح اسكندريه عندك عمتك ومن هناك نتصرف
نهلة استسلمت لرغبته وريفال اختها حبت تغير المود وضحكت وهي حضناها:اختي جريئه اوي يوم متقف تقف ف وش فرعون الله اكبر على العقل

(ريفال)
اخت نهلة بنت عنيها رمادي شعرها اسود جميلةودمها خفيف بتحب نهلة ودايمآ بتسهر معاها ويفضلو بتكلمو وهي اللي دايمآ بتشجعها على كل حاجه وعندها 17 سنه
عوده

مشيوا رغم قلق نهلة بس كانت مبسوطه وقبل منهلة تطلع القطر سحبوها الحراس وهما محاوطينها
نهلة بقلق:انتو بتعملو ايه اوعى يا سافل.. انتو اتجننتوا شكلكوا متعرفوش انا ممكن اعمل ايه
:انتي مطلوبه بأمر سفيان بيه ارسلان
نهلة بصتلهم وبصت لأهلها اللي الخوف ظهر عليهم وقبل مفارس يتكلم كانت فاطمه امه مسكاه بخوف ودموع
نهلة حاولت تبعدهم قدام نظرات الكل اللي متعلقه عليها بخوف وشفقه بس محدش حتى حاول يتدخل الا باباها اللي هجم على الحراس بالضرب بس قدام عددهم مقدرش والصويت ملى المكان لما حارس ضربه على دماغه ونهلة صرخت بصدمة وخوف:بااااباا انتو اتجننتوا ابعدو عنه
عيطت:سيبوه اوعوا
سحبوها ومشيوا ومش سامحين لحد يتدخل وهي مش عارفة ليه سفيان طلبها وغصب عنها الخوف بقى ياكل في قلبها.....

بعد فتره نهلة ف شارع عام مش شايفه حاجه راسها بتنزف وهي بتمسح الدم قبل ميقرب من عينها بضعف بتترعش وهي شبه عريانه مش قادره تقف وهنا عربيه ماشيه جايه بأتجاهه وهنا صرخت الصرخه اللي هزت كيان الكتير واللي اعلنت عن بدايه جديده حياه مختلفه من نوع اخر.....حياه مختلفه مش سهل حد يتوقعها في روايه ♡الأسيرة♡

يلااا بقى تفاعل مين هيتابع ولينك الجروب الخاص بتاعي على الفيس اهو بتنزل عليه الحلقه بدري👇