رواية ♡الأسيرة 1♡ للكاتبة/ندى محسن♕Noody♕ الفصل الثاني 2 - بقلم الكاتبة ندى محسن

♡الأسيرة♡

بقلم/ندى محسن♕Noody♕
الحلقه الاولى:-
نهلة فاقت مش قادره تاخد نفسها بتترعش من التلج هدومها متقطعه وبتنزف عماله ترجع دم مسحت الدم اللي بيقرب من عينه وهي راسها بتلف بيها بصت لقت انها في طريق عام ف عز البرد حاولت تقف وهي بتنزف مقدرتش وراحت واقعه وهنا شافت عربيه جايه ناحيتها بسرعه صرخت: ااااه حااااااسسب
هنا خاطر وقف بسرعه وهي غمضت عينها بتعب ودموعها نازله نزل وبص بصدمه على شكلها والدم اللي بيخرج من كل جسمها وبصوت مرعوش: اسف انا اسف مشوفتكيش
بصتله بدموع وضعف: ساعدني... ارجوك ساعدني مش عيزاه يلاقيني
نزلت جوليا من العربيه بصدمه وبسرعه وانفعال: خاطر بسرعه هاتها انت واقف ليه كدا لازم نوديها المستشفى
خاطر بضيق: ونروح في داهية احنا بقاا
چوليا بضيق وانفعال: لا لا نسيبها تموت انت بتقول ايه احنا لازم نساعدها
وهنا قلعت البلطو بتاعها ولبسته لنهلة وشاورت لخاطر شالها وحطها في العربيه من ورا وچوليا قعدت معاها وهي ماكسه منديل بتمسح الدم وغصب عنها دموعها نزلت چوليا كل تصرفها بتلقائيه مع نهلة حستها كأنها تعرفها او يمكن حست ان اللي جاي بينهم كتير!!...
چوليا: دي متلجه هنوصل امتى
خاطر: شويه بس مش عارف فين الاقي مستشفى اوووففف انتي بتصدقي تقرفيني بأي حاجه مش كفايه رضيت اجيبك للحفله المفروض اقول ايه معلش اتأخرنا كنا بنلف عشان واحده منعرفهاش
چوليا بصتله بضيق وسكتت وهنا نهلة فتحت كانت سامعه ودا خلى عندها خوف ترجع تاني او انهم يسيبوها وهنا مسكت ايد چوليا وهي بتترعش: ساعديني متمشيش متمشيش....
چوليا هزت راسها بإيجاب: هتبقي كويسه بس ارتاحي ارتاحي بس
نهلة: عايزه ميه... ممكن
چوليا بسرعه مدت ايدها جمب الكرسي الأمامي وجابت ازازه وسندت نهلة ونهلة شربتها كلها وچوليا بصتلها بحزن: حبيبتي انتي كنتي عطشانه اووي انتي كنتي فين ومين اللي عمل فيكي كدا
خاطر: اهي مستشفى يلا
چوليا جت تنزلها
خاطر: قولتي مستشفى واهي مش عايز كلمه تانيه بقى لأني مش هسمعك
نهلة بعدت عن چوليا بتوهان وهي بتترعش: ه... هي فين... المستشفى
خاطر: اهي
نهلة بصت للبلطو ولجوليا وچوليا شاورتلها بدماغها انها تخليه
نهلة نزلت بضعف ومشيت كذا خطوه وخاطر مشي وقبل متدخل وقعت وهنا الممرضين جريو عليها ونقلوها....

بقلم/ندى محسن♕Noody♕♡الأسيرة♡

سفيان:خاطر اهلآ..بس معادك حلو
خاطر بتوتر من طريقه سفيان الغامضه واللي توتر اي حد حتى لو الكلام معاه طبيعي:معلش حصلت ظروف والله وچوليا هي سببها
مرتضى بهزار:ايوا انا فاهم النظام دا وحبيبي الميكب مش عارف ايه والبينك احلا ولا الفسكوز وحاجه زي الفل
سفيان رفع حاجبه:اممم على اساس انك بتستنى مراتك مثلآ
مرتضى بضحك:دي يبني معندهاش وقت ليا هيبقى عندها وقت تيجي الحفله معايا يلا ربنا يسهلها
چوليا كانت قاعده عند البار بتوهان بتفكر ف الغريبه اللي شافتها هي بتقرأ دايمآ عن تلاقي الأرواح بس اول مره تعرف انها توصل للدرجه دي ندمت انها سابتها حتى لو مكنتش تعرفها شعورها انها محتجالها قاتلها وقفت وراحت لعند خاطر
سفيان بصلها بتقييم:مستعجله اوي يعني
چوليا وجهت كلامها لخاطر:خاطر هتمشيني ولا امشي انا بقولك زهقت
سفيان بغرور:هو في حد يزهق من حفله سفيان ارسلان
چوليا اتجاهلت كلامه دايمآ هي مبتحبهوش ومن طريقه خاطر وكلامه عنه كرهته خاطر جوزها بس دايمآ بيحاول يوقع سفيان عشان بيغير منه في كل حاجه وهي مضايقه من كدا..
چوليا:نعم...هتيجي ولا ايه
خاطر بأستسلام وضيق:خلاص يلا بعتذر جدا يا سفيان بيه
سفيان:قريب اوي هشوفك لما تفتتح فندق باريس
خاطر بخبث:دا شرف ليا
خرجو وچوليا ركبت بضيق
خاطر:ايه اللي هببتيه دا سفيان هو مش سهل ابدآ و
چوليا بضيق وانفعال:سفيان سفيان انت ايه دا واحد كل تصرفاته مريبه بني ادم مريب بجد
خاطر:وانتي مالك بيه اصلا
چوليا:وديني على المستشفى
خاطر:ايوا بقى قولي كدا هي كانت من بقيت اهلك انتي مالك في ايه مالك ومالها دي واحده الله اعلم بيها مشوفتيش كانت ازاي ليه نوقع نفسنا في مشاكل
چوليا:خلاص هدخل انا خلاص وصلني وامشي انت ممكن
خاطر مشي بضيق لحد موصلو وسألو وعرفو اوضتها
الدكتور:وانتو تقربو ايه للمريضه
خاطر:انا ابن خالتها ودي مراتي
چوليا:احنا كنا بندور عليها بس بس هي مالها
الدكتور اتنهد:هي كانت بتموت وانقذناها بأعجوبه هي دلوقتي نايمه بس هي مختفيه من كتير؟!
چوليا:ليه وهي عندها ايه اصلا
الدكتور:غير التعب الجسدي وجسمها المليان بالجروح تعبها النفسي اكبر راسها بتنزف ومفتوحه كذا فتحه انا قولتلها هعملها محضر وهي رفضت قبل متغيب احتراما ليها سكت بس لازم متسكتوش مين اللي ضربها وعذبها بالشكل دا
چوليا دموعها نازله وباصه على نهلة من ورا الأزاز بحزن وخاطر حاوط كتفها حس انه لازم يساعدها
وبعد شويه على الحال دا فاقت نهلة وچوليا دخلتلها وخاطر راح يجيب الدكتور
نهلة كانت فاتحه عينها وعنيها مركزه ف السقف كانت حاسه بتوهان وچوليا ساكته وبصالها والدكتور هنا دخل مع خاطر ووقف قدامها
نهلة بصتله
الدكتور وكان راجل نوعآ ما كبير بحنان: حمدلله على السلامة
نهلة قعدت وهي بصاله
الدكتور: انتي اسمك ايه
نهلة بصوت مهزوز: ن.. نهلة
الدكتور:نهلة ايه
نهلة:مش عارفه
الدكتور:طب ساكنه فين
نهلة ساكته
الدكتور:طب...انتي كنتي فين قبل متيجي هنا
نهلة بشرود وهمس:عند فرعون
هنا انفجرت في العياط والدكتور بص لچوليا ولخاطر:فقدان ذاكره مؤقت...خلى بالكو منها
خرج وچوليا قربت بتردد ونهلة بصتلها وابتسمت
نهلة بدموع:انتي رجعتي رجعتي تاني
چوليا حضنتها:مكنش ينفع منرجعش
نهلة حضنتها لا دي كانت بتستخبى فيها وجسمها بيتشنج وچوليا بحنان طبطبت عليها:حبيبتي انتي عندك فقدان ذاكره..حاولي تفتكري ايه اللي حصل معاكي مستحيل يا حبيبتي نسكت على اللي حصل
بصت نهلة لخاطر بحزن
خاطر:الله بقى قلبك ابيض انا بس كنت متضايق من چوليا واتصرفت بتهور
نهلة برعشه وانهيار:انا مش فاقده الذاكره انا مش فاقداها انا مكنش ينفع اتكلم
وبصت لخاطر وهي بتنهار
خاطر:تحبي اخرج طيب تتكلمي براحتك
نهلة هزت راسها بنفي وبدأت تحكي بسرعه وهي بتترعش ودموعها مغرقه وشها وعنيها حامره
Flash back
الحراس سحبوها من المحطه ربطوها ورموها في العربيه وبعدين راحو مخنزن تحت الأرض قرب القصر ورموها فيه
نهلة بتتألم وبدموع: انتو مين يا زباله انتو انتو اتجننتو
وهنا شدوها فتحو اوضه ضلمه مفيهاش اي مجال انك تشوف حاجه وزئوها وهي بدأت تخاف
:يلا اهي حظها وقعت ف ايد فرعون في ايد اللي مبيرحمش
نهلة مش شايفة حاجة وحست الباب بيترزع خطوات بطيئة بتقرب منها بقت تبعد سمعت صوت شبيه بالفحيح:انتي بقى اللي وقفتي قدام فرعون انتي بقى يا شطورة اللي كنتي عايزة تهدي كتير من اللي بنيته عشان بيت سخيف وقذر زي امثالك
نهلة بعدت وهي بتتحدى خوفها:انا مش ندمانة عشان وقفت قدام واحد زيك انت بتاع اي عايز تهد بيوت الناس الغلابة عشان تبني فندقك مين ادالك الحق في قانون ومتفتكرش ان محدش هيقف قصاد واحد زيك
سفيان ضحك بصوته كله:بجد؟بقى انتي وشوية الزبالة اللي حواليكي هتقفوا قدام سفيان ارسلان بجلالة قدره؟
نهلة بدموع بتبعد:اه انا هقف قدامك عشان عيلتي
سفيان:طيب وريني بقى هتستحملي قد اي عشان عيلتك
سحب شعرها وغطس راسها في برميل مليان بالمية القذرة المليانة بالشوائب بقت تحاول تبعد راسها وانهارت:سيبني.....سيبني....اااااه
بقى يسخر منها ويضحك:متتخيليش متعتي وانا بعذب اي حد كدا
ضربت رجله وبتبعد سابها وقعت وهي بترجع وقفت كان سفيان ضرب رجليها بعنف بحديدة وقعت وجي بتصرخ بالم ومسكت رجليها:اااااه انت اتجننت
سفيان اتعصب مسك راسها وضربها في الحيطة مرة والتانية والتالته وهي وقعت فاقدة للوعي بعد ايام من التعذيب فيها وضربها باوحش واعنف الطرق امر حراسه يخلصوا منها
عادل:كان خسارة فيكي البهدلة يا جميل حتت بسكوتة تتاكل تتبهدل بالشكل دا تؤ حرام
قرب ايده منها وهي بتبعد وشها بخوف
عادل:تصدقي سفيان معندوش عقل ازاي ميفكرش يتمتع بالجمال والحلاوة دي؟
نهلة دموعها نازلة بقت اضعف من انها تتكلم مبقتش قادرة تتحرك وعادل بيقرب منها:اي رايك يا قمر نقضي شوية وقت سوا
شده صاحبه:يبني بقى انت شايفها عاملة ازاي دي خلاص بتطلع في الروح
:يلا فرعون عامل حفله شيلوها من هنا امر نخلص منها هو مش طايق نفسه فيلا بسرعه
شلوها على العربيه لحد الطريق العام ورموها ف البرد
:خلاص ملوش داعي توسخو نفسكو مش شايفين دي بتجيب اخرها خلاص مش شايفين انا والله مستغرب ازاي بتتنفس اصلا يلا قبل مفرعون يقلب الدنيا
back
نهلة:ومشيو وسابوني وانتو ظهرتولي...
خاطر بأبتسامه خبيثه:سفيان..احم بس عمري متوقعت انه يعمل حاجةزي كدا
چوليا بدموع وغل:واكيد مش اول مره عذب كام شخص لمجرد انه اعترض على اللي بيعمله دا لازم يعفن في السجن..حبيبتي انتي لازم تاخدي حقك منه لازم تقدمي بلاغ
نهلة بتترعش بدموع:لا لا بالله عليكوا لا مش عايزه اشوفه مش هيسكت مش هيسيبني اكيد عنده اللي يسانده هو هددني...
خاطر بتفكير في كلامها:يعني مشوفتيهوش؟!
نهلة:لا بس سمعت صوته مكنش في نور عشان كدا مقدرتش اشوف غير حراسه
Flash back
سفيان سحب شعرها وبلهجه قاسيه:انا تتحديني اديكي تاني يوم هنا مرميه زي الكلبه واهلك يا عيني خلاص استلموا شهادت وفاتك بأزمه قلبيه
نهلة بدموع وتعب:انت مستحيل تكون انسان انت شيطان انت شيطان حقير وحيوان
سفيان ضربها بالألم بغل و وبقى يضربها بمنتهى الغل والوحشية
back
جوليا وقفت بدموع:خاطر خاطر احنا لازم نرفع قضيه
نهلة بأنهيار:لا هيعرف اني عايشه وهياخدني انا بكرهه مش عايزه ياخدني تاني
خاطر:هتتحدي مين يا چوليا دا فرعون دا يمحيكي ويمحيها بكلمه منه دا زباله انتو متعرفوش مدى خبثه
چوليا:الحل انك تيجي معانا الفتره دي يا چوليا لحد ما الأمور تهدى وبعديها يا حبيبتي ربنا يسهلها
كانت چوليا هتعترض بس استسلمت لأسرارهم وبما ان خاطر رجل اعمال ليه مكانة في وقت قليل كان مخلصلها الورق ومسفرها

بقلم/ندى محسن♕Noody♕♡الأسيرة♡

سفيان:افندم
مرتضي:محسسني ليه بشحت منك بقولك زهقان ميلا مش هتسافر على باريس
سفيان ببرود:مش فايق انا مخنوق
مرتضى:ليه ان شاء الله انت تنكد على بلد ومحدش ينكد عليك
سفيان:طب اخرس عشان ميتنكدش عليك
مرتضى بضحك:خلاص بقى كفايه المدام ف البيت منكده بزياده انت بقى في ايه
سفيان بشرود وهو بيفتكر نهلة وتعامله معاها:من يوم مقتلو البت دي وانا مش عارف مالي..مش طبيعي
مرتضى اتنهد بضيق وبصله:انت مستني تبقى طبيعي ليه يا سفيان ليه عملت كدا من امتى ومع بنت.؟؟  تكون بالوحشيه دي وتقتلها انا صاحبك من كتير بس انت حالك بيسوء يا صاحبي وبعدين انت هتفضل ماشي ورا الشطان القذر دا
سفيان غمض عينه بط:مكنتش هتعيش بعد اللي حصل قتلها رحمة ليها مش كدا
مرتضى بعصبيه ونبره سخريه:عشان كدا رميتها للحراس يخلصو هما ليه جاي على نفسك اوي كدا
سفيان بعصبيه:دي اتحدتني دا لأخر لحظه كانت بردو بتشتمني رغم خوفها عايزني كنت اسيبها
وهنا جه الصوت اللي خلى على وشهم علامه الضيق:سفيان عمل الصح.....

يلاا الي اللقاءفي حلقه قادمه🔥

الروايه بتتنشر على جروبي الخاص على الفيس واللينك اهو👇

اسئله الحلقه:-
نهلة هتتعامل ازاي هناك في باريس هتنسى بسرعه؟!سفيان هيسافر باريس عشان افتتاح الفندق؟!تفتكرو هيشوفو بعض؟!

يلاا بقاا تفاعل 💜🔥

#نووووودي