رواية ♡الأسيرة 1♡ للكاتبة/ندى محسن♕Noody♕ الفصل الخامس والعشرون 25 - بقلم الكاتبة ندى محسن

♡الأسيرة♡

الحلقة 24
بقلم/ندى محسن♕Noody♕

چوليا بصراخ وغضب: مين دي اللي مجنونه نزلني والله مفيش مجنون غيرك انت
مرتضى بيضحك: انزلك ونعقل كدا ونلم نفسنا ولا هنطول لسانا ونقل ادبنا
چوليا: مرتضى والهي العظيم هتندم على اللي انت بتعمله دا
مرتضى: وهتعملي ايه يعني
چوليا عضت كتفه جامد وهو سابها
مرتضى: ااااه لا مجنونه فعلاً يخربيت جنانك
چوليا جات تمشي سحبها
مرتضى:خلااص الطيارة طلعت رايحه فين انتي
چوليا:مرتضى سيبني والهي هلم عليك الدنيا
مرتضى ضحك:علشان كدا قولتلهم مجنونه جربي كدا صوتي يلا جربي
چوليا عندت وراحت مصوته:الحقووووني هيخطفنييي يا لهههوووووي سيبني يا حيوان
:انت ماسكها ليه سيبها يلاا انت
العسكري:دي مجنونه ربنا يستر على ولياكم سيبوها دا جوزها
چوليا بصت بصدمه والناس مشيوا وبيبصولها ويتهامسوا
مرتضى ضحك بقلق:وحيات اغلى حاجه عندك اهدي العصبية مش حلوة علشانك والله
چوليا اتنهدت:عندي سؤال
مرتضى:ءأمري
چوليا:المجنون بيتحاسب على حاجه
مرتضى بعدم فهم:لا..اشمعنا
ابتسمت بخبث:علشان دا
مسكت دراعه وعضته جامد وقعدت تضرب فيه:انا بقاا مجنونه والكل هيخاف يقرب واللي هيقرب هعديه كمان اصل عندي جرب كمان
مرتضى ضحك وهو بيحاول يهديها:يا بت اهدي بهدلتيني يا مجنونه انتي خلاص طيب سيبي شعري
چوليا قعدت تضرب فيه لحد متعبت وسابته وهو ضحك وهي بصتله بغيظ:والهي لو مبطلتش استفزاز انا هموتك يا مرتضى علشان اعرفك الجنان انا چوليا تقول عليا مجنون انا يا مرتضى والله مجنونه علشان واقفه معاك
مرتضى بعد وهو بيضحك:اديكي قولتيها اهو مجنونه!
چوليا بتتلفت عايزه تحدفه بحاجه:استنى بس اصبر
خدت طوبه
مرتضى:لا لا متتجننيش
چوليا حدفته بيها وجات في راسه غصب عنها واتألم وهي اتخضت وجريت عليه
مرتضى بيضحك بألم وغيظ:يا بنت المجنونه
چوليا:اووووف بقااا انت اللي استفزتني بتوجعك؟
مرتضى:اه
چوليا افتكرت اللي عامله فيها بعدت:احسن متوجعك ولا تغور في داهية حتى انا مالي
مرتضى رفع حاجبه
چوليا جات تمشي سحبها في حضنه وهي برقت
مرتضى همس:ركزي في الكلام اللي هقولهولك علشان انا جمعته بالعافيه ومش عارف هقدر اقوله تاني ولا لا
چوليا:مش عايزة اسمع
مرتضى:انا واثق انك عايزة تسمعي وغصب عنك هتسمعي
چوليا:مش بالعافيه هي
مرتضى:لا بالعافيه ملكيش دعوة
چوليا:اما انك
مرتضى قاطعها:بحبك بجد...بعشقك يا چوليا انتي وجنونك...
چوليا برقت وجسمها اتسمر بين ايد مرتضى
مرتضى ضحك بدهشه:يخربيتك انا لو صعقتك بكهربا مش هتبقي كدا
چوليا بخفوت:انت قولت ايه
مرتضى قرب جنب ودنها وهمس:بحبك يا چوليا
چوليا بصتله ووقعت مغم عليها
مرتضى بيفوقها بضحك وقلق:نهااار اسود چوليا فوقي چوليا....منك لله يا سفيان قعد تقولي اتكل قول اتكل واديها هي اللي هتتكل وعلى ايه انا هجبهالك

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

نهلة صحيت لقت سفيان باصصلها ابتسمت: انت مش هتبطل العادة دي
سفيان باس خدها: لا
نهلة حضنته: حبيبي بيصحى بدري دايمآ
سفيان باس خدها وايدها: اتعودت
نهلة بصتله وحست انه بيتعامل طبيعي وعادي
سفيان: نونتي صحيت وقعدت تعيط وانا بقاا نيمتها
نهلة: انا حسيت بيك كنت بتتكلم في التليفون
سفيان بصلها اوي: وسمعتي ايه؟؟؟
نهلة بأستغراب: مسمعتش حاجه انت كنت بتكلم مين اصلآ
سفيان بجمود: مكنتش بكلم حد
نهلة بصتله بإستغراب
سفيان قام وخرج من الأوضه دخل الحمام
نهلة بإستغراب: هو في ايه... اوووف يا سفيان دايمآ غامض كدا والواحد ميعرفش ياخد منك إجابة مفيد
قامت سرحت شعرها واياد ونهلة صحيو اكلتهم
نهلة بتلاعبهم: حبايب ماما بيصحو مع بعض ويجوعو مع بعض علشان يجننوها ويخلوها تشد في شعرها
ابتسمت وهي بتبص لعيون اياد اللي كانت نفس عيون سفيان ولشعر نهلة اللي كانت نسخه منها بس واخدة شعر سفيان وعيونه الزرقاا ابتسمت اووي : الله هو انا عندي ولاد عسلات وقمر كدا
تليفون سفيان رن وهي نادت: سفيان حبيبي تليفونك بيرن
ملقتش رد قامت خدت التليفون وكان رقم: يمكن يكون حاجه مهمه
وقبل مترد كان مسحوب منها بصت لقت سفيان بيبصلها بحده وغضب
نهلة بعدم فهم: سفيان..
سفيان فتحه وخرج بيتكلم
نهلة: مش فاهمه انا ماله دا
خرجت وراه وسمعته: حاضر تمام كدا زي مقولتلك هههههه قولها ترتاح بس قريب قوي هجيلها... براڤوا انا هخليها تندم على اليوم دا مزة اه بس اعمل ايه منت عارف
نهلة قربت بإستغراب وهو لاحظ وقفل وهي بإستغراب من اسلوبه: كنت بتكلم مين؟؟
سفيان: رقم غلط
نهلة: مين اللي قريب هتجيلها!
سفيان رفع حاجبه: انتي مركزه معايا بقاا هو في ايه
نهلة: انا اللي عايزه افهم في ايه؟
سفيان: ولا اي حاجه
نهلة: سفيان انت بتعصبني من كلمه مفيش دي
الباب خبط
سفيان: ادخلي البسي اسدالك هشوف مين
فتح وبص بصدمه ومرتضى ضحك ودخل حط چوليا على اول كنبه
سفيان: يخربيتك انت عملت فيها ايه وايه اللي حصلك دماغك مالها
مرتضى: دي مجنونه حدفتني بالطوبه في دماغي والله مفيهاش عقل
سفيان: وانت بقاا عملتلها ايه علشان تحدفك بالطوب وبعدين مالها مخدتهاش على المستشفى ليه
مرتضى: ولما الدكتور يقولي مالها اقوله ايه سمعت كلام صاحبي
سفيان: ليه قولتلك اقتلها ولا قولتك قولها انك بتحبها
مرتضى ضحك: مهو دا اللي قتلها قولتلها بحبك من هنا هوب اغم عليها
سفيان ضحك بغيظ: مجانين وربنا
نهلة خرجت وبصت بصدمه: چوليا
جريت عليها بتحاول تفوقها: چوليا فوقي انت عملتلها ايه تاني يا مرتضى جوليا حبيبتي والنبي فوقي
جابت برفيم وبسرعه رشت على وشها
چوليا فاقت بإبتسامه
نهلة:چولي انتي كويسه
چوليا:نهلة كان حلم غريب وجميل
مرتضى بتلقائيه:يا وقعتك السوده يا مرضو حلم دا انا مصدقت
چوليا فاقت بصدمه قعدت بتبص لنهلة ولسفيان ولمرتضى:الطوبه اللي في دماغك انا حدفتك بيها في الحلم....
مرتضى ضحك بغيظ:مهو انتي بركه واحلامك بتتحقق
سفيان كتم ضحكته
نهلة ابتدت تفهم
چوليا:مكنش حلم!
مرتضى غمزلها:لا مكنش حلم يا قمر يا حلو انت
چوليا وقفت بإرتباك:انا....معاد الطياره...لازم امشي
سفيان:نهلة خدي چوليا جوا واتكلمي معاها شويه

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

نهلة: وانتي زعلانه انه قالك بيحبك يا چوليا
چوليا بحزن: حسيت نفسي ضعيفه... نهلة انا شوفت ايام وحشه اوي مع خاطر ضرب واهانه وخيانه وعدم اهتمام وعدم احترام واستحملت علشان بحبه دلوقتي انا بحب مرتضى اضعاف حبي لخاطر وعارفه اني هستحمله مهما حصل علشان دي طبيعتي انا بحارب في اي علاقه لأخر نفس فيا وانا مش حمل اي جرح تاني ومرتضى مش اول مرة يرفع ايده عليها دا حتى مفكرش يتهاون كان بيضربني بكل غل من غير رحمه شويه كنت هترجاه يسيبني من كتر مكنتش قادره اتحمل الوجع وعيزاني انسى وابقى معاه
نهلة: انتي ضحيتي بكتير علشانه وحان الوقت تديله فرصه بس تعلميه درس انه ميتجرأش يعمل كدا تاني
چوليا بدموع:انا اسفه والله كان غصب عني ووجعني ان سفيان كان واثق فياا سفيان اداني الثقه وحتى مبصش في الورق مع انه عمره موثق في حد غير مرتضى
نهلة بشرود:هو فعلآ مبيثقش في حد

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

سفيان: نعم...
مرتضى: انا اعترفت اني بحبها ايواا بس متنساش هي متجوزه وانا... انا صعب اتجوزها
سفيان: نعمم؟
مرتضى: سفياان كلمني زي مبكلمك ايه اللي نعممم نعمم
سفيان: شايف ان كلامك دا كلام حد عاقل
مرتضى: خلينا في المهم فاكر البت ساميه اللي كانت هتموت عليك.
سفيان بقرف: ااه مالها دي
مرتضى: دراع خاطر اليمين
سفيان: وبعدين منا بتهبب بوقعها
مرتضى غمزله: كلمه على نظره على لمسه والبت تدوب وتحكيلك ووقتها نوقع الزباله اللي احنا متأكدين انهم وراه اختفائهم وظهوره الحكايه مكشوفه يا سفيان
سفيان: تبقى اهبل لو فكرت اني اخون نهلة يا مرتضى مش نهلة اللي تتخان
الباب خبط مرتضى فتح
صهيب دخل وعلامات الضيق على وجهه والدموع بتلمع في عينه
سفيان: انت هنا؟
صهيب بعصبيه: انا طول عمري معاك وجنبك فكرك هفضل هناك هاا
مرتضى: اهدى انت بتكلمه كدا ليه
صهيب: ملكش دعوه انت بص يا فرعون انا رئيس حرسك وسواقك سكرتيرك الخاص في الشغل وادرى واحد بيك وانا مش هسيبك حتى لو هدور انا وانت نشحت... ه... هبقى حارسك وسندك
سفيان ضحك: بعيدآ عن نشحت انا موصلتش للمرحلة دي بردو بس اول مره احس ان حواليا ناس بيحبوني كدا
صهيب حضنه: انا هموته مش هسكت
سفيان: تفتكر مكنتش قادر اعمل كدا؟؟
مرتضى ابتسم بثقه: الموت بالنسبه لسفيان رحمه وفرعون مبيرحمش يا صهيب..

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

شاكر: انتي مش هتعملي حاجه ناكلها ولا ايه انا سايبك بقالي شويه اقول ابوها لسه ميت والبت حزينه بس انتي زودتيها اووي يا حبيبتي زودتيها اووي يا روحي
هدى بقرف: لا حنين
شاكر سحب شعرها بعنف وبص لوشها: احنا هنتعلم نخرب ولا ايه
هدى زأته: انا مش هسمحلك تتعدى حدودك اكتر من كدا انا هدى الحسيني اللي غصب عنك هتبعد عنها
شاكر قرب: تؤتؤ كدا غلط غلط كبير يا دودو
الباب خبط وهدى جريت عدلت طرحتها وفتحت
ياسر:السلام عليكم الحجه مرات الحج يحيى جايه تباركلكم
شاكر ابتسم ابتسامه صفرا:اهلآ وسهلآ اتفضلوا
ياسر ابتسم بتحفظ لهدى ودخل مع سماح مرات يحيى
هدى:هجيب حاجه تشربوها
المحامي جه وشاكر الغل ماليه وهدى جات:مين جه يا شاكر
شاكر بغل بيداريه وهو بيجز على سنانه:دا صاحبي يا حبيبتي هروح معاه شويه وجاي
مشي وهي اتنهدت بعمق كأن هم وانزاح
ياسر: مدام هدى ممكن تفهمينا في ايه
هدى بدموع: انا خايفه لما يرجع وقتها مش هيرحمني
ياسر بإنفعال: هو فاكر انك ملقيش حد ولا ايه لا يبقى غلطان
هدى بوجع: راح اللي كان ليا
سماح: يا حبيبتي كلنا معاكي هو بيضايقك طيب؟
هدى: دا لا يمكن يكون انسان دا حيوان عديم الدم عديم الشعور والرحمه مبيبطلش ضرب فيا نظراته ليا مخيفه احنا صح اتكتب كتابنا بس انا من بعد مبابا مات هو اتحول دا عايزني اتنازل عن حق ابويا ليه وبياخد فلوس كتير مني مش عارفه بيوديها فين انا مش مرتحاله حتى اهلو مظهروش من بعد العزا
ياسر: انتي ملكيش قعاد هنا يا هدى
سماح: ياسر كلامه صح انتي هتيجي معانا ورزقك ورزقنا على الله وعمك يحيى هيفرح اوي وكمان تقعدي مع لمى تسليها انتي عارفه يا حبت عيني وحيده
هدى بتردد: بس.. ا.. اصل...
سماح: مبسش يا حبيبتي والله متقلقيش
هدي عيطت: انا خايفه هو مش هيسيبني ولا هيسيبكوا انا واثقه دا شكله مش سهل هو بيتعامل معايا بغل كأني قتلاله قتيل
سماح: حبيبتي متأخذنيش بس عايزة اعرف هو قربلك... يعني..
هدى بصت لياسر
ياسر مش باصصلها بس مستني يسمعها
هدى: لا يا عمتي انا بكرهه انا بكرهه بجد
ياسر حس بأمل جواه انها ممكن تفكر فيه بس اتمالك شعوره وغصب عنه ظهرت ابتسامه شارده على شفته

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

مرتضى:هتفضلي ساكته كتير.؟
چوليا:ملكش دعوة بيا
مرتضى:يا بنتي بطلي تناكه بقالي ساعه بتحايل عليكي
چوليا:سفياان
سفيان:امممم
چوليا:خلي الحيوان دا يبطل ويسكت وميتكلمش معايا ويسيبني اسافر
سفيان:بس يا حيوان متتكلمش معاها
مرتضى بغيظ:يا عمي انت معاهم معاهم عليهم عليهم
نهلة ضحكت
مرتضى:وحيات عيالك يا قمر انتي قولي حاجه
سفيان:قمر لما يتدب فوق دماغك متلم نفسك يا زفت
مرتضى:يا عم ايه اهدى دي اختي
سفيان:اختك في عينك متخلنيش انكد عليك ايه اختي دي
صهيب :اسكت بقاا احنا اسفين يا مدام نهلة
سفيان رفع حاجبه:الأحسن تسكت انت كمان متتكلمش معاها..ااوووووف انتوا خنقتوني بقاا غورو من هنا
مرتضى سحب چوليا:يلاا بينا
سفيان سحبها:ايييه يبني انت هي زريبه ولا ايه هي هتفضل هنا انت هتروح فين اصلآ
صهيب: على شقته
سفيان: ايه!!
مرتضى: صهيب نضفها ومصمم نبات فيها
چوليا قلبها دق جامد وبصتله
مرتضى ابتسم بأمان: صهيب هيبات معانا
چوليا: وانا مسألتكش يكش تولع
مرتضى: ربنا يصبرني عليكي وعلى طوله لسانك هه يا تربية برا انتي والله اقطع دراعي لو كنتي متعلمة حاجة من برا
چوليا بصتله بقرف واتريقت على كلامه بهمهمة
جه يمشي رجع وهمس لسفيان: متنساش تكلم المزة علشان خاطري بس خلينا نخلص واوعدك هتجوز الغلبانه ام لسان عايز قطعه
سفيان ضحك بغيظ: غور بقاا
مشيو وچوليا بصت لسفيان
سفيان: نهلتي عرفيها هتنام فين
نهلة خدتها لأوضة فارس القديمة
چوليا: قولي لسفيان يسامحني وميزعلش مني
نهلة: هو مش زعلان منك وانتي متحطيش حاجه ف دماغك.
چوليا هزت راسها بإيجاب وحزن
نهلة خرجت ملقتش سفيان جات تدخل الأوضه سمعته بيتكلم في التليفون وغصب عنها وقفت
سفيان بنبرة حب: تفتكري هتهوني عليا تؤتؤ سفيان مش قاسي كدا
سامية ضحكت بدلع: طب انت مش هتيجي بقاا اشوفك اصلك وحشني اوي
سفيان اتنهد بقرف واتمالك اعصابه: انتي وحشتيني اكتر يا حبيبتي لا طبعا هشوفك وقريب اوووي
ساميه بدلع ورقه: بجد يا فرعون وحشتك اووي كدا انا سمعت انك اتجوزت
سفيان: اتجوزت!! دا انا حتى معملتش فرح وانتي تصدقي اني... يعجبني غيرك دا اي كلام واحدة عجبتني دماغها ناشفه مكنش في حل غير اني اتجوزها اتفقنا بقاا هكلمك بكرا علشان اشوفك يا موزتي
قفل ونهلة كانت متسمرة بصدمه وراه
سفيان لف واتصدم بيها: نهلة!!!!!

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

شاكر دخل البيت ملقهاش دخل الأوضه لقاها واخده هدومها: يا بنت ال..... بقى انا تلعبي بيا وربنا لتندمي
خرج راح عند ياسر
ياسر بقرف: افندم نعم
شاكر: متتكلم عدل فين هدى
ياسر بغل: وانت مال اهلك
شاكر ضحك: شكلك متعرفش بتتعامل مع مين لا فوق كدا واصحى بدل مدفنك في شقتك
ياسر: متقدرش وانا مش هسيبهالك هي تستاهل كل خير وانت بني ادم قذر وزباله
شاكر ضحك بإستفزاز ولاحظ مدافعه ياسر عليها: إن جيت للحق ااه تستاهل كل خير عليها عيون وجمال ولا شفايف دي بندوقه يبني
ياسر ضربه بغل وزأه برا:ورحمه اهلي واهلها لو مبعدتش عنها هتندم يا زباله انت
قفل الباب وشاكر وقف وابتسم بغل:لا جدع بس انت اللي اعلنت موتك وشاكر مبيهزرش

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

عاصم قاعد في المكتب بحزن
نور الدين دخل:ايه الشغل اتعقد معاك تاني
عاصم:لا والله يا بابا مخنوق من اللي بيحصل شاكر مش عارف هو ناوي على ايه بفكر هعمل ايه عشان اكيد هيعمل مصيبه
نور الدين:متنساش ان
عاصم قاطعه:غلطي هو غلطي عارف اني معرفتش اربي واني غلطت
نور: ابنك حاول ترجعوا قبل معنده يوديه طريق اكيد هيندم عليه

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

سفيان قرب وقف قدامها:نهلة
نهلة كانت بصاله بصدمه والدموع في عينها
سفيان:حبيبتي....انتي وقفة من امتى
نهلة اتنهدت:لسه جايه
سفيان بصلها بإستغراب
نهلة:صعبان عليا چوليا وحاسه انها تايهه...
سفيان حضنها بس هو حس انها سمعته بس لو سمعته اكيد مش هتتصرف بالهدوء دا
نهلة بعدت:هشوف نهلة واياد.
دخلت الاوضه عند نهلة واياد وقفلتها ودموعها انسابت بصدمه وصمت وهي مش مصدقه ان سفيان بيخونها وعماله تحاول تلاقي مخرج للي هي فيه بس مفيش هي سمعته
سفيان خبط على الباب
نهلة مسحت دموعها بسرعه وفتحت
سفيان كان واقف مش عارف يقول ايه لو سمعته عايز يبرر ليها ويفهمها بس لو لا هو مش عايز يعرفها حاجه عشان غيرتها عليه
نهلة:ايه
سفيان:هاتيهم وتعالي اوضتنا
نهلة شالتهم وراحت حطيتهم في السرير الصغير
سفيان نام على السرير وهي خدت كتاب وقعدت جنبه وهو سحبها في حضنه:لا لا مش وقته قرائه انا هموت وانام وبصراحه مبعرفش انام غير في حضنك
نهلة كانت ساكته وبصاله
سفيان حضانها وهي ثابته زي مهي :مالك بقاا اول مرة اخدك في حضني تبقي جامده كدا ومتحضنيش
نهلة غمضت عينها
سفيان بصلها وباس جبينها:تصبحي على كل حاجة حلوة
نهلة شارده في الكلام اللي قاله مش قادرة تستوعب سفيان ممكن يخونها معقول اتغصب على الخلفه لما عرف انها حامل بس ازاي ومشاعره كانت بتلقائيه وكانت بتشوف نظره الحب دايما في عينه معقول كانت بتتخيل.... الشيطان عمال يلعب بدماغها لحد مقررت تمشي وراه

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

مرتضى اول مدخل الشقه كانت مترتبه مفيش اثار دم ولا كأن في حاجه حصلت
صهيب حط ايده على كتفه: يلا ادخل ارتاح
مرتضى: حاسس انها هنا موجوده هنا
صهيب: انت لازم تبقى اوي وتتخطى اللي فات يا مرتضى
مرتضى دخل الأوضه وقعد على السرير بيفتكر التفاصيل بتاع يوم قتلها بيفتكر لما كانت تخبط عليه عايزة تنام في حضنه الم قلبه رجع من جديد الدموع انسابت من عيونه: اااه الفراق صعب اوي... وانا مش هنساكي انا عارف اني غلطت في حقك لما حبيتها لما انجذبت لچوليا بس سامحيني كان غصب عني يا قلبي والله عمري مهنساكي عمرك مهتبقي فترة في حياتي

#رواية_الأسيرة ♡بقلم/ندى محسن♕Noody♕
متابعه لصفحتي 👈 Nada Mohsen

سفيان صحي ملقهاش زي مهو متعود خرج لقاها داخله البيت
نهلة ابتسمت: صباح الخير
سفيان: صباح النور كنتي فين؟؟
نهلة: كنت بجيب فطار
سفيان: ومقولتليش ليه ولا هو كويس الف عليكي
نهلة: الواضح انك لسه صاحي وكمان تلف عليا ليه اصلا ... اه.. علشان الولاد علشان اكيد مش هتتحملهم
سفيان: نهلة.؟؟
نهلة: انا جعانه وعايزة اكل قبل ميصحوا عشان اعرف ءأكلهم ممكن
دخلت حضرت الاكل
سفيان اتنهد مش عارف يعمل ايه بس شاف ان الأحسن يتجاهل
چوليا: تسلم ايدك يا نونو
نهلة: الله يسلمك
سفيان: ورايا مشوار مش هتأخر
خرج ونهلة مسكت في ايد چوليا وهي بتتكلم بسرعه : خلي بالك من اياد ونهلة لحد مرجع چوليا اوعي تسيبيهم
چوليا: طب على فين
نهلة مشيت بسرعه ووقفت تاكسي: بسرعه ورا العربيه اللي قدام دي بالله عليك يا عمي حاول تلحقها بس من غير متحس
: ليه!
نهلة: جوزي... هو واخد عيالي مني وانا هموت واعرف مكانهم
: لا حول ولاقوة الابالله حاضر يا بنتي
سفيان وصل عند عماره فاخمه وطلع ونهلة نزلت: عمي معلش بالله عليك استناني يمكن يديهملي وانزل بيهم
: متخافيش يا بنتي
نهلة مستنيه الأسانسير وشافته طلع للدور ال20
ركبت الأسانسير وايدها بدأت تترعش ومش قادرة تسيطر على نفسها قلبها بيدق جامد فضلت شويه متردده يمكن تكون غلطانه ووقتها هو مش هيسامحها على شكها فيه بس افتكرت المكالمه و جت تخبط لقت الباب مش مقفول كويس دخلت بهدوء لحد مشافت واحدة قاعده على رجله في حضنه وبتضحك وتدلع عليه نهلة الدموع والصدمه سيطرو على وشها وسفيان شافها اتنفض ووقف قدامها بصدمه:نهلة!!
نهلة بصت لساميه اللي بتبصلها بقرف
سفيان:حبيبتي نهلة....
نهلة ضربته بالألم وبصتله باصه خذلان ووجع نزلت جري وهو حاطت ايده على وشه بصدمه بيلعن في نفسه على تهوره دا
ساميه: هي دي مراتك احسن انها شافتنا يمكن تحس على دمها وتبعد
سفيان بصراخ: اخرررسسسسي دي انتي اياكي تفكري تنطقي اسمها على لسانك الزفر دا
جري على تحت لقاها مشيت بالتاكسي ملحقهاش
نهلة منهارة في العياط
: اهدى يا بنتي مالك بس طيب عايزة تروحي على فين
نهلة بصت بصدمه وحطت ايدها على قلبها: ولادي لا لا مش هسيبهم انا انا لازم اخودهم هو.... هو اتغصب عليا علشانهم علشان ...والا كان طلقني بعد مكسرني... عمي لو سمحت وديني ******
راحت على البيت ودخلت بسرعه
چوليا: حبيبتي مالك نهلة؟
نهلة: فين هما
چوليا: نهلة واياد جوا
نهلة جريت على الأوضه خدت بطانيه حطت فيها اياد وبطنيه حطت فيها نهلة وبسرعه شالتهم وقبل متطلع سمعت سفيان
چوليا: ايه نهلة جوا
نهلة قفلت الباب بالمفتاح وهي جوا
سفيان خبط: نهلة حبيبتي نهلة بس اسمعيني
نهلة دموعها نزلت: مش عايزه اشوفك امشي بقاا من هنا امشي من وشي وخليني امشي
سفيان اتنهد بوجع: نهلة حبيبتي يعني مش عايزة تشوفيني اهون عليكي يا نهلتي
نهلة بعصبيه: اشمعنا انا هنت عليك انا اخر حاجة اتوقعها منك الخيانه يا سفيان اخر حاجه؟...انا متوقعتهاش اصلا
سفيان: طيب ممكن تفتحي
چوليا: خيانه؟؟!
سفيان: والهي يا نهلة كانت خطه مش اكتر علشان هي شغاله مع خاطر
نهلة: العب غيرها يا سفيان انا عرفت انت معايا ليه بس ازاي قدرت تمثل في مشاعرك للدرجه دي ازااااي
سفيان:يا حبيبتي بالله عليكي افتحي وبلاش تتسرعي نهلة
نهلة:لا لا مش هفتح
سفيان:انا قادر اكسره افتحي احسن
مرتضى دخل:الله صوتك جايب لأخر الدنيا في ايه اهدى كدا يا سيفو متعصب ليه
چوليا:يا برودك احنا في ايه وانت في ايه يا برودك فعلاً
سفيان_________

🌸الى اللقاء في خلقة اخرى🌸

#اشوفكوا_بكرا
متابعه لصفحتي الشخصيه👈Nada mohsen

يلااا اللي لسه منضمش لجروب الفيس الخاص بتاعي ينضم👇

لينك الحلقة على الواتباد👇

اسئله الحلقة:-
شاكر هيعمل ايه وممكن يرجع هدى؟!چوليا هتسامح مرتضى وهل ممكن يتجوزها ولا على موقفه؟!سفيان هيتصرف ازاي مع نهلة ومرتضى ؟!

#نووووودي