رواية ♡الأسيرة 1♡ للكاتبة/ندى محسن♕Noody♕ الفصل الرابع والعشرون 24 - بقلم الكاتبة ندى محسن

♡الأسيرة♡

الحلقة 23
بقلم/ندى محسن ♕Noody♕
#رواية_الأسيرة

چوليا:اه...مضيته
خاطر:شطوره يا قلبي قابليني بقاا دلوقتي انا تحت البيت
چوليا:بيت ايه
خاطر:قصر ارسلان يا حبيبتي انزلي بقى بسرعه وقابليني ورا القصر قبل محد يدي خبر لفرعون
چوليا نزلت بسرعه واتأكدت ان مفيش حد شايفها

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

سفيان عمال يبوس في نهلة بنته ببطئ وحنيه بيمشي ايده على شعرها  :حبيبت قلب بابا العسل الصغيره بتاعتي يا روح قلبي انتي
اياد عيط
سفيان ابتسم وشاله وباسه:صحيت ياا انتم شكلكم جاعنين بس مش لازم نقلق مامي بقاا هاا
نهلة اتكلمت بنعاس:مامي صحيت هاتهم
سفيان ابتسم:صباح الورد والفل والياسمين يا حلو انت
نهلة ضحكت:هاتهم والا هنام واكلهم انت بمعرفتك بقى
سفيان ضحك:طب خدي خدي انا غلطان انتي ملكيش في الرومانسيه
نهلة خدتهم:طب قرب بس
سفيان قرب:نعم
نهلة طبعت بوسه طويله على خده:انا معرفش اعيش من غير كلامك الحلو دا يا سفياني يا فرعون قلبي
سفيان ابتسم:ايوا بقى بعشق كلامك الحلو انا دا
نهلة ضحكت
سفيان قرب:هاتي بوسه بقاا
نهلة بعدت وضحكت:هاا امشي بقاا يا سفيان عايزة ءأكلهم الله
سفيان بخبث:ماشي ماشي ليكي يوم يا نهولتي
نهلة ضحكت على شكله:طيب امشي الله يسهلك

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

خاطر:حبيبت قلبي
چوليا بتتلفت:فين مرتضى فين هو
خاطر مسك وشها بلطف وهمس جنب ودنها:فين الورق يا حبيبتي مش حلو اتعصب هاا
چوليا:فين مرتضى رد فين هو
خاطر سحب منها الورق وقرب يبوسها:شكرآ
چوليا زأته:فين هو
خاطر بغل:هو ابن ال.... عمل ايه علشان تحبيه كدا هااا
چوليا افتكرت مد ايده عليها وبحزن:معملش حاجه بس انا اللي مشاعري غبيه رجعه يا خاطر ويا ريت تسيبهم في حالهم حرام عليك كفايه
سابته ومشيت وهو مشي ومخدوش بالهم من الكاميرا اللي كانت بتصورهم.....

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

شاكر دخل لقاها قاعده مكانها في الأرض بتتنفس بصعوبه فأبتسم
هدى شافته وقفت وهي بتحاول تبقى قويه ومتبينش ضعفها قدامه وشفتها بتنزف وضربه معلم على جسمها
شاكر:فوقتي امتى انا قولت هتغوري وتريحيني
هدى:انا هرفع عليكي قضيه وهبهدلك فاهم يا يا شاكر..
شاكر ضحك بغل:شكلك محرمتيش ها لسه محرمتيش يا حلوة صح طب اجرب طريقه تاني
سحبها بيحاول يبوسها بغل وهي بتحاول تبعد وهو بعد شويه وشافها بتعيط بقهر فهمس:لما تبقي ملكي وقتها هكسرك ومش هتعرفي تتكلمي معايا هتتنازلي عن كل حاجه
هدى بخفوت وخوف وهي بتعيط:هتسيبني لو...لو مضتلك.....لو اتنازلت هتسيبني امشي....و...وتطلقني
شاكر همسلها:اسيبك دا مستحيل يا حبيبتي لكن هرحمك شويه ها هرحمك وبكدا اكون كرمتك ورحمتك علشان انتي وقعتي في ايد اللي مبيرحمش قولت ايه بقاا يا هدهود
هدى بتحاول تبعد وهو بغل شد طرحتها قطعها وهو بيقطع هدومها بغل صوتت ومسكت ايده وضربته بالألم:شاااااكر كفاااااية
شاكر بصلها وافتكر نهلة وغله زاد وهي بعدت بخوف
هدى: ه.. همضي بس بالله عليك ابعد عني
شاكر ابتسم بغل ومسك شعرها: المحامي جاي بكراا بكراا فاهمه تبقي حلوة وتستقبليه كدا وتمضي بهدوأ ها
هدى:حاضر بس ابعد عني بالله عليك
شاكر سابها وابتسم وهي جريت على اوضتها قفلت الباب وهو بخبث:انا هاخد كل حاجه منك وبردو مش سايبك حد يبقى قدامه حتت شيكولاته وميكولهاش دا حتى يبقى عيب في حقي بس اسيبك لحد متمضي علشان وقتها تبقي تحت امري واعلمك ازاي ترفعي ايدك عليا يا بنت الحسيني

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

يحيى:خلاص يبني فك بقاااا
ياسر:انا كنت بحبها اوي يا عم يحيى دا انا كان كل همي اجيب تمن الشقه اجيب تمن المهر اعرف اسعدها وفي يوم وليله اتجوزت واتجوزت مين شاكر....هدى تتجوز شاكر...ازاي..دا مفيش اي تشابه بينهم ازاي وافقت انا هاين عليا اكسر عليهم الباب واقوله دي بتعتي بس.....بس مينفعش
يحيى:انت ابن اصول يبني وجدع ربنا هيعوضك باللي شبهك
يحيى بضيق:عارف اني مكلمتهاش ولا مره بس كان نفسي اكلمها في الحلال اكلمها في وجود ابوها والناس بتباركلنا كنت واثق انها هتحبني لأني مكنتش هأذيها كنت بس بعمل كل حاجه علشانها انت عارف ان عم محمد هو اللي كان بيصرف عليا ومربيني وانا اشتغلت علشان احافظ بس عليها دلوقتي انا هرجع الفلوس دي الفلوس بتاعت الشقه والمهر انا هوديهالها
يحيى:يبني دي من تعبك وهي بسم الله ماشاء الله مش محتجاهم
ياسر:الفلوس دي كانت على اسمها يحرم على حد غيرها يتمتع بيها يا عم يحيى بكرا هروحلها ربنا يرحمك يا عم محمد
يحيى:معرفتش مين اللي خبطه بالعربية؟
ياسر:لا ولا حد هيلقيه يا عم يحيى باين عليه ابن حرام نهايته هتكل انا على الله
يحيى:ربنا يراضيك يا رب انت عارفه وعالم بحاله راضيه يا رب
ياسر مشي بضيق وهمس:انا حافظت عليها علشان حبنا يكبر في الحلال ومش ندمان وهصبر لحكمك يا رب علشان انا حبي ليها اكبر من انه يتمحي وزي مفضلت محتفظ بيه السنين اللي فاتت لنفسي انا هفضل دافنه جوا قلبي السنين اللي حاجه يا رب صبرني

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

چوليا بتكلم خاطر في التليفون:فين مرتضى ليه لسه مرجعش ها من بدري عمال تتوه فين هو والا يا خاطر انا هقلب كل حاجه عليك لو..
قاطع كلامها صويت عليا اللي هز البيت:مرتضى...ابني
چوليا رمت التليفون وجريت على تحت لقت صهيب شايله وحطه على الكنبه وهو بينزف وبيتنفس بصعوبه وهي جريت عليه بلهفه ودموع:مرتضى...مرتضى....فوق مرتضى صهيب اطلبله دكتور اطلب الأسعاف اعمل حاااااجة
صهيب:رفض....
چوليا بصتله بإستغراب:يعني ايه
سفيان نزل جري ووراه نهلة:في ايه
اتسمر مكانه لما شاف حالته وبعصبيه:ايه دا وانت يا لطخ انت كلم الدكتور بسرعه يجي على طول
نهلة خدت مناديل كتير وحطتها على دماغه اللي بتنزف من قدام
سفيان خد منها المناديل وبيكتم الدم
چوليا حاطه ايدها على وشها بإنهيار وبتعيط
كارمن حضنتها بدموع:بس بس اهدي
سفيان بعصبيه:محد يفهمني ايه اللي حصل ومين اتجرأ يلمسه اصلآ
صهيب:معرفش لقيته عند الباب الخلفي من ورا القصر وانا راجع من الشركه وعرفت انه مجاش
سفيان:كان هنا الصبح ايه اللي خرجك
مرتضى بصله:انا.....
سفيان:بس بس اسكت متجهدش نفسك
نهلة بتهدي چوليا اللي كانت منهارة
الدكتور وصل وعالج جروحه واداله منوم:هو لازم يرتاح ولو تعب ولا حصله اي مضاعفات لازم يتنقل على المستشفى
مشي وسفيان قعد جمبه بعد منقلوه في اوضته
نهلة باصه لسفيان اللي بيبص لمرتضى وملامحه بتتحول للغضب وغضبه عمال يزيد  قام طلع على برا ونهلة خافت عليه طلعت وراه ومسكته:سفيان
سفيان غصب عنه زأها وهي راسها اتخبطت في السور:ااه سفيان حاسب
سفيان بصلها ومسك وشها بخضه:نهلة يا خبر دي حمراا ممكن تزرق حبيبتي انا مش قولتلك لما ابقى متعصب مش عايزك تقربيلي سيبيني ارزع واكسر بس ابعدي عني خاالص
نهلة حضنته:انا كويسه....سفيان انا مش هسيبك حتى في عز غضبك مينفعش ابعد عنك واسيبك اصلآ
سفيان حضنها بأمان:ولو اذيتك لو طلع غلبي فيكي انا مش عايز ءأذيكي والأحسن تبعدي عني في وقت زي دا
نهلة باست خده:سفياني يأذيني؟؟ لا لا مظنش
سفيان ابتسم:طب خلاص خليكي هنا بقاا يا قلب سفيان وانا
نهلة:مش هسيبك ريح نفسك
سفيان اتنهد:صهيب
صهيب طلع:ايه فاق
سفيان:عايز الكاميرات تتفتح جهز اوضه المكتب وبسرعه بسرعه فاهم
صهيب:كاميرات!!
سفيان:اللي حوالين القصر ركز بقاا
صهيب مشي:حاضر
نهلة:حبيبي انا هروح اطمن عليهم على نهلة واياد
سفيان:انا جاي معاكي

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

مرتضى فاق قعد بألم
چوليا ابتسمت
مرتضى بصلها وسكت
چوليا:انت كويس؟
كارمن:حبيبي ايه اللي حصل.....
صهيب:الكاميرات جاهزه فين سفيان
مرتضى:كاميرات ايه
صهيب اتنهد:اللي حوالين القصر
چوليا افتكرت خاطر واتصدمت ومرتضى لاحظ
سفيان دخل:انت هنا ليه
صهيب:كل حاجه جاهزه
سفيان نزل ومرتضى قام وراه
كارمن:حبيبي انت لسه تعبان استنى يا مرتضى
سفيان:مش هيسمعلك دماغه ناشفه وانا عارفه
دخلوا على المكتب وشغلو الشريط
چوليا دخلت وهي بتحاول تتماسك
سفيان:دا امبارح!!!يعني هما خطفوك من قدام القصر وانت خارج
مرتضى:اه..
سفيان بإنفعال:اومال ازاي اديت الورق لچوليا علشان امضيه الصبح
مرتضى:ورق!!
بص للشاشه شاف خاطر مع چوليا بتديله الورق وهو قرب يبوسها
مرتضى بصلها بصدمه وبص للشاشه لقى خاطر بيشاور لحد ومشي وهنا حراسه رمو مرتضى ومشيو
عليا دخلت:سفيان بيه...الظابط عايزك
سفيان:ظابط!!
خرج وهنا نهلة نزلت
الظابط:بشمهندس سفيان انت لازم تخلي القصر
سفيان:ايه!!!
نهلة بصت بصدمه:ايه
الظابط اداله الورقه:السيد خاطر السيوفي رافع قضيه بأستلام املاكه القصر الشركه والفنادق
سفيان بعصبيه:نعممم! انت اتجننت ولا ايه انت عارف انت بتكلم مين انا سفيان ارسلان المالك الحقيقي
الظابط:انا اسف بس دا القانون انت كتبت كل حاجه بأسم خاطر السيوفي والورقه معاك بكرا هيجي المحضر يتأكد من اخلاء القصر
مشي وسفيان حس الدنيا بتلف بيه رجع خطوات لورا بتوهان وچوليا بدموع:انا اسفه سفيان
مرتضى بعصبيه وصراخ مسك شعرها:ليييه ليييه يا چوليا ليه الخيانه
جوليا زأت ايده وراحت قدام سفيان:سفيان اسمعني بس.....
سفيان بصلها بلوم وعتاب وغموض في نفس الوقت
مرتضى عينه احمرت بدموع وسحب چوليا للمكتب زأها بعنف وقفل الباب
كارمن خبطت على الباب بعنف:افتح مرتضى اسمعها على الأقل
چوليا بدموع:مرتضى انا عمري ملعبت بيك ولا خنتك
مرتضى ضربها بالألم:كفايه بقاا كفايه كدب انتي لعبتي لعبه زباله وقذره زيه وانا اللي.. اللي اتشديتلك انا اللي غلطت في حق علا لما حبيتك
چوليا بصتله بصدمه كانت مستنيه الكلمه دي منه بس مكنتش تتمنى انها تسمعها في الظروف دي
چوليا انهارت في العياط:مرتضى اسمعني على الأقل اديني فرصه
مرتضى خنقها وخبطها في الحيطه:انا بكرهك بكره اليوم اللي شوفتك فيه بكره كل حاجه فيكي يا چوليا انا مش هوسخ ايدي فيكي بس ورحمه علاا لو سفيان حصله حاجه انا هدفنك مكانك
كارمن صوتت:سفيان اعمل حاجه بقاا
سفيان فاق على صوتها من توهانه وبسرعه كسر الباب وسحب مرتضى وچوليا حطت ايدها على رقبتها بتتنفس بصعوبه
كارمن حضانتها
چوليا انهارت اكتر في العياط:انا مستهلش حضنك دا
مرتضى بعصبيه وهو بيقرب:انتي متستهليش الموت بس والله هخليكي تتمنيه ومتشوفيهوش يا زباله
سفيان مسكه بعصبيه:اهدى بقاا اهدى
مرتضى بصله وعينه حمراا والغل مسيطر عليه:انت ايه انت لحد امتى هتفضل كدا انت لحد امتى هتفضل شايل جواك انت عايز تفهمني انك عادي بعد مخسرت تعبك بعد مخسرت تعب ابوك اللي اتسبب في حرمانك من كل حاجه حتى من الحب من الأهل من امك ومن الحنان عايز تفهمني انك طبيعي لحد امتى هتفضل كدا ايه البرووود دا يا اخي ايه البرود اللي انت فيه دااا
سفيان:ممكن تهدى ممكن؟
مرتضى زأه:لا مش ههدى مش هعمل زيك مش هخلي النار اللي جوايا تحرقني زي مبتحرقك يا صاحبي
سفيان اتنهد بعمق
نهلة كانت عينها متعلقه بيه خايفه عليه الصدمه قويه خايفه من هدوءه الزايد
چوليا بدموع:سفيان....
مرتضى ضربها بالألم وشد شعرها بغل:اخرسي اسمه ميتنطقش على لسانك فاهمه
سفيان بصراخ:انت زودتها اوي سيبها ايه انت نسيت اللي يمد ايده على واحده يبقى ايه ميبقاش راجل يا عاقل
چوليا:م..مرتضى
مرتضى زأها:مش عايز اشوف وشك
چوليا وقفت قدام سفيان وكانت راسها من قدام وشفتها بتنزف:س..سفيان والله كان غصب عني...خاطر خطف مرتضى..وانا مع كارمن في الأوضه كلمني و..وهددني وبعتلي فيديو ليه وهما بيضربوه جامد وخاطر مبيهزرش خاطر الغل كان مسيطر عليه وكان هيموته وقالي امضيك على ورقه فاضيه وهو هيسيبه بس والهي يا سفيان انا متخيلتش انها توصل بيه للدرجه دي والهي مكنش قصدي انا فكرت انك كنت هتعمل نفس الشيئ علشانه سامحني بالله عليك
سفيان ابتسم بحزن:بعد اللي حصل واللي فات يا چوليا عقلي رافض انك تغلطي ولحد الأن انا مش مقتنع انك تخوني وانا مش زعلان علشان اسامحك
مرتضى لوى دراعها بغل:وانتي فكراني هصدق يا بت انتي
چوليا زأته:ابعد عني بقااا انت بني ادم مريض
مرتضى ضربها برجله بغل وهي وقعت واتخبطت في الكرسي جامد
سفيان لكم مرتضى:انت اتجننت بطل بقى
كارمن دموعها مغرقه وشها:مرتضى انت ايه اللي هببته دا
چوليا قعدت بدموع وفي اللحظه دي حست ان ملهاش حد ولا ليها دهر وكان اصعب حاجه ممكن تحسها طول عمرها مقتنعه انها بخير لوحدها انها چوليا القويه بس لا هي غلطانه مهما كان هي محتاجه سند....
كارمن:انتي...انتي لازم تروحي المستشفى
چوليا وقفت بألم بتحاول تداريه ووقفت قدام نهلة
نهلة بصتلها والدموع مغرقه وشها
چوليا حطت ايدها على وش نهلة وهي بتترعش:ك...كنتي احسن صديقه...ولعلمك...اول صديقه ليا....هتوحشيني يا..نهلة
نهلة حضنتها وهي منهاره في العياط
سفيان:چوليا....
چوليا بعدت مسحت دموعها:انا كويسه.....هسافر...و...وهحاول اصلح كل حاجه......متقلقش.....
كارمن:وهتسيبينا يا چولي...
چوليا بصت لمرتضى بدموع ونظره عتاب ووجع:انتو اللي سيبتوني...
مشيت بوجع والم
سفيان قعد
مرتضى:سفيان
سفيان:هششش مش عايز كلمه ولو هي حصلها حاجه انا مش هسامحك يا مرتضى
مرتضى طلع اوضته بيكسر اي حاجه قدامه وكارمن وراه بتحاول تهديه
نهلة قعدت قدام سفيان:حبيبي....
سفيان اتنهد وباس ايدها
نهلة بتماسك:كل حاجة هتتحسن صح
سفيان ابتسم بحزن وباس ايدها:كله هيبقى كويس اكيد اوعدك كله هيبقى تمام....دلوقتي هاتي نهلة واياد
نهلة:ح..حاضر
طلعت وانفجرت في العياط بعد مكانت بتحاول تتماسك علشان سفيان
عليا حطت ايدها على كتفه:حبيبي..
سفيان ابتسم وهو باصص قدامه:لما بابا كان يضربني كنتي تاخديني في حضنك لما امي سابتني كان حضنك هو الملجأ الوحيد ودلوقتي انا خسرت كل حاجه يا ترى ملجأي لسه موجود
عليا:وهيفضل دايمآ موجود يا حبيبي انا مخلفتش وانت ابني اللي بحبه
سفيان وقف حضانها وسمح لدموعه تنساب:انا خسرت كل حاجه فرعون وقع يا دادة
عليا حاوطت وشه وباست دماغه:انا كان عندي دايمآ ثقه وايمان فيك يا حبيبي في سفيان حتى لو فرعون وقع حبيبي سفيان لسه موجود ابني اللي دايمآ كان قوي
سفيان:حاسس اني متكتف كل حاجه راحت بسهوله مني هو انا كنت ضعيف كدا!!انا خسرت كل حاجه
عليا:ابدآ انت عمرك مكنت ضعيف ومين قال انك خسرت كل حاجه
سفيان بصلها وهي ابتسمت على نظرته عينه زرقه اللي بتلمع بسبب الدموع كأنه طفل: ازاي مخسرتش كل حاجه 
عليا: عندي سؤال
سفيان منتبهلها
عليا: لو خيروك تفقد حد من عيالك بعد الشر نهلة او اياد ولا تخسر كل حاجه  هتختار ايه
سفيان اتنفض: لا طبعآ اخسر كل حاجة  دول حياتي وبعدين ازاي هخسر كل حاجة وهما بالنسبالي كل حاجة
عليا ربعت ايدها بثقه: ها تفتكر انك دلوقتي خسرت كل حاجه
سفيان ابتسم من وسط دموعه وجري على فوق
نهلة كانت لمت الهدوم في الشنط
سفيان دخل وهي ابتسمت بحنان وهو حضنها بدموع: احنا هنمشي من هنا
نهلة:وانا معاك
سفيان وهو خانق قلبه وعايز يتطمن:هوديكي عند اهلك عقبال مكل حاجه ترجع تمام
نهلة بصتله بصدمه:ايه
سفيان:ايوا...
نهلة بعصبيه:انت فاكر ايه ميغور كل حاجه انا مش عايزة غيرك يا سفيان يعني ايه تسيبني بسهوله كدا سهل تسيبني انا وولادك؟؟ انت مش بتقول روحك فينا
سفيان باسها وحضنها:وانا مش هتخلى عنكوا يا قلب سفيان
نهلة باست دماغك وحضنته:وانا معاك دايما ومتأكده ان سفياني هيرجع كل حاجة وهيحل كل حاجة
سفيان:هنمشي
نهلة هزت راسها بإيجاب

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

مرتضى ماشي بضيق مش عارف هو رايح فين هو بس عايز يبقى لوحده عايز يرتب افكاره بيسأل نفسه چوليا دا كلامها صح يعني عملت كدا علشانه...طب هو ليه عمل كدا علشان الورق فعلآ ولا علشان حقيقه خايف يواجهها دماغه هتموته من التفكير وهنا سمع صوت عياط اتلفت وهنا شاف چوليا قاعده على سور حديقه قصير وبتعيط وضهرها ليه لام نفسه يعني لو كانت كذابه وغلطانه مكنتش هتقعد هنا اقل حاجة كانت هتروح لخاطر قرب ونط قعد جنبها وهي اتخضت وقامت بسرعه
مرتضى:بقيت مخيف!
چوليا بصتله ومسحت دموعها ومشيت
مرتضى بتلقائيه سحبها
چوليا بصتله وبصت لأيده:انت عايز ايه انا معملتش حاجة ودي الحقيقه وانا هسافر ولو عجزت انا مستعدة اكتب كل حاجه ملكي بأسم سفيان
مرتضى:انتي بتنزفي
چوليا بصتله
مرتضى طلع منديل ومسح الدم اللي موجود على راسها وهو بيكتم الجرح
چوليا اتألمت وبعدت:انت بتحاول تعمل ايه هاا بتحاول تصلح ايه فاكر اني هسامحك انا خلاص انا دلوقتي كرهتك انت متفرقش عن خاطر حاجة وانت عارف انا بعدت عنه ليه
مرتضى حضنها وهو بيطبطب عليها:انا حيوان وغلط وانتي كنتي دايما الحنينة
چوليا:كلامك دا كان هيفرق كتير بس دلوقتي خلاص مبقاش يفرق يا مرتضى...
مرتضى:انا حسيت اني غبي لما...لما سفيان نفسه مشكش فيكي بس انا كنت بحارب نفسي كان لازم تعرفي اني انا بضربك والأذى كان لقلبي انا اضعاف
چوليا بعدت:مفيش حاجة هتتغير يا مرتضى فلو لسه في بينا حاجة حلوة او شويه احترام ابعد عني ومتورنيش وشك تاني بكرا انا هسيب البلد ومش راجعه وقتها ارتاح
مشيت وهو اتجمد مكانه

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

عليا:على فين يا حبيبي
سفيان:هتروحي عند دادة رحمه ودادة سعاد متخافيش عليا انا هصلح كل حاجه
عليا ابتسمت وباست دماغه ومشيت وهو شال الشنط وبص لنهلة
نهلة كانت حاطه نهلة بنتها واياد في عربيه الأطفال وابتسامتله بحنان
سفيان مشي وخرج بص للقصر وهي لاحظت المه وهو بيفتكر
Flash back
ارسلان:اممم فهمت دلوقتي
سفيان :انا هعيش هنا معاك
ارسلان:اممم بس مش عايز غلط انت عارف انا اخدت قد ايه علشان ابني الأملاك دي املاك ارسلان
سفيان ابتسم:عارف بس خلي بالك انا مش سهل بردو لأن الأملاك دي خدت حنان وشعور الأب مني
ارسلان حاوط كتفه وابتسم بثقه:عندي ثقه غريبه فيك مش لمجرد انك ابني وبس
سفيان:انا هكبرها اكتر امبراطوريه ارسلان
ارسلان ابتسم بثقه:شكلك طالع لأبوك
سفيان ابتسم:مظنش
ارسلان رفع حاجبه
سفيان همس:ابويا اداها عمره بس انا مش هديها اكبر من حجمها
back
نهلة:سفيان
سفيان:مش هديها اكبر من حجمها
بص لنهلة:خليكي واثقه انك انتي وجوز القرود دول حرفيآ كل حاجه بالنسبه ليا
نهلة ضحكت بمناغشه:قروود مش دي حبيبتك خلاص انا كدا مش هغير
سفيان ضحك ومشيو
نهلة:هنروح فين يا سفيان
سفيان غمزلها:مكان حبنا
نهلة ابتسمت:قلب فرعون
سفيان:تؤتؤ مفيش طياره دلوقتي
نهلة:اومال
سفيان:هتعرفي يا قلب فرعون

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

شاكر:عايز فلوس اخلصي
هدى بصت لتحت:انت حقير و..
شاكر:من غير قله ادب فين الفلوس
هدى دخلت جابتله الفلوس ورميتهاله وهو خدها ومشي وهي قعدت تعيط بوجع وقهر:مكنش لازم تسيبني يا بابا مكنش لازم تسيبني لوحدي انت اخترت الشخص الغلط حاسه ان خلاص مليش حد
الباب خبط مسحت دموعها وفتحت
ياسر بتوتر وهو بيلعن تهوره انه جالها
هدى:ياسر
ياسر بصلها:انا جيت اقولك ان عم محمد ليه افضال عليا وانا عايز اردله فلوسه
هدى:انا عارفه كويس ان بابا ملوش فلوس عندك يا ياسر
ياسر اتنهد:دا حقه وانا لازم ارده
هدى شردت:ينفع....ينفع تيجي بكرا
ياسر بصلها باستغراب
هدى ابتسمت بأمل:هات مرات الحج يحيى وتعالى اقعدوا معايا بكرا ممكن
ياسر:ممكن
هدى:بس اوعى تقول لشاكر اني قولتلك دا سر بينا بيني انا وانت
ياسر:انتي كويسه يا هدى
هدى خافت:بكرا هكلمك بس اكيد هتجيبها وتيجي
ياسر:اكيد
هدى ابتسمت:شكرا
ياسر:بعد اذنك
مشي ومش عارف يوصل لحاجة الا انه مش مرتاح .....

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

نهلة بصت لسفيان بصدمه والدموع في عينها
سفيان اتنهد وحاوط وشها:البيت دا انتي اتربيتي فيه والبيت دا اللي بسببه عرفتك يا نهلة البيت دا
نهلة:كنت هتبنيه فندق...
سفيان ابتسم بحنان:تفتكري كان هيهون عليا البيت بأسم باباكي سراج نور الدين
نهلة حضنته بسعاده:انا بحبك اووي يا سفيان انا كان نفسي اكلمك في الموضوع دا بس غصب عني بحاول انساه بس دا احلا مكان ممكن نقعد فيه
سفيان:طبعآ
نهلة بصتله:احلا من القصر
سفيان باس جبينها:عندي احلا من ميت قصر
نهلة ابتسمت:طب يلاا بقاا لازم انضف
سفيان:تؤتؤ الخدامين كل يومين كانوا بيجو ينضفوه وانا كنت مستني الفرصه اللي هقولك فيها بس اهي جات
نهلة ابتسمت ودخلوا وهي سعيده زكرياتها حواليها ايامها مع عيلتها هزار اخواتها حتى خناقتهم
سفيان متابعها بأبتسامه قد ايه هي بسيطه وقد ايه بيفرح لما يشوف ضحكتها وغمازتها اللي بتحلي وشها

#رواية_الأسيرة ♡بقلم/ندى محسن♕Noody♕
متابعه لصفحتي👈 Nada Mohsen

چوليا صحيت على ضوء الشمس في الفندق نزلت دفعت الحساب وراحت على المطار وهنا لقت مرتضى هناك في عربيته
مرتضى نزل:حرام عليكي
چوليا اتجاهلته وهو سحبها اتعصبت:امشي والله هصوت والم عليك المطار كله
مرتضى بمناغشه بيحاول يصالحها:يااااه حتى بالجروح اللي في وشك قمر
چوليا زأته والدموع اتجمعت في عينها:منت مهزأ
مرتضى:اهون عليكي تسيبيني
چوليا لفت:انا هنت عليك!
مرتضى:انا دلوقتي اللي بسئل اهون عليكي
چوليا:ابعد عني يا مرتضى بالله عليك وسيبني في حالي
دخلت ومرتضى وراها وهي بدموع:وبعدين انت ايه بتفرح لما تجرح بتفرح لما تشوفني بعاني كفايه بقاا انا تعبت سيبني في حالي
مرتضى:چوليا انا اسف انا غبي بس انا كنت بعاني وعارف سفيان اكيد بيعاني سفيان مشي من غير ميكلمني ودا اكدلي اني غبي واني بجد غلطان
چوليا:انا مسمحاك وخلاص مش زعلانه بس قعادي معاك مستحيل سلام يا مرتضى دلوقتي مفيش فايده من الكلام خلاص.....
سابته وجريت اختفت بين الموجودين وهو واقف متسمر:لا لا...مش هعمل زي المره اللي فاتت مش هعمل زي المرة اللي فاتت.....مش هسيبها تضيع مني
چوليا قاعده في الطياره منهارة في العياط وفي نفسها:انا مش من حقي حاجه مش من حقي احلم حتى.....خلاص كل شيئ انتهى...
وهنا دخلو ظباط بصو لچوليا:انتي چوليا العميري
چوليا بأستغراب:ايوا في حاجه
الظابط شاور للعساكر خدوها ونزلو
چوليا:ااه انتم مجانين سيبوني
:في ايه يا حضرت الظابط
الظابط:دي مجنونه هربانه من الأمراض العقليه
چوليا بصدمه:امراض عقليه ايه يا بهايم
الظابط:احترمي نفسك خدوها
:علشان كدا كانت بتعيط زي المجانين
چوليا:مجانين ايه يا مجانين انتوا
نزلوها وودوها على المكتب
چوليا:الطياره طلعت انتو بتقولوا ايه
:جوزها برا
الظابط وقف:مرتضى اتفضل
مرتضى دخل:اااه الحمد لله حبيبتي كنت هموت...شكرا جدا لمساعدتكم
:احنا في الخدمه يا مرتضى بيه بس لازم توديها تتعالج
چوليا بصدمه:مين دي اللي تتعالج.
مرتضى شالها:اوعدكم هخليها تحرم وانا بنفسي هعالجها
چوليا بصاله بصدمه مش متوقعه ولا مصدقة اللي بيحصل ولا اللي بيعملوا مرتضى
مرتضى غمزلها ومشي بيها
چوليا بتضربه:سيبنييييئ
مرتضى ابتسم غصب عنه.......

🌸الى اللقاء في حلقة اخرى🌸

#اشوفكوا_بكرا

يلاا اللي لسه معملش متابعه يعمل متابعه لصفحتي بتنزل عليها الحلقة بدري👈 Nada Mohsen

لينك جروبي الخاص على الفيس اللي منضمش يلاا ينضم الجروب بيكبر بيكو👇

لينك الواتباد بتاع الحلقة👇

اسئله الحلقة:-
خاطر خطوته الجايه هتبقى ايه خلاص هيسيب سفيان وممكن يعمل ايه؟!شاكر هينجح انه ياخد املاك هدى؟!ليه هدى طلبت من ياسر يجي؟!سفيان هيعمل ايه؟!چوليا هتسامح مرتضى وايه ردت فعلها على اللي عمله؟!

#نووووودي