رواية ♡الأسيرة 1♡ للكاتبة/ندى محسن♕Noody♕ الفصل السابع عشر 17 - بقلم الكاتبة ندى محسن

♡الأسيرة♡

الحلقة 16
بقلم/ندى محسن ♕Noody♕

سامر: يا بجحتك انا عمري مشوفت كدا انت ايه معندكش دم انت عايز ايه منها مش  كفايه البني ادمه اللي انت بهدلتها وربنا نجاها منك عايز ايه منها
ريفال حست بالأمان ووقفت ورا سامر وهنا شاكر ضحك بصوت عالي وهما استغربو
سامر: وربنا انت مجنون
شاكر: انت مشوفتش جنان وقت الزعل معرفش ابويا فأبعد عني احسنلك يا سامر وبلاش تزعلني منك
سامر: انت فاكرني هخاف من الشويتين دول
شاكر: ريفال كلمه ومش هعيدها تعالي
ريفال مسكت ف سامر
سامر: برا وحذاري تختبر صبري اكتر من كدا يبن عمي
شاكر بص لريفال: بقى كدا الجدع دايما  اللي يضحك ف الأخر
نزل وسامر لف بص لريفال
ريفال ابتسمت: ش.. شكرا  يا ابيه سامر.... انا مكنتش عايزه اروحله انا بجد معرفش مكانها ولو عارفه مكانها مش  هقوله علشان  ميأذيهاش هو كان بيضربها لحد متنزف وبابا وماما مكنوش بيبقوا موجودين بيتعمد يضربها قدامي علشان  يخوفني ومكنتش بقدر اقرب
سامر حضنها: حبيبتي انسي خلاص نهلة لقت الشخص المناسب ومش  اي حد دا فرعون وشاكر مش هيقدر يقربلك واوعي تسمحيله يتطاول عليكي
هنا: بيقول حكم الواد دا وربنا
سامر ضحك: تعالي يا مجنناني
هنا: الا قولولي الواد فارس فين انا دايره البيت كله عليه ملقتهوش
ريفال: هو مجاش معانا لهنا هو قال هيجي بس مش  دلوقتي  معرفش اتأخر ليه دا من بدري قال كدا وانا خايفه عليه

#الأسيرة ♡بقلم/ندى محسن ♕Noody♕

صهيب:حمدلله على السلامه يا بطل
فارس:انا دا كله في المستشفى انا زهقت بقااا عايز اخرج
صهيب:لسه سفيان بيه مداش اوامر
فارس:مش هستنى اخد اوامر من واحد زيه وبعدين انا تقريبآ مش فاهم حاجه وتصرفه دا هو عايز ايه من نهلة واشمعنا هي ليه متكلمش مع حد راجل لراجل لا عايز نهلة!!!
صهيب:نهلة مرات سفيان بيه
فارس بعدم تصديق:ايه انا مش مصدق انت بتقول ايه انت
صهيب اتنهد وبصله:هقولك علشان سفيان بيه ميستهلش تكرهه كدا
فارس ضحك بسخريه:نعم ايه اللي انت هتقوله هيخليني اغير نظري عن فرعون
صهيب اتنهد:هتسمعني للأخر
فارس:منا ليا مين غيرك منا مرزوع معاك اهو لحد مربنا يخلصنا
صهيب:وانا هقولك من اول مكارم كلم سفيان بيه وخوفه من انه ميسمحش لأي حد يغلط فيه والا
فارس قاطعه:كارم مين دا كمان
صهيب:يبني اهدى قولتلك اسمع انت عندك كام سنه
فارس:18 ليه
صهيب:ربنا يهديك يبني اسمع وانت ساكت
فارس:براحه عليا يا عم هي مش نقصاك وانا اللي قولت عليك راجل طيب
صهيب ضحك:طيب امشي ولا ايه يعني
فارس:اتكلم يا باشا مش هقاطعك

#الأسيرة ♡بقلم/ندى محسن ♕Noody♕

نهلة بتتمرجح على المرجيحه اللي زي الكنبه وسفيان فارد جسمه وراسه على رجليها وهي بتلعب ف شعره بحنان
سفيان:تعرفي
نهلة:ايه
سفيان:هتضحكي عليا!
نهلة ابتسمت:تؤتؤ
سفيان:حاسك امي
نهلة ابتسمت:ودا اشمعنا
سفيان:لما كنت اسمع اي حد من العيال اللي كانو معايا في المدرسه يقولو ماما بتحكيلي حدوته ودا امه بتخليه فرحان وهو يحكيلها تفاصيل يومه حاجات صغيره بس انا كنت بغير اوي كنت بتضايق اشمعنا هما وانا عمري مكنت كدا بس في الموضوع دا كنت دايمآ اقول اشمعنا هما وانا لا انا محدش معايا ليه بس دلوقتي وانتي بتلعبي في شعري واحساسي بالدفى معاكي انا حاسك امي حاسس بالأحساس اللي كان بيتحكيلي عنه يا نهلة
نهلة باست جبينه برقه:يا حبيبي ربنا يخليك ليا وانا مش بس مراتك انا امك واختك وابوك انا اهلك كلهم يا سفيان انت اخترتني شريكه حياتك ومعنى كدا انا هشاركك في كل حاجه حتى في مشاعرك
سفيان:ربنا يخليكي ليا يا روحي
نهلة:حبيبي احنا هنرجع امتى
سفيان:زهقتي
نهلة بسرعه:لا ابدآ دي احلا ايام في حيااتي كلها يا سفيان انا مستحيل هزهق بس انا عارفه انك وراك شغل وانت قافل تليفونك حبيبي مش لازم تفتحه على الأقل افرض في حاجه مهمة انت صاحب شركات وفنادق وشغلك كله يعتمد عليك
سفيان:مش عايز افتحه خليني معاكي انتي وبس انا لسه مشبعتش منك يا نهلة لسه مشبعتش من حنيتك
نهلة باست ايده:ربنا يخليك ليا يا سيفو يا احلا سفيان ف العالم
سفيان ابتسم وغمض عينه براحه

#الأسيرة ♡بقلم/ندى محسن ♕Noody♕

مرتضى نزل من عربيته ملقاش البواب دخل المدخل لقاه مقتول وغلقانه ف دمه قلبه وقع دخل بسرعه لقى الشقه مقلوبه وعلا واقعه في الأرض مبتتحركش جري عليها وقلبه بيتنفض من خوفه عليها  وحركها:حبيبتي علا ردي عليا علا حبيبتي
شالها بسرعه ونزل حطها في العربيه وجري بيها على المستشفى ودخل معاها والدكتوره مع الممرضة بتفحصها
مرتضى:هي ليه مبتتحركش ليه نايمه كدا محد يفهمني هي حصلها ايه
الدكتورة:هي واخده مخدر وهو اللي منيمها بس هي كويسه
مرتضى برعشه ف صوته:طب هي هتفوق امتى وكمان دي حامل
الدكتورة:متخافش ممكن علي بليل تفوق وهتبقى بخير وممكن تروح معاك كمان
مرتضى باس ايد علا بخوف:حبيبتي بالله عليكي قومي
وهنا جه تليفون لمرتضى واول مفتح
كارم ضحك بصوت عالي:ايه رأيك بقااا اديك اتسببت في موت البواب والله اعلم يا مارو مراتك كانت ممكن تبقى مكانه واظن اتأكدت اننا ممكن نوصلها في اي لحظه ابعد عن الموضوع يا مرتضى وحذاري سفيان ياخد خبر
مرتضى بعصبيه:انت يا زباله بتتشطر عليها بتتشطر عليها ومش عارف تقف قدامي راجل لراجل انت فاكر هسيبك ورحمه اهلي منا سايبك والطار اللي بيني وبينك بقى الضعف يا كارم
كارم قفل بغل
مرتضى شال علا وراح على البيت نيمها بهدوأ وحضنها بقلق:كنت ممكن اموت فيها يا علا انا مش متخيل حياتي من غيرك من غير وجودك في حياتي من غير ضحكتك اللي بتملى عليا الدنيا فرح من غير غيرتك انا حاسس اني تايهه فوقي يا قلبي وطمنيني زي كل مرة
علا كانت نايمه مش داريانه بأي حاجه ومرتضى حس بالقلق رغم الغل اللي ملى قلبه

#الأسيرة ♡بقلم/ندى محسن ♕Noody♕

غسان رابط دراعه وصالح رجله
كارم بغيظ:وربنا قرفان وانا قاعد وسطيكو وانتو واكلين سد الحنك كدا
صالح:يا نااااررري لو وقع تحت ايدي
كارم:الخطوه الجاية في الحلو التاني لما يشرف اما انا محضرلوا مفاجأه انما ايه هتعجبه اوي
غسان:اللي هي
كارم:هتعرفو في وقتها
غسان اتنهد:لما نشوف اخرتها معاك يا كارم
كارم ابتسم ومشي

#الأسيرة ♡بقلم/ندى محسن ♕Noody♕

فارس بيمسح دموعه
صهيب:انت لازم تعرف انه حبها فعلاً انا اكتر واحد عارف فرعون وعارف يعني ايه فرعون وقع في الحب
فارس غمض عينه بضيق:انا عايز اشوفها هو ليه مش عايزني امشي عايز اتطمن عليها
صهيب:عايزك تشوفه الأول بس اهم حاجه تكون هادي
(الأسبوع عدى وكل حاجه زي مهي سامر مش مدي فرصه لشاكر وعاصم بيحاول يقلل الخساير بس ضربه فرعون كانت في مقتل ليه كارم مستني ظهور سفيان ومرتضى بيطلع مجهوده في الشغل علشان ميفكرش لحد مسفيان يرجع)
علاء:انا عايز اتكلم معاك انت مش شايف انك زودتها شويه
سامر:يا بابا زودتها ف ايه بس
علاء:ازاي تبقى في اوضه ريفال لوقت متأخر زي دا
سامر:بابا انت بتقول ايه انت شاكك فيا.؟
علاء:لا ابدا يبني انا عارفك وحافظ تربيتك بس ابدآ مبشكش فيك بس دي مش اصول يا سامر دي مهما كانت بنت بردو ومش عايز حد يتكلم
سامر:مهو انت مش عارف الكلب اللي اسمه شاكر دا بيخوفها ازاي
علاء:تقول لأبوها انا مش عايز مشاكل مع سراچ
سامر اتنهد بضيق
ريفال قاعدة على السرير و الباب اتفتح فأبتسمت من غير متبص:ابيه تعالى اوريك اخر رسمه انا هفاجأك.
شاكر:وريني
ريفال اتنفضت ولفت بفزع
شاكر:الله ايه الخوف دا كله يا رورو
ريفال:انت هنا ليه
شاكر:تفتكري ليه علشان مش هيجي ابيه سامر يا حلوة
ريفال الخوف ملى قلبها
هنا:اعوذ بالله انت هنا
شاكر غمض عينه بضيق:بتعملي ايه هنا في الوقت دا
هنا:مش عارفه انام جيت انام مع ريفو عندك مانع وحتى لو عندك غور انت وهو من هنا يلاا اتكل
شاكر:احترمي نفسك ف الكلام معايا
هنا:بقولك ايه ملكش دعوة بيا ولا تحب الم البيت كله عليك وانت عارفني بقاا
شاكر مشي بغيظ
هنا:يلاا بقاا يا جميل ننام كويس ان سامر خلاني اجي ابات عندك بدل الحيوان دا ميفضل يضايقك علشان تساعديه يرجع نهلة
ريفال نامت بقلق

#الأسيرة ♡بقلم/ندى محسن ♕Noody♕

سفيان:يلاا يا روحي
نهلة:خلاص انا لبست ايه رأيك
سفيان لف لقاها لابسه الحجاب بصلها بإستغراب
نهلة ابتسمت:ايه مش كدا احلا ولا ايه مش عاجبك!!انا لقيتك جايب هنا فدا معناه ايه
سفيان ابتسم وحضانها:زي القمر زي البدر يا حياتي دي بجد احلا مفاجأه
نهلة ابتسمت:الغريبه اني لقيتهم عندك في الأوضه التانيه غير الهدوم اللي حضرتك قعدت تلبسني فيها
سفيان ضحك:اكيد عامل حسابي علشان اي ظروف بس ايه رأيك بذمتك مش كانوا حلوين
نهلة:حبيبي تاني مرا متنقيش هدوم بيتي ليا
سفيان ضحك وباس جبينها:تحبي نقعد شويه كمان انا لسه مشبعتش منك
نهلة:حبيبي انت مبتشبعش يلااا يا سفيان متهزرش انت سايب شغلك وحتى مرتضى زمانه تعب
سفيان:يلاا
ركبو الطياره وهي بصاله بحب:شكرا يا سفيان
سفيان طلع بالطياره:على ايه يا قلب سفيان
نهلة:الأسبوع دا كان احلا اسبوع في حياتي وكل يوم كان مفاجأه شكل انا بحبك
سفيان:وانا بعشقك يا روحي واياكي تفكري تبعدي عني فاهمه
نهلة ابتسمت:حاضر يا سفياني
سفيان ابتسم

#الأسيرة ♡بقلم/ندى محسن ♕Noody♕

نسمة خارجه من المطبخ خبطت في مصطفى
مصطفى:حاسبي
نسمه بإحراج:اسفه...
مصطفى سابها ودخل المطبخ
نسمه نادت:داده رحمه داده سعاد داده عليا انا جهزت الأكل
لفت لقت مصطفى باصصلها ببرود
نسمه رفعت حاجبها:في حاجه!!
مصطفى:محدش هنا راحو يشوفو عياده وليد
نسمه:اومال سايبني انادي ليه...استغفر الله العظيم الفطار جاهز لو عايز تاكل
مصطفى:هو انا هستناكي تقوليلي
نسمه:على فكرا انت مينفعش تتكلم كدا
مصطفى:انتي مين وايه حكايتك ماما حكتلي بس في حاجه مش مظبوطه
نسمة جت تطلع
مصطفى:بكلمك تقفي تسمعي يا بتاعه انتي
نسمه:انت شكلك مجنون بس انت غلطان انا نسمه ومش سهلة ابدآ العب بعيد يا شاطر
طلعت وهو باصص بصدمه:العب بعيد وشاطر!!!

#الأسيرة ♡بقلم/ندى محسن ♕Noody♕

سفيان دخل البيت وكلم مرتضى
مرتضى:انت بتستهبل يا سفيان دا كله مش هاين عليك تفتح تليفونك يا سفيان وسايب الدنيا بتولع
سفيان:عريس جديد بقااا انا في البيت وهموت اشوفك
مرتضى:يا برودك يا اخي انا جيلك
قفل وسفيان رفع حاجه:اتجنن ولا ايه دا
سمع صوت صويت نهلة جري على جوا شاف الأرض مليانه دم حضانها ودفن وشها في صدره
نهلة بخوف:ايه دا....ايه دا يا سفيان دا دم
سفيان قلبه وقع وجري ملقاش عليا خد التليفون واتصل واخيرآ ردت
عليا:سفيان حبيبي انت كويس
سفيان:داده انتي فين انتي كويسه
عليا:انا بخير يا حبيبي عند سعاد ورحمه تعالى علشان اشوفك
سفيان:حاضر حاضر خلي بالك من نفسك يا لولو
قفل وقلبه بيدق جامد ونهلة باصه للدم بخوف:دا دم سفيااان دم مين دا
رجع سفيان حضنها:اهدي بس يمكن مش دم ولا حاجه واقعه
نهلة:لا دم بص بص يا سفيان
سفيان شالها وطلع هداها ونيمها في السرير ونزل
مرتضى:حمدلله على السلامه
سفيان بص للدم ورفع حاحبه مستنيه يتكلم
مرتضى:اممم منت نايم في العسل
سفيان:مرتضى انت عارف مبحبش كدا اتكلم بوضوح
مرتضى حكاله اللي حصل وسفيان غمض عينه بغل
سفيان:وعلا عامله ايه
مرتضى:فاقت كانت منهارة لما حاولت تهرب منهم وهما خدروها دي اخر حاجه فكراها لو كان حصلها حاجه انا مكنتش هسامح نفسي يا سفيان
سفيان:اعدى الحمد لله انها بخير

#الأسيرة ♡بقلم/ندى محسن ♕Noody♕

چوليا:مين
:مرضيش يقول حاجه عايز يشوف حضرتك
چوليا:دخليه
خاطر دخل وهي اتصدمت وشاورت للسكرتيرة تخرج
چوليا وقفت:انت بتعمل ايه هنا يا حيوان انت
خاطر باصصلها وابتسم
چوليا بقرف:اخرج من هنا
خاطر:للدرجه دي بقيت غريب عنك
چوليا:انت انتهيت من حيااتي فاهم
خاطر:امممم ويا ترى مين دخل حياتك بقاا مرتضى
چوليا بصتله بصدمه
خاطر:فكراني هسيبك كدا من غير معرف تحركاتك وكام صوره اتبعتتلي ليكي معاه ها
وخرج صوره ومرتضى بيبوسها وهي اتصدمت وهو سحبها وهمس:حاجتي هترجع وخاطر هيقف على رجله من تاني بس مش هسيبك
چوليا زئته وضربته بالألم:انت اتجننت اخرج بدل مطلبلك الأمن
خاطر حط ايده على خده بغضب :هتندمي يا چوليا
چوليا:اخرج حالآ
خاطر خرج والغل مليه وچوليا حطت ايدها على قلبها وابتسمت:تبقى غلطان لو فاكر اني هتأثر بيك دا حتى محنش

#الأسيرة ♡بقلم/ندى محسن ♕Noody♕

نهلة:طب خدني معاك انا هخاف ابقى هنا
سفيان:خلاص تعالي هوديكي عند داده عليا تقعدي هناك واروح انا مشواري
نهلة ابتسمت:وانا هلبس بسرعه
سفيان ابتسم وجهزت بسرعه ومشيو
رحمه وسعاد حضنوه 
رحمه حضنتها:وحشتيني يا نهولة
سفيان بصلها وابتسم بحنان ونهلة ابتسمت وحضنتها وحضنت سعاد وعليا اللي كانت وحشاها
قعدو يتكلمو وسفيان استأذن
نهلة راحت عند البوابه تكلمه
سفيان:انا سايب حراس هنا ها متتحركيش الا لما اجي
نهلة:هستناك
سفيان باس جبينها وابتسم ومشي وهي دخلت
رحمة:ربنا يسعدكوا ويهدي سركوا يا رب
نهلة:امين يا رب
رحمة بحب:ويرزقكوا بالذرية الصالحة اميييين يا رب
مصطفى دخل:بتدعو على مين
نهلة ابتسمت
وليد دخل:اااه انا مصدقت كلت والله
وبص لنهلة:احم...اهلا وسهلا
نهلة:اهلآ
وليد:مش تعرفونا
سعاد:دي نهلة
وليد مد ايده بإعجاب يسلم عليها وهي اتحرجت وسلمت
مصطفى:اومال فين التانيه
سعاد:نامت شكلها تعبانه
نسمة نزلت:انا صاحيه يا دادة
سكتت لما شافت نهلة وبصتلها بأستغراب
نهلة:نسمه!!
نسمه ابتسمت:سفياان هنا!!!هو فين
عليا:راح مشوار وراجع
نسمة فرحتها كانت ظاهرة والكل فهم انها مستنياه ودا خلى نهلة اتضايقت
وليد كان مركز اوي مع نهلة بإعجاب لهدوئها وهي بتتجنب تبصله

#الأسيرة ♡بقلم/ندى محسن ♕Noody♕

فارس:شرفت انا عايز اخرج من هنا
سفيان:هتخرج بس احذرك لو نهلة عرفت حاجه وانت يا صهيب هتمسك رئاسه الحرس من تاني مش عايز اي مخلوق يهوب ناحيه قصر ارسلان منهم كارم وغسان والزباله التالت اللي معاهم
صهيب:امرك
سفيان:وانت تعالى معايا يا فارس
خده وراح على البيت واول مدخل نسمة جريت في حضنه ودموعها نزلت وهو طبطب عليها هو عارف اللي حصل ومرتضى حكاله كل حاجة
نسمه بدموع:انا عمري مخونتك يا سفيان ولا هعملها سفيان حبيبي انت كويس
سفيان بيمسح دموعها بحنان:طب متعيطيش انا كويس ومحدش هيأذيكي
نهلة كانت بصاله بضيق والغيرة قايده نار في قلبها
سفيان بيهدي نسمة
مصطفى في سره:ايه جو العشق الممنوع دا وبعدين نهلة نظرتها شويه كدا وهتاكلهم هي ممكن تكون....ينهار اسود مراته...الله عليك يا حضرة الرائد
وليد حط ايده على كتف نهلة:انتي كويسه
نهلة بصتله والدموع في عنيها
وليد:نهلة حصل حاجه في ايه طيب تعبانه
نهلة الدموع نزلت غصب عنها وليد مسح دموعها ملامحها البريئه شدته اوي
سفيان نسمة حضناه وعينه جات على نهلة وعلى وليد اللي بيلمس خدودها وهو اتصدم خصوصآ لما لقاها ساكته
وليد باس ايدها:اهدي طيب
سفيان بعد نسمة وراح سحبها بعنف:انت بتهبب ايه وازاي تحط ايدك عليها
وليد:سفيان في ايه...انت مالك بيها
سفيان لكمه جامد:دي مراتي يا زفت انت اتجننت
وليد بص بصدمه ومصطفى وقف قدامه وهو ميت ضحك:وحيات ابوك اهدى يا فرعون دا عيل يعني خلاص
سفيان سحب نهلة بعنف وخرج والدموع في عينها
فارس نزل من العربيه وابتسم وهي شافته اتفاجأت واترمت في حضنه وهو حضنها وعمال يبوسها بلهفه:يا قلب اخوكي وحشتيني
سفيان سحبها:خلي ليلتك تعدي انت كمان
فارس:انا اخوها على فكرا
سفيان:بلا اخوها بلا زفت اركب مع صهيب وانتي تعالي حسابك معايا
نهلة كانت ساكته ومتضايقه كانت مخنوقه اوي منه
وصلو شالها وطلع وبصوت عالي:مش عايز حد يقرب من الجناح فاهمين مهما يحصل
نهلة كانت متوتره بس كان عندها يقين انه مش هيأذيها واللي موترها انه متعصب
سفيان نزلها وقلع الكراڤته بضيق وبصلها وهي خدت بچامه من الدولاب ودخلت تغير وهو اتعصب اكتر من تجاهلها
خرجت سحبها جامد وهي اتألمت:انت اتجننت يا سفيان
سفيان بعصبيه:لا انا لسه هتجنن يا نهلة ازاي تسمحي لوليد يمد ايده يلمس وشك ويبوس ايدك انتي اتجننتي
نهلة:ملكش دعوة بيا يا سفيان
سفيان غصب عنه شد شعرها بعنف وبصراخ:بقولك ايه متعصبينيش انتي لسه مشوفتيش عصبيتي وانا متماسك معاكي فاهمه ازاي تسمحيله يلمسك
نهلة بدموع وعصبيه:انت ازاي تسمح لنفسك قدام مراتك تحضنها وتلمسها انت بس مش هنت نفسك انت هنتني يا سفيان ولما عيطت هو مسحلي دموعي
سفيان لوى دراعها جامد بقسوة:اي حد ايده تيجي عليكي مره تانيه انا هموتك فاهمه يا نهلة اللي انتي بتتكلمي عنها خسرت كل حاجة علشاني
نهلة بتعيط جامد بألم:سيبني يا سفيان
سفيان بعصبيه:فاهمه يا نهلة كلامي يتسمع
نهلة صوتت:سفيان سيبني بقااا مش قادره
سفيان:ردي هتتكرر تاني
نهلة مش قادره تتكلم وبتصوت بألم وهو سابها وزأها بعنف بس اتفاجأ بوقوعها وهي بتغيب عن الوعي
سفيان قلب رق وجري عليها بلهفه بيفوقها وشاف علامه صوابعه على درعها كلم صهيب
صهيب:نعم
سفيان:بسرعه جهز العربيه نهلة تعبانه
صهيب جري جهزها وسفيان لبس نهلة
فارس كان خايف اوي عليها من منظر سفيان اللي ميبشرش بالخير
سفيان نزل بنهلة وحطها في العربيه وهو جنبها الخوف مالي قلبه وبيهمسلها:طب انا اسف انا اسف بس متعاقبنيش بسكوتك دا حبيبتي بالله عليكي فوقي يا عمري فوقي يا نهلتي
سفيان هيتجنن عليها وفي اللحظه دي صهيب اتصدم:مفيش فرامل
سفيان بصدمه:يعني ايه مفيش فرامل
صهيب:مش عارف اقف مفيش فرامل
مشي وعربيات حاوطتهم وابتدى يتضرب عليهم نار وقلب سفيان بيتنفض على نهلة اللي بين ايده ونهلة بتبتدي تفوق وبصتله بعتاب وحزن وفجأه عربيه عماله تخبط فيهم من الجنب
سفيان طلع التليفون وكلم مرتضى وشرحله الوضع
صهيب بيمشي بسرعة وبيحاول يتحكم ف العربيه
نهلة بتعيط بخوف وتعب :سفيان ايه دا سفيان انا حاسه اني بموت و..وبطني وجعاني اوي
سفيان حضنها:متقلقيش اهدي متخافيش يا نهلتي
العربيه وقفت فجأه وصهيب اتصدم والعربيات حاوطتهم
صهيب قفل العربيه كويس:سفيان بيه دي مترتبه
سفيان حاضن نهلة لأول مره يبقى عنده نقطه ضعف وضرب النار شغال من كل ناحيه والعربيه خلاص هتنفجر وسفيان قلبه بيتنفض من الخوف عليها وهي دافنه راسها ف صدره وبتشهق وهي منهارة في العياط..........

🌸الى لقاء في حلقة اخرى🌸

#اشوفكوا_بكرا

اسئله الحلقه:-
خاطر وچوليا ممكن علقاتهم ترجع؟!خاطر هيسيب نهلة؟!مرتضى هيقدر يحتوي الموقف من غير خساير؟!سفيان ممكن يعمل ايه؟!